Rolls Roys மல்லிகா ஷெராவத்தின் 'பின்புலம்' சரியில்லை

உலகின் மதிப்புமிக்க கார் பிராண்டாக ரோல்ஸ் ராய்ஸ் திகழ்கிறது. அரசப் பரம்பரையினர், பிரபல நட்சத்திரங்கள், பெரும் தொழிலதிபர்கள் மற்றும் அரசியல்வாதிகள் மட்டும்தான் ரோல்ஸ்ராய்ஸ் காரை சொந்தமாக்க முடியும் என்ற நீடிக்கிறது.
இதற்கு பணம் இருந்தால் மட்டும் போதாது, தகுதியும் அதாவது தக்க பின்புலமும் வேண்டும் என்பது ரோல்ஸ் ராய்ஸ் நிறுவனத்தின் கொள்கையும் ஒரு காரணமாக இருக்கிறது.

250 கோடி மோசடி: நடிகை ஜெனிலியா உள்பட 5 பேர் மீது வழக்கு - நீதிமன்றம் உத்தரவு

ஹைதராபாத் கட்டுமான நிறுவனத்தின் ரூ 250 கோடி மோசடியில், அந்த நிறுவனத்தின் விளம்பரத் தூதராக இருக்கும் நடிகை ஜெனிலியா உள்பட ஐவர் மீது வழக்கு தொடர ஹைதராபாத் நீதிமன்றம் உத்தரவிட்டது.
அஞ்சனிபுத்ரா இன்ப்ராஸ்ட்ரக்சர் பிரைவேட் லிமிடெட் எனும் ரியல் எஸ்டேட் நிறுவனத்தின் விளம்பரத்தூதராக உள்ளார் நடிகை ஜெனிலியா.
ரூ 250 கோடி நிதி மோசடியில் சிக்கியுள்ளது இந்த நிறுவனம். வீடுகட்டித் தருவதாகக் கூறி 500 பேரிடம் பெரும் தொகையை வசூலித்தது இந்த நிறுவனம்.

Actor ரித்தீஷ் எம்.பி.யை தேடி போலீசார் கேரளா விரைந்தனர்

தி.மு.க. ஒன்றிய செயலாளர் கடத்தல் வழக்கில் ரித்தீஷ் எம்.பி.யை தேடி போலீசார் கேரளா விரைந்தனர். இதுதொடர்பாக 20 இடங்களில் தனிப்படை போலீசார் விசாரணை நடத்தினர்.ராமநாதபுரம் மாவட்டம் போகலூர் ஒன்றிய தி.மு.க. செயலாளர் கதிரவன் கடத்தப்பட்ட வழக்கு தொடர்பாக ரித்தீஷ் எம்.பி. உள்பட 14 பேர் மீது போலீசார் வழக்குப்பதிவு செய்துள்ளனர். இந்த வழக்கு தொடர்பாக அமைக்கப்பட்ட தனிப்படை போலீசார் ரித்தீஷ் எம்.பி. உள்ளிட்டோரை தேடிவந்தனர்.

பணம் குடுத்தாதான் ஓட்டுப்போடுவோம்! - சங்கரன்கோவில் பெண் வாக்களாளர்கள்

சங்கரன்கோவில்: ஓட்டுக்கு பணம் வழங்க கோரி அதிமுக தேர்தல் அலுவலகத்தை நூற்றுக்கும் மேற்பட்ட பெண்கள் திடீரென முற்றுகையிட்டதால் சங்கரன்கோவிலில் பரபரப்பு ஏற்பட்டது.
பணம் கொடுக்காவிட்டால் அதிமுகவிற்கு ஓட்டுபோடமாட்டோம் என்று அவர்கள் கூறியதால் நிர்வாகிகள் அதிர்ச்சியடைந்து அலுவலகத்தை விட்டு வெளியேறினர்.

குஷ்புவுக்கு கமல் தந்த இன்ப அதிர்ச்சி!

நடிகை குஷ்புவுக்கு, கமல்ஹாசன் இன்ப அதிர்ச்சி கொடுத்துள்ளார். சில தினங்களுக்க முன்னர், நடிகை குஷ்பு வீட்டிற்கு போன் வந்திருக்கிறது. போனை எடுத்த குஷ்புவுக்கு ஒரு இன்ப அதிர்ச்சி, நான் கமல்ஹாசன் பேசுகிறேன். விஸ்வரூபம் சூட்டிங்கிற்கு கொஞ்ச வர முடியுமா என்று கமல் கேட்க, குஷ்புவும் கமலின் போன் அழைப்பை ஏற்று சூட்டிங் ஸ்பாட்டிற்கு சென்றிருக்கிறார். அங்கு குஷ்புவுக்கு இன்ப அதிர்ச்சி காத்திருந்தது. அப்படி என்ன இன்ப அதிர்ச்சி என்று கேட்கிறீர்களா...?
இதோ குஷ்புவே சொல்கிறார் கேளுங்கள், நான் சூட்டிங் ஸ்பாட்டிற்கு சென்ற போது அங்கு கமல்ஹாசன் கதக் டான்ஸ் கற்றுக்கொண்டு இருந்தார். அவருக்கு பிரபல கதக் மாஸ்டர் பிர்ஜூ மகாராஜ், கதக் நடனம் சொல்லிக்கொடுத்து கொண்டு இருந்தார். எனக்கு கதக் டான்ஸ் தெரியும், அதுமட்டுமல்ல கதக் மாஸ்டர் பிர்ஜூ மகாராஜாவையும் ரொம்ப பிடிக்கும். அதன் காரணமாகத்தான் எனது நண்பர்(கமல்) எனக்கு போன் போட்டு விஸ்வரூபம் சூட்டிங் ஸ்பாட்டுக்கு வர வழைத்தார். சூட்டிங் ஸ்பாட்டில் பிர்ஜூ மகாராஜை பார்த்ததும் ரொம்ப ஆச்சர்யமாகவும், இன்ப அதிர்ச்சியாகவும் இருந்தது. பின்னர் அவரை சந்தித்து சில நிமிடம் பேசினேன். பிர்ஜூவை சந்திக்கும் வாய்ப்‌பை ஏற்படுத்தி கொடுத்து, இன்ப அதிர்ச்சியளித்த கமல்ஹாசனுக்கு எனது நன்றி என்றார்

கோச்சடையானை வீழ்த்தும் சூர்யாவின் மாற்றான்!

சௌந்தர்யா அஸ்வின் இயக்கும் கோச்சடையான் படத்தின் சிறப்பம்சம் Performance Capture Technology தான். ஒரு உயிரினத்தின் அசைவுகளை பதிவு செய்து அதை அப்படியே வேறு கதாபாத்திரத்திற்கு மாற்றுவது தான் இந்த Performance Capture Technology என்பது. 

இந்த யுக்தியைத் தான் ரஜினி நடிக்கும் கோச்சடையான் படத்தில் உபயோகிக்கிறார்சௌந்தர்யா.

எதிர்க்கட்சிகளை டெபாசிட் இழக்க செய்யுங்கள்: ஜெயலலிதா வேண்டுகோள்

சென்னை:""எதிர்க்கட்சிகளை டெபாசிட் இழக்கச் செய்யுங்கள்'' என, சங்கரன்கோவில் வாக்காளர்களுக்கு முதல்வர் ஜெயலலிதா, வேண்டுகோள் விடுத்துள்ளார்.
இதுகுறித்து, அவர் நேற்று வெளியிட்டுள்ள அறிக்கை:மக்களின் தேவைகளை அறிந்து அதற்கேற்ப திட்டங்களை தீட்டி, மக்களிடையே எடுத்துச் செல்வது ஜனநாயகத்தின் அடிப்படைத் தத்துவம். இதற்கு மாறாக, தி.மு.க., ஆட்சியில் குடும்ப நலன் ஒன்றையே குறிக்கோளாக கொண்டு, திட்டங்களைத் தீட்டினர். இதனால், கருணாநிதி தலைமையிலான ஆட்சி, கடந்த சட்டசபை தேர்தலில் வெளியேற்றப்பட்டு அ.தி.மு.க., ஆட்சி மலர்ந்தது.அ.தி.மு.க., பொறுப்பேற்றதிலிருந்து, மக்கள் நலன் ஒன்றையே குறிக்கோளாகக் கொண்டு, ஏழை, எளிய மக்கள் பயன்பெறும் வகையில் விலையில்லா அரிசி, முதியோர் உதவித் தொகை உயர்வு, காப்பீட்டுத் திட்டம், உழவர் பாதுகாப்பு திட்டம், குறைந்த கட்டணத்தில் அரசு கேபிள் இணைப்பு, மாணவர்களுக்கு விலையில்லா மடி கணினி என, பல்வேறு திட்டங்கள் செயல்படுத்தப்படுகின்றன.

திராவிட குறிக்கோளில் இருந்த இடம் மாறிவிட மாட்டோம்

சங்கரன்கோவில் தேர்தல் பிரச்சார கூட்டத்தில் கலைஞர்
அண்ணா தான் எங்களுக்கு ஆசிரியர். அவரை உருவாக்கியவர் தந்தை பெரியார். எக்காரணம் கொண்டும் திராவிட குறிக்கோளில் இருந்த இடம் மாறிவிட மாட்டோம் என்று சங்கரன்கோவில் தேர்தல் பிரச்சார பொதுக்கூட்டத்தில் கலைஞர்  உரையாற்றினார்..

சங்கரன்கோவில் தி.மு.க. வேட்பாளர் ஜவகர் சூரியகுமாரை ஆதரித்து சங்கரன்கோவில் வடக்கு ரதவீதி, மேற்கு ரதவீதி சந்திக்கும் இடத்தில் தி.மு.க. சார்பில் தேர்தல் பிரச்சார பொதுக்கூட்டம் நேற்று இரவு நடந்தது.
கூட்டத்துக்கு மத்திய மந்திரியும், தென்மண்டல அமைப்பு செயலாளருமான மு.க.அழகிரி தலைமை தாங்கினார். மாவட்ட செயலாளர் வீ.கருப்பசாமி பாண்டியன் வரவேற்று பேசினார்.
கூட்டத்தில் தி.மு.க. தலைவர் கலைஞர் பேசியதாவது:-
சங்ரன்கோவில் இடைத்தேர்தல் பொதுக்கூட்டம் போல் அல்லாமல், ஒரு பிரசார மாநாடு நடைபெறுவது போன்று இந்த பொதுக்கூட்டம் அமைந்து இருக்கிறது.

சங்கரன்கோவிலில் :242 வாக்குச்சாவடிகளும் கேமரா

தமிழ்நாடு தலைமை தேர்தல் அதிகாரி பிரவீண்குமார் வெளியிட்டுள்ள செய்திக் குறிப்பில்,   ‘’சங்கரன்கோவில் இடைத்தேர்தலுக்கான வாக்குப்பதிவு 18-ந் தேதி காலை 8 மணி முதல் மாலை 5 மணி வரை நடைபெற இருக்கிறது.
இந்திய தேர்தல் கமிஷனின் உத்தரவையடுத்து சங்கரன்கோவிலில் பறக்கும் படைகள், கண்காணிப்பு குழுக்கள், வீடியோ படக்குழுக்கள் அமைக்கப்பட்டுள்ளன. இந்த குழுக்கள் 24 மணி நேரமும் தொகுதியை சுற்றி வந்து கண்காணிப்பார்கள்.
சங்கரன்கோவில் தொகுதியில் அமைந்துள்ள 242 வாக்குச்சாவடிகளிலும் உள்ள வீடியோ படப்பிடிப்பு மற்றும் `வெப் காஸ்டிங்' மூலம் திருநெல்வேலியில் இருந்தபடி மாவட்ட தேர்தல் அதிகாரி, தலைமை தேர்தல் அதிகாரி அலுவலகத்தில் இருந்தும் கண்காணித்து கொண்டிருப்பார்கள்.
அங்கு நியாயமாகவும், நேர்மையுடனும் தேர்தல் நடத்துவதற்கு பந்தோபஸ்து பணிக்காக மத்திய ஆயுதப்படை போலீசார் 6 கம்பெனிகள் வந்துள்ளனர்.
இத்தேர்தல் ஓட்டு எண்ணிக்கை முடியும் வரை இந்தப் படையின் ஒரு கம்பெனி இங்கு தங்கியிருக்கும்’’என்று கூறியுள்ளார்.

ஒரே வீட்டில் 3 சிறுவர்கள் மர்ம மரணம்

குஜராத் மாநில ராஜ்காட் மாவட்டத்தின் ஜாஸ்டான் பகுதியில் வசிக்கும் கானா புரியா, டோய்னா தம்பதிக்கு 3 குழந்தைகள் இருந்தனர். இவர்கள் குடும்பத்துடன் வசிப்பதற்கு இவர்களுடைய முதலாளியின் பண்ணையில் ஒரு அறை ஒதுக்கப்பட்டிருந்தது.
நேற்று மதியம் குழந்தைகளை வீட்டில் விட்டு விட்டு வேலைக்கு சென்றனர். வேலை முடிந்து திரும்ப வந்து பார்த்தபோது ராதா(7), ரிங்கு(4) மற்றும் சஞ்சய்(9) மூன்று குழந்தைகளும் இறந்து கிடந்தனர். இவர்கள் விஷம் அருந்தியிருக்கலாம் என்று சந்தேகிக்கப்படுகிறது.
இவர்களது உடல்கள் பிரேத பரிசோதனைக்கு அனுப்பப்பட்டுள்ளது. இது முடிந்தபிறகே உண்மையான காரணம் தெரிய வரும் என இந்த வழக்கை விசாரிக்கும் அப்பகுதி போலீஸ் இன்ஸ்பெக்டர் வி.என். பாட்டீல் கூறியுள்ளார்.

2 லட்சம் வருமானம் வரை வரி இல்லை: ரூ.10 லட்சத்துக்கு மேலான வருமானத்துக்கு 30% வரி!

இன்று 2012-13ம் ஆண்டுக்கான மத்திய பட்ஜெட்டை நிதியமைச்சர் பிரணாப் முகர்ஜி இன்று மக்களவையில் தாக்கல் செய்தார்.
இதில் வருமான வரி விலக்கு உச்ச வரம்பு ரூ. 1.8 லட்சத்தில் இருந்து ரூ. 2 லட்சமாக உயர்த்தப்பட்டுள்ளது. அதாவது நாம் எவ்வளவு ஊதியம் வாங்கினாலும் ஆண்டு வருமானம் ரூ. 2 லட்சம் வரை வரி இல்லை.
ரூ. 2 முதல் 5 லட்சம் வரையிலான ஆண்டு ஊதியத்துக்கு 10% வருமான வரி விதிக்கப்படும்.

கலைஞருக்கு அழகல்ல தீக்குளிப்பேன், உயிர் கொடுப்பேன் போன்ற

இன்னமும் தீக்குளிப்பேன், உயிர் கொடுப்பேன் என்பன போன்ற வார்த்தைகளைப் பயன்படுத்துவது அரசியல் முதிர்ச்சி அடைந்த கலைஞருக்கு அழகல்ல!
அருட்செல்வன்

சங்கரன்கோவில் இடைத்தேர்தல் பிரசாரம் உச்சகட்டத்தில் இருக்கிறது. ஸ்டாலின், வைகோ, விஜயகாந்த் உள்ளிட்ட தலைவர்கள் தீவிரமாகப் பிரசாரம் செய்துவருகின்றனர். முதல்வர் ஜெயலலிதா தெலுங்கு மொழியில் பேசி, வாக்குகளை வசீகரிக்கும் காரியத்தைச் செய்து முடித்திருக்கிறார். அவர் விட்ட பணியை அவருடைய அமைச்சர்கள் செய்துவருகின்றனர்.

அவரைத் தொடர்ந்து திமுக தலைவர்  சங்கரன்கோவில் சென்றார். அவருக்காக ஏற்பாடு செய்யப்பட்ட பொதுக்கூட்ட மேடை தொடர்பாக பிரச்னை எழுந்தது. பிறகு அமைச்சர் அழகிரி, தேர்தல் ஆணையர் பிரவீண் குமாரைச் சந்தித்துப் பேசியபிறகு பிரச்னை தீர்ந்தது.

தமிழ்நாட்டுல மாமி ஆட்சி நடுக்குதுன்னு ஐயருங்கோ மட்டும் துள்ளல

சாருவுக்கு காச விட்டெறிஞ்சு பி.ஆர்.வோ வேலைய பாக்கச் சொன்ன மைனர் சாமி அமெரிக்காகாரனுக்கு சில கோடிய வுட்டெறிஞ்சு கிளீயரன்ஸ் சர்டிபிக்கேட் வாங்கியிருக்கான்.

மக்கா,
நாட்டுக்குள்ள பல சங்கதிக சூடா நடக்கது தெரியுமுல்லா! இன்னைக்குத்தாம்லே பிரணாப் முகர்ஜி நம்ம நாட்டோட பட்ஜட்ட தாக்கல் செய்யுதாறு! அதுல எத்தன மக்க தாலிய அறுக்கப் போறாரோ தெரியல. முந்தா நேத்து ரயில்வே பட்ஜெட்டுல சாதாரண மக்கமாரு டிக்கெட்டை எக்குத் தப்பா ஏத்திவிட்டுறுக்காகடே. அதுல அது கட்சி மந்திரிய மாத்தணும்னு ஆத்தா மம்தா பானர்ஜி அம்சமா காமடி பண்ணிக்கிட்டு இருக்கத பாத்தேயில்லா!
சங்கரன் கோவில்ல பிரச்சாரம் முடிஞ்சாலும் 32 மந்திரிமாரு அவனவனுக்கு வாக்கப்பட்ட வட்டத்துல வாக்கு குறைஞ்சா அம்மா பிரிச்சு மேஞ்சுருமேனு பஸ் ஸ்டாண்டு பாய் கடை பிரியாணியை தின்னு செரிக்காம கிடக்கானுகல்லா! இதுல நாங்களும் பஜாருல்ல கடை வச்சுருக்கம்லான்னு தி.மு.க தாத்தா, ம.தி.மு.க மாமா, தே.மு.தி.க சித்தப்புன்னு அல்லா தலைவருமாரும் அங்கனேயே சுத்தி சுத்தி வந்தாகல்லா!
இதெல்லாம் வுட்டுட்டு நித்தி மாமாவைப் பத்தி எழுதணுமான்னு அண்ணாச்சின்னு வினவுக்காரவுக கேட்டாக. இருந்தாலும் பயபுள்ள ஓவரா பிலிம் காட்டுதான், அவன சும்மா வுடலாமான்னு நாந்தேன் எடுத்துச் சொன்னேன்.
இந்த லட்சணத்துல மைனர் சாமி நித்தியானந்தா அமெரிக்காரனோட ஆதாரம், கீதாரம்னு அறிவாளி பத்திரிகை ஹிந்துவுல ஏதோ பினாத்தியிருக்கான்னு கொஞ்சம் எட்டிப் பாத்தேன். அந்தக் கதயை கேளுலே!

லட்சக்கணக்கில் பெருகிய அலையாத்தி..!

ஒரு ஆராய்ச்சியும்... ஆச்சரியமும்...

கரு. முத்து

தமிழகத்தில் 2004-ம் ஆண்டு நடைபெற்ற சுனாமி தாக்குதலை அடுத்து... 'அலையாத்திக் காடுகளைப் பெருக்க வேண்டும்’ என்கிற கோரிக்கை வலுவாக எழுந்தது. இன்றுவரையிலும் அதை அரசாங்கம் கண்டு கொள்ளவே இல்லை.
ஆனால், இந்த சுனாமி தாக்குதலுக்கு முன்பாகவே, இம்மரங்களின் அருமையை உணர்ந்த ஒரு தனிமனுஷி, சீர்காழி பகுதி கடற்கரையோர கிராமத்தில் ஆயிரக்கணக்கில் அலையாத்தி மரங்களை நட்டு வைக்க... அதன் அருமையை உணர்ந்த இறால் பண்ணை உரிமையாளர் அலி உசேன், அந்த மரங்களை தொடர்ந்து நடவு செய்ய... இன்று லட்சக்கணக்கில் பெருகி நின்று... அப்பகுதியையே அலையாத்தி வனமாக மாற்றி வைத்திருக்கின்றன அந்த மரங்கள்!
ஆங்கிலத்தில் 'மேங்ரோவ்' என்றழைக்கப்படும் அலையாத்தி மரங்கள், பல நூறு ஆண்டுகளாக நம் நாட்டின் பல பாகங்களிலும் இருந்தன.

மாட்டிக் கொண்ட அதிமுகவினர்!ஓட்டுக்கு பணம் வைகோ வீடு வரை போலீஸ்!

“அட, ஜெயலலிதாவின் கைக்கூலிகளே..” வைகோ வாக்குவாதம்!

இன்று (16.03.2012) கலிங்கப்பட்டியில் வீடு தோறும் ஓட்டுக்கு ரூ.1000 என கொடுத்து வந்த அதிமுகவினர், ஒரு குடும்பத்திடம் “உங்க வீட்ல ஏழு ஓட்டு இருக்கு.. இந்தாங்க ஏழாயிரம்..” என்று பணத்தை நீட்டியிருக்கின்றனர்.


அந்தக் குடும்பமோ “பணம் எங்களுக்குத் தேவையில்லை..” என்று மறுத்து விட்டு, இந்தத் தகவலை அதே கிராமத்தில் வீட்டில் இருந்த வைகோ விடம் போய்ச் சொல்லியிருக்கிறது.



இதனைத் தொடர்ந்து, எப்படியாவது கலிங்கப்பட்டியில் மதிமுகவைக் காட்டிலும் அதிக ஓட்டுக்களை வாங்கி விட வேண்டும் என்று மேலிடத்திலிருந்து வந்த உத்தரவுக்கு ஏற்ப அங்கு பண மழை பொழிந்து கொண்டிருந்த அதிமுகவினர் 4 பேரை ஊர்க்காரர்கள் பணமும் கையுமாகப் பிடித்து காவல்துறையினரிடம் ஒப்படைத்திருக்கின்றனர்.

இந்த தகவலை மேலிடத்துக்குத் தெரிவித்து விட்டு, நேராக வைகோவின் கலிங்கப்பட்டி வீட்டுக்குச் சென்றது போலீஸ். “அதிமுகவினரை அடித்துக் காயப்படுத்தி போலீஸிடம் ஒப்படைத்தது உங்கள் வீட்டில் இருக்கின்ற 5 பேர் தான்.. அவர்களிடம் விசாரிக்க வேண்டும்..” என்று அங்கிருந்த வைகோ விடம் கண்டிப்பு காட்டியிருக்கிறார் ஏ.டி.எஸ்.பி. மகேஷ்.

அப்போது ஊர்க்காரர்களும் அங்கு திரண்டு விட, கொந்தளித்து விட்டார் வைகோ. “பிடிச்சுக் கொடுத்தவங்க என் வீட்டுல இல்லை,.. அதுக்காக விசாரணைக்குன்னு என் வீட்ல இருக்கிற அஞ்சு பேரைக் கூட்டிக்கிட்டுப் போயி அரெஸ்ட் பண்ண நினைக்கிறது நடக்காது.

நான் கேட்கிறேன்.. இப்பவும் ஊருக்குள்ள பணம் கொடுத்துக்கிட்டிருக்காங்களே ஆளும் கட்சிக்காரங்க.. அவங்களைப் பிடிக்கிறத விட்டுட்டு, பிடிச்சுக் கொடுத்தவங்களத் தேடி அலையறீங்களே.. உங்களின் கடமை உணர்வு என்னாயிற்று?

ஜெயலலிதா பிரச்சாரத்துகு வந்த போது அவர் பின்னால 1000 காருக்கு மேல வந்துச்சே.. அப்பத்தானே கோடி கோடியா தொகுதிக்குள்ள பணம் வந்துச்சு.. அந்தக் காரையெல்லாம் ஏன் செக் பண்ணல? அட.. ஜெயலலிதாவின் கைக்கூலிகளே..!” என்று ஆங்கிலத்தில் வைகோ பொரிந்து தள்ள.. எதுவும் பேசாமல் அங்கிருந்து கிளம்பியிருக்கின்றனர் காக்கிகள்.

Anna நூலகத்தை இடித்தால் தீக்குளிப்பேன்: கலைஞர் எச்சரிக்கை

சங்கரன்கோவில்: ""சென்னையில் அண்ணா நூற்றாண்டு நூலகத்தை இடிக்க முற்பட்டால் நான் தீக்குளிப்பேன்,'' என சங்கரன்கோவிலில் நேற்று இரவு நடந்த தேர்தல் பிரசார பொதுக்கூட்டத்தில் கலைஞர் பேசினார்

திராவிடம் என்ற சொல்லை சிலர் பெயரளவுக்கு வைத்திருக்கலாம். ஆனால் தி.மு.க., மட்டுமே அதனை இனவளர்ச்சிக்காக பயன்படுத்தியிருக்கிறது. இந்த தேர்தலை இடைத்தேர்தல் என்பதைவிட, அ.தி.மு.க.,வின் 9 மாத கால ஆட்சியை எடைப்போட்டு பார்க்கும் எடைத் தேர்தல் என கூறலாம். தற்போது மின்பற்றாக்குறையால் மக்கள் மிகுந்த அவதிப்படுகிறார்கள். "கருணாநிதிதான் தமிழகத்தை இருளாக்கிவிட்டார். நான் வந்தால் ஒளியாக்கிவிடுவேன்,' என கூறியவர்கள் தற்போது ஒளிந்துகொண்டார்கள். தமிழகத்திற்கு கிடைத்த கூடங்குளம் அணுமின் திட்டத்தையும் நிறைவேற்ற மனமில்லை. ஆயிரம் மெகாவாட் மின்சாரம் கிடைக்க வழியிருந்தும் பயன்படுத்த மனமில்லாமல், மக்கள் படும் கஷ்டத்தை பற்றி கவலைப்படாமலும் இருக்கிறார்கள்.

118 கோடிக்கு சொத்து குவித்த இளம் துணை கலெக்டர் கைது

மும்பை: மகாராஷ்டிராவை சேர்ந்த துணை கலெக்டர், 118 கோடி ரூபாய்க்கு சொத்து சேர்த்தது தொடர்பாக, கைது செய்யப்பட்டுள்ளார்.
மகாராஷ்டிராவில், 1988ம் ஆண்டு முதல் கடந்த ஆண்டு வரை, பல்வேறு மாவட்டங்களில் துணை கலெக்டராக பணியாற்றியவர் நிதிஷ் தாக்கூர். கடந்த ஆண்டு பிப்ரவரியில், முகேஷ் வகேலா என்ற கட்டுமான நிறுவன உரிமையாளரை மிரட்டியது தொடர்பாக, நிதிஷும், அவரது சகோதரரும் கைது செய்யப்பட்டனர். இதை தொடர்ந்து, நிதிஷ் சஸ்பெண்ட் செய்யப்பட்டார். அது முதல், ஊழல் தடுப்புப் பிரிவு அதிகாரிகள் நிதிஷின் சொத்துகளை கண்காணித்தனர். மகாராஷ்டிராவின், எட்டு நகரங்களில், 26 இடங்களில், 118 கோடி ரூபாய் அளவுக்கு, நிதிஷ் சொத்து சேர்த்துள்ளது தற்போது, கண்டுபிடிக்கப்பட்டுள்ளது. இது தொடர்பாக, அவரை கைது செய்ய சென்ற போது, மும்பையின் வில்லிபார்லி பகுதியில் உள்ள சொகுசு பங்களாவிற்கு சென்று, அவர் தாழிட்டுக் கொண்டார். ஊழல் தடுப்பு அதிகாரிகள், கதவை உடைத்து சென்று, அவரை கைது செய்துள்ளனர். துணை கலெக்டராக பணி புரிந்த நிதிஷின் மாத வருமானம், 50 ஆயிரம் ரூபாய்.

மைனாரிட்டி 13,000 பேருக்கு வாழ்வளித்தது: மெஜாரிட்டி அவர்களை வீட்டுக்கு அனுப்பியது: துரைமுருகன்

சங்கரன்கோவில் இடைத்தேர்தலில் போட்டியிடும் திமுக வேட்பாளர் ஜவஹர் சூர்யகுமாரை ஆதரித்து சங்கரன்கோவிலில் திமுக பிரச்சார பொதுக்கூட்டம் முன்னாள் அமைச்சர் துரைமுருகன் பேசுகையில்,
இந்த தேர்தல் ஒரு ஆட்சியை மாற்றி அமைக்கக் கூடிய தேர்தல் அல்ல. அபரிதமான மெஜாரிட்டியோடு ஜெயலலிதாவின் ஆட்சி தமிழத்திலே அமைந்திருக்கிறது. இந்த தேர்தலில் அவர்கள் வென்றாலும் அந்தக் கட்சிக்கு புதிய வேகம் வராது. தோற்றுவிட்டாலும் ஆட்சிக்கு ஆபத்து ஏற்படாது. < ஆனால் இந்த தேர்தலில் யார் ஜெயிக்க வேண்டும் என்றால், மீண்டும் நீங்கள் ஆளும்கட்சிக்கே ஓட்டு போட்டால் மறுபடியும் பத்தோடு பதினொன்று என்று ஒரு உறுப்பினர் அந்தப் பக்கம் போய் உட்காருவார். அப்படி உட்காருவதிலே கூட நமக்கு கவலையில்லை. ஆனால் இந்த ஆட்சியின் செயல்பாடுகளை நீங்கள் ஒப்புக்கொண்டதுபோல் ஆகிவிடும்.

84 வயதில் 5வது முறையாக பஞ்சாப் முதல்வரான பர்காஷ் சிங் பாதல்

சப்பார்சிரி: சிரோமணி அகாலிதள கட்சித் தலைவர் பர்காஷ் சிங் பாதல் 5வது முறையாக பஞ்சாப் முதல்வராக நேற்று பதவியேற்றார். அவரது மகன் சுக்வீர் சிங் பாதல் துணை முதல்வராக பதவியேற்றுக் கொண்டார்.
சிரோமணி அகாலி தளம், பாரதிய ஜனதா கட்சி கூட்டணி பஞ்சாப் மாநிலத்தில் 2வது முறையாக மீண்டும் ஆட்சி அமைத்துள்ளது. இதனையடுத்து மாநிலத்தின் முதல்வராக சிரோமணி அகாலிதள கட்சித் தலைவர் பர்காஷ் சிங் பாதல்(84) நேற்று பதவியேற்றுக் கொண்டார்.

Aakash 2 tablet ஆகாஷ்-2 டேப்லெட் சிறப்பான துல்லியத்தினை கொடுக்கும்

அடுத்த மாதம் வெளியாகும் ஆகாஷ்-2 டேப்லட்!“ஆகாஷ் டேப்லெட்டின் மேம்படுத்தப்பட்ட மாடல் அடுத்த மாதம் அறிமுகம் செய்யப்பட உள்ளது,”வாடிக்கையாளர்களின் மத்தியில் ஒரு பெரிய பரபரப்பை ஏற்படுத்திய உலகின் குறைந்த விலை டேப்லெட்டான ஆகாஷ் செயல்திறனில் சிறப்பாக இல்லை என்று கருத்து எழுந்துள்ளது. இந்த நிலையில், அதிவேக செயல்திறன் மற்றும் அதிக தொழில்நுட்ப வசதிகள் கொண்டதாக ஆகாஷ் மாற்றப்பட்டுள்ளது.

ஆகாஷ்-2 என்ற பெயரில் இந்த டேப்லட் வருகிறது. இந்த நிலையில், ஆகாஷ்-2 டேப்லெட் அடுத்த மாதம் வெளியிடப்பட இருப்பதாக மத்திய மனித வள மேம்பாட்டு அமைச்சர் கபில்சிபல் தெரிவித்துள்ளார்.
புதிய ஆகாஷ்-2 டேப்லெட் சிறப்பான துல்லியத்தினை கொடுக்கும் திரையினையும், நீடித்து உழைக்கும் பேட்டரியினையும் கொடுக்கும் வகையில் தயாரிக்கப்பட்டுள்ளது. அதி வேகத்தில் இயங்க 700 மெகாஹெர்ட்ஸ் கார்டெக்ஸ் ஏ-8 பிராசஸர் பொருத்தப்பட்டுள்ளது.

தயாநிதிக்கு சம்மன் ஏர்செல் - மேக்ஸிஸ் டீல்

புதுடில்லி: ஸ்பெக்ட்ரம் அலைவரிசை ஒதுக்கீடு செய்வதில் ஏற்பட்ட தாமதத்தைத் தொடர்ந்து, ஏர்செல் - மேக்ஸிஸ் டீலிங்கிற்குப் பின், சன் குழுமத்தில் மேக்ஸிஸ் நிறுவனத்தின் துணை நிறுவனம் பெருமளவில் முதலீடு செய்தது குறித்து நேரில் விளக்கம் அளிக்க (வரும் 20 ம் தேதி ) ஆஜராகுமாறு மாஜி அமைச்சர் தயாநிதி மற்றும் அவருடைய சகோதரர் கலாநிதிக்கு அமலாக்க துறையினர் சம்மன் அனுப்பியுள்ளனர்.

Video Games குழந்தைகள் வன்முறை குணம் கொண்டவர்களாக

உணர்ச்சி எதுவாயிருந்தாலும் அதன் ஆயுள் குறைவாய் இருக்க வேண்டுமென்பதை வீடியோ கேம் விளையாட்டுக்கள் நிலைநாட்டியுள்ளது. குறுகிய நேர அளவில், காதல், காமம், கொலை வெறி, வன்முறை ஆகிய உணர்ச்சிக் கலவைக்குள் சிறுவர்களை பிடித்துத் தள்ளுவதில் எது வெல்கிறதோ அதுவே சந்தையைக் கைப்பற்றுகிறது.

நீங்கள் சாலையில் இரு சக்கர வாகனம் ஒன்றில் பயணித்துக் கொண்டிருக்கிறீர்கள். அடர்த்தியான  போக்குவரத்து நெரிசல். திடீரென உங்கள் முன்னே சென்று கொண்டிருக்கும் வாகன ஓட்டி நிலை தடுமாறி விபத்துக்குள்ளாகிறார். கீழே சரிந்து சிதறி விழுகிறார். மண்டை பிளந்து ரத்தம் தெறிக்கிறது. உங்களால் அந்தக் காட்சியைப் பார்க்காதது போல கடந்து செல்ல முடியுமா? அல்லது யாரோ அறிமுகமற்ற நபராயினும் கண்ணெதிரே ரத்தம் சொட்டச் சொட்ட ஒருவர் சரிந்து விழுவதை நாம் கண்டு ரசிக்க முடியுமா? ஒரு வேளை இதெல்லாம் ரத்தமும் சதையுமான மனிதர்களாயில்லாமல் ஒரு மெய்நிகர் காட்சியாய் இருக்கும் பட்சத்தில் நாமே தலையிட்டுக் கூடுதல் ரத்தம் சிந்த வைத்து அதை ரசிக்க முடியுமா? முடியாது என்று நீங்கள் சொல்வீர்கள். எனினும் இந்தக் கேள்விகளுக்கு எந்தத் தயக்கமுமின்றி ’முடியும்’ என்று சொல்பவர்களும் இருக்கிறார்கள்.

அனாதை என்று ஆசிரியர் திட்டியதால் வேதனை-தூக்கில் தொங்கிய 10ம் வகுப்பு மாணவன்!

தஞ்சை: மற்ற மாணவர்கள் முன்பு தன்னை அனாதைப்பயலா என்று ஆசிரியர் கேட்டதால் மனமுடைந்த 10ம் வகுப்பு மாணவர் தூக்கு போட்டுக் கொண்டார். அவரது உறவினர்கள் அவரை காப்பாற்றி மருத்துவமனையில் சேர்த்தனர்.
தஞ்சை மாவட்டம் கும்பகோணம் அருகே உள்ள சோழபுரம் கிராமத்தைச் சேர்ந்தவர் ஜாபர் அலி. தனியார் குளிர்பான நிறுவனத்தில் பணிபுரிகிறார். அவரது மகன் முகமது இத்ரீஸ்(17). அவர் திருவிடைமருதூர் அருகே புளியம்பேட்டையில் உள்ள தனது சித்தி ஷகீலா பானு வீட்டில் தங்கி அதே பகுதியில் உள்ள தனியார் பள்ளியில் 10ம் வகுப்பு படித்து வருகிறார்.
அண்மையில் நடந்த பள்ளித் தேர்வில் இத்ரீஸ் மிகவும் குறைவான மதிப்பெண்கள் எடுத்துள்ளார். இதனால் அவரை தமிழாசிரியர் சாரதி கண்டித்துள்ளார்.

மம்தாவும் கலைஞரும் ஒரே சமயத்தில் மிரட்டல் மத்திய அரசு தாங்குமா?

எது நடக்கக்கூடாது என்று காங்கிரஸ் கட்சி நினைத்ததோ அதுவே நடந்துவிட்டது. ஆம். மமதா பானர்ஜியும்  கலைஞரும்
மத்திய அரசுக்கு எதிராக ஒரே சமயத்தில் களத்தில் குதித்துள்ளனர். இருவருடைய நோக்கமும் வெவ்வேறானவை. ஆனால் செய்யும் காரியம் ஒன்றுதான். மிரட்டல்.
ரயில்வே பட்ஜெட்டில் அறிவிக்கப்பட்ட கட்டண உயர்வைத் தன்னால் ஏற்கமுடியவில்லை. உடனடியாக அவற்றை வாபஸ் பெறவேண்டும் என்றார் மமதா பானர்ஜி. இதில் முரண்நகை என்னவென்றால் ரயில்வே அமைச்சர் தினேஷ் திரிவேதி திரிணாமுல் காங்கிரஸ் கட்சியைச் சேர்ந்தவர் என்பதுதான்.

தி.மு.கவினால் மத்திய அரசை கடும் அழுத்தத்தில் ஆழ்த்த முடியுமா?.

Viruvirupu
இலங்கைக்கு எதிராக அமெரிக்கா ஐ.நா. மனித உரிமை ஆணைய மாநாட்டில் கொண்டுவந்த தீர்மானம், மத்திய அரசில் கடும் நெருக்கடியை ஏற்படுத்தப் போவதற்கான அறிகுறிகள் தென்படத் தொடங்குகின்றன. அமெரிக்கா கொண்டு வந்துள்ள தீர்மானத்தை இந்திய அரசு ஆதரிக்காவிட்டால் ஐக்கிய முற்போக்குக் கூட்டணி அரசிலிருந்து விலகுவது தொடர்பாக செயற்குழுவைக் கூட்டி முடிவெடுப்போம் என்று திமுக தலைவர்  தெரிவித்துள்ளார்.
இலங்கை விவகாரத்தில் தி.மு.க. தலைவர் , கடந்த காலத்திலும் இப்படியான வாய் எச்சரிக்கைகளை விடுவது வழக்கம்தான். ஆனால், இம்முறை தமிழகத்தில் செல்வாக்கை அரசியல் தக்கவைத்துக் கொள்ள வேண்டுமென்றால், வெறும் வார்த்தை விளையாட்டுகள் உதவாது என்பதை தலைவர் உணர்ந்திருக்கிறார்.

மத்திய அரசுக்கு திமுக ஆதரவு வாபஸ்?

டெல்லி: ஐ.நா. மனித உரிமை ஆணைய மாநாட்டில் இலங்கைக்கு எதிராக அமெரிக்கா கொண்டு வந்துள்ள தீர்மானத்தை இந்திய அரசு ஆதரிக்காவிட்டால் ஐக்கிய முற்போக்குக் கூட்டணி அரசிலிருந்து விலகுவது தொடர்பாக செயற்குழுவைக் கூட்டி முடிவெடுப்போம் என்று திமுக தலைவர் கருணாநிதி தெரிவித்துள்ளார்.
நாடாளுமன்றத்தில் திமுக உள்ளிட்ட தமிழக எம்.பிக்கள் தொடர்ந்து போர்க்கொடி உயர்த்தி வருகின்றனர். ஆனால் இலங்கைக்கு எதிராக செயல்பட மாட்டோம், நட்பு உள்ளது, வரலாற்று ரீதியான உறவு உள்ளது. அது பாதிக்கப்படக் கூடாது என்று மத்திய அரசு நேற்று திட்டவட்டமாக தெரிவித்து விட்டது எஸ்.எம்.கிருஷ்ணா மூலம்.

ரயில்வே அமைச்சர் திரிவேதி ராஜினாமா மமதாவின் எதிர்ப்பால்

டெல்லி: பயணிகள் கட்டணத்தை உயர்த்தியதால் தனது கட்சித் தலைவர் மமதா பானர்ஜியின் கடும் எதிர்ப்பை சம்பாதித்துள்ள மத்திய ரயில்வே அமைச்சர் தினேஷ் திரிவேதி தனது பதவியை ராஜினாமா செய்து விட்டார். அதை ஏற்பதாக பிரதமரும் ஒப்புக் கொண்டுள்ளதாக தகவல்கள் வெளியாகியுள்ளன. இதையடுத்து புதிய ரயில்வே அமைச்சராக திரினமூல் காங்கிரஸின் முகுல் ராய் பதவியேற்கவுள்ளார்.
தற்போது முகுல் ராய் டெல்லி விரைகிறார். அவரது தலைமையில் திரினமூல் காங்கிரஸ் எம்.பிக்கள் டெல்லியில் ரயில்வே கட்டண உயர்வை எதிர்த்து இன்று தர்ணாப் போராட்டம் நடத்தவுள்ளனர்.

மதம் மாறி திருமணம் காதலன் படுகொலை, மயிலாப்பூர்

சென்னை மயிலாப்பூர் பிள்ளையார்கோயில் தோட்டம் பகுதியைச்சேர்ந்தவர் நிஜாமிதீன்.   இவருக்கு இரண்டு மகன்கள்.  முதல் மகன் அகமது பாட்ஷா, இரண்டாவது மகன் பிலால்.  கடந்த ஐந்து மாதத்திற்கு முன்பு பிலாலுக்கும் அதே பகுதியைச்சேர்ந்த திவ்யா என்ற பென்ணுக்கும் காதல் திருமணம் நடந்தது.
இதற்கு எதிர்ப்பு தெரிவித்து திவ்யாவின் தந்தையும், பகுதி பாமக நிர்வாகியுமான மணிவண்ணன் தன்னுடைய ஆதரவாளர்களுடன் சென்று மயிலாப்பூர் காவல்நிலையத்தை முற்றுகையிட்டார்.  இதனால் போலீசார் பிலாலின் அண்ணன் அகமதுபாட்ஷாவை அழைத்து சமரச பேச்சு
அப்போது எதிர்பாராதவிதமாக வாசலில் பாதுகாப்புக்காக நின்றிருந்த பாரா போலீசின் துப்பாக்கியில் உள்ள கத்தியை ஒரு கும்பல் பிடிங்கி அகமதுபாட்ஷாவை சரமாரியாக குத்தியது. அவர் உயிர் பிழைத்தார்.
போலீஸ் நிலையத்திலேயே நடந்த இந்த சம்பவம் அனைவரையும் மிரளவைத்தது. 
இதற்கிடையில் திவ்யாவை திருமணம் செய்து எதிர்ப்புகளால் தலைமறைவாக இருந்த பிலால், காவல்நிலையத்திற்கு வந்து சமரசம் பேசி திவ்யாவை அவருடைய பெற்றோரிடமே ஒப்படைத்துவிட்டார்.
அதன்பின் அவர் வேலைக்கு சென்றுவிட்டு, நேராக வீட்டுக்கு போய்விடுவாராம்.  இன்றிரவு 8 மணி அளவில் அபிராமபுரம் சிருங்கேரிமடம் சாலையில் கழுத்து அறுக்கப்பட்ட நிலையில் பிலால் சடலமாக கிடந்தார்.

இந்த கொலையில் பிலாலின் காதல் மனைவி திவ்யாவின் உறவினர்கள் சம்பந்தப்பட்டிருப்பார்களா என்ற கோணத்தில் போலீஸ் விசாரணை நடக்கிறது

பில்லா 2' வாங்கியது சன் டிவி!

அஜீத் நடிக்கும் பில்லா 2 படத்தின் தொலைக்காட்சி உரிமையை பெரிய விலைக்கு வாங்கியுள்ளது சன் டிவி என செய்திகள் வெளியாகியுள்ளன.
அஜீத் - பார்வதி ஓமனக்குட்டன் நடிப்பில், சக்ரி டோலெட்டி இயக்கியுள்ள பில்லா 2 படம் வரும் கோடையில் வெளியாகிறது.
இந்தப் படத்தின் தொலைக்காட்சி உரிமையை சன் டிவி வாங்கியுள்ளது. இதுவரை அஜீத் படம் எதுவும் இந்த அளவு விலை போனதில்லை என்று கூறும் வகையில், ரூ 6.25 கோடிக்கு இந்தப் படம் வாங்கப்பட்டதாக கூறப்படுகிறது.
இந்தப் படத்தின் உலக வெளியீட்டு உரிமை, இந்திய வெளியீட்டு உரிமைகளைப் பெற முன்னணி நிறுவனங்கள் போட்டியிடுகின்றனவாம். யாருக்கு இந்த உரிமை தரப்படும் என்பது இரண்டொரு நாளில் தெரியும்.
ஏற்கெனவே வெளியாகி வெற்றி பெற்ற பில்லா படத்தின் முன் பாகமாக பில்லா 2 எடுக்கப்படுவது குறிப்பிடத்தக்கது.

Kerala கோவில்களில் 50 விகிதம் பார்ப்பனர் அல்லாதாருக்கு அர்ச்சகர் பணிகள்!

தமிழ்நாடு அரசு பின்பற்றுமா?
திருவனந்தபுரம், மார்ச் 14- கேரள மாநிலத்தில் திருவாங்கூர் தேவஸ்தானத்திற்கு உட்பட்ட கோவில்களில் உள்ள அர்ச்சகர் பணியிடங்களில் 50 சத விகிதம் இடங்களை பார்ப்பனர் அல்லாதோரை நியமித்துள்ளது.

கோவில்களில் அனைத்து ஜாதியினரும் அர்ச்ச கராக வேண்டும் என்றார் தந்தை பெரியார்.  தீண்டாமையை எதிர்த்துத் தந்தை பெரியார் நடத்திய வைக்கம் கேரளாவில்தான் உள்ளது. அங்கு மறுபடியும் சமூகப் புரட்சிக்கு வழி செய்யப்பட்டுள்ளது.

கேரள மாநிலத்தில் சத்தம் இல்லாமல் ஒரு மவுன கலாச்சாரப் புரட்சி ஒன்றை திருவாங்கூர் தேவஸ் தானம் தொடங்கி வைத்துள்ளது என்று கூட இதனை சொல்லலாம் என சமூக விமர்சகர்கள் கருதுகின்றனர். இனி கேரள கோவில்களில் புதிய மாறுதலைப் பார்க்கலாம்.

திருவாங்கூர் தேவஸ்தான போர்டுக்கு உட்பட்ட கோவில்களில் உள்ள அர்ச்சகர் பணியிடங்களில் 50 சதவிகித பணியிடங்களை பார்ப்பனர் அல்லா தோரை கொண்டு நிரப்ப முடிவு செய்தது.

சொந்த‌ விருப்பு, வெருப்புக்காக‌ தான் போலீசை ப‌ய‌ன்ப‌டுத்தி, வேண்டாத‌வ‌ர்க‌ள், அர‌சிய‌ல் எதிரிக‌ள், திமுக‌வின‌ர் மீது கைது

நீதிபதி உத்தரவை ஏற்று, ஆஜராக வந்த கனிமொழி, கோர்ட் வளாகத்திலேயே கைது செய்யப்படுகிறார். எப்போது பதிவு செய்யப்பட்டது என்றே தெரியாத முதல் தகவல் அறிக்கையின் (எப்.ஐ.ஆர்.,) அடிப்படையில், (சசிகலா) நடராஜன் கைது செய்யப்படுகிறார். நூற்றுக்கணக்கான எப்.ஐ.ஆர்., இருந்தும், இன்று வரை கைது செய்யப்படாமல், கூடங்குளம் உதயகுமார் சுதந்திரமாக உலவுகிறார்.
சட்டம் அனைவருக்கும் சமம் என்று தான் கேள்விப்பட்டிருக்கிறோம். ஆனால், இங்கே மூன்று வெவ்வேறு விதமான உதாரணங்கள் இருக்கின்றன. அப்படியானால், எந்த அடிப்படையில் கைது சம்பவங்கள் நடக்கின்றன? கைதுக்கான அவசியம் எப்படி தீர்மானிக்கப்படுகிறது?

ரெயில்வே பட்ஜெட் மம்தா காங்கிரஸுக்கு செக் வைக்க நினைத்துவிட்டார்

பாராளுமன்றத்தில் இன்று ரெயில்வே பட்ஜெட் தாக்கல் செய்யப்பட்டது. வழக்கமாக தங்கள் சொந்த மாநில ஓட்டுக்காக அவர்கள் மாநிலத்துக்கு புதிய ரயில்கள் என்று அறிவிப்பார்கள் மத்திய அமைச்சர்கள். ஆனால் இந்த முறை பிளாட்பார்ம் டிக்கெட்டின் விலையும் ரூ. 5-ஆக உயர்த்தப்பட்டுள்ளது, 1Km 5 பைசா உயர்ந்தது என்ற செய்தி தான் ஹாட். இதை குறித்து பிரதமரிடம் கேட்டதற்கு "தொலைநோக்கு பார்வைக் கொண்ட ரெயில்வே பட்ஜெட்" இது என்கிறார். இதே தொலைநோக்கு தொலைப்பேசித் துறையில் இல்லாது போனது வேடிக்கை.
இதைவிட வேடிக்கை தினேஷ் திரிவேதிக்கு அவர் கட்சியே கட்டண உயர்வுக்கு எதிர்ப்பு தெரிவித்த செய்தி தான்.

அதிமுகவினரின் கொலைவெறி தப்பிய நக்கீரன் போட்டோகிராஃபர்

கொலைசெய்யும் நோக்கில் சங்கில் ஏறி மிதித்த அதிமுகவினரிடம் இருந்து தப்பினார் நக்கீரன் போட்டோகிராஃபர் ராம்குமார்.
இடைத்தேர்தல் நடக்கும் சங்கரன்கோவில் தொகுதியில் லட்சுமி புரம் 5வது தெருவில் அமைச்சர் விஜய்யுடன் வந்த குழு ஒன்று இன்று (14.03.2012) காலை அந்த தெருவில் உள்ளவர்களுக்கு ஓட்டுக்காக பணப் பட்டுவாடா செய்வதற்கான டோக்கன் வழங்கிக்கொண்டிருந்தது.
அப்போது, அவர்களுக்குள் நெருக்கடி ஏற்படவே கூச்சல் குழப்பம் ஏற்பட்டது. இதனை நக்கீரன் போட்டோகிராஃபர் ராம்குமார் படம் எடுத்தபோது, அந்த குழுவில் உள்ள வர்கள் போட்டோகிராஃபரின் செல்போன் மற்றும் கேமராவை பறித்துக்கொண்டு சரமாரியாக தாக்கினார்கள்.

கோச்சடையான் குழு மார்ச் 21-ல் லண்டன் பயணம்!

 நாட்டுக்கு ரொம்ப முக்கியம் மகா ஜனங்களே 

கோச்சடையான் படப்பிடிப்பு நாளை மறுதினம் தொடங்குகிறது. சம்பிரதாயமாக படத்தை ஆரம்பித்துவிட்டு, வரும் மார்ச் 21-ம் தேதி சூப்பர் ஸ்டார் ரஜினியுடன் லண்டனுக்குப் பறக்கிறது கோச்சடையான் யூனிட்.
'கோச்சடையானில் ரஜினிக்கு இவர் டூப் போடவிருக்கிறார்... அவர் டூப் போடுகிறார்' என்ற ரீதியில் வரும் செய்திகள் அனைத்துமே பக்கா கப்சா. காரணம், தன்னால் முடியாமல் போனால் அந்த படமே வேண்டாம் எனும் அளவுக்கு இந்த விஷயத்தில் கறாராக உள்ளாராம் ரஜினி.

தங்கப்புதையலை கொடுத்து அல்போன்சாவை விடுவித்தார் பெரிய ஹீரோ

விக்னேஷ் ஜோடியாக ஒரு படத்தில் கதா நாயகியாகத்தான் ஒப்பந்தமானார் அல்போன்சா. அந்தப் படத் துக்காக ஸ்விம் சூட் அணிய வைத்து போட்டோ ஷூட் எடுத்தார்கள்.
ஆனால் படம் தொடங்கப்படாமலேயே நின்றுபோனது. ஆனால் அல்போன்சாவின் நீச்சல் உடை படங்கள் சினிமா கம்பெனிகளில் வலம் வந்ததால் அல்போன்சாவின் கதாநாயகி கனவு தகர்ந்து போனது.
ஆனாலும் கவர்ச்சி நாயகி அந்தஸ்து வலிய வந்து சிவப்புக் கம்பளம் விரித்தது. பொருளாதார ரீதியாக இது உதவிகரமாக இருக்கும் என்பதால் கவர்ச்சி நடிகையாக தன் சினிமா என்ட்ரியை ஆரம்பித்தார்.
கிட்டத்தட்ட "அல்போன்சா டான்ஸ் அவசியம்' என்கிற அளவுக்கு எல்லா படங்களிலும் அல்போன்சாவின் ஆட்டம் இடம் பிடித்தது.
அல்போன்சாவின் இடுப்பழகிற்கு பெரிய பெரிய ஹீரோக்களும் கூட ரசிகர்களாக இருந்தார்கள்.
தமிழ் சினிமாவின் பெரிய ஹீரோ ஒருவர் அல்போன்சாவின் அழகில் சொக்கி... அவரை கொஞ்ச நாட்கள் தன்னுடனேயே வைத்துக்கொண்டார். கடைசியில் தங்கப்புதையலை பரிசாகக் கொடுத்து அல்போன்சாவை விடுவித்தார்... என்றும் அப்போது பரபரப்பாகப் பேசப்பட்டது.
ஒருநாள்...

உயிர் பயத்தில் ஜெ. ஜோதிடர்!’ சசிகலாவுக்கும் புதிய சிக்கல்

ஜெயலலிதாவின் ஆஸ்தான ஜோதிடர்களில் ஒருவராக இருந்தவர் என்று சொல்லப்பட்டவர் வெற்றிவேல். இவர் கடந்த தி.மு.க. ஆட்சியிலேயே ராவணன் மீது ஒரு புகார் கொடுத்தார். அந்த வழக்கு இப்போது சி.பி.சி.ஐ.டி. விசாரணையில் இருக்கிறது. இதுகுறித்து, 20.2.2008 தேதியிட்ட ஜூ.வி. இதழில், 'கோடிகளுக்காக என்னைக் கடத்தினார்கள்! உயிர் பயத்தில் ஜெ. ஜோதிடர்!’ என்ற தலைப்பில் செய்தி வெளியிட்டு இருந்தோம். அந்தப் புகார் என்ன ஆனது என்றே தெரியாத நிலையில், இப்போது வெளிச்சத்துக்கு வந்துள்ளார் வெற்றிவேல்.
''எனது புகார் மீதான வழக்கில் குற்றப்பத்திரிகை தாக்கல் செய்ய வேண்டும்'' என்று தனது வழக்கறிஞர் குமாரதேவனுடன் கடந்த 12-ம் தேதி வந்து சென்னை போலீஸ் கமிஷனரிடம் வெற்றிவேல் மனு கொடுத்துள்ளார்.
வெற்றிவேலை சந்தித்துப் பேசினோம். ''எனக்கு சொந்த ஊர் திருப்பூர் மாவட்டம், ஊத்துக்குளி. 98-ம் வருஷம் பெரியம்மாகிட்ட (ஜெயலலிதா) அறிமுகம் ஆனேன். பெரியம்மா அப்போது வழக்கு விவகாரங்களுக்காக அலைஞ்சுட்டு இருந்த நேரம்.

மூன்றாவது அணியா அல்லது பிணியா பொறுத்து பாருங்கள்

காங்கிரஸ் கூட்டணி தி.மு.க. மறுபரிசீலனை செய்ய.வீரமணி வேண்டுகோள்

இலங்கை தமிழர் பிரச்சினையில் ஐக்கிய முற்போக்கு அரசு தமிழர்களுக்கு எதிரான விரோத போக்கை கடைபிடித்து வருவதால் காங்கிரஸ் கூட்டணி உறவை தி.மு.க. மறுபரிசீலனை செய்யவேண்டும் என்று கி.வீரமணி வேண்டுகோள்விடுத்துள்ளார்.
திராவிடர் கழகத் தலைவர் கி.வீரமணி வெளியிட்டுள்ள அறிக்கையில் கூறியிருப்பதாவது:
இலங்கை அரசுக்கு எதிரான தீர்மானத்தை இந்திய அரசு ஆதரிக்க வேண்டும் என்பதை ஐக்கிய முற்போக்குக் கூட்டணி அரசில் அங்கம் வகிக்கும் தி.மு.க. அதன் தலைவர் பல முறை வற்புறுத்தியுள்ளார். தமிழ்நாட்டின் காங்கிரஸ் கட்சி உள்பட அத்துணைக் கட்சிகளும், வற்புறுத்தி, தங்கள் உணர்வுகளைத் தெரிவித்து விட்டனர்.

ஜெயலலிதா சிறந்த அறிவாளி, துணிச்சல்காரி, நிர்வாகத் திறமைசாலி என்ற பொய்யான சித்திரம்

சிக்ஸ் பேக்ஸ் மற்போர் வீரனின் கட்டுடலுக்கு ஊத்தை உடம்பு இம்சை அரசன் 23ஆம் புலிகேசியின் தலையைப் பொருத்தி ஓவியம் வரைந்து வைத்துக் கொள்வதாக ஒரு காட்சி அத்திரைப்படத்தில் வருகிறது.

அதைப் போல உல்லாச, ஊதாரி, சொகுசு வாழ்க்கையில் மூழ்கிக் கிடக்கும் இம்சை அரசி 24ஆம் புலிகேசியான செல்வி ஜெயலலிதாவை சிறந்த அறிவாளி, துணிச்சல்காரி, நிர்வாகத் திறமைசாலி என்ற பொய்யான சித்திரம் வரையப்படுகிறது.

ஆனால், இவரது ஆட்சியில் மின் பற்றாக்குறையில் தமிழகமே இருளில் மூழ்கிக் கிடக்கின்றது. தொழிலகங்களின் இயந்திரங்கள் துருப்பிடிக்கின்றன; அலுவலகங்களில் ஒட்டடைகள் படிகின்றன; கோப்புகள் தூசு மண்டிப் போயுள்ளன; சாலைகள் குண்டும் குழியுமாக சிதிலமடைந்து போயுள்ளன; சாலைகளில் சாக்கடைகள் ஆறாக ஓடுகின்றன; குப்பைக் கூளங்கள் மலைகளாகக் குவிகின்றன.

Sarkozy received 50 million euros from Gaddafi. கடாபியிடம் ரூ.325 கோடி வாங்கிய பிரான்ஸ் அதிபர் சார்கோசி

பாரீஸ்: கடந்த 2007ம் ஆண்டு அதிபர் தேர்தலின்போது பிரான்ஸ் அதிபர் நிக்கோலஸ் சார்கோசி கொல்லப்பட்ட முன்னாள் லிபிய அதிபர் கடாபியிடம் ரூ. 325 கோடி பணம் வாங்கியதாக மீண்டும் குற்றச்சாட்டு எழுந்துள்ளது.
லிபியாவில் கடாபியின் சர்வாதிகார ஆட்சிக்கு எதிராக மக்கள் நடத்திய போராட்டத்திற்கு நேட்டோ படையில் இருந்த பிரான்ஸ் உதவி செய்தது. இதையடுத்து கடாபியின் மகன் சைப் அல் இஸ்லாம் ஒரு திடுக்கிடும் குற்றச்சாட்டை தெரிவித்தார். அதாவது பிரான்ஸ் அதிபர் நிக்கோலஸ் சார்கோசி கடந்த 2007ம் ஆண்டு நடந்த அதிபர் தேர்தலின்போது தனது தந்தையிடம் ரூ. 325 கோடி பணம் பெற்றதாக பரபரப்பு புகார் தெரிவித்தார். மேலும் தங்களுக்கு எதிராக நடக்கும் மக்கள் போராட்டத்தை ஆதரிக்கும் சார்கோசி உடனே அந்த பணத்தை திருப்பித் தர வேண்டும் என்றும் அவர் தெரிவித்திருந்தார்.
மேலும் சார்கோசிக்கு தனது தந்தை செய்த பண பரிவர்த்தனை குறித்த விவரங்களை வெளியிடப் போவதாக அவர் எச்சரித்திருந்தார்.

2ம் வகுப்பு முதல் ஏசி வரை ரயில், பிளாட்பார் கட்டணமும் அதிகரிப்பு

டெல்லி: 2012-13ம் ஆண்டுக்கான மத்திய ரயில்வே பட்ஜெட்டை திரிணமூல் காங்கிரஸைச் சேர்ந்த ரயில்வே அமைச்சர் தினேஷ் திரிவேதி இன்று தாக்கல் செய்தார்.
இதில் கிட்டத்தட்ட 10 ஆண்டுகளுக்குப் பின் ரயில் கட்டணங்கள் முதன் முறையாக உயர்த்தப்பட்டுள்ளன. பிளாட்பார்ம் கட்டணமும் ரூ. 3ல் இருந்து ரூ. 5 ஆக உயர்த்தப்பட்டுள்ளது.
இரண்டாம் வகுப்பு கட்டணம் கிலோமீட்டருக்கு 2 பைசா உயர்த்தப்பட்டுள்ளது. படுக்கை வசதி கொண்ட இரண்டாம் வகுப்பு கட்டணம் கிலோமீட்டருக்கு 5 பைசா அதிகரிக்கப்பட்டுள்ளது.
3ம் வகுப்பு ஏசி வகுப்பு கட்டணம் கிலோமீட்டருக்கு 10 பைசா உயர்த்தப்பட்டுள்ளது. முதல் வகுப்பு ஏசி கட்டணம் கிலோமீட்டருக்கு 30 பைசா உயர்த்தப்பட்டுள்ளது.
300 கிலோமீட்டருக்கு அதிகமான தூரத்துக்கான கட்டணம் ரூ. 12 அதிகரிக்கப்பட்டுள்ளது.

Jeyalalitha:இடைத்தேர்தலில் அதிமுக அமோக வெற்றி பெறும்

சங்கரன்கோவில் இடைத்தேர்தலில் அதிமுக அமோக வெற்றி பெறும் என்று அக்கட்சியின் பொதுச் செயலாளரும், முதல்வருமான ஜெயலலிதா தெரிவித்துள்ளார்.
இடைத்தேர்தலில் போட்டியிடும் அதிமுக வேட்பாளர் முத்துசெல்வியை ஆதரித்து முதல்வர் ஜெயலலிதா இன்று சங்கரன்கோவில் தொகுதியில் சூறாவளிப் பிரச்சாரம் செய்கிறார். இதற்காக அவர் தனி விமானம் மூலம் சென்னையில் இருந்து சங்கரன்கோவிலுக்கு புறப்பட்டார்.

மீண்டும் ரிலீஸாகிறது 'வெங்காயம்'!

தமிழ் சமூகத்தின் மூட நம்பிக்கையின் மீது விழுந்த சவுக்கடி எனப் பாராட்டுக்களைக் குவித்த வெங்காயம் திரைப்படம் மீண்டும் தமிழகம் முழுவதும் வரும் மார்ச் 23-ம் தேதி வெளியிடப்படுகிறது.
சங்ககிரி ராஜ்குமார் இயக்கத்தில் உருவான படம் வெங்காயம். புதுமுகங்கள் நடித்த இந்தப் படத்தில், சத்யராஜ் சிறப்பு வேடத்தில் நடித்திருந்தார். பகுத்தறிவுப் பகலவன் பெரியாரின் சிந்தனைகளுக்கு கொடுக்கப்பட்ட எளிய வடிவமாக இந்தப் படம் பார்க்கப்பட்டது.
மூட நம்பிக்கையால் கற்பிழக்கும் பெண்கள், உயிரிழக்கும் சிறுவர்களின் பரிதாபத்தை நெஞ்சைத் தொடும் வகையில் காட்சிப்படுத்தியிருந்தார் புதிய இயக்குநர் ராஜ்குமார்.

சங்கரன்கோவில் வைகோவை முந்த துடிக்கும் விஜயகாந்த்

சங்கரன்கோவில் இடைத்தேர்தலில், கவுரவமான ஓட்டுக்களை பெற்று, மூன்றாம் இடத்தையாவது அடைந்தே தீரவேண்டும் என்ற நெருக்கடியில், தே.மு.தி.க.,வினர் தேர்தல் பணியாற்றி வருகின்றனர்.
சங்கரன்கோவில் இடைத்தேர்தலில் அ.தி.மு.க., தி.மு.க., தே.மு.தி.க., ம.தி.மு.க., பா.ஜ., என, ஐந்து முனை போட்டி உருவாகியுள்ளது. இதில், வெற்றி வாகை சூடப்போவது, எந்தக் கட்சி என்பதைவிட, இரண்டாம், மூன்றாம் இடத்தை, எந்தக் கட்சிகள் பிடிக்கப்போகின்றன என்பது தான், பலருக்கும் எழுந்துள்ள மிகப்பெரிய கேள்வியாக இருக்கிறது.

முதல்வர் ஜெயலலிதாவின் சவாலை ஏற்று களமிறங்கியுள்ள, தே.மு.தி.க., தலைமை, கவுரவமான ஓட்டுக்களை பெற்று, கட்சியின் அந்தஸ்தை தற்காத்துக் கொள்ள வேண்டும் என்று விரும்புகிறது.

கழிப்பறை, குளியல் அறை இல்லை ஆனால் Cellphone...Indiaaaaa

புதுடில்லி: ""இந்தியாவின் மொத்த வீடுகளில், பாதிக்கும் மேற்பட்ட வீடுகளில் குளியல் அறைகளோ, கழிப்பறைகளோ இல்லை. ஆனால், பெரும்பாலான மக்கள், மொபைல் போன்கள் வைத்துள்ளனர்'' என, மக்கள் தொகை கணக்கெடுப்பின்போது நடத்தப்பட்ட ஆய்வில் தெரியவந்துள்ளது.

இந்தியா முழுவதும் கடந்தாண்டு, வீடு, வீடாக மக்கள் தொகை கணக்கெடுப்பு நடத்தப்பட்டது. அப்போது, வீடுகளில் உள்ள சுகாதார வசதிகள் குறித்த விவரங்களும் சேகரிக்கப்பட்டன. இந்த கணக்கெடுப்பு குறித்த விவரங்கள் தற்போது வெளியிடப்பட்டுள்ளன.
அதில் கூறப்பட்டுள்ளதாவது: இந்தியாவில் உள்ள, 24 .66 கோடி வீடுகளில், 46 சதவீத வீடுகளில் தான் கழிப்பறை, குளியல் அறை வசதிகள் உள்ளன. 49 சதவீதம் பேர் வீடுகளில் கழிப்பறை, குளியல் அறை வசதிகள் இல்லை.

ஈராக்கில் Style உடை அணிந்ததால்14 இளைஞர்கள் கல்லால் அடித்து கொலை

நாகரீக உடை அணிந்ததால் 14 இளைஞர்கள் கல்லால் அடித்து கொலை

ஈராக்கில் இருந்து அமெரிக்க ராணுவம் முற்றிலும் வாபஸ் பெறப்பட்ட பிறகு அங்கு மீண்டும் தீவிரவாதிகளின் அட்டூழியம் அதிகரித்து விட்டது. பொதுமக்கள் மீது தாக்குதல் நடத்தி உயிரை பறித்து வருகின்றனர்.

இந்த நிலையில் ஷியா பிரிவை சேர்ந்த தீவிரவாதிகள் பொதுமக்களுக்கு கடும் கட்டுப்பாடுகளை விதித்துள்ளனர். அதன்படி இளைஞர்கள் அமெரிக்கர்களின் ஸ்டைலில் நவ நாகரீக உடைகளை அணியக் கூடாது.   இறுக்கமான ஜீன்ஸ் பேண்டுகள், டி.சர்ட்டுகளை அணியக்கூடாது. அதில் லோகோக்கள் இடம் பெறக்கூடாது.நீளமான தலைமுடியுடன் அலங்காரம் கூடாது.

பெண்கள் ஆடம்பரமாக இருக்கக் கூடாது. இவையெல்லாம் கீழ்த்தரமான செயல் என்று அறிவித்துள்ளனர்.

அதையும் மீறி செயல்படும் இளைஞர்கள் 14 பேர் கல் மற்றும் செங்கற்களால் அடித்து கொல்லப்பட்டுள்ளனர். அவர்களில் 9 பேர் சதார் நகரிலும், 3 பேர் கிழக்கு பாக்தாத்திலும் 2 பேர் மத்தியமார்க் பகுதியிலும் கொலை செய்யப்பட்டுள்னர்.
இவர்களின் உடல்கள் ஆஸ்பத்திரி பிணவறையில் வைக்கப்பட்டுள்ளது. இவர்கள் தவிர மேலும் பலர் தலையில் ஏற்பட்ட பலத்த காயத்துடன் ஆஸ்பத்திரியில் அனுமதிக்கப்பட்டுள்ளனர். அவர்களில் பெண்களும் அடங்குவர்.

நாகரீக உடையுடன் வலம் வரும் இளைஞர்கள் மற்றும் பெண்கள் முதலில் எச்சரிக்கப்படுகின்றனர். அதன் பிறகும் நாகரீக உடை அணிந்தவர்கள் பட்டியல் தயாரிக்கப்பட்டு ஆங்காங்கே ஒட்டப்படுகிறது.

பின்னர் அவர்கள் தீவிரவாதிகளால் நடுரோட்டில் கல்லால் அடித்து கொலை செய்யப்படுகின்றனர்.

மின்வெட்டு: இருளில் மறைந்துள்ள உண்மைகள்

கடுமையான மின்வெட்டுக்குக் காரணம் என்ன? தி.மு.க. ஆட்சிக்காலத்தில் மின்வெட்டுக்கே ஆற்காடு வீராசாமியின் பெயரைச் சூட்டி,  ஒரு அமைச்சரின் நிர்வாகத் திறமையின்மை, ஊழல்தான் மின்வெட்டுக்குக் காரணம் என்பதுபோல பிரச்சினையைச் சுருக்கி சித்தரித்தன ஊடகங்கள். மின்வெட்டு காரணமாக மக்களிடம் ஏற்பட்ட அதிருப்தியைப் பயன்படுத்திக் கொண்ட ஜெயலலிதா, “ஆட்சிக்கு வந்தால் ஆறே மாதத்தில் மின் பற்றாக்குறையைப் போக்குவேன்” என்று தேர்தலுக்கு முன் வாக்குறுதி அளித்தார்.
சென்ற ஆண்டு டிசம்பரில் எப்.ஐ.சி.சி.ஐ. என்ற இந்தியத் தரகு முதலாளிகள் சங்கத்தின் கூட்டத்தில் பேசிய தமிழக மின்துறை அமைச்சர் நத்தம் விசுவநாதன், “2012 இல் தமிழகத்தில் மின்வெட்டு இருக்காது” என பிரகடனம் செய்தார். 2012ஆம் ஆண்டோ, எட்டு மணி நேர மின்வெட்டுடன் தொடங்கியிருக்கிறது. “2014இல் தமிழகம் மின் உபரி மாநிலமாக இருக்கும்” என்று இப்போது குறி சொல்லியிருக்கிறார் அமைச்சர்.
திட்டமிட்டபடி அனல் மின் நிலையங்கள் உற்பத்தியை தொடங்காதது, இருக்கின்ற மின்நிலையங்களில் பழுது காரணமாக உற்பத்தி குறைந்திருப்பது, மத்திய மின் தொகுப்பிலிருந்து கிடைக்க வேண்டிய மின்சாரம் கிடைக்காதது என்று தற்போதைய மின்பற்றாக்குறைக்கு பல காரணங்கள் கூறப்படுகின்றன.

பிடிபட்ட ரூ.7 கோடி பணம்! யார் யாருக்கு தொடர்பு?லாட்டரி மார்ட்டின்?

சென்னை புறநகர்ப்பகுதியான ஆதம்பாக்கத்தில் ரூபாய் 7 கோடி பணம் சிக்கியிருக்கிறது.
ஆதம்பாக்கம், தில்லை கங்கா நகரில் வசிப்பவர் நாகராஜன், இவரது வீட்டில் திடீரென 12.03.2012 அதிகாலை போலீசார் அதிரடி சோதனை நடத்தினர்.
இந்த சோதனையில் கணக்கில் வராத ரூபாய் 7 கோடியே 20 லட்சத்து 5 ஆயிரம் சிக்கியிருக்கிறது. இந்த பணம் வந்த வழிப்பற்றி போலீசார் விளக்கம் கேட்டபோது, 1981 முதல் லாட்டரி வியாபாரத்தில் ஈடுபட்டு வந்ததால், கிடைத்த பணம் இது என்ற அவர், லாட்டரி சீட்டுகளை சென்னையில் இருந்து ஹைத்ராபாத், டெல்லியிலிருந்து சிக்கிம், மேற்கு வங்கத்தில் இருந்து பல்வேறு பகுதிகளுக்கு அனுப்பி வைப்பேன்.

அப்படி அனுப்பும்போது அதில் இருந்து சில பண்டில் லோடுகளை இங்கு கொண்டு வந்து யாருக்கும் தெரியாமல் ஏஜெண்டுகள் மூலம் விற்று வந்தேன்.

Carbon Monoxide.சென்னையில் காருக்குள் 2 வயது சிறுவன் பலி கார்பன் மொநோக்சிட்

சென்னையில், பூட்டிய காருக்குள் இருந்த 2 வயது சிறுவன் மூச்சுத் திணறி பலியான சம்பவம் பெரும் சோகத்தை ஏற்படுத்தியுள்ளது. தந்தையின் அஜாக்கிரதையால் அந்த சிறுவன் இறந்ததாக கூறப்படுகிறது.
சென்னை, பட்டாபிராம் கக்கன்ஜி நகரை சேர்ந்தவர் மாருதி(25). இவர் உணவு பொருள் வழங்கல் துறையில் லாரி டிரைவராக இருக்கிறார்.
இந்த நிலையில், நேற்று மதியம் 1.15 மணியளவில் தனது வீட்டுக்கு வெளியே நிறுத்தியிருந்த தனது காரில் 2 வயது மகன் இளமாறனுடன் ஏசியை போட்டுவிட்டு அமர்ந்திருந்தார். அப்போது, அவரது அலுவலகத்திலிருந்து போன் அழைப்பு வந்ததாக தெரிகிறது.
அவசரத்தில் தனது மகனை காரிலேயே வி்ட்டுவிட்டு அதே பகுதியில் உள்ள தனது அலுவலகத்திற்கு சென்றுள்ளார். அங்கு சென்று 1 மணிநேரத்திற்கு பின்னரே காரில் தனது மகனை விட்டு விட்டு வந்தது அவரது நினைவுக்கு வந்ததுள்ளது. உடனே, அவசரமாக வீட்டுக்கு திரும்பியுள்ளார்.
வீட்டு வாசலில் நிறுத்தியிருந்த காருக்குள் ஓடி வந்து திறந்து பார்த்தபோது அவரது மகன் மயக்கமடைந்து கிடந்தான். உடனே அருகிலிருந்து மருத்துவமனைக்கு தூக்கிச் சென்றார். ஆனால், இளமாறன் ஏற்கனவே இறந்து விட்டதாக டாக்டர்கள் தெரிவித்தனர்.

இந்தி நடிகை:கிரிக்கெட் சூதாட்டத்தில் எனக்கு எந்தத் தொடர்பும் இல்லை

மும்பை: இங்கிலாந்தில் நடந்த கிரிக்கெட் சூதாட்டத்தில் எனக்கு எந்தவிதமான தொடர்பும் இல்லை. மேலும் எனது புகைப்படத்தை அனுமதியில்லாமல் பிரசுரித்துள்ள லண்டன் சண்டே டைம்ஸ் பத்திரிக்கை மீது வழக்குத் தொடரவுள்ளேன் என்று இந்தி நடிகை நூபுர் மேத்தா கூறியுள்ளார்.
சண்டே டைம்ஸ் இதழ் ஒரு செய்தியை வெளியிட்டுள்ளது. அதில் இந்தியாவைச் சேர்ந்த புக்கிகள், இங்கிலாந்தில் நடைபெறும் கவுண்டி கிரிக்கெட்டில் பெருமளவில் சூதாட்டத்தில் ஈடுபட்டுள்ளனர். இந்தப் போட்டிகளின் முடிவுகளை இவர்களே நிர்ணயிக்கிறார்கள். ஒவ்வொருவருக்கும் ஒரு விலை வைத்துள்ளனர்.

ரூ.2 லட்சத்தில் சிறிய கார்: நிசான்-லேலண்ட்

ரூ.2 லட்சம் முதல் ரூ.4 லட்சம் விலையில் சிறிய காரை அசோக் லேலண்ட்டுடன் இணைந்து நிசான் நிறுவனம் தயாரிக்கிறது. வரும் 2014ம் ஆண்டில் இந்த கார் விற்பனைக்கு வருகிறது.
ஜப்பானை சேர்ந்த நிசான் நிறுவனம் இந்தியாவில் அசோக் லேலண்ட் நிறுவனத்துடன் கூட்டணி சேர்ந்து தோஸ்ட் என்ற மினி லோடு வேனை தயாரித்து விற்பனை செய்து வருகிறது.
அடுத்து இந்த கூட்டணியில் ஸ்டைல் எம்பிவி கார் விற்பனைக்கு வர இருக்கிறது. இதைத்தொடர்ந்து, புத்தம் புதிய சிறிய காரை தயாரிக்க இந்த கூட்டு நிறுவனம் முடிவு செய்துள்ளது.

உலக வங்கி தலைவர் பதவிக்கு Infosys நந்தன் நீலேகனி ?...?

டெல்லி: உலக வங்கியின் அடுத்த தலைவராக இந்தியாவின் சார்பில் இன்போசிஸ் முன்னாள் தலைவரும், தேசிய அடையாள அட்டை ஆணையத்தின் தலைவருமான நந்தன் நிலேகனியை முன்னிருத்த மத்திய அரசு திட்டமிட்டுள்ளதாகத் தெரிகிறது.
இதை மத்திய அரசு இன்னும் உறுதி செய்யாவிட்டாலும், இது தொடர்பாக ஆரம்பகட்ட ஆலோசனைகள் நடப்பதாகத் தெரிகிறது.
உலக நாடுகள் அனைத்தும் இணைந்து நடத்தினாலும் உலக வங்கியின் தலைவர்களாக இதுவரை பெரும்பாலும் அமெரிக்கர்களே பதவி வகித்து வந்துள்ளனர். இப்போது தலைவராக உள்ள அமெரிக்கரான ராபர்ட் சோய்லிக்கின் பதவிக் காலம் ஜூன் மாதம் முடிவடைகிறது.
இதையடுத்து புதிய தலைவருக்கான பெயர்களை பரிந்துரைக்குமாறு உலக வங்கியின் உறுப்பு நாடுகளான 165 நாடுகளுக்கும் கோரிக்கை விடுக்கப்பட்டுள்ளது. மார்ச் 23ம் தேதிக்குள் இந்தப் பரிந்துரைகளை அளிக்குமாறு உலக வங்கி கோரியுள்ளது.

சி.பி.ஐ., முன் ராமதாஸ் ஆஜர்

அமைச்சர் உறவினர் கொலை வழக்கு தொடர்பாக பா.ம.க., நிறுவனர் ராமதாஸ், அவரது மகன் அன்புமணி உள்ளிட்ட மூன்று பேரிடம் சி.பி.ஐ., விசாரணையை நடத்தி முடித்துள்ளனர். விசாரணை முடிந்துள்ளதால், அடுத்தது என்ன நடக்கும்; ராமதாஸ் சிக்குவாரா என்ற பரபரப்பு, பா.ம.க.,வில் அதிகரித்துள்ளது.
கடந்த 2006ம் ஆண்டு விழுப்புரத்தில், அமைச்சர் சண்முகம் உறவினர் கொலை செய்யப்பட்ட வழக்கு தொடர்பாக ஐகோர்ட் உத்தரவுப்படி சி.பி.ஐ., விசாரணை நடத்தி வருகிறது. இவ்வழக்கு தொடர்பாக எட்டு பேரை கைது செய்த சி.பி.ஐ., அதிகாரிகள், அவர்கள் கொடுத்த தகவலின் அடிப்படையில், பா.ம.க., நிறுவனர் ராமதாசின் சகோதரர் சீனிவாசன் மற்றும் அக்கட்சி நிர்வாகி கருணாநிதி ஆகிய இருவரை கைது செய்தனர்.

ஒரே ஆண்டில் 24 வங்கிகளில் கொள்ளை, என்கவுன்டரில் பலியானயவர்கள்

சென்னை, மார்ச் 12- வேளச்சேரி என்கவுன்டரில் பலியான வங்கி கொள்ளையர்கள், ஒரே ஆண்டில் 24 வங்கிகளில் கொள்ளையடித்த தகவல் கள் வெளியாகி உள்ளன.

சென்னை வேளச்சேரியில் வங்கி கொள்ளையர்கள் 5 பேர், கடந்த மாதம் 23ஆம் தேதி அதிகாலை காவல்துறையினரால் என்கவுன்டரில் சுட்டுக் கொல்லப்பட்டனர். என் கவுன்டர் நடந்து இன்றுடன் 19 நாட்கள் ஆகின்றன. கொள்ளை யர்களை அடையாளம் காணவும், அவர்கள் பற்றிய பின்னணி தகவல் களை திரட்டவும், சென்னையில் இருந்து உதவி கமிஷனர் தமிழ்ச் செல்வன், ஆய்வாளர் குணவர்மன் ஆகியோர், பீகார் மற்றும் மேற்கு வங்கத்துக்கு சென்று சென்னை திரும்பியுள்ளனர். அவர்கள் கொள் ளையர்கள் பற்றி பல்வேறு தகவல் களை வெளியிட்டனர். அதன் விவரம் வருமாறு:

வங்கிக் கொள்ளையர்கள் 5 பேரும் கூட்டாக செயல்பட்டு கோடிக்கணக்கான ரூபாயை சுருட்டியிருக்கின்றனர். இவர்களில் ஹரிஷ்குமார் மீது மட்டும் வங்கிகளில் கொள்ளையடித்ததாக 15க்கும் மேற்பட்ட வழக்குகள், மேற்குவங்க மாநிலத்தில் பதிவு செய்யப்பட்டுள்ளது. கடந்த 2005இல் மடாதிபதி ஒருவரை சுட்டுக் கொன்ற வழக்கும், இவன் மீது பதிவு செய்யப் பட்டுள்ளது. மேற்கு வங்கத்தில் மட்டும் அஜய்குமார் ராயும், அவனது கூட்டாளிகளும் சேர்ந்து ஒரே ஆண்டில் 24 வங்கிகளில் கொள்ளை அடித்துள்ளனர். அஜய்குமார் ராயின் பெயர், அங்குள்ள காவல்துறை பதிவேடுகளில் அம்ரேந்திர குமார் என்று குறிப்பிடப்பட்டுள்ளது.

சென்னை காவல்துறையினரால் சுட்டுக் கொல்லப்பட்ட பிறகுதான், இந்த கொள்ளை கும்பல் பற்றிய தகவல்கள் வெளியே தெரிந் திருக்கிறது. என்கவுன்டர் நடந்த 4 நாட்கள் கழித்து, பீகார் மாநிலத்தில் வங்கி ஒன்றில் ரூ.20 லட்சம் கொள்ளை அடிக்கப்பட்டுள்ளது.

சுட்டுக் கொல்லப்பட்ட கொள் ளையர்களின் குடும்பத்துக்கு நிதி யுதவி அளிப்பதற்காக, அவர்களின் கூட்டாளிகள் இந்த வங்கிக் கொள்ளையை அரங்கேற்றியது தெரிய வந்துள்ளது. இதற்கிடையே, என்கவுன்டர் தொடர்பான சிபிசி அய்டி விசாரணை முடுக்கி விடப் பட்டுள்ளது.

Rahul Dravid கிரிக்கெட்டினை ரசிக்கிற, சுவாசிக்கிற, அணுஅணுவாய் வாசிக்கிற, சிலாக்கிக்கிற எல்லோருக்கும்

For someone who has played 164 Test matches and scored 13,200-plus runs, no tribute can be enough. All I can say is there was, and is, only one Rahul Dravid and there can be no other. I will miss him in the dressing room and out in the middle. – Sachin Tendulkar

22 கெஜம். இரண்டு பக்கமும் தலா  3 ஸ்டம்புகள். இந்தப் பரப்பின் நீளம் தான் ஒரு பேட்ஸ்மெனை கிரிக்கெட் விளையாட்டில் நிர்ணயிக்கிறது. கேட்பதற்கும், காண்பதற்கும் மிகச் சாதாரணமாகத் தெரியும் இந்த விஷயத்துக்குப்பின்தான் பல கனவுகளின் சரிவும், சில அசாதாரண நிகழ்வுகளும் நடந்திருக்கின்றன. கிரிக்கெட் என்கிற விளையாட்டு ஆட ஆரம்பித்து இன்றோடு 135 வருடங்களாகிறது. இங்கிலாந்தில் கனவான்களின் விளையாட்டாக ஆட ஆரம்பித்து, பின்னர் இங்கிலாந்து ஆசியாவைக் காலனியாக்கி வைத்திருந்ததால், ஆசியாவில் பரவி, இன்றைக்கு ஆசிய அணிகள் பலம் பொருந்தியதாக மாறியிருக்கிறது.
இந்தியா கிரிக்கெட்டில் ஒரு தவிர்க்க முடியாத நாடு. லாலா அமர்நாத்திலிருந்து அந்தக் குடும்பத்திலேயே மூன்றாவது தலைமுறை ஆட தயாராக இருக்கிற இன்றைக்கு வரைக்கும் இந்தியாவில் உணவு, உடை, இருப்பிடம், செல்போனுக்கு பின் கிரிக்கெட் ஒரு அத்தியாவசியம். எல்லா தெருக்களிலும், ஏதேனும் நான்கு சிறுவர்கள் சுவரில் கரியில் கிறுக்கி ஆட ஆரம்பிக்கும் ஒரு எளிமையான ஆட்டம்.

மாமியாருக்காக ஐநா பயணத்தை ரத்து செய்தார் குஷ்பு!

மாமியாருக்கு ஏற்பட்டுள்ள உடல் நலக்குறைவு காரணைமாக தனது ஐ.நா பயணத்தை நடிகை குஷ்பு ரத்து செய்துள்ளார்.
நைரோபியில் நடைபெறும் ஐக்கிய நாடுகள் சபை கூட்டத்தில் உரையாற்ற நடிகை குஷ்புவுக்கு சிறப்பு அழைப்பு விடுக்கப்பட்டிருந்தது.
மகளிர் முன்னேற்றம் என்ற தலைப்பில் அவர் உரையாற்றவிருந்தார்.
தற்போது தனது மாமியாருக்கு திடீரென்று உடல்நலக்குறைவு ஏற்பட்டதால் ஐ.நா பயணத்தை ரத்து செய்துவிட்டதாக அவர் தெரிவித்துள்ளார்.
முன்னதாக இந்த மாநாட்டுக்காகவே சங்கரன்கோயில் பிரச்சாரத்தை அவசர அவசரமாக முடித்து சென்னை திரும்பினார் குஷ்பு.
இதுகுறித்து குஷ்பு கூறுகையில், "என் குடும்ப சூழ்நிலை காரணமாக ஐ.நா. மாநாட்டுக்கு செல்ல முடியவில்லை. எனது மாமியாருக்கு உடல் நலக்குறைவு ஏற்பட்டுள்ளது. அவருக்கு வருகிற 15-ந் தேதி வாக்கில் இதய அறுவை சிகிச்சை நடைபெற உள்ளது.
கடந்த சனிக்கிழமை ஆஞ்சியோகிராம் நடந்துள்ளது. எனக்கு குடும்ப பொறுப்புகள்தான் முதலில். மற்றதெல்லாம் இரண்டாம் பட்சம்தான்.

ஒசாமா உல்லாசம் காட்டிக் கொடுத்த மூத்த மனைவி

அல் கொய்தா தலைவர் ஒசாமா பின் லேடன் பாகிஸ்தானில் ஒளிந்திருந்த இடத்தை அவரது மனைவிகளில் ஒருவர் தான் காட்டிக் கொடுத்துள்ளார். இதற்குக் காரணம், ஒசாமா தனது கடைசி மனைவி மட்டும் அதிக அன்பு காட்டி வந்ததாலும், அவருடன் மட்டும் நெருக்கமாக இருந்ததாலும்தான் என்று பாகிஸ்தான் அதிகாரி ஒருவர் தெரிவித்துள்ளார்.

அல் கொய்தா தலைவர் ஒசாமா பின் லேடனுக்கு 5 மனைவிகள். ஒசாமா பாகிஸ்தானில் உள்ள அப்போத்தாபாத் வீட்டில் பதுங்கியிருந்த காலத்தில் 5 மனைவிகளில் இளையவரான அமல் அகமது அப்துல் பத்தாஹ் அல் சதாவுடன் மட்டுமே இரவு நேரத்தை உல்லாசமாக கழித்துள்ளார். அதேசமயம் அவரது மூத்த மனைவி கைரியா சபீர் தரை தளத்தில் உள்ள படுக்கை அறையில் தனியாகத்தான் தூங்கி வந்தாராம்.

கிங்பிஷர் மல்லையா வங்கிக் கொள்ளை/ கடன்14000 கோடிகள்

சென்னையில் வங்கிக் கொள்ளையர்கள் போலி மோதலில் போலீசாரால் கொல்லப்பட்டது நமக்குத் தெரியும். வங்கிகளிலிருந்து லட்சக்கணக்கில் மொத்தமாக கொள்ளையடித்தவர்களுக்கு உடனடி தண்டனை வழங்கி போலீசார் தமது ‘நீதிபரிபாலனத்தை’ நிலைநாட்டியுள்ளனர். தமிழக போலீசின் இந்த ‘அருஞ்சாதனை’ நிகழ்ந்த காலத்தில்தான் நாமும் இங்கு வாழ்ந்தோம் என்பதே ‘பெருமைக்குரிய’ விசயம். ஆனால், சென்னை போலீசின் கடமை இத்துடன் முடிவடையவில்லை. இன்னுமொரு வங்கிக் கொள்ளையனின் ‘கணக்கை’ முடிக்க வேண்டிய பெரும்பொறுப்பு தற்போது அவர்கள் முன் காத்திருக்கிறது. அது வேறு யாருமல்ல, கில்மா காலேண்டர் புகழ் சாராய மல்லையாதான் அந்தக் கொள்ளையன்.

மலர், MMM, அப்பல்லோ மருத்துவமனை அராஜக நடைமுறைகளுக்கு முற்றுப் புள்ளி

மருத்துவமனை கட்டிடங்கள் பார்க்க ஐந்து நட்சத்திர விடுதி மாதிரி ஜொலிக்கின்றன, நோயாளிகளிடம் வசூலிக்கும் கட்டணத்திற்கும் குறைவில்லை. நோயாளிகளிடன் உறிஞ்சி நல்ல லாபம் பார்க்கும் அதே நேரம் செவிலியர்கள் போன்ற சாதாரண ஊழியர்களிடமிருந்தும் உறிஞ்சுகிறது.சர்வதேச உழைக்கும் மகளிர் தினமான மார்ச் 8-ம் தேதி தினமணி நாளிதழின் முதல் பக்கத்தில் அப்பல்லோ மருத்துவமனை குழுமத்தின் ஒரு விளம்பரம் வெளியாகியிருந்தது. ‘உலகத் தரத்திலான மருத்துவ சேவையை அளிக்க உங்களை அழைக்கிறோம்’ என்று செவிலியர்களை நோக்கிய விளம்பரம் அது. உழைக்கும் மகளிர் தினத்தைக் கொண்டாடும் விதமாக அப்பல்லோ குழுமம் பணி செய்யும் செவிலியரை போற்றியுள்ளதாக வாசகர்களுக்குத் தோன்றியிருக்க வேண்டும்.

2014 ல் பாஜக ஆட்சி அமைப்பது கடினமே: ஆர்.எஸ்.எஸ். கணிப்பு

டெல்லி: உத்தரப்பிரதேச சட்டப்பேரவைத் தேர்தலில் பின்னடைவைச் சந்தித்திருக்கும் பாரதிய ஜனதாவால் 2014-ல் மத்தியில் ஆட்சி அமைப்பது என்பது கடினமானது என்று ஆர்.எஸ்.எஸ். அமைப்பு கருத்து தெரிவித்துள்ளது.
ஆர்.எஸ்.எஸ். அமைப்பின் அதிகாரப்பூர்வ ஏடான ஆர்கனைசரில் எழுதப்பட்டுள்ளதாவது:
உத்தரப்பிரதேசத்தில் கட்சி கட்டமைப்பும் தொண்டர் பலமும் வலுவானதாக இருந்தும் வாக்காளர்களை பாஜகவால் ஏன் கவர முடியவில்லை?
உத்தரப்பிரதேசத்தைப் பொறுத்தவரையில் தொண்டர்களைவிட கட்டுக்கோப்பான தலைவர்கள் அதிகம்.
2007-ம் ஆண்டு பேரவைத் தேர்தலில் பெற்ற இடங்களை விட 4 குறைவாக அதாவது 47 இடங்கள் மட்டுமே பாஜக பெற்றுள்ளது. உத்தரப்பிரதேச தேர்தலானது 2014-ம் ஆண்டில் மத்தியில் பாஜக ஆட்சி அமைப்பது கடினம் என்பதையே வெளிப்படுத்துகிறது. அந்த வகையில் மக்களிடமிருந்து பாஜக அன்னியப்பட்டுப் போயுள்ளது என்று அதில் எழுதப்பட்டுள்ளது

கிரிக்கெட் சூதாட்டம் பாலிவுட் நடிகை ஒருவரை பயன்படுத்தினர்.

லண்டன்:கிரிக்கெட் சூதாட்ட சர்ச்சை மீண்டும் வெடித்துள்ளது. இம்முறை "பாலிவுட்' நடிகை ஒருவருக்கு தொடர்பு இருப்பது அம்பலமாகியுள்ளது. உலக கோப்பை அரையிறுதியில் இந்தியா, பாகிஸ்தான் மோதிய போட்டியை வைத்து பெருமளவில் சூதாட்டம் நடந்ததாக பிரிட்டன் பத்திரிகை ஒன்று அதிர்ச்சி செய்தி வெளியிட்டுள்ளது. இது தொடர்பாக ஐ.சி.சி., விசாரணை நடத்த உள்ளது.

பெரும்பாலான கிரிக்கெட் போட்டிகளின் முடிவை சூதாட்ட ஏஜன்ட்கள் நிர்ணயிக்கின்றனர். இவர்கள் சில முன்னணி வீரர்களை தங்கள் வலைக்குள் வைத்துக் கொண்டு, சூதாட்டத்தில் ஈடுபடுகின்றனர்.
கடந்த 2010ல் இங்கிலாந்துக்கு எதிரான டெஸ்ட் போட்டியில் பாகிஸ்தான் வீரர்கள் சல்மான் பட், முகமது ஆசிப், முகமது ஆமிர் ஆகியோர் "ஸ்பாட்-பிக்சிங்' எனப்படும் சூதாட்டத்தில் ஈடுபட்டது உறுதி செய்யப்பட்டு, ஜெயில் தண்டனை பெற்றனர்.