மருது படம் திருட்டு விசிடியாம்... வன்முறையை தூண்டி நாட்டை கெடுக்கிற சினிமாவை திருட்டு விசிடிதான் திருத்தணும்

‘மருது’ திரைப்படம் மே 20-ல் ரிலீஸாகி பலவகையான விமர்சனங்களைப் பெற்றுவருகிறது. படம் சரியாக போகாததைப் பற்றி கவலைப்படாமல், திருட்டு டிவிடி ரிலீஸ் செய்பவர்களின்பின் ஓடிக்கொண்டிருக்கிறார் விஷால். பெங்களூருவில் உள்ள பிவிஆர் சினிமா தியேட்டரில்தான் கடைசியாக வெளியான பல படங்கள் திருடப்பட்டிருப்பது அந்த பிரிண்ட்களைச் சோதனை செய்ததன் மூலம் தெரிய வந்திருக்கிறது. இதனால், அந்த தியேட்டரில் படங்களை ரிலீஸ் செய்வதை நிறுத்தி வைத்திருக்கிறார்கள். இதுகுறித்த அவசர பத்திரிகையாளர்கள் சந்திப்பில் விஷால் வழக்கம்போலவே மிகவும் ஆவேசமாக பேசியிருந்தார். அவர் பிரஸ் மீட்டில் சொன்னது மாதிரியே அவரது ‘மருது’ திரைப்படமும் ரிலீஸான அன்றே இன்டர்நெட்டில் வெளியானது.  அது சரி இத  வேற காசு கொடுத்து பாக்கனுமாக்கம் ?  மருதுவை  பார்க்கிறதுக்கு  ரெட்டிகாருதான்  பணம் தரனும்
விஷால் பிரஸ் மீட்டில் பேசியபோது, ‘ஆன்லைனில் ரிலீஸ் செய்பவர்களைவிட படத்தை வீடியோ எடுக்க உதவும் தியேட்டர்காரர்களைத்தான் முதலில் தண்டிக்கவேண்டும். என் படத்தை விடுங்கள். அடுத்து ரிலீஸாகும் சிம்புவின் ‘இது நம்ம ஆளு’ படத்தையாவது காப்பாற்றுங்கள்’ என்று தயாரிப்பாளர் சங்கத்துக்கு கோரிக்கை வைத்திருந்தார்.
விஷால், பிரச்னையின் ஆரம்பப்புள்ளியை அழிக்க நினைத்து பேசிய பேச்சை தங்களுக்கு சாதகமாக பயன்படுத்தி வருகின்றனர் Tamilgun இணையதளத்தினர். விஷாலின் ‘மருது’ திரைப்படத்தை அவர்களது இணையதளத்தில் ரிலீஸ் செய்திருக்கிறார்கள். அதற்கு கீழே Vishal Supports Tamilgun என்ற டைட்டிலில் விஷால் பேசிய வீடியோவை வைத்திருக்கிறார்கள். ஆன்லைனில் படங்களை ரிலீஸ் செய்யும் மற்றுமொரு பிரபல இணையதளமான TamilRockerz-ம் ‘படத்தை திருட்டு டிவிடி தயாரிக்கவிடாமல் தடுத்தால் எங்களுக்கு எப்படி வீடியோ வரும்? நாங்கள் ஏன் ரிலீஸ் செய்யப்போகிறோம்? முதலில் அதை நிறுத்துங்கள்’ என விஷாலுக்கு சவால் விடுகிறார்கள்.  minnambalam.com