கமலஹாசன்: கிரிக்கெட் ஈடுபாடு தேசப்பற்று அல்ல !

கிரிக்கெட் ஈடுபாடு தேசப்பற்று அல்ல;இந்திய அணி ஜெயிக்க
வேண்டும் என்று நினைப்பது தேசப்பற்று ஆகாது :கமல் பேட்டி

நடிகர் கமலஹாசன் மும்பையில் செய்தியாளர்களுக்கு பேட்டி அளித்தார்.

 தேசப்பற்று படங்களில் நடிக்க முக்கியத்துவம் அளிக்கிறீர்களே?/>
;தேசப்பற்று என்ற வார்த்தையை சரியாக பயன்படுத்தா விட்டால் ஆபத்தாகி விடும். கிரிக்கெட் மீதான ஈடுபாடு தேசப்பற்று ஆகாது. இந்திய அணி ஜெயிக்க வேண்டும் என்று நினைப்பது தேசப்பற்று ஆகாது.நான் காந்தியின் ரசிகன். ஆனால் அவரை மகாத்மா என்று அழைத்து தலைக்கு பின்னால் ஒளிவட்டம் இருப்பது போல் சித்தரிப்பதை விரும்பவில்லை. சராசரி மனிதராக இருந்து சாதித்தவர் காந்தி. சாமியாராக, முனிவராக பார்க்க கூடாது சாதாரண மனிதராக இருந்து அர்ப்பணிப்பு உணர்வோடு தேசத்துக்காக பாடுபட்டார். ஹேராம் படத்தை அதற்காகத்தான் எடுத்தேன். நல்ல மனிதராக இருந்து நிறைய சாதித்தவர் அவர்.

மணிரத்தினத்னின் கடலில் Gemini லேப் ரவி பிரசாத் ! ஜி வியின் பாதையில் மற்றுமொரு சோகம் ?

ஜெமினி லேப் ரிலீஸ் பண்ணிய கடல், நீதானே என் பொன் வசந்தம் படங்கள், பலத்த அடி வாங்கின. விநியோகஸ்தர்களுக்கு போட்ட காசில் பாதி கூட வரவில்லை. நீ.எ.பொ.வ. ஆவது பரவாயில்லை, கடல் படத்தை மணிரத்னத்திடம் வாங்கி வெளியே விற்றபோதே, ஜெமினி லேப்புக்கு 4 கோடி ரூபா நஷ்டம். பப்ளிசிடிக்காக மேலும் சில கோடிகளை ஸ்வாகா செய்துவிட்டு கடல் அமைதியாகிவிட்டது.
தனக்கு சம்மந்தமில்லாத வேறு இரு படங்கள் சொதப்பியதால், தமது படம் பலிகடா ஆக்கப்பட்டுள்ள சோகத்தில் உள்ளார், நடிகர் விஷால். பலிகடா ஆக்கப்பட்டுள்ள படம், மதகஜராஜா. இதற்கு வில்லனாக வந்த இரு படங்கள், கௌதம் மேனனின் நீதானே என் பொன்வசந்தம், மணிரத்னத்தின் கடல்.இந்த இரு படங்களையும் ஜெமினியிடம் இருந்து வாங்கிய விநியோகஸ்தர்கள், மதகஜராஜாவை நஷ்டத்துக்கு ஈடாக கொடுக்க வேண்டும் என்று ஜெமினியை நெருக்க ஆரம்பித்தார்களாம். நொந்து போன ஜெமினி லேப், ராஜாவை தூக்கி கிடப்பில் போட்டுவிட்டது.

சமந்தா சித்தார்த் காதல் முறிந்து விட்டதா ?

‘நடிகையை மணக்க மாட்டேன்’ என்று சித்தார்த் திடீர் பல்டி அடித்திருப்பதால், சமந்தாவுடனான காதலில் முறிவு ஏற்பட்டு விட்டதாக  பரபரப்பு
ஏற்பட்டுள்ளது.சித்தார்த் ; சமந்தா ஆகிய இருவரும் சில படங்களில் இணைந்து நடித்தனர். அப்போது அவர்களுக்குள் நட்பு ஏற்பட்டு பின்னர் காதல் மலர்ந்ததாக கூறப்பட்டது. ஆந்திராவில் உள்ள காளஹஸ்தி கோயிலில் இருவீட்டார் முன்னிலையில் நடந்த சிறப்பு பூஜையில் சித்தார்த், சமந்தா கலந்துகொண்டனர். சமீபத்தில் திரைக்கு வந்த ‘தீயா வேலை செய்யணும் குமாரு’ படத்தில் சித்தார்த் நடித்தார். இதில் கெஸ்ட் ரோலில் சமந்தா நடித்திருந்தார்.

அரசியல்வாதிகளின் அடி வயிற்றைக் கலக்கும் உச்சநீதிமன்ற தீர்ப்பு

 162 MP க்கள் மீது  கிரிமினல் வழக் குகள் . இவர்களில் 76 பேர், 5 ஆண்டுகளுக்கு மேல் தண்டனை கிடைக்கக் கூடிய குற் றங்களில்

கிரிமினல் வழக்குகளில் குறைந்தபட்சம் 2 ஆண்டுகள் தண்டனை விதிக்கப்பட்டாலே எம்.பி., எம்.எல்.ஏ.க்கள் பதவியில் நீடிக்க முடி யாது. மேல்முறையீடு செய்தாலும் பதவியில் நீடிக்கும் தகுதி அவர் களுக்கு கிடையாது. உடனடியாக பதவி விலக வேண்டும் என்று உச்சநீதிமன்றம் உத்தர விட்டுள்ளது. கிரிமினல் வழக்கு களில் 2 ஆண்டுகள் அல்லது அதற்கு மேல் சிறை தண்டனை விதிக் கப்பட்டவர்கள் தேர் தலில் போட்டியிடும் தகுதியை இழக்கின்றனர். தண்டனை காலம் முடிந்த பிறகும், அடுத்த 6 ஆண்டுகளுக்கு தேர் தலில் அவர்கள் போட் டியிட முடியாது என்று மக்கள் பிரதிநிதித்துவ சட்டப் பிரிவு 8 (3)இல் கூறப்பட்டுள்ளது. அதே நேரம், பதவியில் இருக் கும் எம்.பி., எம்எல்ஏ.க் களுக்கு நீதிமன்றங்கள் தண்டனை விதித்தாலும் கூட, 3 மாதங்களுக்கு அவர்களை தகுதியிழப்பு செய்யக் கூடாது.

நரேந்திர மோடி: குஜராத் கலவரத்தில் நான் செய்தது சரிதான் ! நான் குற்றமற்றவன் ????

 கோத்ரா ரயில் எரிப்பு:குஜராத்தில், 2002ல், கோத்ரா ரயில் எரிப்பு சம்பவத்தை
தொடர்ந்து, பெரும் கலவரம் வெடித்தது. ஏராளமான சிறுபான்மையினர் கொல்லப்பட்டனர். இது தொடர்பாக, அம்மாநில முதல்வர், நரேந்திர மோடிக்கு எதிராக, எதிர்க்கட்சிகள் தொடர்ந்து, புகார் கூறி வருகின்றன.தற்போது அவர், பா.ஜ.,வின் பிரசார குழு தலைவராக தேர்வு செய்யப்பட்டுள்ளார். அடுத்த ஆண்டு நடக்கவுள்ள, லோக்சபா தேர்தலுக்கான, பா.ஜ., பிரதமர் வேட்பாளராகவும், அவர் அறிவிக்கப்படலாம் என்றும் பேசப்படுகிறது.இதற்கு எதிர்ப்பு தெரிவிக்கும் வகையில் தான், பா.ஜ., தலைமையிலான, தே.ஜ., கூட்டணியில் அங்கம் வகித்த, ஐக்கிய ஜனதா தளம், அந்த கூட்டணியிலிருந்து வெளியேறியது. இந்நிலையில், "குஜராத்தில் நடந்த கலவரம், நரேந்திர மோடி, பிரதமராவதற்கு தடையாக இருக்குமா' என்ற ரீதியில், அரசியல் வட்டாரத்தில் பேச்சு உள்ளது.இது தொடர்பாக, இதுவரை எந்த கருத்தும் தெரிவிக்காமல், மவுனம் காத்து வந்த நரேந்திர மோடி, தற்போது முதல் முறையாக, இதுகுறித்து கருத்து தெரிவித்துள்ளார். மதத்தின் பெயரை வைத்தே நான் தேசிவாதி என்று சொல்வது இந்தியாவை சீர் குலைத்து விடும்...... நான் இந்திய தேசியவாதி என்று நீங்கள் கூறியிருந்தால் மக்கள் மகிழ்ச்சி அடைந்திருப்பார்கள்..... ஆனால் உங்களது பேட்டியின் மூலம் மடியில் இருந்த பூனைக்குட்டி வெளியே வந்துள்ளது......

Chennai சாதி பெயரை அழிக்க முயன்ற 16 பேர் கைது

சென்னை ராஜா

அண்ணாமலைபுரத்தில் பார்க் ஷெரட்டன் ஓட்டல் பகுதியில்
ரோடுகளில் உள்ள சாதி பெயர்களை அழிக்கும் போராட்டம் இன்று நடத்த போவதாக தமிழர் எழுச்சி இயக்கம் அறிவித்து இருந்தது.
அதை தொடர்ந்து போலீஸ் துணை கமிஷனர் லட்சுமி, உதவி கமிஷனர்கள் தமிழ் செல்வன், அசோக்குமார் ஆகியோர் தலைமையில் சுமார் 200 போலீசார் குவிக்கப்பட்டனர்.
இதற்கிடையே, பெயர் பலகைகளில் உள்ள சாதி பெயரை அழிக்க  எழுச்சி இயக்க பொது செயலாளர் வேலுமணி தலைமையில் ஊர்வலமாக வந்த 16 பேரை போலீசார் கைது செய்தனர்.

இளவரசனின் இறுதிசடங்கில் திவ்யா கலந்துகொள்ள மறுப்பு ! பயந்து விட்டாரா?

தர்மபுரி:"இளவரசனின் இறுதி சடங்கில் கலந்து கொள்ள விருப்பம் இல்லை' என, அவரது காதல் மனைவி திவ்யா, கலெக்டருக்கு, மனு கொடுத்திருப்பதாக தகவல் வெளியாகியுள்ளது.கடந்த, 4ம் தேதி, இளவரசன், தர்மபுரி அரசு கலைக் கல்லூரி பின்புறம் உள்ள, ரயில் தண்டவாளத்தில், பிணமாக கிடந்தார். பிரேத பரிசோதனை அறிக்கை மற்றும் இளவரசன், "என் சாவுக்கு யாரும் காரணமில்லை' என, எழுதிய கடிதம் மற்றும் விசாரணை அடிப்படையில், இளவரசன் தற்கொலை செய்து கொண்டார் என, போலீசார் அறிவித்தனர்.இளவரசனின் தந்தை இளங்கோ மற்றும் அவரது உறவினர்கள், இளவரசன் கொலை செய்யப்பட்டதாக கூறி வருகின்றனர். "இளவரசனின் இறுதிச் சடங்கில், திவ்யா கலந்து கொள்ளலாம்' என, இளவரசனின் தந்தை, இளங்கோ கூறியிருந்தார்.திவ்வியாவின்  முடிவு புத்திசாலிதனமாக உள்ளது. தந்தையை போன்றும் புருஷனை போன்றும் திவ்யா ஒரு முட்டாள் அல்ல என்று  நிருபித்து உள்ளார்

தமிழில் பேசியதால் வழக்கு தள்ளுபடி ! வழக்காடு மொழி ஆங்கிலம் தான்

மதுரை:இரு வழக்குகளில், மனுதாரர்களின் வழக்கறிஞர், தமிழில் வாதிடுவேன் என்பதை, ஏற்க முடியாத நிலையில், மனுக்கள் தள்ளுபடி செய்யப்படுவதாக, மதுரை ஐகோர்ட் கிளை உத்தரவிட்டது.கோவில்பட்டி, ஆயிஷா பானு தாக்கல் செய்த மனுவில், "கணவர் பக்கீர் மைதீன், சவுதி அரேபியாவில், கூலித்தொழிலாளியாக வேலைக்குச் சென்றார். அங்கு பாஸ்போர்ட்டை தொலைத்து, சொந்த ஊர் திரும்ப முடியாமல் தவிக்கிறார். அவரை மீட்டு, ஒப்படைக்க, மத்திய அரசுக்கு உத்தரவிட வேண்டும்' என, குறிப்பிட்டுள்ளார்.கன்னியாகுமரி அடக்கச்சி சுந்தரராஜன், "விளவங்கோடு மிடாலனில் வீடு கட்ட, வரைபட அனுமதி வழங்க, கருங்கல் ஊராட்சி நிர்வாக அலுவலருக்கு உத்தரவிட வேண்டும்' என, மனு செய்தார்.

நெல்சன் மண்டேலா எப்படி சந்தோஷப்பட்டாரோ அந்த அளவுக்கு சந்தோஷம்! பரிதி இளம்வழுதிப் பேச்சு!

அதிமுக அரசின் சாதனை விளக்கப்பொதுக்கூட்டம் திண்டுக்கல் மணிக்கூண்டில் வெள்ளிக்கிழமை மாலை நடைபெற்றது. இந்தக் கூட்டத்திற்கு நகரச் செயலாளர் பாரதி முருகன் தலைமை தாங்கினார். இதில் அமைச்சர் நத்தம் விஸ்வநாதன், முன்னாள் எம்பி சீனிவாசன், வேடச்சந்தூர் எம்எல்ஏ பழனிச்சாமி, பழனி எம்எல்ஏ வேணுகோபால் உள்பட முன்னாள் எம்எல்ஏக்கள் கலந்து கொண்டனர். >கூட்டத்தில் சிறப்பு விருந்தினராக சமீபத்தில் அதிமுகவில் இணைந்த பரிதி இளம்வழுதி கலந்துகொண்டு பேசியதாவது, இரண்டு வருடத்திற்குப் பிறகு வெளிச்சத்திற்கு வந்திருக்கிறேன். 27 வருடங்களுக்கு பிறகு மண்டேலா எப்படி மக்களைப் பார்த்து சந்தோஷப்பட்டாரோ அந்த அளவுக்கு இப்போது சந்தோஷம் அடைகிறேன். அதற்காக அம்மாவுக்கு நன்றியைத் தெரிவித்துக்கொள்கிறேன்.நான் என்ன தப்பு செய்தேன். 35 வருடமாக கட்சிக்காக உழைத்து பட்டிதொட்டிகளெல்லாம் போய் கட்சியை வளர்த்து வந்தேன். அதற்காக எனக்கு 6 முறை எம்எல்ஏ சீட் கொடுத்தார்கள். அதுவும் ஜெயக்கிற குதிரை, உழைக்கிற குதிரை என்று நினைத்துத்தான் கொடுத்தார்கள்.

13 போலீசாருக்கு ஆயுள் தண்டனை! போலி என்கவுன்ட்டர்.. 21 பேருக்கு தண்டனை!

மும்பை: போலி என்கவுன்ட்டர் வழக்கில் 13 போலீசார் உட்பட 21 பேருக்கு மும்பை நீதிமன்றம் ஆயுள் தண்டனை விதி்த்து பரபரப்பான தீர்ப்பு அளித்துள்ளது. 2006ஆம் ஆண்டு லக்கன் பையா என்பவரை மும்பை போலீசார் என்கவுன்ட்டரில் சுட்டுக் கொல்லப்பட்டதாக மும்பை போலீசார் அறிவித்தனர். அவர் நிழல் உலக தாதா சோட்டா ராஜனின் கூட்டாளி என்றும் போலீஸ் சொன்னது. ஆனால் இது போலி என்கவுன்ட்டர் எனக் கூறி மும்பை நீதிமன்றத்தில் வழக்கு தொடரப்பட்டது. இந்த வழக்கில் கடந்த 5-ந் தேதியன்று 13 போலீசார் உட்பட 21 பேர் குற்றவாளிகள் என தீர்ப்பு அளித்தது. இன்று தண்டனை அறிவிக்கப்படும் என்றும் நீதிமன்றம் கூறியது. இன்று இந்த வழக்கில் குற்றவாளிகள் என அறிவிக்கபட்ட 13 போலீசார் உட்பட 21 பேருக்கும் ஆயுள் தண்டனை விதித்து பரபரப்பான தீர்ப்பு அளிக்கப்பட்டுள்ளது.
tamil.oneindia.in

பார்ப்பன மதத்தின் மூடநம்பிக்கைதான் உத்தரகாண்டில் மக்கள் சாவதற்கு காரணம்

சென்ற மாதம் உத்தரகாண்ட் மாநிலத்தில் ஏற்பட்ட பெருமழை, வெள்ளப் பெருக்கு, நிலச்சரிவு இவற்றால் ஏற்பட்ட பாதிப்புகளுக்கான மீட்புப் பணிகள் இன்னமும் தொடர்ந்து கொண்டிருக்கின்றன. மோசமாகும் வானிலையும், தொடரும் மழையும் மீட்பு மற்றும் நிவாரணப் பணிகளில் தடைகளை ஏற்படுத்தி வருகின்றன.
எத்தனை ஆயிரம் பேர் இறந்திருப்பார்கள் என்று இன்னமும் மதிப்பிடப்படாத நிலையே நீடித்து வருகிறது. இந்திய விமானப்படையும் இராணுவமும் மீட்புப்பணியில் ஈடுபடுத்தப்பட்டன. மீட்புப்பணியின் போது ஒரு ஹெலிகாப்டர் விபத்துக்குள்ளாகி அதில் பயணித்த அனைவரும் உயிரிழந்தனர்.
மேக வெடிப்பு காரணமாக கடல் மட்டத்திலிருந்து 14,200 அடி உயரத்தில் உள்ள வசுகிடால் பனிப்பாறை ஏரியில் நிரம்பிய நீர் 11,755 அடி உயரத்தில் உள்ள கேதார்நாத்தை அடைந்து மொத்த ஊரையும், கோவிலையும் துவம்சம் செய்தது. கோயில் சுடுகாடு போல காட்சியளித்தது. ருத்ர ப்ராயக், உத்திரகாசி, சமேலி, பிதோராகர் மாவட்டங்கள் என 40 ஆயிரம் சதுர கிலோ மீட்டர் பரப்பளவில் பேரழிவு ஏற்பட்டிருந்தது. கேதார்நாத் கோவிலின் பிரதான மேற்குச் சுவரே காணாமல் போய் விட்டது. வெள்ளத்தின் கோர தாண்டவத்தை பார்த்த பக்தர்கள், அதனை ருத்ர தாண்டவம் போல இருந்ததாகத்தான் சொல்கிறார்கள். உத்தரகாண்ட் மாநிலம் முழுவதிலும் கிட்டத்தட்ட 233 கிராமங்கள் அழிந்துள்ளன. 1307 சாலைகளும் 147 பாலங்களும் காணாமல் போயிருக்கின்றன.

ராமஜெயம் கொலையாளிகள் எந்த நேரத்திலும் கைது செய்யப்படலாம்?

திருச்சி: முன்னாள் அமைச்சர் கே.என். நேருவின் தம்பியான ராமஜெயம் படுகொலை வழக்கில் கொலையாளிகள் எந்த நேரத்திலும் கைது செய்யப்படலாம் என்கிறது போலீஸ் வட்டாரங்கள். திருச்சி அருகே கடந்த ஆண்டு மார்ச் 28-ந் தேதி மர்மமான முறையில் ராமஜெயம் கடத்தப்பட்டு படுகொலை செய்யப்பட்டார். அவரை கடத்தி கொலை செய்த கொலையாளிகள் யார் என்பது குறித்து மர்மமாகவே இருந்து வந்தது. கடந்த ஒரு ஆண்டு காலமாக சிபிசிஐடி போலீசார் ராமஜெயத்தின் உறவினர்கள், நண்பர்கள், அரசியல் பிரமுகர்கள் என பலரிடமும் விசாரணை நடத்தினர். இலங்கையைச் சேர்ந்த ஒரு பிரமுகருக்கும் தொடர்பு இருப்பதாக கூறப்பட்டது. சி.பி.சி.ஐ.டி. போலீசாருக்கு கிடைத்த ஒரே துப்பு ராமஜெயம் பயன்படுத்திய செல்போன்கள் மட்டுமே. கொலை செய்யப்படுவதற்கு முன்பு 6 மாதங்களில் மட்டும் சுமார் 10 ஆயிரம் செல்போன் நம்பர்கள் ராமஜெயத்தின் செல்போன்களில் பதிவாகி உள்ளது. இதில் சில முக்கிய தகவல்கள் சி.பி.சி.ஐ.டி. போலீசாருக்கு கிடைத்துள்ளதால் ராமஜெயம் கொலை வழக்கு விசாரணை சூடுபிடித்துள்ளது. தற்போது இந்த கொலை வழக்கில் எந்த நேரமும் குற்றவாளிகள் கைது செய்யபடலாம் என்று போலீஸ் வட்டாரங்கள் தெரிவித்துள்ளன.
tamil.oneindia.in

சிங்கம் 11 மூன்று நாள் வசூல் 50 கோடி என்பது மிகப்பெரிய பொய் !

சிங்கம் 2 சக்சஸ் மீட்டிங்கில் பேசிய தயாரிப்பாளர் மூன்று தினங்களில் 50 .இப்படித்தான் ஏழாம் அறிவுக்கும் அண்டப்புழுகு ஆகாசப்புழுகு  விட்டார்கள் ரஜினி, விஜய் போன்ற சில நடிகர்களின் படங்கள் மட்டுமே மினிமம் கியாரண்டி என்ற முறையில் வாங்கப்படுகின்றன. மற்ற படங்களின் கதி இன்றளவும் சொல்லும்படி இல்லை. நேரடியாக படத்தை திரையரங்குகளுக்கு கொடுப்பதும் சிக்கலானது. அரங்கு நிறைந்தாலும் கூட்டம் வரவில்லை என தயாரிப்பாளர் ஏமாற்றப்பட வாய்ப்பு உண்டு. விநியோகஸ்தர்களில் பலரும் இதேபோன்றே நடந்து கொள்கின்றனர். உற்பத்தியில் பங்கு பெறாத ஒருசாரர் உற்பத்தி பொருள் மீது ஆதிக்கம் செலுத்துவது தமிழ் சினிமாவில் மட்டும்தான். இந்த சீரழிவு காரணமாக ஏவிஎம் போன்ற பெரிய தயாரிப்பு நிறுவனங்கள் தயாரிப்பிலிருந்து முழுமையாக விலகிவிட்டன.

கல்லூரிகளில் மாணவர்கள்,மாணவிகளுடன் பேச தடை! Its வெரி bad உளவளர்ச்சியை பாதிக்கும் !

சென்னையில் இன்ஜினியரிங் கல்லூரிகள் உள்ளிட்ட பெரும்பாலான கல்லூரிகளில் மாணவர்கள்,மாணவிகளுடன் பேச தடை விதிக்கப்பட்டுள்ளது. ஒழுங்கு நடவடிக்கை காரணமாக இந்த தடை விதிக்கப்பட்டுள்ளதாக கூறப்படுகிறது. கல்லூரிகளின் இந்த விதிக்கு பெற்றோர்களும், ஆசிரியர்களும் வரவேற்பு தெரிவித்துள்ளதுடன் இது போன்ற தடைகளால் மாணவர்களிடையே தவறான எண்ணங்களை ஏற்படுத்தாது எனவும் தெரிவித்துள்ளனர். ஆனால் இதுபோன்ற நடவடிக்கைகளால் சமூக திறன்கள் மாணவர்களிடம் குறைந்து காணப்படுவதாக கேம்பஸ் இன்டர்வியூ நடத்தும் நிறுவனங்கள் தெரிவித்துள்ளன. இது போன்ற கல்லூரிகளில் இருந்து வரும் மாணவர்கள் அலுவலங்களில் மற்றவர்களுடன் சகஜமாக பணியாற்றுவது பெரும் சவாலாக உள்ளதாகவும் அவர்கள் தெரிவித்துள்ளனர்.

ஹைதராபாத்தை யூனியன் பிரதேசமாக்க காங். திட்டம்?

தெலங்கானா தனி மாநில கோரிக்கை குறித்து காங்கிரஸ் கட்சி இன்று இறுதி முடிவெடுக்க உள்ளதாக கூறப்படுகின்றது. ஹைதராபாத் நகரை சேர்க்காமல் தனித்தெலங்கானா மாநிலம் அமைக்கலாம் என காங்கிரஸ் தலைமை கருதுவதாகவும். மழைகால கூட்டத் தொடரில் இந்த அறிவிப்பு வரலாம் என தகவல்கள் தெரிவிக்கின்றன. தனித் தெலங்கானா கோரிக்கை கடந்த சில மாதங்களாக அடங்கி இருந்த நிலையில், தற்போது அப்பிரச்னை மீண்டும் விஸ்வரூபம் எடுத்துள்ளது.நாடாளுமன்ற தேர்தல் நெருங்குவதால் இப்பிரச்னையில் இறுதி முடிவெடுக்க வேண்டிய நெருக்கடிக்கு காங்கிரஸ் கட்சி தள்ளப்பட்டுள்ளது. இந்நிலையில், தனித் தெலங்கானா மாநிலம் அமைப்பதா வேண்டாமா என்பது குறித்து இனறு இறுதி முடிவெடுக்க காங்கிரஸ் கட்சி திட்டமிட்டுள்ளதாக தகவல்கள் தெரிவிக்கின்றன.ஹைதராபாத் நகரை சேர்க்காமல் தனித்தெலங்கானா மாநிலம் அமைக்கலாம் என காங்கிரஸ் தலைமை கருதுவதாகவும், இதுகுறித்த அறிவிப்பை நாடாளுமன்ற மழைக்கால கூட்டத்தொடர் துவங்குவதற்கு முன்னதாக, அதாவது இம்மாத இறுதிக்குள் அறிவித்துவிட வேண்டும் என காங்கிரஸ் மேலிடம் விரும்புவதாகவும் டெல்லி தகவல்கள் தெரிவிக்கின்றன.அதே சமயம் ஹைதராபாத்தை யூனியன் பிரதேசமாக அறிவிக்கலாமா என்ற எண்ணமும் காங்கிரஸ் தலைவர்களிடையே நிலவுவதாகவும் அத்தகவல்கள் மேலும் தெரிவிக்கின்றன.

நோர்வேயில் ஏராளமான இந்திய இலங்கை சிறுவர்கள் காப்பகங்களில் தடுத்து வைக்கப்பட்டுள்ளனர்

காப்பகத்தில் உள்ள சிறுவர்களை மீட்குமாறு மகஜர்

நோர்வேயில் வதியும் தமது உறவினர்களின் பிள்ளைகளை குழந்தைகள் காப்பகத்திடமிருந்து மீட்டு பெற்றோரிடம் ஒப்படைக்குமாறு இலங்கைக்கான நோர்வே தூதரகம், ஜனாதிபதி செயலகம் மற்றும் வெளிவிவகார அமைச்சின் செயலகம் ஆகியவற்றுக்குச் சென்று நோர்வேயில் வதிவோரது யாழ். உறவினர்கள் வலியுறுத்தினர். அத்துடன், தமது உறவினர்கள் பிள்ளைகள் உட்பட கானா, இந்தியா, எத்தியோப்பியா, சோமாலியா ரஷ்யா, சூடான் உள்ளிட்ட பல்வேறு நாடுகளைச் சேர்ந்த சுமார் 16 ஆயிரம் சிறுவர்கள் இவ்வாறு குழந்தைகள் காப்பகத்தில் தடுத்து வைக்கப்பட்டிருப்பதற்கான ஆதாரங்களையும் கையளித்தனர். ஆதார ஆவண கோவையை பெற்றுக்கொண்ட நோர்வே தூதரகத்தின் உயர் அதிகாரி இவ்விடயத்தை நோர்வே அரசாங்கத்தினதும் நோர்வே சிறுவர் காப்பகங்களினதும் உடனடி கவனத்திற்கு கொண்டு வருவதாகவும் உறுதியளித்தார். இதேவேளை தமது உறவினர்களினதும் தமதும் கோரிக்கைகள் ஏற்றுக்கொள்ளப்படாதவிடத்து நோர்வேக்கு எதிராக பாரிய போராட்டம் ஒன்று வெடிக்கும் என்றும் சாகும் வரை உண்ணாவிரதப் போராட்டம் இடம்பெறுவதை தடுக்க முடியாது என்றும் யாழ். உறவினர்கள் தெரிவித்துள்ளனர்.

காடுவெட்டி குருவை மிஞ்சும் ஜெயலலிதா ! MLA க்கள் கிரிமினல் கேஸ் ரேட்டிங் வரிசை!

சென்னை: குற்ற வழக்குகளில் ‘தண்டனை' பெற்றவர்கள் எம்.எல்.ஏ, எம்.பி. பதவியில் நீடிக்கக் கூடாது என்று உச்சநீதிமன்றம் அதிரடியாக தீர்ப்பளிக்க ஆடிப் போய் இருக்கின்றனர் ‘மக்கள் பிரதிநிதிகள்'..நம் தமிழகமும் விதி விலக்கா என்ன? தமிழக சட்டசபையில் இருக்கும் எம்.எல்.ஏக்களில் எத்தனை பேர் மீது கிரிமினல் வழக்குகள் இருக்கின்றன? எத்தனை பேர் மீது கடும் குற்றப் பிரிவுகளின் கீழ் வழக்குகள் நிலுவையில் இருக்கின்றனர்? இந்த லிஸ்டைப் பாருங்கள்..

தமிழக சட்டசபைக்கு தேர்ந்தெடுக்கப்பட்டோரில் 70 பேர் மீது அதாவது 30% பேர் மீது கிரிமினல் வழக்குகள் உள்ளன. இவர்களில் அதிமுகவின் வளர்மதி உள்ளிட்ட 37 பேர் மீது அதாவது 16% பேர் மீது கடுமையான குற்றப் பிரிவுகளின் கீழ் வழக்குகள் நிலுவையில் உள்ளன.

தமிழக சட்டசபையில் இருக்கும் எம்.எல்.ஏக்களில் ஆளும் அதிமுகதான் ‘அதிக' கிரிமினல் வழக்குகளை வாங்கியுள்ளது. இதில் இரட்டை இலை சின்னத்தில் போட்டியிட்ட தமிழ்நாடு கொங்கு இளைஞர் பேரவையின் பரமத்தி வேலூர் உ. தனியரசுதான் நெம்.1. இவர் மீது மொத்தம் 36 கிரிமினல் வழக்குகள் நிலுவையில் உள்ளன.

சுப்ரீம் கோர்ட் உத்தரவுப்படி 30% எம்.பி, எம்.எல்.ஏக்களை டிஸ்மிஸ் ஆகவேண்டியவர்கள்

டெல்லி: குற்ற வழக்குகளில் தண்டனை பெற்ற எம்.எல்.ஏ,எம்.பிகள் பதவி நீக்கம் செய்யப்பட வேண்டும் என்ற உச்சநீதிமன்றத்தின் அதிரடித் தீர்ப்பின்படி நாட்டில் 30% எம்.எல்.ஏ, எம்.பிகள் டிஸ்மிஸ் நடவடிக்கைக்கு ஆளாக நேரிடும் என்று புள்ளிவிவரங்கள் தெரிவிக்கின்றன. ஜனநாயக சீர்திருத்தங்களுக்கான அமைப்பு மற்றும் தேசிய தேர்தல் கண்காணிப்பகம் ஆகியவை தேர்தல் ஆணையத்திடம் வேட்பாளர்கள் தாக்கல் செய்த விவரங்களை தொகுத்துள்ளன. அதே போல http://myneta.info இணையத்தளம் ஒவ்வொரு எம்.எல்.ஏ, எம்.பி.யின் சொத்து விவரம், குற்ற வழக்கு விவரம் உள்ளிட்ட அனைத்தையும் மாநிலங்கள் மற்றும் கட்சிகள் வாரியாக வெளியிட்டுள்ளது. இந்த இணையத்தளத்தில் உள்ளாட்சி அமைப்புகளின் பிரதிநிதிகள் தாக்கல் செய்த விவரங்களும் இடம்பெற்றுள்ளன. இதன்படி 14% எம்.பிக்கள் மற்றும் எம்.எல்.ஏக்கள்மீது 'மிகக் கடுமையான' குற்றங்களின் கீழ் வழக்குகள் நிலுவையில் இருக்கின்றனவாம்..

லோக்சபாவின் 543 எம்.பிகளில் 162 பேர் அதாவது 30% பேர் மீது குற்ற வழக்குகள் நிலுவையில் இருக்கின்றன

ராசா வழங்கிய 51 ஸ்பெக்ட்ரம் லைசென்ஸ்களை ரத்து செய்யமுடியாது ! உச்சநீதிமன்றம்

டெல்லி: 2ஜி ஸ்பெக்ட்ரம் ஊழல் வழக்கில், 2004-07-ம் ஆண்டு காலத்தில், அப்போதைய தொலை தொடர்பு அமைச்சர் ஆ.ராசா வழங்கியவ 51 லைசென்ஸ்களை ரத்து செய்யக் கோரி தொடரப்பட்ட வழக்கை உச்சநீதிமன்றம் தள்ளுபடி செய்தது. முதலில் வருபவருக்கு முதலில் ஒதுக்கீடு என்ற முறையில் அளிக்கப்பட்ட உரிமங்கள் இவை. 2012-ம் ஆண்டு இப்படி வழங்கப்பட்ட 122 உரிமங்களை உச்சநீதிமன்றம் ரத்து செய்து உத்தரவிட்டதுபோல், இவற்றையும் ரத்து செய்ய உத்தரவிட வேண்டும் என்று யோகேஷ் ஆனந்த் என்ற வழக்கறிஞர் இந்த வழக்கை தொடர்ந்திருந்தார். நீதிபதிகள் ஜி.எஸ். சிங்வி, கே.எஸ்.ராதாகிருஷ்ணன் ஆகியோர் அடங்கிய பெஞ்ச் இந்த மனுவை தள்ளுபடி செய்து உத்தரவிட்டது. இந்த மனு விசாரணைக்கு ஏற்புடையது அல்ல என்று கூறி நீதிபதிகள் அவற்றை தள்ளுபடி செய்தனர். மேலும் வோடபோன், டாடா டெலிசர்வீசஸ், ஐடியா செல்லுலார், ஆதித்யா பிர்லா டெலிகாம் லிமிடெட் ஆகிய நிறுவனங்கள், தொலை தொடர்பு இலாகாவின் நெறிமுறைகளை மீறி விட்டதாகவும், அந்த நிறுவனங்கள் மீது சி.பி.ஐ. விசாரணைக்கு உத்தரவிட வேண்டும் என்றும் கோரிய மனுவையும் நீதிபதிகள் தள்ளுபடி செய்து உத்தரவிட்டனர்.
tamil.oneindia.in

ராமதாஸ் மீது தமிழக அரசு நூற்றுக்கணக்கான வழக்குகள் ! கூட்டணி பேரம் படிந்தபின் எல்லாம் சரிவரும் ?

சென்னை: பொதுச்சொத்துக்களை சேதப்படுத்தியது தொடர்பாக 34 வழக்குகளில் ஆஜராகி விளக்கம் அளிக்குமாறு பா.ம.க நிறுவனர் டாக்டர் ராமதாஸ்க்கு அரசு சார்பில் சம்மன் வழங்கப்பட்டுள்ளது. கடந்த ஏப்ரல் 25-ம் தேதி மாமல்லபுரத்தில் நடைபெற்ற சித்திரை பெருவிழா மாநாட்டில் பங்கேற்பதற்காக கிழக்கு கடற்கரை சாலை வழியாக நூற்றுக்கணக்கான வாகனங்களில் வன்னியர் சங்கத்தைச் சேர்ந்தவர்கள் சென்றனர். அப்போது மரக்காணம் பகுதியைச் சேர்ந்த ஒரு பிரிவினருக்கும், இவர்களுக்கும் ஏற்பட்ட தகராறு கலவரமாக வெடித்தது. இச்சம்பவம் தொடர்பாக நீதி விசாரணை நடத்தக்கோரி பாமக நிறுவனர் ராமதாஸ் விழுப்புரத்தில் தடையை மீறி ஆர்ப்பாட்டம் நடத்த முயன்றார். அப்போது காவல்துறையினர் அவரை கைது செய்து சிறையில் அடைத்தனர்.

வவ்வால் பசங்க கதாநாயகி சோலார் விவகாரத்தில் சிக்குகிறாரா ?

திருவனந்தபுரம் : கேரளாவில் சோலார் பேனல் மோசடி விவகாரத்தில்,
மேலும் ஒரு இளம் நடிகைக்கு தொடர்பு இருப்பதாக தெரியவந்துள்ளது.
சோலார் பேனல் மோசடி விவகாரத்தால் கடந்த சில வாரங்களாக கேரள அரசியல் பரபரப்பு நிலவுகிறது. முதல்வர் உம்மன்சாண்டி பதவி விலக வலியுறுத்தி, எதிர்க்கட்சிகள் போராட்டம் நடத்தி வருகின்றன.இந்த மோசடியில் தொடர்பு இருப்பதாக கூறப்பட்ட புகாரின் பேரில் பிரபல நடிகை சாலுமேனன் கைது செய்யப்பட்டு திருவனந்தபுரம் சிறையில் அடைக்கப்பட்டுள்ளார்.இந்நிலையில், இந்த மோசடியில் பிரபல மலையாள நடிகை உத்தரா உண்ணிக்கும் தொடர்பு இருப்பதாக தகவல் வெளியாகி உள்ளது. இவர், மலையாளத்தில் நூற்றுக்கும் மேற்பட்ட படங்களில் குணசித்திரம் மற்றும் தாய் வேடங்களில் நடித்துள்ள ஊர்மிளா உண்ணியின் மகள். மலையாளத்தில் ‘இடவப்பாடி’ உள்ளிட்ட படத்திலும், தமிழில் ‘வவ்வால் பசங்க’ படத்திலும் நடித்துள்ளார். சோலார் பேனல் மோசடியில் கைது செய்யப்பட்டுள்ள சரிதா நாயருடன் சென்னை, டெல்லிக்கு உத்தரா உண்ணி பலமுறை விமானத்தில் சென்றுள்ளார். இவருக்கான செலவுகளை சரிதா நாயர் செய்துள்ளார். மேலும், சரிதா நாயரின் ‘டீம் சோலார்’ நிறுவனத்துக்கு விளம்பர தூதுவராக தேர்வு செய்யப்பட்டுள்ளதாக உத்தரா உண்ணி தனது பேஸ்புக்கில் குறிப்பிட்டுள்ளார்.

பொறியியல்/மருத்துவ கல்லூரி நன்கொடைகள் வாங்கிய பின் இல்லை என்றால் எங்கு போவது ?

இன்று தனியார் பொறியியல், மருத்துவக் கல்லூரிகளில் சேரவேண்டும் என்றால் வரையறுக்கப்பட்ட கட்டணத்துக்கு மேலாகப் பணம் தரவேண்டும் என்பது கிட்டத்தட்ட அனைவராலும் ஏற்றுக்கொள்ளப்பட்டிருக்கிறது இவ்வாறு பணம் தருவதை சமுதாயம் முழுமையாக ஏற்றுக்கொண்டுவிட்டது. சட்டம் மட்டும்தான் இதெல்லாம் தவறு என்று சொல்லிக்கொண்டிருக்கிறது. எங்காவது ஓரிடத்தில் ஒரு நாள் ரெய்டு நடக்கிறது. அதையும் யாரும் கண்டுகொள்வதில்லை.
ஆனால் இப்படி இலை மறைவு காய் மறைவாக இந்த விஷயம் நடப்பதால் உண்மையில் பெற்றோர்களுக்கும் மாணவர்களுக்கும் பெரும் குழப்பமே ஏற்படுகிறது. எஞ்சினியரிங்கை எடுத்துக்கொண்டால் எந்த காலேஜில் எந்த பிராஞ்சுக்கு எத்தனை ரூபாய் கேட்கிறார்கள்? அவ்வாறு கேட்பதை இன்னொரு காலேஜில் அதே பிராஞ்சுக்குக் கேட்கும் பணத்துடன் ஒப்பிடலாமா?
இந்தப் பணத்தை ‘கருப்பில்’ கொடுக்கவேண்டும் என்பதால் கேஷாகக் கொடுக்கவேண்டும் அல்லவா? அதனை யாரிடம் எங்கே கொடுக்கிறார்கள்? கட்டுக் கட்டாகப் பணம் கைமாறும்போது பணம் திருடுபோய்விட வாய்ப்பு இருக்கிறதல்லவா?
பொதுவாக ஒரு கல்லூரிக்குச் சென்று பேசும்போது யாரிடம் இந்தப் பணம் பற்றிய விவாதம் நடக்கும்? பிரின்சிபாலே இதைப் பற்றிப் பேசுவாரா அல்லது அதற்கென்று தனியாக ஆட்கள் இருப்பார்களா?

உ.பி.,யில் ஜாதி மாநாடுகள், ஊர்வலங்களுக்கு தடை

லக்னோ: உத்தர பிரதேசத்தில், ஜாதியின் பெயரில் நடத்தப்படும், ஊர்வலங்கள், பேரணிகள், பொதுக் கூட்டங்களுக்கு, அலகாபாத் உயர் நீதிமன்றம், அதிரடி தடை விதித்துள்ளது.

சமாஜ்வாதி கட்சியை சேர்ந்த, முதல்வர், அகிலேஷ் யாதவ் தலைமையிலான உத்தர பிரதேசத்தில், லோக்சபா தேர்தலுக்கான, அரசியல் கட்சிகளின் பிரசாரம், கடந்த ஆண்டே துவங்கி விட்டது. லோக்சபா தேர்தல் தேதி, இன்னும் அறிவிக்கப்படாத நிலையில், பகுஜன் சமாஜ், சமாஜ்வாதி கட்சிகள், தங்களின் வேட்பாளர் பட்டியலை வெளியிட்டு, அதிர்ச்சி அளித்துள்ளன. இந்நிலையில், அந்த மாநிலத்தின் பெரும்பான்மை சமுதாயங்களில் ஒன்றான, பிராமண சமுதாயத்தினரின் ஓட்டுகளை கவர, முன்னாள் முதல்வரும், பகுஜன் சமாஜ் கட்சித் தலைவருமான, மாயாவதி பல ஏற்பாடுகளை செய்துள்ளார். சமுதாயத்தில் நலிவடைந்த நிலையில் இருந்த, தாழ்த்தப்பட்ட சமுதாய மக்களை மேம்படுத்த, கன்ஷிராமால் துவக்கப்பட்ட பகுஜன் சமாஜ் கட்சியை, ஓட்டு வங்கி அரசியலுக்காக, அதன் இப்போதைய தலைவர், மாயாவதி, மாற்றி அமைத்துள்ளார்.

சிறையில் அல்லது போலீஸ் காவலில் உள்ளவர்கள் தேர்தலில் போட்டி இடமுடியாது !

புதுடில்லி: "சிறையில் அல்லது போலீஸ் காவலில் இருப்பவர்கள், தேர்தலில் போட்டியிட முடியாது' என, சுப்ரீம் கோர்ட் உத்தரவிட்டு உள்ளது.

"குற்ற வழக்குகளில் தண்டனை பெற்ற உடனேயே, எம்.பி., - எம்.எல்.ஏ.,க்களின் பதவியை ரத்து செய்யலாம்' என, சுப்ரீம் கோர்ட் நேற்று முன்தினம் தீர்ப்பளித்தது. இது பெரும் பரபரப்பை ஏற்படுத்தியது. இந்நிலையில், குற்றப் பின்னணி உடையவர்கள், பார்லிமென்ட் மற் றும் சட்டசபைகளில் நுழைவதைத் தடுக்கும் வகையில், நேற்றும் ஒரு முக்கியத்துவம் வாய்ந்த தீர்ப்பை, சுப்ரீம் கோர்ட் வழங்கியுள்ளது. "போலீஸ் காவலில் இருப்பவர்கள், தேர்தலில் போட்டியிட முடியாது' என, பாட்னா ஐகோர்ட் வழங்கிய தீர்ப்பை எதிர்த்து, தேர்தல் ஆணையமும் மற்றும் சிலரும், அப்பீல் செய்திருந்தனர். இந்த வழக்கை விசாரித்த, நீதிபதிகள் பட்நாயக் மற்றும் முகோபாத்யாய் அடங்கிய, "பெஞ்ச்' பிறப்பித்த உத்தரவு விவரம்:  எனவே வெளியில் இருப்பவர்கள் அனைவரும் நல்லவர்கள் உத்தமர்கள் (முக்கியமாக நீதிபதிகள் கே ஜி பால கிருஷ்ணன், தினகரன் ராமசாமி போன்றவர்கள்)

பாகிஸ்தானின் முதல் பெண்கள் பஞ்சாயத்து அமைப்பு

பாகிஸ்தானின் ஸ்வாட் பள்ளத்தாக்கு 2007-ம் ஆண்டு முதல் 2009-ம் ஆண்டு முடிய தலிபான் தீவிரவாதிகளின் பிடியில் இருந்தது. அப்போது அந்தப் பகுதியின் பெண்கள், ஆண் துணையில்லாமல் வெளியில் செல்லவே
அனுமதிக்கப் படவில்லை.பெண்கள் படிப்பதற்கு அனுமதியில்லை. அவர்களின் பள்ளிக்கூடங்கள் தீக்கிரையாக்கப்பட்டன. 2009-ம் ஆண்டு
இங்கு மீண்டும் அரசு நிலைப்படுத்தப் பட்ட போதிலும், பிற பகுதிகளைப் போல் பெண்கள் இங்கு செயல்படமுடியவில்லை. இந்தப் பகுதியைச் சேர்ந்த கிராமங்களில் பழங்குடியினரிடம் பெண்கள் பருவமடையும் சிறு வயதிலேயே திருமணம் செய்தது தரப்படும் வழக்கம் காணப்பட்டது.
இந்தப் பகுதியில் வாழ்ந்துவந்த தஹிரா என்ற பெண், நான்கு வருடங்களுக்கு முன் 12 வயதிலேயே மணமுடித்துக் கொடுக்கப்பட்டார். சென்ற வருடம் ஆசிட் வீசப்பட்டு அந்தப் பெண் உயிரிழக்க நேரிட்டது. தஹிராவின் தாய் தனது மருமகன் சுபா கான்தான் ஆசிட் வீசி தனது மகளைக் கொன்றதாகக் கூறினார். ஆனால், அவரால் அவனுக்கு எந்தத் தண்டனையும் வாங்கித் தர முடியவில்லை. இவருடைய மூத்த மகன் அரசாங்க அதிகாரிகளை சந்திக்க முயன்றபோது சுபாகானாலும், அவனது தந்தையாலும் மிரட்டப்பட்டார்.

ஆந்திராவை மூன்று மாநிலங்களாக பிரிக்க மத்திய அரசு முடிவு ! தெலுங்கானா , ராயசீலிமா, ஆந்திரா !

புதுடில்லி: "தெலுங்கானா' என்ற பெயரில், புதிய மாநிலம்
உருவாக்கப்படுவதற்காக, ஆந்திராவை, மூன்று மாநிலங்களாகப் பிரிக்க, காங்கிரஸ் முடிவு செய்துள்ளது. இதற்கான முடிவு, இன்று நடைபெற உள்ள, அக்கட்சியின் உயர்மட்டக் குழு கூட்டத்தில் எடுக்கப்பட உள்ளது. ஆந்திரா, தெலுங்கானா மாநிலங்களுடன், ராயலசீமாவும் தனி மாநிலமாக உருவாகலாம் என, எதிர்பார்க்கப்படுகிறது.
மொழிவாரி மாநிலங்கள் உருவாக்கப்பட்ட போது, கடந்த, 1956ம் ஆண்டு, சென்னை மாகாணத்தின் ஒருங்கிணைந்த பகுதியாக இருந்த ஆந்திராவின் பல பகுதிகள், ஒருங்கிணைக்கப்பட்டு, ஆந்திர பிரதேசமாக உருவானது.நீண்ட கால போராட்டம்:
அதற்கான ஏற்பாடுகளை செய்த, அப்போதைய ஐதராபாத் நிஜாம், தெலுங்கானா பகுதி மக்களின் எதிர்ப்பையும் மீறி, அந்தப் பகுதியையும் ஒருங்கிணைந்த ஆந்திர பிரதேசமாக அறிவித்து விட்டார். அப்போது துவங்கிய பிரச்னை, இப்போது வரை, 60 ஆண்டுகளாக கொழுந்து விட்டெரிந்த வண்ணமாகவே உள்ளது.

பாசிச ஜெயாவுக்கு காவடி எடுத்து சிவசேனாவை ஆதரித்து சினிமாக்காரன் செபஸ்டியன் நடத்தும் அரசியல்

பா.ம.க – ராமதாசு – வன்னிய சாதிவெறி போன்ற சொற்களே இல்லாமல், மிகவும் கவனமாக தயாரிக்கப்பட்ட பல மொண்ணை அறிக்கைகள் இளவரசன் மரணத்தையொட்டி வெளிவந்து கொண்டிருக்கின்றன. சீமான் வெளியிட்ட அத்தகையதொரு அறிக்கையை விமரிசித்து நாம் நேற்று முன்தினம் ஒரு பதிவு எழுதியிருந்தோம்.
அதற்குப் பின்னூட்டமிட்ட சிலர் வளைத்து வளைத்து பல வார்த்தைகளில் ஒரு கேள்வியை எழுப்பியிருக்கிறார்கள். “எல்லா கட்சிகளும் மழுப்பியிருக்கும்போது எங்கள் செந்தமிழனை மட்டும் ஏன் வறுக்கிறீர்கள்?”, “சாதிப்பூசல் வந்து தமிழர் ஒற்றுமை கெட்டு விடக்கூடாது என்ற நல்லெண்ணத்தின் காரணமாகத்தான் அண்ணன் பா.ம.கவை பெயர் குறிப்பிட்டு சொல்லவில்லை” – இதுதான் அவர்களுடைய லா பாயின்ட்.

இலை மலர்ந்தால் ஈழம் மலரும்

இனி விசயத்துக்கு வருவோம். சீமான் மீது நமக்கு தனிப்பட்ட பகை எதுவும் கிடையாது. சொல்லப்போனால் அவருடைய பொதுக்கூட்டத்தை இந்து மதவெறியர்கள் தாக்கியபோது அதைக் கண்டித்து குரல் கொடுத்திருக்கிறோம். கருணாநிதி ஆட்சியில் தேசிய பாதுகாப்பு சட்டத்தின் கீழ் சிறை வைக்கப்பட்ததை எதிர்த்தும் குரல் கொடுத்திருக்கிறோம். இதெல்லாம் சொற்ப காலம்.
2009 வாக்கில் ஈழப்பிரச்சினையை முன்வைத்து அவர் நடத்தத் தொடங்கிய இனவாத-சந்தர்ப்பவாத அரசியல், இலை மலர்ந்தால் ஈழம் மலரும் என்று பாசிச ஜெயாவுக்கு காவடி எடுத்தது, ஈழத்தை கோட்சே ஆதரித்தால் நான் கோட்சே கட்சி என்று கொள்கை விளக்கமளித்தது, மும்பை முஸ்லிம் இனப்படுகொலையை நடத்திய சிவசேனாவை ஆதரித்து தேர்தல் வேலை செய்தது, முத்துராமலிங்கத் தேவர் வழிபாடு .. என வெகு வேகமாக தன்னைத்தானே அவர் அம்பலமாக்கிக் கொண்டார். பிறகு பெரியார் எதிர்ப்பை மையமாகக் கொண்ட பார்ப்பன அடிவருடி அரசியலை, “திராவிட இயக்க எதிர்ப்பு” என்ற பெயரில் தனது கட்சியின் கொள்கைப் பிரகடனமாக வெளியிட்டார். பிறகு மூக்குடைபட்டு மழுப்பினார்.

மோடியை அம்பலப்படுத்தியதற்காகக் கொல்லப்பட்ட குஜராத் முன்னாள் அமைச்சர் ஹரேன் பாண்டியா.

மோடி அரசால் திட்டமிட்டு நடத்தப்பட்ட குஜராத் முசுலீம் படுகொலை குறித்த வழக்கு-விசாரணைகள் ஒருபுறமிருக்க, முன்னாள் நீதிபதி ஹெச்.எஸ். பேடி என்பவர் தலைமையில் உச்ச நீதிமன்றம் அமைத்துள்ள சிறப்புப் புலனாய்வுக் குழுவொன்று அம்மாநிலத்தில் 2003-க்கும் 2006-க்கும் இடைபட்ட காலத்தில் நடந்த 16 ‘மோதல்’ கொலைகள் பற்றி விசாரணை நடத்தி வருகிறது. 2004-ம் ஆண்டு நடந்த இஷ்ரத் ஜஹான் என்ற கல்லூரி மாணவி உள்ளிட்ட நான்கு முசுலீம்கள் படுகொலை, 2005-ம் ஆண்டு நடந்த சோராபுதீன் படுகொலை, 2006-ம் ஆண்டு நடந்த துளசிராம் பிரஜாபதி படுகொலை ஆகியவை போலிமோதல் கொலைகள் என்பது நிரூபணமாகி, இவை தொடர்பான வழக்குகளை உச்ச நீதிமன்றமும் குஜராத் உயர் நீதிமன்றமும் கண்காணித்து வருகின்றன. குஜராத் முசுலீம் படுகொலையின்பொழுது மோடி அரசில் வருவாய்த் துறை இணை அமைச்சராக இருந்த ஹரேன் பாண்டியாவின் கொலைக்கும், சோராபுதீன், துளசிராம் பிரஜாபதி போலிமோதல் கொலைகளுக்கும் இடையே உள்ள தொடர்போ மர்மங்கள் நிறைந்த துப்பறியும் நாவலைப் போல விரிகிறது.

புட்டபர்த்தி சாய் பாபாவின் வாழ்க்கை வரலாறு திரைப்படமாகிறது! மலையாள திலீப் நடிக்கிறார்

புட்டபர்த்தி சாய் பாபாவின் வாழ்க்கை வரலாறு ‘சாய் பாபா’ என்ற பெயரில் திரைப்படமாகிறது. தெலுங்கில் உருவாகும் இந்த படத்தை தெலுங்கின் பிரபல இயக்குனர் கோடி ராமகிருஷ்ணா இயக்குகிறார். மிகப்பெரிய பட்ஜெட்டில் மிகப்பிரம்மாண்டமான முறையில் உருவாக இருக்கும் இப்படத்தில் சாய் பாபா வேடத்தில் நடிக்க ஏராளமான தென்னிந்திய நடிகர்களை கம்ப்யூட்டர் கிராஃபிக்ஸ் மூலம் பரிசீலித்த இயக்குனர் கோடி ராமகிருஷ்ணா, கடைசியில் பிரபல மலையாள நடிகர் திலீப் தான் அந்த கேரக்டருக்கு மிக பொருத்தமானவர் என்று அவரை தேர்வு செய்திருக்கிறார். தெலுங்கு தவிர மற்ற மொழிகளிலும் வெளியாக இருக்கும் இப்படத்தில் நடிப்பதற்காக திலீபுக்கு இதுவரை எந்த மலையாள நடிகரும் வாங்காத அளவு பெரிய சம்பளம் பேசப்பட்டிருக்கிறதாம். இந்த படத்தில் கோடி ராமகிருஷ்ணாவுடன் திரையுலகின் பல ஜாம்பவான்கள் பணியாற்ற இருக்கிறார்கள். சாய் பாபாவின் 20 வயது முதல் அவர் சமாதி அடையும் வரையிலான நிகழ்வுகளை சித்தரிக்கவுள்ள இப்படத்தின் படப்பிடிப்பு புட்டபர்த்தி மற்றும் இமாச்சல பிரதேசத்தில் நடக்கவிருக்கிறது. செப்டம்பர் மாதம் படப்பிடிப்பு துவங்கவிருக்கிறது. இப்படத்தில் நடிப்பதற்காக திலீப் விரதம் இருக்க போகிறாராம். ஏற்கெனவே ஷிர்டி சத்யசாய் பாபாவின் வரலாற்றை சித்தரித்து எடுக்கப்பட்டிருந்த ‘ஷிர்டி சாய்’ என்ற தெலுங்குப் படத்தில் நாகார்ஜுனா நடித்திருந்தார் என்பது குறிப்பிடத்தக்கது.

மலேசியாவில் மூன்று விளையாட்டு வீரர்கள் பெண் நிர்வாகியை பலாத்காரம் செய்தனர்

PETALING JAYA: Sukma handball players - Adib Adha Ismail, 18, Megat Farzeril Faiz Megat Razali and Mohammad Shaizzad Md Shafie, both are 19, - claimed trial to a charge of raping a 20-year-old chaperone.
They were charged separately before three Sessions judges on Thursday. Each were granted bail of RM10,000.
They were alleged to have raped the girl in a room in Second College, Universiti Putra Malaysia, Serdang, at about 4.10am on July 4.The three suspects covering their faces while being led into the court lock-up. Starpix by SAM THAM
மலேசியாவில் ஹேண்ட் பால் பெண் நிர்வாகி ஒருவர் ஹேண்ட் பால் வீரர்களால் கற்பழிக்கப்பட்டுள்ளார். கோலாலம்பூரில் நடந்த போட்டியின்போது விளையாட்டு கிராமத்தில் வைத்து 3 வீரர்கள் ஹேண்ட்பால் சங்கத்தின் 19 வயதான பெண் நிர்வாகியை கற்பழித்து உள்ளனர்.
இது தொடர்பாக 3 வீரர்களும் கைது செய்யப்பட்டனர். அவர்களுக்கு 18 மற்றும் 19 வயதுதான் ஆகிறது. 3 வீரர்கள் மீது கடுமையான நடவடிக்கை எடுக்க வலியுறுத்தப்பட்டுள்ளது.

குஜராத்தில் போலி என்கவுண்டரில் கொல்லப்பட்ட இஷ்ரத் ஜஹான் குடும்பத்திற்கு கொலை மிரட்டல் !

எங்கள் உயிருக்கு அச்சுறுத்தல்: இஷ்ரத் ஜகான் குடும்பத்தினர் பரபரப்பு

குற்றச்சாட்டு" குஜராத் மாநிலத்தில் கடந்த 2004ம் ஆண்டு நடந்த என்கவுண்டரில் கல்லூரி மாணவி இஷ்ரத் ஜகான் உள்ளிட்ட 4 பேர் கொல்லப்பட்டனர். முதல்வர் நரேந்திர மோடியை கொலை செய்ய திட்டம் தீட்டியதால் இந்த என்கவுண்டர் நடத்தப்பட்டதாக போலீஸ் தரப்பில் விளக்கம் அளிக்கப்பட்டது. ஆனால் இது போலி என்கவுண்டர் என்று எதிர்க்கட்சிகள் பிரச்சினை கிளப்பியதையடுத்து, சி.பி.ஐ. விசாரணை நடத்தி முதல் குற்றப்பத்திரிகையை தாக்கல் செய்தது. அதில் இஷ்ரத் கொலை போலி என்கவுண்டர் என்று கூறியுள்ள சி.பி.ஐ., உயர் அதிகாரிகள் உள்ளிட்ட 7 போலீஸ்கார்களை குற்றவாளிகளாக சேர்த்திருந்தது. இந்நிலையில், இஸ்ரத் ஜகானின் உறவினர்கள் தங்கள் உயருக்கு அச்சுறுத்தல் இருப்பதாக கூறி பரபரப்பை ஏற்படுத்தியுள்ளனர்.

சவுதி இளவரசி அமெரிக்காவில் கைது ! பணிப்பெண்ணை அடைத்து வைத்திருந்தார்

Meshael Alayban is charged with human trafficking after a Kenyan woman escapes and alleges she was held against her will. Meshael Alayban flew to California from Saudi Arabia in May ; A Saudi princess is facing up to 12 years in prison in California after being accused of holding a servant against her will.

அமெரிக்காவின் கலிபோர்னியா மாகாணத்தில் பணிப்பெண் ஒருவரை அவரது விருப்பத்திற்கு மாறாக வலுக்கட்டாயமாக வேலையில் ஈடுபடுத்தி தங்கவைத்துள்ளதால், ஆள் கடத்தல் வழக்கின் அடிப்படையில் சவுதி இளவரசி ஒருவர் கைது செய்யப்பட்டுள்ளார். கடந்த 2012ம் ஆண்டு, 30 வயதுடைய கென்யா நாட்டுப் பெண் ஒருவர் வேலைக்காக சவுதி அரேபியா அழைத்து வரப்பட்டார். அங்கு வந்ததும் அவரது பாஸ்போர்ட் பறிமுதல் செய்யப்பட்டுள்ளது. அங்கிருந்து இளவரசி மெஷேல் அலேபன் அவரை வீட்டு வேலைக்காக அமெரிக்காவின் கலிபோர்னியா மாகாணத்திற்கு அழைத்து வந்துள்ளார்.  அங்கு அவர் அதிக நேரம் வேலை செய்ய நிர்பந்திக்கப்பட்டுள்ளார். சம்பளமும் பேசியதைவிட குறைவாகவே கொடுக்கப்பட்டுள்ளது. 1,600 டாலர் மாத சம்பளமாக பேசப்பட்ட அவருக்கு மாதம் 200 டாலர்தான் வழங்கப்பட்டுள்ளது.
வெளியே செல்வதற்கும் அவருக்கு அனுமதி வழங்கப்படவில்லை. அந்தப் பெண் தன்னுடைய உடைமைகளுடன் யாருக்கும் தெரியாமல் ஒருநாள் அங்கிருந்து வெளியேறி பேருந்தில் பயணித்துள்ளார். ஒரு நிறுத்தத்தில் இறங்கியபோது அருகில் இருந்தவரிடம் விஷயத்தைத் தெரிவித்துள்ளார். அவர் உதவியுடன் கொடுத்த புகாரின் பேரில், மெஷேல் கைது செய்யப்பட்டார்.

மன்மோகன் சிங்கின் சுரங்க துறை ஒதுக்கீட்டு ஆவணங்களை ஒப்படைக்க அதிரடி உத்தரவு !

அனைத்து நிலக்கரி சுரங்க ஒதுக்கீடு ஆவணங்களையும் மத்திய அரசு தாக்கல்
செய்ய வேண்டும் என்று சுப்ரீம் கோர்ட்டு அதிரடி உத்தரவு பிறப்பித்தது. பிரதமர் மன்மோகன்சிங் நிலக்கரி துறை மந்திரி பொறுப்பையும் வகித்தபோது, நாட்டில் உள்ள 164 நிலக்கரி சுரங்கங்களை ஒதுக்கீடு செய்ததில் ரூ.1.85 லட்சம் கோடி ஊழல் நடந்துள்ளதாக தலைமை கணக்கு தணிக்கையர் அறிக்கையில் குற்றம் சாட்டப்பட்டுள்ளது. இந்த ஊழல் குறித்து சி.பி.ஐ. விசாரணை நடந்து வருகிறது. இதுதொடர்பாக சுப்ரீம் கோர்ட்டில் ஒரு பொது நல வழக்கும் தாக்கல் செய்யப்பட்டு நிலுவையில் உள்ளது. இந்த வழக்கு நீதிபதிகள் ஆர்.எம். லோதா, மதன் பி. லோகுர், குரியன் ஜோசப் ஆகியோரை கொண்ட அமர்வு முன்பாக விசாரணைக்கு வந்தது. அப்போது சி.பி.ஐ.க்கு தன்னாட்சி வழங்குவது தொடர்பாக எடுத்துள்ள நடவடிக்கை தொடர்பாக மத்திய அரசு எடுத்துள்ள நடவடிக்கைபற்றிய பிரமாண பத்திரத்தை நீதிபதிகள் ஆய்வு செய்தனர். மத்திய அரசின் இந்த பிரமாண பத்திரத்தை நீதிபதிகள் கடுமையாக விமர்சித்து கருத்து வெளியிட்டனர் அப்போது அவர்கள் கூறியதாவது:-

நடிகை லீனா மரியாவை கில்லாடி காதலன் சுகாஷ் உண்மையில் சிறைபடுத்தி வைத்திருந்தானா ?

சென்னை : மலையாள நடிகை லீனா மரியா பாலுடன் இணைந்து, 19 கோடி
ரூபாய் கடன் வாங்கி மோசடியில் ஈடுபட்ட சுகாஷ், ஸ்பானிஷ், பிரெஞ்ச், ஆங்கிலம், தமிழ் என, எட்டு மொழிகள் அறிந்தவர். சென்னையில் இருந்த போது, "ஐ.ஏ.எஸ்.,' அதிகாரி என தன்னை கூறிக் கொண்டு, 10 பாதுகாவலர்களுடன் வலம் வந்தது, போலீஸ் விசாரணையில் தெரிய வந்துள்ளது. மேலும், சுகாஷ் மீது தற்போது, தமிழகம் மற்றும் கர்நாடகத்தில் மட்டும், 14 வழக்குகள் உள்ளன.சென்னை, அம்பத்தூரில், 19 கோடி ரூபாய் மோசடி மற்றும் சேலையூரில் ஜவுளி வியாபாரியிடம் மோசடி உள்ளிட்ட வழக்குகளில், டில்லியில் கைது செய்யப்பட்ட சுகாஷை, சென்னை மத்திய குற்றப்பிரிவு போலீசார், ரயில் மூலம், சென்னை கொண்டு வந்து, கோர்ட்டில் ஆஜர்படுத்தி சிறையில் அடைத்துள்ளனர்.இந்நிலையில், ஏற்கனவே அவர் குறித்து நடத்தப்பட்ட விசாரணையில், சிவப்பு சுழல் விளக்கு காரில் வலம் வந்ததுடன், பலரிடம், "ஐ.ஏ.எஸ்.,' அதிகாரி என்று ஏமாற்றி வந்தது கண்டுபிடிக்கப்பட்டுள்ளது.

அடியாட்களுடன் போலீஸ் ஏட்டு அடாவடி! மாமூல் கேட்டு டிரைவர்கள் மீது தாக்கு

கிருஷ்ணகிரி :"மாமூல்' தர மறுத்த லாரி டிரைவர்களை, போலீஸ் ஏட்டு,
அடியாட்கள் மூலம் தாக்கியதைக் கண்டித்து, பொதுமக்கள், சாலை மறியல் போராட்டம் நடத்தினர்.கிருஷ்ணகிரி மாவட்டம், குருவிநாயனப்பள்ளியில், போலீஸ் சோதனைச் சாவடி உள்ளது. இது, ஆந்திர மாநில நுழைவுப் பகுதி. இங்கு, நேற்று பிற்பகல், 2:00 மணிக்கு, ஏட்டு ராஜேந்திரன் பணியில் இருந்தார்.அப்போது, பஞ்சாப் மாநிலத்தில் இருந்து ஒரு லாரி வந்தது. லாரியை நிறுத்திய, ராஜேந்திரன் மற்றும் அவரது எடுபிடியாக இருந்த அடியாட்கள், டிரைவர்களிடம், மாமூல் பணம் கேட்டனர்.டிரைவர்கள், ஹீர்சியாபூரை சேர்ந்த பரம்ஜித் சிங், 42, குருவிந்தர் சிங், 43, ஆகியோர் லாரியை விட்டு இறங்கி, ஆவணங்களைக் காட்டி, அனைத்தும் சரியாக உள்ளதால், "மாமூல் தர முடியாது' என்றனர்.

உம்மன் சாண்டி: பதவி விலக முடியாது ! ஊழல் குற்றச்சாட்டில் உண்மை இல்லாயாமே? வளர சத்தியமானு சேட்டா?

சூரிய மின்சக்தி ஊழல் புகாரில் கேரள முதல்–மந்திரி உம்மன்சாண்டி பதவி விலகக்கோரி அம்மாநிலம் முழுவதும்  இடதுசாரி ஜனநாயக முன்னணி சார்பில் முழுஅடைப்பு போராட்டம் புதன்கிழமை நடந்தது. இந்த நிலையில், கேரள அமைச்சரவை அவசரக் கூட்டத்தை உம்மன் சாண்டி கூட்டினார்.

கூட்டத்திற்கு பின்னர் செய்தியாளர்களிடம் பேசிய அவர்,

ஆளும் ஐக்கிய ஜனநாயக கூட்டணியின் ஆட்சி தொடரும். கட்சிக்குள் எவ்வித கருத்து வேறுபாடும் ஏற்படவில்லை. என் மீது அதிருப்தியும் இல்லை. முறைகேடு குறித்து முழுமையாக விசாரணை நடத்தப்படும். இதற்காக நான் பதவி விலக முடியாது என்று தெரிவித்துள்ளார்.

சுப்ரீம் கோர்ட் : இரண்டு ஆண்டுகளுக்கு மேல் சிறைத்தண்டனை பெற்றால் MP MLA பதவிகள் பறிக்கப்படும்

புதுடில்லி :கிரிமினல் வழக்குகளில் தண்டிக்கப்படும், எம்.பி., அல்லது எம்.எல்.ஏ.,க்களின் பதவிகளைப் பறிக்க, சுப்ரீம் கோர்ட் அதிரடி உத்தரவு பிறப்பித்துள்ளது. கிரிமினல் வழக்குகளில் தண்டனை பெற்றவர்களை பாதுகாக்கும், மக்கள் பிரதிநிதித்துவ சட்டப் பிரிவை, சுப்ரீம் கோர்ட், நேற்று அதிரடியாக ரத்து செய்துள்ளது. லில்லி தாமஸ் என்ற வழக்கறிஞரும், "லோக் பிரகார்த்தி' என்ற தன்னார்வ அமைப்பும், சுப்ரீம் கோர்ட்டில் தாக்கல் செய்திருந்த மனுக்களில் கூறியிருந்ததாவது:"குற்றவாளிகள், தேர்தலில் போட்டியிடக் கூடாது' என, அரசியலமைப்பு சட்டம் கூறுகிறது. ஆனால், மக்கள் பிரதிநிதித்துவ சட்டத்தின் பிரிவு, 8 (4), "கிரிமினல் வழக்குகளில் தண்டனை பெற்ற, எம்.பி., அல்லது எம்.எல்.ஏ.,க்களை, தண்டனை விதிக்கப்பட்டதிலிருந்து, மூன்று மாதங்களுக்கு, அவர்கள் வகிக்கும் பதவிகளிலிருந்து நீக்க முடியாது. இந்த காலத்தில், அவர்கள், தங்களுக்கு விதிக்கப்பட்ட தண்டனையை எதிர்த்து, மேல் கோர்ட்டுகளில் முறையீடு செய்யலாம். அந்த வழக்குகள் நிலுவையில் இருந்தால், அந்த மக்கள் பிரதிநிதிகள் மீது நடவடிக்கை எடுக்க முடியாது' என, கூறுகிறது.இந்த சட்டப் பிரிவு, அரசியலமைப்பு சட்டத்துக்கு விரோதமாக இருப்பதுடன், குற்றப் பின்னணி உடையவர்கள், தேர்தலில் போட்டியிடுவதை ஊக்குவிக்கும் வகையிலும் உள்ளது. கிரிமினல் வழக்குகளில் தண்டனை பெற்றவர்கள், மேல் முறையீடு செய்வதன் மூலம், எம்.பி., அல்லது எம்.எல்.ஏ., பதவிகளில் தொடர்ந்து நீடிப்பதுடன், அனைத்து சலுகைகளையும் பெறுகின்றனர்.சாதாரண மக்களுக்கு ஒரு விதமாகவும், மக்கள் பிரதிநிதிகளுக்கு மற்றொரு விதமாகவும் இந்தச் சட்டம் உள்ளது. எந்த வழக்கிலாவது, இரண்டு ஆண்டு சிறைத் தண்டனை விதிக்கப்படும் மக்கள் பிரதிநிதிகளின் பதவிகள் பறிபோவது, உறுதியாகியுள்ளது."....அப்போ பெங்களூர் தீர்ப்பு வந்தால்? நமக்கு அடுத்த முதல்வர் யாருங்க?

நீதிமன்றம்: தயாநிதி மாறன் மீதான ஏர்செல்-மேக்சிஸ் வழக்கில் ஏன் முன்னேற்றம் இல்லை?

டெல்லி: முன்னாள் மத்திய அமைச்சர் தயாநிதி மாறன் உள்ளிட்டோர் மீதான ஏர்செல்-மேக்சிஸ் வழக்கில் எப்.ஐ.ஆர். பதிவு செய்யப்பட்டு ஓராண்டுக்கு மேலாகியும் வழக்கில் எந்த முன்னேற்றமும் இல்லையே ஏன் என்று சிபிஐ-யிடம் உச்சநீதிமன்றம் கேள்வி எழுப்பி கண்டனம் தெரிவித்துள்ளது.இதைத் தொடர்ந்து தயாநிதி மாறன் உள்ளிட்டோர் மீதான விசாரணை முடிந்துவிட்டது என்று சிபிஐ தரப்பில் பதில் தெரிவிக்கப்பட்டது. வழக்கு என்ன?இந்தியாவைச் சேர்ந்த சிவசங்கரனுக்கு சொந்தமான ஏர்செல் நிறுவனம், ஸ்பெக்ட்ரம் அலைக்கற்றை உரிமம் கோரி விண்ணப்பித்தது. அப்போது தொலைத் தொடர்புத் துறை அமைச்சராக தயாநிதி மாறன் பல காரணங்களை கூறி உரிமம் வழங்கவில்லை. பின்னர் மலேசியாவின் மேக்ஸிஸ் நிறுவனத்துக்கு ஏர்செல்லின் பங்குகள் விற்கப்பட்ட நிலையில் ஸ்பெக்ட்ரம் உரிமம் வழங்கப்பட்டது.

Toronto திடீரென அடித்த பெருமழை வீதிகள் ஆறுகள் ஆயின !

கனடா டொரன்டோ நகரில் வெள்ளப்
பெருக்கு வீதிக்கே  வந்து விட்டது.

யாருமே எதிர்பாராமல், மிகக் குறுகிய நேரம் அடித்த மழை சூறாவளியால், வீதியெல்லாம் ஆறாக ஓடியது வெள்ளம். ஆறு என்பது உவமானத்துக்கு சொல்லப்பட்டதல்ல, நிஜ ஆறு போலவே வெள்ளம் பாய்ந்து ஓடியது.

கார்களை  வெள்ளம்   அடித்துச் சென்றது. காரில் பயணம் செய்து கொண்டிருந்தவர்கள்  திடீரென வெள்ளம் காரை மூடிக்கொண்டதில், இறங்கி நீந்திச் செல்ல வேண்டியதாயிற்று. அல்லது, காரின் மீது ஏறி நின்று, படகுக்காக காத்திருக்க வேண்டி வந்தது.

 அதாவது பரவாயில்லை. ட்ரெயினில் பயணம் செய்தவர்களின் நிலைமை அதைவிட மோசம். ஒதுக்குப்புறமான ரயில் பாதையில் ட்ரெயின் சென்று கொண்டிருந்தபோது, திடீரென வெள்ளம் சூழ்ந்து கொண்டது. ட்ரெயின் அசைய முடியவில்லை.

Air Asia Tata ஒப்பந்தத்தைக் விமர்சித்துவரும் சு.சுவாமிக்கு டோனி பெர்னாண்டஸ் பதிலடி

டெல்லி: ஜனதா கட்சித் தலைவர் சுப்பிரமணியன் சுவாமி, ஜெட் ஏர்வேஸின் நரேஷ் கோயல் ஆகியோரை சகட்டுமேனிக்கு வெளுத்துவாங்கிவிட்டார் ஏர் ஏசியா நிறுவனத்தின் தலைவரான டோனி பெர்னாண்டஸ்.மலேசியாவை சேர்ந்த ஏர் ஏசியா நிறுவனம் டாடா குழுமத்துடன் இணைந்து இந்தியாவில் குறைந்த கட்டண விமான சேவையில் ஈடுபட இருக்கிறது. ஏர் ஏசியாவின் நிறுவனரும் தலைவருமான டோனி பெர்னாண்டஸ், இந்திய வம்சாவளியைச் சேர்ந்தவர். அவர் கடந்த வாரம் இந்தியா வருகை தந்திருந்தார். டெல்லியில் தங்களது விமான சேவை அறிமுகம் பற்றிய செய்தியாளர் கூட்டத்தையும் நடத்தியிருந்தார்.

நடிகை எமி ஜாக்சன் கார்விபத்தில் காயம்

ஆர்யாவுடன் மதராச பட்டணம் படத்தில் கதாநாயகியாக நடித்தவர்
எமிஜாக்சன், விக்ரமுடன் ‘தாண்டவம்’ படத்திலும் நடித்தார். தற்போது ஷங்கர் இயக்கத்தில் விக்ரம் நடிக்கும் ‘ஐ’ படத்திலும் நடித்து வருகிறார். தெலுங்கு படத்திலும் நடிக்கிறார். தெலுங்கில் ராம்சரன், ஸ்ருதிஹாசன் ஜோடியாக நடிக்கும் ‘யவடு’ படத்தில் எமி ஜாக்சன் இரண்டாவது நாயகியாக நடிக்கிறார். இதன் படிப்பிடிப்பு லண்டனில் நடந்தது. எமிஜாக்சன் காரில் பயணம் செய்வது போன்ற காட்சியொன்றை படமாக்கினர். காரை டிரைவர் வேகமாக ஓட்டினார். அப்போது அந்த கார் எதிர்பாராதவிதமாக எதிரே வந்த இன்னொரு காருடன் பயங்கரமாக மோதியது. இதில் காருக்குள் இருந்த எமிஜாக்சனுக்கு பலத்த அடிபட்டது. உடலில் ரத்தக்காயங்கள் ஏற்பட்டன. படப்பிடிப்பு குழுவினர் விரைந்து சென்று எமி ஜாக்சனை மீட்டு ஆஸ்பத்திரிக்கு அனுப்பி வைத்தனர். அங்கு தீவிர சிகிச்சை அளிக்கப்படுகிறது.

சினிமா தயாரிப்பாளர் L.V.Prasadhஇன் பேரன் ரவிசங்கர் பிரசாத்தை காணவில்லை ! அதிகாலை வாக்கிங் போனவர் திரும்பவில்லை

Grandson of renowned southern producer L.V. Prasad, Ravi Shankar has produced southern films such as "Shankar Dada MBBS", "Mayakkam Enna" and "Nanban". (L to R) Grandson Manohar Prasad, Son Ramesh Prasad, Grandsons Sai Prasad and Ravishankar Prasad with L.V.Prasad
சென்னையை சேர்ந்த பிரபல தொழில்
அதிபர் ரவிசங்கர்பிரசாத் (வயது 57).
இவர் ஆனந்த் ரீஜென்ஸி என்ற பெயரில் பல்வேறு இடங்களில் ஓட்டல் நடத்தி வருகிறார். சினிமா தயாரிப்பாளராகவும் இருக்கிறார்.
இவருடைய ஓட்டல் ஒன்று ஆந்திர மாநிலத்தையொட்டி உள்ள புதுச்சேரி மாநில பிராந்தியமான ஏனாமில் உள்ளது. இந்த ஓட்டலை பார்வையிடுவதற்காக ரவிசங்கர் பிரசாத் சென்றிருந்தார். நேற்று முந்தினம் அதிகாலை 3 மணி அளவில் ஓட்டலில் இருந்து வாக்கிங் செல்ல வெளியே புறப்பட்டார். அங்குள்ள கோதாவரி ஆற்றின் பாலம் அருகே சென்றவர் பின்னர் ஓட்டலுக்கு திரும்பவில்லை. அவர் கடத்தப்பட்டரா? அல்லது ஆற்றில் தவறி விழுந்து விட்டாரா? என்று தெரியவில்லை. இதுபற்றி ஏனாம் போலீசார் வழக்குப்பதிவு செய்து விசாரணை நடத்தி வருகிறார்கள். இதுதொடர்பாக ஏனாம் போலீஸ் சூப்பிரண்டு புருஷோத்தமனிடம் கேட்டபோது அவர் கூறியதாவது:–
ரவிசங்கர்பிரசாத் ஓட்டலில் அதிகாலை 3 மணி அளவில் வெளியே புறப்பட்டு சென்றுள்ளார். வெளியே போகும்போது வரவேற்பு கூடத்தில் இருந்த ஊழியரிடம் குடை ஒன்றை வாங்கி சென்றுள்ளார்.

பார்ப்பன பாசிசத்துக்கு பல்லக்குத் தூக்கும் போலி கம்யூனிஸ்டுகள் !

போலிகளின் தனியார்மய எதிர்ப்பு முகமூடி மமதா பானர்ஜி என்றவொரு பாசிஸ்டின் கையால் கிழிபட்டது. மதச்சார்பின்மை முகமூடியோ ஒரு பார்ப்பன பாசிஸ்டின் கரத்தால் கிழிக்கப்படுவதற்காகக் காத்திருக்கிறது.
வலது-இடது போலி கம்யூனிஸ்டுகள் நாடாளுமன்ற அரசியல் சாக்கடையில் தம் சொந்த விருப்பத்தின் பேரில்தான் இறங்கியிருக்கின்றனர் என்பது உண்மையே எனினும், அவர்களைத் திணறத் திணற அந்தச் சாக்கடைக்குள் முக்கி எடுப்பதற்கு ஒரு ஜெயலலிதா தேவைப்படுகிறார். நடந்து முடிந்த மாநிலங்களவைத் தேர்தல் கூத்துகள் போலிகளின் முக விலாசத்தை முற்றிலும் அம்பலமாக்கி விட்டன. தங்களுடைய மாநிலங்களவை வேட்பாளருக்கு ஜெயலலிதாவிடம் ஆதரவு கோரி சென்னைக்குக் காவடி எடுத்த வலது கம்யூனிஸ்டு கட்சித் தலைவர்களைக் காக்க வைத்து, பார்க்க மறுத்து, பிறகு ஆதரவு இல்லை என்று டில்லியில் அறிவித்து கதவை மூடிய பின்னரும் காம்பவுண்டுக்கு வெளியே காத்திருந்தனர் போலி கம்யூனிஸ்டுகள்.

இந்தியாவில் தங்கக்கட்டிகள்-காசுகள் விற்பனை நிறுத்தம்

இந்தியாவில் நடப்புக் கணக்கின் பற்றாக்குறை அதிகரித்துக் கொண்டிருக்கும் இவ்வேளையில், தங்கத்தில் முதலீடு செய்வது குறைந்தால் பணப்புழக்கம் அதிகரிக்கும் என்று நிதி மந்திரி ப.சிதம்பரம் வலியுறுத்தி வருகின்றார். இந்நிலையில், கணக்கு பற்றாக்குறையை குறைக்க மத்திய அரசு எடுத்து வரும் முயற்சிகளுக்கு உதவும் பொருட்டு, வாடிக்கையாளர்களுக்கு தங்கக் கட்டிகள், காசுகள் விற்பனையை நிறுத்தி வைப்பதாக அனைத்திந்திய ஆபரணக் கற்கள் மற்றும் நகை வர்த்தக கூட்டமைப்பு இன்று தெரிவித்துள்ளது.

மதுரையில் ஜி.கே.வாசனை திடீரென சந்தித்த மு.க. அழகிரி

மதுரையில் முன்னாள் மத்திய அமைச்சர் மு.க. அழகிரி இன்று திடீரென மத்திய அமைச்சர் ஜி.கே.வாசனை சந்தித்துப் பேசினார். மத்திய அரசில் இருந்து திமுக வெளியேறிய நிலையில் ஜி.கே.வாசன் உள்ளிட்ட காங்கிரஸ் தலைவர்களுடன் அழகிரி மட்டும் நெருக்கம் பாராட்டி வந்தார். இந்நிலையில் மதுரையில் இன்று காலையில் உத்தரகாண்ட் விமான விபத்தில் இறந்துபோன பைலட் பிரவீன் வீட்டிற்கு ஆறுதல் சொல்வதற்காக கட்சி நிர்வாகிகளுடன் மு.க.அழகிரி சென்றார். பின்னர் பிரவீன் வீட்டில் இருந்து வெளியே மு.க. அழகிரி புறப்படும் நேரத்தில் மத்திய அமைச்சர் ஜி.கே. வாசன் அங்கு வந்தார். இருவரும் பரஸ்பரம் வணக்கம் செலுத்தினர். பின்னர் 10 நிமிட நேரம் இருவரும் பேசிக் கொண்டிருந்தனர்.
tamil.oneindia.in

ஐஐடிக்களில் காலியாக கிடக்கும் 769 சீட்கள்..! பிற்படுத்தப்பட்ட, தலித் மாணவர்களுக்கான இடங்களை நிரப்பாமல்

மும்பை: ஐஐடி எனப்படும் இந்தியாவின் தொழில்நுட்பக் கல்வி மையங்களில் சீட் கிடைத்தும் 769 பேர் சேரவில்லை என்றால் நம்ப முடிகிறதா?. ஐஐடியில் படிக்க வேண்டும் என்பதே லட்சக்கணக்கான மாணவர்களின் கனவாக இருந்து வரும் நிலையில், இதில் இந்த ஆண்டு இடம் கிடைத்தும் கூட நூற்றுக்கணக்கானவர்கள் சேர மறுத்துள்ளனர். இதனால் செகண்ட் ரவுண்ட் சேர்க்கையை ஆரம்பித்துள்ள ஐஐடிக்கள். வழக்கமாக இடஒதுக்கீட்டின் கீழ் வரும் இடங்கள் தான் காலியாக இருக்கும். தகுதியான மாணவர்கள் கிடைக்கவில்லை என்று ஏதாவது காரணம் கூறி, 'உள்குத்து' வேலை பார்த்து, பிற்படுத்தப்பட்ட, தலித் மாணவர்களுக்கான இடங்களை நிரப்பாமல் விட்டுவிடுவர்.

ஸ்ரீபிரியா மீண்டும் இயக்குனராகிறார்! மாலினி 22 பாளையங்கோட்டை

தமிழில் 200-க்கும் மேற்பட்ட படங்களில் நடித்தவர் நடிகை ஸ்ரீபிரியா. தற்போது
தமிழில் இரண்டு தொலைக்காட்சி தொடர்களை இயக்கு வருகிறார். முதல் முறையாக இவர் கணவர் ராஜ்குமார் தயாரிக்கும் படத்தை இவர் இயக்குகிறார். மலையாளத்தில் வெளிவந்து வெற்றிகரமாக ஓடிய '22 பீமேல் கோட்டயம்' என்ற படத்தை தமிழ் மற்றும் தெலுங்கில் இயக்குகிறார். இப்படத்திற்கு தமிழில் 'மாலினி 22 பாளையங்கோட்டை' என்று பெயரிட்டுள்ளர். இதில் கதாநாயகியாக நித்யா மேனன், புதுமுக நாயகனாக கிரிஷ் இணைந்து நடிக்க மற்றும் கோட்டா சீனிவாசராவ், கோவை சரளா மற்றும் பலர் நடிக்கிறார்கள். இந்தபடத்தின் படப்பிடிப்பு வரும் 15-ந்தேதி தொடங்க உள்ளது. இப்படத்தைப் பற்றி ஸ்ரீபிரியா கூறும்போது, ''இந்தப் படம் மலையாளத்தில் பார்த்தபோது என்னை மிகவும் கவர்ந்தது. இது இன்றைய காலக்கட்டத்தில் தினமும் நாம் பத்திரிகையில் சந்திக்கும் செய்திகளாக உள்ளது. இப்படம் மூலம் விழிப்புணர்வு ஏற்படும். அதனால் இது எல்லா மொழிகளிலும் வெளிவர வேண்டும் என்று விரும்புகிறேன். இதனால் முதலில் தமிழ் மற்றும் தெலுங்கில் கணவர் தயாரிக்க நான் இந்த படத்தை இயக்குகிறேன்'' என்றார்

Toronto வில் வரலாறு காணாத மழை ! ரெயில்களில் ஜன்னல் அளவிற்கு தண்ணீர்

கனடா நாட்டிலுள்ள பெரிய நகரான டொராண்டோவில் நேற்று முன்தினம்
வரலாறு காணாத அளவில் மழை கொட்டியது. இதனால் சாலைகள், சுரங்கப்பாதைகளில் வெள்ளம் தேங்கி ரெயில்கள், வாகன போக்குவரத்து கடுமையாக பாதிக்கப்பட்டது. பல கார்கள் தண்ணீரில் மூழ்கின. சில மாநகர ரெயில்களில் ஜன்னல் அளவிற்கு தண்ணீர் புகுந்ததால் பயணிகள் தவித்தனர். தீயணைப்பு படையினரும், போலீசாரும் சென்று பயணிகளை பத்திரமாக மீட்டனர். இந்த மழைக்கு கால்குரே பகுதியில் 3 பேர் பலியானார்கள். சுமார் 1 லட்சம் மக்கள் வீடுகளை காலி செய்து வெளியேறினர். மின்சாரம் இன்றி 4 லட்சம் குடும்பங்கள் தவிக்கின்றன.

உத்தரகாண்ட்: கால்கள் உடைந்து தனிமையில் இருந்த சிறுமி கண்டுபிடிப்பு

உத்தரகாண்ட் வெள்ளத்தில் 3 வயது குழந்தை ஒன்று தனிமையாக்கப்பட்டு 2
கால்களும் உடைந்த நிலையில் கோதியாலா மருத்துவமனையில் சிகிச்சை பெற்று வருகிறது. 2 கால்களும் உடைந்து, மாவு கட்டு போடப்பட்டு, அசைக்க முடியாத நிலையில் ஒரு கட்டிலில் அமர்ந்து இருக்கிறது.  தற்போது சிறுமி அடையாளம் காணப்பட்டுள்ளார். சிறுமி ரிஷிகேஷ் மற்றும் தேவ்பராயாக் இடையே வெள்ளப் பெருக்கு ஏற்பட்ட போது சிறுமி அவளது தாத்தா மற்றும் பாட்டியிடம் இருந்து பிரிந்துள்ளார். பின்னர் அங்கு சிக்கி தவித்த சிறுமி இரண்டு கால்களும் உடைந்த நிலையில் மீட்கப்பட்டுள்ளார். சிறுமிக்கு உத்தரகாண்ட் மாநிலம் ஸ்ரீநகர் மாவட்டத்தின் பாக்வான் கிராமம் என்றும் சிறுமியின் பெயர் ஜோதி என்றும் தெரியவந்துள்ளது. சிறுமி தனது பாட்டி மற்றும் தாத்தாவை வெள்ளத்தில் இழந்துள்ளார்maalaimalar.com

பாகிஸ்தான் நினைத்திருந்தால் ஒசாமாவை 10 ஆண்டுகளுக்கு முன்னரே பிடித்திருக்கலாம்! மிக சுதந்திரமாக உலாவினார்

இஸ்லாமாபாத்: சர்வதேச பயங்கரவாதி, ஒசாமா பின் லேடனை, பல ஆண்டுகளுக்கு முன்னரே பிடித்திருக்கலாம்; ஆனால், பாகிஸ்தான் அதை செய்ய தவறிவிட்டதாக தகவல்கள் வெளியாகியுள்ளன.அமெரிக்காவில், 2001ம் ஆண்டு, நியூயார்க்கில், இரட்டை கோபுர உலக வர்த்தக கட்டடம், தீவிரவாத தாக்குதலுக்கு உள்ளானது. இந்த தாக்குதலுக்கு காரணமான, அல்கொய்தா அமைப்பை சேர்ந்த, ஒசாமா பின் லேடனை, சர்வதேச பயங்கரவாதியாக அறிவித்த அமெரிக்கா, அவனை தேடும் பணிகளில் ஈடுபட்டது. ஆப்கானிஸ்தான் மலைக் குகைகளில் பதுங்கியிருப்பதாக கிடைத்த தகவல்களின் அடிப்படையில், அந்நாட்டின் மீது அமெரிக்கா போர் தொடுத்தது. இதனிடையே, பாகிஸ்தானின் அபோதாபாத் நகரில், பதுங்கியிருந்த ஒசாமா பின் லேடனை, அமெரிக்க அதிரடி படையினர் சுட்டுக் கொன்றனர். அமெரிக்காவில் தாக்குதல் நடத்திய பின், ஒசாமா பின் லேடன், தன் குடும்பத்துடன் பாகிஸ்தானில் தங்கியிருந்ததாகவும், சுதந்திரமாக சுற்றித்திரிந்த அவனை கைது செய்வதில், பாக்., போலீசார், கடமையிலிருந்து தவறிவிட்டதாகவும், தகவல்கள் வெளியாகியுள்ளன. பாகிஸ்தானை பற்றி தெரியாமல் பேசும் கருத்து இது, ஒசாமா பாகிஸ்தான் பிரதமர் அலுவலகத்தில் தங்கினால் கூட அவர்கள் ஒசாமாவை பார்க்கவே இல்லையே என்று சாதித்து இருப்பார்கள். பாகிஸ்தானில் தீவிரவாத ஆதரவு மனநிலை மாறாத வரையில் இம்மாதிரியான செயல்கள் தொடரும் அது நம் நாட்டிற்கு எப்போதுமே ஆபத்தாகவே இருக்கும்.

மதிமுகவின் அலுவலகம் காக்க நடிகர் திலகம் வைகோ வேண்டுகோள் ! உப்பு தின்னவன் தண்ணி ...?

கட்சி அலுவலகமான, தாயகத்தை நடத்த, நிதி வழங்குங்கள்' என, யாசகம்
கேட்கும் பரிதாப நிலைக்கு தள்ளப்பட்டுள்ளது, ம.தி.மு.க.,வினரையே அதிர்ச்சி அடையச் செய்துள்ளது.குற்றச்சாட்டு: பேச்சாற்றலால், 20 ஆண்டு பார்லிமென்டில், தி.மு.க.,வின் முகமாக பிரதிபலித்து, தமிழகத்தில், தி.மு.க.,வின் அடுத்த தலைவர் என்ற இடத்துக்கு முன்னேறி, விடுதலை புலிகள் மூலம், தி.மு.க., தலைவர் கருணாநிதியை, அகற்றிவிட்டு, தி.மு.க.,வை கைப்பற்ற திட்டமிட்டவர் என்ற குற்றச்சாட்டில், 1993, அக்., 3ல், தி.மு.க.,வில் இருந்து, வெளியேறியவர் வைகோ. "நாங்கள் தான் உண்மையான தி.மு.க.,' என, ஆதரவு திரட்டி, 1994 மே, 6ம் தேதி, ம.தி.மு.க.,வை, வைகோ துவக்கினார்.கடந்த சட்டசபை தேர்தலுக்கு முன் வரை, அ.தி.மு.க., கூட்டணியில், ஜெயலலிதாவுக்கு, நம்பிக்கையானவராக இருந்தார். தமிழ், ஈழத் தமிழர், தமிழர் விழா என, பல பெயர்களில், நடராஜனுடன், நெருக்கமாக, வலம் வந்ததால், "நடராஜனுடன் சேர்ந்து, அ.தி.மு.க.,வை, கைப்பற்றி விடுவார்' என, அ.தி.மு.க., தலைமையிடம், போட்ட தூபத்தால், சட்டசபை தேர்தல் கூட்டணி அமைத்த போது, சந்திக்க நேரம் கொடுக்காமல், கூட்டணியில் இருந்து, தூக்கி வீசப்பட்டார்.  ராஜீவ் காந்தி கொலையை நியாயப்படுத்தி பேசியவருக்கா இந்த நிலைமை ? வடிவேல் படத்துல நடிக்காம இருக்கிறாரு அந்த இடத்துல வைகோ இருந்து சினிமால நடிச்சா நிறைய பணம் வருமே ?

தமன்னா: ஒரு கோடிக்கு நயா பைசா குறைந்தாலும் நடிக்க மாட்டேன்!

தெலுங்கில் இருந்து தமிழுக்கு வந்த தமன்னாவுக்கு அப்போது கொடுக்கப்பட்டு
வந்த சம்பளம் 30 லட்சம்தானாம். சில படங்களில் அதைவிட குறைவாகக்கூட அவர் வாங்கியதுண்டாம். ஆனால், தமிழுக்கு வந்து விஜய், சூர்யா, தனுஷ் என முன்னணி நடிகர்களுடன் நடித்தபிறகு படத்துக்குப்படம் 5 முதல் 10 லட்சம் வரை படிப்படியாக தனது சம்பளத்தை உயர்த்தினாராம்.அப்போது அவருக்கு மார்க்கெட்டும் இருந்ததால் அதை எந்த படாதிபதியும் பொருட்படுத்தவில்லை. கேட்ட சம்பளத்தை கொடுத்தனர். இப்படியாக ஒருவழியாக ஒரு கோடியை தொட்டு நின்றார் தமன்னா. ஆனால் அந்த நேரம் பார்த்து வேங்கை படம் அவரை சறுக்கி விழ வைத்து விட்டது. இருப்பினும் பின்னர் பாலிவுட்டுக்கு சென்று ஹிம்மத்வாலாவில் நடித்த தமன்னா, அதையடுத்து தெலுங்குக்கு வந்தபோதும் அந்த பழைய ஒரு கோடி சம்பளத்தில் இருந்து குறையவில்லையாம். கோடிக்கு நயா பைசா குறைந்தாலும் நடிக்க மாட்டேன் என்றும் தடாலடியாக பேசியிருக்கிறார்.

படம் முழுக்க டென்ஷனாகவே சிங்கம் 2

தூத்துக்குடி துறைமுகத்தில் ஆயுதக் கடத்தல் நடைபெறுகிறது என்ற ரகசிய
தகவல் வருகிறது. இதனை ரகசியமாக கண்காணிப்பதற்காக போலீஸ் அதிகாரியான சூர்யாவை மாநில உள்துறை அமைச்சர் விஜயகுமார் அனுப்பி வைக்கிறார். தூத்துக்குடியில் உள்ள பள்ளியில் என்.சி.சி. ஆசிரியராக பணிபுரிந்து கொண்டே சூர்யா ரகசியமாக கண்காணித்து வருகிறார். இந்நிலையில் அதே பள்ளியில் படிக்கும் ஹன்சிகா மோத்வானி, பள்ளியில் வினாத்தாள் திருடி சூர்யாவி்டம் மாட்டிக்கொள்கிறார். இதை மற்றவர்களுக்கு தெரியப்படுத்தாமல் சூர்யாக மறைத்து விடுகிறார். இதனால் சூர்யா மீது காதல் வயப்படுகிறார் ஹன்சிகா. ஆனால் இந்தக்காதலை விளையாட்டுத் தனமானது என சூர்யா அவருக்கு புரிய வைக்கிறார். இதற்கிடையே தூத்துக்குடி துறைமுகத்தில் போதைப்பொருள் கடத்தப்படுகிறது என்பதை கண்டுபிடிக்கும் சூர்யா, இதற்கு காரணம் ரகுமான் மற்றும் இண்டர்நேசனல் கிரிமினல் டேனி என்பதையும் அறிகிறார். ஒரு கட்டத்தில் தூத்துக்குடியில் ஜாதி பிரச்சினையால் கலவரம் ஏற்படுகிறது.

லாலு பிரசாத்தை கழற்றி விட காங்கிரஸ் முடிவு? விநாச காலே விபரீத புத்தி

லல்லு பிரசாத் யாதவ் தலைமையிலான ராஷ்டிரிய ஜனதா தளம் கட்சி கடந்த
2004 ம் ஆண்டில் இருந்து காங்கிரஸ் கூட்டணியில் இருந்து வருகிறது. வரவிருக்கும் பாராளுமன்ற தேர்தலிலும் காங்கிரஸ் கூட்டணியில் நீடிக்க லல்லு நினைத்திருந்தார். ஆனால் காங்கிரஸ் கட்சி பீகாரில் கூட்டணியை மாற்றும் முயற்சிகளில் ஈடுபட்டு வருகிறது. பீகாரில் நிதிஷ்குமார் தலைமையிலான ஐக்கிய ஜனதா தளத்துடன் உறவு வைத்துக் கொள்ள காங்கிரஸ் துடிக்கிறது. இதை கருத்தில் கொண்டே பீகார் மாநில அரசுக்கு சலுகை மேல் சலுகையாக வாரி வழங்கி வருகிறது. பா.ஜ.க கூட்டணியில் இருந்து விலகிய ஐக்கிய ஜனதா தளம் காங்கிரசுடன் இணையும் என்று தெரிகிறது.

ரியல் எஸ்டேட் சுப்பர் மோசடிகள் ! அழகான கனவை விற்று பணம் புடுங்கும் கம்பனிகள் ஜாக்கிரதை

  92 ஏக்கரில் பிரம்மாண்டமாக உருவெடுப்பதாகச் சொல்லும் இன்னொரு டவுன்ஷிப், சமீபத்தில் விஜய் அவார்ட்ஸ் நிகழ்ச்சிக்குக் கூட புரவலராக இருந்தார்கள்
இந்தியாவிலேயே பெரிய ரியல் எஸ்டேட் கம்பெனி அது. சுமார் ஐந்தாறு வருடத்துக்கு முன்பே ஐந்து லட்ச ரூபாய் அட்வான்ஸ் புக்கிங் என காசோலை வாங்கினார்கள். சென்னை பழைய மகாபலிபுரம் சாலைக்குச் சற்றுத் தள்ளி செம்மஞ்சேரி அருகில் அவர்கள் திட்டமிட்டிருந்த டவுன்ஷிப்பிற்கு அப்ரூவல் வாங்கவே பல காலம் பிடித்தது. அவர்கள் கட்டித் தருவதாகச் சொன்ன வீடுகள் இன்னும் முழுமையாகக் கையளிக்கப்படாமல் உள்ளன.
அதற்குப் பக்கத்திலேயே 92 ஏக்கரில் பிரம்மாண்டமாக உருவெடுப்பதாகச் சொல்லும் இன்னொரு டவுன்ஷிப், சமீபத்தில் விஜய் அவார்ட்ஸ் நிகழ்ச்சிக்குக் கூட புரவலராக இருந்தார்கள். 2009 இல் கீழ்க்கண்ட விளம்பரங்களை வெளியிட்டார்கள்.
ஒன்னே முக்கால் ஏக்கர் பரப்பளவில் ஏழு மாடி – ஒரு லட்சம் சதுர அடியில் உலகத் தரம் வாய்ந்த கிளப் ஹவுஸ். அந்தக் கட்டுமான நிறுவனத்தின் இணையத்தளத்தில் ஏழு மாடி கிளப் ஹவுஸ்க்கான பில்டிங் பிளான் இணைக்கப்பட்டிருந்தது. அதிலே பிசினஸ் செண்டர், பார், உணவகங்கள், கெஸ்ட் ரூம்கள், ஆர்கானிக் ஸ்பா, ஸ்னூக்கர், டேபிள் டென்னிஸ், குழந்தைகளுக்கான விளையாடும் இடங்கள், உலகத் தரம் வாய்ந்த ஜிம், யோகா மாற்றும் தியான மண்டபம், ஸ்குவாஸ் கோர்ட், நூலகம் (புத்தகங்கள் மற்றும் வீடியோ), திரையரங்கு, பேட்மிட்டன் & டென்னிஸ் கோர்ட்கள், ஒலிம்பிக் நீச்சல் குளத்தில் பாதி அளவு நீச்சல் குளம், அதில் குழந்தைகளுக்குத் தனி பெரியவர்களுக்குத் தனி.
மேலே சொன்னதெல்லாம் வெறும் கிளப் ஹவுஸ் சம்பந்தப்பட்ட சிறப்பம்சங்கள். அது போக ரிவர்ஸ் ஆம்மோசிஸ் (RO) சுத்திகரிப்பு நிலையம், தேக்குக் கதவு, மாஸ்டர் பெட் ரூமில் மரத்தினால் ஆன தளம்,

காலியாகும் வேலைகள்! ரூபாய் மதிப்பு வரலாறு காணாத அளவு சரிவு

மும்பை: ரூபாயின் மதிப்பு வரலாறு காணாத அளவுக்கு சரிந்து வருவதால் இந்தியாவில் திட்டங்களில் முதலீடுகள் செய்வதையும் பங்குச் சந்தைகளில் முதலீடு செய்வதையும் பெரும்பாலான சர்வதேச முதலீட்டாளர்களும், முதலீட்டு நிறுவனங்களும், சர்வதேச வங்கிகளும் நிறுத்தி வருகின்றன. இதனால் முதலீட்டு நிறுவனங்களில் பணியாற்றி வந்த நிர்வாகிகள் (investment Bankers) ஏராளமானோர் வேலைவாய்ப்பை இழந்து வருகின்றனர். கடந்த ஜூன் மாதத்தில் மட்டும் சுமார் 200 பேரை முதலீட்டு நிறுவனங்களும், இந்தியாவில் கிளை வைத்துள்ள சர்வதேச முதலீட்டு வங்கிகளும் பணியில் இருந்து நீக்கியுள்ளன. கடந்த ஓராண்டில் 230க்கும் மேற்பட்டோரை இந்த நிறுவனங்கள் பணி நீக்கம் செய்துள்ளன. இவர்களில் பெரும்பாலானவர்கள் இந்தியாவின் முன்னணி பொருளாதாரக் கல்வி நிறுவனங்களில் பயின்று இந்த நிறுவனங்களால் மிக அதிகமான ஊதியத்துக்கு பணியில் சேர்க்கப்பட்டவர்கள் ஆவர். இந்த பணி நீக்கத்துக்கு பல நிறுவனங்களின் உயர் அதிகாரிகளும் தப்பவில்லை. உதாரணத்துக்கு ஐடிஎப்சி கேபிடல் நிறுவனத்தின் நிர்வாக இயக்குனர்களாக இருந்த பிரசன்னா ஆச்சார்யா, அனுராக் குமார், சஞ்சீவ் கோஸ்வாமி, விகாஸ் தீப் ஆகியோர் ஒரே நாளில் பணியில் இருந்து விலக நேர்ந்துள்ளது. இன்வஸ்ட்மென்ட் பேங்கிங், முதலீடுகள், கேபிடல் மார்க்கெட் துறைகள் இந்திய பொருளாதார சரிவாலும் ரூபாயின் மதிப்பு சரிவாலும் படுத்த படுக்கையாக உள்ளன. இதனால் இந்தத் துறைகளும் படுத்துவிட்டன. இதையடுத்து இந்தத் துறைகள் சார்ந்த நிறுவனங்கள் ஆள் குறைப்பு உள்ளிட்ட செலவுகளைக் கட்டுப்படுத்தும் வேலைகளில் இறங்கிவிட்டன. அதே போல பங்குச் சந்தைகளில் பங்குகளை வெளியிட்டு நிதி திரட்ட முடியாமல் பல நிறுவனங்கள் தவித்து வருகின்றன. 2010ம் ஆண்டில் பங்குச் சந்தைக்குள் நுழைந்து ரூ. 38,000 கோடி திரட்டின நிறுவனங்கள். ஆனால், 2011-12ல் பங்குச் சந்தைகள் மூலம் வெறும் ரூ. 5,966 கோடி மட்டுமே திரட்ட முடிந்துள்ளது. இதனால் பங்குச் சந்தைகளை வைத்து முக்கிய வர்த்தகத்தை நடத்தும் ஆர்பிஎஸ் (RBS), டைவா கேபிடல் (Daiwa Capital), ஸ்டாண்டர்ட் சார்ட்டட் வங்கி, பேங்க் ஆப் அமெரிக்கா- மெரில் லின்ஜ் (Bank of America Merrill Lynch), டாய்ஸ் பேங்க் (Deutsche Bank) ஆகிய நிறுவனங்களும் பெரும் சிக்கலில் உள்ளன. டார்கெட்டை அடைய முடியாத பல நிர்வாகிகளும் இந்த நிறுவனங்களில் இருந்து விலகிச் செல்ல வேண்டிய நிலைக்கு ஆளாக்கப்பட்டுள்ளனர்.
tamil.oneindia.in

புத்தகயாவில் குண்டு வைத்த தீவிரவாதி கைது?

பீகார் தலைநகர் பாட்னாவில் இருந்து 100 கிமீ தொலைவில் உள்ளது புத்தகயா.
இங்கு உலக புகழ் பெற்ற மகாபோதி புத்தர் கோயில் உள்ளது. இங்குள்ள போதி மரத் துக்கு அடியில்தான் புத் தர் ஞானம் பெற்றதாக கூறப்படுகிறது. உலகம் முழுவதும் உள்ள கோடிக் கணக்கான புத்த மதத்தின ரின் புனித இடமாக இது கருதப்படுகிறது. இந்த கோயிலில் நேற்று அதிகாலை 5.30 மணியில் இருந்து 5.58 மணிக்குள் அரை மணி நேரத்துக்குள்ளாக அடுத் தடுத்து 9 இடங்களில் சக்தி வாய்ந்த குண்டுகள் வெடித்தன. முதலில் மகா போதி மரத்துக்கு அருகில் குண்டு வெடித்தது. அங்கி ருந்த மேஜை தூக்கி வீசப் பட்டு நொறுங்கியது. அதன்பின், கோயில் வளாகத்துக்குள் மேலும் 3 குண்டுகள் வெடித்தன. இதைத் தொடர்ந்து கர்ம பா மடம் பகுதியில் 3 குண்டுகள் வெடித்தன. மடத்தின் அருகில் உள்ள 80 அடி உயர புத்தர் சிலை அருகே ஒரு குண்டும், கோயில் அருகில் உள்ள பேருந்து நிலையத்தில் ஒரு குண்டும் வெடித்து சித றின. குண்டு வெடிப்பில் மியான்மா மற்றும் திபெத் நாட்டைச் சேர்ந்த 2 புத்த துறவிகள் படுகாயம் அடைந்தனர்.  அதிகாலை நேரம் என்பதால் ஆட்கள் நட மாட்டம் குறைவாக இருந்தது. இதனால் உயிரி ழப்பு இல்லை. சம்பவத் தை தொடர்ந்து வெடி குண்டு செயல் இழக்க செய்யும் நிபுணர்கள் வரவழைக்கப்பட்டனர். அப்பகுதி முழுவதும் காவல்துறையினர் குவிக் கப்பட்டனர். காவல்துறை யினர் நடத்திய சோத னையில் கோயில் அருகே வெடிக்காமல் கிடந்த 2 சக்தி வாய்ந்த குண்டுகள் கண்டு பிடிக்கப்பட்டு செயலிழக்க செய்யப்பட் டன.

ஸ்ரீபெரும்புதூர் அருகே சுரங்கப்பாதை கண்டுபிடிப்பு; ரகசிய அறையில் புதையலா?

சென்னை : ஸ்ரீபெரும்புதூர் அருகே சோமங்கலம் தட்டார் தெருவை சேர்ந்தவர் சங்கர் (40). மெக்கானிக் கடை வைத்துள்ளார். இவரது மனைவி சுமதி. இரு மகள்கள் உள்ளனர்.இவரது வீட்டுக்கு அருகே காலிமனை உள்ளது. நேற்று காலை அந்த இடத்தில் புதிதாக வீடு கட்ட 3 அடி அகலம், 5 அடி ஆழத்திற்கு பள்ளம் தோண்டினர். மாலை 5 மணியளவில் ஒரு  இடத்தில் இரண்டரை அடி ஆழத்தில் கல் மீது கடப்பாரை இடிக்கும் சத்தம் கேட்டது. அதை எடுத்தபோது சுரங்கப்பாதை இருந்தது கண்டுபிடிக்கப்பட்டது. உள்ளே ஒரு ஆள் செல்லும் அளவுக்கு பாதையும், ஒரு ரகசிய அறையும் இருந்தது.இதுகுறித்து சோமங்கலம் போலீசுக்கு தகவல் கொடுக்கப்பட்டது. போலீசார் விரைந்து வந்து அந்த இடத்தை பாதுகாப்புடன் மூடி வைத்தனர். பின்னர் மாமல்லபுரம் தொல்லியல் துறை, ஸ்ரீபெரும்புதூர் தாசில்தார், வருவாய்த் துறைக்கு தகவல் தெரிவிக்கப்பட்டது. அப்பகுதியினர் கூறுகையில், தோண்டப்பட்ட இடத்திலிருந்து 300 மீட்டர் தொலைவில் சோமநாதீஸ்வரர் கோயில் உள்ளது. அந்த கோயில் 1500 ஆண்டுகள் பழமையானது என கூறப்படுகிறது.

யாழ் மக்கள் பெரிய படிப்பாளிகள் என்பது கடந்த கால உண்மை! ஆனால் ? ஒரு தலைமுறையே படிப் பறிவை இழந்து நிற்கிறது

இலங்கையில் ‘துக்ளக்’ - 12

விரக்தியின் விளிம்பில் இலங்கைத் தமிழர்கள்

கட்டம் இடப்பட்ட செய்தி:

ஒரு தலைமுறையே படிப்பறிவை இழந்து விட்டது

இங்கிருக்கும் சிலர் யாழ்ப்பாணத்தை ‘ஒரு புனித நகரம்’ என்பது போல் பார்க்கிறார்கள். யாழ்ப்பாணம் ஒரு அழகான பசுமையான ஊர்தான். ஆனால், அதற்காக அது உலகின் மாதிரி (Model) நகரமல்ல. அங்கும் குடிகாரர்கள் இருக்கிறார்கள். மஞ்சள் பத்திரிகை படிப்பவர்கள் இருக்கிறார்கள். ஆளில்லா வீடுகளின் கதவு, ஜன்னல், ஓடுகளைக் களவாடிக் கொண்ட திருடர்கள் இருக்கிறார்கள். மோசடிப் பேர்வழிகள் இருக்கிறார்கள். மலையகத் தமிழர்களை, தாழ்த்தப்பட்டவர்கள் என்று கூறி ஏளனமாகப் பார்ப்பவர்கள் ஏராளமாக இருக்கிறார்கள். யாழ் மக்களுக்குள்ளேயே ஜாதியைப் பார்த்து அணுகும் குணம் கொண்டவர்களும் இருக்கிறார்கள். அங்கும் அரசியல்வாதிகள் மோதிக் கொள்கிறார்கள். ஆகவே, தமிழகத்தில் உள்ள ஒரு நகரம் மாதிரி நல்லவர்களும், கெட்டவர்களும் கலந்து வாழும் நகரம்தான் யாழ்ப்பாணமும்.

யாழ் மக்கள் பெரிய படிப்பாளிகள் என்பது கடந்த கால உண்மை. ஆனால், புலிகள் தொடுத்த போர் காரணமாக ஒரு தலைமுறையே படிப் பறிவை இழந்து நிற்கிறது. புத்தகம் தூக்க வேண்டிய இளம் தலைமுறையைத் துப்பாக்கி தூக்க வைத்து விட்டதால், இன்று அமைதி திரும்பியும் கூட, மாணவர்களுக்குப் பாடம் போதிக்க போதுமான ஆசிரியர்கள் யாழ் பகுதியில் இல்லை. குறிப்பாக இங்கிலீஷ் டீச்சருக்குக் கடும் தட்டுப்பாடு நிலவுவதாகக் குறிப்பிட்டார் யாழ்ப்பாணத்தில் நான் சந்தித்த பேராசிரியை ஒருவர்.

ப்ரியா ஆனந்த் உண்மையாகவே எதிர்நீச்சல் அடிக்க வேண்டியதாயிற்றாம் ! நாயகர்களின் ஜொள்ளு too much

இயக்குனர் துரை இயக்கத்தில் சிவகார்த்திகேயன், ப்ரியா ஆனந்த், நந்திதா நடிப்பில் வெளியாகியிருக்கும் திரைப்படம் எதிர்நீச்சல்.  எதிர்நீச்சல் திரைப்படத்தின் பாடல்கள் யூத் எண்டர்டெயினராக  இளவட்டங்களிடையே பிரபலமாகியதால், முழுக்க முழுக்க ஒரு காமெடி படத்தை எதிர்பார்த்து தியேட்டருக்கு வந்தனர் ரசிகர்கள்.தமிழகத்திற்கு பெருமை தேடித்தந்து, மேன்மேலும் புகழ் தேடித்தரவிருந்த ஒரு பெண்ணின் கனவுகள் கலைக்கப்பட்ட ஒரு மறக்கப்பட்ட சம்பவத்தை கதைக்கருவாக எடுத்து இயக்கியிருக்கிறார் இயக்குனர்.>நவீனமயமாகிவிட்ட உலகத்தில், பழமை என்பது வேப்பங்காயாக இருக்கிறது இளைய தலைமுறையினருக்கு. அதுபோல குஞ்சிதபாதம் என்ற தனது பெயர் பிடிக்காமல், வேறு பெயர் மாற்றும் எண்ணத்துடன் வளர்கிறார் சிவகார்த்திகேயன். அப்பா, அம்மா என வரிசையாக இருவரையும் இழந்து, படித்து ஐ.டி கம்பெனியில் வேலைக்கு சேரும் சிவகார்த்திகேயனுக்கு ப்ரியா ஆனந்தின் அறிமுகம் கிடைக்கிறது. குஞ்சிதபாதம் என்கிற பெயரை ஜாதகம் பார்த்து ஹரிஷ் என்று மாற்றிக்கொள்ளும் சிவகார்த்திகேயன், ஹரிஷ் என்ற பெயரிலேயே ப்ரியா ஆனந்திடம் பழகுகிறார்.

பரிதி இளமைவழுதி : அம்மாவை பிரதமர் பதவியில் உட்கார வைப்போம்.

சென்னை அரசின் 2 ஆண்டுகால சாதனை விளக்க பொதுக்கூட்டம் நடைபெற்றது. அமைச்சர் பா.வளர்மதி தலைமை வகித்தார்.

இந்த பொதுக்கூட்டத்திற்கு பிரமாண்ட மேடை அமைக்கப்பட்டிருந்தது. அதில் பெரிய அளவில் ஜெயலலிதா படம் அச்சிட்ட டிஜிட்டல் பேனர் அமைத்திருந்தனர். அந்த பகுதி முழுவதும் பேனர், கொடி, தோரணங்கள் கட்டி அமர்க்களப்படுத்தியிருந்தனர்.

திமுகவைவிட்டு சமீபத்தில் விலகி அதிமுகவில் இணைந்த முன்னாள் அமைச்சர் பரிதி இளம்வழுதி இந்தக் கூட்டத்தில் சிறப்புரை ஆற்றினார். அவர் பேசுகையில்,

நான் ஒருவித குற்ற உணர்வோடுதான் இந்த மேடையில் நிற்கிறேன். அதிமுகவை எதிர்த்து இதற்கு முன்பு நான் பேசினேன். நான் ஏற்படுத்திய காயங்களுக்கு நானே மருந்து தடவும் பிராயசித்தத்தை செய்யவே இப்போது புறப்பட்டிருக்கிறேன்.

இளவரசன் சாதி வெறி அரசியலுக்கு மரண அடி கொடுத்துள்ளார் !

தமிழகத்தில் இனி இன்னுமொரு இளவரசனின் உயிர் அநியாயமாக பறிக்க படக்கூடாது , எந்த காரணம் கொண்டும் இது போன்ற சம்பவங்களை யாரும் ஆதரிக்க கூடாது