காந்தி பட இயக்குநரும், நடிகருமான ரிச்சர்ட் அட்டென்பரோ(வயது 90) காலமானார் நேற்று காலமானார்.
இங்கிலாந்தை சேர்ந்த பிரபல ஆங்கிலப் பட நடிகருமான ரிச்சர்ட் அட்டென்பரோ
1982-ல் வெளியான ‘காந்தி’ திரைப்படத்தை இயக்கியவர். பல்வேறு படங்களை
தயாரித்த ரிச்சர்ட் அட்டென்பரோ, பல்வேறு படங்களில் நடித்தும், படங்களை
இயக்கியும் தனிப்பெரும் அடையாளத்துடன் திகழ்ந்தார். ரிச்சர்ட் அட்டென்பரோ,
மகாத்மா காந்தியின் அகிம்சை வரலாற்றை சித்தரிக்கும் ‘காந்தி’ படத்தை
இயக்கியதன் மூலமாக இந்திய ரசிகர்களின் நெஞ்சங்களிலும் இடம் பிடித்தவர்.
இந்த படத்தின் மூலம் சிறந்த இயக்குனர் விருது உள்பட 8 ஆஸ்கர் விருதுகளை
பெற்றார். பல்வேறு விருதுகளை பெற்ற படங்களை இயக்கியும் உள்ளார்.பல ஆங்கிலப் படங்களை தயாரித்து, இயக்கி, நடித்ததுடன் பல்வேறு திரைப்பட விழாக்களின் நடுவர்கள் குழுவிலும், விருதுகளுக்கான தேர்வுக் குழுவிலும் இடம்பெற்றிருந்தார். அவர் வெற்றிகரமான இயக்குநர் என்ற பெயரை பெறுவதற்கு முன்னர் லண்டன் திரையுலகில் சிறந்த நட்சத்திர நடிகராக திகழ்ந்தார். ஜுராசிக் பார்க் படத்தில் ஆராய்ச்சி கூடத்தின் உரிமையாளராக நடித்து இருந்தார். சுமார் 60 ஆண்டுகளாக திரையுலகில் பணியாற்றிய அனுபவம் நிறைந்த ரிச்சர்ட் அட்டென்பரோ, ஐக்கிய நாடுகள் சபையின் பல்வேறு மனிதநேய காரியங்களுக்கான நல்லெண்ணத் தூதராகவும் தொண்டாற்றியுள்ளார். இந்தியாவின் உயரிய விருதுகளில் ஒன்றான ‘பத்மபூஷன்’, பிரிட்டைனின் உயரிய ‘லார்ட்’ உள்ளிட்ட பல விருதுகளையும், பட்டங்களையும் பெற்ற இவர், உடல்நலக்குறைவால் தனது 90-வது வயதில் நேற்று காலமானார். அவர் வரும் 29-ம் தேதி தனது பிறந்த நாளை கொண்டாட இருந்த நிலையில் காலமானார். ரிச்சர்ட் அட்டென்பரோ இறந்த முன்னாள் இங்கிலாந்து இளவரசி டயானா மற்றும் வேல்ஸ் இளவரசருடன் நெருங்கிய நண்பர் ஆவார்.தமிழ் .இந்து ,com
கருத்துகள் இல்லை:
கருத்துரையிடுக