மர்ம மனிதனும் கூட்டணியினரும் பிரதியமைச்சர் விநாயகமூர்த்தி முரளிதரன் குற்றச்சாட்டு

மர்ம மனிதன் விவகாரத்தை பெரிதுபடுத்தி மக்களைத் தூண்டிவிட்டு வேடிக்கை பார்த்தவர்கள் தமிழ்த் தேசியக் கூட்டமைப்பினரே-விநாயகமூர்த்தி முரளிதரன்(கருணா)!

மர்ம மனிதன் விவகாரத்தை பெரிதுபடுத்தி மக்களைத் தூண்டிவிட்டு வேடிக்கை பார்த்தவர்கள் தமிழ்த் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர்களேயென மீள்குடியேற்றப் பிரதியமைச்சர் விநாயகமூர்த்தி முரளிதரன் (கருணா) குற்றஞ்சாட்டியுள்ளார்.மட்டக்களப்பு மாவட்டத்தின் பொலிஸ் பிரிவுகளின் சிவில் விழிப்புக் குழுக்கள், அரசியல்வாதிகள் கலந்துகொண்டு களுவாஞ்சிக்குடியில் இன்று திங்கட்கிழமை நடைபெற்ற கூட்டத்தில் கலந்துகொண்டு உரையாற்றுகையிலேயே அவர் இவ்வாறு கூறினார்.

அவர் அங்கு மேலும் உரையாற்றுகையில்,

மர்ம மனிதன் விவகாரம் மட்டக்களப்பு மாவட்டத்தில் ஏற்பட்டமை அனைவரும் அறிந்ததே. ஆனால் இந்த மர்ம மனிதனை நேரடியாகக் கண்டவர்கள் எவரும் இல்லை. எல்லாம் வதந்தியாகும்.

இவற்றையெல்லாம் பெரிதுபடுத்தி மக்களைத் தூண்டிவிட்டு வேடிக்கை பார்த்தவர்கள் தமிழ்த் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர்கள் என்பதை அடித்துக் கூறுகின்றேன்.

தூண்டிவிட்டு வேடிக்கை பார்த்தவர்களால் இன்று கைதுசெய்யப்பட்டவர்களை வெளியில் எடுக்க முடிந்ததா? தூண்டிவிடப்பட்டமையினால் அப்பாவிகள் பொலிஸ் நிலையத்தை உடைத்து சட்டத்தைக் கையிலெடுத்துக் கொண்டதால் பொலிஸாரால் கைதுசெய்யப்பட்டு நீதிமன்றத்தில் ஆஜர்படுத்தப்பட்ட நிலையில் விளக்கமறியலில் வைக்கப்பட்டுள்ளனர்.

இவர்களின் குடும்பங்களைக் கவனிக்க தமிழ் தேசியக் கூட்டமைப்பின் நாடாளுமன்ற உறுப்பினர்களால் முடியுமா?

ஜனாதிபதி அவசரகாலச் சட்டத்தை நீடிக்க இவ்வாறெல்லாம் செயற்படுத்தப்படுகின்றதென தமிழ் தேசியக் கூட்டமைப்பு பிரசாரம் செய்தது. இருப்பினும் ஜனாதிபதியால் அவசரகாலச் சட்டம் நீக்கப்பட்டுள்ளது.

தற்போது தமிழ்த் தேசியக் கூட்டமைப்பினரால் என்ன கூறமுடியுமென கேள்வியெழுப்பினார்.
இதேவேளை, இங்கு மட்டக்களப்பு மற்றும் அம்பாறை மாவட்ட பிரதிப் பொலிஸ்மா அதிபர் திலக் விஜயகுணவர்த்தன உரையாற்றுகையில்,

சிவில் விழிப்புக் குழுக்கள் ஊடாக கிராம மட்டத்தில் பாதுகாப்பை உறுதிப்படுத்துவோம். சட்டத்தை நீங்கள் கையில் எடுக்கக்கூடாது. ஆனால் நாங்கள் உங்களை பாதுகாப்போம். மர்ம மனிதர்கள் யார் என்பதை நீங்கள் விரைவில் உணர்வீர்கள் என்றார். 

முன்னேஸ்வரம் மிருக பலிக்கு தடை விதிக்க நீதிமன்றம் மறுப்பு

சிலாபம் முன்னேஸ்வரம் ஸ்ரீ பத்திரகாளி அம்மன் கோவிலில் வரும் 13ம் திகதியன்று நடைபெறவுள்ள மிருக பலி பூஜைக்கு உடனடியாக தடை விதிக்க கோரி மேன்முறையீட்டு நீதிமன்றத்தில் தாக்கல் செய்யப்பட்டிருந்த மனு நிராகரிக்கப்பட்டுள்ளதாக தெரிவிக்கப்படுகினறது.

இந்த விடயம் தொடர்பான பிரதான மனு மீதான விசாரணையை ஒக்டோபர் 14ம் திகதிவரை ஒத்திவைக்கப்பட்டுள்ளதாகவும் அறிவிக்கப்படுகின்றது.

எம்பிலியபிட்டியவைச் சேர்ந்த பௌத்த பதனம என்ற அமைப்பு உட்பட 14 பெளத்த அமைப்புகள் இந்த மனுவை தாக்கல் செய்துள்ளன.
ஜாதிக்க ஹெல உறுமயவைச் சேர்ந்த அத்துரலியே ரத்தன தேரர், அரசிடமிருந்து தகுந்த அனுமதி பெறப்படாமல் செய்யப்படும் இந்த மிருக பலி மூலம் மற்ற மதத்தவர்களின் மனித உரிமைகள் மீறப்படுவதாக தெரிவித்தார்.

இந்நிலையில், தடை விதிக்க மறுத்த நீதிமன்றத்தின் தீர்ப்பை எதிர்த்து மேன்முறையீடு செய்யவுள்ளதாகவும் ரத்தன தேரர் கூறினார்.
ஒக்டோபர் 14ம் திகதி பொலிஸ் மா அதிபர் உள்ளிட்ட பிரதிவாதிகளை இந்த வழக்கில் நீதிமன்றத்தில் ஆஜராகுமாறு உத்தரவிடப்பட்டுள்ளதாக பீபீசி செய்தி வெளியிட்டுள்ளது.

மீன் விற்கும் முருகன் ஆங்கிலத்திலிருந்து தமிழுக்கு நூல்களை

மீன் விற்கும் முருகன் ஆங்கிலத்திலிருந்து தமிழுக்கு நூல்களை மொழிபெயர்க்கிறார்.

இரைச்சலும் கவிச்சியுமாய் பரபரப்புடன் இயங்குகிற ஜாம் பஜார் மீன் சந்தை. அங்கே பெரு.முருகனின் பெயரைச் சொன்னால் போதும். சக வியாபாரிகள் அவரது கடைக்குச் சட்டென்று அடையாளம் சொல்கிறார்கள், ‘எப்பவும் ஏதாச்சும் எழுதிட்டிருக்குமே, அந்தத் தம்பிதானே?’ முருகன் தமிழ் இலக்கியத்துறையில் வளர்ந்துகொண்டிருக்கும் ஒரு மொழிபெயர்ப்பாளர் என்பது அவர்களுக்குத் தெரிய வாய்ப்பு இல்லை. மீன் விற்கும் முருகன் ஆங்கிலத்திலிருந்து தமிழுக்கு நூல்களை மொழிபெயர்க்கிறார்.

‘என்னப்பா, வஞ்சிரம் இன்னிக்கு வரலையா? சங்கரா விலை இவ்வளவு அதிகமா இருக்கே?’ என்ற கேள்விகளுடன் சூழ்ந்து நிற்கும் வாடிக்கையாளர்களுக்கு மீனைத் தராசில் நிறுத்துக்கொடுத்துவிட்டு, முருகன் நம்மிடம் வருகிறார். ”நான் பிறந்து வளர்ந்ததெல்லாம் இதே ஜாம் பஜாரில்தான். மீன் விற்கிறது எங்க குடும்பத் தொழில். குடும்பத்துல கல்லூரிக்குப் போய் படிச்ச முதல் ஆளே நான்தான். சென்னை பல்கலைக்கழகத்தில் பொது நிர்வாகத்தில் எம்.ஏ., முடிச்சேன். துறைமுகத்துல அரசு வேலைக்காக முயற்சி செஞ்சேன். அது கிடைக்கலை. குடும்பத் தொழிலையே செய்வோம்னு மீன் விற்கிற தொழிலில் இறங்கிட்டேன். அம்மா, தம்பி, அக்கா கூட சேர்ந்து நானும் வியாபாரம் பண்றேன்’’ என்கிறார் முருகன்.

மீன் விற்கும் திண்ணைக்கு அருகிலேயே ஐந்துக்கு ஐந்து பரப்பளவில் அறை வைத்திருக்கிறார் முருகன். அதில் ஷெல்ஃபில் சதத் ஹசன் மாண்டோ, சுந்தர ராமசாமி, ஒரான் பாமுக் போன்றோரின் புத்தகங்கள் அடுக்கப்பட்டுள்ளன. ”பல்கலைக்கழகத்தில் படிக்கிறப்போ ஆங்கில மீடியத்தில்தான் படிக்க வேண்டியிருந்தது. ஆங்கிலம் கத்துக்குறதுக்காக சின்னச் சின்ன நூல்களைத் தமிழில் மொழிபெயர்த்துப் பழகினேன். இலக்கியத்தில் ஆர்வம் ஏற்பட்டப்போ, ஆங்கிலத்தில் உள்ள நல்ல படைப்புகளைத் தமிழில் மொழிபெயர்த்தால் என்னனு தோணுச்சு. முழு மூச்சாக மொழிபெயர்ப்பில் இறங்கினேன்’’ என்று மொழிபெயர்ப்பில் நுழைந்ததைச் சொல்கிறார்.

‘‘ட்ரெனா பால்ஸ் என்ற பிலிப்பைன்ஸ் எழுத்தாளர் எழுதிய ‘போப் ஃபார் த ஃப்ளவர்ஸ்’ என்ற பிரபலமான குழந்தைகள் சிறுகதையை ‘பூப்பூவாய்’ என்று தமிழில் மொழி பெயர்த்திருக்கிறார். கிரேக்க காவியமான ஒடிஸியை எழுதிய ஹோமரின் இன்னொரு படைப்பான ‘பெட்சைட் ஒடிசி’யை ‘பள்ளியறை ஒடிசி’ என்று தமிழ்ப் படுத்தியிருக்கிறார். அடுத்து உம்பர்டோ ஈகோவின் ‘நேம் ஆஃப் தி ரோஸ்’ புத்தகத்தை தமிழ் படுத்தப் போகிறாராம். அவர் சொல்லும் படிக்கும் புத்தகங்கள் பிரமிக்க வைக்கின்றன.

முருகனின் மனைவி ரேகா பட்டதாரி. தனியார் நிறுவனத்தில் பணிபுரிகிறார். ஒரே ஒரு மகன்தான். மூன்றாம் வகுப்பு படிக்கிறான். ‘‘நிரந்தர வருமானம் வர்ற மாதிரி எழுத்துத் துறையிலேயே வேலை தேடிட்டிருக்கேன். அப்படி கிடைச்சா மீன் விற்கும் வேலையை விட்டுடலாம்னு இருக்கேன்’’ என்கிறார் முருகன்.

இலக்கியத்தை நம்பி, நல்ல வேலைகளை உதறிவிட்டு, அவதிப்பட்ட பல இலக்கிய ஜாம்பவான்கள்தான் நம் ஞாபகத்துக்கு வந்தார்கள். ‘ஜாக்கிரதை தலைவா’ என முருகனை சினேகத்துடன் எச்சரித்துவிட்டு வந்தோம்.

ஆனந்த் செல்லையா

இராஜேஸ்வரி பாலசுப்பிரமணியம்: தமிழ்த்தேசியத்தின் பயங்கரவெறிக்கு ஈடுகட்டுவதுபோல் சிங்கள் இனவெறி .

போருக்குப் பின்னான சமுக மாற்றங்களுக்களும் முற்போக்குவாதிகளின் கடைமைகளும் (1)

-  இராஜேஸ்வரி பாலசுப்பிரமணியம்

முன்னுரை.

 கடந்த ஐம்பது வருடங்களாதகப் பல அரசியல் மாற்றங்கள் உலகிற் பல இடங்களில் நடந்திருந்தாலும், இலங்கைத் தமிழர்களைப் பொறுத்தவரையில்,  அவர்களின் வாழ்க்கையில் ஏற்பட்ட மாற்றங்களின் பன்முகக் கருத்துக்கள் பற்றி பல அறிஞர்கள் ஆராய்கிறார்கள். அதற்கு ஒரு பெரிய காரணியாகவிருப்பது பெருமளவான தமிழர்கள் புலம் பெயர்ந்திருப்பதாகும். புலம் பெயர்ந்த தமிழர்களால் அவர்கள் புலம் பெயர்ந்த நாட்டு மக்களுக்கும் ஆய்வாளர்களுக்கும்  தமிழர்களின் பிரச்சினைகள் பரவலாக்கப்படுகின்றன.

 புலம் பெயர்ந்த பல நாடுகளில் வாழும் இலங்கைத் தமிழரின் இன்றைய அரசியல், கலாச்சாரம், பண்பாடு, சுயதேவை, குடும்ப உறவுமுறைகளும் தொடர்புகளும், அவர்களுக்கும் இன்று இலங்கையில் வாழும் தமிழர்களுக்குமான உறவுகளுடனும் உதவிகளுடனும் தொடர்பு பட்டவை. ஆவை எந்த அளவுக்கு ஒரு புதிய சமுதாயததை உருவாக்க உதவுகிறது என்பது போன்ற பலதரப்பட்ட விடயங்கள் பல்கலைக்கழக் ஆராய்ச்சிகளுக்கு உட்படுத்தப் படுகின்றன.

 ஓரு நாட்டின் சனத்தொகையுடன் ஒப்பிட்டால், அந்நாட்டில் ஏதோ ஒரு பிரச்சினை வந்து நாடுகடந்த மக்களில் இலங்கைத் தமிழர்கள் முன்னிலையில் இருக்கிறார்கள். அதாவது, கிட்டத்தட்ட நாட்டில் வாழும் தமிழ்மக்களின் சனத்தொகைக்குச் சமமான விதத்தில் இலங்கைத் தமிழர்கள் இடம் பெயர்ந்து வாழ்கிறார்கள்.

எங்கள் சமுதாயத்தைப்பற்றி மற்றச் சமுதாய அறிஞர்கள் பன்முக ஆராய்ச்சிகளை மேற்கொள்ளுவது போல் எங்களைப்பற்றிய சுய விமர்சனங்கள், ஆய்வுகள் என்பதை நாங்கள் ஒரு ஆரோக்கியமுறையில் இதுவரையும் கைக்கொள்ளவில்லை.

காலனித்துவத்தின் ஆதாயத்துக்கான பொருளாதாரத்தைக்கொண்டிருந்த இலங்கைத் தீவு ஒரு புதிய பொருளாதாரத் திட்டத்தைக் கொண்டுவர முன்னெடுத்;த இடது சாரிகள் தமிழ் சிங்கள் அரசியல்வாதிகளால் ஓரம் கட்டப்பட்டதை நினைத்துப் பார்ப்பதில்லை.

 வடக்கில் தொடங்கிய பல்விதமான பொருளதார மாற்றங்களின் ஒரு அடையாளமாக வளர்ந்த கூட்டுறவுச் சங்கங்கள் பற்றி யாரும் பேசுவது கிடையாது.

 இலங்கை மக்கள் அத்தனைபேருக்கும் சம உரிமைகள் இருக்கவேண்டுமென்ற போராட்டங்களில் வடக்கில் வெடித்த சாதிக் கலவரங்கள் மறைக்கப்படுகின்றன.

 இலங்கை அரசியலில் தோளோடு தோள் கொடுத்துப் போராடிய இடதுசாரிகள் பெரும்பாலோர் இலங்கையில் நடந்த அரசியல் மாற்றங்களால், சரித்திரத்தால் மறைக்கப்பட்ட வெற்று மனிதர்களாகிவிட்டார்கள்.

 தமிழர்களிலுள்ள மேல்வர்க்கம் எதிர்நோக்கிய பிரச்சினைகள் ஒட்டு மொத்த தமிழினத்தின் பிரச்சினையாக வளர்க்கப்பட்டது. வடக்கில் ஆளுமை கொண்டிருந்த மேற்தட்டு ஆதிக்கவர்க்கம் ஒட்டுமொத்தத் தமிழர்களின் வாழ்க்கையையும் சின்னாபின்னப் படுத்த ஆரம்பித்ததை எதிர்க்க வலிமையற்ற சக்தியாக முற்போக்குவாதம் ஓரம் கட்டப்பட்டது.

தமிழ்ச்சமுகத்தின் ஒருசாரார் முகம் கொடுத்த பிரச்சினைகளுக்குத் தமிழ்மொழியையும், தமிழ் உணர்வையும் தமிழ்ப் பிற்போக்குவாதம் ஆயுதமாக எடுத்துப்போராடியது, அந்த விதமான அரசியல் நகர்வுகள், இந்தியாவிலுள்ள தமிழுணர்வுவாதிகளின் ஆசீர்வாதத்தைப்பெற உதவி செய்தது. அத்துடன், 1970ம் ஆண்டுகளில் தெற்காசியாவிற் தொடர்ந்த அகில உலக அரசியல் வலிமைப்போராட்டத்தில் இலங்கைத் தமிழர்களின் பிரச்சினையும் ஒரு ஆயதமாக இந்தியாவினால் பயன்படுத்தப்பட்டது.

 ஓரு சிறிய நாட்டுக்குள் ஒரு பெரிய அரசியற் பிரச்சினைக்கு முகம்கொடுக்கும் தமிழ் இனம் இன்று பல நாடுகளில் புலம் பெயாந்திருக்கிறது. தாங்கள் பிறந்த பூமியின் உண்மை நிலை, அரசியல், பொருளாதார மாற்றங்கள், தமிழ் மக்கள் வெளிநாட்டுக்கும் உள்நாட்டுக்கும் இடம் பெயர்ந்ததால் ஏற்பட்ட வாழ்வியல் மாற்றங்கள் என்பதைப் பன்முக ஆய்வுக்கு உள்ப்படுத்தாமல் மேலோட்டமாகப் பார்த்துவிட்டு உண்ர்ச்சி வசப்படுதல் பல எதிர் விளைவுகளைத்தான் தந்துகொண்டிருக்கிறது.

 எங்கிருந்தாலும் எப்படிவாழ்ந்தாலும் எங்களுக்கு ஒரு சமுதாயக்கடமையிருக்கிறது. இது மனிதாபிமானத்தை அடிப்படையாக்கொண்டது. எங்கள் இனத்தின் விடுதலைக்காகப்போராட ஆயுதம் எடுத்தவர்கள் இயக்க ரீதியாகப் பலி எடுக்கப்பட்டபோது, 'எங்கள் இன இளைஞர்களை இப்படி ஏன் கொலை செய்கிறீ;கள்' என்ற கேள்வியை எழுப்பாமல், பலியெடுத்த கொலையாளிகளுக்குக் கொக்கொ கோலா உடைத்துக்கொடுத்துத் கொலைவெறியில் ஏற்பட்ட தாகத்தைத் தீர்த்த சமுகச் சிந்தனையை நாங்கள் இன்று மாற்றவேண்டும். வறுமை தாங்காமல் களவாகக் கோழியைக் கள்வாடியவர்களை கொடிக்கம்பத்தில் ஏற்றித்தூக்குத் தண்டனை கொடுத்ததைச் சுற்றி நின்று வேடிக்கை பார்த்த அரசியல் சிந்தனையின் வளர்ச்சி இன்று, பழிவாங்கும் அரசியலைத் தொடர்கிறது.

தான் ஆசைப்பட்ட பெண் இன்னொருவனைச் செய்தபடியால் அந்தக் கணவனைத் தனக்குத் தெரிந்த ஆயத தாரிகள் மூலம் துரோகியாக்கிக் கொலைசெய்து தான்விரும்பியவளை விதவைக்கோலத்தில் பார்த்துச் சந்தோசப்பட்ட மிகக்கேவலமான புல்லுருவிகளை வளர்த்துவிட்டவர்கள் நாங்கள். தன்னை விட அடுத்த கடைக்காரன் கடையில் நல்ல வருமானம் வருகிறது என்பதைப் பொறுக்காத பொறாமைவாதி அடுத்த கடைக்காரனை, ஆர்மிக்காரனுச் சாமான் விற்ற தமிழத்துரோகி என்று சுட்டுத் தீர்;த்தவர்களை மாவீரர்களாகப்போற்றுபவர்கள் நாங்கள்.  ஆயத கலாச்சாரத்துக்குப் பயந்து எங்களுக்கு முன் நடந்தததைக்கேள்வி கேட்காமல் இதுவரை இருந்து விட்டோம்.

 குறுகிய அரசியற் பாhவைகளைக் கடந்தது மனிதநேயம். சாதி, மத இனமென்று பார்க்காது விழுந்தவனை எழுந்து நிற்க உதவுவது மனித நேயம். என்னால் முடிந்ததை, என்னைவிட வசதியற்ற ஒன்றுமில்லா ஏழைக்குக்கொடுக்க நினைப்பது மனித தர்மம். இன்று புலம் பெயர்ந்த தமிழர்கள், பல துறைகளிலும் நேராக நிமிர்ந்து நின்று வாழ்வை எதிர்கோக்குகிறார்கள், ஆனால் எங்கள் சகோதர, சகோதரிகள் பலர் உண்ண உணவின்றி, உடுக்க நல்ல உடையின்றித் தாயகத்தில் தவிக்கிறார்கள்.

 இந்தியாவிலிருந்து 2 விகிதமான இந்திய மக்கள் புலம் பெயர்ந்து வாழ்கிறார்கள். அவர்களிற் பெரும் பாலோர் தங்களால் முடிந்த உதவிகளைத் தங்கள் இனத்தவர்களுக்குச் செய்கிறார்கள். புத்திஜீவீகள் தங்கள் மூலதனமான அறிவுப்பெருக்கத்தைத் தங்கள் நாட்டின் வளர்ச்சிக்குப் பகிர்ந்து கொள்கிறார்கள்.  அண்மையில், ஒருதரம் டெல்கி சென்றிருந்தபோது தவறாக ஒரு மகாநாட்டு மண்டபத்தின் வாசலுக்குள் நுழைந்தபோது, புலம் பெயர்ந்த இந்திய டாக்டர்களின் அகில உலக மகாநாடு இந்தியாவிலுள்ள புற்று நோயாளர்களுக்கு எப்படி உதவுவது என்று விவாதித்துக்கொண்டிருந்தார்கள். இலங்கையின் தமிழ்ப்பகுதிகளில் மிகத் திறமைபடைத்த ஒரு சாதாரண வைத்தியரைக்காண்பதே அரிது.

படித்த மேற்தட்டுத் தமிழர்கள் வெளியேறியபின் அங்கிருக்கும் ஏழைத்தமிழர்களுக்கு வைத்தியம் செய்யத் தமிழர்களின் எதிரி என்று பார்க்கப்படும் சிங்கள வைத்தியர்தான் செல்கிறார்கள். இலவசக்கல்வி, இலவச மருத்துவ வசதிபோன்ற பல அரச உதவிகளைப்பெற்றுப் பெரியபடிப்புக்களுடன் புலம் பெயர்ந்த பலரில் ஒருசிலரே தங்கள் நாட்டுடன் ஒரு ஆரோக்கிய உறவை வைத்திருக்கிறார்கள்.

 இரண்டாம் உலக யுத்தத்திற் தோற்கடிக்கப்பட்ட ஜேர்மனியும் யப்பானும் உடைந்து விட்ட கட்டிடங்களைத் திருத்தவும், தளர்ந்துபோன பொருளாதாரத்தை மேம்;படுத்தவும், சிதைந்துவிட்ட கல்வி வளங்களைச் சீர்திருத்தவும், அழிந்துபோன பாதைகளைத் திருத்தவும் தங்கள் எதிரியான அமெரிக்கiர்த்தான் நாடினார்கள். அன்று தோல்வியைச் சந்தித்த ஜேர்மனியும் யப்பானும்  இன்று பணக்காரநாடுகளில் முன்னிலையிலிருக்கிறார்கள்

இலங்கையின் தமிழ்ப்பகுதிகளில் மேற்கொள்ளப்படவேண்டிய சீர்திருத்தங்கள் ஏராளம். மனிதநேயவாதிகள் தமிழர்களின் இன்றைய தேவைகளையும் எதிர்கால முன்னேற்றங்களையும் கவனத்தில் எடுப்பது இன்றியமையாத கடமைகளிற் சிலவாகும்.

புலம் பெயர்ந்த பலர்,சொந்தங்களுக்குச் செய்யும் உதவிகள், தாங்கள் கல்வி கற்ற கல்வி நிலையங்களின் மேம்பாட்டுக்கு உதவுதல், பிறந்த ஊரின் முன்னேற்றத்துக்கு உதவுதல், அரசியல், பொரளாதார, சமூக சூழ்நிலையால் அல்லற்படும் ஏழைகளுக்கு உதவுதல் என்று பல உதவிகளைச்செய்கிறார்கள், இது மனிதப் பண்பு.

இன்று இலங்கையின் பொருளாதார விருத்தித் திட்டங்களில் பல இடங்கள் முன்னேறிக்கொண்டிருக்கின்றன. இலங்கையின் ஜிடிபி (குறொஸ் டொமஸ்ரிக் புறடக்ட்ஸ்) 8 விகிதமாக வளர்கிறது. வடக்கும் கிழக்கும் இந்தத் திட்டங்களாலும் விவசாயத்தை மேன்படுத்துவதாலும் பொருளாதாரத்தில் ஒரு புதிய திருப்பத்தைக் காணவிழைகிறது.
இன்றைய நிலையில் இலங்கையின் தமிழ்ப்பகுதிகளில் பொருளாதார உதவி மட்டுமல்லாமல் புத்திஜீவித்துவ வளர்ச்சிக்கான உதவிகளும் தேவை.

இன்று இலங்கையில் தமிழ்ப்பகுதிகளில் ஆயிரக்கணக்காகப் பாதுகாக்கப்பட்டு வைத்திருந்த  வந்த கலாச்சார விழுமங்கள் பாதுகாப்பாரின்றி அழிகின்றன. இங்கிருக்கும் புத்திஜீவிகளின் அளப்பரிய கொடையாயன அறிவுப் பரிமாறல்கள் வளர்ந்துவரும் தமிழ்த் தலைமுறைக்குக் கிடைக்காமல் தடைப் படுத்தப்படுகின்றன. புலம் பெயர்த்த சில தமிழ்; எழுத்தாளர்கள், கலைஞர்கள,; உலக மட்டத்தில் வைத்துக் கணிக்கப்படவேண்டியவர்கள். ஆனால் இவர்களைப்பற்றி இலங்கையில் வளரும் இளம் தலைமுறை அறிந்துகொள்ள முடியாதிருக்கிறது.

 ஓரு மனிதனின்  தன்னைத் தன் சமூகத்தில் எப்படிப் பிணைத்துக்கொள்ளப்போகிறான், தனது
சமூகத்தை மேன்படுத்தப்போகிறான், அவனைச்சுற்றிய மற்றச் சமூகத்துடன் எப்படித்தன்னைப் பிரதிநிதித்துவம் செய்யப்போகிறான் என்பன அவனின் அடிமன உந்துதலால் நிர்ணயிக்கப்படுகின்றன. அந்த  உந்துதல்களுக்கும் அதனடிப்படையான நடவடிக்கைகளுக்கும் செயற்பாடுகளுக்கும் அவன் பிறந்த ,வளர்ந்த சூழ்நிலை, படித்த கல்வியின் ஆளுமை, வாழ்க்கையின் அனுபவங்கள் என்பன உதவி செய்கின்றன.

கிரேக்க அறிஞர்களான பிளாட்டோ, அரிஸ்டோட்டில் போன்றவர்கள் மனித நடவடிக்கைகளுக்கும் அவர்கள் தேர்ந்தெடுக்கும் வாழ்க்கை முறைக்கும் அவர்களின் பிறப்புடன் சேர்ந்த சில அடிப்படை விடயங்கள் அத்திவாரமிடுகிறனவா என்ற கேள்வியை எழுப்பினார்கள். சிக்மண்ட் பராயிட் என்பவர் மனிதனின் பிரச்சனைகளுக்குகாரணம் அவனின் அடிமனத்தில் ஆழ்ந்து கிடக்கும் அடைய முடியாத சில ஆசைககளின் விரக்தியின் வெளிப்பாடுகள்  என்றார்.

எரிக் எரிக்ஸன் என்ற அறிஞரோ,' 'மனிதன் எப்படியான பொருளாதார வசதியோ வசதியோ அற்ற குடும்பத்திற்   பிறந்தாலு;ம் வளர்க்கப்பட்டாலும் அவனின் வளர்ச்சியின்போது அமைந்திருக்கும் சூழ்நிலை அவனின்  செயற்;பாடுகளுக்கு அவனைப்பின்னிப் பிணைந்திருக்கும் அரசியல் பொருளாதார, கலாச்சார ஆதிக்க சமூக சூழ்நிலை என்பன அவனை எதிர்காலத்திற்குத் தயார் செய்கிறது' என்றார். ஜீன் பியாயே என்ற அறிஞரோ, குடும்ப அமைப்பு, பொருளாதாரம், அரசியல், என்ற பெரும் சக்திகள் மனிதனை மாற்றுகிறது என்பதை விட, தனிமனிதன,; தனக்கு என்ன வேணும் என்று முடிவு கட்டுகிறானோ அதையடைய அவன் தன் வாழ்க்கையின் சந்தர்ப்பங்களைப் பயன்படுத்திக்கொள்கிறான் என்றார்.

ஒரு தமிழ் எழுத்தாளர் என்ற அடையாளத்துடனும் மனித உரிமைவாதி என்ற  முறையிலும், அவுஸ்திரேலியா, நோர்வே, இந்தியா. இங்கிலாந்து போன்ற நாடுகளின் பல்கலைக்கழக் ஆராய்ச்சியாளர்கள் பல பேட்டிகளை என்னுடன செய்திருக்கிறார்கள். இந்தியாவிலும் இலங்கையிலுமுள்ள பல்கலைக்கழகங்களில் பட்டதாரிப்படிப் படிக்கும் மாணவர்கள் பலர் எனது எழுத்துக்களிலுள்ள சமுதாயம் சார்ந்த, மனித நேயம் சார்ந்த, பெண்ணியம் சார்ந்த கருத்துக்களைவைத்து ஆராய்ச்சி செய்திருக்கிறார்கள்.

 அதே கேள்வியுடன் இன்று இங்கு வந்திருக்கிறேன். ஓரு சமுதாய மாற்றம் படுவேகத்துடன் நடந்துகொண்டிருக்கும்போது எங்களளைப்போன்றவர்களின் பணியென்ன? சமுதாயத்துக்கு எப்படி உதவப்போகிறோம்;? எங்களின் தனிப்பட்ட பணிகள் என்னவாகவிருக்கும் என்பதுதான் இந்தப்பிரயாணத்தின் நோக்கம்;.

நீண்ட காலமாக இங்கிலாந்தில் வாழ்ந்து வருவதால், இலங்கையின் அரசியல்மாற்றங்களுக்கும், யார் அதிகாரத்துக்கு வருகிறார்கள் என்பதை நிர்ணயிப்பதற்கும் எந்த உரிமையும் எனக்குக் கிடையாது. ஆனால் ஒரு மனிதநேயவாதி என்றமுறையில் எங்கள் தமிழ் மக்களில் உதவி கேட்டு நிற்கும் ஏழைகளுக்கு உதவுவதற்காக என்னால் முடிந்தளவு தொடர்புகளை மற்றவர்களுடன்,அது அரசியல்வாதிகளாக இருக்கலாம், மனித நலவாதிகளாகவிருக்கலாம், அப்படிப்பட்டவர்களுடன்  ஏற்படுத்துதல் இன்றியமையாததாகவிருக்கிறது.

 இன்றையநிலை:

தற்போதுள்ள இலங்கையின் அரசியற் தலைமையை விரும்பாத மேற்குலக சக்திகளாலும் தங்கள் இலாபத்துக்கு இலங்கைத் தமிழரை ஆயதமாகப்பாவிக்கும் தமிழகத் தலைவர்களாலும்  சில புலம் பெயர்ந்த தமிழர்களாலும் இலங்கையில் வாழும் தமிழர்களின் வாழ்க்கையை இன்னும் துயருக்குள்ளாக்கும் நிலை தொடர்கிறது. ஓரு சிலர், வெளிநாட்டுச்சக்திகளால் தமிழ் ஈழம் எடுத்துத் தரம்படும் என்ற கற்பனாவாதப் பிரசாரத்தை இன்னும் இவர்கள் தொடர்ந்து செய்கிறார்கள்.

போரினால் மிகவும் அடித்தளத்துக்குப் போய்விட்ட தமிழர்களின் வாழ்வுநிலை இந்தத் தமிழ்த் தலைவர்களின் பீரங்கிப்பேச்சுக்களில் அடிபடுவதில்லை. கிட்டத்தட்ட 90.000 விதவைகள் பல்லாயிரக்கணகான அனாதைக்குழந்தைகள், போருக்குத் தங்கள் வாழ்க்கையை அர்ப்பணித்து இன்ற சாதாரண வாழ்க்கைக்குள் நுழையத்துடிக்கும் பழைய போராளிகள், அங்கவீனமாகிப்போன ஒரு இளம் தலைமுறையினரின் சோகம், இன்றும் சிறையில்வாடும் கிட்டத்தட்ட 800 மேற்பட்ட தமிழ் அரசியற் கைதிகள், தமிழ்ப்பகுதிகளில் முப்பது வருடங்களாகத் தேங்கிக்கிடக்கும் கல்வி வளர்ச்சி, பொருளாதார அபிவிருத்தி என்பன இவர்களின்பேச்சின் மூலப்பொருட்களாக இல்லாதிருப்பது பலருக்கும் தெரிந்தவிடயம்.

ஓரு மனிதனின் அடிப்படைத்தேவைகளுக்கப்பால், அந்த மனிதன் வாழும் சமுதாயத்தின் நாகரிகவளர்ச்சியின் அடையாளங்களான கலைப்படைப்புக்கள, சுதந்திர சிந்தனா வளர்ச்சி, மனிதாபிமானம், அடுத்தோருடன் வாழும் நேசபனப்பான்மை, சாதி மத, பிராந்திய வெறியற்ற சகோதர மனப்பான்மை என்பன தமிழ்த்தேசியத்தால் சிதைக்கப் பட்டுவிட்ட பல விடயங்களில் சிலவாகும். அந்தந் சிதைவுகளைச்சீர்;படுத்தும் மனிதநேயம் ஒன்றுபடவேண்டும்.

 பழைய காலத்தில் சர்வவல்லமை படைத்த வல்வலரசுகளான கிரேக்க, உரோம சாம்ராச்சியங்களும் அவர்களைத் தொடர்ந்து ஸ்பானிய, ஆங்கிலேய வல்லரசுகள்; தங்களால் அடிமை கொண்ட ஆசிய ஆபிரிக்க, தென்னமெரிக்க நாடுகளின் அடையாளங்களான மொழி, கலை, சமுதாயப் பண்பாடுகளையழித்தொழித்து தங்களின் கலாச்சாரத்தை விதைத்ததுபோல் இன்று தமிழத்தேசியம் என்ற பெரும் பூதம் தன்னை எதிர்க்கும் அத்தனை சக்திகளையும் ஏப்பம் விட்டுத் தன்னைப் பின்பற்றுமாறு கட்டளை விடுகிறது. வல்லரச ஆதிக்கவாதிகள்மாதிரி இவர்களும் தங்களால் அங்கிகரிக்கப்பட்ட 'மொழியைப்பேசவும், சடங்குககள், விழாக்களைக்கொண்டாடவும்' நிர்ப்பந்திக்கப்படுகிறார்கள்.

தமிழ்த்தேசியத்தின் பயங்கரவெறிக்கு ஈடுகட்டுவதுபோல் சிங்கள் இனவெறி வளர்கிறது. ஒட்டுமொத்தமாக இலங்கையில் 1920ம்ஆண்டுகளிலிருந்து வளர்ச்சியடைந்துகொண்டு வந்த முற்போக்குவாத சிந்தனைகள் தமிழ்-சிங்கள தேசியவாதத்தால் அழிக்கப்பட்டுவிட்டன.

 ஜனநாயக்குத்துக்கு இன்றியமையததான ஒரு எதிர்க்கடசியைக்கூட இலங்கையில் அமைக்க முடியாதமாதிரி இனவாதம்; பயமுறுத்துகிறது. ஓரு சாதாரண தமிழ்க்கூலியிலிருந்து முதலாளிவரை தமிழ்த்தேசியத்துக்குத் தலை குனியாவிட்டால் அவன் தன்னைச் சார்ந்த சமூகத்தால் ஒதுக்கி வைக்கபபடும் நிலயிருக்கிறது. இதை முகம் கொடுத்த கலைஞர்கள் எழுத்தாளர்கள் என்ற பல தாரப்பினரும் இலங்கையில் தமிழர்கள் வாழும் பகுதிகளிலும் புலம் பெயாந்த நாடுகளிலும் தமிழ்த்தேசியத்துக்குத் தலை வணங்கவேண்டியிருக்கிறது. இது தனிமனித சுதந்திர சிந்தனைக்கு இட்ட பயங்கர சவாலாகும. இந்த ஆதிக்கம் மிகவும் பயங்கரமாக எங்கள் சமுதாயத்தின் பல பரிமாணங்களிலும் வேருன்றி விட்டது என்பதற்கு ஒரு சாதாரண தமிழனின் வாழ்க்கை மட்டுமல்ல தமிழ்ப்புத்திஜீவிகளின் நிலைகளும் சாட்சியங்களாகி விட்டன. புல புத்தி ஜீவிகள் தமிழ்த்தேசியத்தின் அடிமைகளாக மவுனம் சாதிக்கிறார்கள் அதை மீறுபவர்கள் துரோகிகள் என்று பழிவாங்கப் படுகிறார்கள்.

பழைய காலத்தில் பல வல்வலரசுகளால் சிறு இனங்கள் அழிந்ததுபோல் இன்று தமிழ்த்தேசியத்தின் குறுகிய சிந்தனையால் எங்கள் மக்களின் வாழ்க்கை பன்னு+று வருடங்களுக்குப்பின் தள்ளப்பட்டுவிட்டன. இலங்கையின் நான்காம் தரவாழ்க்கைய எதிர்நோக்கும் துயரை எங்கள் மக்கள் இலங்கையில் அனுபவிக்கிறார்கள். இதைக் கேள்வி கேட்கும் சுதந்திர சிந்தனை கேவலமாக எள்ளி நகையாக்கப்படுகிறது.

எழுத்தாளர்கள், கலைஞர்கள் என்போர் அவர்கள் வாழும் சமுதாயத்தின் ஜன்னலகளாக மதிக்கப்படுபவர்கள். அந்தக் கலைஞர்களின் படைப்புக்கள் அவர்கள் காணும் நிகழ்ச்சிகளின் ஒரு சில பதிவுகளாகும். முக்கியமாக, ஒரு எழுத்தாளன் சுதந்திர சிந்தனையுடன் தான் கண்ட உலகத்தின் நடவடிக்கைகளை அவதானித்து அச்சமுதாயத்தின்போக்கை, நிறைகுறைகளை, காத்திரமான ஒரு கருத்தரங்குக்கொண்டு செல்லாமல், சமுதாயத்தை அடக்கியாளும் சக்திகளுடன் இணைந்து அடக்கப்படுபவர்களின் திருப்திக்கு எழுதத்தொடங்கினால் அந்த எழுத்துக்கள்pல் உண்மையான அழுத்தங்களோ அல்லது ஆத்மீகமான கேள்விக்குறிகளோ ஒலிக்காது. துன ;சுயசிந்தனைக்குச் சரியானவற்றை எழுதாமல் மற்றவர்களைத் திருப்திப்படுத்திப் பெயரும் புகழும் எடுப்பது ஒரு வியாபாரமாகும்.

 இதைவாசிக்கும் பலரும் கடந்த பல ஆண்டுகளாக இலங்கையில் நடைபெற்ற பல தரப்பட்ட அடக்குமுறைகள் அனர்த்தங்களைக் கண்டவர்கள், அனுபவித்தவர்கள், அதன் காரணமாகப் புலம் பெயர்ந்தவர்கள். புலம் பெயர் முடியாமல் தாய்நாட்டில் அல்லற்படும் எம்மினத்தினத்துக்கு நல்வாழ்வும் வழியும் பிறக்கவேண்டும் என்று நம்புவர்கள்.

(தொடரும்)

அம்மையார் அவர்களே!பிரபாகரனாதியோர் ஒழிந்து போய் விட்டார்கள் இனியாவது

“என்ன செய்யலாம் இதற்காக”

  சலசலப்பு

தங்கள் சுயலாபத்திற்காக இலங்கைத் தமிழர்களை பகடைக் காய்களாக வைத்து தமிழகத்தில் தங்கள் அரசியல் சூதாட்டத்தை நடத்திக் கொண்டிருக்கும் வை.கோ.. சீமான்.. பழ நெடுமாறன்.. என்பவர்கள் வலையில் புதிதாக‌ சிக்கியிருக்கிறார் இலங்கையைச் சேர்ந்த சிங்களப் பெண்மணியொருவர்.. இந்த அம்மையார் தமிழக அரசியல்வாதிகளின் இனவெறிச் சகதிக்குள் தான் விழுந்தது போதாதென்று.. ஒற்றுமையாய் ஒன்றுபட்டு வாழ நினைக்கும்.. வாழ விரும்பும். தமிழர்களையும் அதற்குள் விழ வைத்து.. அவர்களுக்கு இனவெறியேற்றும் பணியில் இறங்கியிருக்கிறார் …இது ஏன்?..இது எதற்காக? ..ஆம் இவரும் அந்த தமிழக சுயநல அரசியல்வாதிகளைப் போல் தனது சுய விளம்பரத்திற்காகத்தான் இதைச் செய்கிறார் என்பதை அவரது நிகழ்கால மற்றும் கடந்தகால நடவடிக்கைகளை ஆராய்ந்து பார்க்கும்போது புரிந்து கொள்ள முடிகிறது…
கடந்த மாதம் 9ம் திகதி “என்ன செய்யலாம் இதற்காக” என்று தமிழிலும் “What is to be done about this” என்று ஆங்கிலத்திலும் மேலும் பிரெஞ்சு மொழியிலுமாக மொத்தம் மூன்று மொழிகளில் தனது புத்தகத்தை சென்னையில் வெளியிட்ட‌ “இன பாகுபாடுகள் மற்றும் இன வெறிக்கு” எதிரான சர்வதேச இயக்கத்தின் இமடார் நிறுவனத் தலைவி நிமல்கா பெர்ணாண்டோ அவர்கள்தான் இந்த இனவெறிச் செயல்பாடுகளில் இறங்கியிருக்கிறார் என்பது ஆச்சரியப்பட வைக்கிறது‍‍.

Read More

கொழும்பு வாழ் யாழ். தமிழர்கள் மனோ கணேசனின் தலமையிலான ஜனநாயக மக்கள் முன்னணியில்

கொழும்பு மாநகர சபை தேர்தலில் முதற் தடவையாக மனோ கணேசனின் தலமையிலான ஜனநாயக மக்கள் முன்னணியில் கணிசமான கொழும்பு வாழ் யாழ். வம்சாவளியினர் இடம்பிடித்துள்ளதாக தமிழ்த் தேசியப் பணிக்குழுவின் சிரேஸ்ட உப தலைவர் த.மனோகரன் தெரிவித்துள்ளார்.
இது குறித்து அவர் வெளியிட்டுள்ள அறிக்கையில் கூறப்பட்டுள்ளதாவது,
கொழும்பு வாழ் யாழ். தமிழர்களை தமதாக்கிக் கொள்வதில் ஜனநாயக மக்கள் முன்னணியின் பொதுச்செயலாளரும் தலைவரும் பெரும் சிரமம் எடுத்தனர்.

இதுவரை ஜ.ம.மு யின் பொதுச்செயலாளரும் மாகாணசபை உறுப்பினருமான கலாநிதி குமாரகுருபரனும் மாநகரசபை உறுப்பினர் வேலணை வேணியனுமே இருந்துசெயற்பட்டு வந்தனர்.
இம்முறை பிரபல கட்டடக்கலை பொறியியலாளர் லயன் ஷன் குகவரதன், இவர் நவாலியூர் சோமசுந்தரபுலவரின் பூட்டன் என்பதுடன் ஒரு சமூகசசேவையாளர். இவரோடு கொழும்பு தமிழ் சங்க பொருளாளர், சமூகத்தோடும் இலக்கிய உலகோடும் பின்னிப்பிணைந்துவிட்ட எஸ்.பாஸ்கரா, முன்னாள் ரெலோ கூட்டணி பிரமுகர் பத்மநாதன் என்பாருடன் மீண்டும் மாநகரசபையூடாக கடந்த பல ஆண்டுகளாக சேவையாற்றிவரும் வேலணை வேணியனும் முதன்மை வேட்பாளராக முன்னாள் பாராளுமன்ற உறுப்பினர் மனோ கணேசனுடன் போட்டியிடுகின்றனர்.
முன்னாள் மலையக மக்கள் முன்னணியின் பிரமுகரும் கொழும்பு மாநகரசபை உறுப்பினருமான கே.தி.குருசாமியும் ஜ.ம .மு யில் இணைந்து போட்டியிடுகின்றார்.
அந்தவகையில் தமிழ் மக்களுக்கான சிறந்த அணியாக குரல் தரவல்ல தமிழ் கூட்டமைப்பாகவும் வல்லமையுள்ள அமைப்பாகவும் இது இருக்கும் என்பது திண்ணம்.
இவர்களை சிவாஜிலிங்கம் நேரில் தேர்தல் காரியாலயத்திற்கு வந்து மாலையிட்டு வாழ்த்தினார். பாராளுமன்ற உறுப்பினர் சிறீதரனும் ஐரோப்பாவிலிருந்து தொலைபேசியில் வாழ்த்தினார் என்று அவ்வறிக்கையில் கூறப்பட்டுள்ளது.

முறைப்பாடுகளைத் தமிழில் பதிவு செய்யலாம்,யாழ். மாவட்ட பொலிஸ் நிலையங்களில்

யாழ். மாவட்ட பொலிஸ் நிலையங்களில் பொது மக்கள் இனித் தமது முறைப்பாடுகளைத் தாமே தமிழில் பதிவு செய்து கொள்ளலாம்.
இதற்கான நடைமுறை அறிமுகப்படுத்தப்பட்டுள்ளதாக யாழ்ப்பாண பதில் பிரதிப் பொலிஸ் மா அதிபர் நீல் தளுவத்த நேற்றிரவு விடுத்துள்ள ஊடக அறிக்கையில் தெரிவித்துள்ளார்.
மேலும் அறிக்கையில் :-
பொலிஸ் நிலையங்களில் காணப்படும் மொழிக் குறைபாட்டை நீக்கும் முகமாக இந்த நடவடிக்கை எடுக்கப்பட்டுள்ளது. பொதுமக்கள் தமது முறைப்பாடுகளைத் தமிழில் எழுதிக் கொடுக்கத்தக்கதான படிவங்களை பொலிஸ் நிலையங்களில் அறிமுகம் செய்யப்பட்டுள்ளது.

கடந்த காலத்தில் பொதுமக்கள் தமது முறைப்பாடுகளைச் செய்வதற்கு சிங்களம் தெரிந்த தரகர்களைப் பொலிஸ் நிலையங்களுக்குக் கொண்டு செல்ல வேண்டிய நிலமை காணப்பட்டது.
தற்போது பொதுமக்கள் தமது பிரச்சினைகளைத் தமிழ் மொழியில் தாமே எழுதிக் கொடுத்து தீர்வு காணமுடியும். இடைத்தரகர்கள் இன்மையால் லஞ்சம் போன்ற குற்றச் செயல்கள் தவிர்க்கப்படுவதுடன் பொதுமக்கள் நல்ல சேவையையும் பெற்றுக் கொள்ள வழி ஏற்பட்டும். மக்கள் இதனை நல்லமுறையில் பயன்படுத்திக் கொள்ளவேண்டும் எனக் குறிப்பிடப்பட்டுள்ளது.

Subramaniam Swamy குறுக்கிட முடியாது என்று ஜெயலலிதா சரியாகத்தான் கூறியுள்ளார்

;முருகன், சாந்தன், பேரறிவாளன் தூக்கு விவகாரம் தொடர்பாக ஜனதா கட்சித் தலைவர் சுப்ரமணிய சுவாமி அறிக்கை வெளியிட்டுள்ளார்.
அவ்வறிக்கையில்,கருணை மனு நிராகரிக்கப்பட்டுள்ள நிலையில் 3 குற்றவாளிகளையும் தூக்கிலிடுவதை இப்போது தடுத்து நிறுத்துவதற்கு அரசியலமைப்பு சட்டப்படி அதிகாரம் இல்லை. எனவே நான் குறுக்கிட முடியாது என்று முதல்வர் ஜெயலலிதா சரியாகத்தான் கூறியுள்ளார்
எந்த நடவடிக்கையும் எடுக்கப்படவில்லை என்றால் ஆகஸ்ட் 15-க்குப் பிறகு உச்சநீதிமன்றத்தில் பொதுநலன் மனுத் தாக்கல் செய்வேன் என்ற எனது அச்சுறுத்தலின் காரணமாக 12 ஆண்டுகளாக செயலற்று இருந்த மத்திய அரசு இறுதியாக ஒரு முடிவெடுத்துள்ளது.
செப்டம்பர் 9-ம் தேதி இவர்கள் மூவரையும் தூக்கிலிடும் முடிவில் இதற்குமேலும் குறுக்கீடு இருக்கக்கூடாது.
மேலும் மற்றொரு குற்றவாளியான நளினிக்கு தூக்குத்தண்டனை விதிக்கப்பட்டு பின்னர் ஆயுள் தண்டனையாக குறைக்கப்பட்டதை நீதிமன்றம் ரத்து செய்ய முடியும்’’ என்று தெரிவித்துள்ளார்.

விஜயகாந்த்:ராஜீவ் காந்தியை கொலை செய்தது மனிதாபிமான மற்ற செயல்தான். அது குற்றம் தான்:

தே.மு.தி.க. தலைவர் விஜயகாந்த் வெளியிட்டுள்ள அறிக்கையில் கூறி இருப்பதாவது:

மறைந்த முன்னாள் பிரதமர் ராஜீவ் காந்தியை கொலை செய்தது மனிதாபிமான மற்ற செயல்தான். அது குற்றம் தான். ராஜீவ் காந்தி கொலை வழக்கில் முக்கிய குற்றவாளிகள் ஏற்கனவே இறந்து விட்டனர். முருகன், சாந்தன், பேரறிவாளன் ஆகிய 3 பேரும் விசாரணைக்கு அழைத்து வரப்பட்டு கொலை வழக்கில் குற்றம் சாட்டப்பட்டு, தூக்கு தண்டனை கைதிகளாக உள்ளனர்.

ஏற்கனவே இவர்கள் 20 ஆண்டுகளுக்கும் மேலாக தண்டனையை அனுபவித்து விட்டனர். எனவே கருணை அடிப்படையில் தூக்குத் தண்டனையை ரத்து செய்து அவர்கள் மனுவை மறு பரிசீலனை செய்து தூக்குத் தண்டனையில் இருந்து அவர்கள் உயிரை காப்பாற்ற வேண்டும் என்று மத்திய அரசை கேட்டுக் கொள்கிறேன்.

ஏற்கனவே பல நாடுகள் தூக்குத் தண்டனையை ரத்து செய்து விட்டன. இந்தியாவிலும் தூக்குத் தண்டனையை ரத்து செய்ய வேண்டும் என்ற கோரிக்கை மக்களிடையே பரவலாக எழுந்துள்ளது. எனவே மத்திய அரசு மக்களின் உணர்வுக்கு மதிப்பளித்து தூக்குத் தண்டனையை ரத்து செய்ய வேண்டும் என்று கேட்டுக் கொள்கிறேன்.

அதே சமயத்தில் பயங்கரவாதத்தையும், தீவிரவாதத்தையும் தேசிய முற்போக்கு திராவிட கழகம் என்றும் எதிர்க்கும் என்பதையும் தெரிவித்துக் கொள்கிறேன். இவ்வாறு அதில் கூறப்பட்டுள்ளது

கடாபி பெண் bodyguards களை பாலியல் துஷ்பிரயோகம் செய்துள்ளார்

ட்ரிபோலி: பதவியில் இருந்து நீக்கப்பட்ட லிபிய அதிபர் கடாபி தனது பெண் மெய்க்காப்பாளர்கள் 5 பேரை பாலியல் பலாத்காரம் செய்ததுள்ளார் என்று தகவல் கிடைத்துள்ளது.

இது குறித்து சன்டே டைம்ஸ் ஆப் மால்டாவில் கூறப்பட்டுள்ளதாவது,

பதவியிறக்கப்பட்ட லிபிய அதிபர் கடாபியின் முன்னாள் பெண் மெய்க்காப்பாளர்கள் 5 பேர் பெங்காஸியைச் சேர்ந்த மனோதத்துவ நிபுணர் செஹாம் செர்கிவாவிடம், கடாபியும், அவரது மகன்களும் தங்களை போதும் என்ற அளவுக்கு அனுபவித்துவிட்டு தூக்கி எறிந்துவிட்டதாகத் தெரிவித்துள்ளனர்.

செர்கிவா இந்த வாக்குமூலங்களை பத்திரப்படுத்தி வைத்துள்ளார். சர்வதேச நீதிமன்றம் கடாபி, அவரது மகன் சைப் அல் இஸ்லாம் கடாபி உள்ளிட்டவர்களுக்கு எதிராக கைது வாரண்ட் பிறப்பித்துள்ளது. அவர்கள் மீதுள்ள போர்க்குற்ற புகார்கள் குறித்து விசாரிக்கையில் இந்த வாக்குமூலத்தை பயன்படுத்திக் கொள்ள திட்டமிட்டுள்ளனர்.

அதில் ஒரு பெண் மெய்க்காப்பாளரை மிரட்டி அந்த வேலையில் சேரவைத்துள்ளனர். அந்த பெண்ணின் சகோதரர் போதைப் பொருள் கடத்தையில் சிக்கிக் கொண்டதாகவும், அவர் உடனே கடாபியின் மெய்க்காப்பாளர் ஆகாவிடில் அவரது சகோதருக்கு சிறை வாசம் என்று மிரட்டியுள்ளனர். சகோதரனைக் காப்பாற்ற அந்த பெண் கடாபியின் மெய்க்காப்பாளர் ஆகியுள்ளார்.

பெண் மெய்க்காப்பாளர்களை முதலில் கடாபி பாலியல் பலாத்காரம் செய்துள்ளார். அவருக்கு பிறகு அவரது மகன், அடுத்து உயர் அதிகாரிகள் என்று பலர் பலாத்காரம் செய்துள்ளனர்.

லிபியாவில் கலகம் வெடித்தபோது கடாபி ஆதரவு வீரர்கள் செய்த பாலியல் பலாத்காரங்கள் குறித்து மனோதத்துவ நிபுணர் செர்கிவா விசாரணை நடத்தி வருகிறார்.

1970களில் இருந்து அன்மை காலம் வரை எப்பொழுதுமே கடாபியை சுற்றி அமேசானியன் கார்ட் என்று அழைக்கப்படும் அவரது பெண் மெய்க்காப்பாளர்கள் இருப்பார்கள். அவர்கள் இராணுவ உடை அணிந்து, முழு அலங்காரத்துடன் தான் காணப்படுவார்கள்.

கடாபியைக் காப்போம் என்று 30 பெண் மெய்க்காப்பாளர்கள் சபதம் எடுத்திருந்தனர். அவர்கள் கடாபியை நிழல் போன்று தொடர்வார்கள். 1998-ம் ஆண்டு கடாபி மீது நடத்தப்பட்ட தாக்குதலின்போது ஒரு பெண் மெய்க்காப்பாளர் பலியானார், இருவர் படுகாயம் அடைந்தனர்.

லிபிய போராளிகளை எதிர்த்து சண்டையிட பெண் வீரர்களுக்கு பயிற்சி அளித்து வருவதாக கடாபியின் ஆதரவாளர் கடந்த ஜூன் மாதம் தெரிவி்த்தார் என்று அதில் தெரிவிக்கப்பட்டுள்ளது

S.M.Krishana கச்சதீவு இலங்கைக்கு சொந்தமானது

கச்சதீவு இலங்கைக்கு சொந்தமானது என இந்திய வெளியுறவுத்துறை அமைச்சர் எஸ் எம் கிருஷ்ணா தெரிவித்துள்ளார்.  
இலங்கை பிரச்சினை தொடர்பாக மக்களவையில் இடம் பெற்ற விவாதத்தில் கலந்து கொண்டு உரையாற்றும் போதே அவர் இதனை தெரிவித்துள்ளார்.  
இந்த நிலையில் கச்சத்தீவில் கடற்றொழிலில் ஈடுபட தமிழக மீனவர்களுக்கு உரிமை கிடையாது எனவும் அவர் சுட்டிக்காட்டியுள்ளார்.  
இலங்கையின் கடல் எல்லைக்குள் கச்சதீவு உள்வாங்கப்படுவதன் காரணமாக அதில் எத்தகைய நடவடிக்கைகளையும் மேற்கொள்ள தமிழக மீனவர்களுக்கு அதிகாரம் இல்லை என இந்திய வெளியுறவுத்துறை அமைச்சர் எஸ்.எம். கிருஷ்ணா குறிப்பிட்டுள்ளார்.
 
கச்சதீவு இந்து சமுத்திரத்தில் அமைந்துள்ள போதும் அது இலங்கை கடல் எல்லைக்கு உட்பட்டது எனவும் அவர் தெரிவித்துள்ளார்.
 
இதன்காரணமாக அந்த கடற்பிராந்தியத்தில் அத்துமீறு நுழைவது இருநாட்டு நட்புறவுக்கு பங்கம் ஏற்படுத்தும் எனவும் சுட்டிக்காட்டப்பட்டுள்ளது.

இராணுவத்தினரால் பக்தர்களுக்கு அன்னதானம் நல்லூர் கந்தன் திருவிழாவில்

நல்லூர் கந்தன் திருவிழாவை முன்னிட்டு இராணுவத்தினரால் பக்தர்களுக்கு அன்னதானம்

நல்லூர் கந்தன் திருவிழாவில் கலந்துகொண்ட பக்தர்களுக்காக பாதுகாப்புப் படைகளின் யாழ் கட்டளைத் தலைமையகம் அன்னதான நிகழ்வொன்றை நடத்தியது.

இத்திருவிழாவின் 20ஆவது நாளன்று நடத்தப்பட்ட இந்த அன்னதான நிகழ்வின்போது சுமார் 10,000 உணவுப் பொதிகள் பக்தர்களுக்கு வழங்கப்பட்டதாக யாழ். பாதுகாப்புப் படைகளின் கட்டளைத் தலைமையகம் அறிவித்துள்ளது.

27 views

Velanai Beach சாட்டி கடற்கரை நவீன உல்லாச புரியாகிறது

சாட்டி கடற்கரை மேலும் அபிவிருத்தி செய்யப்படும்

வேலணை சாட்டி கடற்கரையை சுற்றுலாத் தலமாக மேலும் அபிவிருத்தி செய்வது தொடர்பாக பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சர் டக்ளஸ் தேவானந்தா அவர்கள் மற்றும் வடமாகாண ஆளுநர் ஜி.ஏ. சந்திரசிறி ஆகியோர் அப்பகுதிக்கு விஜயம் மேற்கொண்டு ஆராய்ந்தறிந்து கொண்டனர்.

சாட்டிப் பகுதிக்கு இன்றைய தினம் விஜயம் மேற்கொண்ட அமைச்சர் மற்றும் ஆளுநர் ஆகியோர் அப்பகுதியை சுற்றுலாத் தலமாக பூரணமாக மாற்றி அமைப்பது தொடர்பாக ஆராய்ந்தனர்.
இதன் பிரகாரம் அங்குள்ள அடிப்படைத் தேவைகளை இனங்கண்டு அவற்றுக்கு தீர்வு காண்பதில் தீவிர கவனம் செலுத்தப்பட்டது.
குறிப்பாக அங்கு உல்லாசப் பயணிகளின் பயன்பாட்டுக்கு ஏற்ற வகையில் ஆண்கள் பெண்களுக்கென பொதுவான மலசல கூடங்கள் அமைத்தல் குடிநீர்த் தாங்கிகளை அமைத்தல் மின்சார வசதிகளை ஏற்படுத்திக் கொடுத்தல் தொடர்பாகவும் விரிவாக ஆராயப்பட்டது.

நீதிமன்றத்தை மிரட்ட மன்னர் முயற்சி பத்மநாப சுவாமி கோயில் தேவபிரசன்னத்தின் மூலம்

திருவனந்தபுரம் : பத்மநாப சுவாமி கோயில் வழக்கு உச்சநீதிமன்றத்தில் விசாரிக்கப்பட்டு வரும் நிலையில், உத்திராடம் திருநாள் மார்த்தாண்ட வர்மா ஜோதிடத்தின் மூலம் நீதிமன்றத்தை மிரட்ட முயற்சிக்கிறார் என்று கேரள எதிர்க்கட்சி தலைவர் அச்சுதானந்தன் கூறினார். கேரள தலைநகர் திருவனந்தபுரத்தில், சமூக அறிவியல் வானவில் என்ற அமைப்பின் சார்பில் பத்மநாப சுவாமி கோயில் பொக்கிஷமும், ஜனநாயக கேரளாவும் என்ற தலைப்பில் கருத்தரங்கம் நடந்தது. இதில் கேரள எதிர்கட்சி தலைவர் அச்சுதானந்தன் கலந்து கொண்டார். அவர் பேசியதாவது:

 பத்மநாப சுவாமி கோயிலில் இதற்கு முன் பல முறை ரகசிய அறைகளை திறந்து பொக்கிஷங்களை மதிப்பிட்டு புகைப்படம் எடுத்துள்ளனர். ரகசிய அறையில் உள்ள தங்கத்தை பயன்படுத்திதான் கோயில் மண்டபத்திற்கு தங்கமுலாம் பூசியுள்ளனர். அப்போதெல்லாம் தேவபிரசன்னம் எதுவும் நடத்தப்பட வில்லை. ரகசிய அறையில் நுழைந்த யாருடைய குடும்பமும் அழிந்ததாக தெரியவில்லை. ஆனால், இப்போது ரகசிய அறைகளை திறக்கக் கூடாது என்று தேவபிரசன்னத்தில் தெரிய வந்ததாக கூறுகிறார்கள்.

உச்சநீதிமன்றத்தில் வழக்கு உள்ள நிலையில், தேவபிரசன்னம் நடத்தி, ஜோதிடம் மூலம் நீதிமன்றத்தை மிரட்ட மன்னர் உத்திராடம் திருநாள் மார்த்தாண்ட வர்மாவும், அவரது குடும்பத்தினரும் முயற்சிக்கிறார்கள். இது நீதித்துறைக்கு விடப்பட்டுள்ள சவால். தேவபிரசன்னம் நடத்தித்தான் ரகசிய அறைகளை திறக்க வேண்டும் என்று கூறி மன்னர் குடும்பத்தினர் உச்சநீதிமன்றத்தில் ஒரு வழக்கு தொடர்ந்துள்ளனர்.

ஆனால், இந்த வழக்கில் தீர்ப்பு வரும் முன்பே ஜோதிடர்களை வரவழைத்து தேவபிரசன்னம் நடத்தி உள்ளனர். இதன்மூலம் பொக்கிஷங்களை மதிப்பிடும் பணிக்கு தேவபிரசன்னம் மூலம் தடங்கல் ஏற்படுத்த முயற்சித்துள்ளனர். தற்போது இந்தியாவில் மக்களாட்சி நடைபெறுகிறது. மன்னர் ஆட்சியல்ல. எனவே, சாதாரண குடிமகனுக்கு இருக்கும் உரிமைகள்தான் மன்னர் குடும்பத்தினருக்கும் இருக்கிறது. இவ் வாறு அவர் கூறினார்.

புலிகளுக்கு உதவிய புலன்பெயர்கள் தமிழ்மக்களுக்கும் உதவ வேண்டியது அவசியம்

புலிகளின் போருக்கு உதவிய புலம்பெயர் தமிழர்கள், போரினால் பாதிக்கப்பட்ட மக்களுக்கு உதவுவதும் அவசியம்!

- கனடாவில் எழுத்தாளர் ராஜேஸ் பாலா வேண்டுகோள்

புலம்பெயர் தமிழர்கள் மனித நேயத்துடன் இலங்கையில் வாழுகின்ற யுத்தத்தால் பாதிக்கப்பட்ட சகோதர மக்களுக்கு உதவுவது அவசியம். இந்த புலம்பெயர் தமிழர்கள்தான், புலிகள் போரில் ஈடுபட்ட காலத்தில் டொலர்களாகவும் பவுண்களாகவும் அள்ளி அள்ளி கொடுத்தவர்கள். அவர்கள் கொடுத்த பணத்தாலேயே, அந்த மக்கள் இன்று சொல்ல முடியாத துன்பங்களுடன் வாழும் நிலை ஏற்பட்டது. இன்று புலிகள் அழிந்துவிட்டார்கள். ஆனால் அவர்களால் அழிவுக்குள்ளான மக்கள் அங்கு கண்ணீருடன் வாழ்கிறார்கள். அந்த மக்களை கண்ணீரில் மூழ்கடித்த புலிகளுக்கு உதவிய புலம்பெயர் தமிழர்கள,; வெளிநாடுகளில் சகல சௌபாக்கியங்களுடனும் வாழ்கிறார்கள். இனியாவது தமது தவறை உணர்ந்து, அந்த மக்களுக்கு தம்மாலான உதவிகளைச் செய்வது புலம்பெயர் தமிழர்களின் கடமையாகும்.”

இவ்வாறு கூறினார் பிரித்தானியாவில் வாழ்கின்ற பிரபல தமிழ் எழுத்தாளரும், சமூக செயற்பாட்டாளருமான ராஜேஸ்வரி பாலசுப்பிரமணியம். ஆகஸ்ட் 27, 2011 அன்று கனடாவின் ஸ்காபரோ நகரில் நடைறெ;ற, ‘வாழும் மனிதம் - 2’ நிகழ்வில் பிரதம அதிதியாக வந்து கலந்துகொண்டு, “போருக்குப் பிந்திய சமூக மாற்றமும் முற்போக்குவாதிகளின் கடமையும்” என்ற தலைப்பில் உரையாற்றும் போதே அவர் இவ்வாறு குறிப்பிட்டார். நிகழ்வுக்கு தேவன் தலைமை வகித்தார். பெருந்தொகையான மக்கள் கலந்து கொண்ட இந்நிகழ்வில் ராஜேஸ்வரி தொடர்ந்து உரையாற்றுகையில்,

“இலங்கை அரசாங்கம் யுத்தத்தால் பாதிக்கப்பட்ட மக்களை சொந்த இடங்களில் மீள் குடியேற்றம் செய்து, அவர்களுக்காக பல புனர்வாழ்வு நடவடிக்கைகளை மேற்கொண்டுள்ள போதிலும், அந்த மக்களுக்கு இன்னும் பல அத்தியாவசிய தேவைகள் நிறைவேற்றப்படாமல் உள்ளன. குறிப்பாக இந்த கொடுமையான போரினால் விதவைகளாக்கப்பட்ட பல்லாயிரக்கணக்கான பெண்கள் வடக்கு கிழக்கில் இருக்கிறார்கள். தாய் தந்தையை இழந்த சிறுவர்கள் ஆயிரக்கணக்கில் இருக்கிறார்கள். பராமரிப்பின்றி ஏராளமான முதியவர்கள் இருக்கிறார்கள். இவர்கள் எல்லோரும் போரின் விளைவால் உருவானவர்கள். இவர்களுக்கு உதவ வேண்டியது புலம்பெயர் தமிழ் மக்களின் மனிதநேயக் கடமையாகும்.

ஆனால் புலம்பெயர் தமிழர்களோ, இந்த உதவிகளைச் செய்வதை விடுத்துவிட்டு, அந்த மக்களை மேலும் மேலும் அழிவுக்குள்ளாகும் செயல்களில் ஈடுபட்டு வருகிறார்கள். மீண்டும் அங்கு யுத்த நிலைமைகளை ஏற்படுத்துவதற்காக, இனவெறிப் பிரச்சாரங்களில் ஈடுபட்டு வருகிறார்கள். பெரும்பாலான புலம்பெயர் ஊடகங்கள் அங்குள்ள உண்மை நிலைமைகளை எழுதாது, பொய் புரட்டுகளையே எழுதுகின்றன. உதாரணமாக, அங்கு உள்ள ஒவ்வொரு ஊரிலும் உள்ள பெண்களை, இராணுவம் தினசரி பாலியல் வல்லுறவுக்கு உட்படுத்துவதாக எழுதி, அந்த மக்களை அவமானத்துக்கு உள்ளாக்குகிறார்கள். இப்படியான செய்திகளைப் பார்த்துவிட்டு, நான் அந்த மக்களுடன் தொடர்பு கொண்டு கேட்டால், அது முழுக்க முழுக்கப் பொய் என்று அவர்கள் கூறி வேதனைப்படுகிறார்கள். தயவுசெய்து அந்த மக்களைப் பற்றி இழிவாக எழுதி அவமானப்படுத்தாதீர்கள். உதவி செய்யாவிட்டாலும், உபத்திரவமாவது செய்யாதீர்கள்”

“இன்று அந்த மக்களுக்குத் தேவைப்படுவது எல்லாம் உங்களது மனிதநேய உதவிதான். நீங்கள் இங்கு ஆடம்பரமாக திருமணம் மற்றும் பூப்புனித நீராட்டு விழாக்களைச் செய்கிறீர்கள். மணப்பெண்ணுக்கு அரை மணி மணிநேரத்தில் மிகவும் விலையுயர்ந்த அரை டசின் சேலைகளை மாற்றி மாற்றி அலங்கரிக்கிறீர்கள். ஆனால் அங்குள்ள எத்தனையோ அனாதைப் பெண்கள், மாற்றிக் கட்டுவதற்கு ஒரு சாதாரண நூல் சேலை தன்னும் இல்லாமல் பரிதவிக்கிறார்கள். புலிகளின் போருக்கு அள்ளி அள்ளிக் கொடுத்த நீங்கள் அவர்களுக்கு ஒரு சிறிய அளவிலாவது உதவலாம் அல்லவா? இங்குள்ள பாடசாலை பழைய மாணவர் சங்கங்கள் மற்றும் ஊர் சங்கங்கள் இதில் கவனம் செலுத்தினால் என்ன?”

இவ்வாறு அவர் தனது நீண்ட உரையில் சில முக்கியமான விடயங்களைக் குறிப்பிட்டுப் பேசினார்.

முன்னதாக ஆகஸ்ட் 26ம் திகதி கனடிய தமிழ் ஒலிபரப்புக் கூட்டுத்தாபனம் (CTBC) அவரை சுமார் இரண்டு மணித்தியாலங்கள் வரை பேட்டி கண்டது. அந்தப் பேட்டியின் போது, ஏராளமான நேயர்கள் கலந்து கொண்டு பல கேள்விகளை எழுப்பி தெளிவு கண்டதுடன், தமது கருத்துகளையும் பரிமாறிக் கொண்டனர்.

ராஜேஸ்வரி பாலசுப்பிரமணியம் அவர்களுடன் கலந்துரையாடுவதற்காக, மேலும் பல அமைப்புகள் ஒழுங்குகளைச் செய்துள்ளன

ராஜீவ் கொலையாளிகள் தண்டனையை ரத்து செய்யக்கோரி காஞ்சீபுரத்தில் பெண் தீக்குளித்து சாவு

ராஜீவ்காந்தி கொலையாளிகள் பேரறிவாளன், சாந்தன், முருகன் ஆகியோருக்கு தூக்கு தண்டனை விதிப்பதற்கு பல்வேறு தரப்பினர் எதிர்ப்பு தெரிவித்து வருகிறார்கள். இந்நிலையில் 3 பேரின் தூக்கு தண்டனையை ரத்து செய்யக்கோரி காஞ்சீபுரம் மக்கள் மன்றத்தை சேர்ந்த செங்கொடி என்ற பெண் வட்டாட்சியர் அலுவலகம் முன்பு தீக்குளித்து உயிரிழந்தார். இதுபற்றிய போலீஸ் விசாரணையில் ராஜீவ் கொலை கைதிகளின் தூக்கு தண்டனையை எதிர்த்து செங்கொடி தீக்குளித்தாக அவருடைய சகோதரர் தெரிவித்தார்.இதுகுறித்து காஞ்சீபுரம் போலீசார் தீவிர விசாரணையில் ஈடுபட்டு வருகின்றனர்.

காபரேட்டுக்களின் கள்ளப்பிள்ளை அன்னா ஹாசாரே, போலிப்புரட்சி போராட்டம்

டீம் அண்ணா: உப்பிப் பெருக்கப்படும் ஒரு போலிப் புரட்சி!- அருந்ததிராய்

தொலைக்காட்சிகளில் நாம் பார்ப்பதுதான் புரட்சி என்றால், அதுதான் சமீபத்தில் நடந்தவற்றிலேயே தர்மசங்கடமான, தெளிவற்ற புரட்சியாக இருக்க முடியும். ஜன் லோக்பால் மசோதா குறித்த எப்படிப்பட்ட கேள்விகள் உங்களுக்குள் இப்போது எழுந்தாலும், அதற்கான விடைகள், இப்படியாகத்தான் கிடைக்கும். பெட்டிக்கு நேராக டிக் செய்து கொள்ளுங்கள், அ) வந்தே மாதரம். ஆ) பாரத் மாதாகீ ஜெய். இ) அண்ணாதான் இந்தியா, இந்தியாதான் அண்ணா. ஈ) ஜெய் ஹிந்த்.
முழுக்க முழுக்க வெவ்வேறு காரணங்களுக்காக, வெவ்வேறு வழிமுறைகளில் போராடி வரும் மாவோயிஸ்ட்டுகளுக்கும், ஜன் லோக்பால் மசோதாவுக்கும் ஒரு விஷயம் பொதுவாக இருக்கிறது – அது, இந்திய அரசியல் அமைப்பை தூக்கி எறிவது. இதற்காக ஒருதரப்பினர் கீழிருந்து மேலாக, இழப்பதற்கு ஏதுமற்ற வறியவர்களிலும் வறியவர்களான ஆதிவாசி மக்களை இராணுவமயப்டுத்தி ஆயுதமேந்தி போராடுகிறார்கள். மறுதரப்பினர் மேலிருந்து கீழாக, ரத்தம் சிந்தாத காந்திய வழியில், புதிதாக வார்தெடுத்த புனிதரின் தலைமையில், நகர்புற – முக்கியமாக மேட்டுக்குடியினரில் பெரும்பாலானவர்களை உள்ளடக்கிய படையைக் கொண்டு  போராடுகிறார்கள். (இந்த விஷயத்தில் அரசாங்கம்மும் தன்னை தூக்கியெறிவதற்கு இயன்ற அனைத்தையும் செய்து துணை நிற்கிறது)
ஏப்ரல் 2011ல் சாகும்வரை உண்ணாவிரத போராட்டத்தை அண்ணா ஹசாரே முதல்முறையாக ஆரம்பித்த காலகட்டத்தில், அடுத்தடுத்து வெளியாகிவந்த மிகப்பெரிய ஊழல் செய்திகளால் தனது நம்பகத்தன்மை ஆட்டம் கண்டு வந்ததை உணர்ந்திருந்த இந்திய அரசாங்கம், மக்களின் அதிருப்தியை திசை திருப்ப, அண்ணாவின் குழுவை (டீம் அண்ணா) – இந்த ‘சிவில் சமூக’ குழுவால் தேர்வு செய்யப்பட்ட வணிகச் சின்னம் இது – ஊழலுக்கு எதிரான புதுச்சட்டத்தின் வரைவுக்குழுவில் இணைந்து கொள்ளும்படி அழைப்பு விடுத்தது. ஆனால், சில மாதங்களிலேயே இந்த கூட்டு வரைவுக் குழுவை கைவிட்டுவிட்டு, எவ்வகையிலும் பயனில்லாத,  ஓட்டைகள் நிரம்பிய தனது சொந்த மசோதாவை நாடாளுமன்றத்தில் தாக்கல் செய்தது.
பிறகு, ஆகஸ்ட் 16ம் தேதி காலையில், அண்ணா ஹசாரே இரண்டாவது முறையாக தனது காலவறையற்ற உண்ணாவிரத போராட்டத்தை ஆரம்பிப்பதற்கு முன்னரே, சட்டத்துக்கு புறம்பான எந்த நடவடிக்கையிலும் அவர் ஈடுபடுவதற்கு முன்னரே, கைது செய்து சிறையில் அடைத்தது. இதனையடுத்து ஜன் லோக்பால் மசோதாவை அமல்படுத்துவதற்கான போராட்டம் என்பது, போராடுவதற்கான உரிமை தொடர்பான போராட்டமாகவும், ஜனநாயகத்துக்கான போராட்டமாகவும் உருமாறியது. இந்த ‘இரண்டாவது சுதந்திர போராட்டம்’ தொடங்கிய சில மணித்துளிகளில் அண்ணா விடுதலை செய்யப்பட்டார். ஆனால், தந்திரமாக சிறையை விட்டு செல்ல மறுத்த அவர், திகார் சிறைச்சாலையின் மரியாதைக்குரிய விருந்தினராக தங்கி, உண்ணாவிரதத்தை ஆரம்பித்து, பொது இடங்களில் உண்ணாவிரதம் இருப்பதற்கான கோரிக்கையை முன்வைத்தார். மூன்று நாட்களுக்கு மக்கள் கூட்டமும், தொலைக்காட்சிகளின் வாகனங்களும் சிறைக்கு வெளியே குழுமியிருக்க, அனைத்து தேசிய தொலைக்காட்சிகளிலும் ஒளிப்பரப்புவதற்காக ஹசாரேவின் வீடியோ செய்திகளை ஏந்தியபடி அண்ணாவின் குழுவினர் உயர் பாதுகாப்பு வசதி கொண்ட அச்சிறைக்கு உள்ளும் வெளியிலுமாக மின்னலென பறந்துக் கொண்டிருந்தனர். (வேறு யாருக்கேனும் இந்த பேரின்ப வாழ்வு கிடைக்குமா?)

இதற்கிடையில், தில்லி மாநகராட்சி ஆணையத்தை சேர்ந்த 250 தொழிலாளர்களும், 15 லாரிகளும் (டிரக்குகள்), 6 கனரக மண் சீராக்கும் வாகனங்களும் கடிகாரத்துக்கு ஓய்வு தராமல் வாரயிறுதியில் நடைபெறவிருக்கும் கண்கவர் காட்சிக்காக ராம்லீலா மைதானத்தை சீர்படுத்திக் கொண்டிருந்தன.

இப்போது உள்ளங்கையும், உள்ளங்காலும் பரபரக்க, பக்தி முற்றிய நிலையில் அண்ணாவின் பெயரை உச்சரிக்கும் கூட்டம் குழுமியிருக்க, வானுயர்ந்த கேமராக்கள் கண்சிமிட்டியபடி படம் பிடிக்க, இந்தியாவின் விலைமதிப்பில்லாத மருத்துவர்கள் பராமரிக்க, மூன்றாவது முறையாக அண்ணா ஹசாரேவின் காலவறையற்ற உண்ணாவிரதம் தொடங்கியது. ‘காஷ்மீர் முதல் கன்னியாகுமரி வரை, இந்தியா ஒன்றே’  தொலைக்காட்சி தொகுப்பாளர்கள் நமக்கு சொல்கிறார்கள்.

அண்ணா ஹசாரேவின் போராட்ட வழிமுறைகள் காந்திய வழியாக இருக்கலாம், ஆனால், அவரது கோரிக்கைகள் நிச்சயம் அப்படியானதல்ல. அதிகாரத்தை ஒன்றுகுவிக்காமல் பகிர்ந்தளிக்கச் சொல்லும் காந்தியின் கருத்துகளுக்கு முரணாக ஜன் லோக்பால் மசோதா அரக்கத்தனமான, எதேச்சதிகார, ஒருமுகப்படுத்தப்பட்ட அதிகார மையத்தை கோரும் ஊழல் தடுப்பு மசோதாவாக இருக்கிறது. இதில், கவனத்துடன் தேர்ந்தெடுக்கப்பட்ட மக்கள் பிரதிநிதிகள் பூதாகரமான ஜனநாயகத்தை நிர்வகிக்க, ஆயிரக்கணக்கான ஊழியர்கள் பணிபுரிய, காவல்துறையின் அதிகாரத்துடன் பிரதமர் முதல் நீதிபதிகள், நாடாளுமன்ற உறுப்பினர்கள், அனைத்துத் துறை அதிகாரிகள், அரசாங்கத்தின் கடைநிலை ஊழியர்கள் வரை அனைவரை குறித்தும் துப்பு துலக்கி விசாரிக்கவும், கண்காணிக்கவும், தண்டிக்கவும் அதிகாரம் உள்ளது.

இதற்கென்று சொந்தமாக சிறைச்சாலைகள்தான் இருக்காது. மற்றபடி சுதந்திர நிர்வாக அமைப்பாக இயங்கி ஏற்கனவே வரைமுறையில்லாமல் ஊதிப் பெருகி, மக்களுக்கு பதில் சொல்லும் கடமையற்று இருக்கும் இப்போதைய ஊழல் அமைப்பை எதிர் கொள்ளும் இன்னொரு நிர்வாக அமைப்பாக செயல்படும். அதாவது கட்டுப்படுத்த முடியாத ஒரு விலங்காக இதுநாள்வரை இருந்த ஜனநாயகமற்ற அமைப்பு, இனி இரண்டாக பெருகியிருக்கும்.

இந்த ஜன் லோக்பால் மசோதா மூலம் ஊழல் ஒழியுமா இல்லையா என்பது ஊழலை நாம் எப்படி பார்க்கிறோம் என்பதை பொறுத்தது. ஊழல் என்பது வெறும் சட்ட ரீதியான நிதி ஒழுங்கின்மை – லஞ்சம் சார்ந்ததா அல்லது வெளிப்படையாக பளிச்சென்று தெரியும் ஏற்றத் தாழ்வுமிக்க சமூகத்தில் நடைபெறும் பணப் பரிமாற்றம் வழியாக அதிகாரமானது தொடர்ந்து சிறுபான்மையிலும் சிறுபான்மையாக இருப்பவர்களின் கரங்களில் குவிந்து வருவதை குறிக்கிறதா?

உதாரணமாக வணிக வளாகங்கள் நிரம்பிய நகரத்தில் தெருவில் கூவிக் கூவி விற்பது தடை செய்யப்பட்டுள்ளதாக கற்பனை செய்து கொள்வோம். தெருவில் கூவி விற்பவர்களின் வாடிக்கையாளர்கள் வணிக வளாகங்களில் விற்கப்படும் பொருட்களை வாங்கும் அளவுக்கு ‘தகுதி’ படைத்தவர்கள் அல்லர். எனவே அவர்களுக்கு தேவையான பொருட்களை தெருவில் விற்பவர்களிடமிருந்து அவர்கள் வாங்கிக் கொள்கிறார்கள். இந்த ‘சட்டப்புறம்பான’ வியாபாரத்துக்காக தெருவில் கூவிக் கூவி விற்பவர், நடைபாதை காவலருக்கும் நகராட்சியை சேர்ந்தவருக்கும் ஒரு தொகையை லஞ்சமாக கொடுப்பார். இது அவ்வளவு பெரிய கொடுமையா? எதிர்காலத்தில் ஜன் லோக்பாலின் பிரதிநிதிக்கும் சேர்த்து அவர் ஒரு தொகையை கொடுக்க வேண்டியிருக்குமா? அடித்தட்டு மக்கள் எதிர்கொள்ளும் பிரச்னைகளுக்கான தீர்வுகள், அமைப்பு ரீதியாகவே உறைந்துள்ள ஏற்றத்தாழ்வுகளை களைவதில் அடங்கியிருக்கிறதா அல்லது ஏற்றத்தாழ்வுகளுக்கு கட்டுப்பட்டு இணங்கிப் போகச் செய்யும் இன்னொரு அதிகார அமைப்பை உருவாக்குவதில் இருக்கிறதா?

அண்ணா ஹசாரேவின் போராட்டத்தில் இடம் பிடித்திருக்கும் முழக்கங்கள், சைகைகள், நடன அமைப்புகள், தேசிய வெறி, காற்றில் அழகாக அசைந்தாடும் தேசியக்கொடிகள் ஆகியவை அனைத்தும் இட ஒதுக்கீடு எதிர்ப்பு போராட்டங்கள், உலககோப்பை வெற்றி ஊர்வலம், மற்றும் அணுகுண்டு சோதனை வெற்றிக் கொண்டாட்டங்களிலிருந்து கடன் வாங்கப்பட்டவை; அவற்றை நினைவுபடுத்துபவை. இவையெல்லாம் அண்ணாவின் உண்ணாவிரதத்தை ஆதரிக்கவில்லையென்றால் நாம் உண்மையான இந்தியர்கள் இல்லையென்று நம்மை நோக்கி எச்சரிக்கின்றன. நாட்டில் இதைத்தவிர வேறு எதுவும் உருப்படியான செய்தி இல்லை என்பதாக 24 மணி நேர செய்தி ஊடகங்கள் முடிவு செய்துவிட்டன போலும்.

‘இந்த உண்ணாவிரதம்’ சர்வநிச்சயமாக மணிப்பூரில் ஒருவரை சந்தேகப்பட்டாலே இராணுவத்துக்கு அவரை கொல்ல அனுமதியளிக்கும் AFSPA   என்ற அடக்குமுறைச் சட்டத்தை திரும்ப்ப் பெற வலியுறுத்தி 10 வருடங்களுக்கும் மேலாக உண்ணாவிரதம் இருக்கும் ஜரோம் சர்மிளாவின் போராட்டத்தைப் போன்றதல்ல. (இன்றும் ஐரோம் சர்மிளாவுக்கு பலவந்தமாக உணவு செலுத்தப்படுகிறது). கூடங்குளம் அணுமின் நிலையத்தை எதிர்த்து பத்தாயிரக்கணக்கில் கிராம மக்கள் தொடர்ந்து வரிசையாக நடத்தி வரும் உண்ணாவிரதம் போன்றதும் அல்ல.

(ஹசாரேவின் உண்ணாவிரதத்தை ஆதரித்து ராம்லீலா மைதானத்தில் குழுமியிருக்கும்) ‘மக்கள்’, ஐரோம் சர்மிளாவின் உண்ணாவிரதத்தை ஆதரிக்கும் மணிப்பூர் மக்களின் உணர்வுகளை கொண்டவர்களல்ல. ஜெகத்சிங்பூர் அல்லது கலிங்காநகர் அல்லது நியாம்கிரி அல்லது பாஸ்டர் அல்லது ஜெய்தாபூரில் ஆயுதமேந்திய காவலர்களையும், சுரங்கக் கொள்ளையர்களையும் அன்றாடம் எதிர்கொள்ளும் ஆயிரக்கணக்கான சாதாரண மக்கள் போன்றவர்களுமல்ல. போபால் விஷவாயு கசிவினால் பாதிக்கப்பட்ட மக்களோ அல்லது நர்மதா அணையினால் இடம்பெயர்ந்த மக்களோ கூட அல்ல. அல்லது நொய்டாவின் விவசாயிகள் போலவோ அல்லது பூனா/அரியானா அல்லது நாட்டின் எந்தபகுதியிலாவது தங்கள் நிலங்களை கையகப்படுத்துவதற்கு எதிராக போராடி வரும் விவசாய மக்களும் அல்ல.

‘இந்த மக்கள்’, ரசிகர் பட்டாள மக்கள். தனது ஜன் லோக்பால் மசோதாவை பாராளுமன்றத்தில் தாக்கல் செய்து சட்டமாக்கவில்லை என்றால் உண்ணாவிரதம் இருந்து உயிரை மாய்த்துக்கொள்வேன் என்று ஒரு 74 வயது முதியவர் மிரட்டுவதை கண்குளிர பார்க்கும் கண்களுடன் வந்திருக்கும் ‘மக்கள்’. இயேசு கிறிஸ்து, அப்பத்தையும் மீனையும் பன்மடங்கு பெருக்கி பசித்தவர்களுக்கு உணவளித்தது போல், பல ஆயிரக்கணக்கான மக்கள் நமது தொலைக்காட்சி ஊடகங்களால் பெருக்கி காட்டப்படுகிறார்கள். ‘லட்சக்கணக்கான குரல்கள் ஒலித்தன’ என்கிறார்கள் நம்மிடம். ‘அண்ணாதான் இந்தியா’வாம்.

மக்களின் குரல் என்றும் புதிதாக வார்த்தெடுத்த புனிதர் என்றும் சித்தரிக்கப்படும் இந்த மனிதர் உண்மையில் யார்? விசித்திரம் என்னவென்றால் இதுவரை இவர் இந்த நாட்டில் பற்றி எரியும் எந்தப் பிரச்னை குறித்தும் கருத்து சொல்லி நாம் கேட்டதில்லை. அவரது ஊருக்கு அருகாமையில் நிகழும் விவசாயிகளின்  தற்கொலைகளைப் பற்றியோ அல்லது சற்று தொலைவில் நடக்கும் பசுமை வேட்டைப் பற்றியோ இவர் எதுவும் பேசியதில்லை. சிங்கூரைப் பற்றியோ, நந்திகிராம், லால்கர் அல்லது போஸ்கோ விவசாயிகளைப் பற்றியோ அல்லது சிறப்பு பொருளாதார மண்டலங்களால் எதிர்காலம் சூன்யமானவர்களைப் பற்றியோ இவர் முணுமுணுத்தது கூட இல்லை. மத்திய இந்தியாவின் வனப் பகுதிகளில் இராணுவத்தை பரவி நிறுத்த அரசு திட்டமிட்டிருந்த நேரத்தில், இந்திய அரசின் நோக்கம் குறித்தெல்லாம் அவர் எந்த கவலைகளும் வெளியிட்டதில்லை.

ஆனால், ராஜ் தாக்கரேவின் இனவெறிக் கொள்கையான ‘மராட்டியம் மராட்டியர்களுக்கே’ என்ற மாராத்திய பாசத்தை ஆதரிக்கிறார். குஜராத்தை ‘வளர்ச்சி மாநிலம்’ என்று வியந்தோதியவர், 2002ல் இஸ்லாமிய மக்கள் கொன்றொழிக்கப்பட்டது குறித்து எதுவும் சொல்லவில்லை. (இதையொட்டி சில கண்டனக் குரல்கள் எழுந்ததும் தனது வார்த்தைகளை அண்ணா திரும்பப் பெற்றுக் கொண்டாரே தவிர, உண்மையான தனது பாராட்டு மனநிலையை அல்ல)

இவ்வளவு இரைச்சல்களுக்கு இடையிலும் அறிவுத் தெளிவுடைய பத்திரிக்கையாளர்கள் தங்கள் கடமையை எப்படி உணர்ந்து செய்வார்களோ அப்படியே உண்மையான சில பத்திரிகையாளர்கள் பணியாற்றுகிறார்கள். அதனால்தான் ஆர்எஸ்எஸ் உடனான அண்ணாவின் பழைய பாசப்பிணைப்புக் கதையை நாம் அறிய முடிகிறது. அண்ணாவின் கிராம சமூகமான ‘ராலேகான் சித்தி’யில் கடந்த 25 வருடங்களாக கிராம பஞ்சாயத்துகளோ அல்லது கூட்டுறவு சங்க தேர்தல்களோ நடைபெற்றதேயில்லை என்று அக்கிராமத்தை ஆய்வு செய்த முகுல் ஷர்மா சொல்வதை கேட்க முடிகிறது. ‘ஹரிஜன்’களை குறித்து அண்ணாவின் மனபாவத்தை அறிய முடிகிறது: ‘ஒவ்வொரு கிராமமும் ஒரு சக்கிலியனை, கொல்லனை, குயவனைக் கொண்டிருக்க வேண்டும் என்பது மகாத்மா காந்தியின் கனவு. அவர்கள் தத்தமது கடமையை செய்துகொண்டிருக்க வேண்டும். அப்போதுதான் ஒரு கிராமம் தன்னிறைவு பெறும். இதைத்தான் ராலேகான் சித்தியில் நாங்கள் நடைமுறைபடுத்தியிருக்கிறோம்’.

‘அண்ணாவின் குழுவினர்’ (டீம் அண்ணா), இட ஒதுக்கீடு திட்டத்தை எதிர்ப்பவர்களான யூத் ஃபார் ஈக்வாலிட்டி என்ற அமைப்பினருடன் இணைந்திருக்கிறார்கள் என்பது ஆச்சரியமாக இருக்கிறதா? கோகோ – கோலாவினாலும் லேமான் பிரதர்சாலும் மிக தாராளமாக நிதியுதவி செய்யப்பட்ட பல தன்னார்வக் குழுவினர்தான் இந்த பிரச்சார போராட்டத்தை முன்னின்று நடத்துகிறார்கள். ‘அண்ணா குழு’வின்  புகழ் பெற்ற நபர்களான, அர்விந்த் கேஜ்ரிவால், மனீஷ் சிசோடியா-வால் நிர்வகிக்கப்படும் ‘கபீர்’ அமைப்புக்காக கடந்த மூன்று வருடங்களில் போர்டு பவுண்டேசனிடமிருந்து 400,000 டாலர்களை பெற்றிருக்கிறார்கள். ‘ஊழலுக்கெதிரான இந்தியா’ பிரச்சாரத்துக்கு நிதி வழங்கியவர்களின் பட்டியல் இன்னும் ஆச்சரியமான அதிர்ச்சியை தரக்கூடியது. சொந்தமாக அலுமினிய சுரங்கங்கள் வைத்திருக்கும் இந்திய நிறுவனங்கள், சிறப்பு பொருளாதார மண்டலங்களை கையகப்படுத்தி இருப்பவர்கள், ரியல் எஸ்டேட் வியாபாரம் செய்பவர்கள், பல்லாயிரக்கணக்கான கோடிகளுக்குச் சொந்தக்காரர்களான அரசியல்வாதிகளுடன் நெருக்கமாக இருப்பவர்கள் என்று அனைவரும் அடக்கம். இதில் பலர் மீது ஊழலுக்காகவும்  மற்றும் வேறு சில குற்றங்களுக்காகவும் விசாரணை இப்போதும் நடந்துக்கொண்டிருக்கிறது.

ஜன் லோக் பால் மசோதா சூடுபிடிக்கத் தொடங்கிய நேரத்தை நினைவுபடுத்தி பாருங்கள். உலக அரங்கில் விக்கிலீக்சின் மூலம் அதிர்ச்சியளிக்கும் உண்மைகள் வெளிவந்துக் கொண்டிருந்தது. இந்திய அளவில், முக்கியமான பன்னாட்டு நிறுவனங்கள், உயர் பத்திரிகையாளர்கள், மத்திய அமைச்சர்கள் பலர், 2ஜி உள்ளிட்ட பிரமாண்டமான ஊழல்களில் சம்பந்தப்பட்டிருப்பதாகவும் செய்திகள் அம்பலப்படுத்தியிருந்தன. அதோடு, காங்கிரஸ் மற்றும் பாரதிய ஜனதா கட்சியை சேர்ந்த அரசியல்வாதிகள், பொதுச்சொத்தின் ஆயிரக்கணக்கான கோடிகளை பல்வேறு வழிகளில் கபளீகரம் செய்ததும் வெளிச்சத்துக்கு வந்திருந்தன.

இந்திய வரலாற்றிலேயே முதல்முறையாக, தரகு வேலை செய்யும் பத்திரிகையாளர்களின் முகத்திரை கிழிந்ததுடன் கார்ப்பரேட் இந்தியாவின் முக்கிய தலைவர்களும் தண்டிக்கப்படக்கூடிய ஒரு தருணம் நெருங்கி இருந்தது. ஊழலுக்கெதிரான போராட்டத்துக்கு இதைவிட சரியான நேரம் கிடைக்குமா என்ன?

அரசாங்கம் தனது கடமைகளிலிருந்து விலகிக்கொள்ள, கார்ப்பரேட்டுகளும் தன்னார்வக் குழுவினரும் அந்த இடங்களில் தங்களை நிரப்பிக் கொண்டிருக்கிறார்கள் (தண்ணீர் வசதி, மின்சாரம், போக்குவரத்து, தொலைதொடர்பு, சுரங்கங்கள், மருத்துவம், கல்வி); தனியாருக்குச் சொந்தமான ஊடகங்கள் தங்களது முழு ஆற்றலையும் செலவழித்து பொது மக்களின் சிந்தனையை தங்கள் கட்டுப்பாட்டில் கொண்டு வர முயற்சிக்கிறார்கள். இந்த கார்ப்பரேட்டுகள், ஊடகங்கள், தன்னார்வ குழுவினர்கள் தாமாகவே ஜன் லோக் பாலின் வரம்புக்குள் வருவார்கள் போலிருக்கிறதே என்று நினைத்தோம். ஆனால், அவ்வாறு இல்லையாம். அவர்களுக்கு முழுமையான விலக்கு அளிக்கிறது ஜன் லோக்பால் மசோதா.

அரசின் ஊழலுக்கும், கறைபடிந்த அரசியல்வாதிகளுக்கும் ஆப்படிக்கும் போராட்டத்தில், குற்றவாளிகள், மற்ற எல்லோரையும் விட அதிகமாக குரலெழுப்புவதன் மூலம் தங்களை தாங்களே அதன் பிடியிலிருந்து சாதுர்யமாக விடுவித்துக்கொள்கின்றனர். அதைவிட மோசம் இரண்டாம் கட்ட சீர்திருத்தம் என்ற பெயரில் பொது வட்டத்திலிருந்து அரசாங்கம் இன்னமும் பின்வாங்க வலியுறுத்தி அதன் மீது கணைகளை வீசுகிறார்கள். அது நடந்தால்தான் பொது நிறுவனங்கள் மேலும் தனியுடமை ஆகும். பொது கட்டமைப்புகளில் தனியார் இன்னமும் கை வைக்க முடியும். இந்தியாவின் இயற்கை வளங்களை கபளீகரம் செய்ய முடியும். அந்தக் கட்டம் வரும்போது, கார்ப்பரேட் ஊழல் நியாயப்படுத்தப்பட்டு சட்டமாக்கப்பட்டுவிடும். அதற்கு ‘தரகு கமிசன்’ என்றும் பெயர் வைக்கப்பட்டுவிடும்.

20 ரூபாயில் தங்கள் அன்றாட வாழ்க்கையை கடத்தும் 83 கோடி மக்களுக்கு, இந்த மசோதாவினால் உண்மையாகவே ஏதும் பயனிருக்கிறதா? இது அவர்களை மேலும் ஏழ்மைக்கும் வறுமைக்கும் போராட்டத்தை நோக்கியும் தள்ளுமே தவிர வேறு எந்த பயனுமில்லை.

மக்களின் சார்பாக கிரிமினல்களும் கோடீஸ்வர அரசியல்வாதிகளுமே நிரம்பியிருக்கும் பாராளுமன்றங்களின் முழுதோல்விதான் இந்த அருவெறுக்கத்தக்க நெருக்கடியை போலியாக உப்பிபெருக்குகிறது. சாதாரண மக்களால் இங்கு ஒரேயொரு ஜனநாயக அமைப்பைக் கூட நெருங்கமுடியாது.

தேசக்கொடி ஒயிலாக அசைவதைப் பார்த்து மனம் மயங்கிவிடாதீர்கள். நமது இறையாண்மையை கார்ப்பரேட்டுகள் தங்கள் கட்டுப்பாட்டுக்குள் கொண்டு வருவதற்காக நடத்தப் போகும் யுத்தத்துக்குள் நாம் இழுக்கப்பட்டுக் கொண்டிருக்கிறோம். இந்த யுத்தம் சொந்த நலனுக்காக ஆப்கானிஸ்தானில் யுத்தபிரபுக்கள் நிகழ்த்திய யுத்தம் போன்ற உக்கிரத்தை கொண்டதாக இருக்கும். இந்தியாவில் இதைதான் நாம் இப்போது பார்த்துக் கொண்டிருக்கிறோம்.

_________________________________________________
- நன்றி: அருந்ததி ராய், தி இந்து (21.8.2011)
தமிழாக்கம்: வேல்விழி, அறிவுச் செல்வன்

முன்னாள் நீதியரசர் போன்ற துஷ்பிரயோகக்காரர் உலகில் இருக்க முடியாது !

  சலசலப்பு

கேள்வி: மக்கள் விடுதலை முன்னணி (ஜே. வி. பி.) தலைமையில் ஏற்படுத்தப்பட்டுள்ள துஷ்பிரயோகத்துக்கு எதிரான அமைப்பின் முதலாவது கூட்டத் தொடரில் பிரதான விசேட உரையை முன்னாள் பிரதம நீதியரசர் நிகழ்த்தியிருக்கிறார். இவர் இக்கூட்டத்தில் அரசை சாடியும் குற்றம் சுமத்தியும் பேசியுள்ளார். இது பற்றி நீங்கள் கூற விளைவதென்ன?
பதில்:
முன்னாள் பிரதம நீதியரசர் சரத் என். சில்வா துஷ்பிரயோகத்துக்கு எதிராகப் பேசியிருப்பது பரிகாசமாகவே உள்ளது. இப்படியானதொரு அருவருப்பான செயல் எதுவுமில்லை என்றே கூறவேண்டும். இவர் எந்த இடத்தில் பேசினாலும், எதனைக் கூறினாலும் சாதாரண சமூக மட்டத்திலேயே பேசியிருக்க வேண்டும். இதனை விட்டு விட்டு அரசாங்கத்தை சாடிப் பேசியிருப்பது அவ்வளவு நல்ல காரியமாக எனக்குத் தென்படவில்லை. அத்துடன், இதனை ஒரு சிறந்த ஆரோக்கியமான போக்காக நான் கருதவும் மாட்டேன். முன்னாள் பிரதம நீதியரசர் துஷ்பிரயோகத்தைப் பற்றிப் பேசியிருப்பது, இன்றைய நிலையில் பரிகாசத்திற்குரியதும் மிகவும் வேதனைக்குரியதுமான ஒரு உரை ஆகும் என்பதையே என்னால் கருத முடிகிறது.

Read More

புதுடில்லி:சுமந்திரன் சங்கரியை தாக்க முயன்றார் ஈ.என்.டி.எல்.எவ் ராஜன் தடுக்காவிட்டால்

யாழ்ப்பாண கூத்து டில்லியில் கலைந்த கதை!

  சலசலப்பு

புதுடில்லிக்க பேசச்சென்ற தமிழ் கட்சிகள் இனப்பிரச்சனைக்கான ஒருமித்த ஒரு தீர்வினை கையளிக்க முடியாமல் நாடு திரும்பியுள்ளன. சுத்துமாத்துக்கள், குழிபறிப்புக்கள், மட்டுமன்றி அடிதடிகள் வரை டில்லி மாநாடு அல்லோல கல்லோலப்பட்டுள்ளது. வழமைபோல தமிழ் தலைமைகளின் பதவிவெறியிலும் விட்டுக்கொடுப்பின்மையினாலும் இன்னுமொரு முறை தமிழ் மக்களின் வாழ்வில் மண் அள்ளி போடப்பட்டுள்ளது. கடந்த தேர்தல்களில் தமது தோல்விகளை மறைக்கவும் ஆசனங்களைக் காப்பாற்றிக்கொள்ளவும் ஒற்றுமைவேசம் போட்ட த.வி.கூட்டணி, புளட் போன்றவை என்றுமே திருந்தாத தமிழ் கூட்டமைப்புடன் கைகோர்த்து கொண்டன.
இதற்கு தமிழர் ஒற்றுமை, மக்கள் நலம் போன்ற முலாம்களும் பூசப்பட்டன. பரஷ்பர முதுகுசொறிதலுடன் சங்கரி, சித்தார்தன் போன்றவர்கள் புலிக்கூட்டமைப்புக்குள் குந்திக்கொண்டனர். முன்னொரு காலத்தில் தந்தை செல்வாவின் கீழ் அணிதிரண்டது போல் மீண்டும் தமிழர்கள் ஓரணி திரளவேண்டும் என்று உள்ளுராட்சிசபை தேர்தல்களில் முழங்கினார் ஆனந்தசங்கரி. இந்த வேசங்கள் எல்லாம் தமிழ் தலைமைகளின் போலி வேசங்கள் என்று புரிந்துகொள்ளாத மக்கள் இவர்கள் எல்லாம் ஒன்றாகி ஏதோ ஒரு அற்புத வாழ்வை மீட்டுத்தருவார்கள் என்று அப்பாவித்தனமாக நம்பியிருந்தனர். போதாகுறைக்கு இது தேர்தல் கூட்டு அல்ல தமிழர்களின் விடியலுக்கான அத்திவாரம் என்று பூச்சூடினார் சித்தார்த்தன். ஆனால் உள்ளுராட்சி தேர்தல் முடிந்து சூடு ஆறமுன்னமே சுடுபாடு இல்லாத குறையாக டில்லி மாநாடு அடிதடியுடன் முடிவுற்றது.  ஜனாதிபதி ராஜபக்ச மட்டுமல்ல இந்திய மத்திய அரசு கூட எல்லா தமிழ் கட்சிகளும் ஒற்றுமையாக ஒரு தீர்வை முன்வையுங்கள் என்று யுத்தம் முடிந்த கையோடு விட்ட அறிக்கைகளை காற்றோடு கலந்ததுதான் மிச்சம். சுவிஷ் மாநாடு, தமிழரங்கம் என்று காலமும் வீணாகியது.
இந்தியாவும் “எங்களால் ஏதும் செய்யமுடியாது நீங்கள் எல்லா தமிழ் கட்சிகளும் ஒன்றாக சேர்ந்து ஒருமித்த முடிவுக்கு வாருங்கள். என்ன வேண்டும் என்பதை ஒரே குரலில் அறிவியுங்கள் அதை வைத்து கொண்டுதான் நாமும் இலங்கையரசிடம் பேசமுடியும். அதைத்தவிர இந்தியாவில் ஏதும் செய்ய முடியாது” என்பதை தெட்டத் தெளிவாக பலமுறை நிருபாமாராவ் ஊடாக தெரிவித்து விட்டது. இருந்தாலும் தமிழ் நாட்டில் ஏற்பட்ட அரசியல் மாற்றமும் ஜெயலலிதாவின் இலங்கைமீதான பொருளாதாரத் தடை போன்ற தடாலடி அறிக்கைகளும் இந்தியாவை மீண்டும் தளராத வேதாளமாய் டில்லிமநாட்டை கூட்டச்செய்தது. 23, 24 ம் திகதிகளில் இடம்பெற்ற மாநாட்டில் முதல்நாள் தமிழ் மக்கள் எதிர்கொள்ளும் உடனடி வாழ்வாதார பிரச்சனைகள் குறித்து சில தீர்மானங்கள் எடுக்கப்பட்டன. அகதியின் மீள்குடியேற்றம், இராணுவ முகாம்களை அகற்றுதல் என்பதாக வழமையான தீhமானங்கள் எடுக்கப்பட்டு ஊடகங்களுக்கும் அறிவிக்கப்பட்டது. இரண்டாம் நாள்தான் வந்தது சோதனை டில்லிக்கு. அரசியல் தீர்வு பற்றிய உரையாடல்களுக்கென இரண்டாம் நாள் ஒதுக்கப்பட்டதுதான் அதற்கு காரணம்.
தமது கொள்கை என்ன? கோட்பாடுகள் என்ன? என்பது பற்றி என்றுமே அக்கறைப்படாத தமிழ் தலைமைகள் எப்படி அரசியல் தீர்வு பற்றி ஒருமித்து முடிவு எடுக்கமுடியும். தமிழர் விடுதலைக்கூட்டணி, தமிழரசுக்கட்சி, தமிழ் காங்கிரஷ், ஈ.பிஆர்.எல்.எவ் நாபா அணி, சுரேஷ் அணி, ரெலோ (செல்வம்அணி), ஈரோஷ், இவ்வளவும் போதாதென்று ஈ.என்.டி.எல்.எவ். இவர்கள் எல்லோரும் சேர்ந்து அரசியல் தீர்வில் ஒருமிப்பது என்பது ஒப்பேறுகின்ற காரியமா இது?பலபத்து மாநிலங்களையும், கோடானுகோடி மாந்தர்களையும் கட்டியாளும் டில்லியால் இந்த தமிழ் தலைவர்களை ஒன்றாக்க முடியவில்லை என்பதையிட்டு ஒவ்வொரு யாழ்ப்பாணத்தானும் பெருமைப்பட்டுக்கொள்ளலாம்.
இரண்டாம் நாள் அரங்கு தொடங்கியது. மாநாட்டில் உள்ளவர்களிடம் பேசுவதைவிட ரெலிபோன்களுடனேயே பலரும் கிசுகிசுத்துக்கெதாண்டிருந்தது. ஒற்றையாட்சி,  சமஷ்டி, ஐச்கிய இலங்கை, தன்னாட்சி அதிகாரம், வட-கிழக்கு இணைந்த தாயகம், சுயநிர்ணயம், தேசியம்……………. என்று வெற்று விஷ்யங்களிலும், விதண்டாவாதங்களிலும் பொழுது கழிந்தது. மாநாட்டு ஒருங்கிணைப்பாளர் நாச்சியப்பனே நம்பிக்கையை இழந்துவிட்டார். 

எப்படியாவது ஒரு கூட்டு அறிக்கையை அன்றைய பொழுதுக்குள் வெளியிட்டுவிட வேண்டும் என்கின்ற அவரின் ஆசைபற்றி யாருக்கு கவலை. கஜேந்திர குமார் பொன்னம்பலம் தன்னாட்சி அதிகாரம் கொண்ட தாயகம் என்று ஒற்றைக்காலில் நின்றார். சங்கரியோ இந்திய மாநில சமஷ்டி ஒன்றே சாத்தியமானதும் பொருத்தமானதும் என்று விடாப்பிடியாக நின்றபோது விவாதம் சூடேறியது. வெளிநாட்டு ரெலிபோன் தொடர்புகளுக்காக கூட்டமைப்பு முக்கியஷ்தர்கள் அடிக்கடி மாநாட்டு மண்டபத்துக்கு வெளியே சென்று வருவதற்காக விவாதங்கள் இடைநிறுத்தவும்பட்டன.

இறுதியாக கஜேந்திரகுமாருக்கு வந்த வெளிநாட்டு ரெலிபோன் “நீங்கள் தமிழீழத்தை கைவிட்டு விட வில்லையென்பதை வெளிநாட்டுத் தமிழர்கள் நம்பவேண்டும் என்றால் தன்னாட்சி அதிகாரம் கொண்ட தாயகம் என்கின்ற வார்த்தைகளை அறிக்கையில் தெளிவாக குறிப்பிட்டேயாக வேண்டும்” என்பதை அழுத்தம் திருத்தமாக சொன்னது.

 இப்படிக்கோருவது எல்லாநிலைமைகளையும் சீர்குலைத்துவிடும் என்றும் எம்மீதான இலங்கை இந்திய அரசுகளின் சகலவிதமான நம்பிக்கைகளையும் பாழடித்துவிடும் என்றும் விளக்கமாக சொல்ல முயன்றார் சங்கரி. ஆத்திரமுற்ற கஜேந்திரன் வெளிநாட்டில் இருந்துவந்த ரெலிபோன் கோளை சமாளிக்க முடியாமல் சுமந்திரனிடம் ரெலிபோனைக் கொடுத்தார். ரெலிபோனுடன் வெளியில் சென்ற சுமந்திரன் சில நிமிடங்கள் கழித்து உள்ளே வந்தார். வந்ததும் வராததுமாக சங்கரியினதும் மற்றய தலைமைகளினதும் கருத்துக்களை முற்றாக நிராகரித்து தன்னாட்சி அதிகாரம் கொண்ட தாயகம் எனும் வார்த்தையை விட்டுக்கொடுக்க முடியாது என்று முடிவாக அறிவித்தார். இதனால் கோபம்கொண்ட சங்கரி “வெளிநாட்டுத் தமிழர்களின் ஆட்டுக்கு ஆடுகின்ற நீயெல்லாம் ஒரு அப்புக்காத்தா” என்று பொரிந்து தள்ளினார்.

இதனால் கோபமுற்ற சுமந்திரன் கதிரை மேசையை ஒதுக்கித்தள்ளிவிட்டு சங்கரியை தாக்க முயன்றார். ஈ.என்.டி.எல்.எவ் ராஜன் தடுக்காவிட்டால் சங்கரியின் நிலைமை பரிதாபகரமாகவே முடிந்திருக்கும்.

விவாதமுறை, வார்த்தைப்பிரயோகம், பொறுமை, சகிப்புத்தன்மை…  போன்றவற்றில் எமது தலைமைகள் இன்னும் நிறையவே கற்றுக்கொள்ளவேண்டியுள்ளது. ஒற்றுமை ஒற்றுமை என்று சதா புலம்பிக்கொண்டிருக்கம் இவர்கள் எப்போதுதான் திருந்தப் போகிறார்கள்.?  இலங்கைவாழ் தமிழ் மக்களுக்காக ஒரு உருப்படியான தீர்வை முன்வைக்க முதுகெலும்பற்றவர்களுக்கு எமது மக்களை வழிநடத்த என்ன யோக்கியதை இருக்கிறது.?
கு.சாமித்தம்பி

வைரத்தினால் உருவான கோள் : விஞ்ஞானிகள் கண்டுபிடிப்பு (காணொளி இணைப்பு)

மஞ்செஸ்டர் பல்கலைக்கழகத்தினைச் சேர்ந்த விஞ்ஞானிகளே இந்தக் கோளைக் கண்டுபிடித்துள்ளனர்.
பால் வீதியில் காணப்பட்ட பிரமாண்டமான கோள் ஒன்றே இவ்வாறு மாறியுள்ளதாக அவர்கள் தெரிவிக்கின்றனர்.
பூமியிலிருந்து சுமார் 4000 ஒளிவருடங்கள் தொலைவிலேயே இது கண்டுபிடிக்கப்பட்டுள்ளது.
இக்கோளில் அதிகளவாக அடர்த்தியான காபன் காணப்படுவதாகவும், இக்காபன் படிகமாக இருக்க வேண்டுமெனவும் இதன் பெரும்பகுதி வைரத்தினால் ஆனதெனவும் அவர்கள் உறுதிபடக் கூறுகின்றனர்.

கேரளாவில் நடிகை அசினுக்கு சொந்தமாக பல தொழிற்சாலைகள்

நடிகை அசின் தீராத கலைத்தாகத்தால் தான் திரையுலகிற்கு வந்தார் என்று கூறப்படுகிறது.

கேரளாவில் நடிகை அசினுக்கு சொந்தமாக பல தொழிற்சாலைகள் உள்ளன. அம்மணி அதை நிர்வகிப்பதில் கில்லாடியாகவும் உள்ளார். கைவசம் தொழில் இருக்க அசின் எதற்கு நடிக்க வந்தார் என்று தானே நினைக்கிறீர்கள். அவருக்கு தீராத கலைத்தாகமாம். அதனால் தான் நடிக்க வந்தாராம்.

ஆரம்பத்தில் கோலிவுட்டிலும், பின்னர், தெலுங்கிலும் பிரமாதப்படுத்திய அசின் தற்போது பாலிவுட்டிலும் தனது கொடியை உயரப் பறக்க விட பிரம்மப் பிரயத்தனம் செய்து கொண்டிருக்கிறார். பாலிவுட்டில் எப்பாடுபட்டாவது பெரிய ஆளாகிவிட வேண்டும் என்பதில் குறியாய் உள்ளார். இதனால் கோலிவுட், தெலுங்கில் வரும் வாய்ப்புகளைப் புறம் தள்ளி வருகிறார்.

கஜினி தன்னை உயரத்தில் உட்கார வைத்ததைத் தொடர்ந்து அங்கேயே நிரந்தரமாக உட்கார்ந்து கொள்ளும் திட்டத்தில் இருக்கும் அசினுக்கு, கஜினிக்குப் பிறகு அதேபோல ஒரு சூப்பர் டூப்பர் படம் அமையாதது கவலையாகவும், வருத்தமாகவும் இருக்கிறதாம்.இருந்தாலும் விடாமல் தொடர்ந்து முன்னணி நடிகையாக திகழத் தேவையான நடவடிக்கைகளை எடுத்துக் கொண்டிருக்கிறாராம்.

எப்படியோ 'தாகம்' தீர்ந்தா சரிதான்...!

தூக்கு தண்டனை தள்ளிவைப்பு?ராஜிவ் கொலை குற்றவாளிகள் மேல்முறையீடு செய்யப்படுவதால்

சென்னை: முன்னாள் பிரதமர் ராஜிவ் காந்தி கொலை வழக்கில் முருகன், சாந்தன், பேரறிவாளன் ஆகியோருக்கு பூந்தமல்லி சிறப்பு நீதிமன்றம் தூக்குத் தண்டனை விதித்தது. இந்த தண்டனை உச்ச நீதிமன்றத்திலும் உறுதி செய்யப்பட்டது. அதன் பின்னர் அவர்கள் அனுப்பிய கருணை மனுவும் ஜனாதிபதியால் நிராகரிக்கப்பட்டது.
இதையடுத்து, வேலூர் மத்திய சிறையில் அடைக்கப்பட்டுள்ள 3 பேரையும் செப்டம்பர் 9ம் தேதி தூக்கிலிடுவதற்கான உத்தரவை சிறைத் துறை டிஐஜி கோவிந்தராஜன், வேலூர் சிறைக் கண்காணிப்பாளருக்கு அனுப்பியுள்ளார்.
இந்நிலையில், இந்த 3 பேரின் தூக்குத் தண்டனையையும் ரத்து செய்யக் கோரி தமிழகம் முழுவதும் பல்வேறு இடங்களில் ஆர்பாட்டங்களும் மனிதச் சங்கிலி போராட்டங்களும், பொதுக்கூட்டங்களும் நடைபெற்று வருகின்றன. உயர் நீதிமன்ற பெண் வக்கீல்கள் 3 பேர் காலவரையற்ற உண்ணாவிரதத்தை தொடர்ந்துள்ளனர்.
இந்நிலையில், தூக்குத் தண்டனையை நிறைவேற்றுவது செப்டம்பர் 9ம் தேதியிலிருந்து தள்ளிப்போக வாய்ப்பு உள்ளதாக கூறப்படுகிறது. உயர் நீதிமன்றத்தில் அப்பீல் செய்யப்படும் பட்சத்தில் தண்டனைத் தேதி தள்ளிப்போக வாய்ப்புள்ளது என்று கூறப்படுகிறது.
இதுகுறித்து வக்கீல் கண்ணதாசன் கூறியதாவது:
தமிழ்நாடு சிறை நடைமுறை விதிகள் பாகம்&2, விதி 921ன்படி கருணை மனு தள்ளுபடி செய்யப்பட்டு தூக்குத் தேதி நிர்ணயிக்கப்பட்ட பின்னர், அந்த தண்டனை முடிவை எதிர்த்து சம்பந்தப்பட்ட சிறைவாசி ஏதேனும் முறையீடு செய்யவுள்ளார் என்ற தகவல் தெரியவந்தாலே, அது குறித்து சிறை அதிகாரிகள் அரசுக்குத் தெரிவிக்க வேண்டும். அந்த தகவல் குறித்து அரசின் அடுத்த உத்தரவு வரும் வரை தூக்குத் தண்டனையை தள்ளிவைக்க வேண்டும் என்று கூறப்பட்டுள்ளது. வரும் திங்கள் கிழமை 3 பேரும் உயர் நீதிமன்றத்தில் மனு தாக்கல் செய்யும்பட்சத்தில் தண்டனை தள்ளிவைக்க வாய்ப்பு ஏற்படும்.

20-க்கும் மேற்பட்ட சரித்திரப் படங்கள் வரவிருக்கின்றன

ஊமைப் படமாக இருந்த காலத்திலும் சரி, பேசும் படமாக அது பரிணமித்த கட்டத்திலும் சரி... தமிழ் சினிமாவை புராண அல்லது வரலாற்றுக் கதைகளே முழுக்க முழுக்க ஆக்கிரமித்திருந்தன.

தமிழ் மன்னர்கள், சரித்திரத்தில் இணையில்லாத வீராதி வீரர்கள், சுதந்திரப் போராட்ட வீரர்கள், மகாபாரத-ராமாயணக் கதைகள் போன்றவைதான் பெரும்பாலும் சினிமாவாக எடுக்கப்பட்டன.

ஆனால் அறுபதுகளுக்குப் பின் சரித்திரப் படங்கள் வருவது படிப்படியாகக் குறைந்தது. எண்பது, தொன்னூறுகளில் சரித்திரப் படங்கள் வருவதே அடியோடு நின்று போயின. அப்படியே ஓரிரு படங்கள் வந்தாலும் அவை ரசிகர்களை கவராமலேயே போய்விட்டன.

ஆனால் 2000-க்குப் பிறகு மீண்டும் சரித்திரப் படங்கள் வரத் தொடங்கிவிட்டன. ஆனால் பழைய காலத்தைப் போலல்லாமல் தொழில்நுட்பம் மற்றும் நம்பகத் தன்மை, பிரமாண்டம் அனைத்தும் கலந்த வகையில் இந்தப் படங்கள் வந்தன.

இந்தி, தெலுங்கிலும் இந்த நிலைதான் நீடித்தது. தெலுங்கில் மகாதீரா வெற்றிக்குப் பிறகு பல படங்கள் அதே பாணியில் தயாராகின்றன. தெலுங்கில் ராமாயணம் ஸ்ரீராம ராஜ்யமாக பிரமாண்டமாகத் தயாராகிறது.

தமிழில் இம்சை அரசன் 23-ம் புலிகேசி படம் பெற்ற வெற்றி அனைவரையுமே கொஞ்சம் யோசிக்க வைத்துவிட்டது.

இந்த 2011-ல் தயாராகும் பல படங்கள் சரித்திர அல்லது புராண காலகட்டத்தைச் சேரந்த படங்களாகவே உள்ளன.

தமிழில் சூப்பர் ஸ்டார் ரஜினி நடிக்க ரூ 130 கோடியில் உருவாகும் ராணா படம் முழுக்க முழுக்க சரித்திரக் கதைதான். இதில் ரஜினி மூன்று வேடங்களில் நடிக்கிறார்.

சூர்யா நடிப்பில் ஏ ஆர் முருகதாஸ் இயக்கத்தில் உருவாகும் ஏழாம் அறிவு கதையும் சித்தர்கள் காலத்தை அடிப்படையாகக் கொண்டது என்கிறார்கள். போகர் என்ற சித்தர் கதையை அடிப்படையாகக் கொண்டது இந்தப் படம் என்கிறது கோடம்பாக்கம் வட்டம். படத்தின் ஸ்டில்களும் அதைத்தான் காட்டுகின்றன.

விக்ரம் நடிக்கும் கரிகாலன் படம் முழுக்க முழுக்க சரித்திரப் பின்னணி கொண்டது. ஆங்கிலத்தில் வெளியான ட்ராய், கிளாடியேட்டர் மாதிரியான அதிரடி ஆக்ஷன் வரலாற்றுப் படம் இது.

சிம்புதேவன் - தனுஷ் இணையும் மாரீசன், கிமு 12-ம் நூற்றாண்டுக் கதை. கிட்டத்தட்ட 3200 ஆண்டுகளுக்கு முந்தைய கதை இது.

சற்குணம் இயக்கும் வாகை சூடவா, சமகால வரலாற்றுப் படமாக உருவாகி வருகிறது.

பொன்னியின் செல்வன் சரித்திரக் கதையை மணிரத்னம் திரைப்படமாக எடுக்கப் போவதாக அறிவித்துள்ளார். இப்போதைக்கு இந்தப் படம் தள்ளிப்போடப்பட்டாலும் நிச்சயம் எதிர்காலத்தில் உருவாகும் என அவர் குறிப்பிட்டிருப்பது நம்பிக்கையை அதிகரித்துள்ளது.

பாரதிராஜா இயக்கிவரும் அன்னக் கொடியும் கொடிவீரனும் கூட ஒரு சரித்திரக் கதைதான் என்பது குறிப்பிடத்தக்கது.

இன்னும் செல்வராகவன், மிஷ்கின், கமல்ஹாஸன் போன்றவர்களும் சரித்திரப் படம் எடுப்பதற்கான ஆயத்தங்களில் உள்ளனர். மதராஸப்பட்டணம் தந்த இயக்குநர் விஜய்யும் கூட விரைவில் அடுத்த சரித்திரப் பட ஸ்கிரிப்ட் ஒன்றை தயார் செய்துள்ளார்.

சரித்திரப் படம் எடுப்பது அத்தனை சுலபமான காரியமல்ல. ஆனாலும் இளம் இயக்குநர்கள் அதில் உள்ள சவாலை விரும்பி ஏற்று சரித்திரப் படம் பண்ணுவது, இந்த கலை மீது அவர்களுக்குள்ள பிடிப்பைக் காட்டுகிறது. இன்னொன்று, முன்பு பாரதிராஜா, பாக்யராஜ் போன்றவர்கள் தங்கள் கிராமத்து அனுபவங்களை அப்படியே செல்லுலாய்டில் செதுக்கித் தந்தார்கள். இன்றைய படைப்பாளிகள் பலருக்கு அந்தப் பின்னணியோ, ஆழந்த அனுபவமோ இருப்பதில்லை.

எனவேதான் ஏற்கெனவே தயாராக உள்ள சரித்திரக் கதைகளை தொழில்நுட்ப பிரமாண்டம் சேர்த்துக் கொடுத்து மக்களை ஈர்க்க முயற்சிக்கின்றனர்.

எப்படிப் பார்த்தாலும் இந்த ஆண்டு மற்றும் அடுத்த சில ஆண்டுகளில் மட்டுமே 20-க்கும் மேற்பட்ட சரித்திரப் படங்கள் வரவிருக்கின்றன. சரித்திரத்தின் மீது இந்த தலைமுறையினருக்கு ஏற்பட்டுள்ள ஆர்வமே இந்த நிலைக்குக் காரணம் என்கிறார்கள் வரலாற்றுப் பேராசிரியர்கள்.

சொல்லும் விதத்தில் சொன்னால் நிச்சயம் சரித்திரம் இனிக்கவே செய்யும் என்பதற்கு இது ஒரு உதாரணம்தான்

விட்டுக் கொடுத்ததால் அன்னாவுக்கு் கிடைத்தது தோல்விதான்?

டெல்லி: மூன்று முக்கிய அம்சங்களை நாடாளுமன்றம் ஏற்றுக் கொண்டதாக தீர்மானம் நிறைவேற்றப்பட்டதைத் தொடர்ந்து தனது உண்ணாவிரதத்தைக் கைவிட்டுள்ளார் அன்னா ஹஸாரே. இதை மிகப் பெரிய வெற்றியாக அன்னாவின் ஆதரவாளர்கள் நாடு முழுவதும் கொண்டாடி வருகின்றனர். ஆனால் உண்மையிலேயே அன்னாவுக்கு வெற்றி கிடைத்திருக்கிறதா?

நிச்சயம் இது முழு வெற்றி இல்லை என்றுதான் சொல்ல வேண்டும். காரணம், ஏற்கனவே பல முக்கியக் கோரிக்கைகளை அன்னா ஹஸாரே குழு மத்திய அரசுக்காக கைவிட்டு விட்டதாக கூறப்படுகிறது. எனவே மத்திய அரசின் லோக்பால் மசோதாவை விட பலவீனமான மசோதாவாக தற்போது ஜன் லோக்பால் மசோதா மாறியிருப்பதாக கூறப்படுகிறது.

அன்னா தரப்பில் விட்டுக் கொடுக்கப்பட்டுள்ளவையாக கூறப்படுபவை...

பிரதமரை லோக்பால் வரம்புக்குள் கொண்டு வர வேண்டும், சிபிஐயை கொண்டு வர வேண்டும், நீதித்துறையைக் கொண்டு வர வேண்டும் என்பதுதான் அன்னா குழுவின் மிக முக்கிய கோரிக்கைகள். இதை ஆரம்பத்தில் மத்திய அரசு ஏற்றதாகவும் தகவல்கள் வெளியாகின. அதேசமயம் நீதித்துறையை தனியாக ஒரு மசோதாவின் கீழ் கொண்டு வரலாம் என்றும் மத்திய அரசு கூறியது.

இந்த நிலையில் இந்த முன்று பிரிவையும் லோக்பால் வரம்புக்குள் கொண்டு வர முடியாது என்று மத்திய அரசு திடீரென கூறியது. கடும் இழுபறிக்குப் பின்னர் இதை அன்னா குழு ஏற்றுக் கொண்டு விட்டது.

அதேபோல அன்னா குழு விட்டுக் கொடுத்த பிற முக்கிய விஷயங்கள்...

- ஒருவர் மீது ஊழல் புகார் வந்தால் அவரை விசாரித்துகஸ் கைது செய்யும் அளவிலான முழு அதிகாரம் கொண்ட விசாரணை அமைப்பு அமைக்கப்பபட வேண்டும் என்ற கோரிக்கை.

- ஊழல் புரிந்தவர்களுக்குக் கடுமையான தண்டனை தர வேண்டும் என்ற அம்சம்.

- லோக்பால் உறுப்பினர்களை நியமிப்பதில் அரசுக்கு குறைந்த அளவிலான பங்கு.

இப்படி பல முக்கியமான அம்சங்களை அன்னா குழு கைவிட்டிருப்பதால், அன்னாவின் ஜன் லோக்பால் மசோதாவும் கூட தற்போது பலவீனமாகியிருப்பதாக கூறப்படுகிறது.

3 அம்சங்களை நாடாளுமன்றம் ஏற்பதாக தீர்மானம் நிறைவேற்றி, அதை அன்னாவும், அவரது குழுவினரும் ஏற்றுக் கொண்டு விட்டதால், மறுபடியும் பழைய கோரிக்கைகளை முன்வைத்து அன்னா குழு போராட முடியுமா என்ற கேள்வியும் எழுந்துள்ளது.

மேலும் இந்த மூன்று அம்சங்களை விட மிக முக்கியமான கோரிக்கைகளை அன்னா குழு கைவிட்டிருப்பதன் மூலம் மேலும் புதிய சலசலப்பு எழுந்துள்ளது. கீழ் மட்ட அரசு அதிகாரிகளை லோக்பாலில் சேர்க்க வேண்டும் என்று பிடிவாதமாக இருந்த அன்னா குழுவினர், பிரதமர், நீதித்துறை, சிபிஐ ஆகியோரை மட்டும் விட்டு விட முன்வந்தது அரசு ஊழியர்களிடையே கடும் அதிருப்தியை ஏற்படுத்தும் என்று தெரிகிறது.

எனவே எப்படிப்பட்ட லோக்பால் மசோதா அமையப் போகிறது, அன்னா ஹஸாரேவின் போராட்டத்திற்கு உரிய பலன் கிடைக்குமா என்பதை பொறுத்திருந்துதான் பார்க்க வேண்டும்.

INDIA CIVILIZATION and HISTORICAL AFRICAN INFLUENCE