குஜராத் கலவரத்தின் முகங்கள்...தலையில் காவியும் கையில் வாளும் ! சந்தித்த போது ?

கண்ணணூர்: குஜராத்தில் 2002ம்
ஆண்டு நடைபெற்ற கலவரத்தின் போது உயிர்பிச்சைக் கேட்டு கூப்பிய கைகளுக்கும், மிரட்சி மிகுந்த கண்களுக்கும் சொந்தக்காரரான குத்புதீன் அன்ஸாரியும், தலையில் காவி ரிப்பனும், இடதுகையில் வாளும் ஏந்தி ஆக்ரோஷமாக வெறிக் கூச்சலிடும் கலவரக்காரரும் நேரடி காட்சியாக ஊடகங்களில் நிறைந்து காணப்பட்ட அசோக் மோச்சியும் கேரளாவில் நடந்த நிகழ்ச்சியொன்றில் ஒரே மேடையில் பங்கேற்றனர். பல்வேறு இடதுசாரி
அமைப்புகளின் கூட்டமைப்பு கேரள மாநிலம் தளிப்பரம்பில் உள்ள சிரவக்கில் என்ற இடத்தில் 'இனப்படுகொலையின் 12 ஆண்டுகள்' என்ற பெயரில் கருத்தரங்கம் ஒன்றை நடத்தியது. இந்த கருத்தரங்கில் குஜராத்தில் நடைபெற்ற கலவரத்தின் நேரடி காட்சியாக மக்கள் மனங்களில் நிறைந்த இரண்டு பேர் 12 ஆண்டுகளுக்குப் பிறகு ஒரே மேடையில் தோன்றினார்கள்.

.தங்கம் விலை குறையும் ! கட்டுப்பாடுகளை தளர்த்த பரிசீலனை: ப. சிதம்பரம்

தங்கம் மீதான இறக்குமதி கட்டுப்பாடுகளைத் தளர்த்துவது குறித்து பரிசீலிக்கப்படும் என்று மத்திய நிதி அமைச்சர் ப. சிதம்பரம் கூறினார். நடப்புக் கணக்கு பற்றாக்குறை (சிஏடி) குறித்த இறுதி அறிக்கை வெளியான பிறகு இது குறித்து பரிசீலிப்பதாக வங்கித் தலைவர்களுடனான சந்திப்புக் கூட்டத்துக்குப் பிறகு செய்தியாளர்களிடம் பேசுகையில் இத்தகவலைத் தெரிவித்தார்.

ஆண்டு இறுதியில் இறக்குமதி செய்யப்பட்ட தங்கத்தின் அளவு குறித்து இறுதி அறிக்கை கிடைக்கும். அதன் பிறகு நடப்புக் கணக்குப் பற்றாக்குறை எந்த அளவில் உள்ளது என்பதை ஆராய்ந்து அதன்பிறகு முடிவு செய்யப்படும் என்றார்.

நாட்டின் நடப்புக் கணக்குப் பற்றாக்குறையைக் குறைப்பதற்காக தங்கத்தின் மீது அதிக வரியை மத்திய அரசு விதித்தது. 2012-13-ம் நிதி ஆண்டில் நடப்புக் கணக்குப் பற்றாக்குறை 8,820 கோடி டாலராக இருந்தது. நடப்பு ஆண்டில் இதை 4,500 கோடி டாலர் அளவுக்குள் கட்டுப்படுத்த இலக்கு நிர்ணயிக்கப்பட்டுள்ளது.தங்கம் விலை குறையும் 

மீண்டும் தேமுதிக - காங்கிரஸ் தரப்பில் இருந்தும் திமுகவுக்கு தூது ! காட்சிகளும் கட்சிகளும் இடம் மாறுகிறதா

திமுக கூட்டணியில் புதிய கட்சிகளை சேர்ப்பதற்கான முயற்சிகளில், திமுக முக்கிய நிர்வாகிகள் ஈடுபட்டுள்ளனர். திடீர் திருப்பமாக தேமுதிக-வுடன் மீண்டும் பேச்சுவார்த்தை தொடங்கியுள்ளது.

காங்கிரஸ் மேலிடத்திலிருந்தும் திமுக-வுடன் மீண்டும் கூட்டணி பேச்சுவார்த்தைகள் தொடங்கியுள்ளதாக தகவல்கள் வெளியாகியுள்ளன.

திமுக கூட்டணியில் மமக, புதிய தமிழகம் கட்சிகளுக்கு தொகுதிகள் ஒதுக்கப்பட்டுவிட்டன. விடுதலைச் சிறுத்தைகள் மற்றும் முஸ்லிம் லீக் கட்சிகளோடு தொகுதிப் பங்கீடு பேச்சுவார்த்தை தொடர்கிறது. இந்த நிலையில், திமுக கூட்டணியில் புதிய கட்சிகளை சேர்க்கும் பொறுப்பு திமுக-வின் உயர் மட்ட நிர்வாகிகளிடம் ஒப்படைக்கப்பட்டுள்ளதாக திமுக தலைமை வட்டாரங்கள் தெரிவித்துள்ளன.

தேமுதிக தலைவர் விஜயகாந்த் சிங்கப்பூரிலிருந்து சென்னை வந்ததும் செவ்வாய்க்கிழமை காலையில் திமுக நிர்வாகிகளும், தேமுதிக நிர்வாகிகளும் அதிகாரப்பூர்வமற்ற வகையில் கூட்டணிப் பேச்சுவார்த்தை நடத்தியுள்ளனர். 

கூட்டணியில் இல்லை என்பதை அம்மா தன் வாயால் சொல்லவேண்டும்

சில நாட்கள் முன்பு, 40 தொகுதிகளிலும் அதிமுக நின்றால் கூட அவர்தான் எங்கள் பிரதமர் என்று தா பாண்டியன் சொன்னாரே....கூட்டணியில் இல்லை என்பதை அம்மா தன் வாயால் சொல்லவேண்டும் என்று தாபாண்டியன்அழுதிருக்கிறார்.

ஜெயலலிதாவின் பின்னால் போன பலபேரின் வரலாறு இதுதான். வைகோவிடம் கேட்டால் இன்னும் உணர்சிகரமாக சிவாஜி பாணியில் அழுது காட்டுவார். என்ன செய்வது இனம் இனத்தை நாடும். நன்றியோடு நாய் போல சேவகம் செய்தீர்கள் ஆனாலும் நீங்கள் ஒன்றும் நல்லவர்கள் இல்லையே ? அதானால் உங்களுக்காக அனுதாபம் கொள்ள முடியவில்லை . சந்தர்ப்பவாத அரசியலில் இதெல்லாம் சகஜமப்பா 

பார்வதி மேனன் உத்தம வில்லன் திரைப்படத்தின் FIRST LOOK போஸ்டரில்

ரமேஷ் அரவிந்த இயக்கத்தில் கமல் நடிக்கும் உத்தம வில்லன் திரைப்படத்தைப் பற்றிய செய்திகள் தான் தமிழ்த்திரையுலகத்தின் தற்போதைய ஹாட் நியூஸ். உத்தம வில்லன் திரைப்படத்தின் FIRST LOOK போஸ்டரில் வரும் உருவம், கேரளாவைச் சேர்ந்த ஒரு ஃபோட்டோகிராஃபர் எடுத்த ஃபோட்டோவை மாதிரியாகக் கொண்டு உருவாக்கபபட்டது என்ற தகவல் வெளியாகி மிகுந்த பரபரப்பை உண்டாக்கியிருக்கிறது. 

ஏற்கனவே பூஜா குமார், ஆண்ட்ரியா என இரு ஹீரோயின்கள் உத்தம வில்லன் திரைப்படத்தில் நடிப்பதாக பேசப்பட்ட நிலையில், தற்போது மரியான் திரைப்படத்தில் பனிமலர் கதாபாத்திரத்தில் நடித்திருந்த பார்வதி மேனனும் உத்தம வில்லனில் நடிப்பதாக தெரியவந்துள்ளது. இது பற்றி பார்வதி மேனன் “நான் உத்தம வில்லன் திரைப்படத்தில் நடிப்பது உண்மை தான். ஆனால் என் கதாபாத்திரத்தைப் பற்றி தற்போது சொல்வதற்கு எதுவுமில்லை. கமல் போன்ற பெரிய ஹீரோவுடன் நடிப்பது பெருமையாக இருக்கிறது” என்று கூறியிருக்கிறார். 

நடிகையுடன் குடும்பம் நடத்தி மாயமான பி.இ. மாணவர்: பலாத்காரம் செய்த உறவி

நெல்லை: குரூப் டானஸ்ர் ஒருவரை பி.இ. மாணவர் ஒருவர் திருமணம் செய்து குடும்பம் நடத்தி மாயமாகியுள்ளார். இதையடுத்து அவரை தேடி வந்த டான்ஸரை மாணவரின் உறவினர்கள் பலாத்காரம் செய்துள்ளனர். சென்னை மாதவரம் வி.ஆர்.டி. நகரைச் சேர்ந்தவர் அபிராமி(23). பல்வேறு படங்களில் குரூப் டான்ஸராக பணியாற்றியுள்ளார். கடந்த அக்டோபர் மாதம் அவர் குலசேகரபட்டினம் முத்தாரம்மன் கோவில் தசரா திருவிழாவில் நடனம் ஆட இளம்பெண்களுடன் சேர்ந்து வந்தார். அந்த திருவிழாவில் உடன்குடி அருகே உள்ள தேரியூரை சேர்ந்த பல் டாக்டர் முத்துலிங்கம் என்பவரின் மகன் முத்துகுமரன் அபிராமியுடன் சேர்ந்து நடனம் ஆடியுள்ளார். முத்துகுமரன் பி.இ. நான்காம் ஆண்டு படித்து வருகிறார். திருவிழா முடிந்த பிறகு அவரும், அபராமியும் செல்போன் மூலம் காதலை வளர்த்துள்ளனர். கடந்த டிசம்பர் மாதம் சென்னை வந்த முத்துகுமரனை அபிராமியை திருமணம் செய்து கொள்ளுமாறு அவரது உறவினர்கள் தெரிவித்தனர். தனது வீட்டில் திருமணத்திற்கு ஒப்புக்கொள்ள மாட்டார்கள் என்று முத்துகுமரன் தெரிவித்தார். பின்னர் அவர் அபிராமியை சென்னையில் உள்ள கோவில் ஒன்றில் திருமணம் செய்து குடும்பம் நடத்தினார்.

சிபிஐ மூலம் திமுகவை மிரட்டி பார்க்கும் காங்கிரஸ் ? கூட்டணி வை அல்லது கூட்டுக்குள்ள போ?

சென்னை: லோக்சபா தேர்தல் அறிவித்தாகிவிட்டது. வேட்புமனு தாக்கல் செய்ய இன்னும் ஒருமாதம் மட்டுமே உள்ள நிலையில் காங்கிரஸ் கட்சிக்கு யாருடன் கூட்டணி என்பதே முடிவாகவில்லை. திமுக விடம் தூது மேல் தூது போயும் எதுவும் செட்டாகவில்லை. இனி கூட்டணியில் யாருக்கும் இடமில்லை என்று திமுக பலமுறை சொல்லியும், வேறு வழியின்றி மீண்டும் ப.சிதம்பரம் மூலம் தூது அனுப்பி வருவதாக தகவல்கள் வெளியாகியுள்ளன. அதேசமயம் சிபிஐ மூலமும் அமலாக்கப் பிரிவு மூலமும் மிரட்டி கூட்டணிக்கு பணியவைக்க முயற்சி மேற்கொள்ளப்பட்டதாக தகவல் தெரியவந்ததால் கூட்டணிக்கான கதவை இழுத்து சாத்தியதாம் திமுக. பொய்யான குற்றச்சாட்டில் கனிமொழியையும் ராசாவையும் சிறையில் அடைத்தபோது ஸ்டாலினிக்கு காங்கிரஸ் மீது வராத கோபம் உதயநிதியின் ஹம்பர் காருக்கு வெட்டு வைத்ததும் வந்து விட்டதே ? ம்ம்ம் திமுகவின் நிஜ எதிரி யார் ?

கெஜ்ரிவாலை விட அதிக தியாகங்களை செய்தவர் மம்தா:அன்னா ஹசாரே

ஊழலுக்கு எதிராக தொடர்ந்து போராட்டம் நடத்தி வரும் மூத்த சமூகசேவகர் அன்னா ஹசாரே பத்திரிக்கையாளர் கூட்டத்தில் பேசுகையில் "எளிமையான ஆடைமற்றும் ரப்பர் செருப்புகள் அணியும் ஒரு முதல்வரை காண்பது மிகவும் அரிது.அந்த வகையில் மேற்குவங்க முதலமைச்சர் மம்தா பானர்ஜி இன்று வரை தனக்கு வழங்கப்பட்ட அரசாங்க இல்லத்தையோ அரசு வாகனத்தையோ பயன்படுத்தாமல் எளிமையாக இருந்து வருகிறார்.எனவே ஆம்ஆத்மி கட்சித்தலைவர் அரவிந்த் கெஜ்ரிவாலை விட தன் அரசியல் வாழ்க்கையில் அதிக தியாகங்கள் செய்தவர் மம்தா பானர்ஜியே ஆவார்.மேலும் அவர் தனது மாநிலத்தில் கிராமப்புற வளர்ச்சிக்கு அதிக முக்கியத்துவம் கொடுத்து வருகிறார்.எனவே மம்தா பிரதமரானால் நம் நாட்டிற்கு வளமான எதிர்காலம் உண்டு.அதே சமயத்தில் கிராமப்புற முன்னேற்றத்திற்கு முக்கியத்துவம் அளிக்காமல் பெரிய தொழில் நிறுவனங்களுக்கு முக்கியத்துவம் அளிக்கும் நரேந்திர மோடி, ராகுல் காந்தி போன்றவர்கள் பிரதமரானால் இந்தியாவின் எதிர்காலம் சிறப்பாக அமையாது” என்றும் தெரிவித்தார்.  maalaimalar.com

குஜராத் அணு அளவு கூட வளரவே இல்லை: கெஜ்ரிவால் சான்றிதழ்

குஜராத்தில் மோடி அரசு ஏற்படுத்தியுள்ள வளர்ச்சியை ஆராய்வதற்காக ஆம் ஆத்மி தலைவர் அரவிந்த் கெஜ்ரிவால் 4 நாள் சுற்றுப்பயணமாக குஜராத்தில் முகாமிட்டுள்ளார். நேற்று காலை அகமதாபாத் விமான நிலையத்தில் பேட்டியளித்த அவர், ‘குஜராத்தில் ராம ராஜ்ஜியம் நடப்பதாக ஊடகங்களும், மாநில அரசும் தொடர்ந்து கூறி வருகின்றன. கல்வித் துறை மேம்படுத்தப்பட்டுள்ளதாகவும், சுகாதார பிரச்சனைகள் தீர்க்கப்பட்டுள்ளதாகவும், ஊழல் அறவே ஒழிக்கப்பட்டு விட்டதாகவும் கூறப்படும் குஜராத்தின் வளர்ச்சியை பற்றி அறிந்து கொள்வதற்காகவே இங்கு வந்துள்ளேன்’ என்று கூறினார். பின்னர், நேற்றிரவு பேட்டியளித்த கெஜ்ரிவால், ‘என்னை தடுத்து நிறுத்தும் விதமாக நரேந்திர மோடியும் அவரது ஆதரவாளர்களும் திட்டமிட்டு செயல்பட்டனர். எனது கார் கண்ணாடி அடித்து நொறுக்கப்பட்டது. என்னை போலீஸ் நிலையத்துக்கு அழைத்து சென்றனர். ஏனுங்க மோடி குஜராத் வளர்ச்சி பத்தி  எவ்வளவு விளம்பரம் பண்ணி வச்சிருக்காக அதையெல்லாம் போயி ஒத்தை விசிட்டில காலி பண்ணினா கோபம் வராதுங்களா ? வெபரம் புரியாம நீங்க ? எதுக்கும் சாக்கிரதையா இருங்க சாமி 

ஆம் ஆத்மி - பாஜகவினர் மோதல் ! துடைப்பங்களுடனும் லத்திகளுடனும் மோதலில் !

ஆம் ஆத்மி கட்சியினர்

துடைப்பங்களுடனும், பாஜகவினர் லத்திகளுடனும் மோதலில் ஈடுபட்டனர்."குஜராத்தில் அரவிந்த் கேஜ்ரிவால் மீதான போலீஸாரின் தடுப்புக் காவல் நடவடிக்கையின் எதிரொலியால், டெல்லியில் பாஜகவினருடன் ஆம் ஆத்மி கட்சியினர் மோதலில் ஈடுபட்டனர்.

இதேபோல், உத்தரப் பிரதேசத்தின் லக்னோவில் ஆம் ஆத்மி கட்சியினர் துடைப்பங்களுடனும், பாஜகவினர் லத்திகளுடனும் மோதலில் ஈடுபட்டதுடன், கற்களால் சரமாரியாகத் தாக்கிக் கொண்டனர்.

அரவிந்த் கேஜ்ரிவாலின் குஜராத் பயணம்

ஆம் ஆத்மி கட்சி ஒருங்கிணைப்பாளரும், டெல்லியின் முன்னாள் முதல்வருமான அரவிந்த் கேஜ்ரிவால் இன்று (புதன்கிழமை) குஜராத் வந்தடைந்தார்.

Chennai மாணவர்கள் கொலை வெறி தாண்டவம்: பெண் பயணிக்கு அரிவாளால் வெட்டு !

3 இடங்களில் கல்லூரி மாணவர்கள் கடும் மோதல்மெரினாவில் பஸ் நொறுக்கப்பட்டது வியாசர்பாடியில் அரிவாள் வெட்டு

சென்னை: சென்னையில் நேற்று நான்கு இடங்களில் பல்வேறு கல்லூரி மாணவர்கள் நடத்திய அராஜகத்தில், ஒரு பெண் பயணிக்கு அரிவாள் வெட்டு விழுந்தது. பள்ளி மாணவன் காயம் அடைந்தான். மாநகர பேருந்து அடித்து நொறுக்கப்பட்டது.
சென்னை மெரீனா கடற்கரை காமராஜர் சாலையில், பட்டினப்பாக்கம் சுங்கச்சாவடி வழித்தடம் எண் '6 டி' மாநகர பேருந்து கண்ணகி சிலை அருகே சென்று கொண்டிருந்தது. அதில், மாநில கல்லூரி மாணவர்கள் இருந்தனர். அதையறிந்த, நியூ கல்லூரி மாணவர்கள், திருவல்லிக்கேணி ரயில் நிலையத்தில் இருந்து, அரிவாள் மற்றும் மூட்டையில் கற்களை எடுத்து வந்து தாக்குதல் நடத்தினர். அவர்கள் நடத்திய கல்வீச்சில், பேருந்து கண்ணாடிகள் நொறுங்கின. பயணிகள் அலறி ஓடினர். பேருந்து நடுவழியில் நிறுத்தப்பட்டது. மாணவர்கள், பேருந்தின் உள்ளே புகுந்து, மாநிலக் கல்லூரி மாணவர்களை, அரிவாள் உள்ளிட்ட ஆயுதங்களால் வெட்டினர். மாநிலக் கல்லூரி மாணவர்களும் எதிர்தாக்குதல் நடத்தினர். இதனால் காமராஜர் சாலையே பெரும் போர்க்களம் போல் காணப்பட்டது. மாணவர்களின் கொலைவெறி தாக்குதலில், கணவர் கண் முன்னே, மனைவிக்கு அரிவாள் வெட்டு விழுந்தது. இதற்கு முழு காரணமும் நாம் தமிழர் மற்றும் சைக்கோ கட்சிகளையே சாரும். வன்முறை தான் சிறந்த மார்க்கம் என்று சொல்லி, காங்கிரஸ் எதிர்ப்பு போராட்டம், காங்கிரஸ் கருவறுக்கும் போராட்டம், என்று மாணவனை ஒரு போராளியாக மாற்றியது இவர்கள் தான். அந்த பழக்கம் மறந்து விடக்கூடாது என்று தான், மாணவன் சக மாணவனை அடித்துக்கொல்கிறான். இத்தகைய தலைவர்களிடம் மாட்டிக்கொண்டு அவர்கள் சொல் கேட்டு அகிம்சைவாதிகளை வதைத்தால், ஒரு நாள் ஊராரிடம் இதேப்போல் அடிவாங்க நேரிடும். மாணவ சமூகமே திருந்து.... 

திமுக பக்கம் சாய்கிறது மார்க்சிஸ்ட்? ADMK கூட்டணியில் முன்னேற்றம் இல்லை ! ஜி.ராமகிருஷ்ணன்

அதிமுகவுடன் கூட்டணி குறித்த பேச்சில் எந்தவித முன்னேற்றமும் ஏற்படவில்லை என்று மார்க்சிஸ்ட் கம்யூனிஸ்ட் கட்சியின் மாநிலச் செயலாளர் ஜி.ராமகிருஷ்ணன் தெரிவித்தார்.
தமிழகத்தில் தேர்தல் தேதி அறிவிக்கப் படும் முன்னரே மிகுந்த எதிர்பார்ப்பில் முதல் கூட்டணி அதிமுகவில்தான் அமைந்தது. அதிமுக தலைமையுடன் உயர் மட்டத் தலைவர்கள் சந்தித்து முதல் முதலில் கூட்டணி அமைத்து மார்க்சிஸ்ட் கட்சியும் இந்திய கம்யூனிஸ்ட் கட்சியும் தங்கள் கூட்டணியை உறுதி செய்தன.
இந்நிலையில் அதிமுக பொதுச் செயலர் ஜெயலலிதா 40 தொகுதிகளுக்கும் வேட்பாளர்களை அறிவித்து கம்யூனிஸ்ட் கட்சிகளுக்கு அதிர்ச்சி அளித்தார். இருப்பினும், கம்யூனிஸ்ட் கட்சிகளுக்கு ஒதுக்கப்படும் இடத்தில் இருந்து தங்கள் வேட்பாளர்கள் வாபஸ் பெறப்படுவர் என்று அவர் தெரிவித்து, கம்யூனிஸ்ட் கட்சிகளுக்கு ஒரு நிம்மதியை அளித்தார். தோழர்களே வினாஸ காலே விபரீத புத்தி என்றால் என்னவென்று விளங்கிடுச்சா? அப்ப தாபா ? 

Ex ADMK MLA அம்மாவின் பள்ளி தோழி பதர் சையத் ஆம் ஆத்மியில் இணைந்தார்.

பதர் சயீத் | கோப்புப் படம்

அதிமுக முன்னாள் சட்டமன்ற உறுப்பினர் பதர் சயீத் இன்று ஆம் ஆத்மி கட்சியில் இணைந்தார்.

இந்தத் தகவலை, ஆம் ஆத்மி கட்சியின் மாநில செய்தித் தொடர்பாளர் எம்.லெனின் வெளியிட்ட செய்திக் குறிப்பில் தெரிவிக்கப்பட்டுள்ளது.

மேலும், வரும் மக்களவைத் தேர்தலில் ஆம் ஆத்மி சார்பில் பதர் சயீத் போட்டியிட வாய்ப்பு உள்ளது என்றும் லெனின் தெரிவித்துள்ளார்.

வழக்கறிஞரான பதர் சயீத், 2006-ம் ஆண்டு முதல் 2011-ம் ஆண்டு வரை சென்னை - திருவல்லிக்கேணி தொகுதி எம்.எல்.ஏ.வாக இருந்தது குறிப்பிடத்தக்கது. tamil.thehindu.com

காலையில் பாஜக.. மாலையில் திமுக. ! மீண்டும் விஜயகாந்த் வேதாளம் திமுகவில ? தாங்க முடியல்ல சாமியோவ்

சென்னை: பாஜக அணியில் விஜயகாந்தின் தேமுதிக இடம்பிடித்துவிட்டது.. 14 தொகுதிகள் ஒதுக்கப்பட்டுவிட்டது என்றெல்லாம் காலையில்தான் செய்திகள் வெளியாகி பரபரப்பு ஏற்படுத்தின. ஆனால் மாலையில் திமுக அணிக்கு போவது என தேமுதிக முடிவு செய்துவிட்டதாக தகவல்கள் வெளியாகி கூடுதல் பரபரப்பை ஏற்படுத்தியுள்ளது. மக்களவைத் தேர்தலில் எந்தக் கூட்டணியில் தேமுதிக இடம்பெறும் என்பது கடைசி வரை புரியாத புதிர்தான். காங்கிரஸ், திமுக, பாஜக என பல கட்சிகளும் விஜயகாந்துக்கு வெளிப்படையாக அழைப்பு விடுத்தன.அழைப்புவிடுத்த அத்தனை கட்சிகளுடனும் பேசி வந்தார் விஜயகாந்த். இந்த நிலையில் திடீரென அவர் சிங்கப்பூர் பறந்துவிட்டார். பின்னர் சிங்கப்பூரிலிருந்து சென்னை திரும்பிய விஜயகாந்த், பாஜகவுடன் கூட்டணிப் பேச்சில் ஈடுபட்டார். இந்த அணியில் ஏற்கெனவே மதிமுக, இந்திய ஜனநாயகக் கட்சி ஆகியவை இடம்பெற்றுள்ளன. மதிமுகவுக்கு 6 தொகுதிகளை ஒதுக்கியது பாஜக. பாமகவோ 10 தொகுதிகளை விட்டுக் கொடுக்க முடியாது என பிடிவாதம் காட்டி வருகிறது. பாஜகவோ 8 தொகுதிதான் தருவோம் என்றது. இந்நிலையில் தேமுதிக 16 தொகுதிகள் கேட்டதாகவும் பாஜக 14 தொகுதிகளைக் கொடுக்க முன்வந்ததாகவும் கூறப்பட்டது. அத்துடன் கூட்டணிக்கான பேரம் முடிந்துவிட்டது என்றும் காலையில் பரபரப்பான தகவல்கள் வெளியாகின. ஆனால் மாலையில் தேமுதிக, திமுக அணிப் பக்கம் போக முடிவெடுத்துவிட்டதாக அறிவாலய வட்டார தகவல்கள் தெரிவிக்கின்றன. இதனாலேயே திமுக அணியில் நேற்று தொடங்கிய தொகுதிப் பங்கீட்டு பேச்சுவார்த்தை அப்படியே நிறுத்தி வைக்கப்பட்டிருக்கிறதாம். பாரதிய ஜனதா கட்சி எத்தனை தொகுதிகளை ஒதுக்கினாலும் வெல்வது கடினம்.. ஆனால் திமுக அணியில் கணிசமான இடங்களில் வெல்ல முடியும் என்ற இறுதி முடிவுக்கு தேமுதிக தலைவர் விஜயகாந்த் வந்ததாகவும் இது குறித்து திமுக தலைமைக்கும் தெரிவிக்கப்பட்டதாகவும் அதனாலேயே தொகுதிப் பேச்சுவார்த்தை நிறுத்தி வைக்கப்பட்டுவிட்டது என்றும் கூறப்படுகிறது. தேமுதிக, திமுக அணிக்கு வரும் போது அதிமுக அணியைவிட்டு வெளியேறும் இடதுசாரிகளில் மார்க்சிஸ்ட் கட்சியும் இடம்பெறக் கூடும் என்றும் அறிவாலய வட்டார தகவல்கள் தெரிவிக்கின்றன. உஷ்.. கண்ண கட்டு tamil.oneindia.in 

Gujarat கெஜ்ரிவால் கைது : மோடி கூற்றின் உண்மையை கண்டறிய குஜராத் சென்ற கெஜ்ரிவால்

அகமதாபாத்: குஜராத்தை முன்னோடி மாநிலமாக ஆக்கிவிட்டதாக அம்மாநில முதல்வரும், பாஜக பிரதமர் வேட்பாளருமான மோடி கூறி வருவது உண்மையா என்பதை பார்க்க ஆம் ஆத்மி கட்சி தலைவர் அரவிந்த் கெஜ்ரிவால் குஜராத் சென்றார். சென்ற இடத்தில் அவர் கைது செய்யப்பட்டுள்ளார். குஜராத்தை முன்னோடி மாநிலமாக்கியுள்ளதாக அம்மாநில முதல்வரும், பாஜக பிரதமர் வேட்பாளருமான நரேந்திர மோடி கூறி வருகிறார். இந்நிலையில் அவர் கூறுவது எல்லாம் உண்மை தானா என்பதை கண்டறிய ஆம் ஆத்மி கட்சி தலைவர் அரவிந்த் கெஜ்ரிவால் 4 நாள் சுற்றுப்பயணமாக இன்று குஜராத் சென்றார். அகமதாபாத்தை அடைந்த கெஜ்ரிவால் தனது சுற்றுப்பயணத்தின் இறுதிநாள் அன்று பொதுக் கூட்டத்திலும் பேசுகிறார். ஆம் ஆத்மி கட்சி துவங்கிய பிறகு முதன் முறையாக குஜராத் வந்துள்ள கெஜ்ரிவால் மாநிலம் முழுக்க சுற்றிப் பார்க்க உள்ளார். இந்நிலையில் கெஜ்ரிவால் மெஹ்சனா மாவட்டம் பெசராஜியில் இருந்து ரதன்பூருக்கு செல்லும் வழியில் போலீசாரால் கைது செய்யப்பட்டார். அவர் ரதன்பூரில் பிரச்சாரம் செய்ய போலீசார் அனுமதி அளிக்கவில்லையாம். அனுமதியை மீறிச் சென்றதால் அவர் கைது செய்யப்பட்டுள்ளதாக கூறப்படுகிறது. இதற்கிடையே கெஜ்ரிவாலின் பயணம் குறித்து ஆம் ஆத்மி கட்சி தலைவர் மனிஷ் சிசோடியா கூறுகையில், குஜராத் முன்னேற்றம் பற்றி கேள்விப்பட்டோம். அது உண்மையா என்பதை கண்டறிய இங்கு வந்துள்ளோம். அது பொய்யாக இருந்தால் உண்மையை வெளிச்சத்திற்கு கொண்டு வருவோம் என்றார்.
tamil.oneindia.in/

பாஜக அணியில் தேமுதிகவுக்கு 14 தொகுதிகள் ! பேரம் படிந்தது!

சென்னை: பாஜக அணியில் இடம்பிடித்துவிட்டது விஜயகாந்தின் தேமுதிக. அந்தக் கட்சிக்கு 14 தொகுதிகள் ஒதுக்கப்பட்டுள்ளது. மக்களவை தேர்தலில் எந்தக் கூட்டணியில் தேமுதிக இடம்பெறும் என்பது கடைசி வரை இழுபறியாகவே இருந்தது. காங்கிரஸ், திமுக, பாஜக என பல கட்சிகளும் விஜயகாந்துக்கு வெளிப்படையாக அழைப்பு விடுத்தன. அழைத்த அத்தனை கட்சிகளுடனும் பேசி வந்தார் விஜயகாந்த். இந்த நிலையில் திடீரென அவர் சிங்கப்பூர் பறந்துவிட்டார். திமுக, காங்கிரஸ் கட்சிகள் கடைசிவரை காத்திருந்தன. இவற்றில் திமுக விஜயகாந்துக்கான கதவை மூடிவிட்டது. காங்கிரஸ் காத்திருந்தது. இதற்கிடையில், சிங்கப்பூரிலிருந்து சென்னை திரும்பிய விஜயகாந்த், பாஜகவுடன் கூட்டணிப் பேச்சில் ஈடுபட்டார். இந்த அணியில் ஏற்கெனவே மதிமுக, பாமக, தேமுதிக, இந்திய ஜனநாயகக் கட்சி ஆகியவை இடம்பெற்றுள்ளன. இவற்றில் பாஜகவுக்கு 8 தொகுதிகள் ஒதுக்கப்பட்டுள்ளன. பாமகவுக்கும் 8 தொகுதிகள் ஒதுக்கப்பட்டுள்ளது. மதிமுக வுக்கு 6 தொகுதிகள் ஒதுக்கப்பட்டுள்ளன.

ஆசிட்' வீச்சு லக்ஷ்மிக்கு சர்வதேச வீரப் பெண்மணி விருது !அதற்கு எதிராக போராடியவர்

ஆசிட் வீச்சால் பாதிக்கப்பட்டு, பின்னர் அதற்கு எதிராக போராடி, இந்தியாவில் ஆசிட் விற்பனைக்கு கடும் கட்டுபாடுகளை விதிக்க காரணமாக இருந்த தில்லியைச் சேர்ந்த இளம் பெண் லக்ஷ்மி, அமெரிக்காவின் சர்வதேச வீரப் பெண்மணி விருதுக்கு தேர்ந்தெடுக்கப்பட்டுள்ளார்.
அமெரிக்க அதிபர் ஒபாமாவின் மனைவி மிஷெல் ஒபாமா, இந்த விருதை லக்ஷ்மிக்கு வழங்க உள்ளார். இது தொடர்பாக அமெரிக்க வெளியுறவு அமைச்சகம் வெளியிட்டுள்ள செய்திக் குறிப்பில், "ஆசிட் வீச்சால் பாதிக்கப்பட்ட பெண்கள் பலர் தங்களது இயல்பு வாழ்க்கைக்குத் திரும்புவதில்லை.
ஆசிட்டால் பாதிக்கப்பட்ட தங்களது உருவத்தை மறைக்கவே முயற்சி மேற்கொள்வர். அவர்கள் உயர் கல்வி பயில்வது, வேலைக்கு செல்வது ஆகியவற்றைத் தவிர்ப்பதும் வழக்கம்.
ஆனால், லக்ஷ்மி அதுபோன்ற பாதைகளை தேர்ந்தெடுக்காமல் தொலைக்காட்சிகளில் தோன்றி ஆசிட்டுக்கு எதிரான பிரசாரத்தை தொடங்கி, 27 ஆயிரம் பேரிடம் கையெழுத்துகளை பெற்றார்.

ஜாதகம் நட்சத்திரம் பார்த்து சிசேரியன் செய்து குழந்தையை பெற்றெடுக்கும் பெரியவா ! சர்ப்ப தோஷமிருந்தால் ஐபிஎம் வேலை பறிபோகும் !

சில நாட்களுக்கு முன் பெங்களூரு ஐபிஎம் நிறுவனத்தில் ஊழியர்கள் திடீரென வேலை நீக்கம் செய்யப்பட்ட செய்தியை பற்றி கேள்விப்பட்டவுடன் முதலில் நினைவுக்கு வந்தது என் கல்லூரி கால நண்பன் மகேஷ் தான்.
மகேஷும் நானும் கல்லூரி படிப்பு முடிந்தவுடன் ஒன்றாகவே சுமார் 2 வருடம் வேலை தேடினோம். அவன் முதலில் டிசிஎஸ் நிறுவனத்தில் தான் வேலைக்குச் சேர்ந்தான். சில வருடங்களில் தொடர்பில்லாமல் போனது. பின்பு அவனது திருமணத்திற்கு அழைப்பதற்காக என்னைத் தொடர்புக் கொண்ட போது தான், அவன் ஐபிஎம் நிறுவனத்தில் வேலைக்கு சேர்ந்திருப்பது தெரிந்தது.
மகேஷை அறிவாளி என்றெல்லாம் சொல்ல முடியாது. சுமாராக படிப்பான், ஆனால் அபார கடவுள் நம்பிக்கை உள்ளவன். எப்பொழுதும் ஏதாவது மந்திரம் சொல்லியபடியே தான் இருப்பான். பரீட்சைக்கு முன் கலர் கலராக பல கயிறுகளை கையில் கட்டியிருப்பான். செமஸ்டர் கடைசி பரீட்சை முடிந்தவுடன் ஒரு கயிறையும் பார்க்க முடியாது. அவனுக்கு எல்லாம் அதிர்ஷ்டத்தால் தான் நடக்கிறது என்று நம்பிக்கை.
ஆனால் நான் கவனித்த வரை அவனிடம் சில ஆளுமைகள் இருந்தன. முதலில் அருமையான ஆங்கிலப் புலமை. இரண்டாவது எதையும் சுலபமாகவும், மற்றவருக்கு எளிமையாகவும் புரியும்படி விளக்குவான். தான் செய்யாத ப்ரொஜக்ட்டை பற்றி கூட இரண்டொரு வரிகள் படித்துவிட்டு, அவன் ஈடுபாட்டுடன் செய்ததை போல் அருமையாக விளக்கி விடுவான். இது போதாதா, ஐடி துறையில் பிழைக்க. ஆனால் அவனை கேட்டால் தாயத்து, வேண்டுதல்களால் தான் தனக்கு நன்மைகள் நடக்கிறது என்று கூறுவான்.

டுபாக்கூர் மோடி ஒரு ஞானசூனியம் அதுவே முதலாளிகளின் தேவை ! மோடி : 24 X 7 தேசிய இம்சை !

பிகாரிகளாகிய நீங்கள் உலகத்தையே வென்ற அலெக்சாண்டரை கங்கைக் கரையில் வைத்து முறியடித்த மாவீரர்கள்” என்றார் மோடி. பஞ்சாபின் சட்லெஜ் நதிக்கரையோடு திரும்பிப் போன அலெக்சாண்டர், எப்போது பீகார் வந்தார்?
ஆயிரம் தலை வாங்கிய அபூர்வ சிந்தாமணியான ஒரு கொலைகாரனை, ஒரு முட்டாளாகவோ கோமாளியாகவோ கருத முடியுமா என்று வாசகர்கள் எண்ணலாம். “கிரேட் டிக்டேடர்” என்ற திரைப்படத்தில் இட்லரையும் முசோலினியையும் பற்றிய சார்லி சாப்ளினின் சித்தரிப்பு, ஒரு பாசிஸ்டின் ஆளுமைக்குள் முட்டாள்தனமும் கோமாளித்தனமும் பிரிக்க முடியாமல் பிணைந்திருப்பதை நமக்குக் காட்டியது.
பின்னர் நாம் ஜார்ஜ் புஷ்ஷைப் பார்த்தோம். ஆப்கானிஸ்தான் மீதும், ஈராக் மீதும் போர் தொடுத்துப் பல இலட்சம் மக்களின் பேரழிவுக்குக் காரணமாக இருந்த புஷ் ஒரு அடி முட்டாள் என்பது, அவருடைய மனைவி லாரா புஷ் ஒருவரைத் தவிர, அநேகமாக மற்றெல்லோரும் அறிந்த உண்மையாகத்தான் இருந்தது. அதன்பின் ஒரு பாசிஸ்டு முட்டாளாக இருக்க முடியுமா என்ற கேள்வி மறைந்து, பாசிஸ்டுகளுக்கு முட்டாள்தனம் ஒரு முன்நிபந்தனையோவென்று தோன்றத் தொடங்கியது. புஷ் இரண்டாவது முறை அமெரிக்க அதிபராவதற்கு அவரது முட்டாள்தனமே ஒரு தகுதியாக மாறிவிட்டது.

யஷ்வந்த் சின்ஹாவிடம் ஜெயலலிதா கொடுத்த 'கவர்': போட்டு உடைக்கும் ஸ்டாலின்

சென்னை: அதிமுக மத்திய அரசில் பங்கேற்றபோது ஜெயலலிதா 'சிபாரிசுகளின் தலைவி'யாக இருந்தார்' என்று தமிழக முதல்வர் ஜெயலலிதாவை திமுக பொருளாளர் மு.க.ஸ்டாலின் விமர்சித்துள்ளார். இது தொடர்பாக அவர் இன்று தன் அதிகாரப்பூர்வ ஃபேஸ்புக் பக்கத்தில் பகிர்ந்தது: "தமிழக மக்களின் கோரிக்கைகள் நிறைவேற்றப்பட மத்தியில் அதிமுக இடம்பெறும் ஆட்சி வேண்டும்" என்று காஞ்சிபுரத்தில் அதிமுக வேட்பாளர் அறிமுக கூட்டத்தில் முழங்கியிருக்கிறார்
இவர் கடந்த காலங்களில் மத்திய அமைச்சரவையில் பங்கேற்றபோது என்ன மாதிரி கோரிக்கைகளை முன்வைத்திருக்கிறார்? என்னென்ன திட்டங்களை தமிழகத்திற்கு கொண்டு வந்திருக்கிறார் என அவரால் பட்டியலிட முடியுமா? ஆனால், மத்திய ஆட்சியில் கூட்டணியில் இருந்த போது என்ன கோரிக்கைகள் வைத்தார் என்பதை திமுகவால் பட்டியலிட முடியும்.

Coimbatore Rape இரட்டை சகோதரர்களுக்கு ஆண்மை பரிசோதனை

கோவையில் குளிர்பானத்தில் மயக்க மருந்தை கலந்து கொடுத்து கல்லூரி மாணவியை பாலியல் பலாத்காரம் செய்த இரட்டை சகோதரர்களுக்கு கோவை அரசு ஆஸ்பத்திரியில் ஆண்மை பரிசோதனை நடந்தது.
கல்லூரி மாணவி கற்பழிப்பு
கேரள மாநிலம் கோழிக்கோட்டை சேர்ந்த இரட்டை சகோதரர்கள் அகில் (20), அதுல் (20). இவர்கள் இருவரும் கோவையில் உள்ள ஒரு தனியார் என்ஜினீயரிங் கல்லூரியில் 3-ம் ஆண்டு படித்து வந்தனர். இதற்கிடையே அதேக்கல்லூரியில் 2-ம் ஆண்டு படித்து வந்த கேரளாவை சேர்ந்த 19 வயது மாணவியை கோவை சாய்பாபாகாலனியில் உள்ள தனது வீட்டுக்கு அகில் அழைத்துச்சென்றார்.
பின்னர் அந்த மாணவிக்கு தெரியாமல் குளிர்பானத்தில் மயக்க மருந்தை கலந்து கொடுத்து அவரை பாலியல் பலாத்காரம் செய்ததாக தெரிகிறது. இதற்கிடையே வீட்டுக்கு வந்த அதுலும் அந்த மாணவியை பாலியல் பலாத்காரம் செய்தார். சற்று நேரத்தில் மயக்கம் தெளிந்த மாணவி அதுலை தள்ளிவிட்டு அங்கிருந்து தப்பி வெளியேறினார்.

சர்க்கரை நோய்க்கு இன்சுலின் தவிர மருந்து உண்டா?

 பிரபல மருத்துவரும், எழுத்தாளருமான கு.சிவராமன், உங்கள் மருத்துவச் சந்தேகங்களுக்குப் பதில் அளிக்கிறார். மருத்துவம், உடல்நலம், ஆரோக்கிய உணவு உள்ளிட்ட அனைத்து கேள்விகளையும் கீழ்க்கண்ட அஞ்சல் முகவரிக்கோ அல்லது மின்னஞ்சல் மூலமாகவோ அனுப்புங்கள். உங்கள் சந்தேகங்களுக்கு உரிய பதில் கிடைக்கும்.

மின்னஞ்சல்: nalamvaazha@kslmedia.in

முகவரி: நலம், நலமறிய ஆவல், நலம் வாழ, தி இந்து, கஸ்தூரி மையம், 124, வாலாஜா சாலை, சென்னை - 600 002

எனக்கு வயது 67. 30 ஆண்டுகளாகச் சர்க்கரை நோய்க்கு இன்சுலின் எடுத்து வருகிறேன். நான் சர்க்கரை நோய்க்கான மருந்துகளுடன் பாகற்காய் சாப்பிடலாம் என்று நினைக்கிறேன். அப்படிச் செய்வது சரியா? சர்க்கரை நோயைக் கட்டுப்படுத்த வேறு தெளிவான வழி இருக்கிறதா?

- எஸ். ராம்ராஜ், மதுரை

ரத்தச் சர்க்கரை அளவை குறைக்கும் தன்மை கொண்டது பாகற்காய் என்பதற்கான நிறைய மருத்துவச் சான்றுகள் வெளிவந்துவிட்டன. இந்தியாவில் மட்டுமல்ல, சீனாவிலும்கூட நீரிழிவு நோயாளிகள் அதிகம் தேடும் காய் பாகற்காய்தான்.

40 தொகுதிகளிலும் அ.தி.மு.க., தனித்து போட்டி? கம்யூனிஸ்ட் கட்சிகள் கடும் அதிருப்தி ! தி.மு.க., கூட்டணியில் இணைவது குறித்து குழு கூட்டத்தில் முடிவு எடுக்கப்படும் ?

காஞ்சிபுரத்தில் நடந்த தேர்தல் பிரசாரத்தில், அ.தி.மு.க., மற்றும் அதன் கூட்டணி கட்சி வேட்பாளர்களுக்கு, ஓட்டு போட வேண்டும் என வேண்டுகோள் விடுத்த, முதல்வர் ஜெயலலிதா, நேற்று, மீனம்பாக்கத்தில் நடந்த, பிரசார பொதுக்கூட்டத்தில் பேசும்போது, அனைத்து தொகுதிகளிலும், அ.தி.மு.க., வேட்பாளர்களை நீங்கள் வெற்றி பெறச் செய்ய வேண்டும் என்றார். இதன் மூலம், கம்யூனிஸ்ட் கட்சி களை, அ.தி.மு.க., கழற்றிவிட முடிவு செய்திருப்பது உறுதியானது.
அ.தி.மு.க., வேட்பாளர்களை ஆதரித்து, நேற்று முன்தினம், காஞ்சிபுரத்தில், முதல்வர் ஜெயலலிதா, தேர்தல் பிரசாரத்தை துவக்கினார். நேற்று, இரண்டாவது நாளாக, ஸ்ரீபெரும்புதூர் தொகுதி, அ.தி.மு.க., வேட்பாளர் கே.என்.ராமச்சந்திரனை ஆதரித்து, சென்னை, மீனம்பாக்கத்தில் நடந்த, பிரசார பொதுக் கூட்டத்தில் பேசினார். காஞ்சிபுரத்தில், அவர் பேசும்போது, ''மத்தியில், நடைபெறும், ஊழல் ஆட்சிக்கு முற்றுப்புள்ளி வைக்க வேண்டும். அதன் மூலம் மக்களாட்சி மலர வேண்டும். அந்த ஆட்சி, தமிழகத்தின் ஆட்சியாக, நமது ஆட்சியாக, அ.தி.மு.க., அங்கம் வகிக்கும் ஆட்சியாக, அமைய வேண்டும். அப்போது தான், தமிழர்களின் உரிமை நிலைநாட்டப்படும். தமிழக மக்களின் வாழ்வு வளம் பெறும். இதன் அடிப்படையில், நீங்கள் அ.தி.மு.க., வேட்பாளர்களுக்கு, அதன் கூட்டணி கட்சி வேட்பாளர்களுக்கு, ஓட்டளிக்க வேண்டும்,'' என்றார்.  தாயே பிச்சை போடுங்கள் என்று கேட்டு விட்டீர்கள். சாதம் ஆகும் வரை, அதாவது தேர்தல் முடியும் வரை பொறுமையாக இருக்க முடியாதா? 80 வயதுக்கு மேல் ஆன தா. பா. எம்பி ஆகி தமிழக மக்களுக்கு என்ன சேவை செய்து கிழிக்க போகின்றார்? சேராத இடம் தன்னில் சேர்த்தல் இதுதான் கதி. போன சட்டமன்ற தேர்தலில் அவமான பட்டபின்பும் புத்தியில் ஏறவில்லை என்றால், இந்த மாதிரி செருப்படிதான் போயஸ் தோட்டத்தில் கிடைக்கும்.

தி.மு.க., தொகுதி பங்கீட்டில் கும்மாங்குத்து ! தினமலரின் ஊகம் ?

தி.மு.க., உடனான தொகுதி பங்கீடு பேச்சுவார்த்தையில், சுமுக முடிவு எட்டப்படாததால், விடுதலை சிறுத்தைகள் கட்சி அதிருப்தி அடைந்துள்ளது. ஒரு தொகுதிக்கு, மூன்று கட்சிகள் போட்டி போடுவதால், தி.மு.க., கூட்டணிக்குள், 'கும்மாங்குத்து' துவங்கியுள்ளது. சிதம்பரத்தில் வெற்றி: தி.மு.க., கூட்டணியில், விடுதலை சிறுத்தைகள், மனிதநேய மக்கள் கட்சி, இந்திய யூனியன் முஸ்லிம் லீக் மற்றும் புதிய தமிழகம் என, நான்கு கட்சிகள் இடம் பெற்றுள்ளன. 2009ல், நடந்த லோக்சபா தேர்தலில், தி.மு.க., கூட்டணியில் இடம் பெற்றிருந்த, விடுதலை சிறுத்தைகள் கட்சிக்கு, சிதம்பரம், விழுப்புரம் என, தொகுதிகள் ஒதுக்கப்பட்டன. இதில், சிதம்பரம் தொகுதியில், திருமாவளவன் வெற்றி பெற்றார். விழுப்புரத்தில், அக்கட்சி சார்பில் போட்டியிட்ட வேட்பாளர் தோல்வி அடைந்தார். இந்நிலையில், சென்னை அறிவாலயத்தில், நேற்று நடந்த, தி.மு.க., கூட்டணி தொகுதி பங்கீடு பேச்சுவார்த்தையில், தி.மு.க., பொருளாளர் ஸ்டாலின் தலைமையிலான குழுவினரும், விடுதலை சிறுத்தைகள் தலைவர் திருமாவளவன் தலைமை யிலான குழுவினரும் பங்கேற்றனர். பேச்சின் போது, சிதம்பரம், காஞ்சிபுரம், விழுப்புரம், மயிலாடுதுறை, கடலூர் என, ஐந்து தொகுதிகளில் போட்டியிட, விடுதலை சிறுத்தைகள் கட்சியினர் விருப்பம் தெரிவித்தனர்.

கம்யுனிஸ்டுகளுக்கு அதிமுக கைவிரிப்பு ? பொறுமையில் எருமையை வென்ற தோழர்கள் வைகோ படித்த பாடத்தை படிக்கிறார்கள்

முதல்வர் ஜெயலலிதா காஞ்சிபுரத்தில் தனது தேர்தல் பிரசாரத்தை நேற்று தொடங்கிய அதே நேரத்தில் தமிழகம், புதுவை உள்பட 40 தொகுதிகளிலும் அ.தி.மு.க. வேட்பாளர்கள் தங்கள் பிரசாரத்தைத் தொடங்கினர். அதோடு, அக்கட்சியின் வேட்பாளர்களாக அறிவிக்கப்பட்டுள்ள உள்ளாட்சிப் பிரதிநிதிகள் மற்றும் அரசு பதவிகளை வகிப்போர் தங்களுடைய பதவிகளை ராஜினாமா செய்தனர்.
இதன் மூலம், “கம்யூனிஸ்ட் கட்சிகளுக்கு சீட் கிடையாது” என சமிக்கையை ஜெயலலிதா தெரிவித்துவிட்டதாக அ.தி.மு.க. வட்டாரத்தில் கூறப்படுகிறது. கம்யுனிஸ்ட் கட்சிக்களுக்கு இன்னும் செய்யறதுக்கு நெறைய தொழில் இருக்கு!ஜால்ரா வாசிப்பதற்கு உரிய முன் அனுபவம்தான் இருக்கே ஏதாவது பஜனை கோஷ்டியில் சேருங்க அல்லது பேசாம அதிமுகவில் சேர்ந்து விடலாமே ? அட ஏறக்குறைய இவ்வளவுநாளும் தாபா அதைதானே செய்தார்