கேரள தங்கக்கடத்தல் மூலம் கிடைத்த பணம் தீவிரவாத செயல்களுக்கு பயன்படுத்தப்பட்டது திடுக்கிடும் தகவல்

தினத்தந்தி :   கேரள தங்கக்கடத்தல் மூலம் கிடைத்த பணம் தீவிரவாத செயல்களுக்கு பயன்படுத்தப்பட்டது என என்ஐஏ அதிகாரிகள் விசாரணையில் திடுக்கிடும் தகவல்கள் வெளியாகி உள்ளது. திருவனந்தபுரம் திருவனந்தபுரத்தில் உள்ள ஐக்கிய அரபு அமீரக தூதரகத்தின் பெயரில் சரக்கு விமானத்தில் கடத்தி வரப்பட்ட 30 கிலோ தங்கத்தை விமான நிலைய சுங்க அதிகாரிகள் கடந்த 5-ந்தேதி கைப்பற்றினர்.
இந்த கடத்தல் தொடர்பாக தூதரக முன்னாள் ஊழியர் சரித் ஏற்கனவே கைது செய்யப்பட்டார். இந்த கடத்தலில் முக்கிய குற்றவாளியாக கருதப்படும் ஸ்வப்னா சுரேஷ் என்ற, மாநில தகவல் தொழில்நுட்ப (ஐ.டி.) துறை முன்னாள் ஊழியர் மற்றும் சந்தீப் நாயர் ஆகியோர் தலைமறைவாயினர். இவர்கள் 3 பேர் மட்டுமின்றி எர்ணாகுளத்தை சேர்ந்த பாசில் பரீத் ஆகிய 4 பேர் மீதும் உபா சட்டத்தின் கீழ் தேசிய புலனாய்வு அமைப்பு (என்.ஐ.ஏ.) அதிகாரிகள் வழக்கு பதிவு செய்தனர்.

பத்மநாப சுவாமி கோவில் மீது மன்னர் குடும்பத்திற்கு உரிமை உள்ளது-.. உச்சா நீதி மன்றம்

   நக்கீரன் :புதுடெல்லி: நாட்டில் புகழ்பெற்ற திருவனந்தபுரம் பத்மநாப சுவாமி கோவில் நிர்வாகத்தை கேரள அரசு எடுத்துக்கொள்ளலாம் என்று கேரள ஐகோர்ட் 2011-ம் ஆண்டு அளித்த தீர்ப்புக்கு எதிராக திருவிதாங்கூர் மன்னர் குடும்பத்தினர் செய்த மேல்முறையீட்டு வழக்கில் 9 ஆண்டுகளுக்குப்பின் சுப்ரீம் கோர்ட் இன்று தீர்ப்பளித்தது. மேலும் பத்மநாப சுவாமி கோவில் ரகசிய அறையை திறப்பது தொடர்பான வழக்கிலும் இன்று தீர்ப்பளிக்கப்பட்டது. அதன் விவரம் வருமாறு:- பத்மநாப சுவாமி கோவில் மீது மன்னர் குடும்பத்திற்கு உரிமை உள்ளது. கோவில் நிர்வாகத்தை கவனித்து வந்த மன்னர் குடும்பத்தின் மேல்முறையிட்டு மனு ஏற்றுக்கொள்ளப்பட்டது. மேலும் பத்மநாப சுவாமி கோவில் நிர்வாகத்தை மேற்பார்வையிட திருவனந்தபுரம் மாவட்ட தலைமையின் கீழ் இடைக்கால குழு அமைக்க அனுமதி அளித்து உச்சநீதிமன்றம் தீர்ப்பளித்துள்ளது.

சச்சின் பைலட்டுக்கு முதல்வர் பதவி இன்னொரு மாநிலத்தை இழக்க காங்கிரஸ் விரும்பவில்லை...

மாலைமலர் : உட்கட்சி பூசல் காரணமாக கர்நாடகா, மத்திய பிரதேசத்தைப் போன்று இன்னொரு மாநிலத்திலும் ஆட்சியை இழக்க காங்கிரஸ் தலைமை விரும்பவில்லை. ஜெய்ப்பூர்: ராஜஸ்தான் மாநிலத்தில் ஆளும் காங்கிரஸ் கட்சியில் முதல்வர் அசோக் கெலாட், துணை முதல்வர் சச்சின் பைலட் இடையே பகிரங்கமாக மோதல் வெடித்துள்ளது. தனக்கு 30 காங்கிரஸ் எம்.எல்.ஏ.க்களின் ஆதரவு இருப்பதாக சச்சின் பைலட் அறிவித்தார். மேலும் அசோக் கெலாட் அரசு தற்போது பெரும்பான்மையை இழந்து விட்டதாகவும், முதல்வர் தலைமையில் நடைபெறும் காங்கிரஸ் சட்டமன்றக்குழு கூட்டத்தில் பங்கேற்கமாட்டேன் எனவும் அறிவித்தார்.
மாநில அரசை கவிழ்க்க பா.ஜனதா முயற்சிப்பதாக முதல்-மந்திரி அசோக் கெலாட் பகிரங்கமாக குற்றம் சாட்டினார். மேலும், இதற்காக காங்கிரஸ் எம்.எல்.ஏ.க்களிடம் குதிரை பேரம் நடப்பதாக கூறிய அவர், இந்த சதியின் பின்னணியில் பா.ஜனதா தேசிய தலைமை இருப்பதாகவும் புகார் கூறினார்.
அசோக் கெலாட்-சச்சின் பைலட் இடையே ஏற்பட்டுள்ள அதிகார மோதல் மாநில அரசுக்கு பெரும் சிக்கலை ஏற்படுத்தி உள்ளது. சச்சின் பைலட்டை ராகுல் காந்தி தொலைபேசியில் தொடர்பு கொண்டு சமாதானம் செய்துள்ளார்.

தமிழகத்தில் 2 ஆயிரத்தை கடந்த கரோனா உயிரிழப்பு!!! -இதுவரை இல்லாத அளவிற்கு பிற மாவட்டங்களில் பாதிப்பு!!

நக்கீரன் - கலைமோகன்:  தமிழகத்தில் இன்று 4,328 பேருக்கு ஒரே நாளில் கரோனா உறுதி செய்யப்பட்டுள்ளது. 43,548 பேருக்கு இன்று பரிசோதனை செய்யப்பட்டதில், இந்த எண்ணிக்கை இன்று உறுதி செய்யப்பட்டுள்ளது. ஐந்து நாட்களுக்கு பிறகு நேற்று நான்காயிரம் என்ற எண்ணிக்கையிலிருந்த கரோனா பாதிப்பு, தற்பொழுது இன்றும் தொடர்ந்து நான்காயிரம் என்ற எண்ணிக்கையில் கரோனா உறுதி செய்யப்பட்டுள்ளது. சென்னையில் இன்று ஒரே நாளில் 1,140 பேருக்கு கரோனா கண்டறியப்பட்டுள்ளது. சென்னையில் பத்தாவது நாளாக இரண்டாயிரத்திற்கும் குறைவாக கரோனா பதிவாகி உள்ளது. ஆனால் பிற மாவட்டங்களில் பாதிப்பு எண்ணிக்கை அதிகரித்து வருகிறது. சென்னையில் மட்டும் இதுவரை 78,573 பேருக்கு கரோனா  இதுவரை உறுதி செய்யப்பட்டுள்ளது. அதேபோல் தமிழகத்தில் இதுவரை 1,42,798 பேருக்கு கரோனா  உறுதி செய்யப்பட்டுள்ளது. அதேபோல் மருத்துவமனைகளில் 48,196 பேர் கரோனாவிற்கு சிகிச்சை பெற்று வருகின்றனர்.

திமுக-பாஜக: மோடியிடம் தமிழிசை சொன்ன உண்மை!

மின்னம்பலம் : மொபைல் டேட்டா ஆன் செய்யப்பட்டதும், வாட்ஸ் அப் ஆன் லைனில் வந்தது.
“திமுக நாடாளுமன்றக் குழுத் தலைவரான டி.ஆர்.பாலு ஜூலை 10 ஆம் தேதி பிரதமர் மோடிக்கு ஒரு கடிதம் எழுதினார். திமுக தலைவர் அறிவுறுத்தலின் பேரில் இந்தக் கடிதத்தை எழுதுவதாக தெரிவித்துள்ள டி.ஆர்.பாலு, சேது சமுத்திரத் திட்டத்தை மீண்டும் நிறைவேற்ற வேண்டியதன் அவசியத்தை தேசப் பாதுகாப்பு ரீதியாக வலியுறுத்தியுள்ளார். அந்தக் கடிதத்தை, ’தமிழர்களின் 150 ஆண்டு கால சேது சமுத்திரத் திட்டத்தை 2024 ஆம் ஆண்டு தமிழர் திருநாளுக்கு முன்னதாக நிறைவேற்றி தமிழக மக்களின் மனதில் நீங்காத இடத்தை இந்திய பிரதமர் மோடி அவர்கள் பிடிக்க வேண்டுமென திமுக சார்பில் வேண்டுகோள் வைக்கிறேன்’ என்று முடித்திருந்தார் டி.ஆர்.பாலு. இந்தக் கடிதத்தில் பாஜக மீதான திமுகவின் அணுகுமுறையிலும் பார்வையிலும் ஏதோ ஒரு புதிய மாற்றம் இருப்பதை பலரும் உணர்ந்து பேசத் தொடங்கியிருக்கிறார்கள்.

வேளாளர்' என்பவர்கள் உண்மையில் யார்? தமிழக அரசியலில் தேவேந்திரகுல வேளாளர்: சாதி அடையாளத்தால் சர்ச்சை

விக்னேஷ். அ - பிபிசி தமிழ் : இந்த மாதத் தொடக்கத்தில் தமிழக பாரதிய ஜனதா கட்சியின் தலைவர் எல். முருகன் வெளியிட்டுள்ள அறிக்கை ஒன்று புதிய சாதி – அரசியல் விவாதத்தை தமிழகத்தில் உருவாக்கியுள்ளது.

முருகனின் அறிக்கை பெரிய அளவிலான அரசியல் அதிர்வலைகளை எதுவும் தமிழகத்தில் ஏற்படுத்தவில்லைதான் என்றாலும், பல்வேறு அரசியல் கட்சியினரும் குறிப்பாக சில சாதியினர் உடன் சேர்ந்து அடையாளப்படுத்தப்படும் அரசியல்கட்சிகளும் இதற்கு எதிர்வினை ஆற்றுவது கவனத்தைப் பெற்றுள்ளது.
ஆவணங்கள் மூலமாகவும் வேளாண் தொழில் செய்தவர்களாக அறியப்பட்ட சில சமூகங்களின் பெயர்களில் ‘வேளாளர்’ எனும் பதம் அலுவல்பூர்வமாக, சுதந்திர இந்தியாவில் சேர்க்கப்படவில்லை.

சிலர் அதைப் பொருட்படுத்தவில்லை; சிலர் அது தங்கள் சாதியின் பெயருடன் இணைக்கப்பட வேண்டும் என்று கூறுகிறார்கள்.

அன்னை இந்திரா காந்தி மிகவும் நேசித்த உற்ற தோழர் கலைஞர்

மறைந்த இந்திய பிரதமர் அன்னை இந்திரா காந்தி  அவர்கள் இளமை காலங்களில் பெரிதும்   ராஜதந்திர வட்டாரங்களோடுதான்  வளர்ந்தவர்.
 தந்தை ஜவகர்லால் நேரு மகாத்மா காந்தி போன்றோரின் அரசியல் வட்டாரங்களில் மிகவும் துடிப்பாக வளைய வளைய வந்தே வளர்ந்தவர் .
அவரின் பொது வாழ்விலும் சொந்த வாழ்விலும் ஒரு புரோட்டோகால் எனப்படும் அரசியல் சம்பிரதாயங்களை மிக நேர்த்தியாக கையாளும் பழக்கம் உள்ளவர்..
அவரின் உடல் மொழியும் முக பாவங்களும் மிகவும் உன்னிப்பாக கவனிக்க பட்டது . அவரது ஆங்கில இந்தி மொழியாற்றல்களுக்கு  இணையாக பிரெஞ்சு மொழி ஆற்றலும் வரப்பெற்றவர் . இந்த தகுதி வேறு எந்த இந்திய பிரதமருக்கும் கிடையாது .  அவரின் பிரெஞ்சு மொழி பேட்டியை கேட்டால் அதிர்ந்து விடுவீர்கள் ..  ( எனக்கு ஓரளவ பிரெஞ்சு மொழி தெரியும் அதனால்தான் கூறுகிறேன்)
தன்னை சந்திக்கும் ஒவ்வொரு அரசியல் ஆளுமைகளோடும் அவர் வெறுமனே மொழியால் மட்டும் உரையாடியவர் அல்ல .. அதற்கு மேலாக தனது முக பாவனைகளாலும் உடல் மொழியாலும் கூட தொடர்பாடல் கருத்துக்களை பரி மாறியவர்.
அவர் கட்டமைத்த மக்கள் கூட்டம் பெரும்பாலும் அவரின் முக பாவங்களில் பொதிந்திருந்த உணர்வுகளையும் உடல் மொழி கூறும் செய்திகளையும் உள்வாங்கியே அவர் பின்னால் திரண்டது என்றால் மிகை இல்லை.
இந்த படத்தில் இந்திரா அம்மையர் கலைஞரின் மிக அருகில் அமர்ந்து அவரது முகத்தை நோக்கும் இந்த பார்வை    பல கதைகளை கூறுகிறது.
எனக்கு தெரிந்து இவ்வளவு வாஞ்சையோடு ஒரு சக அரசியல் தலைவரை  நோக்கி அவர்  பேசுவது கிடையாது .

சன் டிவியில் ஒளிபரப்பான 'அழகு' உள்ளிட்ட 4 சீரியல்கள் நிறுத்தம்.. ஏன்?

Rebel Ravi : நன்றி காமதேனு
சன் டிவியில் ஒளிபரப்பான 'அழகு' உள்ளிட்ட 4 சீரியல்கள் நிறுத்தம்: காரணம் இதுதான்!
சன் டிவியில் ஒளிபரப்பாகி வந்த 'அழகு', 'கல்யாணப் பரிசு', 'தமிழ்ச்செல்வி', 'சாக்லேட்' உள்ளிட்ட சீரியல்கள் இனி ஒளிபரப்பப் போவதில்லை என தயாரிப்பு நிறுவனம் முடிவெடுத்திருப்பதாகக் கூறப்படுகிறது.

கரோனா வைரஸ் பாதிப்பால் தமிழ் சினிமா மற்றும் சின்னத்திரை பணிகள் முழுவதுமாகப் பாதிக்கப்பட்டன. இந்நிலையில் அரசின் சில ஊரடங்கு தளர்வுகளுடன், கடந்த சில நாட்களுக்கு முன்பு சீரியல் ஷூட்டிங் மீண்டும் தொடங்கியது. ஆனாலும், பல நடிகர்கள்- நடிகைகள் வருகை, ஷூட்டிங்கில் சிரமம் உள்ளிட்ட இடையூறுகளை சேனல் தரப்பினர் இன்றளவும் எதிர்கொண்டு வருகின்றனர்.
இந்நிலையில் சில சீரியல்கள் தங்களது ஒளிபரப்பையே ரத்து செய்துள்ளன. குறிப்பாக, சன் தொலைக்காட்சியில் ரேவதி, ஸ்ருதி உள்ளிட்டோர் நடிப்பில் ஒளிபரப்பாகி வந்த 'அழகு' சீரியல் நிறுத்தம் என சமூக வலைதளம் வழியே நடிகை ஸ்ருதி ராஜ் பகிர்ந்துள்ளார்.

கேரளா 30 கிலோ தங்க கடத்தல் .. பாஜகவின் மறைக்கப்படும் ஊழல் ...?

Muthu Krishnan : போகிற போக்கை பார்த்தால், கடைசியில் இந்த ஒரு கம்யூனிஸ்ட் தொகுதியும் கைநழுவி சங்கிகள்வசம் போயிடும்
போலயிருக்கே!
கீழே நண்பரின் கட்டுரையை பாருங்கள்...> கேரளாவின் காவி தங்கங்கள்... கேரளாவின் திருவனந்தபுரத்தில் பிடிப்பட்ட 30கிலோ தங்கம் தொடர்பான வழக்கின் முதல் தகவல் அறிக்கையில் பெயரிடப்பட்டுள்ள சந்தீப் நாயர் பாரதிய ஜனதா கட்சியின் உறுப்பினர். என் மகன் சந்தீப் நாயர் பாஜக கட்சியின் உறுப்பினர் என அவரது தாயார் பேட்டியளித்துள்ளார்.
இதே வழக்கு தொடர்பாக சுங்கத்துறை அதிகாரிகளால் தொடர்ந்து விசாரிக்கப்பட்டு வருகிற சரக்கு கையாளும் நிறுவனத்தை நடத்தும் ஓ.ஜீ.ஹரி பாஜக கட்சியின் முக்கிய ஆதரவாளர் மற்றும் ஆர்.எஸ்.எஸ்-ன் பாரதிய மஸ்தூர் சங்கத்துடன் தொடர்புடையவர்.
இந்த வழக்கில் முக்கிய குற்றவாளியான பி.எஸ். சரித் பாஜக தலைவர் குமனம் ராஜசேகரனை கட்டித்தழுவும் புகைப்படங்கள் வெளியாகியுள்ளது.
முதலில் தங்கம் இருந்தது ஒரு ராஜதந்திர சரக்கு பெட்டகம் என்றார்கள், அப்படித்தான் செய்தியே பரவியது, இப்பொழுது இந்தியாவின் வெளியுறவுத்துறை இணை அமைச்சரும் கேரளாவின் முக்கிய பாஜக தலைவருமான வி.முரளீதரன் அவர்கள் இந்த பெட்டகம் ராஜதந்திர பெட்டகம் அல்ல என்று பேட்டியளித்துள்ளார்.

கை ரிக்சாவை ஒழித்து சைக்கிள் ரிக்சா அளித்து இன்று அது மோட்டாரிலும்

சின்னமனூர் புகழேந்தி : கை ரிக்சாவை ஒழித்த கலைஞர் சைக்கிள் ரிக்சா
அளித்து இன்று அது மோட்டாரிலும் இயக்கப்படுவதற்கும் வழி கோலியவர்! ஒரு காலத்தில் சென்னையிலும், கடலூரிலும் 2000க்கும் மேற்பட்ட கைரிக் ஷாக்கள் ஓடிக்கொண்டு இருந்தன. சென்னை நகர தார்ச்சாலைகளில் உச்சி வெயிலில் கொழுத்த உருவம் கொண்ட ஒரு மனிதனை உட்கார வைத்து ஒட்டிய உடல் கொண்ட இன்னொரு வலுவிழந்த மனிதன் அந்த ரிக்சாவை இழுத்துச் செல்லும் கொடிய கட்சி நெஞ்சை உலுக்கக் கூடியதாக இருந்தது. இப்படி தினம் தினம் இந்த தொழிலில் அல்லல்படும் அந்த தொழிலாளி தமக்கு சைக்கிள் ரிக் ஷாவோ ஆட்டோ ரிக்சாவோ வழங்கிட வேண்டுமென கோரிக்கை எதுவும் வைக்கவில்லை.
இந்நிலையில் முதலமைச்சர் கலைஞர் அவர்கள் 3.6.1973 முதல் அந்த கைரிக் ஷாக்கள் அனைத்தையும் ஒழித்துக் கட்டி கைரிக் ஷா உரிமையாளர்களுக்கு உரிய இழப்பீட்டை வழங்கியதுடன் அவர்களுக்கு இலவசமாக சைக்கிள் ரிக் ஷாக்களையும் வழங்கினார்கள்.
சமூகத்தின் அடித்தளத்தில் கிடந்து உழலும் சாதாரண சாமான்ய நடுத்தர மக்களின் நல்வாழ்வைக் குறித்தே எந்நேரமும் சிந்தித்து செயலாற்றும் தலைவர் கலைஞர் அவர்களின் சிந்தனையில் பூத்த புரட்சிகரமான திட்டம் இது. மனிதாபிமானத்துடன் கலைஞர் எடுத்த நடவடிக்கை இது. மனிதனை அமர்த்தி மனிதனே இழுக்கும் அவலத்துக்கு கலைஞர் முற்றுப்புள்ளி வைத்த நாள் இது.

அன்ரன் பாலசிங்கம் புதிய வரலாற்று தொடர்

முப்பதுகளில் ஆன்டன்பாலசிங்கம்

.jaffnafashion.com:  (Byநட்சத்திரன் செவ்விந்தியன்) அத்தியாயம் ஒன்று 2005 மாவீரர் நாளில் லண்டனில்  "ரணில் ஒரு நரியன்" என்று அன்ரன் பாலசிங்கம் உரையாற்றுகிற ஒரு வீடியோவை பார்த்திருப்பீர்கள்.  இந்த உரையை வழங்குகிறபோது பாலசிங்கம் வன்னியில் செத்துப்பிழைத்து தாய்லாந்து வழியாக லண்டன்சீமைக்கு நடைப்பிணமாக வந்தவர். அவரது மதியுரைஞர் வாழ்நாள் முழுக்க சாராய புகையிலை போதையில் இருந்தவர். சலரோக நோய் முத்தி தன் சிறுநீரகங்களை இழந்து இரவல் சிறுநீரகங்களில் பிழைத்த பாலசிங்கத்தின் உடல் மொழியை கவனியுங்கள். எவ்வளவு கஸ்ரப்பட்டு சேடமிழுத்து அந்த உரையை வழங்குகிறார். இப்போது பாலசிங்கம் உயிர்வாழ்வதற்கு வழங்கப்பட்ட குளிசைகளின் போதையில் இவ்வுரையை வழங்குகிறார். அவரது நாக்கு மட்டுமல்ல உடலும் தள்ளாடுகிறது. கடல்வழியாக தாய்லாந்து வழி

பன்ருட்டியில் போலி ஸ்டேட் பாங்க் ஆஃப் இந்தியா (எஸ்.பி.ஐ) வங்கி கிளை

tamil.indianexpress.com : கடலூர் மாவட்டம், பன்ருட்டியில் போலியாக ஸ்டேட் பாங்க் ஆஃப் இந்தியா (எஸ்.பி.ஐ) வங்கி கிளையை நடத்தி வந்த பலே ஆசாமிகளை போலிஸார் கைது செய்துள்ள சம்பவம் அப்பகுதியில் பரபரப்பை ஏற்படுத்தியுள்ளது.
கடலூர் மாவட்டம், பன்ருட்டியில் போலியாக ஸ்டேட் பாங்க் ஆஃப் இந்தியா (எஸ்.பி.ஐ) வங்கி கிளையை நடத்தி வந்த 3 பேர்களை போலிஸார் கைது செய்துள்ளனர்.
இந்த சம்பவம் குறித்து போலீசார் கூறுகையில், முன்னாள் எஸ்பிஐ வங்கி ஊழியரின் மகன் கமல் பாபு (19) தனது தொடர்புகள் மூலம் கிளை அமைப்பதற்காக கணினிகள், லாக்கர்கள், சலான்கள் மற்றும் போலி ஆவணங்கள் போன்றவற்றை கொண்டு வந்ததாக தெரிவித்தனர். அதோடு, பன்ருட்டி பஜார் கிளை என்ற பெயரில் ஒரு வலைத்தளமும் உருவாக்கப்பட்டுள்ளது.
பொது முடக்கம் அறிவிக்கப்பட்ட பிறகு, ஏப்ரல் மாதத்தில் யாரும் இது பற்றி சந்தேகப்பட மாட்டார்கள் என்ற எண்ணத்தில், கமல் பாபு, ஏ.குமார் (42), மற்றும் எம்.மாணிக்கம் (52) ஆகியோருடன் இணைந்து போலியாக இத வங்கி கிளையை தொடங்கியுள்ளனர்.

ஒரு பார்ப்பனரை எப்படி என்கவுண்டர் செய்யலாம்? பொங்கி எழுந்த வட இந்திய பார்ப்பனர்கள்

சாவித்திரி கண்ணன் : பொங்கி எழுந்து விகாஷ் துபே, எண்கெளண்டரானதை எதிர்த்து விலாசித் தள்ளுகிறார்கள் உத்திரபிரதேசப் பிராமணர்கள்!
’’நீங்கள் பிராமண சமூகத்தின் நம்பிக்கையை கொன்று இருக்கிறீர்கள்’’
’’கொல்லப்பட்டது விகாஷ் மட்டுமல்ல,பிராமணர்களின் விசுவாசத்தையும் தான்’’
இதெல்லாம் சோஷியல் மீடியாக்களில் பிராமணர்கள் எழுதிக் கொண்டிருக்கும் விமர்சனங்கள்!
உத்திரபிரதேசத்தின் பிரபல தாதாவான விகாஷ் துபே ஒரு பிராமணர் என்பது சற்று ஆச்சரியமாகத் தான் இருக்கிறது.
பொதுவாக தமிழகத்தை பொறுத்தவரை பிராமணர்கள் திரைமறையில் இருந்து கொண்டு ரவுடிகளை, கேடிகளை.. இயக்குவர்களாக,ஆதரிப்பவர்களாகத் தான் நாம் பார்த்திருக்கிறோம்! சங்கரராமனை இந்த விதமாகத் தான் சங்கராச்சாரியார் போட்டுத் தள்ளினார் என்பதையும் அறிவோம்!
அதாவது,மஸில் பவரைக் காட்டிலும் மண்டையில் உள்ள பவரைப் பயன்படுத்தி தந்திரமாக பின்னிருந்து இயக்குபவர்களாக தான் தமிழக வரலாற்றில் பிராமணர்கள் இதுவரை அறியப்பட்டுள்ளனர்.
ஆனால்,வட இந்தியாவில் அவர்கள் தாங்களே களத்தில் இறங்க துணிந்தவர்கள் என்பது காந்தி கொலையில் கோட்சே உள்ளிட்ட ஆறு முக்கிய குற்றவாளிகள் பிராமணர்கள் என்பதிலேயே தெரிய வந்த செய்தி தான்!

50 ரவுடிகளோடு வந்து திமுக எம் எல் யின் தந்தையை கொல்ல முயன்ற அதிமுக ரியல் (அதிமுக) எஸ்டேட் ...

Devi Somasundaram : ஒரு ஊடகத்தோட வேலை என்பது நாட்டு நடப்ப மக்களிடம் கொண்டு செல்வது தான் .எது நடந்ததோ அதை அப்படியே பேசுவதும் .மக்கள் நலன் சார்ந்து தகவலை தருவதும் தான் ஊடக வேலை . ..
ஆளும் கட்சியின் தவறை கேள்வி கேட்பது ஊடக கடமை .
ஒரு தனி நபரோ, தனி அமைப்போ ஊடகத்தின் விவாத தலைப்பில் வருவது ஊடக நாகரீகம் கிடையாது .
நம்ம ஊர்ல மட்டும் தனி நபர் தாக்குதலும் பொய்ச் செய்தியும் தான் ஊடகம் செய்து கொண்டு இருக்கு.
உண்மையான தகவல் என்ன...ஒரு ரியல் எஸ்டேட் க்ருப் கோவில் நிலத்தை ஆக்ரமிச்சு இருக்கு .அதை திமுக எம் எல் ஏ வோட அப்பா
பொது மக்களுடன் இணைந்து தடுத்து இருக்கின்றார்..
அந்த கோபத்தில் ரியல் எஸ்டேட் ஓனர் 50 ரவுடிகளுடன் எம் எல் ஏ வின் அப்பாவைக் கொல்ல முயன்றுள்ளனர் .. 70 வயதான அவர் தன்னை காத்துக்கொள்ள
அவர் தன்னிடம் இருந்த லைசன்ஸ் பெறப்பட்ட துப்பாக்கியால் கண்ணாடியில் சுட்டுள்ளார் ..அந்த கண்ணாடி சிதறல் பட்டு சிலர் காயம். .இதான் நடந்தது...
இது எப்படி திரிந்தது ?

கரோனாவைக் கட்டுக்குள் கொண்டுவந்த தாராவி.. தமிழர்களின் உலக சாதனை .. ராகுல் காந்தி பாராட்டு

தமிழ் இந்து : மும்பையில் மிகப்பெரிய குடிசைவாழ் பகுதியான தாராவியில் கரோனா வைரஸ் பரவல் கட்டுப்படுத்தப்பட்டு, மீண்டுவருவதற்கு உலக சுகாதார அமைப்பு பாராட்டுத் தெரிவித்த நிலையில், காங்கிரஸ் எம்.பி. ராகுல் காந்தி அப்பகுதி மக்களுக்கு வாழ்த்துத் தெரிவித்துள்ளார். உலகிலேயே மிகப்பெரிய குடிசைவாழ் பகுதியாக இருப்பது மும்பை தாராவி பகுதியாகும். இங்கு ஏறக்குறைய 6.50 லட்சம் மக்கள் வசிக்கின்றனர். தாராவி பகுதிக்குள் கரோனா தொற்று பரவினால் கட்டுப்படுத்துவது கடினம் என்று அதிகாரிகள் அஞ்சினர
ஆனால், தாராவி பகுதியிலும் கரோனா தொற்று ஏற்பட்டது. மிகவும் குறுகலான தெருக்கள், அடிப்படை வசதிகள் அற்ற வீடுகள், நெருக்கமான இடத்தில் மக்கள் வசிப்பது போன்றவை கரோனா தொற்றை மேலும் அதிகமாக்கும் என்று அஞ்சப்பட்டது.

வர வர ராவின் உடல்நிலை மிகவும் மோசமாக உள்ளது" - சிகிச்சை கோரும் குடும்பம்

BBC :  மகாராஷ்டிராவில் 2018ஆம் ஆண்டு ஏற்பட்ட வகுப்புவாத வன்முறை தொடர்பாக கைது செய்யப்பட்ட ஐந்து செயற்பாட்டாளர்களில் ஒருவரான வரவர ராவின் உடல்நிலை மிகவும் மோசமாக இருப்பதாகவும், அவரை உடனடியாக மருத்துவமனையில் அனுமதித்து சிகிச்சையளிக்க வேண்டுமென்றும் அவரது குடும்பத்தினர் கேட்டுக்கொண்டுள்ளனர். பேஷ்வாக்களுக்கு எதிராக தலித்துகள் பெற்ற வெற்றியின் 200வது ஆண்டு கொண்டாட்டம் 2018 ஜனவரி 1ஆம் தேதி புனே அருகே உள்ள பீமா-கோரேகானில் நடைபெற்றபோது வன்முறை வெடித்தது. அதில் ஒருவர் மரணம் அடைந்தார். காவல் துறையினர் உள்பட மக்கள் சிலரும் காயமடைந்தனர்.
இந்த சம்பவத்துடன் தொடர்புடையதாக கூறி தெலுங்கானாவை சேர்ந்த எழுத்தாளரான வரவர ராவ் உள்ளிட்ட ஐந்துக்கும் மேற்பட்ட செயற்பாட்டாளர்களை மகாராஷ்டிர காவல்துறை கைதுசெய்தது. இதுதொடர்பாக வழக்கு இன்னும் விசாரணையில் இருந்து வரும் நிலையில், வரவர ராவ் கிட்டத்தட்ட இரண்டு ஆண்டுகளாக சிறையில் அடைக்கப்பட்டுள்ளார்.

ராஜஸ்தான் சச்சின் பைலட் பா.ஜனதாவுடன் பேரம் ... கவிழ்கிறது காங்கிரஸ் ஆட்சி?

மாலைமலர் : தனக்கு 19 எம்.எல்.ஏ-க்கள் ஆதரவு இருப்பதாக காங்கிரஸ் இளம் தலைவரான சச்சின் பைலட் பா.ஜனதாவுடன் பேசி வருவதாக தகவல்கள் தெரிவிக்கின்றன். > ராஜஸ்தான் மாநிலத்தில் அசோக் கேலாட் தலைமையிலான காங்கிரஸ் ஆட்சி நடைபெற்று வருகிறது. எதிர்க்கட்சியான பா.ஜனதாவுக்கும், காங்கிரஸ் கூட்டணிக்கும் மிகப்பெரிய அளவில் வித்தியாசம் கிடையாது. இதனால் அசோக் கேலாட் தொடக்கத்தில் இருந்தே ஒருவித அச்சத்துடனேயே ஆட்சி செய்து வந்தார். கடந்த மாதம் நடைபெற்ற நாடாளுமன்ற மாநிலங்களவை தேர்தலுடன் காங்கிரஸ் எம்.எல்.ஏ.-க்களை விலைக்கு வாங்கி பா.ஜனதா ஆட்சியை கவிழ்க்க சதி செய்து வருகிறது என்று அசோக் கேலாட் குற்றம்சாட்டினர். அவருக்கு சச்சின் பைலட் ஆதரவாக இருந்தார். அந்த நேரத்தில் குழப்பம் ஏதும் ஏற்படவில்லை.

புலிகளுடன் தொடர்பான வெளிநாட்டு அமைப்புகளுக்கும் தனிநபர்களுக்கும் தடை.. ...

தினக்குரல் : இலங்கை அரசாங்கம் விடுதலைப்புலிகளுடன் தொடர்புபட்ட வெளிநாட்டு அமைப்புகளுக்கும் தனிநபர்களுக்கும் எதிராக தடைகளை விதிக்கவுள்ளதாக நியுஸ் இன் ஏசியா செய்தி வெளியிட்டுள்ளது.
கரும்புலிகளின் பாணியில் புனர்வாழ்வு அளிக்கப்பட்ட போராளிகள் உட்பட விடுதலைப்புலிகள் இயக்க போராளிகள் தற்கொலை தாக்குதல்களை மேற்கொள்ள திட்டமிட்டுள்ளனர் என புலனாய்வு தகவல்கள் கிடைத்துள்ளதை தொடர்ந்து ஐக்கியநாடுகளின் பிரகடனத்தின் அடிப்படையில் இலங்கை அரசாங்கம் விடுதலைப்புலிகளுடன் தொடர்புபட்ட வெளிநாட்டு அமைப்புகளுக்கும் தனிநபர்களுக்கும் எதிராக தடைகளை விதிக்கவுள்ளதாக இலங்கை அரசாங்கத்திற்கு நெருக்கமான பயங்கரவாத விவகாரங்கள் தொடர்பான நிபுணர் ஒருவர் தெரிவித்துள்ளார்.
இலங்கை அரசாங்கத்திற்கு நெருக்கமான பயங்கரவாத விவகாரங்கள் தொடர்பான நிபுணர் ஒருவரை மேற்கோள்காட்டி பி.கே. பாலசந்திரன் இந்த செய்தியை வெளியிட்டுள்ளார்.

கைது செய்யப்பட்ட திமுக எம்.எல்.ஏ இதயவர்மனிடம் போலீசார் விசாரணை!!

  நக்கீரன் :இருதரப்பினருக்கும் ஏற்பட்ட வாக்குவாதம் கைகலப்பாக மாறியது. இந்த மோதலில்  தாண்டவமூர்த்தி, குமார் தரப்பினர் அரிவாளால் எதிர்தரப்பினரை வெட்டியதாகவும், இருசக்கர வாகனத்தை எரித்ததாகவும கூறப்படுகிறது. லட்சுமிபதி தரப்பினர் துப்பாக்கியால் சுட்டதாகவும் பதிலுக்கு  தாண்டவமூர்த்தி, குமார் தரப்பில் இருந்தும் துப்பாக்கிச் சூடு நடத்தப்பட்டதாகவும், இந்த துப்பாக்கிச் சூடு சம்பவத்தில் அந்த வழியே சென்ற சீனிவாசன் என்பவர் மீது குண்டு பாய்ந்து காயமடைந்தார். இந்த சம்பவம் குறித்து இருதரப்பினரும் திருப்போரூர் காவல்நிலையத்தில் புகார் அளித்துள்ளனர். இரு தரப்பினர் மீதும் போலீசார் வழக்குப்பதிவு செய்துள்ளனர்.

தமிழகத்தில் இன்று மேலும் 4,244 பேருக்கு கொரோனா தொற்று உறுதி - தமிழக சுகாதாரத்துறை

தினத்தந்தி : தமிழகத்தில் இன்று மேலும் 4,244 பேருக்கு கொரோனா தொற்று உறுதி செய்யப்பட்டுள்ளதாக தமிழக சுகாதாரத்துறை தெரிவித்துள்ளது. சென்னை,  தமிழக சுகாதாரத்துறை இன்று வெளியிட்டுள்ள அறிவிப்பின்படி, தமிழகத்தில் இன்று ஒரே நாளில் மேலும் 4,244 பேருக்கு கொரோனா தொற்று உறுதி செய்யப்பட்டுள்ளதாக தெரிவிக்கப்பட்டுள்ளது. இதனால் தமிழகத்தில் கொரோனாவால் பாதிக்கப்பட்டவர்களின் எண்ணிக்கை 1,38,470 ஆக அதிகரித்துள்ளது. சென்னையில் இன்று 1,168 பேருக்கு கொரோனா தொற்று உறுதி செய்யப்பட்டுள்ளது. இதன் மூலம் சென்னையில் கொரோனா பாதிப்பு எண்ணிக்கை 77,338 ஆக அதிகரித்துள்ளது. தமிழகத்தில் இன்று 68 பேர் கொரோனா பாதிப்பால் உயிரிழந்துள்ளனர். தமிழகத்தில் இதுவரை கொரோனாவால் உயிரிழந்தவர்களின் எண்ணிக்கை 1,966 ஆக அதிகரித்துள்ளது.

சாத்தான் குளம் இரட்டை கொலைகளுக்கு ஐ நா செயலாளர் நாயகம் அந்தோனியோ குட்டேரிஸ் நீதி விசாரணை கோரிக்கை .......

சாத்தான் குளம் ஜெயராஜ் பெனிக்ஸ் போலீஸ் கொலைகள் பற்றி
நேர்மையான நீதி விசாரணையை கோரும் ஐ நா செயலாளர் நாயகம் அந்தோனியோ குட்டேரிஸ் ..... United Nations, July 11 (IANS) UN Secretary-General Antonio Guterres wants the death of a father and a son from Sathankulam in Tamil Nadu while in police custody with alleged signs of torture investigated, according to his Spokesperson Stephane Dujarric.
"Every death of all these cases as a principle need to be fully investigated," Dujarric said on Friday when he was asked about the deaths of P Jayaraj and his son J Fennix, allegedly due to torture by police after their arrest on June 19.

Human rights organisations have called for ensuring police accountability in India.
Human Rights Watch South Asia Director Meenakshi Ganguly said, "As the world responds with horror at the killing of George Floyd, it is important for authorities in India to also embark upon robust efforts to ensure police reform, accountability, and putting an end to the culture of impunity."
 https://www.outlookindia.com/…/un-chief-wants-satha…/1892245

குஜராத் காங்கிரஸ் செயல் தலைவராக 26 வயது ஹர்திக் பட்டேல் நியமனம்.. சோனியா அதிரடி முடிவு!

Shyamsundar  - tamil.oneindia.com :அஹமதாபாத்: குஜராத் மாநில காங்கிரஸ் கட்சியின் செயல் தலைவராக ஹர்திக் பட்டேல் நியமனம் செய்யப்பட்டு உள்ளார். காங்கிரஸ் கட்சியின் தற்காலிக தலைவர் சோனியா காந்தி தலைமையில் இன்று அதன் கமிட்டி கூட்டம் நடைபெற்றது. இதில் பல்வேறு முக்கிய முடிவுகள் எடுக்கப்பட்டது.
நாடு முழுக்க மணிப்பூர் உள்ளிட்ட பல்வேறு காங்கிரஸ் கட்சியின் பிரிவுகளுக்கு புதிய உறுப்பினர்கள் நியமனம் செய்யப்பட்டனர். அதன் ஒரு படியாக குஜராத் மாநில காங்கிரஸ் கட்சியின் செயல் தலைவராக ஹர்திக் பட்டேல் நியமனம் செய்யப்பட்டு உள்ளார். தற்போது அந்த கட்சியின் தலைவராக அமித் சாவ்டா உள்ள நிலையில் ஹர்திக் பட்டேல் செயல் தலைவராக நியமனம் செய்யப்பட்டுள்ளார்.
2015ல் குஜராத்தில் பட்டேல் ஜாதி மக்கள் போராட்டம் நடத்தினார்கள். இடஒதுக்கீடு உள்ளிட்ட பல்வேறு கோரிக்கைகளை முன்னிறுத்தி அவர்கள் போராட்டம் செய்தனர். இந்த போராட்டத்தை, பட்டேல் குழுவில் இளம் தலைவர் ஹர்திக் பட்டேல் முன்னின்று நடத்தினார்.
இவருக்கு 26 வயதுதான் ஆகிறது. இந்த போராட்டத்திற்கு பின் இவர் பெரிய அரசியல் தலைவராக உருவெடுத்தார்.

அமிதாப் பச்சனுக்கும் அபிசேக் பச்சனுக்கும் கரோனா!!

நக்கீரன் : பாலிவுட் நடிகர் அமிதாப் பச்சனுக்கு கரோனா உறுதி செய்யப்பட்டு, மருத்துவமனையில் அனுமதிக்கப்பட்டு உள்ளார் என்ற தகவல் வெளியாகியுள்ளது. கரோனா பாதிக்கப்பட்டுள்ள அமிதாப் பச்சன், மும்பை நானாவதி மருத்துவமனையில் அனுமதிக்கப்பட்டுள்ளார். அமிதாப் பச்சன் குடும்பத்தினருக்கும் கரோனா பரிசோதனை செய்யப்பட்டுள்ளது. ஆனால் முடிவுகள் இன்னும் வரவில்லை என்ற தகவல்கள் தற்போது வெளியாகியுள்ளது.

நடுரோட்டில் கவிழ்ந்த லாரி: காயம் அடைந்தவர்களை கவனிக்காமல் மது பாட்டில்களை திருடிய மக்கள்

மின்னம்பலம் : வேடசந்தூர் அருகே டயர் வெடித்து நடுரோட்டில் மினி லாரி கவிழ்ந்து விபத்துக்குள்ளானது. விபத்துக்குள்ளானவர்களைப்  பற்றி கவலைப்படாமல் வண்டியில் இருந்த மதுபாட்டில்களை மக்கள் அள்ளிச் சென்றது பரபரப்பை ஏற்படுத்தியுள்ளது.
திண்டுக்கல் தாமரைப் பாடியில் உள்ள டாஸ்மாக் குடோனில் இருந்து வேடசந்தூர் அருகே உள்ள பூத்தாம்பட்டி, எரியோடு, தென்னம்பட்டி ஆகிய மதுபானக் கடைகளுக்கு மதுபாட்டில்களை ஏற்றிக் கொண்டு மினி லாரி ஒன்று நேற்று முன்தினம் (ஜூலை 10) மாலை சென்று கொண்டிருந்தது. அந்த லாரியை திண்டுக்கல் பொன்மாந்துறையை சேர்ந்த பரமசிவம் என்பவர் ஓட்டினார். அவருடன் பணியாளர்கள் விஜயன், குமரேசன் ஆகியோரும் சென்றனர்.
திண்டுக்கல் - கரூர் நான்கு வழிச்சாலையில், வேடசந்தூர் அருகே உள்ள விட்டல்நாயக்கன்பட்டி என்னுமிடத்தில் சென்றுகொண்டிருந்த மினி லாரியின் பின்பக்க டயர் வெடித்தது. இதில் டிரைவரின் கட்டுப்பாட்டை இழந்த லாரி தாறுமாறாக ஓடி, நடுரோட்டில் கவிழ்ந்து விபத்துக்குள்ளானது.

கேரளா தங்கக் கடத்தல் வழக்கு ஸ்வப்னா சுரேஷ் கைது

கேரள     samayamtamil : தங்கக் கடத்தல் வழக்கில் குற்றம் சாட்டப்பட்ட ஸ்வப்னா சுரேஷ் மற்றும் சந்தீப் நாயர் ஆகியோரை தேசிய புலனாய்வு முகமை (என்.ஐ.ஏ) சனிக்கிழமை பெங்களூருவில் கைது...
கேரள தங்கக் கடத்தல் வழக்கில் குற்றம் சாட்டப்பட்ட ஸ்வப்னா சுரேஷ் மற்றும் சந்தீப் நாயர் ஆகியோரை தேசிய புலனாய்வு முகமை (என்.ஐ.ஏ) சனிக்கிழமை பெங்களூருவில் கைது செய்தது.
போக்குவரத்து அனுமதி பெறுவதற்காக ஸ்வப்னா சுரேஷ் மற்றும் சந்தீப் நாயர் இருவரும் பெங்களூரு நீதிமன்றத்தில் ஆஜர்படுத்தப்படுவார்கள். பின்னர், கொச்சியில் உள்ள என்.ஐ.ஏ அலுவலகத்திற்கு கொண்டு செல்லப்படுவார்கள் என்றும் அதிகாரப்பூர்வ வட்டாரங்கள் தெரிவித்தன.