உயிர் உறிஞ்சும் மீடியேட்டர்கள்! ஏன் நல்ல தரமான குறும்படங்கள் சின்ன பட்ஜெட்டுல?

கேபிள் சங்கர்  :சமீபத்தில் இயக்குநர் நண்பருக்குப் போன் செய்தேன். பிரபல தொலைக்காட்சி நிறுவனம் ஒன்றுக்காகப் பாடல் ஒன்றைப் படமாக்கிக் கொண்டிருப்பதாகச் சொன்னார். படப்பிடிப்பு முடிந்து இரண்டாவது நாளிலேயே பாடல் தொலைக்காட்சியில் ஒளிபரப்பானது. அதன் தொடர்ச்சியாக நிறைய பாடல்களை அவர்களது ஸ்ட்ரீமிங் ஆப்பில் பார்த்தேன். நிறைய உழைத்திருக்கிறார்கள். நல்ல பாடல்களைத் தேர்ந்தெடுத்திருக்கிறார்கள். ஓரளவுக்கு நல்ல நடிகர், நடிகைகளையும் தெரிவு செய்திருக்கிறார்கள். எல்லாம் இருந்தும் பாடல்களின் மொத்த தரம் மிகக் குறைவாக இருந்தது.
இயக்குநர் நண்பர்களை அழைத்து, “என்னங்க எல்லாம் நல்லா ப்ளான் பண்ணி மேக்கிங்கில் இவ்வளவு மோசமா கொண்டுவந்திருக்கீங்க?” என்றதுதான் தாமதம். ஆளாளுக்கு ‘ஓ’வென அழாத குறைதான்.
“சார்… ஒரு பாட்டு நல்லா வரணும்னா சிச்சுவேஷனுக்கு ஏத்தபடி ரெண்டு அல்லது மூணு நாள் ஷூட் பண்ணணும். இவங்க கொடுக்குற காசுக்கு ஒருநாள் ஷூட் பண்ணவே முடியாது. இதுல எப்படி குவாலிட்டியும் கொடுக்குறது?”
“ஏன் நல்ல தரமான குறும்படங்கள் சின்ன பட்ஜெட்டுல பண்றது இல்லையா?”
“நூறு படம் பட்ஜெட்டுல பண்ணா ஒண்ணு தேறுறதே கஷ்டம். அப்படித்தான் இந்த நிகழ்ச்சியும்” என்றார்.

ராஜ்பவன்களும் ஆளுநர்களும் தேவையா? கர்நாடகம் தரும் பாடம் .

tamilthehindu : சமீபத்திய கர்நாடகத் தேர்தல் மீண்டும் புது விவாதத்தை
உருவாக்கியிருக்கிறது. ஆளுநரின் அதிகாரம் எவ்வளவு என்பதுதான் அது! பெரும்பான்மையை நிரூபிக்க எடியூரப்பா ஒரு வாரமே அவகாசம் கேட்டிருந்த நிலையில், அவருக்கு 15 நாட்கள் வழங்கி உத்தரவிட்ட ஆளுநரின் முடிவின் காரணமாகவே, உச்ச நீதிமன்றம் தலையிட்டு, உடனடியாக நம்பிக்கை வாக்கெடுப்பு நடத்த உத்தரவிட வேண்டிவந்தது. ஆளுநரின் முடிவானது, விருப்ப அதிகாரம் எனும் தெளிவில்லாத அதிகாரத்தின் நிச்சயமற்றத்தன்மையின் அடிப்படையில் எடுக்கப்பட்டது. பாஜகவுக்கு ஆதரவான நிலைப்பாடு எனும் வகையில் இது பாரபட்சமானதுதான். ஆனால், நீதித் துறையின் தலையீட்டைக் கோரும் அளவுக்கு சட்டத்துக்குப் புறம்பானது அல்ல.

நடிகையர் திலகம் - ஜெமினி என்ற அகம்பாவம் பிடித்த ஆணின் சூழ்ச்சிக்கு

ஒருமுறை ஆந்திராவில் பந்த் காரணமாக அனைத்து ஒயின் ஷாப்புகளையும் மூடிவிட நடிகை சாவித்திரி அவர்கள் , மதுவுக்கு அடிமையாகியிருந்த காலகட்டம் அது..மது இல்லாமல் தன்னால் நடிக்க இயலாது கை நடுக்கமாக உள்ளது எப்படியேனும்( தெலுங்கில் :-- நாக்கு மந்து தாகாலி , தம்புடு நூ ஏமி சேஸ்தாவோ நாக்கு தெலியது நாக்கு இப்புடு காவாலி லேக்கபோதே நாவல்ல காது..நூ வெல்லி எக்கடனா தீஸ்கோனி ரா பாபு ) தமிழாக்கம் :- நடிகை சாவித்திரியம்மா அப்பாவிடம் எனக்கு மது வேண்டும் , தம்பி எனக்கு தெரியாது நீ என்னபண்ணுவாயோ , எனக்கு இப்போது மது வேண்டும் அது இல்லாமல் என்னால முடியல , நீ எங்கேனும் போய் அக்காவுக்காக வாங்கிவாபாபு என்று ஓவென கெஞ்சி சிறுபிள்ளையைப்போல அழுது கெஞ்சத் தொடங்கிவிட்டாராம்..!

Savitha Munuswamy : எனது அப்பா வாழ்ந்த வாழ்வின் ஒரு பகுதியை இன்று திரைவடிவில் கண்டு துக்கம் என் தொண்டையை அடைக்க ஒரு கனத்தில் அதை அடக்க முடியாமல் ஓவென வெடித்து அழுதுவிட்டேன்..! தியேட்டரில் அக்கம் பக்கத்தில் அமர்ந்திருப்பவர்களெல்லாம் என்னை திரும்பித், திரும்பி பார்த்தது சங்கடத்தை ஏற்படுத்தினாலும் அதை பொருட்படுத்தாமல் அழுதுக்கொண்டுருந்தேன்...!

கச்சநத்தம் படுகொலை - மதுரை அண்ணாநிலையம் அருகே தொடரும் காத்திருப்பு போராட்டம்

Murugan Kanna : சிவகங்கை மாவட்டம் கச்சநத்தம் கிராமத்தில் முக்குலத்தோர்
சாதி இந்து வெறியர்களால் தாழ்த்தப்பட்ட தேவேந்திர சமுக மக்கள் கொலைவெறி தாக்குதல்களில் இருவர் உயிரழிப்பு 5 பேர் படுகாயங்களுடன் மதுரை அரசு மருத்துவமனையில் அனுமதிக்கப்பட்டுள்ளனர்.
தகவல் அறிந்தவுடன் மதுரை நோக்கி விரைந்தேன். அண்ணாநிலையம் அருகே சில அமைப்புகள் மற்றும் பாதிக்கப்பட்ட மக்கள் இந்த படுகொலை சம்பவத்தை விசாரிக்க சிபிசிஐடி விசாரனை வேண்டும் என்ற ஒரே கோரிக்கையோடு சாலைமறியல் போராட்டத்தில் ஈடுபட்டுக் கொன்டு இருந்தனர். நானும் போராட்டத்தோடு கலந்து கொன்டு மக்களின் கருத்துக்களை கேட்டறிந்து பங்கெடுத்த அமைப்புகளின் கருத்துக்களின் படியும் ஒரு கோரிக்கை மனு ஒன்றை தயார் செய்தோம். இதனிடையே பாதிக்கப்பட்ட மக்கள் மதுரையில் போராட்டத்தில் இருக்கிறார்கள். பாதிக்கப்பட்டவர்களை சிவகங்கை மாவட்ட ஆட்சித்தலைவரோ அல்லது மாவட்ட காவல்துறை கண்காணிப்பாளரோ நேரில் இன்னும் பார்வையிடவில்லை ஆகையால் அவர்களுக்கு தகவலை நடைபெறும் போராட்டத்தை பகிர வேண்டும் என்று மதுரை மாவட்ட ஆட்சியரை நேரில் சந்தித்து தகலை சொன்னோம். அவரின் தகவல் பரிமாற்றம் மூலமாக சிவகங்கை மாவட்ட டிஆர்ஓ நேரில் வந்து பார்வையிட்டு கோரிக்கை மனுவை பெற்றுக் கொன்டார்.

எவிடென்ஸ் கதிர் : கால் மேல் கால் போட்டு உட்கார்ந்ததற்காக கச்சநத்தத்தில் நிகழ்த்தப்பட்ட கொலைகள்!

- எவிடன்ஸ் கதிர் : சிவகங்கை மாவட்டம், மானாமதுரை வட்டம், பழையனூர் காவல்நிலைய எல்லைக்குட்பட்ட கிராமம் கச்சநத்தம். இக்கிராமத்தில் வசித்து வருகிற இந்து பட்டியல் சாதி பள்ளர் சமூகத்தைச் சேர்ந்த சண்முகநாதன் (31) த.பெ.அறிவழகன் மற்றும் ஆறுமுகம் (65) த.பெ.கோனான் ஆகியோரை சுமார் 20 பேர் கொண்ட சாதி இந்து வன்கொடுமை கும்பல் நேற்று 28.05.2018 அன்று இரவு சுமார் 9.00 மணியளவில் அரிவாளால் வெட்டி கொடூரமான முறையில் கொலை செய்துள்ளனர். அதுமட்டுமல்லாமல் தனசேகரன், மலைச்சாமி, சுகுமார், சந்திரசேகர், தெய்வேந்திரன், மகேஸ்வரன் ஆகிய 6 பேருக்கு கடுமையான அரிவாள் வெட்டுக் காயங்கள் ஏற்பட்டுள்ளன. இதுகுறித்து பழையனூர் காவல்நிலையத்தில் குற்றஎண்.32/2018 பிரிவுகள் 147, 148, 294(b), 324, 307, 302 இ.த.ச. மற்றும் பட்டியல் சாதியினர் பட்டியல் பழங்குடியினர் வன்கொடுமை தடுப்பு திருத்த சட்டம் 2015 பிரிவுகள் 3(1)(r), (s), 3(2)(va) ஆகியவற்றின் கீழ் வழக்கு பதிவு செய்யப்பட்டுள்ளது.
 இச்சம்பவம் குறித்து எமது எவிடன்ஸ் அமைப்பின் உண்மையறியும் குழுவினர் சம்பவ இடத்திற்கு நேரடியாக சென்று களஆய்வு மேற்கொண்டனர். களஆய்வில் கிடைத்த தகவலின் அடிப்படையில் இப்பத்திரிக்கைச் செய்தி வெளியிடப்படுகிறது.

பிரான்ஸ் .ஸ்பைடர் மேன் பாணியில் 4 மாடிக்குடியிருப்பில் பாய்ந்து ஏறி குழந்தைய காப்பற்றிய முகம்மது காசாக்

இவருக்கு கட்டிடங்கள் மீது ஏறிய முன் அனுபவம் எதுவும் கிடையாது. இதுதான் முதல் தடவை. நான்காவது மாடியில் ஒரு நான்கு வயது சிறுவன் தொங்கி கொண்டிருந்த காட்சியை கண்டதும் எதையும் யோசிக்கவே முடியாத ஒரு வேகத்தில் வெறும் கைகளால் அந்த நான்கு மாடிகளின் வெளிப்புற தட்டுக்களை பிடித்து பாய்ந்து ஏறி அந்த நான்கு வயது குழந்தையை காப்பற்றி விட்டார் இந்த முகம்மது கசாக்  என்ற பெயரை கொண்ட மாலி  நாட்டு அகதி ... இவர் இன்று பிரான்ஸ் தேசம் மட்டுமல்ல உலகமே போற்றி கொண்டாடும் கதாநாயகன் .. இவருக்கு பிரஞ்சு பிரஜா உரிமையும் பல பரிசுகளும் வழங்க பட்டன. தீயணைப்பு படையில் உடனேயே வேலையும் வழங்க பட்டது. வாடிய பயிரை கண்டபோதெல்லாம் வாடினேன் என்று ராமலிங்க வள்ளளார் போன்ற உள்ளத்தை இந்த மாமது பெற்றுள்ளார்

தினமலர் : பாரீஸ் : அடுக்குமாடி குடியிருப்பில் தவறி விழுந்த சிறுவனை, 'ஸ்பைடர்மேன்' போல செயல்பட்டு காப்பாற்றிய இளைஞருக்கு பாராட்டு குவிகிறது.
பிரான்ஸ் தலைநகர் பாரீஸ். இங்குள்ள அடுக்குமாடி குடியிருப்பு ஒன்றில், நான்கு வயதான சிறுவன் தவறி விழுந்து, பால்கனியை பிடித்து தொங்கிக் கொண்டிருந்தான். இதை கவனித்த, மாலி நாட்டைச் சேர்ந்த கசாமா முகம்மது என்ற அகதி இளைஞர், 'ஸ்பைடர்மேன்' போல, கீழிருந்து ஒவ்வொரு மாடியாக ஏறி, தொங்கிக்கொண்டிருந்த குழந்தையின் உயிரை காப்பாற்றினார்.
இதற்குப்பின் தான், தீயணைப்பு படையினர் சம்பவ இடத்துக்கு வந்தனர்.

பழம்பெரும் இயக்குநர் முக்தா சீனிவாசன் காலமானார்!

விகடன் : பழம்பெரும் இயக்குநரும் தயாரிப்பாளருமான முக்தா சீனிவாசன்
உடல் நலக்குறைவு காரணமாக அவதிப்பட்டு வந்த நிலையில் இன்று சென்னை தி.நகரில் உள்ள அவரது இல்லத்தில் காலமானார்.
958 -ம் ஆண்டு 'முதலாளி' என்ற படம் மூலமாக இயக்குநராக அறிமுகமானார் முக்தா சீனிவாசன். பின், சிவாஜி கணேசன், ஜெமினி கணேசன், எஸ்.எஸ்.ராஜேந்திரன் ஆகியோரை வைத்துப் பல ஹிட் படங்களைக் கொடுத்துள்ளார். ரஜினி நடித்த 'பொல்லாதவன்' படத்தை இயக்கியவரும் இவரே. ஜெயலலிதாவின் 100 -வது படமான 'சூரியகாந்தி' படத்தையும் இவர்தான் இயக்கி உள்ளார் என்பது குறிப்பிடத்தக்கது. 65 படங்களை இயக்கிய இவர் தன் முதல் படத்திற்கே தேசிய விருது பெற்றுள்ளார். 'நாயகன்' உட்பட ஏராளமான படங்களை தயாரித்துள்ளார்.
இயக்குநர், தயாரிப்பாளர் என்பதைத் தாண்டி அரசியலிலும் தடம் பதித்துள்ளார். மூப்பானார் தமிழ் மாநில காங்கிரஸ் கட்சியை ஆரம்பித்த போது, அக்கட்சியின் பொதுச் செயலாளராக இவர் நியமிக்கப்பட்டார்.

வேல்முருகன் ஸ்டான்லி மருத்துவமனையில் ... என்ன நடந்தது? ஸ்டாலின் நேரில் சந்தித்தார் ..

Lakshmi Priya - Oneindia Tamil சென்னை: சென்னை ஸ்டான்லி
மருத்துவமனையில் அனுமதிக்கப்பட்டுள்ள தமிழக வாழ்வுரிமை கட்சித் தலைவர் வேல்முருகனை திமுக செயல்தலைவர் சந்தித்து நலம் விசாரித்தார்.
தூத்துக்குடியில் ஸ்டெர்லைட் போராட்டத்தின்போது துப்பாக்கிச் சூட்டில் காயமடைந்தவர்களுக்கு ஆறுதல் தெரிவிக்கச் சென்ற தமிழக வாழ்வுரிமைக் கட்சித் தலைவர் வேல்முருகனை, விழுப்புரம் போலீஸார் கைது செய்தனர். உளுந்தூர்பேட்டை சுங்கச்சாவடியைத் தாக்கிய வழக்கில் அவரை 15 நாட்கள் புழல் சிறையில் அடைத்தனர்.
வேல்முருகன் தூத்துக்குடி துப்பாக்கிச்சூட்டிற்கு காரணமானவர்கள் மீது நடவடிக்கை எடுக்கக்கோரி புழல் சிறையில் உண்ணாவிரதம் இருந்தார். நான்கு நாட்களாக உண்ணாவிரதம் இருந்த வேல்முருகன் மதிமுக பொதுச்செயலாளர் வைகோவின் வேண்டுகோளை ஏற்று உண்ணாவிரதத்தை நேற்று வாபஸ் வாங்கினார்.

துணை வட்டாட்சியரின் அளவு கடந்த அதிகாரம் .... வீட்டோ பவர் உள்ள ஒரே ஒரு அரச ஊழியர்

இதத் தெரிஞ்சுக்கங்க முதல்ல ..
"அதெப்படி துணை வட்டாட்சியர் ங்கற டெபுடி தாசில்தார் துப்பாக்கிச் சூட்டுக்கு உத்தரவு தரலாம்?அவருக்கு அவ்வளவு அதிகாரமா?"
இதான உங்க கேள்வி ..

"நம் சட்டம் என்ன செல்கிறது என்றால், துப்பாக்கிச் சூடு நடத்த உத்திரவு தரக்கூடிய உயர் அதிகாரிகள் பணியில் பிஸியாகவோ அல்லது தொடர்பு கொள்ள முடியாத நிலையிலோ இருந்தால்,பொது மக்கள் பாதுகாப்பு,சட்டம் ஒழுங்கை நிலைநாட்ட அதற்கடுத்த நிலையிலுள்ள அதிகாரிகள் உத்திரவிடலாம்.
அதன்படி தூத்துக்குடியில் கலவரம் நடந்த அந்த நாளில் தூத்துக்குடி எஸ்.பி கலவரத்தை கட்டுப்படுத்துவதில் பரபரப்பாக இருந்திருக்கலாம்.
கலெக்டர் அலுவலகம் முற்றுகையிடப்பட்டு அவரது அறைக்குள்ளேயே கலெக்டர் முடக்கப்பட்டதால்,அவரால் எந்த நடவடிக்கையும் எடுக்க முடியாமல்,யாரையும் தொடர்பு கொள்ள முடியாத நிலைமையில் இருந்திருக்கலாம்.

மானாமதுரை கச்சநத்தத்தில் அகமுடையார் ஜாதி வெறியாட்டம்- இருவர் வெட்டி படுகொலை- 10 பேர் படுகாயம்

சிவகங்கை கச்சநத்தம் கிராமத்தில் கால்மேல் கால்போட்டு டீ குடித்தார்கள் என்றே ஒரே காரணத்தால் இதைக் கண்டு பொறுக்கமாட்டாத அகமுடையார் ஜாதி  வெறியர்கள் கும்பலாக கிராமத்திற்குள் நுழைந்து கொலைவெறி தாக்குதல் நடத்தியிருக்கிறார்கள். இதில் 2 பேர் சம்பவ இடத்திலேயே மரணமடைந்துள்ளனர். 6 பேர் உயிருக்கு போராடிவருகிறார்கள்
tamil.oneindia.com - mathi. : சிவகங்கை: மானாமதுரை அருகே கச்சநத்தம் கிராமத்தில் ஆதிக்க சாதியினர் நடத்திய கொடூரத் தாக்குதலில் மற்றொரு சமூகத்தைச் சேர்ந்த 2 பேர் வெட்டிப் படுகொலை செய்யப்பட்டுள்ளனர். மேலும் 10-க்கும் அதிகமானோர் படுகாயமடைந்துள்ளனர்.
கச்சநத்தம் மற்றும் ஆவரங்காடு கிராமங்களில் இருவேறு சமூகத்தினர் வசித்து வருகின்றனர். கச்சநத்தம் கிராம மக்கள் மீது ஆவரங்காட்டில் வசிக்கும் சமூகத்தினர் தாக்குதல் நடத்துவது தொடர் நிகழ்வாக இருந்து வருகிறது.
கடந்த வாரம் கோவில் திருவிழா நடைபெற்றது. அப்போது இரு சமூகத்தினரிடையே மோதல் வெடித்துள்ளது."இதைத் தொடர்ந்து நேற்று இரவு ஆவரங்காடு கிராமத்தைச் சேர்ந்த 50க்கும் மேற்பட்டோர் பயங்கர ஆயுதங்களுடன் கச்சநத்தம் கிராம மக்கள் மீது தாக்குதல்.."பயங்கர ஆயுதங்களுடன் தாக்குதல்" இருவர் வெட்டி படுகொலை.. படுகாயம் அடைந்த ஆறுமுகம் மற்றும் மருது என்ற சண்முகநாதன் சிகிச்சை பலன் அளிக்காமல் உயிரிழந்தனர். எஞ்சியவர்கள் உயிருக்கு ஆபத்தான நிலையில் மதுரை அரசு மருத்துவமனையில் அனுமதிக்கப்பட்டுள்ளனர்.

அண்ணா அறிவாலயத்தில் நாளை போட்டி சட்டமன்றம் - திமுக அறிவிப்பு

மாலைமலர் :முதல்வர் பதவி விலகும் வரையில் சட்டமன்றத்தில் பங்கேற்க மாட்டோம் என திமுக அறிவித்த நிலையில், நாளை அண்ணா அறிவாலயத்தில் போட்டி சட்டமன்றம் நடத்தப்போவதாக திமுக அறிவித்துள்ளது. சென்னை: தமிழக சட்டசபையில் பட்ஜெட் கூட்டம் முடிந்த நிலையில், மானியக் கோரிக்கை மீதான விவாதம் நடத்தி அந்தந்த துறைக்கு தேவையான நிதியை ஒதுக்கீடு செய்வதற்காக தமிழக சட்டசபை இன்று மீண்டும் கூடியது.
இந்த கூட்டத்தில் தூத்துக்குடி துப்பாக்கிச்சூடு குறித்து விவாதிக்க ஒத்திவைப்பு தீர்மானத்தை திமுக தாக்கல் செய்தது. அதை சபாநாயகர் ஏற்க மறுத்ததால், ஸ்டாலினின் உரை முடிந்ததும்  திமுகவினர் வெளிநடப்பு செய்தனர். அந்த உரையில், துப்பாக்கிச்சூடு சம்பவம் குறித்து முதல்வர் வெள்ளை அறிக்கை வெளியிட வேண்டும் உள்ளிட்டவற்றை வலியுறுத்தப்பட்டது. அதைத்தொடர்ந்து, முதல்வர் பழனிசாமி பதவி விலகும் வரை சட்டசபையில் பங்கேற்க போவதில்லை என மு.க ஸ்டாலின் அறிவித்தார். இந்நிலையில், சென்னை அண்ணா அறிவாலயத்தில் நாளை போட்டி சட்டமன்றம் நடத்த இருப்பதாக திமுக அறிவித்துள்ளது

தேசிய மனித உரிமை ஆணைய குழு - துப்பாக்கிச் சூடு குறித்து நேரடியாக விசாரணை

தினத்தந்தி : தூத்துக்குடி துப்பாக்கிச்சூடு சம்பவம் தொடர்பாக தேசிய மனித விசாரணை ஆணையத்தின் 4 அதிகாரிகள் நேரில் விசாரணை நடத்த தூத்துக்குடி வர உள்ளனர். சென்னை: தூத்துக்குடி ஸ்டெர்லைட் ஆலைக்கு எதிர்ப்பு தெரிவித்து நடத்தப்பட்ட போராட்டத்தில் போலீசார் நடத்திய துப்பாக்கிச்சூட்டில் 13 பேர் கொல்லப்பட்டனர். இதனை அடுத்து, ஆலையை மூட தமிழக அரசு நேற்று அரசாரணை பிறப்பித்தது. துப்பாக்கிச்சூடு தொடர்பாக சிபிசிஐடி போலீசார் விசாரிப்பார்கள் என டிஜிபி இன்று அறிவித்துள்ளார்.< துப்பாக்கிச்சூடு நடத்தப்பட்டதில் மனித உரிமைகள் பெருமளவில் மீறப்பட்டுள்ளதாகவும், விதிமுறைகள் சரியாக கடைப்பிடிக்கப்படவில்லை எனவும் தேசிய மனித உரிமை ஆணையத்தில் பல புகார்கள் அளிக்கப்பட்டது. இது தொடர்பாக நீதிமன்றத்திலும் பல மனுக்கள் தாக்கல் செய்யப்பட்டுள்ளன. இந்நிலையில், தேசிய மனித உரிமை ஆணையத்தின் 4 அதிகாரிகள் தூத்துக்குடி வருகை தந்து துப்பாக்கிச்சூடு தொடர்பாக நேரடியாக விசாரணை நடத்த உள்ளனர். துப்பாக்கிச்சூடு நடந்த இடம், பாதிக்கப்பட்ட மக்கள் ஆகியோரை சந்தித்து அதிகாரிகள் விசாரணை நடத்துவார்கள் என எதிர்பார்க்கப்படுகிறது

மாநிலக் கட்சிகளின் ஆதிக்கம்! ஆய்வு முடிவுகள் - 5

மின்னம்பலம்:  இந்திய அளவில் பாஜகவும், பாஜகவின் ஆட்சியும் மக்களின் ஆதரவை எந்த அளவுக்குப் பெற்றிருக்கின்றன என்பதை டெல்லியைச் சேர்ந்த சமூக வளர்ச்சிக்கான ஆய்வு மையம், லோக் நீதி என்ற ஒப்பீட்டு ஜனநாயகத்துக்கான ஆய்வு நிறுவனம் ஆகியவை ABP செய்தி நிறுவனத்துக்காக நடத்திய ஆய்வு முடிவுகளின் மூலம் மின்னம்பலத்தில் தொடர்ந்து பார்த்து வருகிறோம்.
இதுவரை மோடி இரண்டாம் முறையாக ஆட்சிக்கு வர முடியுமா என்பது பற்றியும், இந்துக்களில் அனைவரும் பாஜகவை ஆதரிக்கிறார்களா என்பது பற்றியும், பாஜக எதிர்கொள்ளும் அதிருப்தி அதன் கூட்டணிக் கட்சிகளையும் எதிர்கொள்கிறதா என்பது குறித்தும் நடந்த ஆய்வின் முடிவுகளைப் பார்த்தோம்.

தனிநபர் வருவாயில் இந்தியாவை விஞ்சும் வங்கதேசம்!

மின்னம்பலம:  வருகிற 2020ஆம் ஆண்டில் இந்தியாவை விடத் தனிநபர் வருவாயில் வங்கதேசம் முன்னிலையில் இருக்கும் என்று ஆய்வின் வாயிலாகத் தெரியவந்துள்ளது.
பொருளாதார வளர்ச்சியிலும் சமூக மேம்பாட்டுக் காரணிகளிலும் இந்தியாவின் அண்டை நாடான வங்கதேசம் இந்தியாவையே விஞ்சும் அளவுக்கு வளர்ந்து வருகிறது. 2016ஆம் ஆண்டுடனான மூன்று ஆண்டுகளில் வங்கதேசத்தின் மொத்த உள்நாட்டு உற்பத்தி வளர்ச்சி தற்போதைய டாலர் மதிப்பீட்டில் 12.9 சதவிகித வளர்ச்சி கண்டுள்ளது. ஆனால், இந்தியாவோ வெறும் 5.6 சதவிகித வளர்ச்சியை மட்டுமே கொண்டிருந்தது. இக்காலகட்டத்தில் பாகிஸ்தானின் மொத்த உள்நாட்டு உற்பத்தி வளர்ச்சிகூட இந்தியாவை விட அதிகமாக (8.6%) இருந்துள்ளது. சீனாவின் பொருளாதார வளர்ச்சி 5.2 சதவிகிதமாகும்.

ஸ்டெர்லைட் : மூடுவிழா என்ற நாடகம்

மின்னம்பலம்: ரவிக்குமார்
தமிழ்நாட்டில் அரசியலை சினிமா நகல் செய்கிறதா அல்லது சினிமாவை அரசியல் நகல் செய்கிறதா என்று பல நேரங்களில் கண்டுபிடிக்க முடிவதில்லை. தூத்துக்குடியில் ஸ்டெர்லைட் ஆலையை மாவட்ட ஆட்சியர் மூடி சீல் வைக்கும் காட்சியும் அதே நேரத்தில் முதலமைச்சரின் பத்திரிகையாளர் சந்திப்பும் தொலைக்காட்சியில் ஒளிபரப்பானபோது நாம் பார்ப்பது ஒரு சினிமாவா என்ற சந்தேகம்தான் எழுந்தது.
ஆதாரமில்லாத அரசாணை
ஸ்டெர்லைட் ஆலையை நிரந்தரமாக மூடுவதாக அரசாணை ஒன்றைத் தமிழக அரசு வெளியிட்டுள்ளது ( G.O.(Ms) No 72 dated 28.05.2018 ) அதனடிப்படையில் மாவட்ட ஆட்சியர் இன்று அந்த ஆலையைப் பூட்டி சீல்வைத்திருக்கிறார். மக்களின் உணர்வுகளை மதித்து இந்த நடவடிக்கை எடுக்கப்பட்டிருப்பதாகத் தமிழக முதலமைச்சர் கூறியிருக்கிறார். தமிழக அரசின் இந்த நடவடிக்கையை நாம் வரவேற்கலாம். ஆனால், இது தற்காலிகமான ஒரு தீர்வுதானே தவிர நிரந்தரமானதல்ல என்பதை நாம் நினைவில் கொள்ளவேண்டும்.

போலீஸ் வீடு வீடாக தேடி வேட்டையாடுகிறது ... பன்னீரும் எடப்படியும் அப்பாவி வேஷம்

தினமலர் :துாத்துக்குடியில் 'ஸ்டெர்லைட்' ஆலைக்கு எதிராக நடந்த போராட்டத்தில் வன்முறையை துாண்டி விட்டு 16 வயது சிறுமி உட்பட 13 பேர் உயிரிழக்க காரணமாக இருந்த 'போர்வையாளர்'களை போலீசார் வேட்டையாடி வருகின்றனர்.
சென்னையில் அவர்களுக்கு அடைக்கலம் தந்துள்ள புள்ளிகளின் வீடுகளில் ரகசிய தகவல் அடிப்படையில் தீவிர சோதனை நடந்து வருகிறது. 'தலை' கைதாகி இருப்பதால் 'கெத்து' பிரசாரம் செய்த பலரும் போலீஸ் வலையில் சிக்குகின்றனர். இதனால் செய்வதறியாமல் அவர்கள் 'கிலி' அடைந்துள்ளனர்.
துாத்துக்குடி 'சிப்காட்' வளாகத்தில் உள்ள 'ஸ்டெர்லைட்' ஆலையை மூட வேண்டும் என குமரெட்டியாபுரம் மற்றும் அதை சுற்றியுள்ள 17 கிராமங்களைச் சேர்ந்தோர் 100 நாட்களுக்கு முன் போராட்டத்தை துவக்கினர். 100வது நாளான 22ம் தேதி பேரணியாக புறப்பட்டு கலெக்டர் அலுவலகத்தில் மனு கொடுக்க முயன்றனர்.
அவர்களுடன் போராட்டக்காரர்கள் போல ஊடுருவிய 'நக்சலைட்' ஆதரவு இயக்கத்தைச் சேர்ந்த சமூக விரோதிகள், கலெக்டர் அலுவலகத்தை சூறையாடினர்; வாகனங்களுக்கு தீ வைத்தனர். தடுக்க முயன்ற போலீசாரை 'கொரில்லா' படை போல சூழ்ந்து கொலைவெறி தாக்குதல் நடத்தினர். இவர்களின் பிடியில் இருந்து போலீசாரை காப்பாற்ற துப்பாக்கி சூடு நடத்தியதில் 16 வயது சிறுமி உட்பட 13 பேர் பலியாகினர்.

உண்மையில் ஓட்டுக்கு பணம் என்பது காமராஜர் பார்முலா தம்பிகளா.

வரலாறு அறிவோம்  :1962 ல் காமராஜர் காஞ்சிபுரத்தில் அண்ணாவை தோற்கடிக்க பஸ்முதலாளி நடேசமுதலியாரை நிறுத்த அவர் வெங்கடாஜலபதி படத்தில் சத்தியம் வாங்கி ஓட்டுக்கு 10ரூ தந்து 9190 ஓட்டு வித்தியாசத்தில் வென்றார்.

2003 ல் சாத்தான்குளம் தேர்தலில் ஜெயலலிதா வீட்டுக்கு வீடு பணம் தந்து வென்றார்
2005 பிப்ரவரியில் காஞ்சிபுரம், கும்மிடிபூண்டியில் ஓட்டுக்கு மூக்குத்தி கொடுத்தது ஜெயலலிதாதான்.
https://thewire.in/…/wiping-out-tamil-nadus-cash-for-votes-…
ஓட்டுக்கு பணம் தந்த காமராஜரையும் ஜெயலலிதாவையும் விட்டு விட்டு திருமங்கலத்தில்தான் முதன் முதலில் பணம் கொடுத்தது போல திமுகவை குறையடிக்கின்றனர் கபட மதியுள்ளோர்.

பிரிட்டிஷாரிடம் இருந்து பார்ப்பனர்களிடம் கைமாறிய இந்தியா!

வரலாறு அறிவோம் : ஜனாதிபதி செயலகத்தின் மொத்த பதவிகள் 49 இதில்
பார்ப்பணர்கள் - 39
துணை ஜனாதிபதி செயலகத்தின் பதவிகள் 7
பிராமணர்கள் - 7 (மொத்தமும்)

கேபினட் செயலாளர் பதிவுகள் 20.
பார்ப்பனர்கள் - 17
..
பிரதமர் அலுவலக பதவிகள் 35
பார்ப்பனர்கள். - 31
விவசாயத் துறையின் மொத்த பதவிகள் - 274.
பார்ப்பனர்கள். - 259
பாதுகாப்பு அமைச்சகத்தின் மொத்த பதவிகள் 1379.
பார்ப்பனர்கள். -1300
சமூக நல மற்றும் சுகாதார அமைச்சகத்தின் பதவிகள் 209.
பார்ப்பனர்கள். - 132
நிதி அமைச்சகத்தின் மொத்த பதவிகள் 1008.
பார்ப்பனர்கள் - 942
தொழில் துறை அமைச்சகத்தின் மொத்த பதவிகள் 74.
பார்ப்பனர்கள். - 59

1,50,000 பசுக்களை கொல்ல நியூசிலாந்து முடிவு

dinamalar: வெல்லிங்டன் : பசுக்களில் நிமோனியா உள்ளிட்ட நோய்களை உருவாக்கும் மைக்ரோபிளாஸ்மா போவிஸ் எனப்படும் பாக்டீரியா கடந்த ஆண்டு ஜூலை மாதம் அமெரிக்கா மற்றும் ஐரோப்பிய நாடுகளில் கண்டறியப்பட்டது.
இந்த பாக்டீரியாவில் உணவு பாதுகாப்பிற்கு எவ்வித எச்சுறுத்தலும் இல்லை என்றாலும், நியூசிலாந்தின் முக்கிய பொருளாதார தொழிலான பால்வளம் மற்றும் கால்நடை உற்பத்தியை பாதிக்கும் என கருதப்படுகிறது.
இதனால் பாக்டீரியா தொற்று கண்டறியப்பட்ட பண்ணைகளில் உள்ள பாக்டீரியா தாக்குதலுக்கு உள்ளான பசுக்களுடன், ஆரோக்கியமாக உள்ள சில பசுக்களையும் கொல்ல நியூசி., அரசு முடிவு செய்துள்ளது.
பாக்டீரியா தாக்கப்பட்ட பசுக்களை கொன்று, எரித்து விடவும், பாக்டீரியா தாக்காத பசுக்களை மரங்களுக்கு உரமாகவும், உணவிற்காகவும் பயன்படுத்த திட்டமிடப்பட்டுள்ளது. இது போன்று சுமார் 1,50,000 பசுக்களை கொல்ல முடிவு செய்யப்பட்டுள்ளது.

ஸ்டாலின் :ஸ்டெர்லைட் ஆலையை மூடும் அரசாணையில் உள்நோக்கம்

Lakshmi Priya - Oneindia Tamil  சென்னை: 13 பேர் உயிரிழப்புக்கு பிறகு

ஸ்டெர்லைட் ஆலையை மூடும் அரசாணை பிறப்பித்ததில் உள்நோக்கம் உள்ளது என்று மு.க.ஸ்டாலின் தெரிவித்தார். திமுக எம்எல்ஏக்கள் கூட்டம் இன்று அண்ணா அறிவாயலத்தில் கூடியது. நாளை தமிழக சட்டசபை கூடவுள்ள நிலையில் நாளை திமுக சார்பில் எழுப்பப்படும் பிரச்சினைகள் குறித்து கலந்தாலோசிக்கப்பட்டது. 

 இதைத் தொடர்ந்து அண்ணா அறிவாலயத்தில் மு.க.ஸ்டாலின் பேட்டி அளிக்கையில் 13 பேர் உயிரிழப்புக்கு பிறகு ஸ்டெர்லை் ஆலையை மூடும் அரசாணை பிறப்பித்ததில் உள்நோக்கம் உள்ளது. ஸ்டெர்லைட் ஆலையை மூட அமைச்சரவையில் முடிவு எடுத்து அரசாணை பிறப்பிக்கவில்லை. மாசுக் கட்டுப்பாட்டு வாரியம் உத்தரவை அரசாணையாக வெளியிட்டுள்ளனர். பேரவை கூடுகிறது என்பதற்காக துணை முதல்வர் ஓபிஎஸ் தூத்துக்குடி சென்று திரும்பினார். ஜெயலலிதா உயிருடன் இருந்தபோது ஆலை மூடப்பட்டு கண்துடைப்பு நடத்தப்பட்டது. 13 பேர் பலியானதற்கு காரணமானவர்கள் மீது நடவடிக்கை எடுக்காவிட்டால் திமுக சார்பில் வழக்கு தொடருவோம். 13 பேர் கொல்லப்பட்டது குறித்து நாளைய பேரநவை கூட்டத்தில் எழுப்புவோம் என்றார் ஸ்டாலின்.

ஃபீல்ட்_மார்ஷல்_மானேக்_ஷா : குஜராத்தில் இருந்து ஒரு இராணுவ வீரர் கூட இல்லை,.

#ஜெயகுமார் :பீல்ட் மாஷல் மானேக்_ஷா ஒரு முறை அகமதாபாத்தில் ஆங்கிலத்தில்
பேச துவங்கினார். "#குஜராத்தியில் பேசுங்கள்... நீங்கள் குஜராத்தியில் பேசினால் தான் கேட்போம்..." என்று கூச்சலிட்டனர் மக்கள்.
பேச்சை நிறுத்தி விட்டு தீர்க்கமாக மக்களைச் சுற்றிப் பார்த்தவாறே பதிலளித்தார் ஷா: "நண்பர்களே, என் நீண்ட பணிக்காலத்தில், பல போர்கள் புரிந்திருக்கிறேன். ராணுவத்தில் உள்ள ஸீக் ரெஜிமெண்ட் வீரர்களிடம் இருந்து பஞ்சாபி மொழியை கற்றிருக்கிறேன்;
 #மராத்தி மொழியை, #மராத்தா ரெஜிமெண்ட்டிடம்;
#மெட்ராஸ் ஸாப்பர்களிடம் #தமிழ்;
 #பெங்காலி ஸாப்பர்களிடம் பெங்காலி மொழி;
ஏன்,... #கூர்க்கா ரெஜிமேன்ட்டிடம் இருந்து #நேப்பாளி மொழியைக் கூட கற்றிருக்கிறேன்.
 #துரதிஷ்டவசமாக,... #குஜராத்தில் இருந்து ஒரு வீரர் கூட இல்லை,... எனக்கு #குஜராத்தி மொழி கற்றுத்தர...!" மீண்டும் சொல்கிறேன்.. #நாலேநாலு #குஜராதி சேர்ந்து நாட்டையே நாசம் பண்ரான்னுங்க.. இது எங்கே போய் முடிய போதோ

ஆடிப்போன மத்திய மாநில அரசுகள் ... கண்கெட்ட பின் சூரிய வணக்கமா? நடந்தது என்ன?

மின்னம்பலம்:  “கொலைப் பட்டியல் தயாரித்த இன்ஸ்பெக்டர் என்ற தலைப்பில் கடந்த 26ஆம் தேதி டிஜிட்டல் திண்ணையில் எழுதியிருந்த தகவல்களின் ஒரு பகுதியை ரீவைண்ட் செய்துவிட்டு விஷயத்துக்கு வருகிறேன்.
‘துப்பாக்கிச் சூடு நடந்த கலெக்டர் அலுவலகம், துப்பாக்கிச் சூட்டுக்குக் காரணமான ஸ்டெர்லைட் ஆலை இரண்டுமே தூத்துக்குடி சிப்காட் போலீஸ் ஸ்டேஷன் லிமிட்டுக்குள் வருகிறது. காவல் நிலையத்திலிருந்து விசாரணையைத் தொடங்கினோம். இங்கே இன்ஸ்பெக்ட்ராக இருக்கும் ஹரிஹரன் பத்து வருடங்களாக இதே பணியில் இருக்கிறார். காவல் துறையின் எல்லா விதிகளையும் மீறி இங்கே பத்து வருடங்களாக ஒரே காவல் நிலையத்தில் பணிபுரிகிறார். சிலசமயம் டிரான்ஸ்பர் போடுவது போல் போடுவார்கள். ஆனால் இரு நாட்களில் மீண்டும் இங்கேயே டூட்டியில் சேர்ந்துவிடுவார் ஹரிஹரன். அவ்வளவு செல்வாக்கோடு இருக்கிறார். இந்த செல்வாக்குக்குக் காரணம் இன்ஸ்பெக்டர் ஹரிஹரனுக்கும் ஸ்டெர்லைட்டுக்கும் இருக்கும் பரஸ்பர அண்டர்ஸ்டேண்டிங்தான் என்று சொல்லுகிறார்கள். ஸ்டெர்லைட்டுக்கு எதிரான போராட்டத்தில் தீவிரமாக இருக்கும் போராட்டக்கார்கள், ஒருங்கிணைப்பாளர்கள் யார் யார் என்பது லோக்கல் ஸ்டேஷன் இன்ஸ்பெக்டருக்கு அத்துப்படியான விஷயம். ஸ்டெர்லைட்டுக்கு எதிரான போராட்டம் கடந்த சில மாதங்களில் தீவிரம் அடைந்ததிலிருந்து யார் யார் அதைக் கையிலெடுத்தார்கள், யார் யார் ஒருங்கிணைத்தார்கள் என்ற பட்டியல் இன்ஸ்பெக்டர் ஹரிஹரனுக்குக் கிடைக்க அந்த பட்டியலை அவர் ஸ்டெர்லைட் ஆலை நிர்வாகத்துக்குக் கொடுத்திருக்கிறார்.

குமாரசாமி : விவசாய கடன்களை தள்ளுபடி செய்யும் பேச்சுக்கே இடமில்லை

தினமலர்: கர்நாடகா முதல்வர் குமாரசாமி, காங்கிரஸ், விவசாய கடன் தள்ளுபடி,
கர்நாடகா தேர்தல் வாக்குறுதி, பிரதமர் மோடி , குமாரசாமி ராஜினாமா , முதல்வர் குமாரசாமி, குமாரசாமி, மதச்சார்பற்ற ஜனதா தளம்,பெங்களூரு : தேர்தல் வாக்குறுதியில் அறிவித்தது போல் விவசாய கடன்களை தள்ளுபடி செய்ய வேண்டும் என கர்நாடக விவசாயிகள் சார்பில் பெங்களூரு தவிர்த்து கர்நாடகாவின் மற்ற பகுதிகளில் இன்று கடையடைப்பு போராட்டம் நடத்தப்படுகிறது.
இந்நிலையில் விவசாய கடன் தள்ளுபடி தொடர்பாக பிரதமர் மற்றும் மத்திய அமைச்சர்களை சந்தித்து பேசுவதற்காக கர்நாடக முதல்வர் குமாரசாமி இன்று டில்லி செல்கிறார். பிரதமருடனான சந்திப்பு காலை 11.30 மணிக்கு பதிலாக மாலை 5.30 மணிக்கு மாற்றப்பட்டுள்ளது.

லஞ்சம் 5 லட்சம் முதல் தவணையாக தேனாம்பெடை உதவி ஆணையர் மாட்டினார்

tamilthehindu :இளைஞர் ஒருவர் தன் மீதும், தன் சகோதரர் மீதும் நடவடிக்கை எடுக்காமல் இருக்க ரூ.5 லட்சம் முதல் தவணையாகத் தருவதாக தேனாம்பேட்டை உதவி ஆணையருடன் பேரம் பேசிய 3 ஆடியோக்கள் வாட்ஸ் அப்பில் வேகமாகப் பரவி வருகிறது.
சென்னை தேனாம் பேட்டை உதவி கமிஷனராக இருப்பவர் முத்தழகு. இவர் லிமிட்டில் சமீபத்தில் ராக்கெட் ராஜா உள்ளிட்டோர் கைது செய்யப்பட்டனர். இந்த கைது நடவடிக்கையில் பிரகாஷ் என்பவரும் பிடிபட்டார். அவரைத் தவிர மற்றவர்கள் குண்டர் சட்டத்தில் கைது செய்யப்பட்டனர். அதில் சம்பந்தப்பட்ட இளைஞர் பேசுவதாக ஒருவர் தேனாம்பேட்டை உதவி ஆணையர் முத்தழகுடன் பேசுவதாக 3 ஆடியோக்கள் வாட்ஸ் அப்களில் உலா வருகிறது.

அதில் உள்ள உரையாடல்கள்:
ஆடியோ 1
அதிகாரி: ஆறு ஏழு வீடியோ கிளிப்பிங் இருக்குது எல்லாவற்றையும் அனுப்பிவிடட்டுமா?
இளைஞர்: தெரியும் சார். என் போனில் இருந்து எடுத்தது தானே சார். எனக்கு தெரியும் சார் என்னென்ன?
அதிகாரி: உன் போனில் எடுத்தது இல்லை, ஹா..ஹா…
இளைஞர்: சார் மேக்சிமம் சென்னைக்கு வருவேன் சார். உங்களை நேரில் வந்து பார்க்கிறேன் சார்.

ஸ்டெர்லைட் ஆலை நிரந்தரமாக மூடப்படுகிறது ... தமிழக அரசு ஆணை பிறப்பித்தது

tamilthehindu :தூத்துக்குடி ஸ்டெர்லைட் ஆலையை நிரந்தரமாக மூடுவதற்கான
அரசாணையை முதல்வர் எடப்பாடி பழனிசாமி பிறப்பித்துள்ளார்.
தூத்துக்குடி ஸ்டெர்லைட் ஆலையிலிருந்து வெளியேறும் வேதிக் கழிவுகளாலும், மாசடைந்த காற்றாலும் தங்களுக்கு பல்வேறு நோய்கள் ஏற்படுவதாக சுற்றுவட்டார கிராம மக்கள் பல ஆண்டுகளாக குற்றம் சாட்டி வருகின்றனர். இந்நிலையில், அந்த ஆலையை நிரந்தரமாக மூட வேண்டும் என வலியுறுத்தி, கடந்த 100 நாட்களுக்கும் மேலாக தூத்துக்குடி சுற்றுவட்டார கிராம மக்கள் போராடி வந்தனர்.

இந்த நிலையில், கடந்த 22-ம் தேதி மாவட்ட ஆட்சியர் அலுவகத்தை நோக்கி 10 ஆயிரத்துக்கும் மேற்பட்ட பொதுமக்கள் பேரணியாகச் சென்றனர். அப்போது, போலீஸார் நடத்திய துப்பாக்கிச் சூட்டில் பொதுமக்கள் 13 பேர் பலியாகினர். மேலும், பலர் காயமடைந்து அரசு மருத்துவமனையில் சிகிச்சை பெற்று வருகின்றனர்.