போலீஸ் அதிகாரி சேலையை இழுத்தார். 'முடியாது’னு அழுதேன்

 பெரியபோலீஸ் அதிகாரி வந்தார் என் துணிகளை அவங்​களே கழட்டுனாங்க. கதவை ஒருத்தர் மூடிட்டுப் போனார். அதுக்குப் பிறகு அந்த அதிகாரி வலுக்கட்டாயமா என் மேல படுத்தார்.
பேய்களைக் கைது செய்யுமா அரசு?
பெண்ணுக்கு நடந்த கொடூரம்..
நீங்கள் படிக்கப்போகும் கொடூர சம்பவத்துக்குக் காரணமான போலீஸ்காரர்களின் பெயரைச் சொல்லப் போவது இல்லை. ஆனால், ஒரு பெண் ஆட்சி செய்யும் தமிழகத்தில், ஒரு அப்பாவிப் பெண்ணுக்கு எப்படிப்பட்ட துயரம் நிகழ்ந்​துள்ளது என்ற அதிர்ச்சி உச்சந்தலையைப் பிடித்து உலுக்குகிறது.
பாதிக்கப்பட்ட பெண் பேசுவதைக் கேளுங்கள். ''என் பெயர் வசந்தி. கணவர் பெயர் பெரியசாமி. இரண்டு பேரும் கூலி வேலைக்குப் போனாத்​தான் சாப்பிட முடியும். எங்களுக்கு மூன்று ஆண் குழந்தைகள். என்னோட அம்மா கடமலைக்குண்டுல இருக்காங்க. நாங்க இருக்கிறது பெரியகுளத்துல. சொந்தக்காரங்க வீட்டுல ஒரு பொருளை அடகுவச்​சிருந்தேன். அதை மீட்க பிப்ரவரி 11-ம் தேதி நரியூத்துக்குப் போனேன். அங்கே அவங்க இல்லைன்னதும் பெரியகுளம் திரும்புறதுக்காக பஸ்ஸுக்குக் காத்துட்டு இருந்தேன்.

100 கோடி கொடுப்பதாக... பின்னர் ஒரு பைசா கூட கொடுக்கவில்லை

டிஸ்மிஸ்’சை தொடர்ந்து பரபரப்பு திருப்பம் 
ஆதீனத்துக்கு ரூ.100 கோடி கொடுத்தாரா நித்தி?

மதுரை: ஆதீன மடத்துக்கு ஆரம்பத்தில் ரூ.100 கோடி கொடுப்பதாக சொல்லி முதலில் ரூ.5 கோடி கொடுப்பதாக சொன்னதெல்லாம் முழுப்பொய். ஒரு பைசா கூட கொடுக்கவில்லை என்று மதுரை ஆதீனம் அருணகிரிநாதர் ஆவேசமாக கூறினார்.

மதுரை ஆதீன மடத்தில் இருந்த நித்யானந்தா சீடர்கள் மடத்தை விட்டு நேற்று இரவு வெளியேறியதை தொடர்ந்து, தனது விசுவாசிகளை அருணகிரிநாதர் பணியில் அமர்த்தினார். இன்று நித்யானந்தா மதுரைக்கு வருவதாக இருந்தது. அவரை டிஸ்மிஸ் செய்து போலீசில் புகார் கொடுத்ததை தொடர்ந்து நித்யானந்தா வரவில்லை. இன்று ஆதீனம் சிவ பூஜை நடத்தினார். இதில் பங்கேற்ற பக்தர்களுக்கு ஞானபால் வழங்கினார்.

பின்னர் அருணகிரிநாதர் அளித்த பேட்டி:
ஆதீனத்தை சிவபெருமான் காப்பாற்றி விட்டார். என் மனக் கவலை தீர்ந்தது. நிம்மதியாக பூஜை செய்தேன். அடுத்து நடப்பதை சிவபெருமான் பார்த்துக் கொள்வார்.

பிராமணாள் கஃபே ஹோட்டல் பெயரை நீக்கும் போராட்டம்: 150 பேர் கைது

ஸ்ரீரங்கத்தில் கிருஷ்ண அய்யர் என்பவர் பிராமணாள் கஃபே என்ற ஹோட்டலை நடத்தி வருகிறார். இதற்கு திராவிடர் கழகத்தைச் சேர்ந்தவர்கள் பலத்த எதிர்ப்பை தெரிவித்து போராட்டங்கள் நடத்தினர் என 2012 அக்டோபர் 12ம் தேதி நக்கீரன் இதழில் செய்தி வெளியானது.

இந்த நிலையில் பெரியார் காலத்தில் அவரால் போராடி மூடப்பட்ட பிராமணாள் கஃபே தமிழக முதல் அமைச்சர் ஜெயலலிதா தொகுதியான ஸ்ரீரங்கத்தில் திடீரென்று முளைத்திருப்பது திராவிடர் கழகத்தில் உள்ளவர்களிடையே கொதிப்பை ஏற்படுத்தியிருக்கிறது என்றும், இதனால் அந்த ஹோட்டல் பெயரை அழிக்கும் போராட்டம் தந்தை பெரியார் திராவிடர் கழகம் சார்பில் நடைபெறும் என்றும், அந்த இயக்கத்தின் தலைவர் ஆனூர் ஜெகதீசன் அறிவித்திருந்தார். இதன்படி இன்று (20.10.2012) காலை 10 மணிக்கு ஸ்ரீரங்கம் ராஜகோபுரம் முன்பி-ருந்து ஊர்வலகமாக புறப்பட்டனர் தந்தை பெரியார் திராவிடர் கழகத்தினர். இதில் போலீசாருக்கும், ஊர்வலத்தில் வந்தவர்களுக்கும் தள்ளுமுள்ளு ஏற்பட்டது. இதையடுத்து 150 பேர் கைது செய்யப்பட்டனர். இந்த போராட்டம் தொடர்ந்து நடைபெறும் என்றும், பிராமணாள் கஃபே பெயரை நீக்காமல் விடமாட்டோம் என்றும் கோவை ராமகிருஷ்ணன் கைது செய்யப்படும் முன் செய்தியாளர்களிடம் கூறினார்.

பெரியார்,அம்பேத்கர் அண்ணா. யார் இவங்கல்லாம்? எங்கம்மா பக்கத்துல

அரசு திட்டங்கள் சரியாக நடக்கிறதா?' என  மதிப்பிட  சேலத்திற்கு அக் 18ஆம் தேதி  சட்டமன்ற மதிப்பீட்டு குழுவினர் வந்தனர். இக்குழுவை தி.மு.க, கம்யூனிஸ்ட்டுகள், தே.மு.தி.க உட்பட்ட கட்சிகள் புறக்கணிக்க பவானி எம்.எல்.ஏ பி.ஜி. நாராயணன் தலைமையில் தேனி தங்க தமிழ்செல்வன், காமராஜ், தன்சிங், நீலகண்டன் ஆகிய அ.தி.மு.க வினர் மட்டும் பங்கேற்ற ஆளும்கட்சி மதிப்பீட்டு குழுவாக ஒவ்வொரு இடங்களாக பார்வையிட்டனர். சேலம் சங்கர் நகரில் உள்ள ஆதி திராவிடர் மகளிர் விடுதியில் ஆய்வு செய்த போது ஒவ்வொரு அறையாக உள்ளே நுழைய உள் அறையின் சுவரில் மாட்டப்பட்டிருந்த படங்களை கண்டதும் எரிச்சலடைந்தனர்....

'யார் இவங்கல்லாம் எங்கம்மா பக்கத்துல இவங்கல்லாம் இருக்க கூடாது' என்றார் தங்க தமிழ்செல்வன்.
அவர் இருக்க கூடாது என சொன்ன படங்கள் தந்தை பெரியார், அண்ணல் அம்பேத்கர், அறிஞர் அண்ணா.

Kingfisher ஏர்லைன்ஸ் உரிமம் சஸ்பெண்ட் செய்யப்பட்டது!

டெல்லி: நிதி நெருக்கடியில் சிக்கி சீரான சேவையை வழங்காத கிங்பிஷர் ஏர்லைன்ஸ் நிறுவனத்துக்கான உரிமத்தை விமானப் போக்குவரத்து ஆணையம் சஸ்பெண்ட் செய்திருக்கிறது.

விஜய் மல்லையாவுக்கு சொந்தமான கிங்பிஷர் ஏர்லைன்ஸ் நிறுவனம் தொடர்ந்து நிதிநெருக்கடியில் சிக்கித் தவிக்கிறது. கிங்பிஷர் நிறுவனத்துக்கு ரூ7,524 கோடி கடன் பாக்கி இருப்பதாகக் கூறப்படுகிறது. பணியாளர்களுக்கு ஊதியம் கொடுக்க முடியாத அந்த நிறுவனம் கடந்த அக்டோபர் 1-ந் தேதி முதல் ஒரு விமானத்தைக் கூட இயக்கவில்லை. இது தொடர்பாக விமானப் போக்குவரத்து ஆணையம் அண்மையில் கிங்பிஷர் நிறுவனத்துக்கு ஒரு நோட்டீஸையும் அனுப்பியிருந்தது. ஆனால் கிங்பிஷர் நிறுவனம் கொடுத்த பதிலில் திருப்தி ஏற்படாததால் இந்த சஸ்பெண்ட் நடவடிக்கை மேற்கொள்ளப்பட்டிருக்கிறது.

மதுரை மடத்தில் அருணகிரி நாதருக்கு நித்தி சிஷ்யர் கொடுத்த ‘கை-பிடி பிரசாதம்’

Viruvirupu

மதுரை ஆதீனத்தில் இருந்தி நித்தி சுவாமிக்கு கல்தா கொடுக்கப்பட்டதுடன், மதுரை மடத்தில் டோரா போட்டிருந்த நித்தி சீடர்களும், ஒவ்வொருவராக இடத்தை காலி செய்கின்றனர். தற்போது வெறும் இரண்டே இரண்டு நித்தி சீடர்கள் மட்டுமே மதுரை மடத்தில் தங்கியிருப்பதாக தெரிகிறது. (சிஷ்யைகள் யாருமில்லை)
நித்தி சுவாமிகள், மதுரை மடத்தில் இருந்து திருவண்ணாமலை சென்றபோது, தனது உதவியாளர் ஞானசொரூபானந்தாவை மதுரையில் விட்டுவிட்டுதான் சென்றார். இந்த ஞா.சொ.தான், நித்திக்காக அருணகிரிநாதரை வாட்ச் பண்ணிக்கொண்டு இருந்த சாமி.
அருணகிரிநாதர் நித்தியை டிஸ்மிஸ் செய்த அறிவிப்பை நேற்றிரவு வெளியிட்டபோது, ஞானசொரூபானந்தா கிறுகிறுத்துப் போனார்.
காரணம், அருணகிரிநாதரை இரவு பகலாக வாட்ச் பண்ணிக்கொண்டு இருந்த இவருக்கே தெரியாமல் அப்படியொரு டிஸ்மிஸ் ஆர்டர் தயாராகியிருக்கிறது. உடனே அருணகிரிநாதரை நேருக்குநேர் பிடித்துக்கொண்ட ஞானசொரூபானந்தா, “நாட்டாமை.. தீர்ப்பை மாத்து” என்று ‘செல்ல மிரட்டல்’ விடுத்தார்.
அதற்கு பெரிய சாமி மசியவில்லை.

மாநகராட்சிப் பள்ளிகளில் Smart Class கரும்பலகை, சாக்பீஸ் முறைக்கு "குட்பை'

கோவை:மாநகராட்சிப் பள்ளி மாணவர்கள் மத்தியில் கம்ப்யூட்டர் அறிவை மேம்படுத்தும் நோக்கத்துடன், அனைத்துப் பள்ளிகளிலும் "ஸ்மார்ட் கிளாஸ்' வகுப்புகளை துவக்க மாநகராட்சி நிர்வாகம் திட்டமிட்டுள்ளது. திட்டத்தின் முதல் கட்டமாக மணியகாரன்பாளையம் மாநகராட்சி துவக்கப்பள்ளியில் முதல் ஸ்மார்ட் கிளாஸ் அமைக்கப்பட்டுள்ளது.மாநகராட்சிப் பள்ளி மாணவர்களின் கம்ப்யூட்டர் அறிவை மேம்படுத்தும் நோக்கத்துடன், "அமெரிக்கன் இந்தியா பவுண்டேஷன்'(ஏ.ஐ.எப்) எனும் அமைப்பின் நிதியுதவியுடன், "டிஜிட்டல் ஈக்குவலைசர்' எனும் இலவச கம்ப்யூட்டர் பயிற்சி, ஆசிரியர்கள் மற்றும் மாணவர்களுக்கு அளிக்கப்பட்டு வருகிறது.

சிறீரங்கத்தில் திடீர் "பிராமணாள் ஓட்டல்!" காவி அமைப்புகள் ஜாதி பேதம்

சிறீரங்கத்தில் உணவு விடுதி ஒன்றில் திடீரென்று பிராமணாள் பெயர் முளைத் திருப்பது குறித்து முதல் அமைச்சருக்கு திராவிடர் கழகத் தலைவர் கி.வீரமணி அவர்கள் விடுக்கும் வேண்டுகோள் வருமாறு:

தந்தை பெரியார் அவர்களால் தோற்றுவிக்கப்பட்ட சுயமரியாதை இயக்கம் உள்ளிட்ட திராவிடர் இயக்கம் அடிப்படையில் வருணாசிரம தர்மத்தை ஏற்றுக் கொள்ளாத தாகும். ஜாதி ஒழிப்பை முக்கிய கொள்கையாகக் கொண்ட இயக்கமாகும்.

எத்தனையோ போராட்டங்கள்!

கங்கையில் குளித்தால் புற்று நோய் நிச்சயம்

(Ganga so full of killer pollutants…)

KOLKATA: The holy Ganga is a poison river today. It's so full of killer pollutants that those living along its banks in Uttar Pradesh, Bihar and Bengal are more prone to cancer than anywhere else in the country, says a recent study.
Conducted by the National Cancer Registry Programme (NCRP) under the Indian Council of Medical Research, the national study throws up shocking findings. The river is thick with heavy metals and lethal chemicals that cause cancer, it

கங்கையில் குளித்தால் புற்று நோய் நிச்சயம் என்றான பிறகு கங்கா ‘ஜலத்தை’ புண்ணிய தீர்த்தமாக படம் காட்டிவந்த இந்து ஞான மரபு ரசிகர்கள் என்ன செய்வார்கள்?

‘கங்கை ஆறு புற்றுநோய் உருவாக்கும் ஆட்கொல்லியாக மாறியிருக்கிறது’ என்று ஒரு ஆய்வில் தெரிய வந்திருக்கிறது. பீகார், உத்தர பிரதேசம், மற்றும் மேற்கு வங்காள மாநிலங்களில் கங்கை நதிக்கரையில் வசிப்பவர்கள் மற்ற பகுதியில் வசிப்பவர்களை விட புற்றுநோய் தொற்றுவதற்கான அபாயத்தில் உள்ளார்கள் என்று அந்த ஆய்வு தெரிவிக்கிறது.

மதுரை ஆதீனம் போலீசில் புகார்: என் உயிருக்கு ஆபத்து ; நித்தி சீடர்களை வெளியேற்றுங்கள்

நித்தி நீக்கம் : அருணகிரிநாதர் அதிரடி அறிவிப்பு

ஆதீனத்தின் வாரிசாக எம்மால் 23 .4.2012ம் நாள் நியமிக்கப்பட்டு 27.4.2012 ஆவணத்தின் மூலம் உறுதி செய்யப்பட்ட பெங்களூர் ஆசிரம பீடாதிபதி நித்தியானந் தாவை இன்று 19.10.2012 முதல் வாரிசாக பொறுப்பில் இருந்து நீக்கிவிட்டதாக இந்த அறிவிப்பின் மூலம் தெரிவித்துக்கொள்கிறேன் என்று அவர் அறிவித்தார் மதுரை ஆதீனம் இன்று இரவு 8 மணிக்கு மதுரை விளக்குத்தூண் காவல்நிலையத்தில் பரபரப்பு கார் மனு ஒன்று அளித்துள்ளார்.அம்மனுவில்,&’நித்தியானந்தாவை நான் மதுரை ஆதீனத்தின் இளைய ஆதீனமாக நியமித்தேன். சில காரணங்களால் நாளை நான்,  நித்தியானந்தாவை மதுரை ஆதீனம்  பொறுப்பில் இருந்து நீக்குவது என்று முடிவெடுத்திருக்கிறேன். இதனால் மடத்திற்குள் 
இருக்கும் நித்தியானந்தா சீடர்களால் என் உயிருக்கு ஆபத்து இருக்கிறது.  எனவே, நித்தியானந்தா சீடர்களை இன்று இரவுக்குள் வெளியேற்றி என் உயிரை காப்பாற்றுங்கள்.  

என் மடத்திற்கு தக்க பாதுகாப்பு கொடுத்து காப்பாற்றுங்கள்’’ என்று கூறியுள்ளார்.இந்த புகார் குறித்து விளக்குத்தூண்டு இன்ஸ்பெக்டர் கதிர்வேல் ஆதீனமடத்திற்குள் விரைந்து சென்று நடவடிக்கை எடுத்து வருகிறார்.

வசுந்தரா ராஜே சிந்தியா புதுக் கட்சி BJP க்கு திருகுவலி

பாஜகவிடமிருந்து பிரிகிறார் வசுந்தரா ராஜே சிந்தியா!

Posted by: Sudha

ஜெய்ப்பூர்: பாஜக தலைமையால் ஓரம் கட்டப்பட்டு ஒதுக்கப்பட்டு விட்ட ராஜஸ்தான் மாநில முன்னாள் முதல்வர் வசுந்தரா ராஜே சிந்தியா கட்சியை விட்டு விலகி புதுக் கட்சி தொடங்கத் திட்டமிட்டுள்ளார்.
மகாராஷ்டிராவில் நிதின் கத்காரியால் தலைவலி, கர்நாடகத்தில் எதியூரப்பாவால் திருகுவலி என பாஜக தலைமை கடும் கஷ்டத்தில் இருந்து வரும் நிலையில் ராஜஸ்தானில் வசுந்தரா ராஜே சிந்தியாவால் புதிய சிக்கலை சந்திக்கப் போகிறது பாஜக.

65 மில்லியன் உறுப்பினர்களுடன் Facebook இந்தியா நம்பர் 2!

அனைவரின் மனதிலும் சிறப்பாக அஸ்த்திவாரமிட்டு அமர்ந்திருக்கும்

ஃபேஸ்புக் இதுவரை நமது நாட்டில் மட்டும் 6.5 கோடி உறுப்பினர்களை பெற்று உலகிலேயே இரண்டாம் இடத்தை பிடித்திருக்கிறது.

இதை ஒப்பிட்டு பார்க்கும் பொழுது சமூக வலைத்தளமான ஃபேஸ்புக்கின் பார்வையில், இந்தியா மிக பெரிய தங்கச் சுரங்கும் என்று தான் சொல்ல வேண்டும். பல மேம்படுத்தப்பட்ட வசதிகளை வழங்கிய ஃபேஸ்புக், இளைஞர்களை வெகு சீக்கிரத்தில் வசீகரித்து வரும் ஃபேஸ்புக் தினமும் புதிய சாதனை படைக்கும் விஷயங்களை நடத்தி வருகிறது.>சர்வதேச அளவில் முதல் பொறியியல் மையத்தினை லண்டனில் துவங்குவதாக நேற்று தான் ஃபேஸ்புக் பற்றிய ஒரு செய்தியினை கேட்டு ஆச்சர்யப்பட்டுப்போனோம். அதற்குள் ஃபேஸ்புக் தனது அடுத்த கட்ட சாதனையின் பட்டியலை வெளியிட்டிருக்கிறது.

சோனியா குடும்பத்தின் தூக்கத்தைக் கெடுத்த கெம்கா 'அந்தர் பல்டி'

Posted by: Mathi

சண்டிகர்: சோனியா காந்தியின் மருமகன் ராபர்ட் வத்ராவின் நில 'கொள்ளை' புகார்களை விசாரிக்க உத்தரவிட்டு அதனால் டிரான்ஸ்பர் ஆர்டர் பெற்ற ஹரியான ஐ.ஏ.எஸ். அதிகாரி அசோக் கெம்கா தற்போது அந்தர் பல்டி அடித்திருக்கிறார்.
தாம் டிரான்ஸ்பர் செய்யப்பட்டதற்கு, வத்ராவின் நில டீலிங்குகளை விசாரிக்கத் தொடங்கியதே காரணம் என்று கூறிக் கொண்டு தொலைக்காட்சிகளில் பேட்டிக் கொடுத்து வந்தார் அசோக் கெம்கா. அர்விந்த் கெஜ்ரிவாலை விட அதிரடி ஹீரோவாக வலம் வந்த அசோக் கெம்கா ஓரிருநாட்களிலே அந்தர் பல்டி அடித்துவிட்டார்.

பஞ்சமி நிலங்களை மீட்க கோரி கலெக்டர் ஆபீசை முற்றுகையிட விடுதலை சிறுத்தைகள் முடிவு

திருக்கழுக்குன்றம்: திருக்கழுக்குன்றம் அடுத்த காரணை கிராமத்தில் விடுதலை சிறுத்தைகள் கட்சியின் மாவட்ட செயற்குழு கூட்டம் நேற்று நடந்தது. மாவட்ட செயலாளர் விடுதலை செழியன் தலைமை வகித்தார். மாவட்ட துணை செயலாளர்கள் சிறுத்தை கிட்டு, அம்பேத் வளவன், தென்னவன், மாவட்ட பொருளாளர் இளையவளவன் முன்னிலை வகித்தனர். திருப்போரூர் ஒன்றிய நிர்வாகி வெங்கடேசன் வரவேற்றார். தமிழகத்தில் உள்ள லட்சக்கணக்கான ஏக்கர் பஞ்சமி நிலங்களை அரசு கண்டறிந்து மீட்டு, உரியவர்களுக்கு வழங்க வேண்டும்.

தமிழ் சினிமாவுக்கு 400 கோடிக்கு மேல் நஷ்டம் இந்த ஆண்டு இதுவரை

எதிர்ப்பார்ப்பு டாப்... ரிசல்ட் ப்ளாப்!!

தமிழ் சினிமாவுக்கு இது போதாத காலம் போலிருக்கிறது. இந்த ஆண்டு மட்டும் இதுவரை ரூ 400 கோடி வரை நஷ்டமாகியிருப்பதாக புலம்புகிறார்கள் திரைத்துறையினர்.

பெரிய எதிர்ப்பார்ப்பைக் கிளறிவிட்ட எந்தப் படமும் ஓடாமல் ஏமாற்றியதே இதற்குக் காரணம் என்பது சொல்லித் தெரிய வேண்டியதில்லையே...
இந்த ஆண்டின் முக்கால் பகுதியைத் தாண்டிவிட்டோம். 120 படங்களுக்கும் மேல் வெளியாகிவிட்டது. இதில் பெரும் எதிர்ப்பார்ப்பைக் கிளறி ஏமாற்றிய 6 படங்களை மட்டும் இங்கே பார்ப்போம்.

அதிமுக அமைச்சர்களின் மானம் போன வழக்கு கலைஞருக்கு சம்மன்

கருணாநிதிக்கு கோர்ட் சம்மன்: தன்மான அமைச்சர்கள் குடும்பம் பற்றிய அவதூறு !

Viruvirupu

அவதூறு வழக்கில் தி.மு.க. தலைவர் கருணாநிதி கோர்ட்டுக்கு நேரில் வரவேண்டும் என்று சம்மன் அனுப்பப்பட்டுள்ளது. தமிழக அரசு போடும் ஏராளமான அவதூறு வழக்குகளில் இந்த வழக்கு, முதல்வர் ஜெயலலிதாவை ‘அவதூறு’ செய்த வழக்கு அல்ல. அவரது அமைச்சர்களை அவதூறாக பேசிய வழக்கு!
ஜெயலலிதாவின் அமைச்சரவையில், பச்சைமால், சிவபதி, ஆகிய இருவரும், இன்று காலை 8 மணி நிலவரப்படி அமைச்சர்களாக உள்ளார்கள்.
கடந்த 23.8.2012 அன்று முரசொலி பத்திரிகையில் கேள்வி-பதில் பகுதியில் பதிலளித்த கருணாநிதி, தன்மானச் சிங்கங்களான இந்த இரு அமைச்சர்களின், தன்மானத்துக்கு ஊறு விளைவிக்கும் விதத்திலும், வானளாவியுள்ள இவர்களின் நற்பெயருக்கு களங்கம் விளைவிக்கும் விதத்திலும், பதில் அளித்துள்ளார் என்பது குற்றச்சாட்டு.

துபாய் சரவணபவன் ஓட்டலில் ஊழியர் மர்ம மரணம் -சென்னை போலீசில் புகார்

Posted by: Mathi

சென்னை: மிகப் பிரபலமான பல்வேறு சர்ச்சைகளில் அடிக்கடி சிக்கிக் கொள்ளும் சரவணபவன் ஓட்டல் இப்போது ஒரு மர்ம மரண் சர்ச்சையில் மாட்டிக் கொண்டிருக்கிறது.
திருச்சி லால்குடி அடுத்த மருதூரைச் சேர்ந்த தெய்வமணி சென்னை சரவணபவன் ஓட்டலில் பணிபுரிந்து வந்தார். துபாயில் சரவணபவன் கிளை திறக்கப்பட்டதால் தெய்வமணியும் அங்கு அனுப்பி வைக்கப்பட்டார். இந்த நிலையில் கடந்த 1-ந் தேதியன்று தெய்வமணி ஓட்டல் மாடியில் இருந்து தவறி விழுந்து இறந்ததாக அவரது குடுபத்துக்கு தகவல் தெரிவிக்கப்பட்டது.
ஆனால் தெய்வமணியின் சகோதரர் சக்திவேல், தமது சகோதரர் சாவில் மர்மம் இருப்பதாக சரவணபவன் நிர்வாகத்திடம் கூறியிருக்கிறார். இதேபோல் தெய்வமணியின் உடலை தமிழகம் கொண்டுவர உரிய நடவடிக்கையையும் சரவணபவன் நிர்வாகம் மேற்கொள்ளவில்லை.

அங்காடித்தெரு வினித் ஸ்ரீநிவாசன் திருமணம்

பிரபல மலையாள நடிகரும், இயக்குனருமான ஸ்ரீநிவாசனின் மகன் வினித் ஸ்ரீநிவாசன். இவர் சைக்கிள், மகன்டே அச்சன், சாப்பா குரிசு உள்பட பல படங்களில் நடித்துள்ளார். மலர்வாடி ஆர்ட்ஸ் கிளப், தட்டத்தின் மறையத்து ஆகிய படங்களை இயக்கி உள்ளார். தற்போது முன்னனி பாடகராகவும் உள்ளார். தமிழில் அங்காடித்தெரு படத்தில் “அவள் அப்படி ஒன்றும் அழகில்லை” என்ற பாடலை இவர் பாடி உள்ளார் சென்னையில் தங்கி உள்ள இவர் தன்னுடன் சென்னையில் படித்த கண்ணூர் பையனூரை சேர்ந்த திவ்யாவை காதலித்து வந்தார். இவர்களின் காதலுக்கு இரு வீட்டினரும் சம்மதம் தெரிவித்தனர். இதையடுத்து நேற்று கண்ணூரில் இவர்கள் திருமணம் நடந்தது.

திமுகவினர் பெயர்கள் வாக்காளர் பட்டியலில் இருக்கிறதா?

உங்க பெயர் 'வோட்டர் லிஸ்ட்'டில் இருக்கா... 'செக்' பண்ணுங்க.. திமுகவினருக்கு கருணாநிதி உத்தரவு!

Posted by: Sudha

சென்னை: திமுகவினர் உடனடியாக தங்களது பெயர்கள் வாக்காளர் பட்டியலில் இருக்கிறதா என்பதை பார்த்து உறுதிப்படுத்திக் கொள்ளுமாறு கட்சித் தலைவர் கருணாநிதி அறிவுறுத்தியுள்ளார்.
இதுதொடர்பாக அவர் வெளியிட்டுள்ள கேள்வி பதில் பாணி அறிக்கை:
கேள்வி: வாக்காளர் பட்டியலில் இதுவரை இடம் பெற்றிருந்த சென்னை மாவட்ட திமுக செயலாளரும், சட்டப்பேரவை உறுப்பினருமான ஜெ.அன்பழகன் பெயரை வாக்காளர் பட்டியலில் இருந்து நீக்கியிருப்பதாக செய்தி வந்துள்ளதே?
பதில்: ஒரு சட்டப்பேரவை உறுப்பினரின் பெயரே நீக்கப்பட்டுள்ளது. அவர் அடுத்த முறை தேர்தலில் நிற்க இயலாமல் செய்யவேண்டுமென்ற உள்நோக்கத்தோடு அவரது பெயரை நீக்கியிருக்கிறார்களோ என்ற சந்தேகம் ஏற்படுகிறது. இதுபோல கழகத்தின் சார்பில் போட்டியிடக்கூடுமென்று அவர்களே யூகித்து, அவர்களின் பெயர்களையெல்லாம் வாக்காளர் பட்டியலில் இருந்து அகற்றிடுவதற்கான முயற்சி நடைபெற்றிருக்கிறதோ என்ற கேள்வியும் எழுகிறது.

மிஸ்டர் கெஜிர்வால்! சரத்பவார் குடும்பத்தினரின் முறைகேடு பற்றி வாய் திறக்காதது ஏன்?

Posted by: Mathi

மும்பை: மகராஷ்டிரா மாநில நீர்ப்பாசனத் திட்டத்தில் முறைகேடு நடந்ததாக பாஜக தலைவர் நிதின் கத்காரி மீது புகார் கூறும் சமூக ஆர்வலர் கெஜ்ரிவால் ஏன் மத்திய அமைச்சர் சரத் பவார் குடும்பத்தினர் முறைகேடு பற்றி வாய்திறக்கவில்லை என்று கேள்வி எழுப்பப்பட்டுள்ளது. இந்தக் கேள்வியை எழுப்பியவர் வேறு யாருமல்ல.. கெஜ்ரிவாலின் முன்னாள் சகாவான ஆர்.டி.ஐ. செயற்பாட்டாளர் ஒய்.பி.சிங்தான்!
கத்காரி மீது புகார்
மகாராஷ்டிரா மாநில நீர்ப்பாசனத் திட்டத்தில் பாஜக தலைவர் நிதின் கத்காரிக்கு தொடர்பிருப்பதாக அர்விந்த் கெஜ்ரிவால் குற்றம்சாட்டியிருந்தார். இதேபோல் மகாராஷ்டிரா மாநில அரசு விதிகளை மீறி 100 ஏக்கர் நிலத்தை கத்காரிக்கு கொடுத்ததாகவும் புகார் கூறப்பட்டது.
கெஜ்ரிவால் மீது திரும்பிப் பாய்ந்த அஸ்திரம்

அமெரிக்கா : நிறுவனங்கள் மிரட்டி வாக்களிக்குமாறு ஊழியர்களை விரட்டுகின்றன

ஓட்டுப் போடலேன்னா பிச்சுருவேன் பிச்சு!

வினவு நம்மூரில் வாக்குச்சாவடி கைப்பற்றப்படுவதைப் போலத்தான் அமெரிக்காவில் பெரும் நிறுவனங்கள் தனக்கு சார்பான வேட்பாளர்களுக்கு மிரட்டி வாக்களிக்குமாறு ஊழியர்களை விரட்டுகின்றன.

மிட் ராம்னி

‘அடுத்த மாதம் நடக்கவிருக்கும் அமெரிக்க அதிபர் தேர்தலில் குடியரசுக் கட்சிக்கு வாக்களிக்கா விட்டால் கடும் பின் விளைவுகளைச் சந்திக்க வேண்டியிருக்கும்’ என்று தனது ஊழியர்களுக்கு எச்சரிக்கை விடுத்திருக்கிறது அமெரிக்காவின் இரண்டாவது பெரிய தனியார் நிறுவனமான கோஹ் இண்டஸ்ட்ரீஸ். எண்ணைய் சுத்திகரிப்புத் துறையில் ஈடுபட்டுள்ள இந்த நிறுவனம் டேவிட் கோஹ், சார்லஸ் கோஹ் சகோதரர்களின்  கட்டுப்பாட்டில் உள்ளது.

வீடுகளில் சூரிய ஒளியில் மின்சாரம் தயாரிக்கும் பேனல்கள்: மத்திய அரசு பரிசீலனை

மின்பற்றாக் குறையை போக்க வீட்டு கூரைகளின் மேல் சூரிய ஒளி மின்சாரம் தயாரிக்கும் பேனல்களை அமைப்பது குறித்து மத்திய அரசு தீவிர பரிசீலனை செய்து வருகிறது.

இதுகுறித்து மத்திய மின்சாரா துறை அதிகாரிகள் கூறியதாவது:- சுற்றுச்சூழல் மாசு ஏற்படாதவாறு மின்சாரம் தயாரிக்கும் திட்டத்தை ஊக்குவிக்க மத்திய அரசு முன்வந் துள்ளது. இதற்காக வீடுகளின் கூரை களில் சூரிய ஒளி மின்சார பேனல்கள் அமைக்கும் வீட்டு உரிமையாளர் களுக்கு நிதி மானியம் மற்றும் கடன் உதவி செய்து அதன் மூலம் கருவியை பொருத்திக்கொள்வது, அத்துடன் வீடுகளுக்கு தேவைக்கு போக மீதம் உள்ள மின்சாரத்தை பகல் பொழுதில் மின்சார வாரியமே வாங்கி கொள்ளும் வகையிலும் திட்டத்தை பொதுமக்க ளிடம் கொண்டு செல்ல மத்திய அரசு பரிசீலித்து வருகிறது.

500 தியேட்டர்களில் போடறாங்களே? தங்கர் பச்சான் குமுறிக் கொண்டிருக்கிறார்.

சென்னை: ஒரே படத்தை 500 தியேட்டர்களில் வெளியிடுகிறார்களே, இது நியாயமா... இதனால எங்க படங்களுக்கெல்லாம் தியேட்டர் கிடைக்காம போகுதே, என்று மீண்டும் கேட்டுள்ளார் இயக்குநர் தங்கர் பச்சான்.

ரொம்ப நாள் கழித்து தான் இயக்கியுள்ள அம்மாவின் கைபேசி படத்தை வாங்க யாரும் வரலியே என்று செம கடுப்பிலிருக்கிறார் தங்கர் பச்சான்.
அதன் விளைவு பத்திரிகை, தொலைக்காட்சி பேட்டிகளில் எல்லோரையும் சகட்டு மேனிக்கு திட்டி வருகிறார்.
இப்போது தீபாவளிக்கு படத்தை வெளியிடத் திட்டமிட்டிருக்கிறார் தங்கர்.

இதுபற்றி சமீபத்தில் அளித்த பேட்டியில், "என்னைப் போன்ற இயக்குநர்கள், தயாரிப்பாளர்கள் மக்களை மட்டுமே நம்பி படம் எடுக்கிறார்கள். ஆனால், எங்கள் படங்கள் மக்களை போய்ச் சேருவதில்லை.

நித்தி சுவாமிகள் – மதுரை ஆதீனம் ‘டீல்களை’ வீதிக்கு வர வைக்கும் தீர்ப்பு இன்று!

Viruvirupu

தமிழக அரசு ஒருவழியாக மதுரை மூத்த, இழைய ஆதீனங்கள் மீது பார்வையை திருப்பியுள்ளது. சென்னை ஹைகோர்ட்டில் தமிழக அரசு, “நித்தியானந்தா இளைய மடாதிபதியாக செயல்பட தகுதியற்றவர்” என்று தெரிவித்தது ஒருபுறம் இருக்க, மதுரை நீதிமன்றத்தில், “மதுரை ஆதீன மடத்தையே அரசிடம் ஒப்படைக்க வேண்டும்” என்று மனு தாக்கல் செய்துள்ளது பரபரப்பை ஏற்படுத்தியுள்ளது.
இந்து அறநிலையத் துறை சார்பில் மதுரை நீதிமன்றத்தில், “மதுரை ஆதீன மடத்தின் சொத்துக்களை அரசு விதிகளை மீறி குறைந்த விலைக்கு விற்பனை செய்துள்ளது உள்ளிட்ட, பல்வேறு வழிகளில் முறைகேடு நடந்துள்ளதால், மடத்தை அரசிடம் ஒப்படைக்க வேண்டும்” என மனு தாக்கல் செய்யப்பட்டுள்ளது.

அனிருத் பிறந்தநாள் விருந்தை ஆண்ட்ரியா புறக்கணித்தார்

 இசையமைப்பாளர் அனிருத் அளித்த பிறந்தநாள் விருந்தை நடிகை ஆண்ட்ரியா புறக்கணித்துள்ள சம்பவம்தான் இன்றைக்கு கோலிவுட் உலகில் ஹாட் டாபிக் ஆக பேசப்படுகிறது.
தனுசின் ‘3' படத்துக்கு இசையமைத்தவர் அனிருத். இப்படத்தில் இடம்பெற்ற ‘கொலை வெறி' பாடல் மூலம் உலகம் முழுவதும் பிரபலமானார்.

அதை எல்லாம் விட அனிருத்தும் ஆண்ட்ரீயாவும் நெருக்கமாக உதட்டுடன் உதடு முத்தமிடும் படங்கள் இணையதளத்தில் வெளியானதால் உலகம் முழுவதும் இருவரின் புகழ் பரவியது.
இத்தனைக்கும் அனிருத்தைவிட ஆண்ட்ரியா வயதில் மூத்தவர். விருந்து நிகழ்ச்சியொன்றில் சக நடிகர் ஒருவர் இந்த முத்த காட்சி படங்களை அவர்களுக்கு தெரியாமல் படம் பிடித்து இணையதளத்தில் வெளியிட்டதாக கூறப்பட்டது.

ஜெயலலிதாவுக்கு விஎச்பி- இந்து முன்னணி பாராட்டு மழை! சேது சமுத்திர திட்டத்துக்கு சாவு மணி

சென்னை: சேது சமுத்திரத் திட்டத்தை கைவிட வேண்டும் என்றும், ராம சேதுவை பாரம்பரிய சின்னமாக அறிவிக்க வேண்டும் என்றும் உச்ச நீதிமன்றத்தில் தமிழக அரசு கோரியுள்ளதற்காக முதல்வர் ஜெயலலிதாவுக்கு இந்து முன்னணியும் விஸ்வ இந்து பரிஷத்தும் பெரும் பாராட்டை குவித்துள்ளன.
இது குறித்து இந்து முன்னணி அமைப்பாளர் ராம.கோபாலன் விடுத்த அறிக்கையில், சேது சமுத்திரத் திட்டம், ராம சேது பாதுகாப்பு வழக்கில் உச்ச நீதிமன்றத்தில் தமிழக அரசு சார்பில் சமர்ப்பிக்கப்பட்ட மனுவில் சேது சமுத்திர திட்டத்தை கைவிடவும், ராம சேதுவை பாரம்பரிய சின்னமாக அறிவிக்க வேண்டும் என்றும் கேட்டுக் கொண்டுள்ளது. இதனை இந்து முன்னணி வரவேற்கிறது. தமிழக முதல்வரின் தெளிவான, துணிச்சலான முடிவை பாராட்டுகிறோம். சாவு மணி

செக்ஸ் சூதாட்டத்தில் ஈடுபட்ட IPL சியர் லீடர்.. ஏஜென்ட்டுடன் கைது!

Posted by: Sudha

புனே: ஐபிஎல் அணி ஒன்றின் சியர் லீடர் எனப்படும் நடனப் பெண் ஒருவர் செக்ஸ் சூதாட்டத்தில் ஈடுபட்டு கைதாகியுள்ளார். அவருக்கு விபச்சாரத்தில் உதவிய ஏஜென்ட்டையும் போலீஸார் தூக்கியுள்ளனர்.
அந்தப் பெண் எந்த ஐபிஎல் அணியைச் சேர்ந்தவர் என்பது தெரிவிக்கப்படவில்லை. இருப்பினும் பாலிவுட் நட்சத்திரம் ஒருவருக்குச் சொந்தமான அணிக்காக இவர் சியர் லீடராக செயல்பட்டதாக கூறப்படுகிறது. அனேகமாக அந்தப் பெண் ஷாருக்கானின் கொல்கத்தா நைட் ரைடர்ஸ் அல்லது ஷில்பா ஷெட்டியைத் தலைவராகக் கொண்ட ராஜஸ்தான் ராயல்ஸ் அணியின் பெண்ணாக இருக்கலாம் என்று கருதப்படுகிறது.
புனேவில் வைத்து இந்தப் பெண்ணைப் போலீஸார் கைது செய்துள்ளனர். இவரது பெயர் சானா மனிஷ் சிரவலா. 22 வயதாகிறது. ஐபிஎல் போட்டிகளில் சியர் லீடர் குரூப்பில் இடம் பெற்று ஆடியுள்ளார்.

வாடகைக்கு வீடு ஒன்லி பிராமின்ஸ் மட்டும் வருக

வினவு.com 
 இந்து நாளிதழில் இந்தியாவின் பெருநகரங்களின் பல பகுதிகளில் முஸ்லீம்களுக்கும் தாழ்த்தப்பட்ட மக்களுக்கும் குடியிருக்கும் உரிமை மறுக்கப்படுவது குறித்த ஆய்வுக் கட்டுரை வெளியாகியிருந்தது. முஸ்லீம் தம்பதியினர் போல வீடு வாடகைக்கு விடப்படுவதாக சொன்ன விளம்பரதாரர்களை தொடர்பு கொண்ட இந்து நாளிதழ் நிருபர்களின் அனுபவங்களும் வீட்டுத் தரகர்கள் மற்றும் வாடகைக்கு அல்லது வாங்குவதற்கு வீடு தேடும் பிற முஸ்லீம்களின் அனுபவங்களும் பதிவு செய்யப்பட்டிருந்தன.
இதற்கான எதிர்வினைகள் மூன்று வகையில் அமைந்திருந்தன.

1. ‘நான் முஸ்லீம், தலித் என்று பார்ப்பதில்லை. என் வீட்டில் அசைவ உணவு சமைக்கப்படுவதன் மூலம் வீடு அசுத்தப்பட்டு விடக் கூடாது என்பதுதான் நோக்கம்’

2. ‘முஸ்லீம்கள் பயங்கரவாதிகள், இந்துக்கள் விரும்பாத பழக்கங்களை விடாப்படியாக பின்ப்பற்றுகிறார்கள், அதனால் ரிஸ்க் எடுக்க வேண்டாம் என்று வாடகைக்கு விட மறுக்கிறோம்’

3. ‘முஸ்லீம்கள் இயல்பாகவே சக முஸ்லீம்களுடன் சேர்ந்து வாழ விரும்புகிறார்கள். மற்ற மதத்தினர் வசிக்கும் பகுதிகளில் வாழ விரும்புவதில்லை’

‘வெஜிடேரியன் மட்டும் என்பது ஒரு மேல் பூச்சு மட்டும்தான்,

திமுக MLA க்கு எதிராக அரசியல் பண்ணும் தேர்தல் அதிகாரி

திமுக எம்.எல்.ஏ அன்பழகனுக்கு 'அல்வா' கொடுத்த தமிழக தேர்தல் கமிஷன்!

சென்னை: திருவல்லிக்கேணி திமுக எம்.எல்ஏ ஜெ.அன்பழகன் பெயர், வாக்காளர் பட்டியலில் இடம் பெறாமல் விடுத்த தேர்தல் அதிகாரிகள் மீது நடவடிக்கை எடுக்க தமிழக தேர்தல் அதிகாரி பிரவீன்குமாரிடம் புகார் அளிக்கப்பட்டுள்ளது.
இது குறித்து தமிழக தலைமை தேர்தல் அதிகாரி பிரவீண்குமாரிடம் அளித்துள்ள புகாரில் ஜெ.அன்பழகன் கூறியிருப்பதாவது,
சென்னை தியாகராய நகரில் நான் கடந்த பல ஆண்டுகளாக வசித்து வருகிறேன். கடந்த 2011ம் ஆண்டு நடைபெற்ற பொதுத் தேர்தலில் சேப்பாக்கம்-திருவல்லிக்கேணி தொகுதியில் திமுக சார்பில் போட்டியிட்டு வெற்றி பெற்றேன். அதன்பிறகு நடைபெற்ற மாநகராட்சி தேர்தலிலும் நான் வாக்களித்துள்ளேன்.

நித்யானந்தா விலக முடிவு? மதுரை இளைய ஆதீனம் பொறுப்பிலிருந்து

Posted by: Chakra

 மதுரை ஆதீனத்தின் இளைய சந்நிதானம் பட்டத்தில் இருந்து விலக நித்யானந்தா முடிவு செய்திருப்பதாகத் தகவல்கள் வெளியாகின்றன. ஆனால், அவை உண்மையா என்பது தெரியவில்லை.
ரஞ்சிதா விவகாரத்தில் சிக்கி பேமசான நித்யானந்தாவை இளைய சந்நிதானமாக நியமித்து தனது பெயரைக் கொடுத்து கொண்டார் மதுரை ஆதீனமான அருணகிரிநாதர். அன்று முதல் அவர் பெரும் விமர்சனத்துக்கு உள்ளாகி வரும் அருணகிரிநாதர், ஒரு நாள் நித்யானந்தாவுக்கு ஆதரவாகப் பேசுவதும், அடுத்த நாள் நித்யானந்தா குரூப்புக்கு எதிராக காய் நகர்த்துவதும், பின்னர் மீண்டும் பம்முவதுமாக உள்ளார்.

அழகிரி மகனுக்கு பிறப்பிக்கப்பட்ட பிடிவாரண்டுக்கு தடை

>மதுரை மாவட்டம் மேலூர் அருகே ஒலிம்பஸ் குவாரியில் நடந்த முறைகேடு தொடர்பாக மத்திய மந்திரி மு.க.அழகிரியின் மகன் துரை தயாநிதியை கைது செய்ய மேலூர் மாஜிஸ்திரேட்டு கோர்ட்டு பிடிவாரண்டு பிறப்பித்தது. இந்த பிடிவாரண்டை ரத்து செய்யக்கோரி துரை தயாநிதி சார்பில் மதுரை ஐகோர்ட்டு கிளையில் மனுதாக்கல் செய்யப்பட்டது. அந்த மனுவில்,  ‘’நான் ஏற்கனவே என் மீதான வழக்கில் முன்ஜாமீன் கேட்டு மனுதாக்கல் செய்தேன். அது தள்ளுபடி செய்யப்பட்டது.

என் மீதான வழக்கை ரத்து செய்யக்கோரி ஐகோர்ட்டில் மனு தாக்கல் செய்துள்ளேன். அந்த மனு நிலுவையில் உள்ளது. பின்னர் மீண்டும் நான் முன்ஜாமீன் கேட்டு மனுதாக்கல் செய்துள்ளேன். நான் தாக்கல் செய்த முன் ஜாமீன் மனு மீதான விசாரணை ஐகோர்ட்டில் நிலுவையில் உள்ள நிலையில் பிடிவாரண்டு பிறப்பிக்க முடியாது. எனவே என் மீதான பிடிவாரண்டை ரத்து செய்ய வேண்டும்’’ என்று கூறப்பட்டுள்ளது.

காவிரி நீரை தர மறுப்பது நாங்கள் அல்ல..தமிழக பா.ஜ.க

கருணாநிதியை நாங்கள் கணக்கெடுப்பது இல்லை” -பயந்த சுபாவ பா.ஜ.க.

Viruvirupu “கர்நாடகாவில் பா.ஜ.க.வின் ஆட்சி நடந்து வந்தாலும், காவிரி நீரை தர மறுப்பது நாங்கள் அல்ல. தமிழகத்திற்கு காவிரி நீர் அளிக்க, கர்நாடக முதல்வரும், பா.ஜ.க. தலைவர்களும் தயாராக உள்ளனர். ஆனால் கர்நாடகாவில் உள்ள எதிர்கட்சியான காங்கிரஸூம், கன்னட மொழி குழுவினரும், கர்நாடக அரசை மிரட்டி காவிரி நீர் திறந்து விடுவதை தடுத்து வருகின்றனர். கர்நாடகாவில் வசிக்கும் தமிழர்களுக்கும் பாதிப்பு ஏற்பட கூடாது என்பதை கருத்தில் கொண்டு, பா.ஜ.க. அரசுசெயல்பட வேண்டியுள்ளது” என்கிறார்பொன்.ராதாகிருஷ்ணன் .

“கருணாநிதி கூறுவதையெல்லாம் நாங்கள் கணக்கில் எடுப்பதில்லை. அவர் இன்றைக்கு ஒன்று கூறுவார். நாளைக்கே அது தவறு என்று பல்டி அடித்துவிடுவார்” என்று கூறியுள்ளது பாரதீய ஜனதா கட்சி.
அந்தக் கட்சியின் தமிழக தலைவர் பொன்.ராதாகிருஷ்ணன், சேலத்தில் வைத்து இதை தெரிவித்துள்ளார். “கர்நாடக அரசை 356-ம் பிரிவை பயன்படுத்தி கலைக்க வேண்டும் என்று தி.மு.க. தலைவர் கருணாநிதி கோரிக்கை விடுத்துள்ளார். அவரது பேச்சுக்கு மதிப்பு அளிக்க நாங்கள் தயாராக இல்லை.

96 வயது தாத்தா குழந்தைக்கு தந்தையாகியுள்ளார் மனைவி வயது 54

96 வயதிலும் 'நாட் அவுட்' ஆகாத தாத்தா: அண்டை வீட்டார் பொறாமை

Poted by: Mayura Akilan

ஹரியானா : ஹரியானா மாநிலத்தில் 96 வயதான தாத்தா ஒருவர் குழந்தைக்கு தந்தையாகியுள்ளார். இதன்மூலம் உலகின் வயதான தந்தை என்ற சாதனையை அடைந்துள்ளார்.
ராம்ஜித் ராகவ் என்ற அந்த தாத்தாவிற்கும் 54 வயதான அவருடைய மனைவி சகுந்தாலாவிற்கும் ஹரியானாவில் உள்ள அரசு மருத்துவமனையில் ஆண் குழந்தை ஒன்று பிறந்துள்ளது.
குழந்தைக்கு தந்தையானது குறித்து கருத்து கூறியுள்ள இந்த தாத்தா, நான் ஒரு விவசாயி, வயதான காலத்தில் எனக்கு இந்த குழந்தை பிறந்துள்ளது. இதற்கு நான் என்ன செய்வது, குழந்தை என்பது கடவுளாக கொடுக்கும் வரம். அதை நான் எப்படி வேண்டாம் என்று எப்படி தடுப்பது என்று கேட்டுள்ளார்.

அது தலிபான்களுக்கு பிடிக்காது? பெண் குழந்தைகள் பள்ளிக்கூடத்திற்கு

Malala Yousafzai, the Pakistani schoolgirl who was shot by the Taliban for speaking out against militants and promoting education for girls.

For making headlines worldwide (the right way).

Photograph: Reuters

எனது வகுப்பறை...!

2009 ஜனவரி 3.
“நேற்று இரவு மிகவும் பயங்கரமாகக் கழிந்தது. ராணுவ ஹெலிகாப்டர்களும் தலிபான்களும் என் கனவில் வந்துகொண்டே இருந்தனர். எனது இதயம் நிறைந்த ஸ்வாட் பள்ளத்தாக்கில் ராணுவத் தாக்குதல்கள் துவங்கிய நாள் முதலே இப்படிப்பட்ட கனவுகள் துன்புறுத்துகின்றன. பள்ளிக்குச் செல்லவே பயமாக இருக்கிறது. பெண் குழந்தைகள் யாரும் பள்ளிக்கு வரக்கூடாது என தலிபான்கள் உத்தரவு போட்டிருக்கிறார்கள். எங்கள் வகுப்பில் 27 பேரில் 11 பேர் மட்டுமே வருகிறார்கள்”.

சேது சமுத்திரக் கால்வாய் வேண்டாமாம்

 2001 May 10 அதிமுக தேர்தல் அறிக்கை :  2427 கோடி ரூபாய் மதிப்பீட்டில் தொடங்கிய அத்திட்டம் முழுமையாக முடிந்தால் தமிழ்நாட்டின் வளம் மட்டுமல்ல; இந்தியா மட்டுமல்ல, தென்கிழக்காசிய நாடுகளும், கடலோரப் பகுதிகளில் வாழும் நாடுகள் அனைத்தும் பயன் அடையும்; வாணிபமும், தொழிலும் பெருகும். அந்நிய முதலீடு அதிகரிக்கும்; அந்நியச் செலாவணி அதிகம் கிடைக்கும். கப்பலின் பயண தூரம் வெகுவாகக் குறைவதால் எரிபொருளும், பயண நேரமும் மிச்சமாகும். ஏற்றுமதி இறக்குமதி அதிகரிக்கும்; குறிப்பாக, இராமநாதபுரம் போன்ற மிக மிகப் பிற்படுத்தப்பட்ட தமிழக தென்பகுதி மக்களின் வாழ்க்கைத் தரம் மேம்படும்; வேலை வாய்ப்புப் பெருகும்; தூத்துக்குடி துறைமுகம் சர்வதேச அளவில் விரிவடையும்; சுற்றுலா வளர்ச்சி அடையும்.

தமிழர் கனவான சேது சமுத்திரக் கால்வாய்த் திட்டம்: கூடாது என்று கூறி

அவப்பெயரை சுமக்கிறார்  தமிழக முதலமைச்சர்

ஒட்டுமொத்த தமிழர்களே, கிளர்ந்தெழுவீர்!

திராவிடர் கழகத் தலைவர் கி. வீரமணி அறிக்கை

தமிழர்களின் நீண்ட நாள் எதிர்பார்க்கும் வளர்ச்சித் திட்டமான சேது சமுத்திரக் கால்வாய்த் திட்டத்தை வேண்டாம் என்று கூறும் தமிழக முதலமைச்சர் வீண் அவப் பெயரைச் சுமக்கிறார்; கட்சிக் கண்ணோட்டமின்றி கிளர்ந்தெழுக தமிழர்களே என்று வேண்டுகோள் விடுத்துள்ள திராவிடர் கழகத் தலைவர் கி. வீரமணி அவர்களின் அறிக்கை வருமாறு:

கடந்த 150 ஆண்டுகாலமாய், தமிழ்நாடும், தமிழக மக்களும் நிறைவேற வேண்டும் இந்த சேது கால்வாய்த் திட்டம் என்று விழைந்த ஒரு திட்டம்; பிரிட்டிஷ் நிபுணர்கள் முதல் நீதிக்கட்சியின் நல் முத்தான சர்.ஏ. இராமசாமி (முதலியார்) குழுவரை ஆய்வு அறிக்கைகள் தந்து நடைமுறைக்கு வரவேண்டும் என்று ஏங்கிய ஒரு திட்டம், தமிழ்நாட்டில் 40-க்கு 40 இடங்களை 2004 நாடாளுமன்றத் தேர்தலின் முடிவுகளால் உருவாக்கப்பட்ட அய்க்கிய முற்போக்குக் கூட்டணி (UPA) அரசு காங்கிரஸ் - தி.மு.க. கூட்டு அமைச்சரவையில்தான் நனவாகியது; நடைமுறையில் எடுத்துக்கொண்டு மதுரையில் கூட்டணிக் கட்சிகள் - இடதுசாரி கட்சிகள், பிரதமர் (UPA) அதன் தலைவர் திருமதி சோனியா காந்தி உள்பட பலரும் கலந்துகொண்டு 2.7.2005 இல் தொடக்க விழா நடைபெற்றது.

அ.தி.மு.க. - அதன் பொதுச்செயலாளர் கூறியது என்ன?

சேது சமுத்திரத் திட்டம் எப்படி பயன் அளிக்கும்? என்பதை 2001 மே 10 இல் நடந்த தமிழக சட்டமன்றத் தேர்தலின்போது அ.தி.மு. கட்சியின் சார்பில் வெளியிடப்பட்ட தேர்தல் அறிக்கையில் கூறியிருப்பதாவது:

நக்கீரன் வழக்கு : ஐகோர்ட் பரபரப்பு தீர்ப்பு

சென்னை அண்ணாசாலையில் உள்ள தேவநேய பாவாணர் கட்டிட (எல்.எல்.ஏ. பில்டிங்) அரங்கத்தில் கூட்டம் நடத்துவதற்கு போலீஸ் அனுமதி தேவையில்லை என்று ஐகோர்ட் உத்தரவிட்டுள்ளது.

சின்னக்குத்தூசி நினைவு அறக்கட்டளையின் நிறுவனர் நக்கீரன் கோபால். சின்னக்குத்தூசியின் 78-வது பிறந்த நாள் விழா நிகழ்ச்சியை எல்.எல்.ஏ. கட்டிடத்தின் ஜுன் 15-ந் தேதியன்று நடத்த ரூ.8 ஆயிரம் கொடுத்து கூட்டம் நடத்துவதற்கான அனுமதியை பெற்றிருந்தார். இந்த நிலையில் கூட்டம் நடத்துவதற்குத் தரப்பட்ட அனுமதியை நிர்வாக காரணங்களுக்காக திரும்பப் பெற்றுவிட்டதாகக் கூறி, அந்த அரங்கத்தில் விழாவை நடத்த அரங்கத்தின் செயலாளர் அனுமதிக்கவில்லை.

கும்கி படக்குழு மறுபடியும் காட்டுக்குள் செல்கிறது

பிரபுவின் மகன் விக்ரம் பிரபு அறிமுகமாகும் கும்கி படம் தீபாவளிக்கு ரிலீசாகிறது. இந்த கதை திருட்டு கதை என்று யாராவது சொல்லிவிடுகிரார்களோ பார்ப்போமே ?
 தீபாவளிக்கு துப்பாக்கி, அலெக்ஸ் பாண்டியன் போன்ற படங்கள் ரிலீஸாவதால் இந்த படங்களுக்கிடையே வசூலில் கடும் போட்டி நிலவும் என்று சினிமா வட்டாரத்தில் பரபரப்பாக பேசப்பட்டது. ஆனால் இப்போது கும்கி படக்குழுவினர் சில காட்சிகளை மறுபடியும் எடுக்கப்போவதாக கூறியுள்ளனர். சில குளோஸ் அப் ஷாட்களிலும், காதல் காட்சிகளிலும் திருப்தி இல்லாததால் அந்த காட்சிகளை மறுபடியும் எடுக்கப் போகிறார்களாம். 

Ramadas:சேது சமுத்திரத் திட்டம்: அ.தி.மு.க.வின் பிற்போக்கான நிலைப்பாட்டுக்குக் கண்டனங்கள்

 சேது சமுத்திரக் கால்வாய் திட்டத்தை முடக்கும் விதத்தில் தமிழக அரசு மேற்கொண் டுள்ள நிலைப்பாட்டிற்கு மார்க்சிஸ்ட் கம்யூனிஸ்ட் கட்சியின் மாநில செய லாளர் ஜி.ராமகிருஷ்ணன் மற்றும் மருத்துவர்  ச.ராமதாசு ஆகியோர் கடும் கண்டனம் தெரிவித்துள்ளனர்.

சிபிஎம் ஜி.ராமகிருஷ்ணன்

தமிழகம் மற்றும் தென்னிந்தியா மட்டுமின்றி ஒட்டுமொத்த இந் தியாவின் பொருளாதார வளர்ச்சிக்கு மிகப்பெரும் உறுதுணையாக சேது சமுத்திர திட்டம் விளங்கும் என்பது பரவலான பொருளாதார நிபுணர்கள் ஆய்ந்தளித்த முடிவாகும்.

இந்நிலையில் தான் பிஜேபி மற்றும் சங் பரிவாரம் போன்ற அமைப்புகள் சேது சமுத்திரத் திட்டம் செல்லும் பாதையில் உள்ள மணல் திட்டு ராமர் கட்டிய பாலம் என்ற மோசடிப் பிரச் சாரத்தை கட்டவிழ்த்து விட்டன.

சட்ட அமைச்சர் குர்ஷித் அர்விந்த் கெஜ்ரிவாலுக்கு மிரட்டல்

மிஸ்டர் கெஜ்ரிவால்....எப்படி திரும்பிப் போவீங்கன்னு பார்க்கிறேன்: சட்ட அமைச்சர் குர்ஷித் மிரட்டல்!

 மடியில் கணம் இருப்பது நல்லாவே தெரியறது
டெல்லி: தமது அறக்கட்டளை மோசடி தொடர்பாக சொந்தத் தொகுதியான பரூக்காபாத்தில் போராட்டம் நடந்த்துவோம் என்று அறிவித்திருக்கும் சமூக ஆர்வலர் அர்விந்த் கெஜ்ரிவாலுக்கு மத்திய சட்ட அமைச்சர் சல்மான் குர்ஷித் மிரட்டல் விடுத்திருக்கிறார்.
இது தொடர்பாக இந்தி செய்தி தொலைக்காட்சி ஒன்றுக்கு அளித்த பேட்டியில் சல்மான் குர்ஷித் கூறுகையில், பரூக்காபாத்துக்குப் போவதற்கு நான் ஒன்றும் விசா கொடுக்கலையே கெஜ்ரிவாலுக்கு.. அது ரொம்ப நீளமான சாலை.. மொத்தம் 300 கிலோ மீட்டர் நீளம் கொண்டது... அங்க போறது ரொம்ப எளிதானது.. உள்ளே போகிறவர் அப்படியே அதே நிலையோடு மறுபடியும் நல்ல படியா திரும்பி வரனும் என்று மறைமுகமாக மிரட்டியுள்ளார்.
அதுமட்டுமில்ல... புகார்களை அள்ளிவீசும்போது பேனாவில் மையைப் போட்டு எழுதுங்க.. ஆனால் தற்போது ரத்தத்தை வைத்து எழுதியிருக்கின்றனர் என்றும் சாடியிருக்கிறார்.

பாஜகவுக்கும் காங்கிரசுக்கும் நன்கொடை: ஊழல்னு வந்துட்டா என்னா ஒரு ஒற்றுமை

Posted by: Chakra

டெல்லி: வெளிநாட்டில் இருந்து காங்கிரஸ் மற்றும் பாஜக ஆகியவை நன்கொடை பெற்றதில் நடைபெற்ற விதிமீறல்கள் குறித்து விசாரணை மேற்கொண்டு வருகிறது மத்திய தேர்தல் ஆணையம்.
இந்த விவகாரத்தில் வருமான வரித்துறையின் உதவியை தேர்தல் ஆணையம் நாடியுள்ளது.
லண்டனை தலைமையிடமாகக் கொண்ட இந்தியரான அகர்வாலுக்குச் சொந்தமான சர்வதேச நிறுவனமான வேதாந்தா குழுமத்திடம் இருந்து இரு கட்சிகளும் தலா ரூ. 5 கோடி நன்கொடை பெற்றுள்ளன.
இந்த நிறுவனத்திடம் இருந்து நேரடியாக இந்தப் பணம் பெறப்படவில்லை. இந்தியாவில் செயல்படும் அக்குழுமத்தின் துணை நிறுவனங்களான ஸ்டெர்லைட், சீசா கோகோ ஆகிய நிறுவனங்களிடம் இருந்து இரு பெரிய கட்சிகளும் நன்கொடை பெற்றுள்ளன.

மகாராஷ்டிராவில் BJP கத்காரிக்கு 100 ஏக்கர் நிலம் ஒதுக்கீடு: கெஜ்ரிவால் புகார்!

டெல்லி: மகராஷ்டிரா மாநிலத்தில் பாஜக தலைவர் நிதின் கத்காரிக்கு விதிகளுக்கு முறைகேடாக 100 ஏக்கர் நிலத்தை மகாராஷ்டிர ஆளும் காங்கிரஸ்- தேசியவாத காங்கிரஸ் அரசு வழங்கியிருப்பதாக அதிரடிப் புகாரை சமூக ஆர்வலர் அர்விந்த் கெஜ்ரிவால் தெரிவித்துள்ளார். இந்தப் புகார் மூலம் பாஜக, காங்கிரஸ், தேசியவாத காங்கிரஸ் மூன்று கட்சிகளையும் ஒரு சேர ஊழல் கட்சிகளாக கெஜ்ரிவால் குற்றம் சாட்டியுள்ளார்.
ஆளும் ஐக்கிய முற்போக்குக் கூட்டணியின் தலைவர் சோனியா காந்தியின் மருமகன் ராபார்ட் வத்ரா, அமைச்சர் சல்மான் குர்ஷித் ஆகியோரது தலைகளை உருட்டிய அர்விந்த் கெஜ்ரிவால் குழுவினர் இன்று பாஜக தலைவர் கத்காரிக்கு தொடர்புடைய ஊழல் ஆதாரங்களை வெளியிட்டது. அதன் விவரம்,
குற்றச்சாட்டு 1:
மகாராஷ்டிரா மாநிலத்தின் நீர்ப்பாசனத் திட்ட முறைகேடுகளில் கத்காரிக்கும் தொடர்பிருக்கிறது.
குற்றச்சாட்டு 2:

குண்டர் சட்டத்தை தவறாக பயன்படுத்திய கலெக்டர், இன்ஸ்பெக்டருக்கு அபராதம்

மதுரை: வலுவான காரணம் இல்லாமல் குண்டர் சட்ட உத்தரவு பிறப்பித்த விருதுநகர் கலெக்டர், பரிந்துரைத்த நகர் இன்ஸ்பெக்டருக்கு தலா ரூ.5 ஆயிரம் அபராதம் விதித்து நீதிபதிகள் உத்தரவு பிறப்பித்துள்ளனர். விருதுநகரை சேர்ந்தவர் கே.சுப்பிரமணி(32). இவர் மீது மணல் கொள்ளை வழக்கு உள்ளது. இவர், குண்டர் சட்டத்தில் சிறையில் அடைக்கப்பட்டுள்ளார். குண்டர் சட்ட உத்தரவை ரத்து செய்யக்கோரி, சுப்பிரமணியன் தந்தை கந்தசாமி, ஐகோர்ட் கிளையில் மனு தாக்கல் செய்தார்.

மனுவை நீதிபதிகள் கே.சுகுணா, ஆர்.மாலா ஆகியோர் விசாரித்தனர். நீதிபதிகள் பிறப்பித்த உத்தரவு: குண்டர் சட்டத்தின் கீழ் கைது செய்யப்படும் நபரை, கோர்ட் விசாரணையை சந்திக்காமலேயே ஓரு ஆண்டுக்கு சிறையில் அடைக்கலாம். தொடர்ந்து குற்றங்களில் ஈடுபடும் நபர்கள், அது போன்ற குற்றங்களில் ஈடுபடக்கூடாது. திருந்தி நல்லவராக வாழ வேண்டும் என்ற நோக்கத்தில் குண்டர் சட்டம் அமல்படுத்தப்பட்டுள்ளது. ஒருவரை குண்டர் சட்டத்தில் சிறையில் அடைக்க உத்தரவிடும் போது, அதற்கான காரணங்களை கவனமாக கையாள வேண்டும்.

சவூதி நீதிமன்றங்களில் இனி பெண் வக்கீல்கள் வாதடலாம்

Saudi Arabia intends to allow local women to practise law in a departure from a long-standing policy of banning female lawyers due to social and religious constraints, a Saudi newspaper has reported.சவூதி அரேபியாவில் உள்ள நீதிமன்றங்களில் அந்நாட்டின் பெண் வக்கீல்கள் வாதாட அனுமதியளிக்கப்பட உள்ளது.
கடந்த நான்கு நாட்களாக நடந்து வரும் ஈத்-அல்-அதா என்ற மாநாட்டில் பெண் வக்கீல்கள் நீதிமன்றங்களில் வாதாட அனுமதியளிக்கவேண்டும் என்று வலியுறுத்தப்பட்டு வந்தது.
இந்த நிலையில் அடுத்த மாதம் முதல் பெண் வக்கீல்கள் சவுதி நீதிமன்றங்களில் வாதாட அனுமதிக்கப்படுவர் என்று சட்ட அமைச்சகம் தெரிவித்துள்ளது.

அதிமுக எம்.பி. தம்பிதுரை மீது நில அபகரிப்பு வழக்கு but no arrest

 அதிமுக எம்.பி.  தம்பிதுரை மீது சென்னை உயர்நீதிமன்றத்தில் நில அபகரிப்பு வழக்கு பதிவு செய் யப்பட்டுள்ளது.சென்னை சூளைமேட்டைச்சேர்ந்த மோகன் என்பவர் தம்பிதுரைக்கு எதிராக மனு தாக்கல் செய்துள்ளார்.   சென்னை ஆவடியில் தமது நிலத்தை தம்பிதுரை அபகரித்துள்ளதாக அப்புகார் மனுவில் கூறியுள்ளார்.நிலமோசடி தொடர்பான தமது புகாரை பதிவு செய்ய காவல்துறைக்கு உத்தரவிட கோரிக்கை வைத்துள்ளார் மோகன்

குஜராத் முசுலீம் படுகொலை கொலைகாரன் மோடி சவால்

நரோடா பாட்டியா முஸ்லீம்கள் மீது நடத்தப்பட்ட தாக்குதலின் பொழுது ஈவிரக்கமின்றி எரித்துக் கொல்லப்பட்டவர்களின் சடலங்கள்

சங்கப் பரிவார அமைப்புகள்தான் இந்தப் படுகொலையை நடத்தியிருக்கின்றன என்பது அம்பலமான பிறகும், அவ்வமைப்புகளைத் தடைசெயச் சோல்லி எந்தவொரு நீதிமன்றமும் உத்தரவிட மறுக்கின்றன.  இடதுசாரிகள் உள்ளிட்டு, மதச்சார்பற்ற கட்சிகள் என்று பீற்றிக் கொள்ளும் எந்தவொரு ஓட்டுக்கட்சியும்கூட இந்தக் கோரிக்கையை முன் வைக்க மறுக்கின்றன.  இந்த நாட்டின் கிரிமினல் சட்டங்களும், நீதித்துறையும், அரசியலமைப்பும் குஜராத் முசுலீம் படுகொலை தொடர்பாகக் காட்டிவரும் இந்தச் சலுகைதான் கொலைகாரன் மோடிக்கு, தன்னை வளர்ச்சியின் நாயகனாக மக்கள் முன் காட்டிக் கொள்ளுவதற்கும்; நான் குற்றவாளி எனில், என்னைத் தூக்கிலிடுங்கள்” எனச் சவால் விடுவதற்குமான துணிவைத் தந்திருக்கிறது.

குஜராத் முசுலீம் படுகொலை தொடர்பாகப் பதிவு செய்யப்பட்டுள்ள நூற்றுக்கணக்கான வழக்குகளுள், ஒன்பது வழக்குகளை மட்டும் உச்ச நீதிமன்றம் தனது கண்காணிப்பின் கீழ் கொண்டு வந்து, அவற்றின் புலன் விசாரணையைச் சிறப்புப் புலனாவுக் குழுவிடம் ஒப்படைத்திருந்தது.  அவ்வழக்குகளில் ஒன்றான நரோடா பாட்டியா படுகொலை வழக்கில் 32 பேரைத் தண்டித்துத் தீர்ப்பு அளித்திருக்கிறது, சிறப்பு விரைவு நீதிமன்றம்.
அகமதாபாத் நகரின் கிழக்குப் பகுதியில் அமைந்துள்ள முசுலீம்களின் காலனியான நரோடா பாட்டியாவில் நடந்த இத்தாக்குதலின்பொழுது 97 பேர் கொல்லப்பட்டனர்.  இந்த 97 பேரில் 30 பேர் ஆண்கள்; 32 பேர் பெண்கள்; 35 பேர் குழந்தைகள் மற்றும் சிறுவர்-சிறுமியர்.  இப்படுகொலையின்பொழுது கொல்லப்பட்டோரில் பெரும்பாலோர் கண்டம் துண்டமாக வெட்டப்பட்டு, குற்றுயிராகக் கிடந்த அவர்களின் மேல் மண்ணெண்ணெ ஊற்றப்பட்டு எரித்துக் கொல்லப்பட்டனர்; பெண்கள் கும்பல் பாலியல் வன்முறைக்கு ஆளாக்கப்பட்டு, பின் தீவைத்துக் கொல்லப்பட்டனர்; இப்படி உயிரோடு எரித்துக் கொல்லப்பட்டவர்களுள் 20 நாட்களே ஆன ஒரு பச்சிளங்குழந்தையும், ஒன்பது மாத நிறை கர்ப்பிணியான கவுசர் பானுவும் அடக்கம். vinavu.com

ஜிண்டால்-ஜி நியூஸ்: ஊழல் மோதல்!

நிலக்கரி வயல் ஒதுக்கீட்டு ஊழலில் ஜிண்டால் குழுமத்தைப் பற்றி விவாதிப்பதை குறைத்துக் கொண்டு தப்ப வைப்பதற்கு ரூ 100 கோடி ரூபாய் கேட்டதாக’ ஜீ டிவி மீது காங்கிரஸ் நாடாளுமன்ற உறுப்பினர் நவீன் ஜிண்டாலுக்குச் சொந்தமான ஜிண்டால் பவர் நிறுவனத்தின் மேலாளர் ஒருவர் போலீசில் புகார் பதிவு செய்துள்ளார். ஜீ நியூஸ் தொலைக்காட்சியின் ஆசிரியர் சுதீர் சௌத்ரி மீதான அந்த புகார் தொடர்பாக முதல் தகவல் அறிக்கை பதிவு செய்த போலீசார் மாநிலங்களுக்கிடையேயான குற்றப்பிரிவுக்கு அதனை விசாரணைக்கு அனுப்பியுள்ளனர்.
மத்தியில் ஆட்சி செய்யும் ஐக்கிய ஜனநாயக முன்னணி நிலக்கரி வயல்களை தனியார் நிறுவனங்களுக்கு முறைகேடாக ஒதுக்கியதில் பல தனியார் கார்ப்பரேட்டுகள் ஆதாயம் அடைந்துள்ளனர். இதன் மூலம் நாட்டுக்கு ரூ 1.86 லட்சம் கோடி இழப்பு ஏற்பட்டுள்ளதாக சிஏஜி அறிக்கை குறிப்பிட்டுள்ளது.
இவர்களில் இப்போதைய மத்திய அமைச்சரான நவீன் ஜிண்டால் தலைமையிலான ஜிண்டால் பவர் லிமிடெட் நிறுவனத்திற்கு அதிக பட்ச ஆதாயம் கிடைத்திருக்கிறது. ஜிண்டால் பவருக்கு 2,580 மில்லியன் டன் அளவிலான நிலக்கரிப் படுகைகளைக் கொண்ட வயல்கள் ஒதுக்கப்பட்டிருக்கின்றன. நிலக்கரியை குறைந்த விலைக்குப் பெற்றாலும், உற்பத்தி செய்யும் மின்சாரத்தை யூனிட்டுக்கு ரூ 3.85, ரூ 4.80 என்று அதிக விலைக்கு விற்றிருக்கிறது ஜிண்டால் பவர்.  இதே காலத்தில் பொதுத்துறை நிறுவனமான என்டிபிசி ஒரு யூனிட் ரூ 2.20க்கு மின்சாரத்தை வழங்கியிருக்கிறது என்பதை கவனிக்க வேண்டும்.vinavu.com

கமல்ஹாஸன் தியேட்டரில் டிக்கெட் விலை அதிகமாக இருக்க வேண்டுமாம்

தியேட்டரில் விற்கும் குளிர்பான விலையைவிட டிக்கெட் விலை அதிகமாக இருக்க வேண்டும் - கமல்ஹாஸன்  என்னதான் நல்ல பிள்ளை வேஷம் போட்டாலும் சும்மாவா சொன்னார் எம் ஆர் ராதா சினிமாகாரனை நம்பாதே 
சென்னை: தியேட்டர்களில் விற்கும் குளிர்பானங்களின் விலையைவிட டிக்கெட் விலை அதிகமாக இருக்க வேண்டும். திரைப்படத் துறையில் அந்நிய முதலீடு வேண்டும் என்று நடிகர் கமல்ஹாஸன் கூறினார்.
இந்திய தொழில் வர்த்தக கூட்டமைப்பு சார்பில் (பிக்கி) இன்று சென்னை பார்க் ஷெரட்டன் ஓட்டலில் ஊடகம் மற்றும் கேளிக்கை வர்த்தக கூட்டுக்குழு கூட்டம் நடைபெற்றது.

சமீரா ரெட்டி: பெரிய படத்தில் மட்டும் ஒரு பாட்டுக்கு Dance

சமீரா ரெட்டி சென்னை: பெரிய படத்தில் மட்டுமே ஒரு பாட்டுக்கு டான்ஸ் ஆடுவேன் என்றார் சமீரா ரெட்டி. வாரணம் ஆயிரம், அசல் உள்ளிட்ட படங்களில் நடித்தவர் சமீரா ரெட்டி. இப்போது தமிழில் இவருக்கு வாய்ப்புகள் இல்லை. இந்த நேரத்தில் சக்ரவியூ இந்தி படத்தில் ஒரு பாட்டுக்கு சமீரா டான்ஸ் ஆடியுள்ளார். இதை பற்றி அறிந்ததும் சில தென்னிந்திய இயக்குனர்கள் தங்கள் படங்களில் ஒரு பாட்டுக்கு நடனம் ஆட சம¦ராவை கேட்டிருக்கிறார்கள். ஆனால் சமீரா மறுத்துவிட்டாராம். இது பற்றி சமீரா ரெட்டி கூறியதாவது: சக்ரவியூ படம் பிரபல இயக்குனரான பிரகாஷ் ஜாவின் படம். அவரது படத்தில் ஒன்று அல்லது இரண்டு பாடல்தான் இடம்பெறும்.