குஜராத்தில் பாஜகவுக்கு விழுந்த அடி, மிக நல்லது நாட்டுக்கு...

இதுவே தொடக்கமாக இருக்கட்டும்...
குஜராத் ராஜ்யசபா தேர்தலில் சாம, தான, பேத, தண்ட வழிமுறைகள் அத்தனையையும் பின்பற்றி வெற்றி மட்டுமே நோக்கம் என்று செயல்பட்டது மோடி-அமித்ஷாவின் பா.ஜ.க.
ஏன் மோடி-அமித்ஷா பா.ஜ.க என்றால், மற்ற இந்திய மாநிலங்கள் எப்படியோ, குஜராத்தில் இவர்கள் தான் பா.ஜ.க. இவர்கள் இன்றி ஓரணுவும் அசையாது. ஆட்சிச் சக்கரம் சுழலாது.
எதை எல்லாம் குஜராத்தில் நடைமுறைப் படுத்தி பார்த்தார்களோ, அதை எல்லாம் இந்தியா முழுதும் செயல்படுத்தி வெற்றி கண்டார்கள். குஜராத் அவர்களது சோதனை களம் ஆனது.
மூன்று முறை குஜராத் முதல்வராக கட்சியில் கையாண்ட முறையை தான், பிரதம வேட்பாளராக மோடி அறிவிக்கப்படும் போதும் கையாண்டார்கள். பிரதமர் வேட்பாளர் ஆனார் மோடி.

குஜராத் .. 14 எம் எல் ஏக்கள் கட்சியை விட்டு நீக்கிய காங்கிரஸ் ... ராஜ்யசபா தேர்தலில் பாஜகவுக்கு விலை போனார்கள்..

ராஜ்யசபா தேர்தலில் மாற்றி ஓட்டு போட்ட 14 குஜராத் எம்எல்ஏக்கள்.. அதிரடியாக சஸ்பெண்ட் செய்த காங். Veera Kumar Oneindia Tamil டெல்லி: குஜராத்தில் நடந்து முடிந்த ராஜ்யசபா தேர்தலில் கட்சி மாறி ஓட்டு போட்ட காங்கிரஸ் எம்எல்ஏக்கள் 14 பேர் 6 வருடங்களுக்கு சஸ்பெண்ட் செய்யப்பட்டுள்ளனர். குஜராத் மாநிலத்தில் 3 ராஜ்யசபா காலியிடங்களுக்கு நேற்று நடைபெற்ற தேர்தலில், சார்பில் அமித்ஷா, ஸ்மிருதி இரானி வெற்றிபெற்றனர். காங்கிரசின் அகமது படேல் வெற்றி பெற்றார்.  அதேநேரம், காங்கிரஸ் எம்எல்ஏக்கள் இரண்டுபேர் மாற்றி ஓட்டு போட்ட விவரத்தை வெளிப்படையாக கூறினர். இதையடுத்து காங்கிரஸ் கட்சி சார்பில் தேர்தல் ஆணையத்திடம் புகார் அளித்ததால் அவ்விருவர் வாக்குகளும் செல்லாது என அறிவிக்கப்பட்டது.

ஏரியைப் பார்வையிட ஸ்டாலினுக்கு அனுமதி!

சேலம் கச்சராயன் ஏரியைப் பார்வையிடுவதற்கு ஸ்டாலினுக்கு அனுமதி அளித்து சென்னை உயர் நீதிமன்றம் உத்தரவிட்டுள்ளது.
சேலம் மாவட்டம் எடப்பாடி தொகுதியில் உள்ள கச்சராயன் ஏரியைத் திமுக-வினர் தூர்வாரினர். அந்த ஏரியை ஸ்டாலின் பார்வையிட வருவதற்கு அதிமுக-வினர் எதிர்ப்பு தெரிவித்து போராட்டம் நடத்தினர். அதைத் தொடர்ந்து, சேலம் மாவட்டம் எடப்பாடி தொகுதியில் உள்ள கச்சராயன் ஏரியைப் பார்வையிட்டு பின்னர் சேலத்தில் நடக்கவிருந்த மனிதச் சங்கிலி போராட்டத்தில் பங்கேற்க கடந்த வாரம் ஸ்டாலின் திட்டமிட்டிருந்தார். ஆனால், ஏரியைப் பார்வையிடுவதற்கு காவல்துறை அனுமதி மறுத்தது. அதையடுத்து, ஏரியை ஸ்டாலின் பார்வையிட போலீஸ் தடுப்பதாக சென்னை உயர் நீதிமன்றத்தில் ஸ்டாலின் சார்பில் மூத்த வக்கீல் என்.ஆர்.இளங்கோ மனு தாக்கல் செய்தார். மனுவை விசாரித்த நீதிபதி துரைசாமி ஸ்டாலினுக்கு அனுமதி வழங்கினார்.

கதிராமங்கலம் போராளிகளுக்கு பிணை வழங்கியது உயர்நீதிமன்றம்!

கதிராமங்கலத்தில் ஓ.என்.ஜி.சி. நிறுவனத்துக்கு எதிரான போராட்டத்தில் ஈடுபட்ட பேராசிரியர் ஜெயராமன் உள்பட 8 பேருக்கு நேற்று ஆகஸ்ட் 8ம் தேதி சென்னை உயர் நீதிமன்ற மதுரை கிளை நிபந்தனை ஜாமீன் வழங்கி உத்தரவிட்டுள்ளது.
தஞ்சாவூர் மாவட்டம், கதிராமங்கலத்தில் ஓ.என்.ஜி.சி. நிறுவனம் கச்சா எண்ணெய் துரப்பணக் கிணறு அமைத்து செயல்பட்டுவருகிறது. இங்கு எடுக்கும் கச்சா எண்ணெய் பூமியில் குழாய்கள் பதிக்கப்பட்டு அதன் வழியாக குத்தாலத்தில் உள்ள கச்சா எண்ணெய் சுத்திகரிப்பு நிலையத்துக்கு கொண்டு செல்லப்படுகிறது.
கதிராமங்கலத்தில் அமைக்கப்பட்டுள்ள கச்சா எண்ணெய் கிணறால் நிலத்தடி நீர் பாதிக்கப்பட்டுள்ளது என்றும் கச்சா எண்ணெய் கசிவால் விளைநிலங்கள் பாழாகிறது என்றும் கிராம மக்கள் புகார் தெரிவித்துவந்தனர்.

குழந்தைகள் முகத்தில் ’சீல்’ வைத்த சிறை அதிகாரிகள்!

மத்தியப் பிரதேசத்தில் சிறையில் உள்ள தந்தையைப் பார்க்கச் சென்ற குழந்தைகளின் முகத்தில் அதிகாரிகள் சீல் வைத்துள்ள சம்பவம் அதிர்ச்சியை ஏற்படுத்தியுள்ளது.
மத்தியப் பிரதேச மாநிலம் போபாலில் மத்திய சிறைச்சாலை அமைந்துள்ளது. இதில் அடைக்கப்பட்டுள்ள கைதிகளைக் காண வரும் உறவினர்களை உள்ளே அனுமதிப்பதற்காகச் சிறையின் வாசலில் அவர்களுக்குச் சிறையின் முத்திரை அச்சடிக்கப்பட்ட டோக்கன் வழங்கப்படும்.
சிறையில் உள்ள தந்தையைப் பார்ப்பதற்காக இரு குழந்தைகள் நேற்று முன்தினம் (ஆகஸ்ட் 7) அங்கு சென்றுள்ளனர். அப்போது அவர்களை உள்ளே அனுமதிப்பதற்கு முன்னர் அவர்களின் முகத்தில் சிறை அதிகாரிகள் அடையாள சீல் வைத்துள்ளதாகக் கூறப்படுகிறது. முகத்தில் சீல் வைக்கப்பட்ட குழந்தைகளின் புகைப்படங்கள் ஊடகங்களில் வெளியாகிப் பரபரப்பை ஏற்படுத்தியுள்ளது. பலரும் இந்தச் சம்பவத்திற்கு கண்டனம் தெரிவித்துள்ளனர். பிஞ்சுக் குழந்தைகளின் முகத்தில் சீல் வைத்துள்ளது மனிதாபிமானமற்ற செயல் என்றும் தெரிவித்துள்ளனர்.

ஸ்டாலினுக்கு திருமாவளவன் அழைப்பு .. விடுதலை சிறுத்தைகளின் மாநில சுயாட்சி மாநாட்டில் ஸ்டாலின்

விடுதலைச் சிறுத்தைகள் கட்சி நடத்தும் மாநில சுயாட்சி மாநாட்டில் கலந்துகொள்ள வேண்டுமென திமுக செயல்தலைவர் ஸ்டாலினுக்கு, விசிக தலைவர் திருமாவளவன் அழைப்பிதழ் வழங்கினார்.
கடந்த 2009 நாடாளுமன்றத் தேர்தலிலிருந்து திமுக கூட்டணியில் இருந்துவந்த விடுதலைச் சிறுத்தைகள் கட்சி, கடந்த சட்டமன்றத் தேர்தலின்போது, அதிலிருந்து விலகி மக்கள் நலக் கூட்டணியில் இடம்பெற்றிருந்தது. ஆனால் தேர்தலில் மக்கள் நலக் கூட்டணி படுதோல்வியடைந்ததைத் தொடர்ந்து கூட்டணியிலிருந்து ஒவ்வொரு கட்சியாக வெளியேறின.

யுனெஸ்கோ அதிர்ச்சி ! தமிழரின் வரலாற்று அடையாளங்களான கோவில்கள் சிதைப்பு .

தமிழக அரசு மேற்கொண்ட கோயில் பாதுகாப்புப் பணிகளால் வரலாற்று முக்கியத்துவம் வாய்ந்த கோயில்களின் ஸ்திரத்தன்மை மிகவும் பாதிக்கப்பட்டுள்ளதாக யுனெஸ்கோவின் உண்மை கண்டறியும் குழு சென்னை உயர் நீதிமன்றத்தில் தெரிவித்துள்ளது.
தமிழகத்தில் உள்ள ஆயிரம் ஆண்டுகள் பழைமையான கோயில்களை யுனெஸ்கோ ஆய்வுசெய்துவருகிறது.
இந்நிலையில்,யுனெஸ்கோ வெளியிட்டுள்ள ஜூலை மாத அறிக்கையில் தமிழ்நாடு அறநிலையத் துறை பல்வேறு விதிகளை மீறியுள்ளதாகவும், பல கோயில்கள் சிதைக்கப்பட்டுள்ளதாகவும் தெரிவித்துள்ளது.
கடந்த மே மாதம் முதல் ஜூன் மாதம் வரை யுனெஸ்கோவின் உண்மை கண்டறியும் குழு மதுரை மீனாட்சியம்மன் கோயில், திருநெல்வேலி நெல்லையப்பர் கோயில், வனமாமலை பெருமாள் கோயில், நாமக்கல் மருதகாளியம்மன் கோயில், கும்பகோணம் நாகேஸ்வர ஸ்வாமி கோயில், மானம்பாடி நாகநாதசாமி கோயில், சென்னை பழவேற்காடு ஆதி நாராயண பெருமாள் கோயில், திருவண்ணாமலை அருணாச்சலேஸ்வரர் கோயில், திருச்சி ஸ்ரீரங்கம் ரங்கநாதசுவாமி கோயில், காஞ்சிபுரம் காமாட்சியம்மன் கோயில் உள்ளிட்ட பத்துக் கோயில்களை ஆய்வுசெய்தனர். அது குறித்த விரிவான விளக்கங்களை நேற்று முன்தினம் (ஆகஸ்ட் 7) வெளியிட்டுள்ளனர்.

தம்பிதுரையின் தமிழ் பேச்சுக்கு இந்தி எம்பிக்கள் கூச்சல் .. நாடாளுமன்றத்தில்

புதுதில்லி: நாடாளுமன்ற நிகழ்வு ஒன்றில் துணை சபாநாயகரும் அதிமுக உறுப்பினருமான தம்பிதுரை தமிழில் பேசியதற்கு, மற்ற எம்பிக்கள் எதிர்ப்பு தெரிவித்ததால் சர்ச்சை எழுந்துள்ளது. ஆங்கிலேயர் ஆட்சிக்காலத்தில் இந்தியா இருந்த பொழுது, அவர்களை எதிர்த்து நடந்த போராட்டங்களில் 1942-ஆம் ஆண்டு நடந்த 'வெள்ளையனே வெளியேறு' போராட்டம் மிகவும் முக்கியமானது. அந்த போராட்டத்தின் 75-ஆவது ஆண்டு விழா நாடாளுமன்றத்தில் இன்று கொண்டாடப்பட்டது. இந்த நிகழ்வில் பிரதமர் மோடி உரையாற்றினார். அதனைத் தொடர்ந்து மக்களவை துணை சபாநாயகரும், அதிமுக எம்பியுமான தம்பிதுரை உரையாற்றத் துவங்கினார். அவர் தனது உரையினைத் தமிழில் துவங்கியதால், அதற்கு மற்ற எம்பிக்கள் கடும் எதிர்ப்பு தெரிவித்து கூச்சல் எழுப்பினர். இதனைத் தொடர்ந்து அவர் தனது உரையினை ஆங்கிலத்தில் தொடர்ந்தார்.dinamani

மழைநீரை கடலுக்குள் விடுவாங்களாம் அப்புறம் கடல்நீரை குடிநீராக மாற்றுவார்களாம்!

கடல்நீரை குடிநீராக்க ரூ.1000 கோடி மதிப்பீட்டில் திட்டம் செயல்படுத்தப்படும்: முதலமைச்சர் பழனிசாமி 
விழுப்புரம்: கடல்நீரை குடிநீராக்க ரூ.1000 கோடி மதிப்பீட்டில் திட்டம் செயல்படுத்தப்படும் என முதலமைச்சர் எடப்பாடி பழனிசாமி தெரிவித்துள்ளார். விழுப்புரத்தில் ரூ.198 கோடி மதிப்பீட்டில் பாதாள சாக்கடைத் திட்டம் நிறைவேற்றபடும் எனவும் கூறியுள்ளார். மக்கள் நலனுக்காகவே மத்திய அரசுடன் இணைந்து செயல்படுகிறோம் என முதலமைச்சர் எடப்பாடி பழனிசாமி தெரிவித்துள்ளார்.தினகரன்

அதிர்ந்தது மும்பாய் ... 10 லட்சம் பேர் ஊர்வலம் மகராஷ்டிரா மராத்தியர்களுக்கே முன்னுரிமை!

மராத்தியர்களுக்கே முன்னுரிமை கோரி 10 லட்சம்பேர் பேரணி! இந்தி மொழி என்று பாஜக ஆர்ப்பாட்டம் செய்யும் நிலையில் அந்த கட்சி ஆளும் மகாராஸ்டிரா மாநிலத்தில் 10 லட்சத்திற்கு மேற்பட்டோர் திரண்ட மராத்தியர்கள் பேரணி பிரமாண்டமாய் நடந்து முடிந்திருக்கிறது. மராத்தா மராத்தியர்களுக்கே என்ற முழக்கத்தோடு மும்பையில் நடைபெற்ற இந்த பேரணியில் வேலைவாய்ப்பு, கல்வி ஆகியவற்றில் மராத்தியர்களுக்கே முன்னுரிமை வழங்க வேண்டும் என்று வலியுறுத்தப்பட்டது. இந்த ஆண்டு முழுவதும் மகாராஸ்டிராவில் 57 முறை பல்வேறு பகுதிகளில் இந்தக் கோரிக்கையை வலியுறுத்தி மராத்திய மக்கள் போராட்டம் நடத்தியிருக்கிறார்கள். 58 வது பேரணியாக மும்பையில் இந்த பிரமாண்டமான பேரணியை நடத்தியிருக்கிறார்கள். மகாராஸ்டிராவில் வெளிமாநிலத்தவர் ஆக்கிரமிப்பு அதிகமாக இருக்கிறது. கல்வி வேலை வாய்ப்பில் அவர்களுக்கே முன்னுரிமை கிடைக்கிறது என்று ஆர்ப்பாட்டக்காரர்கள் வெளிப்படுத்தினார்கள். இந்தப் பேரணியில் பெரும்பாலும் அமைப்புசாரா தொழிலாளர்களும், கிராமப்புற தொழிலாளர்களும் பங்கேற்றார்கள். சிவசேனா பாஜக ஆளும் இந்த மாநிலத்தில் சிவசேனாவும் பாஜகவும் வைத்திருந்த போஸ்டர்களையும் பேனர்களையும் ஊர்வலத்தில் வந்தவர்கள் கிழித்து எறிந்தனர். நக்கீரன்

BBC : தன்யா ராஜேந்திரன் மீது விஜய் ரசிகர்கள் சமுகவலையில் கடும் விமர்சனம்!

நடிகர் விஜய்யின் திரைப்படங்கள் குறித்தும் அவரது நடிப்பு குறித்தும் டிவிட்டரில் கருத்துத் தெரிவித்த தி நியூஸ் மினிட் பத்திரிகையின் ஆசிரியர் தன்யா ராஜேந்திரன் மீது டிவிட்டரில் ஆபாச சொற்களால் தாக்குதல் நடத்தியவர்கள் மீது காவல்துறை வழக்குப்பதிவு செய்துள்ளது
;கடந்த ஆகஸ்ட் 4ஆம் தேதியன்று, ஷாருக்கான் நடித்த ’When Harry met Sejal’ படம் குறித்து தனது கருத்தை தன்யா டிவிட்டரில் தெரிவித்தபோது, "விஜய்யின் சுறா படத்தை இடைவேளை வரை பார்த்தேன்; அதற்குப் பிறகுதான் எழுந்து வெளியில் வந்தேன். ஆனால், #Whenharrymetsejal அந்த சாதனையை முறியடித்துவிட்டது. இடைவேளைவரைகூட பார்க்க முடியவில்லை" என்று குறிப்பிட்டிருந்தார்.
அவரது இந்த டிவீட், ஷாருக்கானின் படம் குறித்ததாக இருந்தாலும் விஜய்யின் படமும் அதில் கேலி செய்யப்பட்டிருப்பதால் ஆத்திரமடைந்த விஜய்யின் ரசிகர்கள் அவரை டிவிட்டரில் திட்டத் துவங்கினார்கள்.

2 வகையான 500 மற்றும் 2000 ரூபாய் நோட்டுகள் அச்சடித்து மிகப்பெரிய மோசடி!” : காங்கிரஸ்

 ரகசியமாக 2 வகையான 500 ரூபாய் மற்றும் 2000 ரூபாய் நோட்டுகளை அச்சடித்து நூற்றாண்டின் மிகப்பெரிய ஊழலில் பாஜக ஈடுபட்டுள்ளதாக காங்கிரஸ் குற்றம்சாட்டியுள்ளது. நாடாளுமன்றத்தில் பேசிய காங்கிரஸ் கட்சியின் மூத்த தலைவர்களில் ஒருவரான கபில்சிபில் மத்திய அரசின் பண மதிப்பிழப்பு நடவடிக்கை குறித்து அடுக்கடுக்கான புகார்களை தெரிவித்தார். 500 ரூபாய் நோட்டு மாதிரிகளின் படங்களுடன் வந்திருந்த அவர், அவற்றை சபாநாயகர் மற்றும் சக உறுப்பினர்களிடம் காட்டி, “பணமதிப்பிழப்பு நடவடிக்கையை ஏன் மத்திய அரசு மேற்கொண்டது என்று இன்று நாங்கள் கண்டறிந்துள்ளோம். ரிசர்வ் வங்கி இருவகையான 500 ரூபாய் நோட்டுகளை இருவேறு அளவுகள் மற்றும் டிசைன்களில் வெளியிட்டுள்ளது” என்று குற்றம்சாட்டினார். பண மதிப்பிழப்பு நடவடிக்கையும், இரு அளவுகளில் 500 ரூபாய் நோட்டுகளை அச்சடித்து நூற்றாண்டின் மிகப்பெரிய ஊழல் செய்யப்பட்டுள்ளதாக கபில்சிபில் குற்றம்சாட்டியதை அடுத்து நாடாளுமன்றத்தின் மாநிலங்களவையில் எதிர்க்கட்சி உறுப்பினர்கள் அமளியில் ஈடுபட்டனர்.

தளர்வுற்ற மாநில அரசுகள், திமிர்பிடித்த மத்திய அரசுகள் என தொடர்ந்தால்

சாந்தி நாராயணன்: தன் கட்சியின் அதிகாரம் அனைத்தையும் ஒற்றை புள்ளியில் குவித்துவைத்ததின் விளைவை,
இன்று அடுத்தகட்டம் நகர இயலாமல் தேங்கிக்கிடப்பதின் மூலம்,
அனுபவித்து வருகிறது காங்கிரஸ் .அதிகாரம் கையில் இருந்த போது, தனது கட்சி மாநில ஆளுமைகள் மீதும்,கூட்டணியில் உள்ள பிற மாநிலக்கட்சிகள் மீதும் நாட்டாமைத்தனம் செய்த காரணம்,அதிகாரங்கள் அனைத்தும் யாரோ அனுபவிக்க தான் ஏன் உழைக்க வேண்டும் என்று காங்கிரசின் மாநில தலைமைகள் இயல்பிலே சோர்வுற்றுவிட்டன.காங்கிரசின் நிகழ்கால நிலை, துணைக்கண்டத்திற்கு வருகிற நாள் அதிகம் இல்லை. தொடர்ந்து நடுவண் அரசு எடுத்துக்கொள்கிற மாநிலத்தின் உரிமைகள்மாநில அரசுகளை ரப்பர் ஸ்டாம்புகளாக்கும்.மக்களின் உணர்வுகள்,தேவைகள் புரிந்திருந்தும் மாநிலக்கட்சிகள் ஊக்கமின்றிச் செயல்படும்.கூட்டாச்சித் தத்துவம் உடையும் , பொம்மை மாநில அரசுகள் அமையும்.விளைவு பாசிஸ்டுகள் கையில் தொடர்ந்து அதிகாரம் சென்றடையும்.தளர்வுற்ற மாநில அரசுகள், திமிர்பிடித்த மத்திய அரசுகள் என தொடர்ந்தால் துண்டுகளாகும் இந்தியம்.

ஒரு புள்ளியாய் தெரிகிறது அந்த நாட்கள் இன்றே !

அதென்ன தமிழ் பிராமி எழுத்து ? - ஒரு வரலாற்று மோசடி..!!!

Thagadoor Sampath

28-10-2012 ஆம் நாளிட்ட ஆங்கில ஏடான இந்து நாளிதழில் வந்திருந்த ஒரு கட்டுரை.
தலைப்பு : “POTSHRED WITH TAMIL-BRAHMI SCRIPT FOUND IN OMAN”.
அதாவது ஓமன் நாட்டில் கண்டெடுக்கப்பட்ட ஓட்டுச்சில்லில் தமிழ்-பிராமி எழுத்துக்கள் என்பது அதன் பொருள்.
இதைப்பற்றி இந்துவின் இணையதள இதழிலும் வந்தது. இந்தச் செய்தி உண்மையிலேயே தமிழின் தொன்மையையும் தமிழர்கள் கடல் கடந்து மிகப்பழங்காலத்திலேயே பல நாடுகளில் தங்கள் குடியேற்றத்தைச் செய்து கால் பதித்து கலாச்சாரத்தைப் பதித்திருக்கிறார்கள் என்பது ஒவ்வொரு தமிழனும் நெஞ்சு நிமிர்த்தி பெருமை கொள்ளத்தக்கது.
மேற்கூறிய செய்திகளில் தெரிய வருவது நம்மை அதிசயத்தில் உறைய வைக்கிறது. இப்படிப்பட்ட தமிழ் எழுத்துக்கள் தாங்கிய ஓட்டுச்சில்லுகள் மத்தியத் தரைக் கடலின் மேற்குப்பகுதியான எகிப்து முதல் கிழக்குப்பகுதியில் தாய்லாந்து, வியட்நாம் போன்ற நாடுகள் வரை பல்வேறு இடங்களில் கிடைக்கின்றன என்றும் இதற்கான செய்திகள் அவ்வப்போது இந்து நளிதழ் உட்பட பல்வேறு மேலை நாட்டு செய்தித்தாள்களிலும் வெளிவந்திருக்கின்றன.
அடடா! “யாதும் ஊரே யாவரும் கேளிர்!” என்று தமிழன் சும்மா பாட்டாக மட்டும் பாடி வைக்கவில்லை.! ஓட்டிலும் எழுதி பல நாடுகளில் ஒட்டி வாழ்ந்திருக்கிறான் என்பது எவ்வளவு பெருமைபடத்தக்க செய்தி!

ராஜ்யசபா அகமது பட்டேல் வெற்றி .. பாஜகவின் தில்லு முல்லுகள் தகர்ந்தது எப்படி?

குஜராத் மாநிலத்தில் இருந்து ராஜ்யசபாவுக்கு 3 எம்.பி.க்களை தேர்வு செய்வதற்கான தேர்தல் குஜராத் சட்டசபையில் செவ்வாய்க்கிழமை நடைபெற்றது. பாஜக சார்பில் அதன் தேசிய தலைவர் அமித்ஷா, மத்திய அமைச்சர் ஸ்மிருதி இரானி, சமீபத்தில் காங்கிரசில் இருந்து விலகி பாஜகவில் இணைந்த பல்வந்த்சிங் ராஜ்புத் ஆகியோரும், காங்கிரஸ் சார்பில் சோனியா காந்தியின் அரசியல் செயலாளர் அகமது பட்டேலும் போட்டியிட்டனர். 3 இடங்களுக்கு 4 பேர் போட்டியிடுவதால் பெரும் பரபரப்பு தொற்றிக்கொண்டது.
சோனியாவின் வலதுகரம் என அழைக்கப்படும், அகமது பட்டேலை தோற்கடிக்க பாஜக தீவிர முயற்சி மேற்கொண்டது. இந்த தேர்தலில் குறைந்தபட்சம் 44 எம்.எல்.ஏ.க்களின் ஆதரவு இருந்தால் போதும் ஒரு எம்பியை தேர்ந்தெடுத்துவிட முடியும்.

கடக்க இயலாத நதிகள் நாங்கள்.. மலையக மக்களின் உழைப்பால்தான் இலங்கை ....

மலையகத்தை சீண்டும் யாழ்ப்பாண புலம்பெயர் வெள்ளாளசாதி தமிழன் ஒருவன்
Esther Nathanie: அண்மையில் ஒரு ஈழத்தமிழர் ஒருவர் மலையக மக்களை வெகு கேவலமாக திட்டி பேசியிருந்தார். அதை பார்த்து நான் மிகுந்த மன உளைச்சலுக்குள்ளானேன் என்னையும் மீறி அழுதுவிட்டேன் .
மலையக பெண்களையும் மலையக  வாழ்க்கையையும் அவர் மிக கேவலமாக  பேசி ஒரு youtube இல் வெளியிட்டார்,
இன்று இந்தியாவில் பார்த்தீர்கள் என்றால் ஒரு காதலர்களை நிர்வாணமாக அழைத்து சென்றார்கள் காரணம் அவர்களின் சாதி வெறி , அதே வெறியை இந்த ஈழத்தமிழர் காட்டியுள்ளார்.  அவர் வெள்ளாளராம் விவசாயியாம் நாங்க பறையன் பறச்சியாம் , இது  சாதி வெறியின் உச்சமே .
மலையக மக்களின் துன்பமே அவர்களுக்கான அடிப்படைவசதி இல்லாமைதான்.
இன்றுவரை அவர்களின் துன்பம் குறையவேயில்லை.
நாங்கள் என்றுமே நீ யாழ்ப்பாணம் நீ மட்டக்களப்பான் என்று பிரித்ததேயில்லை,  சிங்களவர்கள்தான் இனவாதத்தால் கொல்கிறார்கள் என்றால் நீங்க எங்களை தீண்டத்தகாதவர்களாவே பார்க்கிறீர்கள்.
மலையக மக்களின உழைப்பால்தான் இந்த இலங்கை தள்ளாடாமல் நிற்கிறது.   இன்று இப்படி சாதிவெறி பிடித்தவன் என்றால் முன்னர் எங்களை எவ்வாறு நசுக்கி இருப்பீர்கள்?

ராஜ்ய சபா தேர்தல் காங்கிரஸ் அகமது பட்டேல் வெற்றி !.பாஜக மோசடிக்கு மரண அடி!

Gandhinagar / New Delhi: Senior Congress leader Ahmed Patel has been re-elected to the Rajya Sabha from Gujarat after a tense election, the ...
tamil.oneindia.com/authors/veerakumaran. டெல்லி: குஜராத் மாநிலத்தில் இருந்து ராஜ்யசபாவுக்கு 3 எம்.பி.க்களை தேர்வு செய்வதற்கான தேர்தல் குஜராத் சட்டசபையில் செவ்வாய்க்கிழமை நடைபெற்றது.
பாஜக சார்பில் அதன் தேசிய தலைவர் அமித்ஷா, மத்திய அமைச்சர் ஸ்மிருதி இரானி, சமீபத்தில் காங்கிரசில் இருந்து விலகி பாஜகவில் இணைந்த பல்வந்த்சிங் ராஜ்புத் ஆகியோரும், காங்கிரஸ் சார்பில் சோனியா காந்தியின் அரசியல் செயலாளர் அகமது பட்டேலும் போட்டியிட்டனர். இடங்களுக்கு 4 பேர் போட்டியிடுவதால் பெரும் பரபரப்பு தொற்றிக்கொண்டது. சோனியாவின் வலதுகரம் என அழைக்கப்படும், அகமது பட்டேலை தோற்கடிக்க பாஜக தீவிர முயற்சி மேற்கொண்டது.
இந்த தேர்தலில் 45 எம்.எல்.ஏ.க்களின் ஆதரவு இருந்தால் போதும் ஒரு எம்பியை தேர்ந்தெடுத்துவிட முடியும். கட்சிகளின் எம்எல்ஏக்கள் பலத்தின் அடிப்படையில் அமித்ஷா, இரானி, அகமது பட்டேல் ஆகிய மூவரும் எளிதாக வெற்றி பெற்றுவிட முடியும். பாஜகவுக்கு 121 எம்.ஏ.க்களும், காங்கிரசுக்கு 51 எம்.எல்.ஏ.க்களும் உள்ளதால் அது சாத்தியப்படும் என கருத்து இருந்தது.
ஆனால் சில வாரங்களுக்கு முன்பு குஜராத் மாநில காங்கிரசின் மூத்த தலைவரும், சட்டசபை எதிர்க்கட்சி தலைவருமான சங்கர்சிங் வகேலா அக்கட்சியில் இருந்து ராஜினாமா செய்தார். மேலும், அவருக்கு ஆதரவாக 6 எம்.எல்.ஏ.க்கள் பதவியை ராஜினாமா செய்து பாஜகவில் சேர்ந்தனர். இதனால் சட்டசபையின் மொத்த எம்.எல்.ஏ.க்களின் எண்ணிக்கை 182ல் இருந்து 176 ஆகவும் காங்கிரசின் பலம் 51 ஆகவும் குறைந்துபோனது. அவர்களை தக்க வைக்க பெங்களூர் அருகேயுள்ள ரிசார்ட்டுக்கு காங். மேலிடம் அழைத்துச் சென்றது.

சீனாவில் 6.5 ரிச்டர் அளவு நிலநடுக்கம் 193 பேர் மரணம் Death toll rises to 193 from China's 6.6

Amudhavalli Oneindia Tamil சிச்சுவான்: சீனாவின் சிச்சுவான் மாகாணத்தில் சக்தி வாய்ந்த நிலநடுக்கம் இன்று ஏற்பட்டுள்ளது. இதில் 100க்கும் மேற்பட்டோர் பலியாகியுள்ளனர். சீனாவில் சிச்சுவான் மாகாணத்தில் திடீரென இன்று நிலநடுக்கம் ஏற்பட்டது. நிலநடுக்கத்தின் அளவு ரிக்டர் அளவுகோலில் 7 ஆகப் பதிவாகியுள்ளது. சக்தி வாய்ந்த இந்த நிலநடுக்கத்தால் கட்டிடங்கள் இடிந்து விழுந்துள்ளன.இந்த இடிபாடுகளில் சிக்கி,  193 க்கும் மேற்பட்டோர் பலியாகியுள்ளதாக தகவல்கள் வெளியாகியுள்ளன. நிலநடுக்கம் சக்திவாய்ந்ததாக இருப்பதால் மேலும் பலி எண்ணிக்கை அதிகரிக்கக் கூடும் வாய்ப்பு இருப்பதாக அஞ்சப்படுகிறது. இந்த நிலநடுக்கத்தில் சிக்கி, 1000க்கும் மேற்பட்டோர் படுகாயம் அடைந்துள்ளனர். இடிபாடுகளில் சிக்கியவர்களை மீட்கும் பணி தீவிரமாக நடைபெற்று வருகிறது.

சகாயத்துக்கு கொலை மிரட்டல் .. ஆளுங்கட்சி பின்னணியா?

Special Correspondent FB Wing :தொடர் கொலை மிரட்டல்கள் ஆளும்கட்சி பின்னணியா ?  தற்போது நடைபெறும் அதிமுக ஆட்சியில்த னக்கு கொலை மிரட்டல் வருவதாக சகாயம் ஐ.ஏ.எஸ்., சென்னை உயர்நீதிமன்றத்தில் புகார் கூறியுள்ளார்.
கிரானைட் முறைகேடு குறித்து சென்னை உயர்நீதிமன்ற உத்தரவுப்படி சகாயம் ஐ.ஏ.எஸ்., தலைமையில் விசாரணை நடந்தது. இக்குழு தனது விசாரணை முடித்து அறிக்கையை தாக்கல் செய்துள்ளது.
இந்நிலையில் இன்று சகாயம் உயர்நீதிமன்றத்தில் தாக்கல் செய்த மனுவில், கிரனைட் முறைகேடு வழக்கு விசாரணை தொடர்பான கோப்புகளை உயர்நீதிமன்ற பதிவாளரிடம் ஒப்படைக்க மேலும் ஒரு மாத கால அவகாசம் கோரியுள்ளார்.

குஜராத் மாநிலங்கள் அவை தேர்தல் ... மத்திய அமைச்சர்கள் தேர்தல் ஆணையத்தை முற்றுகை ...

புதுடில்லி: மிகுந்த பரபரப்புடன் குஜராத் ராஜ்யசபா தேர்தல் இன்று நடந்து முடிந்தாலும் ஓட்டு எண்ணிக்கை தாமதம் ஏற்பட்டுள்ளது. முன்னதாக தேர்தல் ஆணையத்திடம் காங்., பா.ஜ.வினர் மாறி மாறி புகார் கூறி வருகின்றனர்.
இதையடுத்து காங். சார்பில் பிரதிநிதிகளும், பா.ஜ. சார்பில் மத்திய அமைச்சர் அருண்ஜெட்லி, ரவிசங்கர்பிரசாத், நிர்மலா சீத்தாராமன் உள்ளிட்டோரும் டில்லி தலைமை தேர்தல் அலுவலகத்தில் குவிந்துள்ளனர்.
ஓட்டு எண்ணிக்கை தாமதம்
குஜராத் மாநிலத்தில் காலியாக உள்ள மூன்று ராஜ்யசபாவுக்கு பா.ஜ. சார்பில் அமித்ஷா, ஸ்மிருதி இராணி ஆகியோரும், காங். சார்பில் அகமது பட்டேலும் போட்டியிடுகின்றனர்.. இதில் அகமது பட்டேலை தோற்கடிக்க பா.ஜ. வியூகம் வகுத்தது. இதன்படி காங். எம்.எல்.ஏ.க்கள் அடுத்தடுத்து பா.ஜ.விற்கு தாவினர்.
காங். வேட்பாளரான அகமது பட்டேல் வெற்றி பெற 46 எம்.எல்.ஏ.க்கள் தேவை என்பதால் எஞ்சியுள்ள இக்கட்சி எம்.எல்.ஏ.க்கள் பெங்களூருவுக்கு கடத்திச்செல்லப்பட்டு ரிசார்ட்டில் தங்கவைக்கப்பட்டனர்.

கர்நாடக வங்கி ஊழியர்கள் கன்னட மொழியை படிக்க உத்தரவு! 6 மாதம் கெடு .. சித்தராமையா அதிரடி!

பெங்களூரு: கர்நாடகாவில் பணிபுரியும் பிற மாநில வங்கி ஊழியர்கள், 6 மாதத்தில் கன்னடம் கற்காவிட்டால் வேலையை விட்டு நீக்கப்படுவார்கள் என கர்நாடக அரசு தெரிவித்துள்ளது. கன்னடா வளர்ச்சி ஆணையம் சார்பில் தேசிய மையமாக்கப்பட்ட, கிராமப்புற உள்ளிட்ட அரசு வங்கிகளுக்கு சுற்றறிக்கை அனுப்பப்பட்டுள்ளது. அதில் கன்னடம் பேசாத மக்கள் அம்மொழியை கற்பதற்கு 6 மாத காலம் அவகாசம் அளிக்கப்படுவதாக தெரிவிக்கப்பட்டுள்ளது. கன்னடா வளர்ச்சி ஆணையத்தின் தலைவரான அம்மாநில முதல்வர் சித்தராமைய்யா, வங்கி ஊழியர்கள் 6 மாதத்திற்குள் கன்னட மொழியை கற்றுக் கொள்ளாவிட்டால் ஆட்சேர்ப்பு விதிமுறைகளின்படி, அவர்களை பணியில் இருந்து நீக்குமாறு வங்கிகளுக்கு சுற்றறிக்கை அனுப்பியுள்ளார். இந்தி மொழியை பரப்புவதற்காக எல்லா வங்கி கிளைகளிலும் எப்படி இந்தி மொழி பிரிவுகள் திறக்கப்பட்டதோ அதேபோல் கன்னட மொழிக்கான பிரிவுகளை வங்கிகள் திறக்க வேண்டும் என்றும் தெரிவிக்கப்பட்டுள்ளது.dinamani

மோடியின் 3 ஆட்சி – எல்லா பம்மாத்துகளும் கலைந்து போன நிலையில்..மாயையும் உண்மையும்

எல்லா பம்மாத்துகளும் கலைந்து போன நிலையில், இந்துத்துவ கும்பலின் கையில் மீதமிருப்பது மதரீதியான கலவரங்களும், அதை அடிப்படையாக வைத்து இந்து வாக்குவங்கியை வளைப்பதும் மாத்திரமே
கடந்த மூன்றாண்டுகளாக வெளி உலகத்தை நேரில் காணாத ஒருவர் ஊடகங்களின் மூலமும், சமூக வலைத்தளங்களின் மூலமும் இந்தியாவை புரிந்து கொள்ள முயன்றால், அவருக்கு நமது நாட்டைக் குறித்து என்ன மாதிரியான சித்திரம் கிடைக்கும்? காங்கிரசின் இலவசங்களால் “பிச்சைக்காரர்கள்” ஆக்கப்பட்ட மக்கள் விடுதலை செய்யப்பட்டு அவர்களுக்கு கவுரவமான வேலை வாய்ப்புகள் கிடைத்திருக்கும். நாடெங்கும் கருப்புப் பணம் ஒழிக்கப்பட்டிருக்கும். பதுக்கல்காரர்கள் ஒடுக்கப்பட்டிருப்பார்கள். லஞ்ச ஊழல் அறவே ஒழிந்திருக்கும்.
ஆனால் எதார்த்தம் இப்படியில்லை என்பது நமக்குத் தெரியும் – என்றாலும், எதார்த்தத்தை மறுக்கும் கருத்துக்களை உருவாக்கி அவற்றை மக்களின் பொது புத்தியில் திணிப்பதில் பாரதிய ஜனதாவின் ஊடக மேலாண்மை குறிப்பிடத்தகுந்த அளவுக்கு பங்காற்றியிருக்கிறது.

பாஜக தலைவரின் மைனர் வாரிசு ! விகாஷ் பார்லா : ஹரியாணா BJP leader son

வார்னிகா குந்து, ஹரியாணாவைச் சேர்ந்த மூத்த ஐ.ஏ.எஸ் அதிகாரியின் மகள். கடந்த நான்காம் தேதி நள்ளிரவு வார்னிகா தனது காரில் வீடு திரும்பிக் கொண்டிருந்த போது எஸ்.யூ.வி ரக கார் ஒன்றில் இரண்டு நபர்கள் பின் தொடர்ந்து வருவதைக் கவனித்திருக்கிறார். குடிபோதையில் இருந்த அந்த இரண்டு பேரும், வார்னிகாவின் காரைப் பின் தொடர்ந்து வந்ததுடன், ஒரு கட்டத்தில் மறிக்கவும் முயற்சித்துள்ளனர். தனது காரை வளைத்து நெளித்து அவர்களிடமிருந்து தப்பிக்க வார்னிகா முயற்சி செய்துள்ளார்; ஒரு இடத்தில் வார்னிகாவின் காரின் பாதையில் தங்களது எஸ்.யூ.வி காரை நிறுத்திய அந்த இரண்டு இளைஞர்களும், வார்னிகாவை அவரது காரில் இருந்து வலுக்கட்டாயமாக இறக்கி கடத்தவும் முற்பட்டுள்ளனர்.

குஜராத்தில் நடந்த மாநிலங்களவை தேர்தலை ரத்து செய்ய காங்கிரஸ் கோரிக்கை

புதுடெல்லி: குஜராத்தில் நடந்த மாநிலங்களவை தேர்தலை ரத்து செய்ய காங்கிரஸ் கோரிக்கை விடுத்துள்ளது. கட்சி மாறி வாக்களித்த காங்கிரஸ் எம்.எல்.ஏ.க்கள் ஓட்டுகளை செல்லாது என அறிவிக்கக்கோரி தேர்தல் ஆணையத்திடம் மனு அளித்துள்ளது. காங்கிரஸ் எம்.எல்.ஏ.க்கள் 2 பேர் பாஜக வேட்பாளருக்கு வாக்களித்ததாக பகிரங்கமாக அறிவித்துள்ளனர். தினகரன்

உல்லாச உடலுறவுக்கு பின் மாணவனை மாட்டிவிட்ட மாணவி! சிக்க வைத்த வீடியோ!

அமெரிக்காவில் இளம்பெண் ஒருவர் விருப்பப்பட்டு இந்திய இளைஞர் ஒருவருடன் உடலுறவு செய்துவிட்டு அந்த இளைஞர் தன்னை பாலியில் வன்புணர்வு செய்துவிட்டதாக புகார் கூறியிருந்தார். அமெரிக்காவின் கலிஃபோர்னியா பல்கலைக்கழகத்தில் பயின்று வரும் 19 வயதான பெண் ஒருவர் தன்னுடன் படிக்கும் 20 வயதான இந்தியாவை சேர்ந்த அர்மான் பிரேம்ஜி என்பவர் தன்னை லாஸ் ஏஞ்செல்ஸில் உள்ள கேளிக்கை விடுதிக்கு வலுக்கட்டாயமாக அழைத்து சென்று ஓய்வு அறையில் வைத்து பாலியல் பலாத்காரம் செய்ததாக வழக்கு தொடர்ந்தார். இந்த வழக்கில் சிசிடிவி ஆதாரம் மூலம் அந்த இளைஞர் குற்றமற்றவர் என்பது உறுதியாகியுள்ளது. அந்த வீடியோவில் புகார் கொடுத்த அந்த மாணவி தான் அந்த மாணவனை வலுக்கட்டாயமாக அந்த கேளிக்கை விடுதிக்கு அழைத்து செல்கிறார். அங்கே சென்றதும் அந்த பெண் தான் ஓய்வு அறைக்கு அந்த மாணவனை அழைத்து செல்கிறார்.