மதிமுக-வின்
நாமக்கல் மாவட்டச் செயல்வீரர்கள் கூட்டம் திருச்செங்கோட்டில் கடந்த வாரம்
புதன்கிழமை நடைபெற்றது. இதில் பங்கேற்ற வைகோ, ‘தமிழ்நாட்டில் ஜனநாயகம்
தூக்கி எறியப்பட்டுள்ளது. ஜனநாயகத்துக்கும் பணநாயகத்துக்கும் நடந்த
போட்டியில் நூலிழையில் வெற்றி பெற்றுள்ளனர். ஊடகங்களும் பலியானது. இது
தமிழ்நாட்டு அரசியலின் சாபக்கேடு. ஊடகங்களும், பத்திரிகைகளும்
ஒத்துழைத்திருந்தால் நாம் ஆட்சியைக் கைப்பற்றியிருக்கலாம்’ என்றார்.
இந்நிலையில் தமக்கு ஒத்துழைக்காத ஊடகங்களை விட ஒத்துழைக்கும் ஊடகத்தை நாமே
உருவாக்கினால் என்ன? என கருதிய மதிமுக-வின் முயற்சிகளில் பூத்துள்ளது
‘மதிமுகம்’ எனும் புதிய ஊடகம். இது முழுக்க முழுக்க மதிமுக-வின் ஊடகமாகும்.மக்கள் நல கூட்டணியை உருவாக்கி விஜயகாந்தையும் கந்தல் ஆக்கியதற்கு கிடைத்த கூலிப்பணம் வெளியே வருகிறது வரும் ஜூலை 14இல் இது ஒளிபரப்பைத் தொடங்குகிறது. அதிமுக-வின் ஜெயா டிவி, திமுக-வின் கலைஞர் டிவி, தேமுதிக-வின் கேப்டன் டிவி, பாமக-வின் மக்கள் டிவி, இந்திய ஜனநாயகக் கட்சியின் புதிய தலைமுறை டிவி, விசிக-வின் வெளிச்சம் டிவி, நாம் தமிழர் கட்சியின் தமிழன் டிவி என பல டிவி சேனல்களை தொடர்ந்து மதிமுக-வின் மதிமுகம் ஒளிபரப்பைத் தொடங்க உள்ளது. ‘மதிமுக’ உடன் ‘ம்’ என்ற எழுத்தை மட்டும் இணைத்து ‘மதிமுகம்’ ஆக்கிவிட்டனர். ‘இது செய்திகளை மட்டும் வழங்காமல் பொழுதுபோக்கு நிகழ்ச்சிகளையும் வழங்கும். அரசியல் விவாதங்கள், சினிமா, செய்திகள் ஆகியவை மதிமுகம் டிவி சேனலில் ஒளிபரப்பாகும்’ என்று கூறிய வைகோ, ‘இது கட்சி சேனல் அல்ல’ என்றும் கூறியுள்ளார். இனி மதிமுக-வின் அறிக்கைகள், கூட்டங்கள், கொள்கைகள் போன்றவை முழுமையாக காணமுடியும் என்றும் இந்த டிவி சேனலை மக்களிடம் கொண்டு சேர்ப்பது நம் கையில்தான் உள்ளது என்றும் வைகோ கூறியுள்ளார். minnambalam.com
கருத்துகள் இல்லை:
கருத்துரையிடுக