கதகளி கலைஞர் மேடையிலேயே உயிர் பிரிந்தது ... பத்மபூஷன் மடவூர் வாசுதேவன்.. கேரளா

மேடையில் நடனமாடும் போதே கதகளி கலைஞர் உயிர் பிரிந்தது 
தினத்தந்தி : கொல்லம்: கேரளாவின், பிரபல கதகளி கலைஞர், 'பத்ம பூஷண்' மடவூர் வாசுதேவன் நாயர், கோவில் நிகழ்ச்சி ஒன்றில் நடனமாடிக் கொண்டிருக்கும் போதே, மாரடைப்பால் காலமானார்.கேரளாவைச் சேர்ந்தவர், பிரபல கதகளி கலைஞர், மடவூர் வாசுதேவன் நாயர், 88. இவர், செங்கனுார் ராமன் பிள்ளை என்பவரிடம், தன், 13வது வயதில் கதகளி கற்க துவங்கினார். இதன்பின், உலகம் முழுவதும், தன் நாட்டியத்தால் பிரபலம் அடைந்தார்.

ராகுல் : மோடி தான் பிரதமர் என்பதையே மறந்து விட்டார் ...

விகடன் கார்த்திக்.சி/    மோடி, அவர்தான் பிரதமர் என்பதை மறந்துவிட்டார் என்று காங்கிரஸ் தலைவர் ராகுல் காந்தி விமர்சித்துள்ளார்.> பிரதமர் மோடியின் மக்களவை உரைகுறித்து பேசிய காங்கிரஸ் தலைவர் ராகுல் காந்தி, `நான் நினைக்கிறேன்... மோடி அவர்கள் அவர்தான் தற்போது பிரதமர் என்பதை மறந்துவிட்டார். கேள்விகளுக்கு அவர் பதில் அளிக்க வேண்டும். எப்போதும் எதிர்க்கட்சிகளையே விமர்சனம் செய்யக் கூடாது. ஒரு மணி நேரத்துக்கும் மேலாக மோடி பேசியுள்ளார். அதில், ரபேல் ஒப்பந்தம் குறித்தோ விவசாயிகள் குறித்தோ வேலைவாய்ப்பு குறித்தோ ஒரு வார்த்தைகூட இடம் பெறவில்லை. அவருடையே பேச்சு, முற்றிலும் அரசியல் மேடையில் பேசுவதுபோல பேசியுள்ளார்' என்று கடுமையாக விமர்சித்துள்ளார்.

சட்டமன்றத்தில் பெரும்பான்மையை நிரூபிக்காமல் பட்ஜெட் தாக்கல் செய்யக்கூடாது டாக்டர் ராமதாஸ் வலியுறுத்தல்

தினத்தந்தி :பா.ம.க. நிறுவனர் டாக்டர் ராமதாஸ் வெளியிட்டுள்ள அறிக்கையில் கூறியிருப்பதாவது:– தமிழக சட்டமன்ற அவசர கூட்டத்தை அடுத்த வாரம் கூட்டவும், 5 நாட்களுக்கு நடத்தப்படும் கூட்டத்தொடரில் பட்ஜெட் தாக்கல் செய்து நிறைவேற்றவும் அ.தி.மு.க. அரசு முடிவு செய்திருக்கிறது. இதற்காக 2018–19–ம் ஆண்டுக்கான பட்ஜெட் தயாரிக்கும் பணிகள் முழுவீச்சில் நடைபெற்று வருவதாக கூறப்படுகிறது. இவ்வாறு செய்ய முதல்–அமைச்சர் எடப்பாடி பழனிசாமி அரசுக்கு எந்த உரிமையும், அதிகாரமும் இல்லை. எடப்பாடி பழனிசாமி அரசு பெரும்பான்மை இழந்து 6 மாதங்களாகின்றன. 18 எம்.எல்.ஏக்கள் பதவி நீக்கம் செய்யப்பட்ட வழக்கில் விசாரணை முடிவடைந்து, இம்மாத இறுதியில் தீர்ப்பளிக்கப்படும் என்று எதிர்பார்க்கப்படுகிறது. 18 எம்.எல்.ஏக்களை பதவி நீக்கம் செய்தது செல்லாது என்று தீர்ப்பளிக்கப்பட்டால், எடப்பாடி பழனிசாமி அரசு கவிழ்ந்து விடும். அதற்கு பயந்து உயர்நீதிமன்றத்தில் தீர்ப்பு வெளிவருவதற்கு முன்பாகவே சட்டமன்றத்தில் பட்ஜெட்டை தாக்கல் செய்து நிறைவேற்றி விடலாம் என்பது தான் தமிழக ஆட்சியாளர்களின் திட்டம் ஆகும்.

பிரபாகரனின் மனைவிக்கு என்ன நடந்தது என்பது யாருக்காவது தெரியுமா?.. முன்னாள் இராணுவ மேஜர் ஹசித சிரிவர்தன

ilakkiyainfo.com : :விடுதலைப் புலிகளுடனான யுத்தம் நிறைவுக்கு கொண்டுவரப்பட்டு விட்டதாகவும், புலிகள் அழிக்கப்பட்டு விட்டதாகவும் கூறப்பட்டு வருகின்றது எனினும் யுத்தம் இன்றுவரை முற்றுபெறவில்லை தொடர்ந்து கொண்டுதான் இருக்கின்றது என முன்னாள் இராணுவ மேஜர் ஹசித சிரிவர்தன தெரிவித்துள்ளார். கொழும்பில் நேற்று (திங்கட்கிழமை) இடம்பெற்ற விசேட ஊடக சந்திப்பு ஒன்றில் கருத்து வெளியிடும் போதே அவர் இதனைக் கூறியுள்ளார். தொடர்ந்தும் அவர் அங்கு கருத்து வெளியிடுகையில்,
மஹிந்த ராஜபக்ஷ யுத்தத்தை முடிவுக்கு கொண்டு வந்தவராகவும், நாட்டைக் காப்பாற்றியவராகவும் கூறிக்கொண்டு வருகின்றார். ஆனால் அவர் யுத்தத்தை முடிவுக்கு கொண்டு வந்தவர் அல்ல. யுத்தம் நடைபெற்ற காலத்தில் தலைவராக இருந்த ஒருவர் மாத்திரமே.
 விடுதலைப் புலிகளை வளர்த்து நாட்டை அழிவுப்பாதைக்கு கொண்டு சென்றது மஹிந்த மற்றும் ஐக்கிய தேசிய கட்சியே என்பது யாருக்கும் தெரியவில்லை. புலிகள் எப்போதுமே மஹிந்தவையும், ஐக்கிய தேசிய கட்சியையும் தாக்கியதில்லை. புலிகளுடன் மஹிந்த கொண்டிருந்த உறவின் காரணமாகவே அவர்கள் மஹிந்த மீது தாக்குதல் மேற்கொள்ளவில்லை என்பதே உண்மை.

கொழும்பிற்கு மஹிந்தவின் வாகனங்கள் மூலமாகவே குண்டுகள் கொண்டு வரப்பட்டன. புலிகளுடன் இணைந்து கொண்டு நாட்டை அழிவுப்பாதைக்கு இட்டு சென்றதில் மஹிந்தவிற்கும், ரணில் விக்ரமசிங்கவிற்கும் பெரும் பங்களிப்பு உண்டு.

வைகை / பொதிகை இல்லம்.. எடப்பாடி பன்னீரின் விபசார அரசியலும் தமிழ்நாடு இல்லமும்

சிவசங்கர் எஸ்.எஸ் :  பேரறிஞர்
அண்ணா நினைவு நாளில், "அண்ணா. தி.மு.க" அடித்த கூத்து மகா கேவலமானது.

தில்லியில் உள்ள தமிழக அரசின் அரசினர் விருந்தினர் விடுதிக்கு பெயர் "தமிழ்நாடு இல்லம்". மிகப் பழமையான கட்டிடம், போதுமான அளவில் இல்லை என தலைவர் கலைஞர் முதல்வராக இருந்தபோது முடிவெடுத்து, புதியக் கட்டிடம் கட்ட உத்தரவிட்டார். கட்டிடம் கட்டி முடியும் போது ஆட்சி மாற்றம். வழக்கம் போல், ஜெயலலிதா திறந்து வைத்து, தன் பெயரில் கல்வெட்டு பதித்துக் கொண்டார்.
இரண்டு இல்லங்கள் இருப்பதால், " பழைய தமிழ்நாடு இல்லம்", "புதிய தமிழ்நாடு இல்லம்" என்று அழைக்கப்படுகிறது. தமிழக முதல்வர்கள், அமைச்சர்கள், சட்டமன்ற உறுப்பினர்கள், அரசு அதிகாரிகள் தில்லி சென்றால் தங்குவது இங்கு தான். வெளியில் தனியார் தங்கும் விடுதியில் அறை எடுத்து தங்கி, அரசு அலுவலகங்களுக்கு வந்து செல்லுதல் சிரமம். அதனால் "தமிழ்நாடு இல்லம்" மிக முக்கியமான வசதி.
இதே போல் ஒவ்வொரு மாநிலத்திற்கும் "சாணக்யபுரி" பகுதியில், விருந்தினர் விடுதிகள் உண்டு.

கலைஞரின் திட்டங்களை வரிக்கு வரி காப்பி அடித்து அருண் ஜெட்லி பட்ஜெட் ,,, இந்திய பத்திரிகைகள் விமர்சனம்

சுவாதி : நம்ம 15-20 வருஷத்துக்கு முன்னாடி கொண்டு வந்து.. நடைமுறையில் இருக்கும் திட்டங்களை தான் இன்னைக்கு வடமாநிலங்கள்/ தேசிய அரசியல் காப்பி அடிச்சுட்டு இருக்காங்க. இத நான் சொல்லல.. மோடியின் ஜால்றா "Times of India" சொல்லுது. அதுல தப்பு ஒன்னும் இல்லை.. ஆனா பாருங்க.. பயபுள்ளங்க அதையும் ஒழுங்கா காப்பி/ பேஸ்ட் பண்ணி implement பண்ண தெரியல!!☺☺☺. கல்வி, மருத்துவம், மனிதவள வளர்ச்சி (HDI- Human Development Index), அடிப்படை கட்டமைப்பு.. இதில் அனைத்திலும் வடமாநிலங்களை விட தென்மாநிலங்கள் 20-25 வருஷம் முன்னோக்கி பயணித்து வருகிறது. வாழ்க திராவிடம்👍👏🙏. https://m.timesofindia.com/…/modi-…/articleshow/62795650.cms - சுவாதி, திருநெல்வேலி

Muralidharan Pb இன்னும் : கூட தமிழ்நாட்டில் சிலர் திராவிட கட்சிகள்(திமுக) தான் எல்லாவற்றிற்கும் காரணம் என்று புலம்புவதை நினைத்தால் சிரிப்பை அடக்கமுடியவில்லை.
அன்னைக்கே பிரதமர் மோடி கலைஞர் கருணாநிதியை சந்தித்தபோதே கேள்வி தாள் கசிந்திருக்குமோ ??
உழவர் சந்தை, அனைத்து வீடுகளுக்கும் எரிவாயு,
அனைவருக்கும் காப்பீட்டு திட்டம் போன்றவற்றை அமல் படுத்திய போது எள்ளி நகையாடியவர்கள் இப்போ என்ன சொல்ல போறீங்கோ ???
Muralidharan Pb  :  According to me, I never opted for 1 Kg rice, Never got free insurance, Already having Gas connection before it was given free by DMK government and not a farmer to enjoy the Uzhavar Sandhai. But as a middle class man I am eagrly waiting for increasing for Tax limit from the present tax slab which was originally promised and printed in election manifesto of BJP. Already people of TN are far better than any other states in the North. Hence this budget beleaguered me as a Tax payer.

மோடியின் மனைவி கார் விபத்தில் ஒருவர் உயிரழப்பு

வெப்துனியா :பிரதமர் மோடியின் மனைவி யசோதாபென் ஒரு சாலை விபத்தில் சிக்கி படுகாயங்களுடன் மருத்துவமனையில் அனுமதிக்கப்பட்டுள்ளார். அவருடன் சென்ற ஒருவர் மரணமடைந்தார்.ராஜஸ்தான் மாநிலத்தில் நடைபெற்ற ஒரு உறவினர் ஒருவரின் வீட்டு நிகழ்ச்சியில் கலந்து கொண்டு விட்டு, அவர் தனது குடும்பத்துடன் குஜராத் மாநிலத்திற்கு காரில் திரும்பிக் கொண்டிருந்தார். ;ராஜஸ்தான் மாநிலம் கோட்டா-சித்தோர் நெடுஞ்சாலையில் வந்த போது அவர்களின் கார் விபத்தில் சிக்கியது. இந்த விபத்தில் யசோதாவுடன் வந்த ஒருவர் மரணமடைந்தார். மேலும், யசோதாபெண் படுகாயமடைந்தார். இதையடுத்து அவர் சித்தோர்கார் பகுதியில் உள்ள ஒரு மருத்துவமனையில் அனுமதிக்கப்பட்டார் என செய்திகள் வெளியாகியுள்ளது.>ஆனால், அவருக்கு லேசான காயம் ஏற்பட்டிருப்பதாகவும், அவர் நலமாக இருப்பதாகவும் காவல்துறை அதிகாரிகள் கூறியுள்ளனர்

டாக்டர், சிறுமி கடத்தல் : நித்தியானந்தா ஆசிரமத்தில் இருந்து 2 பேர் மீட்பு

மின்னம்பலம் :தேனியைச் சேர்ந்த இருவர், பிடதி ஆசிரமத்தில் இருந்து மீட்கப்பட்டதைத் தொடர்ந்து, நித்தி சீடர்கள் மீண்டும் அவர்களை அழைத்துச் செல்ல முயன்றுவருவதாகக் காவல் துறையினர் தெரிவித்துள்ளனர்.
தேனி மாவட்டம் பெரியகுளம் அருகே வடகரை கிராமத்தைசேர்ந்தவர் குமார். இவரது மகள் நிவேதா. குமாரின் சகோதரியின் மகன் ராஜ் குமார். மருத்துவரான இவர் நித்யானந்தாவின் பிடதி ஆசிரமத்தில் ஊழியராகப் பணியாற்றியுள்ளார்.
கடந்த இரு மாதங்களுக்கு முன் ராஜ்குமார் நிவேதாவை திருமணம் செய்துகொள்வதாகக் கூறி பெங்களூருவில் உள்ள பிடதி ஆசிரமத்திற்கு அழைத்துச் சென்றுள்ளார். அங்கிருந்து நிவேதா வீடு திரும்புவதற்கு நித்தி சீடர்கள் விடவில்லை என்றும் அவரை மூளைச்சலவை செய்து ஆசிரமத்திலேயே இருக்கும்படி செய்துள்ளனர் என்றும் கூறப்படுகிறது.

பன்னீர்செல்வம் : தர்ம யுத்தத்தின் நோக்கம் நிறைவேறியது!.. எத்தனை கோடிகள்.. ?

மின்னம்பலம்: தர்ம யுத்தத்தின் நோக்கம் நிறைவேறி விட்டதாக துணை முதல்வர் ஓ.பன்னீர்செல்வம் தெரிவித்துள்ளார்.
முன்னாள் முதல்வர் ஜெயலலிதாவின் மரணத்துக்குப் பின்னர் முதல்வராகப் பதவியேற்ற பன்னீர்செல்வம் கடந்த ஆண்டு பிப்ரவரி 5ஆம் தேதி தனது முதல்வர் பதவியை ராஜினாமா செய்தார். ராஜினாமா செய்த பன்னீர்செல்வம் இரண்டு நாட்களுக்குப் பிறகு அதாவது, கடந்த ஆண்டின் இதே நாளில் (பிப்ரவரி 7) ஜெயலலிதாவின் நினைவிடத்தில் நாற்பது நிமிடங்களுக்கு மேலாக தியானம் இருந்தார். அதன் பிறகு செய்தியாளர்களைச் சந்தித்த ஓபிஎஸ், நான் அம்மாவிடம் நியாயம் கேட்க வந்துள்ளேன் என்றும் என்னைக் கட்டாயப்படுத்தி ராஜினாமா கடிதம் வாங்கிக்கொண்டார்கள். அதிமுக ஒரு குடும்பத்தின் கைக்குள் போகிறது என்றும் குற்றம்சாட்டினார்.

ஜெயலலிதாவுக்கு சசிகலா போல எடப்பாடிக்கு இளங்கோவன்! ஓஹோ ?

மின்னம்பலம்: “ஜெயலலிதாவுக்கு சசிகலா எப்படியோ, அதுபோலவே இப்போது எடப்பாடிக்கு இளங்கோவன் என்பதுதான் அதிமுக வட்டாரத்தில் பேச்சாக இருக்கிறது. யார் இந்த இளங்கோவன் என்ற கேள்வி சிலருக்கு எழும். எடப்பாடியை அறிந்தவர்கள் இளங்கோவனையும் அறிந்திருப்பார்கள்.
சேலம் மாவட்டம் ஆத்தூர் அருகே உள்ள புத்திரகவுண்டம்பாளையம் என்ற ஊரைச் சேர்ந்தவர் இளங்கோவன்.தமிழ்நாடு மத்தியக் கூட்டுறவுச் சங்கங்களின் தலைவராகத் தற்போது பொறுப்பு வகிக்கிறார். எடப்பாடி அமைச்சராக இருந்த காலத்திலிருந்து, அவரது நிழலாக வலம் வந்தவர் இளங்கோவன். எடப்பாடி சேலம் மேற்கு மாவட்டச் செயலாளராக இருந்தவர். சேலம் கிழக்கு மாவட்டத்தில் தனது செல்வாக்கை வளர்த்துக்கொள்ள அவரால் வளர்க்கப்பட்டவர்தான் இளங்கோவன். ஒரே சமுதாயத்தைச் சேர்ந்தவர் என்பதால் பழனிசாமியிடம் அதிக நெருக்கமானார் இளங்கோவன்.

சென்னை துப்பாக்கி முனையில் 76 ரவுடிகள் கைது... மேலும் பலரை தேடி வேட்டை ..

பாலிமர் :சென்னை அருகே ஒரே இடத்தில் ஆயுதங்களுடன் கூடியிருந்த 76 ரவுடிகளை, துப்பாக்கி முனையில் போலீசார் சுற்றிவளைத்துக் கைது செய்துள்ளனர்.
சென்னை பள்ளிக்கரணை பகுதியில் நேற்று இரவு போலீசார் வாகன சோதனையில் ஈடுபட்டிருந்த போது, தாம்பரத்தில் இருந்து அதிவேகத்தில் வந்த மோட்டார் சைக்கிளை நிறுத்தி விசாரணை நடத்தியுள்ளனர். அப்போது, அதில் இருந்த நபர்கள், பூவிருந்தவல்லி அருகே மலையம்பாக்கம் என்ற இடத்தில் பண்ணை வீட்டில் நடக்கும் தங்களின் நண்பர் பினுவின் பிறந்த நாள் விழாவுக்குச் செல்வதாகக் கூறியுள்ளனர். சூளைமேடு பகுதியைச் சேர்ந்த பினு பழைய குற்றவாளி என்பதும், அவர்மீது ஏற்கனவே கொலை, கொள்ளை வழக்குகள் இருப்பதையும் அறிந்த காவல் ஆய்வாளர் சிவக்குமார், இதுபற்றி அம்பத்தூர் துணை ஆணையாளர் சர்வேஸ்ராஜூக்கு தகவல் தெரிவித்துள்ளார்.

இந்திய காமம் இருக்க விதேசி காதல் எதுக்கடா முட்டாள்களா ? காதலர் தின சிந்தனைகள்

Shalin Maria Lawrence :ஒழிக காதலர் தினம்.
ஹிந்து மக்கள் கட்சி சொல்லுவதில் நியாயம் இருக்கிறது .நான் அவர்களை ஆதரிக்கிறேன் .
நாம் ஏன் வெளிநாட்டு கிறிஸ்தவ பாதிரியார் வாலன்டைனின் நினைவு நாளான வாலன்டைன்ஸ் டேவை (காதலர் தினம்) கொண்டாட வேண்டும் .

தேசியமும் தெய்வீகமும் இருக்கண்களாக இருக்கும் நாம் நம் முப்பாட்டன் வாத்சாயனர் வழி காமத்தை அல்லவா கொண்டாட வேண்டும்.
ரிஷி வாத்சாயனர் நினைவாக நாம் ஆடி மாதம் முடிந்து ஆவணி மாதத்தில் காம திருநாள் கொண்டாட வேண்டும் .
காமரசத்தை சிலைகள் வடிவாக உருவகப்படுத்தி பொழியும் கோவில்களில் சிறப்பு பூஜைகள் அன்று ஏற்பாடு செய்யப்பட வேண்டும்.
கோயில்களில் சிறப்பு பிரசாதமாக முருங்கை அல்வா வழங்கப்பட வேண்டும்.தாக சாந்திக்கு மன்மத தெய்வத்தின் கரும்பு ஜூஸ்.
பல பெண்களோடு சஞ்சரித்த இந்திரனை மனதில் நினைத்துக்கொண்டு இளைஞர்கள் அன்று முழுவதும் காம களியாட்டத்தில் திளைக்க வேண்டும்.

மோடி அரசின் 39000 கோடிகள் ரஃபேல் ஊழல் புகார்... நிர்மலாவை பாதுகாப்பு அமைச்சர் ஆக்கியது.. ஊத்தி மூடத்தான் ?

Special Correspondent FB Wing':. ரஃபேல் போர் விமானங்களை கொள்முதல் செய்வதற்காக மேற்கொள்ளப்பட்ட ஒப்பந்த விவரங்களை வெளியிடுமாறு நாடாளுமன்றத்தின் மாநிலங்களவையில் சமாஜவாதி கட்சியின் எம்.பி.யான நரேஷ் அகர்வால் கோரினார்.
அதற்கு, மத்தியப் பாதுகாப்புத் துறை அமைச்சர் நிர்மலா சீதாராமன் எழுத்துப்பூர்வமாக தாக்கல் செய்த பதிலில் "கடந்த 2008-ஆம் ஆண்டில், அப்போதைய மத்திய அரசு, பிரான்ஸ் அரசுடன் செய்துகொண்ட ஒப்பந்தத்தின்படி, இரு நாடுகளுக்கு இடையே செய்துகொள்ளப்பட்ட ரஃபேல் போர் விமான ஒப்பந்தம் குறித்த தகவல்களை வெளியிட முடியாது. அந்த ஒப்பந்தத்தில் இடம்பெற்றுள்ள தகவல்கள் ரகசியம் காக்கப்படும். போர் விமானங்களை வாங்குவதற்கு அளிக்கப்பட்ட தொகையையும் தெரிவிக்க முடியாது " என்று நிர்மலா சீதாராமன் குறிப்பிட்டுள்ளார்.

நீட் தேர்வில் மாணவர்களை காப்பி அடிக்க விடுவோம் ... முன்னாள் அமைச்சர் நேரு முழக்கம்!

tamilthehindu : நீட் தேர்வில் இருந்து விலக்கு பெற முடியாவிட்டால் மாணவர்களை காப்பியடிக்கவாவது விடுவோமா? இல்லையா? என திமுக முன்னாள் அமைச்சர் கே.என்.நேரு பேசியதால் சர்ச்சை ஏற்பட்டுள்ளது.
நீட் தேர்வுக்கு எதிர்ப்பு தெரிவித்தும், நீட் தேர்வில் இருந்து தமிழ்நாட்டுக்கு விலக்கு அளிக்க வலியுறுத்தியும் திராவிடர் கழகம் சார்பில் நேற்று முன்தினம் திருச்சி சிந்தாமணி அண்ணா சிலை அருகே ஆர்ப்பாட்டம் நடைபெற்றது.
இதில் திமுகவைச் சேர்ந்த முன்னாள் அமைச்சர் கே.என்.நேரு பேசியதாவது: நீட் தேர்வில் இருந்து விலக்கு பெற முடியவில்லை என்றால், மாணவர்களை காப்பியடிக்கவாவது விடுவோமா? இல்லையா?.
நாங்கள் அமைச்சர்களாக இருந்தால் கண்டிப்பாக செய்வோம். பிஹாரில் காப்பி அடிக்கின்றனர். மத்திய பிரதேசத்தில் காப்பி அடிக்கின்றனர். ஏன், தேர்வு மையத்தில் அனைவரும் புத்தகத்தைக்கூட திறந்துவைத்து எழுதுகின்றனர். தமிழ்நாட்டில் மட்டும் எவ்வளவு நாளைக்கு உத்தம சீலர்களாகவே இருப்பது?. டிஎன்பிஎஸ்சி மூலம் பணிகளைப் பெற இப்போது, வெளிநாட்டில் இருந்தும்கூட தேர்வு எழுத வந்துவிட்டனர்.

அம்மனுக்கு ஆடை கட்டுப்பாடா?: கொந்தளிக்கும் கஸ்தூரி!

webdunia :சமீபத்தில் மயிலாடுதுறை அபயாம்பிகை அம்மனுக்கு இரண்டு குருக்கள் சுடிதார் அலங்காரம் செய்து வழிபட்டனர். இந்த புகைப்படம் வைரலாக பரவ குருக்கள் ஆகம விதிகளை மீறிவிட்டனர் என அவர்களை பணி நீக்கம் செய்துவிட்டனர். இந்த குருக்களின் செயலை பலரும் விமர்சித்தும், பலரும் வரவேற்றும் ஆதரவும் தெரிவிக்கின்றனர். இந்நிலையில் குருக்களுக்கு ஆதரவாக பிரபல நடிகை கஸ்தூரி தனது டுவிட்டர் பக்கத்தில் கருத்து தெரிவித்துள்ளார். மயிலாடுதுறை அபயாம்பிகை அம்மனுக்கு மிக அழகிய முறையில், கண்ணியமாக கலாரசனையுடன் புதுமையாக சுடிதார் அலங்காரம் செய்வித்த இரு குருக்களை பணி நீக்கம் செய்திருப்பது நியாயமற்ற பழமைவாதம்.

ஏரியில் மிதந்த சாமி சிலைகள் மீட்பு!

மின்னம்பலம் :காஞ்சிபுரம் அருகே ஏரியில் மிதந்த எட்டு கற்சிலைகள் பத்திரமாக மீட்கப்பட்டன.
சுங்குவார்சத்திரத்தை அருகே பொடவூர் ஏரியில் பழைமையான கற்சிலைகள் கிடப்பதாக அப்பகுதியில் தகவல் பரவியது. இதையடுத்து அங்கு ஏராளமான பொதுமக்கள் திரண்டனர். இதுகுறித்து தகவலறிந்த சுங்குவார்சத்திரம் போலீஸ் இன்ஸ்பெக்டர் ஜான்விக்டர், தாசில்தார் ரமேஷ் உள்ளிட்டோர் சம்பவ இடத்துக்கு விரைந்து வந்து, ஏரியில் மிதந்த எட்டு சாமி சிலைகளைப் பத்திரமாக மீட்டனர். சோதனை செய்து பார்த்ததில் அதில் தங்க நிற வண்ணம் பூசியது தெரியவந்தது.

ஹார்வார்ட் தமிழுக்கு திமுக ஒரு கோடி ரூபாய் நிதி !

‘ஹார்வர்டு பல்கலைக்கழகத்தில் தமிழ் இருக்கை அமைவதற்கு திமுக சார்பில் ரூ. 1 கோடி நிதி வழங்கப்படும்’ என அக்கட்சியின் செயல் தலைவர் ஸ்டாலின் அறிவித்துள்ளார்.
அமெரிக்காவின் ஹார்வர்டு பல்கலைக்கழகத்தில் தமிழ் இருக்கை அமைய வேண்டுமானால், 39 கோடி ரூபாய் செலுத்த வேண்டும். இதில், 10 கோடி ரூபாயைத் தமிழக அரசு சில மாதங்களுக்கு முன்பு வழங்கியது. உலகமெங்கும் உள்ள தமிழர்கள் தங்களால் ஆன நிதியை வழங்கி வருகின்றனர்.

சந்தையூர் சுவர் ,,, ஜாதிய படி நிலையை பாதுகாக்கிறதா?

Kiruba Munusamy : சந்தையூரில் இருப்பது சுற்றுச் சுவரோ-தீண்டாமைச் சுவரோ, சுவர் தான் பிரச்சனை என்றால், ஜாதிய அடுக்குமுறையில் நமக்கும் கீழே தள்ளப்பட்டவர்கள் அதனை தீண்டாமையாக கருதுகிறார்கள் என்றால், அது சுற்றுச் சுவராகவே இருந்தாலும், அதனை இடிப்பதுவே நீதியாகும். ஒன்றை பாதுகாக்க நினைக்கிறோம் என்றாலே, அதன்மூலம் எதையோ கட்டிக்காக்க நினைக்கிறோம் என்றுதான் பொருள்!
ஜாதிய படிநிலையை எப்படி திருப்பி போட்டாலும் நமக்கும் கீழே ஒருவர் என்பதுவே பார்ப்பனியத்தின் அடிப்படை! ஆக, ஜாதியொழிப்பு என்பது நம்மிலிருந்து தொடங்கி, நம் கீழடுக்கை இல்லாமல் செய்து, மேலடுக்கை தகர்த்து சமத்துவத்தை பேணுவதாகும். எனவே, சமத்துவத்தை நோக்கிய படிக்கல்லாக சந்தையூர் சுவர் இடிப்பு மாறும் என நம்புகிறேன்!

மெல்லிசைமன்னர் எம்.எஸ்.விஸ்வநாதனின் காலமும் படைப்புலகமும் 06 : T .சௌந்தர்

இனியொரு inioru.com:
.வாத்தியங்களும் , புதுப்பாய்ச்சலும் :

அமெரிக்க ஹொலிவூட் திரைக்கு சிறப்பான இசைமரபைக் கொண்ட ஐரோப்பிய இசைக்கலைஞர்கள் கிடைத்தது போல தமிழ் திரைக்கு பழமை மீறி புதுமை பாய்ச்சும் இசைக்கலைஞர்கள் கிடைக்கவில்லை. இசையின் மீது தீராக்காதலும் , திரையிசை குறித்த நற்கனவுகளையம் கொண்ட மெல்லிசைமன்னர்கள் அந்த பாரிய பொறுப்பை சுமக்க முனைந்தனர்.

1950 மற்றும் 1960 களின் ஆரம்பகாலத் திரைப்படங்களில் பின்னணி இசையின் ஒரு விதமான போக்கு நிலவியதை நாம் காணலாம்.

அக்காலப்படங்களின் பின்னணி இசையை கூர்ந்து கவனிக்கும் ஒருவர் , பின்னணி இசை என்பது ஏலவே வந்த ஒரு பிரபல்யமான பாடலை பின்னணியில் வாசித்து விடுவதையும் ,அல்லது அந்தப்படத்திலேயே வந்த ஒருபாடலை மீண்டும் வாசித்துவிடுவதையும் அவதானிக்கலாம்.காட்சிகளின் சூழலுக்கு ஏற்ப அமைந்த புகழபெற்ற வேறு திரைப்படப் பாடல்களையும் வாசிப்பது ஒரு வழமையாகக் கூட இருந்தது.உதாரணமாக ,காதல் காட்சியென்றால் புகழ்பெற்ற ஒரு காதல் பாடலையும் ,நகைச்சுவைக்காட்சியென்றால் ஒரு நகைச்சுவைப் பாடலையும் வாத்திய இசையாக வாசித்திருப்பதை அவதானிக்கலாம்.குறிப்பாக இசையமைப்பாளர் ஜி.ராமநாதனின் படங்களில் இந்நிலையை அதிகமாகக் காணலாம்.பெரும்பாலும் எல்லா இசையமைப்பாளர்களும் இதே முறையைப் பயன்படுத்தினார்கள் என்பதும் கவனத்திற்க்குரியது.

பாஜக கூட்டணியிலிருந்து மேலும் 4 கட்சிகள் வெளியேற முடிவு... சிவசேனா, தெலுங்குதேசம் வரிசையில்

தீக்கதிர் :பாஜக தலைமையிலான தேசிய ஜனநாயகக் கூட்டணியிலிருந்து, மாநிலக் கட்சிகள் ஒவ்வொன்றாக வெளியேறி வருகின்றன. அண்மை யில் சிவசேனா கட்சி, பாஜக உடனான உறவை முறிப்பதாக அறிவித்தது. தெலுங்கு தேசமும் கூட்டணியை முறிக்க முடிவு செய்தது. அதனை அறிவிக்க இருந்த நிலையில், பாஜக தலைவர் அமித்ஷா, சந்திரபாபு நாயுடுவிடம் கெஞ்சிக் கூத்தாடி, கூட்டணி முறிவை தள்ளிப்போட்டுள்ளார்.

இதனிடையே, சிரோமணி அகாலிதளம் உட்பட மேலும் 4 கட்சிகள் பாஜக கூட்டணியிலிருந்து வெளியேறும் முடிவுக்கு வந்துள்ளன. இது தொடர்பாக கருத்து தெரிவித்துள்ள, அகாலி தளம் எம்.பி. பிரேம்சிங் சந்துமஜ்ரா, “வாஜ்பாய் தலைமையிலான தேசிய ஜனநாயகக் கூட்டணியில் எங்களுக்கு கிடைத்த மரியாதை இப்போது தரப்படுவதில்லை; எங்கள் கட்சியைச் சேர்ந்தவர்களை ஆளுநர்களாகக் கூட வாஜ்பாய் நியமித்தார். சிறுபான்மையினர் ஆணையத் தலைவராகவும் நியமித்தார்; ஆனால் இப்போது எதுவும் எங்களுக்கு தரப்படவில்லை;

BBC : மாலைதீவுக்கு இந்திய ராணுவத்தை அனுப்புமாறு கோரிக்கை ,,, முன்னாள் அதிபர் நஷீத் அழைப்பு

 On behalf of Maldivian people we humbly request:

1. India to send envoy, backed by its military, to release judges & pol. detainees inc. Prez. Gayoom. We request a physical presence.
2. The US to stop all financial transactions of Maldives regime leaders going through US banks.

— Mohamed Nasheed (@MohamedNasheed)உச்ச நீதிமன்ற உத்தரவை அமல்படுத்த மறுத்து மாலத் தீவு மக்களின் அரசமைப்பு அதிகாரங்களை ரத்து செய்து அவசர நிலையை மாலத் தீவு அரசு பிரகடனம் செய்துள்ளதால் நாங்கள் தொந்தரவு அடைந்துள்ளோம். உச்சநீதிமன்ற தலைமை நீதிபதி மற்றும் அரசியல்வாதிகள் கைதுகள் கவலை தருகின்றன. எங்கள் அரசு தொடர்ந்து உன்னிப்புடன் மாலத் தீவுகள் நிலையை கவனித்துவருகிறது என இந்திய அரசு தெரிவித்துள்ளது. முன்னதாக அரசியல் நெருக்கடிகளால் சிக்கித்தவிக்கும் மாலத் தீவுகளில் மற்ற நாடுகள் தலையிட வேண்டும் என மாலத் தீவுகளின் முன்னாள் அதிபர் மொஹம்மத் நஷீத் அழைப்பு விடுத்தார்.

இந்திய பங்கு சந்தை கடும் சரிவு ... சென்செக்ஸ் 561.22 புள்ளிகள்

தினகரன் :மும்பை: மும்பை பங்குசந்தை குறியீட்டு எண் சென்செக்ஸ் 561.22 புள்ளிகள் சரிந்து 34,195 என்ற நிலையில் வர்த்தகம் நிறைவடைந்தது. தேசிய பங்குசந்தை நிஃப்டி 168.30 புள்ளிகள் குறைந்து 10,498 புள்ளிகள்ல் வணிகம் நிறைவடைந்தது.

தாய்வானில் 6.4 ரிக்டர் அளவிலான நிலநடுக்கம் கட்டிடங்கள் இடிந்தன ..

மாலைமலர் :தைவான் நாட்டில் இன்று இரவு ஏற்பட்ட 6.4 ரிக்டர் அளவிலான சக்திவாய்ந்த நிலநடுக்கத்தால், அந்த நகரில் உள்ள பல்வேறு கட்டிடங்கள் இடிந்து விழுந்துள்ளன. #Tailwan #Earthquake

தைபே: தைவான் நாட்டில் இன்று இரவு ஏற்பட்ட 6.4 ரிக்டர் அளவிலான சக்திவாய்ந்த நிலநடுக்கத்தால், அந்த நகரில் உள்ள பல்வேறு  கட்டிடங்கள் இடிந்து விழுந்துள்ளன. தைவான் நாட்டின் வட கிழக்கு கடற்கரை பகுதியில் இன்று 6.4 ரிக்டர் அளவுகோலில் நிலநடுக்கம் ஏற்பட்டுள்ளது. கடற்கரை நகரமான ஹுவாலியனில் இருந்து வடக்கு திசையில் சுமார் 14 கிலோமீட்டர் தொலைவிலும், கடலுக்கடியில் சுமார் ஒரு கிலோ மீட்டர் ஆழத்திலும் இந்த நிலநடுக்கம் மையம் கொண்டிருந்ததாக அமெரிக்க புவியியல் ஆய்வு மையம் தெரிவித்துள்ளது.

கோவை பாரதியார் பல்கலைகழக ஊழல் ! நேரடி கள ஆய்வு

உயர்கல்வித்துறை விதிகளின்படி இளங்கலை, முதுகலை பாடப்பிரிவில் ஒரே துறையில் படித்தவர்களுக்கு மட்டுமே சம்மந்தபட்டதுறையில் உதவி பேராசிரியர் பணியிடம் வழங்கவேண்டும் என்ற அடிப்படை விதியை மீறி பணி நியமனம் நடந்துள்ளது.
vinavu :பணி நிரந்தரத்துக்காக துணை பேராசியரிடம் 30 லஞ்சம் பெற்றதாக கோவை பாரதியார் பல்கலைகழக துணைவேந்தர் ஆ.கணபதியை லஞ்ச ஒழிப்பு போலீசார் 03.02.2018 அன்று கைது செய்து சிறையில் அடைத்தனர். இவர் இப் பல்கலை கழகத்துக்கு 10-வது துணைவேந்தராக 2016 மார்ச் மாதம் பொறுப்பேற்றார்.> துணை வேந்தர் கணபதி< 2016 ஆண்டு பல்கலைகழகத்தின் பல்வேறு துறைகளில் காலியாக இருந்த 84 பேராசிரியர்கள், இணைப் பேராசிரியர்கள், உதவிப் பேராசிரியர்கள் அறிவிப்பு வெளியிடப்பட்டது. ஆயிரத்திற்கும் மேற்பட்டோர் விண்ணப்பித்தனர்.

உயர்நீதிமன்றம் உத்தரவு :மீனாட்சி அம்மன் கோயில் தீ இந்து சமய அறநிலையத்துறை அறிக்கை

Special Correspondent FB Wing :மதுரை மீனாட்சி அம்மன் கோயில் தீ விபத்தின் தற்போது நிலை குறித்து இந்து சமய அறநிலையத்துறை அறிக்கை தர உயர்நீதிமன்ற மதுரை கிளை ஆணையிட்டுள்ளது. அபுல் கலாம் ஆசாத் என்பவர் தாக்கல் செய்த மனு தொடர்பான வழக்கில் ஐகோர்ட் மதுரை கிளை உத்தரவிட்டுள்ளது. மேலும் வழக்கை பிப்ரவரி 27-ம் தேதிக்கு ஒத்திவைத்து உயர்நீதிமன்ற மதுரை கிளை உத்தரவிட்டுள்ளது.
உலகப்புகழ் பெற்ற மீனாட்சி அம்மன் கோயில், கிழக்கு ராஜ கோபுரம் அருகே, ஆயிரம் கால் மண்டபம் பகுதியில் 86க்கும் மேற்பட்ட கடை இயங்கி வருகின்றன. கடந்த சில நாட்களுக்கு முன்னர் இரவு 10 மணிக்கு மேல் தீ விபத்து ஏற்பட்டது. கோயில் ஊழியர்கள் சிலர் வந்தபோது, தீ விபத்தை கண்டு அதிர்ச்சி அடைந்து பாதுகாப்பு போலீசாரிடம் கூறினர்.