இயற்கையுடன் இணைந்த நிலைபேறான விவசாயத்தை நோக்கி என்னும் தொனிப் பொருளிலான வடமாகாண விவசாய கண்காட்சி நாளை திங்கட்கிழமை முதல் அடுத்த சனிக்கிழமை வரை யாழ் மாவட்ட பயிற்சி நிலைய வளாகத்தில் நடை பெறவுள்ளதாக வடமாகாண விவசாய- கால்நடை அபிவிருத்தி- காணி- நீர்ப்பாசன- கடற்றொழில் அமைச்சின் செயலாளர் யு. எல். எம். ஹால்தீன் தெரிவித்தார்.காலை 8.30 மணிக்கு ஆரம்பமாகும் இக்கண்காட்சி இரவு 7.00 மணி வரை தினந்தோறும் இடம்பெறும் இக்கண்காட்சியில் 32 க்கும் மேற்பட்ட விவசாய காட்சி கூடங்கள் ஏற்படுத்தப்பட்டுள்ளதாகவும் செயலாளர் கூறினார். அதேவேளை தனியார் துறையினரின் காட்சி கூடங்களும் இங்கு ஏற்படுத்தப்பட்டுள்ளன.
முதல் நாள் நிகழ்வை அமைச்சர் டக்ளஸ் தேவானந்தாவும்- வடமாகாண ஆளுநர் ஜீ. ஏ. சந்திரசிறியும்- 6ஆம் திகதி விவசாய அமைச்சர் மஹிந்த யாப்பா அபயவர்தனவும்- 7ஆம் திகதி நீர்ப்பாசன மற்றும் நீர்வளங்கள் முகாமைத்துவ அமைச்சர் நிமல் சிறிபால டி சில்வாவும்- 8ஆம் திகதி கைத்தொழில்-வணிகத் துறை அமைச்சர் றிசாத் பதியுதீன்இ- 9ஆம் திகதி வடமாகாண ஆளுநர் ஜீ. ஏ. சந்திரசிறியும்- 10ஆம் திகதி பொருளாதார அபிவிருத்தி அமைச்சர் பஷில் ராஜபக்சவும் பிரதம அதிதிகளாக கலந்துகொண்டு கண்காட்சியினை ஆரம்பித்து வைக்கவுள்ளனர்.
அன்றைய தினம் பல்வேறு கலை கலாசார நிகழ்ச்சிகளும் இடம்பெறவுள்ளதாக செயலாளர் யு. எல். எம். ஹால்தீன் தெரிவித்தார்.
சங்கிலி போடுவது என்றதும், என்ன நடக்கப் போகிறது என்பதை ஓரளவு ஊகிக்கக் கூடியதாக இருந்தது. எமது வீடுகளில் நாய்களை சங்கிலிகளால் கட்டி வைப்பது நினைவுக்கு வந்தது. அந்தச் சங்கிலயை ‘நாய்ச் சங்கிலி’ என அழைப்பர். நான் சிறு வயதில் விரும்பிப் பார்த்த ‘மனோகரா’ படத்தில், ஒரு தூணில் சங்கிலிகளால் பிணைக்கப்பட்டிருந்த நடிகர் திலகம் சிவாஜி கணேசன் உணர்ச்சிகரமாகப் பேசிய அடுக்கு வசனங்களும் ஞாபகத்துக்கு வந்தன. மனித சமுதாயம் அடிமை நிலையில் இருந்த காலத்தில், போர்களில் வென்ற ஒரு குழுவினர் இன்னொரு குழுவினரை நீண்ட சங்கிலிகளில் பிணைத்து வைத்திருப்பர் என்பதை புத்தகங்களில் படித்திருக்கிறேன். பிரித்தானிய வெள்ளை ஏகாதிபத்தியவாதிகள் தம் ‘முக்கோண வர்த்தகம்’ எனப்படும் (ஆபிரிக்காவில் கறுப்பு அடிமைகளை வாங்கிச் சென்று, அவர்களை அமெரிக்காவிலுள்ள பருத்தி பயிரிடும் முதலாளிகளுக்கு விற்றுவிட்டு, அதற்குப் பண்டமாற்றாக பருத்தியை வாங்கி இங்கிலாந்து கொண்டு சென்று, அவற்றை ஆடைகளாக்கிப் பின்னர் அந்த ஆடைகளை இந்தியா போன்ற கீழைத்தேச நாடுகளுக்குக் கொண்டு சென்று விற்று இலாபம் சம்பாதிப்பது) வர்த்தக நடவடிக்கைகளின் போது, தமது ஆபிரிக்க அடிமைகளை கப்பல்களில் ஏற்றுவதற்கு முன்னர் அவர்களை வாங்கும் நாடுகளின் கடற்கரைத் துறைமுகங்களில் நீணட சங்கிலிகளால் பிணைத்து வைத்திருந்ததையும் நான் படங்களில் பார்த்திருக்கிறேன்.