இந்நிலையில் அரசிடமிருந்து கம்பி கழியாக தங்களுக்கு தேவையான அளவு மின்சாரத்தை பெற முடியாத நிலை ஏற்பட்டு விட்டதால், அதற்கான மாற்று வழிகளை தேடி விவசாயிகளும் பொதுமக்களும் களமிறங்கி விட்டனர். பல வீடுகளில் சூரிய ஒளி சக்தி மூலம் (சோலார்) மின்சாரம் தயாரிப்பதற்கான சாதனங்களை பொருத்தி வருகின்றனர். சிலர், மின்வெட்டு நேரங்களை சமாளிப்பதற்காக சிறிய அளவிலான ஜெனரேட்டர்களை வாங்க தொடங்கி விட்டனர்.
திருச்சியின் பல இடங்களில் தற்போது ஜெனரேட்டர்களையும் ரோட்டோரத்தில் வைத்து விற்பனை செய்ய தொடங்கி விட்டனர். ஏராளமானோர் அங்கு வாகனங்களை நிறுத்தி ஜெனரேட்டர்களின் விலை மற்றும் திறன் பற்றி விசாரித்து செல்கின்றனர். சிலரோ அந்த இடத்திலேயே ஜெனரேட்டரை விலை கொடுத்து வாங்கி விடுகின்றனர்.இதுபற்றி திருச்சி பொன் னகர் பகுதியில் ஜெனரேட்டர் விற்பனையில் ஈடுபட்டிருந்த சந் துரு என்பவர் கூறுகையில், வீடு மற்றும் அலுவலகங்களுக்கும், விவசாய பணிகளுக்கும் மின்சாரம் பெற ஜெனரேட்டர் வாங்க பொதுமக்கள் ஆர்வம் காட்டி வருகின்றனர். இதனால் ஜெனரேட்டர் விற்பனை தற்போது பல மடங்கு அதிகரித்துள்ளது. எனவே பொதுமக்கள் அலைச்சலின்றி அவற்றை பெறும் வகையில் சாலையோரங்களில் வைத்து விற்பனை செய்து வருகிறோம்.
வீடு மற்றும் அலுவலகங்களுக்கான ஒரு கே.வி திறனுக்கு ரூ.20 ஆயிரம், 2 கே.வி திறனுக்கு ரூ.36 ஆயிரம் என ஜெனரேட்டர் விற்கப்படுகிறது. விவசாய பணிக்கான 5 கே.வி திறனுடைய ஜெனரேட்டர் ரூ.56 ஆயிரத்திற்கு விற்கப்படுகிறது என்றார்.nakkheeran.in/
கருத்துகள் இல்லை:
கருத்துரையிடுக