சென்னையில்300 கோடி ரூ மதிப்புள்ள 20,000 சதுர அடி நிலம் ஹரே கிருஷ்ணவுக்கு (ISKCON) தாரைவார்ப்பு ...

Krishnavel T S நேற்று முதல்வர் எடப்பாடியால் சென்னையில் கிரீம்ஸ் இஸ்கான் ( பழைய பெயர்: ஹரே ராமா ஹரே கிருஷ்ணா ) அமைப்புக்கு தாரை வார்க்கப்பட்டுள்ளது. (இந்த இயக்கம்தான் RSS இன் சர்வதேச ஏஜென்ட் என்பது பலருக்கு தெரிந்திருக்காது )
ரோட்டில் 20,000 சதுர அடி அரசு நிலம்
அங்கே அவர்கள் ஒரு சமையலறை கட்டி கார்ப்பரேஷன் பள்ளி மாணவர்களுக்கு காலை உணவு இலவசமாக கொடுக்க போகிறார்கள். ( இஸ்கானில் வழங்கப்படும் உணவில் வெங்காயம் , பூண்டு எதுவும் கண்டிப்பாக சேர்க்கப்படாது)

இதற்காக முதல்கட்டமாக கவர்னர் தனது நிதியிலிருந்து 5 கோடி ரூபாய் கொடுத்து இருக்கிறார்
முதலமைச்சர் மேலும் ஒரு 35 ஆயிரம் சதுர அடி உள்ள இடத்தை பெரம்பூர் பேரக்ஸ் பகுதியில் ஒதுக்கி கொடுத்திருக்கிறார்
மாணவர்களுக்கு காலை உணவு கொடுப்பது நல்ல விஷயம் தான்
அதை ஏன் இஸ்கான் மூலம் கொடுக்க வேண்டும்
அதற்கு ஏன் இத்தனை prime property நிலங்களை ஒதுக்கிக் கொடுக்க வேண்டும்
ஏற்கனவே இருக்கும் சத்துணவுத் திட்டத்தின் கட்டமைப்பை பயன்படுத்தி அந்தந்த பள்ளிகளிலேயே கொடுத்து விடலாம்.

பின்குறிப்பு: க்ரீம்ஸ் ரோடில் நிலத்தின் மதிப்பு 1 கிரவுண்ட் ரூ.30 கோடி 20,000 சதுர அடி என்பது சுமார் 10 கிரவுண்ட் மதிப்பு 300 கோடி
பெரம்பூர் பேரக்ஸ் பகுதியில் நிலத்தின் மதிப்பு 1 கிரவுண்ட் ரூ.20 கோடி 35,000 சதுர அடி என்பது சுமார் 15 கிரவுண்ட் மதிப்பு 300 கோடி

கபிலன் காமராஜ் : ISKCON என்ற இந்துத்துவ அமைப்பின் தலைமையிடம் இருப்பது அமெரிக்கா. அங்க உட்கார்ந்துகிட்டு மேற்கத்திய மக்களிடம் மதமாற்றம் செய்யும் கூட்டம் தான் ISKCON.
மேற்கத்திய நாடுகளில் பள்ளிகளில் குழந்தைகளுக்கு மாட்டுக்கறி, பன்றிக்கறி, காய்கறி என அனைத்தையும் மதியஉணவாக கொடுத்து திடகாத்திரமான சந்ததிகளை வளர்க்கிறார்கள்.
அங்கே போய் “குழந்தைகளுக்கு மாமிசம் கொடுக்காதீர்கள்” என ISKCON பேசமாட்டார்கள்.
இங்கே இந்தியா போன்ற வளரும் நாட்டில், கோடிக்கணக்கான மக்கள் ஊட்டச்சத்து குறைபாட்டுடன் வாழும் நிலை. இந்த சூழலிலும் பள்ளியில் குழந்தைகளுக்கு மதியஉணவில் வாரம் 5முட்டைகள் கொடுத்து ஆரோக்கியமாக வளர்க்கும் தமிழ்நாடு.

அருகே கர்நாடகத்தில் மதியஉணவை வழங்க ஒப்பந்தம் செய்திருக்கும் ISKCON அங்கே உணவில் பூண்டு வெங்காயம் சேர்க்காததால் குழந்தைகள் உணவை உண்பதில்லை என்ற குற்றசாட்டு இன்னமும் தீர்க்கப்படவில்லை.
அதற்குள் அடிமை அதிமுக அரசு தமிழகத்தில் அதே ISKCON அமைப்பிற்கு பள்ளியில் காலை உணவை வழங்க ஒப்பந்தம் கொடுக்கிறது. அவன் அதே ‘சுத்த சைவம்‘ என பூண்டு வெங்காயம் சேர்க்காத ‘அவாள்’ உணவை நம் குழந்தைகளிடம் திணிக்கிறார்கள்.
5 மற்றும் 8ஆம் வகுப்பு குழந்தைகளுக்கு பொது தேர்வை எதிர்த்தது போல இதையும் எதிர்க்க வேண்டும்.
இல்லையேல் இந்த அயோக்கியர்கள் அனைத்தையும் நாசம் செய்து நம் குழந்தைகளின் ஊட்டச்சத்தை சீர்கெடுத்துவிடுவார்கள்.

ஸ்ரீஸ்ரீ ரவிசங்கரா? ஆர்.எஸ்.எஸ் ரவிசங்கரா?- ஒரு Flashback கட்டுரை ..

maattru.blogspot.com :  ஸ்ரீ ஸ்ரீ ரவிசங்கர்: ஒரு விமர்சனம். ஸ்ரீ ஸ்ரீ ரவிசங்கரின் அதிகாரப்பூர்வ இணைய தளத்திற்குள் போனால் “வன்முறை இல்லாத, மனஇறுக்கம் இல்லாத உலகே எனது லட்சியம்” எனும் வார்த்தைகள் பளிச்சிடுகின்றன. மகாத்மா காந்தி ஆசிரமத்திற்குப் போய் ரவிசங்கர் ராட்டை நூற்கிற படம் இருக்கிறது.
> பெங்களூரிலிருந்து 36 கி.மீ தூரத்தில் இவரது ஆசிரமம் இருக்கிறது. தமிழகத்தின் பாபநாசத்தில் பிறந்தவராம். அங்கு போய் செட்டில் ஆகியிருக் கிறார். அப்பா பெயர் வெங்கட்ரத்தினம், அம்மா பெயர் விசாலாட்சி. தனது பெயரான ரவிசங்க ரோடு ஸ்ரீஸ்ரீயைச் சேர்த்திருக்கிறார். அந்தப் பெயரைக் கொண்ட பிரபல சிதார் கலைஞர் இதற்கு எதிர்ப்புத் தெரிவித்தார். ஆனாலும் என்ன அதைத் தக்க வைத்துக் கொண்டார்.
“வாழுங்கலை சர்வதேச மையம்” என்பது நடக்கிறது. “வேதவிஞ்ஞான மகாவித்யா பீடம்” இருக்கிறது. வேதப் பாடல்கள் எல்லாம் இவருக்கு விஞ்ஞானம்தான்! இந்த அமைப்புகளின் செயல் பாடுகள் இந்தியாவில் மட்டுமல்லாது, பல நாடுகளிலும் விரவிக் கிடப்பதை இணையதளம் விவரித்துக் கொண்டே போகிறது.

கொரொனோ வைரஸ் சீனா உண்மைகளை மறைகிறது .. பேரழிவு ? அதிர்ச்சி தரும் வீடியோ

Jeevan Prasad : · சீன மக்கள் தொகையில் 15 லட்சம் மக்கள் கொரோனா நோயினால் பீடிக்கப்பட்டுள்ளதாகவும் , அவர்களில் 2.1 சதவீதத்தினர் தினசரி இறந்து வருவதாக சொல்லப்படுகிறது. சீனா உண்மையை மறைத்து வருவதாக குற்றச் சாட்டுகளும் எழுந்துள்ளன.

அமெரிக்காவில் நுழைய இலங்கை ராணுவ தளபதிக்கு தடை

தினமலர் :  வாஷிங்டன்: இலங்கை ராணுவ தளபதி சவேந்திர சில்வா, விடுதலை புலிகளுக்கு எதிரான உள்நாட்டு போரில், கொடுமையான உரிமை மீறல்களில் ஈடுபட்டது நிரூபிக்கப்பட்டதால், அவரை அமெரிக்காவிற்குள் நுழைய தடை விதித்து அந்நாட்டு வெளியுறவுத்துறை அமைச்சகம் உத்தரவிட்டுள்ளது. இதற்கு இலங்கை அரசு கடும் கண்டனம் தெரிவித்துள்ளது.
கடந்த 2009ம் ஆண்டு விடுதலை புலிகளுக்கு எதிரான இறுதிக்கட்ட போரின் போது, இலங்கை ராணுவத்தின் 58 வது பிரிவுக்கு தலைமை ஏற்றவர் சவேந்திர சில்வா. இறுதிக்கட்ட போரின் கடைசி ஒரு மாதத்தில் மட்டும் 45 ஆயிரம் பேர் கொல்லப்பட்டார்கள் என ஐ.நா., அறிக்கையில் தெரிவிக்கப்பட்டுள்ளது. போரின்போது, ஈழத்தமிழர்கள் வசிக்கும் பகுதிக்கு குடிநீர், உணவு, மருந்துகள் உள்ளிட்ட அத்தியாவசிய பொருட்களை கொண்டு செல்ல விடாமல் சவேந்திர சில்வா தடுத்தார் என்ற குற்றச்சாட்டும் உள்ளது.

கேரளாவை கலக்கிக்கொண்டு இருக்கும் கிராமிய தமிழ் பாடல்... மறந்துபோன மண்ணின் தமிழ்

Herbert Rajan : கேரளாவை கலக்கிக்கொண்டு இருக்கிறது ஒரு கிராமிய தமிழ் பாடல்.அந்த பாடலுக்கும்,குரலுக்கும் சொந்தக்காரர் கேரளாவில் அட்டப்பாடி மலைபகுதியில் வசிக்கும் தமிழக பூர்வீகக்குடி தாய் நஞ்சம்மா.
மலையாள திரையுலகமும்,மீடியாக்களும் அவரை போற்றிக்கொண்டு இருக்கிறது இப்போது.கேரளா அரசும் கிராமிய பாடலுக்கான விருதை கொடுத்து கௌரவித்து இருக்கிறது."அய்யப்பனும் கோஷியும் " என்ற மலையாள திரைப்படத்தில் அவர் ஒரு முக்கிய கதாபாத்திரத்தில் நடித்து ,பாடிய அவரின் சொந்த பாடல் இன்று கேரளாவின் சூப்பர் ஹிட் பாடலாக அங்கே ஒலித்துக்கொண்டு இருக்கிறது.சினிமாவை பற்றி ஏதும் தெரியாத அந்த பாமர தமிழ் குயிலின் குரல் உலகமெங்கும் ஒலிக்க என் ஆசை.அதை உங்களோடு பகிர்ந்து கொள்வதில் எனக்கு மகிழ்ச்சி.
பாடலை கேட்டுப்பாருங்கள் நிச்சயம் உங்களை அறியாமல் உங்கள் தலையும்,கைகளும் மனமும்...அசைந்தாடும்.பாடலின் தமிழ் உச்சரிப்பும்,வார்த்தைகளும் நமக்கு புரிய சற்று சிரமமாக இருக்கும் ஏனென்றால் நாம் நாட்டுப்புற தமிழை மறந்து பல ஆண்டுகள் ஆகிப்போனது.

கபில் குமார் சரத்கர், ஐபிஎஸ் ...தூத்துக்குடியில் 11 பேர் கொலை .. சென்னை வண்ணாரபேட்டையில் 3 பேர் கொலை

Kalai Selvi : · Dismiss this Murderer in Uniform Kapil Kumar

Sarkkar Ips who Killed Three Indian citizens who are all Protesting against CAA in Chennai Vannarpet yesterday & this North Hindian Sargel officer is also responsible for 13 people death in Tuticorin Sterlite Protest

கனிமொழி எம் பி : சென்னை வண்ணாரப்பேட்டையில் நேற்று சிஏஏ / என்.ஆர்.சிக்கு எதிராக நடந்த போராட்டங்களை உரிய முறையில், சரியாக யாக இருந்தவர் கபில்குமார்..
கையாண்டிருந்தால் மக்கள் மீதான வன்முறையை தவிர்த்திருக்கலாம். சென்னை வடக்கு இணை ஆணையர் கபில் குமார் சரத்கர், ஐபிஎஸ், நிலைமையை தவறாக கையாண்டதாலேயே, அங்கு வன்முறை வெடித்தது. தூத்துக்குடியில், ஸ்டர்லைட் எதிர்ப்பு போராட்டத்தின்போது நடந்த துப்பாக்கிச் சூட்டில் 13 உயிர்கள் பலியானபோது, திருநெல்வேலி சரக டி.ஐ.ஜி

தூத்துக்குடி துப்பாக்கிச் சூடு தொடர்பாக கபில்குமார் மீது சிபிஐ மற்றும் ஒரு நபர் நீதி ஆணைய விசாரணை நடைபெற்று வருகிறது. அந்த விசாரணை முடியும் வரை அவர் சட்டம் ஒழுங்கு பணியில் நியமிக்கப்பட்டிருக்கக் கூடாது. ஆனால் அவருக்கு சென்னை வடக்கு சட்டம் ஒழுங்கு இணை ஆணையர் பதவி என்ற பரிசை வழங்கியுள்ளது அதிமுக அரசு. வண்ணாரப் பேட்டையில் நேற்று நடந்த வன்முறைக்குக் காரணமான, கபில் குமார் சரத்கர் உடனடியாக சஸ்பெண்ட் செய்யப்பட வேண்டும் . இந்த வன்முறை குறித்து விசாரணைக்கு உத்தரவிட வேண்டும்.

பாசிச அரசு வீழ்வது உறுதி ... ஆனால் எத்தனை உரிமைகளையும் உயிர்களையும் ....

சுமதி விஜயகுமார் : டெல்லி தேர்தலில் பாஜக தோல்வியில் பெரிதாக
மகிழ்ச்சி அடைய ஒன்றுமில்லை. மத்தியபிரதேசம், ராஜஸ்தான், ஜார்கண்ட், மகாராஷ்டிரா தேர்தலில் தோல்வி அடைந்த பின்பு தான் caa, npr, nrc யை பாஜக அரசு சட்டம் ஆக்கி இருக்கிறது. டெல்லி தேர்தலில் தோல்வி அடைத்ததினால் தங்கள் மதவாத அரசியலையோ மாட்டு அரசியலையோ நிறுத்தப்போவதில்லை. மக்களின் எந்தவித நல திட்டங்களையும் கொண்டு வரப்போவதில்லை.
பாஜக என்று மட்டுமில்லை. நம்மை ஆண்ட எந்த அரசிற்கு எதிராகவும் நம்மில் ஏதோ ஒரு பிரிவினர் போராடிக்கொண்டு தான் இருந்திருக்கிறோம். ஆளும் வர்க்கம் அத்தி பூத்தாற்போல் எப்போதாவதுதான் மக்களுக்கானதாய் அமையும். அப்படி அமைந்த அரசு கொண்டு வரும், அல்லது மக்கள் போராடி பெரும் ஒரு சில உரிமைகளையும், சட்டங்களையும் தவிடு பொடியாய் ஆக்கிவிடும் அடுத்து வரும் அரசு.

முகநூலில் நண்பர்கள் பட்டியலில் 90% பாஜக எதிர்ப்பாளர்கள் தான் இருக்கிறார்கள். கிணற்று தவளை போல் இந்தியா முழுவதும் அப்படிதான் என்று நம்பிக்கொண்டிருந்தேன். ஒருவரை காணும் வரை.
கணவரின் நண்பர். அழகான குடும்பம். 2 அழகான குழந்தைகள். அவர் தொழில் பற்றி பேச்சு வர, முன்பு போல் இல்லை கொஞ்சம் தொழில் முடங்கி விட்டது என்றார். Gst யாலா என்று கேட்ட பொழுது. ஆமாம், ஆனால் அது மிக அருமையான திட்டம். அந்த திட்டம் வந்த பிறகு யாராலும் வரி ஏய்க்க முடியவில்லை என்று பிஜேபி புகழ் பாடினார். நண்பர்களிடம், உறவினர்களிடம் வழிய சென்று அரசியல் பேசுவதில்லை என்ற முடிவில் இருந்ததினால் எதுவும் சொல்லாமல் கேட்டு கொண்டிருந்தேன். இணையரோ ' இவங்க பிஜேபி supporter தான்' என்று கோத்துவிட அப்படியா என்று நண்பருக்கு மகிழ்ச்சி.

இது வெறும் இஸ்லாமியர்களின் பிரச்சனை அல்ல.... ஒன்றாக சேர்ந்து போராடியே தீரவேண்டும் .

Shalin Maria Lawrence : நேற்று வண்ணாரப்பேட்டையில் இஸ்லாமிய சகோதர சகோதரிகள் மேல் நடந்தது மிக பெரிய வன்முறை.
கூட்டத்தில் குழந்தைகள் இருப்பது தெரிந்தும் அவர்களை அடிக்க முற்பட்டது அவர்களை இந்த அரசாங்கம் மனிதர்களாக கூட மதிக்கவில்லை என்பதனை காட்டுகிறது.
இந்திய அரசியலமைப்பு ஆர்ட்டிகள் 19(1)(b) ஆயுதமில்லாமல் அமைதியான முறையில் போராட்டதுக்காக மக்கள் கூடுவது அவர்களது உரிமை என்று சொல்லுகிறது. ஆனால் இந்த பாசிச அரசோ திரும்ப திரும்ப இந்திய அரசியலமைப்பு சட்டத்தை மீறி வருகிறது.

காலம் காலமாக பாஜக பல போராட்டங்களை நிகழ்த்தியுள்ளது.காங்கிரஸ் ஆட்சியின் போது அவர்கள் ரோட்டில் புரளாத நாள் கிடையாது .அப்படி இருந்தும் இப்போதைய போராட்டகாரர்களை அவர்கள் முடக்குவது பாஜகவின் ரெட்டை வேஷத்தை வெளிபடுத்துகிறது.
இங்கே அனைவரும் சமம் எனும்போது சிறுபான்மையினருக்கு மட்டும் போராட வாய்ப்பு கொடுக்காதது ஏற்கனவே சமமற்ற நிலையை உறுதி செய்கிறது.ஆகவே NCR எனும் ஆயுதமும் சிறுபான்மையினருக்கு எதிரான ஒன்றாக இருக்கும் என்பதில் எந்த ஐயமும் இல்லை.

ஜோதி மணி மகிளா காங்கிரஸ் தலைவியாக நியமனம்? : காங்.மேலிடம் திடீர் ஆலோசனை

தினகரன் : சென்னை: தமிழக மகிளா காங்கிரஸ் தலைவியாக ஜோதி மணி
எம்பியை நியமிக்க டெல்லி மேலிடம் ஆலோசித்து வருவதாக தமிழக காங்கிரஸ் கட்சி வட்டாரத்தில் இருந்து தகவல் வெளியாகியுள்ளது.மகிளா காங்கிரஸ் தலைவராக இருக்கும் ஜான்சி ராணியின் பதவி காலம் முடிவடைந்துள்ளது. இதனால் புதிய தலைவரை தேர்வு செய்வதற்காக நடவடிக்கைகளை காங்கிரஸ் மேலிடம் எடுத்து வருகிறது. இதற்காக மகிளா காங்கிரசின் தமிழக மேலிட பொறுப்பாளர் சவுமியா சென்னையில் முக்கிய நிர்வாகிகள் மத்தியில் நேர்முக தேர்வு நடத்தினார். அதில் 10 பேரை தேர்வு செய்து அவர்களை டெல்லி வரவழைத்துள்ளார். அவர்களுக்கு டெல்லியில் மகிளா காங்கிரசின் மூத்த நிர்வாகிகள் நேர்முக தேர்வு நடத்தியுள்ளனர். இதில் இருந்து ஒருவரை தமிழக மகிளா காங்கிரஸ் தலைவராக தேர்வு செய்ய முடிவு செய்துள்ளனர்.

தர்பார் பட விநியோகஸ்தர்களை காணவில்லை?.. வருமான வரித்துறை மிரட்டல்?

வெப்துனியா : சூப்பர் ஸ்டார் ரஜினிகாந்த் நடித்த ’தர்பார்’ திரைப்படத்தால் தங்களுக்கு கோடிக்கணக்கில் நஷ்டம் என்றும் ரஜினிகாந்த் அதற்காக நஷ்ட ஈடு தர வேண்டும் என்றும் ஒரு சில வினியோகஸ்தர்கள் போராட்டம் நடத்தினார்கள். இந்த நிலையில் இயக்குனர் முருகதாஸ் போராட்டம் நடத்துபவர்களிடம் இருந்து தனக்கு பாதுகாப்பு வேண்டும் என்று நீதிமன்றத்தில் மனு கொடுத்துள்ளார். இந்த மனு விரைவில் விசாரணைக்கு வர உள்ளது
;இந்த வழக்கு விசாரணைக்கு வந்தால் போராட்டம் நடத்திய விநியோகிஸ்தர்கள் விளக்கம் அளிக்க வேண்டிய நிலை வரும் என்றும் அப்போது தர்பார் படத்தின் உண்மையான வசூல் தொகையை அவர்கள் கணக்கில் காட்ட வேண்டிய நிலை வரும் என்றும் கூறப்படுகிறது.

கொரோனா வைரஸ் சிகிச்சை அளித்த மருத்துவ ஊழியர்கள் 6 பேர் உயிரிழப்பு .. சீனாவில்

மாலைமலர் : சீனாவில் கொரோனா பாதிக்கப்பட்டவர்களுக்கு சிகிச்சையளித்த மருத்துவ ஊழியர்கள் 6 பேர் அதே வைரஸ் தாக்கி உயிரிழந்துள்ளதாக சீன அரசு தெரிவித்துள்ளது. பீஜிங்: சீனாவின் ஹூபேய் மாகாணம் வுகான் நகரில் பரவத்தொடங்கிய கொரோனா வைரஸ் தற்போது உலகின் பல்வேறு நாடுகளுக்கும் பரவி பெரும் அச்சுருத்தலாக விளங்கிவருகிறது.
இந்த வைரஸ் பாதிப்பிற்கு 1,380 பேர் உயிரிழந்துள்ளனர். உலகம் முழுவதும் 60 ஆயிரத்து 400 பேருக்கு கொரோனா வைரஸ் பாதிப்பு இருப்பது உறுதி செய்யப்பட்டுள்ளது. இதற்கிடையில், வைரஸ் பாதிப்பு அதிகமாக பரவியுள்ள வுகான் நகரில் உள்ள மருத்துவமனைகளில் டாக்டர்கள், செவிலியர்கள் என அனைத்து மருத்துவ ஊழியர்களும் இரவு பகல் பாராமல் நோயாளிகளுக்கு தீவிர சிகிச்சை அளித்துவருகின்றனர்.
இவர்களில் பலரும் தங்கள் குடும்ப உறவுகளை பிரிந்து கொரோனா பாதிக்கப்பட்டவர்களை காப்பாற்றும் பணியில் ஈடுபட்டுவருகின்றனர். 

CAA Protest: அதிமுக எம்.எல்.ஏக்களை முற்றுகையிட்ட இஸ்லாமிய அமைப்பினர்

BBC : கடலூர் மாவட்டம் சிதம்பரத்தில் நடைபெற்ற அதிமுக செயல்வீரர்கள் ஆலோசனை கூட்டத்தில் பங்குபெற்ற மூன்று அதிமுக சட்டமன்ற உறுப்பினர்களை, இஸ்லாமிய அமைப்புகளை சேர்ந்த 100க்கும் மேற்பட்டவர்கள் முற்றுகையிட்டு போராட்டம் நடத்தினர். சிதம்பரத்தில் உள்ள தனியார் திருமண மண்டபத்தில் மறைந்த தமிழக முதல்வர் ஜெயலலிதாவின் 72வது பிறந்தநாளை முன்னிட்டு அதிமுக செயல்வீரர்கள் ஆலோசனை கூட்டம், இன்று, சனிக்கிழமை நடைபெற்றது.
இக்கூட்டத்தில் சிதம்பரம் சட்டமன்ற உறுப்பினர் பாண்டியன், காட்டுமன்னார்கோயில் சட்டமன்ற உறுப்பினர் முருகுமாறன், பண்ருட்டி சட்டமன்ற உறுப்பினர் சத்யா பன்னீர்செல்வம் மற்றும் முன்னாள் அமைச்சர்கள் உள்ளிட்ட அதிமுகவினர் பங்கேற்றனர்.
அப்போது அனைத்து இஸ்லாமியர் இயக்க கூட்டமைப்பைச் சேர்ந்த 100க்கும் மேற்பட்ட இஸ்லாமியர்கள் திடீரென, சென்னையில் குடியுரிமை திருத்தச் சட்டத்திற்கு எதிர்ப்பு தெரிவித்து போராட்டம் நடத்தியபோது காவல்துறையினர் இஸ்லாமியர்கள் மீது தடியடி நடத்திய தாக்குதலைக் கண்டித்தும், குடியுரிமை திருத்த சட்டத்தை ரத்து செய்ய வலியுறுத்தியும் கோஷமிட்டு, அதிமுக கூட்டம் நடைபெற்ற தனியார் திருமண மண்டப வாயிலில் முற்றுகையிட்டு போராட்டத்தில் ஈடுபட்டனர்.

டிராஃபிக் ராமசாமிக்கு பிணையில் வெளிவர முடியாத பிடிவாரண்ட்

tamil.indianexpress.com : ஜெயலலிதாவுக்கு எதிராக அவதூறான கருத்துகளை தெரிவித்தாக தொடரப்பட்ட வழக்கில் சமூக சேவகர் டிராஃபிக் ராமசாமிக்கு ஜாமீனில் வெளிவர முடியாத பிடி வாரண்டு பிறப்பித்து சென்னை முதன்மை...
ஜெயலலிதாவுக்கு எதிராக அவதூறான கருத்துகளை தெரிவித்தாக தொடரப்பட்ட வழக்கில் சமூக சேவகர் டிராஃபிக் ராமசாமிக்கு ஜாமீனில் வெளிவர முடியாத பிடி வாரண்டு பிறப்பித்து சென்னை முதன்மை அமர்வு நீதிமன்றம் உத்தரவிட்டுள்ளது.
கடந்த 2015-ம் ஆண்டு பெய்த கனமழையால் சென்னை, காஞ்சிபுரம், திருவள்ளூர் மாவட்டங்களில் பல்வேறு பகுதிகள் வெள்ளத்தில் மிதந்தன. மழை வெள்ளத்தால் பாதிக்கப்பட்ட மக்களுக்கு தனி நபர்கள், நிறுவனங்கள், அமைப்புகள், தனியார் தொண்டு நிறுவனங்கள் மற்றும் வெளிமாநிலங்களில் இருந்து வந்த நிவாரண பொருட்கள் வழங்கபட்டது.

சீன வுகான் மீட்பு பணி குறித்து ஏர் இந்தியா கேப்டன்.... இது தான்...ஏர் இந்தியா.... ரிபெல் ரவி

Rebel Ravi ; இது தான்...ஏர் இந்தியா...🇮🇳....
மரண அமைதி.. சாலைகள் வெறிச்.. அச்சமூட்டிய அனுபவம்.. வுகான் மீட்பு பணி குறித்து ஏர் இந்தியா கேப்டன்
மனிதர்கள், வாகனங்கள் இல்லாமல் பிரகாசமாக எரியும் தெருவிளக்குகள், நிசப்தமான சூழல் ஆகியவற்றை அனுபவித்ததாக சீனாவில் இந்தியர்களை மீட்கும் பணியில் ஈடுபட்ட ஏர் இந்தியா விமானி அமிதாப் சிங் தெரிவித்தார்.
சீனாவில் கொரோனா வைரஸ் தாக்குதலுக்கு 1500- க்கும் மேற்பட்டோர் பலியாகிவிட்டனர். 65ஆயிரத்துக்கும் மேற்பட்டோருக்கு நோய் பரவியுள்ளது.
சீனாவில் விமான நிலையங்கள் மூடப்பட்டதால் அங்கு பணி நிமித்தமாகவும் கல்விக்காகவும் சென்றவர்கள் சொந்த நாடுகளுக்கு திரும்ப முடியாத நிலை ஏற்பட்டிருந்தது. இதையடுத்து தங்களை மீட்க வேண்டும் என அந்தந்த நாட்டு அரசிடம் சீனாவில் இருந்து கோரிக்கைகள் எழுந்தன. நோய் எல்லா இடங்களிலும் பரவுவதற்கு முன்னர் சீனாவில் பல்வேறு இடங்களில் இருந்த பல நாடுகளை சேர்ந்த மாணவர்கள் உள்ளிட்டோரை அந்தந்த நாடுகள் மீட்டன.

ஏர் இந்தியா விமானம் இரு முறை வுகான் நகரத்திற்கு சென்றது. பிப்ரவரி 1-ஆம் தேதி 324 இந்தியர்கள் மீட்கப்பட்டனர். அது போல் அடுத்த நாள் இன்னொரு விமானத்தில் 323 இந்தியர்கள் மீட்கப்பட்டனர். இந்தியாவின் ஏர் இந்தியா விமானம் மூலம் மீட்பு பணிகள் துரிதப்படுத்தப்பட்டன.
இந்தியர்கள்
இந்தியர்களை மீட்க வேண்டும்

சென்னையில் போலீஸ் தடியடி.. தமிழகம் முழுக்க போராட்டத்தில் குதித்த இஸ்லாமிய அமைப்புகள்

tamil.oneindia.com :  சென்னை  வண்ணாரப்பேட்டையில் குடியுரிமை சட்டத் திருத்தத்துக்கு எதிராக போராட்டம் நடத்திய இஸ்லாமியர்கள் மீது போலீசார் தடியடி நடத்தியதைக் கண்டித்து தமிழகம் முழுக்க பல்வேறு பகுதிகளிலும் இஸ்லாமியர்கள் போராட்டம் நடத்தியதால் பதற்றம் நிலவுகிறது.

 குடியுரிமை சட்டத் திருத்தம், குடிமக்கள் பதிவேடு உள்ளிட்ட மத்திய அரசின் திட்டங்களை எதிர்த்து சென்னை வண்ணாரப்பேட்டையில் இன்று மாலை முதல்  போராட்டம் நடத்தி வந்தனர். 

இந்த தர்ணா போராட்டத்தில் பெண்கள் மற்றும் குழந்தைகளும் பங்கேற்றனர். 5 மணி நேரத்துக்கும் மேலாக போராட்டம் தொடர்ந்து நிலையில் போராட்டக்காரர்கள் சாலை மறியலில் ஈடுபட்டதாக கூறப்படுகிறது. அவர்களை கலைந்து போகுமாறு காவல்துறையினர் எச்சரித்தனர். அப்போது இருதரப்புக்கும் மோதல் ஏற்பட்டுள்ளது. 

காவல்துறையினர், போராட்டக்காரர்கள் மீது தடியடி நடத்தியதாகவும், சிலரை அடித்து உதைத்ததால் கூறி குற்றச்சாட்டு முன்வைக்கப்பட்டது. இந்த களேபரங்களுக்கு நடுவே சுமார் 120 பேரை காவல்துறையினர் கைது செய்து அழைத்துச் சென்றனர். 

அவர்களை விடுதலை செய்யும் வரை நாங்கள் போராட்டத்தை தொடருவோம் என்று பிற போராட்டக்காரர்கள் வண்ணாரப்பேட்டை பகுதியில் அமர்ந்து விட்டனர். இரவு 9 மணியளவில் இந்த சம்பவம் நடைபெற்றதாக கூறப்படுகிறது.

கழிவுநீர் தொட்டியில் விழுந்து இறந்த சிறுவன்.. ஆவடியில் திறந்த நிலையில் கிடந்த தொட்டி

ns7.tv : ஆவடியில் வீட்டின் அருகே விளையாடி கொண்டிருந்த போது காணாமல் போன 6 வயது சிறுவன் இறந்த நிலையில் கழிவு நீர் தொட்டியில் இருந்து சடலமாக மீட்கப்பட்டுள்ள சம்பவம் அதிர்ச்சியை ஏற்படுத்தியுள்ளது.
சென்னை, ஆவடி காந்திநகர் அன்பழகன் தெருவை சேர்ந்தவர் காந்தி வள்ளி தம்பதியரின் 6 வயது குழந்தை சுமூகன். மாலை 5 மணியளவில் தெருவில் தனது அக்காவுடன் விளையாடி கொண்டிருந்த சிறுவனை காணவில்லை என ஆவடி காவல் நிலையத்தில் இரவு 9 மணிக்கு புகார் அளிக்கப்பட்டது. இந்நிலையில், பெற்றோர்கள் அளித்த புகாரின் அடிப்படையில், ஆவடி உதவி ஆணையர் சத்தியமூர்த்தி தலைமையிலான தனிப்படை காவல் துறையினர் காணாமல் போனதாக கூறப்பட்ட இடத்திற்கு விரைந்து வந்தனர்.
சிறுவன் கடத்தப்பட்டாரா? அல்லது வேறு ஏதாவது அசம்பாவிதம் நடந்திருக்குமா? என்ற சந்தேகத்தில் தேடி வந்த நிலையில், காந்தி நகர் பகுதியில் உள்ள அன்பழகன் நகர் அதனை சுற்றியுள்ள வீடுகளில் உள்ள cctv காட்சிகளை சுமார் 2 மணிநேரம் ஆய்வுசெய்த காவல்துறையினர்,

CAA, NRC NPR இஸ்லாமியர்களுக்கு மட்டுல்ல ... கடந்து சென்றால் ஹிட்லரின் ஜெர்மனியில் நடந்ததுதான் ...

Karthikeyan Fastura : வரலாற்றில் பல இடங்களில் மனிதர்கள் செய்யும் மிகப்
பெரும் பிழை தன்னை பாதிக்கும் வரை நாட்டில் என்ன அநியாயம்
நிகழ்ந்தாலும் கண்டும் காணாது செல்வது. உயிர்போகும் பிரச்சனை நிகழ்ந்து கொண்டிருந்தாலும் என்னை பாதிக்கவில்லை என்ற அளவில் அமைதியாகி விடுவது.
ஜெர்மனியில் நாசிசம் பரவிக் கொண்டு இருந்தபோது யூதர்கள் அதை பற்றிய பெரிய அக்கறை இன்றி பொருள் சேர்ப்பதில் குறியாக இருந்தார்கள். என்னவாயிற்று? அவர்கள் தலைமுறை தலைமுறையாக சேர்த்த தொழில், செல்வம், வீடு என்று அத்தனையும் இழந்து முகாம்களுக்கு இழுத்து செல்லப்பட்டார்கள்.

அடுத்து அவர்கள் அவ்வாறு இழுத்து செல்லப்படுவதையும், கூட்டம் கூட்டமாக, கொத்து கொத்தாக கொல்லப்படுவதை பார்த்து கண்டும் காணாதிருந்தார்கள் ஜெர்மானியர்கள். நாசிச வெறி உச்சகட்டத்திற்கு சென்று ஹிட்லர் கண்ணுமண்ணு தெரியாத அதிகார வெறியில் மிகப்பெரும் வல்லரசாக இருந்த ஜெர்மனியை உலகத்தின் வெறுப்புக்கு ஆளாக்கினார்.

காதலர் தினம் Feb 14 உரிமை இல்லையா? CAA Protest | Chennai | Valentine 2020

தமிழகத்தில் பல இடங்களில் CAA க்கு எதிரான போராட்டம்- போலீசார் தடியடி ஒருவர் இறப்பு .. .

பா. சந்தோஷ் - நக்கீரன் :  சென்னை வண்ணாரப்பேட்டையில் குடியுரிமை திருத்தச் சட்டத்திற்கு எதிரான போராட்டத்தில் ஈடுபட்டவர்கள் கலைந்து

செல்ல மறுத்து தள்ளுமுள்ளு ஏற்பட்டதால் போலீஸார் தடியடி நடத்தினர். இருப்பினும் போராட்டத்தில் ஈடுபட்ட 120 பேரை கைது செய்ததற்கு எதிர்ப்பு தெரிவித்தும், அவர்களை விடுவிக்க கோரியும் இஸ்லாமிய பெண்கள் தொடர் போராட்டத்தில் ஈடுபட்டுள்ளனர். பதட்டமான சூழல் நிலவுவதால் அந்த பகுதியில் போலீஸார் அதிக அளவில் குவிக்கப்பட்டுள்ளனர்.

இந்த போராட்டத்தில் நடந்த கல்வீச்சில் படுகாயமடைந்த சென்னை மேற்கு இணை ஆணையர் விஜயகுமாரிக்கு மருத்துவமனையில் அனுமதிக்கப்பட்டு சிகிச்சை அளிக்கப்பட்டு வருவதாக காவல் துறை தரப்பில் தெரிவிக்கப்பட்டுள்ளது. மேலும் வண்ணாரப்பேட்டையில் சிஏஏ போராட்டத்தில் முதியவர் உயிரிழந்ததாகக் கூறப்படுவது தவறான தகவல் என்றும், உடல்நலக்குறைவால் மருத்துவமனையில் சிகிச்சை பெற்று வந்த முதியவர் உயிரிழந்ததாக காவல்துறை தரப்பில் விளக்கம் அளிக்கப்பட்டது. . இதனிடையே சென்னை வண்ணாரப்பேட்டை காவல் துணை ஆணையர் அலுவலகத்தில் இஸ்லாமிய அமைப்பினருடன் சென்னை மாநகர ஆணையர் ஏ.கே.விஸ்வநாதன் பேச்சுவார்த்தை நடத்தி வருகிறார். .

மாதவிடாயை நிரூபிக்க 68 மாணவிகளின் உள்ளாடையை கழற்றிச் சோதனை குஜராத் கல்லூரி

.kalaignarseithigal.co: மாதவிடாயை நிரூபிக்க மாணவிகளின் உள்ளாடையை கழற்றிச் சோதனை செய்த கல்லூரி” : குஜராத்தில் கொடூரம்! குஜராத்தில் உள்ள மகளிர் கல்லூரியில் மாணவிகளுக்கு மாதவிடாய் ஏற்பட்டுள்ளதா எனச் சோதிக்க, உள்ளாடைகளை கழற்றச்சொல்லிக் கொடுமை செய்த சம்பவம் பெரும் அதிர்ச்சியை ஏற்படுத்தியுள்ளது. குஜராத் மாநிலத்தில் உள்ள பூஜ் பகுதியில் ஸ்ரீ சுவாமிநாராயண் கோவில் அறக்கட்டளையின் கீழ் இயங்குகிறது ஸ்ரீ சஜ்ஜானந்த் மகளிர் கல்லூரி. இந்தக் கல்லூரியில் சுமார் 12,000க்கும் மேற்பட்ட மாணவிகள் படித்து வருகின்றனர்.
2012ல் நிறுவப்பட்ட இந்தக் கல்வி நிறுவனம் கடந்த 2014லில் ஸ்ரீ சுவாமிநாராயண் கன்யா மந்திர் கோவிலுக்குச் சொந்தமான பகுதியில் இருக்கும் புதிய கட்டிடத்திற்கு மாற்றப்பட்டது. அதைத்தொடர்ந்து மாணவர்களுக்கு புதிய கட்டுப்பாடுகளையும், விதிமுறைகளையும் விதித்து மாணவர்களை கட்டாயப்படுத்திவருகிறது.
குறிப்பாக கல்லூரி விடுதியில் தங்கிப் படிக்கும் மாணவிகள் தங்களின் மாதவிடாய் காலங்களில் கல்லூரி வளாகத்தில் உள்ள கோவில், உணவகம் போன்ற பகுதிகளுக்குச் செல்லத் தடை விதிக்கப்பட்டுள்ளது.

விழுப்புரம் .. ஒன்றரை ஆண்டுகள் 16 உறவினர்களால் பாலியல் வன்கொடுமை ... சிறுமி.மரணம்...!

tamil.news18.com :விழுப்புரம் மாவட்டத்தில், தாய்மாமன் உள்ளிட்ட உறவினர்கள் 16 பேரால் ஒன்றரை ஆண்டுகள் பாலியல் வன்கொடுமைக்கு ஆளாக்கப்பட்ட சிறுமி சென்னையில் சந்தேகத்திற்கு இடமான முறையில் உயிரிழந்தார்.
விழுப்புரம் மாவட்டத்தில் உடன் பிறந்த சகோதரியின் இரண்டு பெண் குழந்தைகளை தாய்மாமன் உள்ளிட்ட 16 பேர் சேர்ந்து பாலியல் பலாத்காரம் செய்த சம்பவம் தமிழகத்தையே அதிர்ச்சிக்குள்ளாக்கியது. இந்த வழக்கில் 14 பேர் கைது செய்யப்பட்ட நிலையில், சென்னையில் இருந்த சிறுமி சந்தேகத்திற்கு இடமான முறையில் உயிரிழந்தார்.
விழுப்புரம் மாவட்டம் திண்டிவனம் அருகே பிரம்மதேசம் காவல் நிலைய எல்லைக்கு உட்பட்ட இடத்தில் இளம்பெண் ஒருவர் வசித்து வந்தார். உறவினருடன் அந்த இளம்பெண்ணுக்கு திருமணமாகி 2 பெண் குழந்தைகள் பிறந்தன. கருத்து வேறுபாடு ஏற்பட்டு கணவரைப் பிரிந்தார் அந்தப் பெண்.
பின்னர் புதுச்சேரிக்கு இடம் பெயர்ந்த அவர், அங்குள்ள ஜவுளிக் கடை ஒன்றில் வேலைக்கு சேர்ந்தார். அங்கு உடன் பணியாற்றிய ஒருவரை காதலித்து திருமணம் செய்து கொண்டார்.
அந்த தம்பதிக்கு ஒரு பெண் குழந்தை பிறந்தது; முதல் கணவருக்கு பிறந்த இரு பெண் குழந்தைகளும் சொந்த ஊரில் பாட்டியிடம் வளர்ந்து வந்தனர். 9 வயது மற்றும் 7 வயதான இரு சிறுமிகளும் தாயின் சொந்த ஊரிலேயே உள்ள பள்ளியில் படித்து வந்தனர்

இலங்கைக்கு விசா தேவையில்லை ... ஏப்ரல் 30வரை இந்தியா உட்பட பலநாடுகளுக்கு இந்த சலுகை

மாலைமலர் :விசா இல்லாமல் இலங்கைக்கு சுற்றுலா வரும் திட்டம் ஏப்ரல் 30-ம் தேதி வரை நீட்டிக்கப்பட்டதற்கு அந்நாட்டு அரசு ஒப்புதல் அளித்துள்ளது.
விசா இல்லாமல் சுற்றுலா வரும் திட்டம் ஏப்ரல் 30வரை நீட்டிப்பு - இலங்கை அரசு அனுமதி சுற்றுலா பயணிகள் கொழும்பு: இலங்கையில் சுற்றுலா பயணிகளின் வருகையை அதிகரிக்க அந்நாட்டின் சுற்றுலாத்துறை சார்பில் பல்வேறு நடவடிக்கை எடுக்கப்பட்டு வருகிறது. அதன் ஒரு பகுதியாக இந்தியா உட்பட அண்டை நாடுகளில் இருந்து இலங்கைக்கு வரும் சுற்றுலாப் பயணிகளுக்கு விசா இல்லாமல் அனுமதி வழங்க ஆலோசனை மேற்கொள்ளப்பட்டது. இதுதொடர்பாக பரிசீலிக்க இலங்கை சுற்றுலாத்துறை அதிகாரிகள் அடங்கிய குழுவை அப்போதைய பிரதமர் ரணில் விக்கிரமசிங்கே நிர்ணயித்தார். இந்த திட்டத்தின் மூலம் இந்தியா உள்ளிட்ட பல்வேறு நாடுகளில் இருந்து விசா இன்றி சுற்றுலா பயணிகள் இலங்கை சென்று வருகின்றனர். இந்நிலையில், விசா இல்லாமல் இலங்கைக்கு சுற்றுலா வரும் திட்டம் ஏப்ரல் 30ம் தேதி வரை நீடிக்கப்பட்டுள்ளது என இலங்கை அரசு தெரிவித்துள்ளது.

நெல்லை ... மாணவிக்கு சரமாரி அடி.. பிரம்பு முறிந்து.. பிளந்த துண்டு முத்தரசி கண்ணில் பார்வை கேள்வி குறி

tamil.oneindia.com - hemavandhana.: நெல்லை: மாணவியை ஆசிரியர் அடித்த அடியில் அந்த பிரம்பு முறிந்து... பிய்ந்து கொண்டு போய்.. பக்கத்தில் உட்கார்ந்திருந்த இருந்த இன்னொரு மாணவி முத்தரசியின் கண்ணை துளைத்து சென்றது.. முத்தரசியின் கண்ணிர் ரத்தமாய் வழிந்தது.. இப்போது பார்வை பறி போகும் அபாயத்தில் உள்ளார்!
நெல்லை மாவட்டம் கூடங்குளத்தை சேர்ந்தவர் முத்துசெல்வன்... இவரது மகள் முத்தரசி... 10 வயது சிறுமி.. 5-ம் வகுப்பு படிக்கிறார்!
முத்துசெல்வன் வெளிநாட்டில் வேலை பார்ப்பதால், பாட்டி வீட்டில்தான் முத்தரசி தங்கி படித்து வருகிறார்... கூடங்குளத்தில் உள்ள புனித அன்னம்மாள் தொடக்கப்பள்ளி... இதுதான் முத்தரசியின் ஸ்கூல்... ஆதிநாராயணன் என்பவர் இவரது கிளாஸ் வாத்தியார்!

Tamil Nadu Budget 2020: எந்தெந்த திட்டம், துறைக்கு எவ்வளவு ஒதுக்கீடு?

BBC :தமிழக அரசின் 2020-2021ஆம் நிதி ஆண்டுக்கான நிதிநிலை அறிக்கையை இன்று (வெள்ளிக்கிழமை) நிதியமைச்சர் ஓ. பன்னீர்செல்வம் சட்டப்பேரவையில் தாக்கல் செய்தார்.

இதை பல்வேறு துறைசார் அறிவிப்புகள் வெளியிடப்பட்டுள்ளன.
கல்வி, விவசாயம் உள்ளிட்ட பல்வேறு துறைகளுக்கு நிதி ஒதுக்கீடுகள் அறிவிக்கப்பட்டுள்ள நிலையில், இந்த பட்டியல் எந்தெந்த துறைகளுக்கு எவ்வளவு நிதி ஒதுக்கீடு செய்யப்பட்டுள்ளது என்பது தொகுக்கப்பட்டுள்ளது.

திட்டம்/ துறை	நிதி ஒதுக்கீடு (கோடி ரூபாய்களில்) 2020 -2021	நிதி ஒதுக்கீடு (கோடி ரூபாய்களில்) 2019-2020
தமிழ் வளர்ச்சித் துறை	74	54
பள்ளிக் கல்வித்துறை	34,181	28,757
உயர் கல்வித்துறை	5,052	4,584
வேளாண்துறை	11,894	10,550
சுகாதாரத்துறை	15,863	12,563
காவல்துறை	8,876	8,084

11 எம்.எல்.ஏ.க்கள் வழக்கு முடித்துவைப்பு!

மின்னம்பலம் : 11 எம்.எல்.ஏ.க்கள் தகுதி நீக்க வழக்கை முடித்துவைத்து உச்ச நீதிமன்றம் உத்தரவிட்டுள்ளது.
2017 ஆம் ஆண்டு பிப்ரவரி மாதம் 18 ஆம் தேதி எடப்பாடி பழனிசாமி அரசு மீது நடந்த நம்பிக்கையில்லாத் தீர்மானத்தில் ஓ.பன்னீர் செல்வம், மாஃபா பாண்டியராஜன், செம்மலை உள்ளிட்ட 11 எம்.எல்.ஏ.க்கள் அரசுக்கு எதிராக வாக்களித்தனர். மக்கள் பிரதிநிதித்துவ சட்டப்படி கொறடா உத்தரவுக்கு எதிராக செயல்பட்ட இந்த 11 எம்.எல்.ஏ.க்களையும் தகுதி நீக்கம் செய்ய வேண்டும் என்று திமுக கொறடா சக்கரபாணி சென்னை உயர் நீதிமன்றத்தில் வழக்குத் தொடுத்தார். அது தள்ளுபடி செய்யப்பட்டதால், உச்ச நீதிமன்றத்தில் வழக்குத் தொடர்ந்தார் சக்கரபாணி.