ஜனாதிபதி ரணில் விக்கிரமசிங்கவை விசாரிக்க லண்டன் சென்ற போலீசாரின் செலவுகளை கேட்டு RTI மனு தாக்கல்

  Shanmugam Poothappar  :  ஜனாதிபதி ரணில் விக்கிரமசிங்கவை விசாரிக்க போலீசார் இங்கிலாந்து பயணம்: செலவு கேட்டு தகவல் அறியும் உரிமைச் சட்டத்தின் கீழ் மனு தாக்கல்!
முன்னாள் ஜனாதிபதி ரணில் விக்கிரமசிங்கா சம்பந்தப்பட்ட வழக்குடன் தொடர்புடைய லண்டனிலுள்ள பல்கலைக்கழகத்திற்கு இலங்கை அதிகாரிகள் மேற்கொண்ட விஜயம் தொடர்பாக, நாட்டின் தகவல் அறியும் உரிமைச் சட்டத்தின் கீழ் காவல்துறையினரிடம் தகவல் கோரியதாக திலினி ரணசிங்க என்ற நபர் கூறுகிறார்.
காவல்துறைக்கு வெளியே செய்தியாளர்களிடம் பேசிய ரணசிங்க, இலங்கையின் எட்டாவது நிறைவேற்று ஜனாதிபதியை சிறையில் அ டைப்பது தொடர்பான வழக்கு தொடர்பாக அதிகாரிகள் இங்கிலாந்துக்குச் சென்றதாக வெளியான செய்திகள் தொடர்பான உண்மைகளை உறுதிப்படுத்த இலங்கை காவல்துறைக்குச் சென்றதாகக் கூறினார்.

நீதிபதி ஹரிஷ் வைத்தியநாதன் சங்கர் + நீதிபதி சுப்பிரமணியம் பிரசாத்! இரண்டு கருங்காலிகள்

Gauthaman Munusamy  :   நேற்று, உன்னாவ் தலித் சிறுமி பாலியல் வன்புணர்வு வழக்கில் ஆயுள் தண்டனை விதிக்கப்பட்ட முன்னாள் பாஜக எம்.எல்.ஏ குல்தீப் செங்காருக்கு  2 டெல்லி உயர் நீதிமன்ற நீதிபதிகள் தண்டனையை நிறுத்தி, அவருக்கு பிணை வழங்கியும் உத்தரவிட்டதை பற்றி எழுதியிருந்தேன். 
பதிவின் லிங்க் கீழே 
இந்த ஆணையை வழங்கிய இரண்டு நீதிபதிகள் யார், இவர்கள் பின்னணி என்ன என்று பார்த்தால்....
நீதிபதி ஹரிஷ் வைத்தியநாதன் சங்கர்
🔸கோத்ரா கலவரம் வழக்கில் குஜராத் அரசு சார்பில் ஆஜரான சிறப்பு அரசு வழக்கறிஞர்.
🔸ராமஜென்மபூமி வழக்கு வழக்கில் கோயில் கட்ட வேண்டும் என்று வாதிட்ட வழக்கறிஞர்.
🔸 மார்ச் 2025ல் "பிராமண சமூகங்கள் இந்து மறுமலர்ச்சியுடன் வரலாற்று உறவுகளைக் கொண்டுள்ளன" என்ற சர்ச்சைக்குரிய அறிக்கை:

ஸ்ரீதர் வேம்பு விவகாரத்து வழக்கு.. ரூ.15,288 கோடிக்கு ‛பாண்ட்' செலுத்த அமெரிக்க நீதிமன்றம் உத்தரவு

 tamil.oneindia.com  - Nantha Kumar R  : வாஷிங்டன்: ஜோஹோ நிறுவனத்தின் நிறுவனரான ஸ்ரீதர் வேம்பு மற்றும் அவரது மனைவி பிரமிளா சீனிவாசன் ஆகியோரின் விவாகரத்து வழக்கு அமெரிக்காவின் வாஷிங்டனில் உள்ள நீதிமன்றத்தில் நடந்து வருகிறது. 
இந்த வழக்கை விசாரித்த நீதிமன்றம் ரூ.15,288 கோடிக்கு(1.7 பில்லியன் டாலர்) ‛பாண்ட்' தாக்கல் செய்ய அதிரடியாக உத்தரவிட்டுள்ளது. இதன் பின்னணி பற்றி இங்கு பார்க்கலாம்.
உலகின் முன்னணி ஐடி நிறுவனங்களில் ஒன்றாக ஜோஹோ செயல்பட்டு வருகிறது. 
இந்த நிறுவனம் நம் நாட்டை தலைமையிடமாக கொண்டு உலகம் முழுவதும் செயல்பட்டு வருகிறது. 

பாலகிருஷ்ணா மேனன் என்கின்ற சின்மயானந்தா - விவேகானந்தர் பாறை . இலங்கை ஆஞ்சனேயர் சீதா கோயில்களும் அதன் கட்டுக்கதை வசனம் டைரெக்ஷன்!

ராதா மனோகர்  1942 இல் கேரளாவில் திரு பாலகிருஷ்ண மேனன் என்ற இளைஞர் காங்கிரசின் குயிட் இந்தியா Quit India  இயக்க நடவடிக்கையில் ஈடுபட்டார் . 
அந்த இயக்கத்தின் துண்டு பிரசுரங்களை விநியோகித்தார் 
இவரை கைது செய்யும் நோக்கோடு போலீஸ் தேடிய பொழுது தப்பி ஓடி அன்றய இந்தியாவின் வடமேற்கு எல்லையில் உள்ள அபோத்தாபாத் (இன்றைய  பாகிஸ்தான்)  Abbottabad  என்ற சிற்றூரில் ஒழிந்திருந்தார்.
பிற்காலத்தில் இந்த ஊரில் வைத்துதான் ஒசாமா பின் லாடனை அமெரிக்கா போட்டு தள்ளியது.
இந்த கிராமத்தில் இரண்டு வருடங்கள் ஒழித்திருந்த பின்பு போலீஸார் தன்னை மறந்து விடுவார்கள் என்ற நம்பிக்கை ஏற்பட வேறு சில இளைஞர்களோடு பஞ்சாபுக்கு வந்தார்.
ஆனால் அங்கு இவரும் இவரது நண்பர்களும் போலீசிடம்  பிடிபட்டு சிறையில் அடைக்கப்பட்டார்கள்.

முலைவரிபோட்ட மலையாளிகளையும், அந்த கேவலத்துக்குப்பொறவும் இந்துமதத்தை தூக்கிப்புடிக்கிற ..

 புகச்சோவ் புகச்சோவ்  : ஊளப்பயவுள்ளய....!
1, சுசீந்திரம் அபிராமி ஆச்சியை ஆற்றின்கல் அம்மவீட்ல அடச்சிவச்சிட்டு, அவ புள்ளைக ராமன்தம்பி, கொச்சுராமன்தம்பி ரெண்டுபேரையும் சூழ்ச்சியா விருந்துக்கு கூப்புட்டு கொன்னுட்டு, தமிழச்சி அபிராமி ஆச்சியின் மகன்களுக்கு சொந்தமான வேணாட்டின் ஆட்சியை, மருமக்கத்தாயத்தின் பேரில்  கொள்ளையடித்த நம்பூதிரிமவன் மார்த்தாண்டவர்மாவை ஆதரிக்கிற கன்னியாக்குமரிக்கார ஊளைகளை, நான் திட்டினா மட்டும் நல்லாயிருவானுகளா என்ன....!
2, முலைவரி கட்டினவனுகளே!
முலைவரி விதித்த நம்பூதிரி நாயர்மார்களின் இந்துமதத்தை ஆதரிக்கிறான்னா....!!!!
அந்த கருமம்புடிச்ச கன்னியாக்குமரி ஊளைகளை, நான் திருந்துங்கடான்னு சொன்னா மட்டும், திருந்திருவானுகளா என்ன...!?
3, கோனாருக்கும், குறவருக்கும், குயவருக்கும், சவளக்காரருக்கும், நாடாருக்கும், ஈழவருக்கும், புலையருக்கும், தீயருக்கும் சொந்தமான சேரநாட்டின் சிற்றரசுகளை, சநாதன மதத்துக்காக ஒழித்துக்கட்டிவிட்டு, பத்மநாபனின் ராஜ்யத்தில் பிரமண ஷத்ரிய வைஷ்ய சூத்ரரை தவிர, வேறுயாருக்கும் ஆட்சியுரிமை இருக்கக்கூடாதுன்னு, வேணாட்டை திருவிதாங்கூர் ஷேத்ர ராஜ்யமாக்கினார்களே....!!!!

திமுக தொண்டர்கள் கூட்டணிக்கு எதிராய் பதிவுகளுக்கு போட வேண்டாம்.தலைவர்களிடம் பேசுங்கள்.

 Krithika Tharan :  அமைதியா இருந்தாலே போதும்
உண்மையை சொன்னால் இணையத்தில் எனக்கு காங்கிரசை விட தி.மு.க நட்புகள் அதிகம். நேரிலுமே அவர்களே அதிகம். கட்சி ரீதியாகவே காங்கிரஸ் நட்புகள் இப்போ அதிகமாகி வருகின்றனர். 
அதுவும் கர்னாடகத்தில் அதிகம்.
தேர்தலில் பல தொகுதிகளில் வேலை பார்த்த நேரடி அனுபவம் உண்டு. இருபக்க சிக்கல்களையும் பார்த்துள்ளேன். கட்சியே இல்லாமல் சிவிக் சொசைட்டி மூலமாகவும், சக்தி அபியான் வழியாக மொழி தெரியாத மாநிலங்களிலும் வேலை செய்துள்ளேன்.
அதைத் தவிர பேட்டிகள், மீடியா நட்புகள் மூலமாய் கள நிலவரத்தை தலைவர்களிடம் எப்படியாவது கொண்டு சேர்த்து விடுவேன். 
இதற்காகவே என் வாட்ஸ் ஆப் செய்திகளை பார்த்து பதில் அளிப்பவர்கள் பலர் உண்டு. கனெக்ட் இங்கு முக்கியம். யாரிடம் சொன்னால் செய்தி போகும் என்பதும் அதன் எதிர்வினையை மீடியாவில் கவனிக்கலாம். அதுக்கெல்லாம் நமக்கு நல்ல பெயர் கிடைக்காது. நல்லது நடக்கணும் என செய்வது. இதன் மூலம் பல கட்சி நட்புகள் உண்டு.
இப்போ தி.மு.க, காங்கிரஸ் சிக்கல்களை இந்த அனுபவம் மூலமாய் கவனிக்கிறேன்.

திராவிடர்-தமிழர் சொல்லுக்கான 50 நிமிட விளக்கம்! இதுக்கு மேல தெளிவா விளக்க முடியாது!!

Adharmam manoj@Eri-Oliyan-Vaenthi : பஞ்சாப்காரன் ஆரிய மரபணு பஞ்சாபி பேசுபவன்.
ஹரியானாகாரன் ஆரிய மரபணு ஹரியான்வி பேசுபவன்.
குஜராத்திக்காரன் ஆரிய மரபணு குஜராத்தி பேசுபவன்.
தமிழன் திராவிட மரபணு தமிழ் பேசுபவன்.
தெலுங்கன் திராவிட மரபணு தெலுங்கு மொழி பேசுபவன்
கன்னடன் திராவிட மரபணு கன்னட மொழி பேசுபவன்.
தமிழ் பார்பனர்கள் ஆரிய மரபணு, சமஸ்கிருத மொழி பேசுபவன் 
குஜராத்தி பார்பனர்கள் ஆரிய மரபணு சமஸ்கிருத மொழி பேசுபவன்
UP பார்ப்பனர்கள் ஆரிய மரபணு சமஸ்கிருத மொழி பேசுபவன்.
இப்போ சீமான் இரண்டு பிரச்னை பண்ணுகிறான்.
பார்பனன் தமிழன் என்கிறான். 
ஆனால் சீமானுக்கு தெரிவிக்க வேண்டியது பார்பனர்கள் ஆரிய மரபணு உடையவர்கள், 

ஜனநாயகன் ரிலீஸ் ஒத்திவைப்பு ! பராசக்தி முன்பதிவும் நிறுத்திவைப்பு!

 மின்னம்பலம்- Kavi : தணிக்கை சான்றிதழ் கிடைக்காததால் சிக்கலை எதிர்கொண்டுள்ள ஜனநாயகன் பட ரிலீஸ் தேதி ஒத்திவைக்கப்பட்டுள்ளது .
நடிகர் விஜய்யின் கடைசி படமான ஜனநாயகன் திரைப்படம் வரும் ஜனவரி 9ஆம் தேதி வெளியாகும் என்று தயாரிப்பு நிறுவனமான கேவிஎன் புரொடக்‌ஷன் அறிவித்தது.
ஆனால் மத்திய திரைப்பட தணிக்கை வாரியம், ஜனநாயகன் படத்துக்கு தணிக்கை சான்றிதழ் வழங்கவில்லை.
இதுதொடர்பாக பட தயாரிப்பு நிறுவனம் சென்னை உயர் நீதிமன்றத்தில் தொடர்ந்த வழக்கில் தீர்ப்பு ஜனவரி 9ஆம் தேதி வழங்கப்படும் என்று நீதிபதி ஆஷா கூறியிருக்கிறார்.

அமெரிக்க அதிபர் ட்ரம்ப் பதவிக்கு இடைத்தேர்தல் ஆபத்து? பதவி போய்விடும் என்று ட்ரம்ப் புலம்பல்

 தினமலர் : வாஷிங்டன்: இடைக்காலத் தேர்தலில் குடியரசுக் கட்சி வெற்றி பெறாவிட்டால் நான் பதவி நீக்கம் செய்யப்படுவேன், என்று அமெரிக்க அதிபர் டொனால்டு டிரம்ப் சொந்த கட்சியினரிடையே புலம்பித் தள்ளியுள்ளார்.
அமெரிக்காவில் புதிய அதிபர் தேர்வு செய்யப்பட்ட பின், அவர் இரண்டாவது ஆண்டை நிறைவு செய்யும் நேரத்தில் இடைக்கால தேர்தல் நடப்பது வழக்கம்.  
இந்த தேர்தல் என்பது அமெரிக்காவில் கீழ்சபையான காங்கிரசில் 435 இடங்களுக்கும், மேல்சபையான செனட்டில் உள்ள 100 இடங்களில் 3ல் ஒரு பகுதியான, 33 இடங்களுக்கும் நடக்கும்.

பாஜக ஆட்சி அமைய எடப்பாடி பாடுபடுகிறார் : முதல்வர் ஸ்டாலின் - அமித்ஷா செய்த நல்ல காரியம் : நன்றி சொன்ன முதல்வர் ஸ்டாலின்

 மின்னம்பலம் -Kavi : திண்டுக்கல் மாவட்டம், வேலுநாச்சியார் வளாகத்தில் இன்று (ஜனவரி 7) நடைபெற்ற அரசு விழாவில்  முதல்வர் ஸ்டாலின் கலந்துகொண்டார். 
அப்போது முடிவுற்ற பணிகளை திறந்து வைத்து, புதிய திட்டப் பணிகளுக்கு அடிக்கல் நாட்டி, பல்வேறு துறைகளின் சார்பில் பயனாளிகளுக்கு அரசு நலத்திட்ட உதவிகளை வழங்கினார். 
அமைச்சர்களுக்கு பாராட்டு
பின்னர் நிகழ்ச்சியில் உரையாற்றிய அவர்,  “எங்களைப் பொறுத்தவரையில், இது ‘ஐ.பி.’ மாவட்டம். திண்டுக்கல் பூட்டு எவ்வளவு உறுதியானதோ, அதே அளவிற்கு உறுதியுடன் இந்த மாவட்டத்தை கட்டிக் காத்து, வளர்ச்சியை நோக்கி அழைத்துச் சென்று கொண்டிருக்கிறார் நம்முடைய  அமைச்சர் ஐ.பி.

திராவிட தோழர்களுக்கு இருக்கும் ஈழ உணர்வு ஏன் புலம்பெயர் தமிழருக்கு இல்லை

 ராதா மனோகர் : தோழர் அருள்மொழியின் இந்த பேட்டியில் நாம் முக்கியமாக கவனிக்க வேண்டிய சில விடயங்கள் உள்ளன!
போராட்ட காலங்களில் ஏறக்குறைய எல்லா திராவிட அமைப்புக்களுக்கும் புலிகளையே ஆதரித்து நின்றனர்.
அவர்களின் சகோதர படுகொலைகள் இஸ்லாமிய இனச்சுத்திகரிப்பு போன்ற அக்கிரமங்களை கண்டும் காணாதது போல நடந்த கொண்டமை மிகப்பெரிய சோகம்.
ஆனால் நாம் அதை இப்போது கடந்து போகவேண்டியது காலத்தின் கட்டாயமாகும்.
திராவிட இயக்கங்களின் ஆதார கோட்பாடே சுயமரியாதைதான் - சமூகநீதிதான் -சுயசிந்தனைதான்!   
இதில் எந்த புரிதலும் அற்ற துரோகிஸ்தானியர்களை திராவிட சித்தாந்தவாதிகள் ஆதரித்தமை திருத்தவே முடியாத ஒரு வரலாற்று தவறுதான்.
இப்போது அவர்களில் பலரும் இது பற்றி சிந்திக்கிறார்கள்.
மறுபரிசீலனை செய்கிறார்கள்.

திருப்பரங்குன்றம் தீபத்துாணில் தீபம் ஏற்ற வேண்டும்; தமிழக அரசின் அப்பீல் மனு தள்ளுபடி

 தினமலர் :  மதுரை : திருப்பரங்குன்றம் மலை தீபத்துாணில் கார்த்திகை தீபம் ஏற்ற வேண்டும் என்று கோரிய வழக்கில் , அரசின் மேல் முறையீட்டு மனுக்கள் தள்ளுபடி செய்யப்பட்டன . நீதிபதி ஜி . ஆர் . சுவாமிநாதன் தீர்ப்பை உறுதி செய்யும் வகையில் இரு நீதிபதிகள் கொண்ட பெஞ்ச் இன்று தீர்ப்பு வழங்கியது
திருப்பரங்குன்றம் மலை உச்சியிலுள்ள தீபத்துாணில் கார்த்திகை தீபம் ஏற்ற வேண்டும் என , தனி நீதிபதி ஜி . ஆர் . சுவாமிநாதன் உத்தரவு பிறப்பித்தார் .

CBI பிடியில் சிக்கிய விஜய்! விசாரணையில் நடந்தது என்ன? நக்கீரன் கோபால் பேட்டி

 நக்கீரன் :   கரூர் மாவட்டம் வேலுச்சாமிபுரத்தில் கடந்த செப்டம்பர் 28ஆம் தேதி இரவு நடைபெற்ற தவெக தலைவர் விஜய்யின் பிரச்சார கூட்டத்தில் கூட்ட நெரிசல் ஏற்பட்டு பெண்கள், குழந்தைகள் உட்பட 41 பேர் உயிரிழந்தனர். 
இந்த சம்பவம் நாடு முழுவதும் பெரும் அதிர்ச்சியை ஏற்படுத்தியது. இந்த சம்பவம் தொடர்பாக சிபிஐ விசாரணை நடத்த உச்ச நீதிமன்றம் உத்தரவிட்டது.
 மேலும், ஓய்வு பெற்ற நீதிபதி அஜய் ரஸ்தோகி தலைமையில் 3 பேர் கொண்ட ஆணையத்தை அமைத்து ஓய்வு பெற்ற நீதிபதி அஜய் ரஸ்தோகி மேற்பார்வையில் சி.பி.ஐ. விசாரணை நடத்த வேண்டும் என்றும் உத்தரவிட்டது.

பராசக்தி - 1965 இந்தி திணிப்பு போராட்டம் இலங்கை தமிழ் அரசியலுக்கு உதவியது

 ராதா மனோகர் : 1965 இல் நடந்த  இந்தி திணிப்புக்கு எதிரான போராட்டம் தமிழகத்தில் வெடித்தது.
இதற்கு முன்பே 1939 இலும் இந்தி எதிர்ப்பு போராட்டம் தமிழகத்தில் தீவிரமாக நடந்தது. 
65 இல் நடந்த போராட்டத்தை மையமாக வைத்து  புதிய பராசக்தி திரைப்படம் வெளியாக உள்ளது 
இது சாதாரண மக்களுக்கும் வரலாற்று ஆர்வலர்களுக்கும் பெரும்   ஆர்வத்தை தூண்டி இருக்கிறது! 

இது பற்றி அந்த கால இலங்கை பத்திரிகைகளில் இச்செய்திகள் எப்படி வெளியாகி இருக்கும் என்ற ஆவலின் காரணமாக தேடியதில் பல செய்திகள் கிடைத்தன 
இந்த போராட்டம் இலங்கை தமிழ் மக்களிடையே பெரும் எழுச்சியையும் உணர்ச்சியையும்  எழுப்பி இருந்தது.
அந்த காலக்கட்டங்களில் வியட்நாமில் பௌத்த மதத்திற்கு எதிராக பல அடக்கு முறைகள் நடந்துள்ளன.
அதற்கு இலங்கை சர்வதேச மட்டத்தில் பல கண்டன குரல்களை எழுப்பி இருந்தது 

குடியிருக்கும் வீட்டை கொழுத்தி குளிர் காயும் தமிழக காங்கிரஸ்

 Uma Pa Se  :  சொந்த அண்ணன் அழகிரியையே arms distance ல் வைக்க முடிந்த ஸ்டாலினால், 
நிச்சயமாக நட்புணர்வினால் brother என்று சொல்லும் Rahul Gandhi யை arms distance ல் அல்லது தாராளமா எங்க போக பிடிச்சிருக்கோ அங்க நல்லா இருங்க என்று அனுப்பி வைக்க இயலும். இயலவும் வேண்டும்.
குரங்கு குட்டியை விட்டு ஆழம் பார்க்கும் என்பார்கள்.
அவ்வாறான குட்டிகள் தான் மாணிக்க தாகூர், இந்த பிரவீன் சக்கரவர்த்தி வகையறா எல்லாம். அவர்களுக்கான கண்டனங்களோ எதிர்வினையோ Congress high command கொடுத்த பாடில்லை. 
இத்தனைக்கும் எவ்வித blackmail politcsக்கும் இடம் கொடுக்காத ஆள் தான் மு.க ஸ்டாலின். அப்படி இருக்கையில் போயும் போயும் உத்திரபிரதேசம் உத்தம தேசம் என்று மண்டிபோட்டு மானசீகமாய் தொழும் ஆட்களுக்கு கூட்டணிமேல் மரியாதை எல்லாம் இருக்க வாய்ப்பில்லை.
இத்தனைக்கும் இவர்தான் கரூர் விவகாரத்தில் Hotline போட்டு விஜயை ராகுல் காந்தியிடம் பேச வைத்தவர் என்று பில்ட் அப் எல்லாம் கொடுத்தார்கள். அவ்வாறன ஆள் தான் இந்த உத்திரபிரதேசம் வாழ்க என்கிறார். 

இலங்கை மீண்டும் நிதி வங்குரோத்து அடையுமா?

 வீரகேசரி : 2022 பொருளாதார வீழ்ச்சியிலிருந்து மீண்டு வந்த இலங்கைக்கு, 2025 நவம்பரில் தாக்கிய ‘தித்வா’ புயல் புதிய சவாலாக அமைந்துள்ளது.
4.1 பில்லியன் டொலர் நேரடிச் சேதங்கள் மற்றும் 3.7 லட்சம் வாழ்வாதார இழப்புகள் ஏற்பட்டுள்ள நிலையில், நாடு மீண்டும் வங்குரோத்து நிலையை அடையுமா என்ற அச்சம் எழுந்துள்ளது.
121 சர்வதேச நிபுணர்கள் கடன் மீள்செலுத்துகையை நிறுத்தி, புதிய கடன் மறுசீரமைப்புக்குச் செல்ல வலியுறுத்துகின்றனர்.
இருப்பினும், 2022 போன்ற திட்டமிடல் சீர்குலைவு தற்போது இல்லை எனவும், இந்தியாவின் 450 மில்லியன் டொலர் போன்ற சர்வதேச உதவிகள் கிடைப்பதாலும் மீள முடியும் என உள்நாட்டு நிபுணர்கள் கருதுகின்றனர்.

நகைமுகன் - தமிழகத்தின் கோடரிக்காம்பு -விஷங்களை விதைத்த நஞ்சுமுகன்

 Giri Sundar  :  திமுக ஆட்சியைக் கலைக்க 'காரணம்' காட்டிய கைக்கூலி... 'யார் தமிழர்' எனும் நச்சு விதையை முதலில் விதைத்தவர் - நகைமுகன்! (14 Mar 2016 காலமானார்) 
தமிழக அரசியலில் இன்று நாம் காணும் பல குழப்பங்களுக்கும், பிரிவினைவாத பேச்சுகளுக்கும் "காப்புரிமை" (Patent) சொந்தக்காரர் ஒருவர் உண்டென்றால் அது நகைமுகன் தான்.
வெறும் ஆள்கடத்தல், ரியல் எஸ்டேட் ரவுடியாக மட்டுமே அறியப்பட்ட இவரின் அரசியல் முகம் அதைவிட ஆபத்தானது. 90-களின் இறுதியில் திமுக ஆட்சியைக் கலைக்கத் துடித்த டெல்லி சக்திகளுக்கும், தமிழகத்தில் சாதி-இன வேற்றுமையை உருவாக்க நினைத்தவர்களுக்கும் கிடைத்த மிகச்சிறந்த ஆயுதம் இவர்தான்.
1. திமுக ஆட்சியைக் கலைக்கத் தீட்டப்பட்ட 'நாடகம்':
90-களின் பிற்பகுதியில் கலைஞர் கருணாநிதி தலைமையிலான திமுக ஆட்சி நடந்து கொண்டிருந்த நேரம். எப்படியாவது "சட்டம் ஒழுங்கு சீர்குலைந்துவிட்டது", "தமிழகத்தில் தீவிரவாதம் தலைதூக்கிவிட்டது" என்று காரணம் காட்டி, 356-வது பிரிவின் கீழ் ஆட்சியைக் கலைக்க சுப்பிரமணிய சுவாமி உள்ளிட்ட டெல்லி மேலிடத் தலைவர்கள் துடித்துக் கொண்டிருந்தனர்.

இயக்குநர் பாரதிராஜா தீவிர சிகிச்சை பிரிவில்- மருத்துவமனை நிர்வாகம் அறிவிப்பு,

 மாலை மலர் :  'சிவப்பு ரோஜாக்கள்', 'கிழக்கு சீமையிலே', 'முதல் மரியாதை', 'வேதம் புதிது' என தனது படைப்புகளால் இந்திய சினிமாவையே கவனிக்க வைத்த இயக்குனர் பாரதிராஜா, தனது மகன் மனோஜ் மறைவுக்கு பிறகு (கடந்த மார்ச் மாதம்) மனமுடைந்து போனார்.
உடல்நலக்குறைவால் அவதிப்பட்டு வந்த பாரதிராஜாவுக்கு வீசிங் போன்ற சுவாச பிரச்சனைகளும் ஏற்பட்டதைத் தொடர்ந்து, சென்னை அமைந்தகரையில் உள்ள தனியார் மருத்துவமனையில் கடந்த வாரம் பாரதிராஜா அனுமதிக்கப்பட்டார். அங்கு அவருக்கு சிகிச்சை அளிக்கப்பட்டு வருகிறது.

திராவிட தலைவர் எல் கணேசனுக்கு வைகோ செய்த துரோகங்கள்

 வல்லம் பசீர்  :   பெரிய கருப்பு (வைகோ)  நீலிக்கண்ணீர் வடிகிறது .
எல்.ஜி என்ற மனிதர் இல்லாமல் போயிருந்தால் பெரிய கருப்பு (வைகோ) அரசியலில் எந்த அடையாளத்தையும் பெற்றிருக்காது . பேரறிஞர் பெருந்தகையிடம் பெரிய கருப்பை அறிமுகப்படுத்தியவர் எல்ஜி . திராவிட மாணவர் முன்னேற்ற கழகத்தில் பெரிய கருப்புக்கு (வைகோ)  துணைச் செயலாளர் பொறுப்பு வழங்கி அவருக்கு முகவரி தந்தவர் எல்.ஜி .  
பெரிய கருப்பு (வைகோ) முதன்முதலாக தேர்தலில் போட்டியிடும் வாய்ப்பை பெற்றுத்தந்தவர் எல்.ஜி .
பெரிய கருப்பு ( வைகோ) தனிக்கட்சி துவங்கி தமிழ்நாட்டு அரசியலில் நிலைபெற வேராகவும் , விழுதாகவும் இருந்தவர் எல்.ஜி . 
பெரிய கருப்பு ( வைகோ) சிறையில் இருந்த 19மாத காலம்  இயக்கத்தை கட்டிக்காத்தவர் எல்.ஜி .

கலைஞரின் பராசக்தி பெயரில் புதிய பராசக்தி வெளியாவது ஏற்புடையதா?

 ராதா மனோகர் : கலைஞரின் பராசக்தி பெயரை மீண்டும் பயன்படுத்தி பராசக்தி என்ற பெயரில் ஒரு படம் வெளியாகிறது!
பழைய நல்ல  படங்களின் பெயர்களை  மீண்டும் புதிய படங்களுக்கு சூட்டுவது 
ஒரு தவறான நடைமுறை!
அதிலும் கலைஞரின் பராசக்தி ஒரு பெரும் சமூக அரசியல் புரட்சிக்கு வித்திட்ட படம்!
புதிய பராசக்தியின் வரவு பழைய பராசக்திக்கு மீள்வரவை கொடுக்கும் என்பதில் சந்தேகம் இல்லை.
அதிலும் கண்ணை கவரும் வண்ண கலரில் கலைஞரின் பராசக்தி விரைவில் வரும் என்று நம்புகிறேன்!
பராசக்தி பற்றி சில நினைவுகள்  மீள் பதிவு :    திராவிட சினிமாக்கள் அரங்கேற்றிய சமூக புரட்சி பற்றி இன்று பெரிதாக பேசப்படுவதில்லை.
மாறாக ஆரிய பார்ப்பனீய சினிமாக்கள் ஏதோ மக்களின் நலன் சார்ந்த கருத்துக்களை விதைப்பதாக பொதுவெளியில் பரப்புரை நடக்கிறது
அன்றைய திராவிட சினிமாக்கள் வெறும் சமூக சீர்திருத்தங்களை தாண்டி ஒரு சிந்தனை புரட்சியை நடத்தி காட்டியிருக்கிறது

குஷ்பு : பாஜகவுக்கு மட்டுமல்ல சனாதனத்துக்கும், கடவுளுக்கும் எதிரி திமுகதான்!

 hindutamil.in  - செ.ஞானபிரகாஷ்  :  புதுச்சேரி: “நீங்கள் வெல்லும்போது மின்னணு வாக்குப்பதிவு இயந்திரம் சரியாக வேலை செய்கிறதா?” என்று காங்கிரஸ், திமுகவுக்கு நடிகை குஷ்பு கேள்வி எழுப்பினார்.
புதுச்சேரியில் பாஜக அனைத்து பிரிவுகளின் மாநாட்டில் இன்று மாலை பங்கேற்ற தமிழக பாஜக மாநில துணைத் தலைவர் குஷ்பு பேசியதாவது: “புதுச்சேரியில் பாஜக ஆட்சி நடக்கிறது என்று சொல்வது பெருமையாக இருக்கிறது. மோடியை திட்டுவதற்காக மட்டுமே எதிர்க்கட்சித் தலைவர் ராகுல் சிந்திக்கிறார்.

லாட்டரி மார்ட்டினை மிரட்டிய அமித்ஷா! அதிர்ச்சியில் ஆதவ்- சார்ல்ஸ்!

நக்கீரன் -இரா. இளையசெல்வன்  :  புதுச்சேரியில் லட்சிய ஜனநாயக கட்சி எனும் பெயரில் அரசியல் கட்சியை ஆரம்பித்துள்ள லாட்டரி தொழிலதிபர் மார்ட்டினின் மகன் ஜோஸ்சார்லஸ் மார்டின், கட்சி ஆரம்பித்த 20 நாட்களிலேயே கட்சியை நடத்த முடியாமல் திண்டாடிக் கொண்டிருக் கிறார். இந்த நிலையில், மத்திய அமைச்சர் அமித்சாவை சந்தித்துள்ளார் லாட்டரி அதிபர் மார்ட்டின். 
தனது பெயரின் முதல் எழுத்துக்களை வைத்து ஜே.சி.எம். எனும் பெயரில் மக்கள் மன்றத்தை நடத்தி வருபவர் ஜோஸ் சார்லஸ் மார்ட்டின். மக்களைச் சுரண்டி லாட்டரி பிசினஸில் கொழுத்த பணத்தை வைத்து இந்த மக்கள் மன்றத்தை நடத்திவந்த சார்லஸ், தமிழகத்தில் நடிகர் விஜய் கட்சி ஆரம்பித்ததைப் பார்த்து, புதுச்சேரியில் நானும் கட்சி ஆரம்பிப்பேன் என சொல்லி வந்தார். 

பேராசிரியர், சீனியர் மாணவிகளால் சித்ரவதை.. தலித் மாணவி உயிரிழப்பு - இமாச்சலப் பிரதேசத்தில் - வீடியோ ஆதாரம்

மாலை மலர் : இமாச்சலப் பிரதேசத்தில் உள்ள அரசு மருத்துவக் கல்லூரியில் முதலாம் ஆண்டு பயின்று வந்த தலித் மாணவி, பேராசிரியர் மற்றும் சீனியர் மாணவிகளின் துன்புறுத்தலால் உயிரிழந்த சம்பவம் அதிர்ச்சியை ஏற்படுத்தி உள்ளது.
இமாச்சல பிரதேசம் தர்மசாலாவில் உள்ள அரசு கல்லூரியில் பயின்ற 19 வயது தலித் மாணவி, ராகிங், பாலியல் துன்புறுத்தல் மற்றும் மன உளைச்சலால் சிகிச்சை பெற்று வந்த நிலையில் கடந்த டிசம்பர் 26ம் தேதி சிகிச்சை பலனின்றி உயிரிழந்தார்.
முன்னதாக அந்த மாணவி இறப்பதற்கு முன்பு கண்ணீர் மல்க பேசிய வீடியோ ஒன்று நேற்று வெளியாகி பெரும் அதிர்ச்சியை ஏற்படுத்தியுள்ளது.

திமுக - எல் கணேசன் காலமானார் - பழம்பெரும் திராவிட தலைவர்

 மின்னம்பலம் - Mathi  : திமுகவின் மூத்த தலைவர்களில் ஒருவரான எல்.கணேசன் என்ற எல்ஜி (வயது 92) மறைவைத் தொடர்ந்து அவரது உடலுக்கு திமுக தலைவரும் முதல்வருமான மு.க.ஸ்டாலின் நேரில் சென்று இறுதி மரியாதை செலுத்தினார்.
திமுகவின் முதுபெரும் தலைவர்களில் ஒருவர் எல்.கணேசன் (வயது 92). காவிரி டெல்டா மாவட்டங்களில் பேரறிஞர் அண்ணா காலம் முதல் திமுகவை வளர்த்தெடுத்த தளகர்த்தர். 1965 இந்தி திணிப்பு எதிர்ப்பு போரின் தளபதிகளில் ஒருவராக திகழ்ந்தவர். சட்டமன்றம், சட்ட மேலவை, மக்களவை, மாநிலங்களவை உறுப்பினராக பணியாற்றியவர். திமுகவின் உயர்நிலை செயல் திட்ட குழுவின் உறுப்பினராக இருந்து வந்தார்.

ஈ.பி.டி.பி தலைவர் டக்ளஸ் கைதும் பின்னணியும் - தேவானந்தாவுக்கு அடுத்து என்ன நேரப்போகிறது? – dbsjeyaraj

 டி.பி.எஸ். ஜெயராஜ் ; ஈழமக்கள் ஜனநாயக கட்சியின் (ஈ.பி.டி.பி.) தலைவரும் செயலாளர் நாயகமுமான டக்ளஸ் தேவானந்தா கைதுசெய்யப்பட்டு விளக்கமறியலில் வைக்கப்பட்டிருக்கிறார். 
முன்னாள் யாழ்ப்பாண மாவட்ட பாராளுமன்ற உறுப்பினரும் அமைச்சருமான அவர் டிசம்பர் 26 வெள்ளிக்கிழமை கொழும்பில் பொலிசாரால் கைது செய்யப்பட்டு மறுநாள் சனிக்கிழமை கம்பஹா மாஜிஸ்திரேட் முன்னிலையில் ஆஜர் செய்யப்பட்டபோது 2026 ஜனவரி 9 ஆம் திகதிவரை அவரை விளக்கமறியலில் வைக்குமாறு உத்தரவிடப்பட்டது. 
அதற்கு முன்னதாக மேலதிக விசாரணைகளுக்காக பயங்கரவாத தடைச்சட்டத்தின் கீழ் பெறப்பட்ட 72 மணி நேர தடுப்புக்காவல் உத்தரவின் கீழ் தடுத்து வைக்கப்பட்டிருந்தார்.
குற்றச்செயல் கும்பலைச் சேர்ந்த ஒருவருக்கு சுடுகலன் ஒன்றைக் கைமாற்றியதாக கூறப்படும் சம்பவம் தொடர்பாக இடம்பெற்று வரும் விசாரணை ஒன்று சம்பந்தமாகவே தேவானந்தா கைது செய்யப்பட்டதாக பதில் பொலிஸ் பேச்சாளர் உதவி பொலிஸ் அத்தியட்சகர் மினுர சேனரத் ஊடகங்களுக்கு கூறினார். தேவானந்தாவுக்கு வழங்கப்பட்டதாக கைத்துப்பாக்கி ஒன்று பாதாளஉலக குழுவின் தலைவரும் போதைப் பொருள் கடத்தல்காரருமான ‘ மகந்துரே மதுஷ் ‘ என்பவர் வசம் இருந்தது கண்டுபிடிக்கப்பட்டதாக கூறப்படுகிறது.

வெனிசுவேலா அதிபர் நிக்கோலஸ் மதுரோ அமெரிக்காவால் சிறைபிடிப்பு! அமெரிக்க நீதிமன்றத்தில் வழக்கு

 BBC News தமிழ்  : வெனிசுவேலா மீது அமெரிக்கா 'பெரிய அளவிலான தாக்குதலை' நடத்தியதாகவும், 'அதன் தலைவர், அதிபர் நிக்கோலஸ் மதுரோவையும் அவரது மனைவியையும் சிறைபிடித்ததாகவும்' அமெரிக்க அதிபர் டொனால்ட் டிரம்ப் தெரிவித்துள்ளார்.
வெனிசுவேலா அதிபர் நிக்கோலஸ் மதுரோ அமெரிக்க ராணுவத்தின் டெல்டா படையால் சிறைபிடிக்கப்பட்டதாக, பிபிசியின் அமெரிக்க கூட்டாளியான சிபிஎஸ் நியூஸிடம் அதிகாரிகள் தெரிவித்துள்ளனர்.
அதிபர் மதுரோவும் அவரது மனைவியும் இருக்கும் இடம் மற்றும் தாக்குதல்களால் ஏதேனும் உயிரிழப்புகள் ஏற்பட்டுள்ளதா என்பது இன்னும் தெரியவில்லை.

வீட்டில் டயாலிஸ் செய்யும் முறை- peritoneal dialysis

 ராதா மனோகர் : வீட்டில் டயாலிஸ் செய்யும் முறை.
சிறு நீரகம் செயல் இழந்து விட்டால் டயாலிஸ் செய்யப்பட வேண்டும் என்பது எல்லோருக்கும் தெரிந்ததுதான் 
அதில் உள்ள ஒரு இலகு வழியைத்தான் இங்கு கூறுகிறேன். 
மேற்கு நாடுகளில் இந்த  இலகு முறை பயன்பாட்டில் உள்ளது. 
ஆனால் என்னவோ நமது நாடுகளில் இன்னும் இது பெரிய அளவில் அறிமுகமாகவில்லை
peritoneal dialysis என்பது இலங்கை இந்தியா போன்ற நாடுகளில் இன்னும் பெரிதாக வழக்கத்திற்கு வரவில்லை..
Hemodialysis என்று கூறப்படும் குருதி சுத்திகரிப்பு முறையே பயன்பாட்டில் இருக்கிறது. 
ஹீமோ டயாலிசிஸ் முறை என்பது  மிகவும் செலவான சிக்கலான முறையாகும் ,

விடாது விஜய்’ . ஆட்டம் ஆடும் காங்கிரஸ்… மிரட்டும் ஸ்டாலினின் ‘லாஜிக்’ ரியாக்‌ஷன்! what going on

 minnambalam.com - Mathi  : வைஃபை ஆன் செய்ததும், “ஆடும் வரை ஆட்டம்” என்றபடியே டைப் செய்ய தொடங்கியது வாட்ஸ் ஆப்.
என்னய்யா.. எந்த கட்சி ’ஆட்டம்’ பலமா இருக்குது?
திமுக கூட்டணியில காங்கிரஸ் கேம்தான் செம்ம சூடா இருக்குதுய்யா.. திருச்சியில இருந்து வைகோ இன்னைக்கு சமத்துவ நடைபயணத்தை தொடங்கி இருக்கிறாரு இல்லையா?
இந்த நடைபயணத்தை சிஎம் ஸ்டாலின் தொடங்கி வைச்சாரு.. இதுல செல்வப்பெருந்தகை கலந்துக்குவாருன்னு இன்விடேஷன்ல பேரு இருந்துச்சு.. ஆனா திடீர்னு அவரு புறக்கணிச்சுட்டாரு..
என்ன காரணம்னு கேட்டா, “இந்த நடைபயண இன்விடேஷன்ல பிரபாகரன் போட்டோ போட்டுட்டாங்க.. அதனால காங்கிரஸ் புறக்கணிக்குதுன்னு” சொல்லி இருக்காங்க..
இதுக்கு முன்னாடி சிஎம் ஸ்டாலினை, செல்வப்பெருந்தகை புத்தாண்டை முன்னிட்டு நேத்து சந்தித்து பேசுனாரு.. அப்ப 2 முக்கியமான விஷயத்தை சொல்லி இருக்காரு..

ரணில் - சஜித் ஒன்றிணைகிறார்கள் . ஏனைய கட்சிகளையும் ஒன்றிணைக்க தீர்மானம்

 ஹிரு நியூஸ் :“சஜித்தின் தலைமையில் ரணிலின் ஆலோசனை!” – ஒன்றிணைகிறது ஐக்கிய தேசியக் கட்சி மற்றும் ஐக்கிய மக்கள் சக்தி; ஹரின் பெர்னாண்டோ அதிரடித் தகவல்.
ஐக்கிய மக்கள் சக்தி (SJB) மற்றும் ஐக்கிய தேசியக் கட்சி (UNP) ஆகியன ஒன்றிணைந்து பயணிப்பது தற்போது உறுதியாகியுள்ளதாக முன்னாள் அமைச்சர் ஹரின் பெர்னாண்டோ தெரிவித்துள்ளார்.
இந்தக் கூட்டணியின் முக்கிய அம்சங்கள்:
    தலைமைத்துவம்: இந்தப் புதிய அரசியல் பயணமானது சஜித் பிரேமதாசவின் தலைமையின் கீழும், ரணில் விக்ரமசிங்கவின் ஆலோசனையின் படியும் முன்னெடுக்கப்படவுள்ளது.
    ரணிலின் நிலைப்பாடு: முன்னாள் ஜனாதிபதி ரணில் விக்ரமசிங்க மீண்டும் நாடாளுமன்றம் வருவதற்கு ஆர்வம் காட்டவில்லை என்றும், ஒரு வலுவான கூட்டு எதிர்க்கட்சியை உருவாக்குவதே அவரது தற்போதைய நோக்கம் என்றும் ஹரின் குறிப்பிட்டுள்ளார்.
    கூட்டுப் பயணம்: இரண்டு பிரதான கட்சிகளும் இணைந்தாலும், ஏனைய சிறு கட்சிகளையும் உள்ளடக்கி ஒரு விரிவான கூட்டணியாகவே இது அமையும்.

திமுக அரசை விமர்சித்த பிரவீன் சக்கரவர்த்திக்கு 'கிளாஸ்' எடுத்த ப.சிதம்பரம்

 மின்னம்பலம் -Mathi  : இந்தியாவிலேயே அதிக கடன்களை வாங்கிய மாநிலம் தமிழ்நாட்டை ஆளும் திமுக அரசுதான் என்று விமர்சித்த காங்கிரஸ் கட்சியின் அகில இந்திய நிர்வாகி பிரவீன் சக்கரவர்த்திக்கு அக்கட்சியின் மூத்த தலைவர்களில் ஒருவரான முன்னாள் மத்திய அமைச்சர் ப.சிதம்பரம் எதிர்ப்பு தெரிவித்துள்ளார்.
காங்கிரஸ் கட்சியின் அகில இந்திய நிர்வாகிகளில் ஒருவரான பிரவீன் சக்கரவர்த்தி, இந்தியாவிலேயே தமிழ்நாடுதான் அதிக கடன் வாங்குகிறது; உத்தரப்பிரதேசத்தைவிட தமிழ்நாடு அதிக கடன் வாங்குகிறது என பதிவிட்டிருந்தது பெரும் சர்ச்சையானது. பிரவீன் சக்கரவர்த்திக்கு தமிழக காங்கிரஸ் கமிட்டித் தலைவர் செல்வப்பெருந்தகை உள்ளிட்டோர் கடும் கண்டனம் தெரிவித்திருந்தனர்.

சிங்களரும் தமிழரும் ஒன்றே இலங்கை சிங்கள மக்களின் மரபணு வரலாறு

 Rajasekar Pandurangan :  சிங்களரும் தமிழரும் ஒன்றே
இலங்கை சிங்கள மக்களின் மரபணு வரலாறு: புதிய ஆய்வுகள் வெளிப்படுத்தும் உண்மைகள் என்ன?
இலங்கைத் தீவானது பல்லாயிரம் ஆண்டுகளாக பல்வேறு கலாச்சாரங்கள், மொழிகள் மற்றும் இனங்களின் சங்கமமாகத் திகழ்ந்து வருகிறது.
 இந்தியாவின் தென்கோடியில் அமைந்துள்ள இந்த அழகிய தீவு, 
வரலாற்றின் பக்கங்களில் எப்போதும் ஒரு முக்கிய இடத்தைப் பிடித்துள்ளது. 
இலங்கையின் மக்கள்தொகையில் பெரும்பான்மையாக உள்ளவர்கள் சிங்கள மக்கள் ஆவர். இவர்களின் தோற்றம், வரலாறு மற்றும் இவர்களுக்கும் இந்தியாவின் பிற பகுதிகளுக்கும் உள்ள தொடர்பு குறித்து பல நூற்றாண்டுகளாக விவாதங்கள் நடைபெற்று வருகின்றன.
மகாவம்சம் போன்ற வரலாற்று நூல்கள் சிங்களவர்களின் தோற்றத்தை வட இந்தியாவுடன் இணைக்கின்றன. அதேவேளையில், புவியியல் ரீதியாக அவர்கள் தென் இந்தியாவுடன் நெருங்கிய தொடர்புடையவர்கள். இந்த இரண்டு கருத்துக்களில் எது சரியானது? 
அல்லது இரண்டுமே உண்மையானதா? 

டயான் ஜயதிலக்க : காணாமல்போன சகல துப்பாக்கிகளையும் கண்டுபிடியுங்கள்!

 Balasingam Balasooriyan  :  காணாமல்போன சகல துப்பாக்கிகளையும் கண்டுபிடியுங்கள்!
2001 ஆம் ஆண்டு இலங்கை இராணுவத்தினரால் ஈழமக்கள் ஜனநாயகக்கட்சித் (ஈ.பி.டி.பி) தலைவரும் முன்னாள் அமைச்சருமான டக்ளஸ் தேவானந்தா அவர்களுக்கு வழங்கப்பட்ட கைத்துப்பாக்கி ஒன்று பாதாள உலகக்குழுவின் கைகளுக்கு போய்ச்சேர்ந்ததாகக் கூறப்படும் விவகாரம் குறித்து நடந்து வரும் விசாரணை தொடர்பில் குற்றப்புலனாய்வுத் திணைக்களம் (Crime Investigation Department - CID) கடந்த வெள்ளிக்கிழமை (26.12.2025) அவரைக் கைது செய்தது.
 பிரபல குற்றவாளியான மாகந்துரே மதூஷிடம் (Makandure Madush) இருந்து பெறப்பட்ட தகவலின் அடிப்படையில், வெளிவேரிய (Weliweriya) பகுதியில் உள்ள புதர் ஒன்றில் மறைத்து வைக்கப்பட்டிருந்த அந்தத் துப்பாக்கி மீட்கப்பட்டதாகக் கூறப்படுகின்றது.
தேவானந்தா, தமிழீழ விடுதலைப்புலிகள் (LTTE) அமைப்பைத் துணிச்சலாக எதிர்த்து நின்று, 
அதனைத் தோற்கடிக்க உதவிய முன்னாள் போராளிகளில் ஒருவர். களுத்துறை சிறைச்சாலைக்குள் நடந்த கொலை முயற்சி உட்பட பல கொலை முயற்சிகளில் இருந்து அவர் உயிர் தப்பியுள்ளார். 

தோழர் ஓவியா : தமிழ்இளைஞர்கள் - வேலைவாய்ப்பு - சிறார்குற்றங்கள் - தமிழ்நாடுஅரசு

 Ovia Rajamoni  : திருத்தணியில் இரயிலில் வடமாநில இளைஞர் ஒருவரை அப்பகுதியைச் சேர்ந்த இளைஞர்கள் கொடூரமாகத் தாக்கி வன்முறையில் ஈடுபட்ட நிகழ்வு குறித்து,
 இன்று அனைவரும் பேசிக் கொண்டிருக்கிறோம். 
மிகக் கொடுமையான நிகழ்வு மனதை அதிரை வைக்கக்கூடிய துன்பம்.  
இதில் தாக்கப்பட்டவர் வடமாநிலத்தைச் சேர்ந்த ஒரு இளைஞர் என்பது,
 ஒரு தனித்த தற்செயல் நிகழ்வு மட்டுமே என்பதனை முதலில் நாம் அழுத்தமாகப் புரிந்து கொள்ள வேண்டும்.  உண்மையில் நமது இளைஞர்களின் இன்றைய இந்த நிலை நம்மை மிகுந்த அதிர்ச்சிக்குள்ளாக்குகிற்து, 

இருந்த போதிலும் இங்கு இளைஞர்கள் மிகக் கடுமையாக ஒரு சீரழிவுக்கு ஆட்பட்டுக் கொண்டிருக்கிறார்கள் என்பதனை நான் இதற்கு முன்பே கூட சில பதிவுகளில் சுட்டிக்காட்டி இருந்த நினைவு இருக்கிறது.  

 எனவே இந்த பிரச்சனை ஒரு தொடர் போக்கின் குறிப்பிட்ட  உச்சநிலை வெளிப்பாடுதான் என்பதனை நாம் முதலில் உணர வேண்டும்,