நடிகரின் தவேகாவல் உடைக்கப்பட்ட தலித் பர்னிச்சர்!

 Amudhan R P  : இந்த நடிகர் சகாப்தத்தில் உடைக்கப்பட்ட பர்னிச்சர்களில் சிறப்பான / பெசல் ஒன்று தலித் பர்னிச்சர் தான். 
சென்ற திமுக ஆட்சியில் திருமா முதல் பா ரஞ்சித் வரை பல தலித் ஆளுமைகள் மதிப்புடன் வலம் வந்தார்கள்.
அவர்கள் என்ன செய்தாலும் தமிழ் சமூகத்தால் பாராட்டப்பட்டார்கள்.
திமுக / திராவிட அரசியல் உருவாக்கி வைத்திருந்த சமூகநீதி, சுயமரியாதை, பகுத்தறிவு, மதச்சார்பின்மை ஈகோ சிஸ்டத்தின் ஒரு முக்கிய அங்கமாக தலித்துகள் பார்க்கப்பட்டனர்.
திமுகவை ஆதரிப்போரில் பெரும்பாலோனோர் தலித் தலைவர்களை, கலைஞர்களை தமது தோழமையாகப் பார்த்துக் கொண்டாடித் தீர்த்தார்கள்.
இவர்களை எதிர்ப்போரில் ஏறக்குறைய பலர் திமுக அல்லது திராவிட அரசியலை வெறுப்போராகத் தான் இருந்தனர்.

தாத்தா சொத்தில் பேரனுக்கு பங்கு இல்லையா? உச்சநீதிமன்ற தீர்ப்பு என்ன?

 மின்னம்பலம் - Mathi : தாத்தாவின் சொத்தில் பேரனுக்குப் பிறப்புரிமை கிடையாது என்று உச்சநீதிமன்றம் அளித்துள்ள தீர்ப்பு கவனத்தைப் பெற்றுள்ளது. தமிழ்நாட்டைச் சேர்ந்த ஜெ.ராஜேஷ் தொடர்ந்த வழக்கில் நீதிபதிகள் அகஸ்டின் ஜார்ஜ் மசீஹ், சுனிதா அகர்வால் ஆகியோர் அடங்கிய உச்சநீதிமன்ற அமர்வு நவ.6-ந் தேதி இந்தத் தீர்ப்பை வழங்கியுள்ளது.
என்ன வழக்கு?
என்.ராமகிருஷ்ணனுக்குச் சொந்தமான 1,811 சதுர அடி நிலம் தொடர்பாக அவரது மகள் ஜி.லலிதா 1993-ஆம் ஆண்டு சொத்துப் பிரிவினை வழக்குத் தொடர்ந்தார். வாரிசுகளிடையே ஏற்பட்ட சமரசத்தின் அடிப்படையில் 1994 பிப்ரவரி 3-ந் தேதி நீதிமன்றம் பிரிவினைத் தீர்ப்பு வழங்கியது.

அமெரிக்க இந்திய மனைவியை துண்டு துண்டாக வெட்டி கொன்ற கணவன்

 மாலைமுரசு :  அமெரிக்காவில் மனைவியைக் கொலை செய்ததாகக் குற்றம்சாட்டப்பட்ட இந்திய வம்சாவளியைச் சேர்ந்த நரேஷ் பட், தனது மனைவியின் உடலை அறுத்துத் துண்டுகளாக்கியதை நீதிமன்றத்தில் ஒப்புக்கொண்டுள்ளார். அதேநேரத்தில், மனைவியைக் கொலை செய்ததாகக் கூறப்படும் குற்றச்சாட்டை அவர் மறுத்துள்ளார். தனது மனைவி தற்கொலை செய்துகொண்டதாகவும், அவர் உயிரிழந்த பின்னரே உடலை மறைக்க முயன்றதாகவும் நரேஷ் பட் வாக்குமூலம் அளித்துள்ளார். இரண்டு ஆண்டுகளுக்கும் மேலாக மனைவியின் உடல் கண்டுபிடிக்கப்படாத நிலையில், விசாரணையின் போது அவர் அளித்துள்ள இந்த வாக்குமூலம் அமெரிக்காவில் பெரும் பரபரப்பை ஏற்படுத்தியுள்ளது.

சௌதியில் மரண தண்டனையை எதிர்கொண்ட இலங்கை தமிழர் சிவராசா அனோஜன் முழுமையாக விடுதலை

 bbc  ரஞ்சன் அருண் பிரசாத் : பேஸ்புக் பதிவொன்றின் ஊடாக முகமது நபி குறித்து அவதூறாக பேசிய குற்றச்சாட்டின் கீழ் சௌதி அரேபியாவில் மரண தண்டனை விதிக்கப்பட்டிருந்த இலங்கை தமிழரான சிவராசா அனோஜன், அனைத்து குற்றச்சாட்டுகளில் இருந்து விடுதலை செய்யப்பட்டுள்ளதாக இலங்கை அரசாங்கம் அறிவித்துள்ளது.
இவ்வாறு விடுதலை செய்யப்பட்டுள்ள சிவராசா அனோஜனை விரைவில் நாட்டிற்கு அழைத்து வருவதற்கான நடவடிக்கைகள் எடுக்கப்படும் என வெளிவிவகார அமைச்சர் விஜித்த ஹேரத் தெரிவித்துள்ளார்.
சிவராசா அனோஜனுக்கு விதிக்கப்பட்டிருந்த மரண தண்டனையை கடந்த அக்டோபர் மாதம் 14ம் தேதி அந்த நாட்டு உச்ச நீதிமன்றம் ரத்து செய்திருந்த நிலையில், ஏனைய தண்டனைகளிலிருந்து அவர் கடந்த 9ம் தேதி விடுவிக்கப்பட்டிருந்தார்.

அகல்விளக்கு முகவரியில் இருபது பதிப்பகங்கள்... சீரழிவின் உச்சத்தில் உள்ளதா தமிழ்ச்சமூகம்?

 Kiritharan Karthigesu Yoganathan  : அகல்விளக்கு முகவரியில் இருபது பதிப்பகங்கள்... சீரழிவின் உச்சத்தில் 
உள்ளதா தமிழ்ச்சமூகம்?
கோவை பெரியார் அறிவுலகத்தில் நடந்திருக்கும் இந்த கேவலமான உலகில் எவனுமே செய்யாத ஒரு அசிங்கமான மோசடித் தனத்தை அறிந்ததில் இருந்து பெரும் மன உளைச்சலாக இருக்கிறது..
ஆட்டைக் கடித்து மாட்டைக் கடித்து கடைசியில் மனிதனையே கடித்தக் கதையாக அரசின் அனைத்து அமைச்சுத்  துறைகளிலும் கொள்ளையடித்த ஓங்கோல் திருடர்கள் கடைசியில் அறிவு வளர்க்கும் அறம் விதைக்கும் நூலகத் துறையிலேயே வாயை வைத்து இருக்கிறார்கள்..

’ஹேக்கர்களின் கைவரிசை’; தமிழக அரசின் கோடிக்கணக்கான நிதி திடீர் மாயம்!

 நக்கீரன்  :;தமிழக அரசின் வங்கிக் கணக்குகள்  ஹேக் செய்யப்பட்டு கோடிக்கண்கான ரூபாய் நிதி கையாடல் செய்யப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது.   
தமிழக ஊரக வளர்ச்சித் துறையின், அரசு நிதி பரிவர்த்தனைகளுக்காகப் பயன்படுத்தப்பட்டு வந்த வங்கிக் கணக்குகளை ஹேக் செய்த சில மர்ம நபர்கள், மூன்று ஊராட்சி ஒன்றியங்களின் சில குறிப்பிட்ட வங்கிக் கணக்குகளிலிருந்து சுமார் ரூ.22.10 கோடி திருடப்பட்டுள்ளது. இந்த சம்பவம் பெரும் அதிர்ச்சியை ஏற்படுத்தியுள்ளது.  
இது குறித்தான முதற்கட்ட விசாரணையில், இந்த சம்பவம் வெளிநாடுகளிலிருந்து சில நபர்களால் நடத்தப்பட்டிருக்கலாம் என்று கூறப்படுகிறது. குறிப்பாக, நைஜீரியாவிலிருந்து இந்த மோசடி சம்பவம் நடத்தப்பட்டிருக்கலாம் என்று சந்தேகிக்கப்படுகிறது. அரசு நிதி பரிவர்த்தனைகளுக்கான வங்கிக் கணக்குகளில் மர்ம நபர்கள் ஊடுருவி இவ்வளவு பெரிய தொகையைக் கையாடல் செய்திருப்பது அதிகாரிகளிடையே பெரும் அதிர்ச்சியை ஏற்படுத்தியுள்ளது.   

வெளிநாட்டிலிருந்து வந்த பெண்ணிடம் கொள்ளை - பாலியல் கொடுமை

 Kanakanayakam Vijaypiragaash ; வெளிநாட்டிலிருந்து வந்த பெண்ணுக்கு இப்படியொரு கொடூரமா? போதைப்பானம் கொடுத்து கும்பல் வெறிச்செயல் – முல்லைத்தீவில் அதிர்ச்சி!
சவூதி அரேபியாவில் உழைத்துவிட்டு பெருங்கனவுகளோடு தாயகம் திரும்பிய தமிழ்ப் பெண்ணொருவர், திட்டமிட்ட சதித்திட்டம் மூலம் போதைப்பொருள் கலந்த பானத்தைக் குடிக்கச் செய்யப்பட்டு, குழுவாகப் பாலியல் வன்புணர்வுக்கு உட்படுத்தப்பட்ட தோடன்றி, லட்சக்கணக்கான ரூபாய் பெறுமதியான நகைகள் மற்றும் பணமும் கொள்ளையடிக்கப்பட்ட சம்பவம் பெரும் அதிர்வலைகளை ஏற்படுத்தியுள்ளது.
சம்பவம் குறித்து வெளிவந்துள்ள பகீர் தகவல்கள் இதோ...
 தோழிக்காக ஏறிய வாகனம்... காத்திருந்த பேராபத்து!
அக்கரைப்பற்றைச் சேர்ந்த 33 வயதுடைய குறித்த பெண், சவூதி அரேபியாவில் 2 ஆண்டுகளுக்கும் மேலாகப் பணியாற்றிவிட்டு கடந்த நவம்பர் 4-ஆம் திகதி இலங்கை திரும்பியுள்ளார். அப்போது, சவூதியில் தன்னுடன் பணிபுரிந்த கவிதா எனும் தோழி கொடுத்தனுப்பிய பொதியை, புதுக்குடியிருப்பிலுள்ள அவரது குடும்பத்தினரிடம் ஒப்படைக்குமாறு கேட்டுக்கொள்ளப்பட்டுள்ளார்.

பெரியார் அறிவுலகத்திற்கான நூல் கொள்முதல் முறைகேடு - உடனடி நடவடிக்கை கோரி கூட்டறிக்கை – 2026 நவம்பர் 9

 Vasu sumathi : கோவை பெரியார் அறிவுலகத்திற்கான நூல் கொள்முதலில் முறைகேடு
- உடனடி நடவடிக்கை கோரி கூட்டறிக்கை – 2026 நவம்பர் 9
சமீபத்தில் பயன்பாட்டுக்கு வந்துள்ள கோவை பெரியார் அறிவுலகத்தில் உண்மைத்தன்மையும், அறிவுப்பெறுமதியும் இல்லாத போலியான பல நூல்கள் இடம் பெற்றிருப்பதற்கு எழுத்தாளர்கள், பதிப்பாளர்கள், வாசகர்களாகிய நாங்கள் எங்களது கண்டனத்தையும் எதிர்ப்பையும் இந்தக் கூட்டறிக்கையின்  வாயிலாக வெளிப்படுத்துகிறோம். 
சமூகத்தில் அறிவுப்பரவலுக்கான சீரிய வழியென நூலகத்தைக் கருதி 1948ஆம் ஆண்டு பொது நூலகச் சட்டத்தை இயற்றிய, 1972ஆம் ஆண்டு பொது நூலக இயக்ககத்தை உருவாக்கிய முன்னோடி மாநிலம் தமிழ்நாடு. தமிழ்நாடு அரசின் பொது நூலக இயக்ககத்தின் கீழ் மாநிலம் முழுவதும் மாவட்ட மைய நூலகங்கள்,  கினள நூலகங்கள், ஊர்ப்புற நூலகங்கள், நடமாடும் நூலகங்கள், பகுதிநேர நூலகங்கள், சிறப்புப் பகுதிநேர நூலகங்கள் என 4,755 நூலகங்கள் இயங்கிவருகின்றன.

பாராட்டப்பட வேண்டிய திமுக பலிகடாவாக்கப்பட்டிருக்கிறது!

 Prabaharan Alagarsamy  :   பாராட்டப்பட வேண்டிய திமுக பலிகடாவாக்கப்பட்டிருக்கிறது!
 20 புத்தகங்கள் பதிப்பித்துள்ள மிகச்சிறிய பதிப்பாளர் (நிகர்மொழி பதிப்பகம்) என்கிற வகையிலும், கடந்த திமுக ஆட்சியில் நூலகங்களுக்குப் புத்தகங்கள் கொள்முதல் செய்ய நடைமுறைப்படுத்தப்பட்ட ஒற்றைச் சாளர முறையில் மிகச்சிறிய அளவில் பயன்பெற்ற பதிப்பாளர் என்கிற வகையிலும் இதை எழுதுகிறேன்.
நூலகங்களுக்குப் புத்தகங்கள் கொள்முதல் செய்வதில் பன்னெடுங்காலமாகவே இடைத்தரகர்களின் ஆதிக்கம் கொடிகட்டிப் பறந்து வந்துள்ளது. கடந்த காலங்களில், 20% முதல் 30% வரை கமிஷன் கொடுக்காமல் புத்தகங்களை நூலகங்களுக்குக் கொடுக்க முடியாது என்கிற நிலைதான் எல்லா ஆட்சிக் காலங்களிலும் இருந்தது. மிகப்பெரிய பதிப்பகங்கள் இதிலிருந்து தப்பியிருக்கலாம். மட்டமான மலிவான மட்டித்தாளில் (Newsprint quality paper) நூலகங்களுக்கான புத்தகங்களை அச்சிடும் மோசடியும் பல காலமாக நடந்து வந்துள்ளது.
இந்த நிலையை ஒழித்து ஒற்றைச் சாளர முறையை 2024-ஆம் ஆண்டு திமுக அரசு அறிமுகப்படுத்தியது. பதிப்பாளர்கள் தங்கள் புத்தகங்களை நேரடியாக அரசின் இணையதளத்தில் விண்ணப்பிக்கலாம். கண்டிப்பாக ஐஎஸ்பிஎன் (ISBN) பெற்றிருக்க வேண்டும்; அச்சிடப்படும் தாள்கள் குறிப்பிட்ட தரத்தில் இருக்க வேண்டும்; கேள்விகளை நிவர்த்தி செய்வதற்கு நேரடியாக அரசின் உதவி எண் (Help-line); இப்படி நிறைய விதிமுறைகளுடன் இந்தத் திட்டம் நடைமுறைப்படுத்தப்பட்டது.

திரிஷாவும் விஜய்யும் எழுத்தாளர்களா? பெரியார் நூலகம்

 Ancy Bency : Breaking -  சில தினங்களுக்கு முன்பு முதல்வர் விஜயால் திறந்து வைக்கப்பட்ட கோவையில் அமைந்துள்ள பெரியார் நூலகத்தில் புத்தகங்களை வாங்கியதில் பல கோடி ரூபாய் ஊழல்
வெறும் 300 ரூபாய் மதிப்பில் உள்ள புத்தகங்களை 1500 ரூபாய் விலை கொடுத்து வாங்கியிருக்கிறார்கள்
இது தொடர்பாக எழுத்தாளர் பெருமாள் முருகன் பல முக்கியமான குற்றச்சாட்டுகளை முன் வைத்துள்ளார்
முந்தைய திமுக ஆட்சி காலத்தில் ஜனவரி மாதத்தில் புத்தகங்களை வாங்குவதற்கான ஒப்பந்தங்கள் போடப்பட்டது எனவே இதுகுறித்து விசாரணை நடத்தப்படும் என பள்ளிக்கல்வித்துறை அமைச்சர் ராஜ்மோகன் கூறியுள்ளார்
ஆனால் ஜூன் ஜூலை மாதங்களில் ஆய்வுக் கூட்டம் நடத்தி புத்தகப் பரிந்துரை குழுவுடன் பதிப்பக உரிமையாளருடன் கூட்டங்கள் நடந்துள்ளது நிறைய திமுக ஆதரவு பதிப்பகங்கள் நீக்கப்பட்டது குறிப்பாக நக்கீரன் பதிப்பகம் 
ஆனால் வாதத்துக்கு வைத்துக் கொண்டாலும இந்த பினிக்ஸ் பதிப்பகம் திமுக காசு வாங்கியிருந்ததாக இருந்தால் இவர்கள் ஏன் அந்தப் பதிப்பகத்தை நீக்கவில்லை

பெரியார் அறிவுலகத்தில் பெரிய ஊழல் - தவே க ஆட்சியில்

tvk sindhai.com - பெருமாள்முருகன் :  கடந்த திமுக ஆட்சியில் தீட்டப்பட்ட ’பெரியார் அறிவுலகம்’ என்னும் நவீன நூலகத் திட்டம் தற்போது முடிவு பெற்று முதல்வர் ஜோசப் விஜய்யால் 2026 அக்டோபர் 16 அன்று திறந்து வைக்கப்பட்டது. 
ஏழு ஏக்கர் பரப்பளவில் ஏறத்தாழ முந்நூறு கோடி ரூபாய் செலவில் ஏழு தளங்களைக் கொண்ட கட்டிடமாக இந்நூலகம் உருப்பெற்றுள்ளது. 
சென்னை அண்ணா நூற்றாண்டு நினைவு நூலகம், மதுரை கலைஞர் நூற்றாண்டு நினைவு நூலகம் போல இந்நூலகமும் பல்வேறு வசதிகளுடன் அமைக்கப்பட்டுள்ளது. 
நூலகத்தின் முகப்பில் பெரியார் சிலை அற்புதமாக வடிவமைக்கப்பட்டுள்ளது.

தவெக பூபாலன்- போதைப் பொருள் கடத்தலில் தாவூத் கும்பல்...

  minnambalam.com Mathi  : தமிழகத்தில் ஆளும் தமிழக வெற்றிக் கழகத்தின் முன்னாள் நிர்வாகி நாகை பூபாலன் பிடிபடுவதற்கு காரணமான ரூ.3,000 கோடி போதைப்பொருள் கடத்தல் சம்பவத்தில் தாவூத் இப்ராஹிம் கும்பலுக்குத் தொடர்பு இருப்பதாக இந்திய உளவுத்துறை வட்டாரங்களை மேற்கோள்காட்டி IANS செய்தி நிறுவனம் கூடுதல் தகவல்களை வெளியிட்டுள்ளது.
லட்சத்தீவு அருகே அரபிக்கடலில் செப்டம்பர் 25-ந் தேதி இந்திய கடலோரக் காவல்படை நடத்திய அதிரடி நடவடிக்கையில் சுமார் 526 கிலோ மெத்தாம்பெட்டமைன் மற்றும் ஹெராயின் போதைப்பொருட்கள் பறிமுதல் செய்யப்பட்டன.

டொனால்டு ட்ரம்ப் கட்சிக்கு தேர்தல்களில் தோல்வி ! இடைக்கால தேர்தல்: குடியரசுக் கட்சியின் கோட்டைகளுக்குள் தடம் பதித்த ஜனநாயகக் கட்சி

 பி பி சி தமிழ் : இது ஏற்கனவே ஜனநாயகக் கட்சியினருக்கு ஒரு வரலாற்றுச் சிறப்புமிக்க இரவாக உருவெடுத்து வருகிறது. அந்தக் கட்சி அமெரிக்க பிரதிநிதிகள் சபையின் கட்டுப்பாட்டைக் கைப்பற்றியதுடன், செனட்டின் கட்டுப்பாட்டையும் தங்கள்வசப்படுத்தும் பாதையில் முன்னேறி வருகிறது.
செனட் தேர்தலில் ஜனநாயகக் கட்சி தனது முதல் அதிர்ச்சி வெற்றியைப் பதிவு செய்தது. முன்னாள் செனட்டர் லிண்ட்ஸி கிரஹாமின் மரணத்திற்குப் பிறகு அந்த இடத்திற்கு நியமிக்கப்பட்டிருந்த டார்லின் கிரஹாமை அன்னி ஆண்ட்ரூஸ் தோற்கடித்தார்.
சில மாதங்களுக்கு முன்புவரை கூட, அந்தத் தொகுதி கடுமையான போட்டி நிலைக்கு வரும் என்று மிகச் சில அரசியல் ஆய்வாளர்களே கருதினர்.

சமஸ்கிருத மந்திரம் முழங்க நடந்த துரைமுருகன் இல்ல திருமண விழா: இதயம் வலிப்பதாக திராவிட இயக்கத்தினர் கடும் கோபம்

Kulitalai Mano ; திமுக வின் கலாச்சாரத்தை துரைமுருகன் மாற்றினார் என நினைத்தால் நாம் முட்டாள் தலைமை யின் குடும்பத்தில் ஆரம்பித்த கோணல் திமுக வின் அடித்தளத்தை அசைத்திருக்கிறது ஒரு கோடிக்கும் மேலான தொண்டர்களைக் கொண்ட ஒரு மாபெரும் இயக்கத்தின் தலைவர் வீடு அந்த வீட்டில் கொலு நடத்தி பார்ப்பனர்களை வரவேற்று தட்சணை தரும் நிலையில் துர்கா வின் நம்பிக்கையில் தலையிடமாட்டோம் என்ற Escapeism இன்று இந்த தைரியத்தை துரைமுருகனுக்கு தந்திருக்கிறது கட்சி வேண்டும்னு நினைச்சா மாறுங்க இல்லை எனில் கட்சியை கலைச்சிடுங்க

 தினமலர் : சென்னை: தி.மு.க., பொதுச்செயலர் துரைமுருகன் இல்ல திருமண விழா, சமஸ்கிருத மந்திரம் ஒலிக்க நடைபெற்றதால், தி.மு.க., முன்னாள் எம்.பி., செந்தில்குமார், திராவிட இயக்க தமிழர் பேரவை தலைவர் சுப.வீரபாண்டியன் உள்ளிட்டோர் புலம்பி வருகின்றனர்.

தினசரி 6 காட்சிகளுக்கு அனுமதி நடிகரின் ஆட்சி சினிமாவுக்கு சலுகை

 மின்னம்பலம் - Pandeeswari Gurusamy : தமிழகத்தில் வெளியாகும் புதிய திரைப்படங்களை வெளியாகும் நாளில் இருந்து ஒரு வாரத்திற்கு தினமும் 6 காட்சிகள் திரையிட தமிழக முதல்வர் விஜய் அனுமதி வழங்கி உள்ளார்.
இதுகுறித்து வெளியிடப்பட்டுள்ள செய்தி குறிப்பில், “தமிழ் பிலிம் ஆக்டிவ் ப்ரொடியுசர்ஸ் அசோசியேஷன்ஸ், தமிழ்த் திரைப்படத் தயாரிப்பாளர் சங்கம் மற்றும் தமிழ்நாடு திரையரங்கு மற்றும் மல்டிபிளெக்ஸ் உரிமையாளர்கள் சங்கம் ஆகியோர் பல்வேறு கோரிக்கைகளை தமிழக அரசிடம் முன்வைத்தனர். அவற்றில் முக்கியமாக, தமிழ்நாடு முழுவதும் உள்ள திரையரங்குகளில் புதிய தமிழ்த் திரைப்படங்கள் வெளியிடும் நாளிலிருந்து ஒரு வார காலத்திற்கு திரைப்படங்களை நாளொன்றுக்கு ஆறு காட்சிகள் காலை 06.00 மணியிலிருந்து அடுத்த நாள் காலை 02.30 மணி வரை திரையிட அனுமதியளிக்கும்படி கோரியிருந்தனர்.

திமுக தலைவர்களின் பார்ப்பன மயக்கம் - குமுறும் உடன்பிறப்புக்கள்

 திமுக ஆதரவாளர்களின் உட்கட்சி  கருத்து பரிமாறல்கள் வரவேற்கப்பட வேண்டிய  உன்னத ஜனநாயக பண்பு! அழுத்தமான கொள்கை சார்ந்த ஒரு கட்சியில்தான் இது சாத்தியமாகும்.
தவறான பாதையில் தலைவர்கள் சென்றாலும் தடுத்து நிறுத்தி திருத்தி வேண்டும் , வெறும் ஜால்றா அடிப்பது மட்டுமே கழக பணியாகாது 
சாந்தி நாராயணன் : முதுமை கலைஞரை  முடக்கியிருக்கிறது.
மூடநம்பிக்கைகள் திமுகவை முடக்கி விடாமல் இருக்கட்டும்.
திருஷ்டி பேசும் துரைமுருகன்
காவிரி புஷ்கரத்துக்கு பூஜை போடப்போன செயல்தலைவர் மனைவி  துர்க்கா 
ஆயுதபூசை கொண்டாடும் அன்பில் மகேஷ் 
சூரசம்ஹாரத்திற்கு பெரியார் அண்ணா கலைஞர் படத்தோடு சுவரொட்டி அடிக்கிற அனிதா  ராதாகிருஷ்ணன்.

5 தென்னிந்திய மாநிலங்களுக்கு ரூ.18,534 கோடி.. உ.பி.க்கு மட்டும் ரூ.19,208 கோடி வரிப் பகிர்வு!

 minnambalam.com - Mathi :  மத்திய அரசு விடுவித்துள்ள வரிப் பகிர்வு நிதியில் தமிழ்நாடு உள்ளிட்ட 5 தென்னிந்திய மாநிலங்களுக்கு மொத்தமாக ரூ.18,534 கோடி வழங்கப்பட்டுள்ளது. ஆனால் உத்தரப் பிரதேசம் என்ற ஒரே மாநிலத்துக்கு மட்டும் ரூ.19,208 கோடி விடுவிக்கப்பட்டுள்ளது.
மத்திய அரசு மாநிலங்களுக்கு வழக்கமாக ஒவ்வொரு மாதமும் வழங்கும் வரிப் பகிர்வு நிதியுடன் கூடுதலாக, அக்டோபர் 31-ந் தேதி ரூ.1,09,019 கோடியை விடுவித்துள்ளது. நடப்பு நிதியாண்டில் மாநிலங்களுக்கு வழங்கப்படும் 2-வது கூடுதல் தவணை இதுவாகும்.

Teesta Javed Setalvad — ஒரு “சமூகச் செயற்பாட்டாளர்” மட்டும்தான் ஆனால் பயங்கர பணக்காரி !

 Sivanesan Rasiah  : பல தலைமுறைகளுக்கு முன்பே வேரூன்றியிருந்த, 
பிறரைச் சார்ந்து வாழும் ஒட்டுண்ணி அமைப்பு ஒன்றின் வீழ்ச்சி...
அமிதாப் பச்சனின் பங்களாவைத் தாண்டி, அந்தச் சாலையில் தொழிலதிபர்களுக்குச் சொந்தமான இரண்டு அல்லது மூன்று பங்களாக்கள் மட்டுமே உள்ளன.
அந்தச் சாலையில் பிரம்மாண்டமான ஒரு பங்களா இருக்கிறது. அதன் பெயர் “நிரந்தர்” (Niranter).
இந்தப் பங்களா, அமிதாப் பச்சனின் பங்களாவைவிட மூன்று மடங்கு பெரியது. ஏறத்தாழ மூன்று ஏக்கர் பரப்பளவில் புல்வெளியைக் கொண்டுள்ளது. அளவுக்கு அதிகமான ஆடம்பரத்துடன் அமைந்திருக்கிறது.

ஆக நாம இனிமே கண்காணிக்க படுறோம்.

 குமரிக் கிழவனார் :  இன்று காலை மாவட்ட காவல் கண்காணிப்பாளர் அலுவலகத்தில் இருந்து தம்பியை அழைத்திருக்கிறார்கள்.........
பதினாறு வருசமா முகநூலில் எழுதுகிறேன் 
இந்த புனைப்பெயரில் எழுதுவது இது ஏழாவது வருடம். 
கூடன்குளம் பிரச்சனையில் ஒன்றிய அரசிற்கு எதிராக எழுதிய போது கவனம் பெற்றேன் 
அதை தொடர்ந்து இரண்டாயிரத்தி பதினாறில் பண மதிப்பிழப்பின் போதும் இரண்டாயிரத்தி பதினாறு தேர்தலின் போதும் ஆளுங்கட்சிக்கு எதிராக எழுதினேன். இணையம் போலி துறைமுகதிட்டம் கோவளம் துறைமுக திட்டம் இரண்டுக்கு எதிராக தீவிரிமாக எழுதியிருக்கிறேன்
ஓகி புயலின் போது நடந்த தில்லுமுல்லுகள் சாதி சண்டை மூட்டல்கள் பற்றி எழுதியிருக்கிறேன். குமரி மாவட்டத்தில் மதச்சண்டை தூபம் போட்டுகொண்டிருந்த கூட்டத்தை கடுமையாக எழுதி அது கொலை மிரட்டல் வரைக்கும் போயிருக்கிறது. வேறொரு சம்பவத்தில் சுயசாதி சங்க ரவுடிகள் இரவு வீடு வரை வந்து அப்பாவை மிரட்ட பார்த்து அவரிடம் வாங்கி கட்டி கொண்டு போனார்கள்.....

சவுக்குசங்கர் ... பாப்பா மாலதிக்கு இடையில் என்ன உறவு?

 Barani Pillai :   சவுக்கு... பாப்பா மாலதி... காருக்குள் நடந்தை போட்டுடைத்த டிரைவர்...
சவுக்கு சங்கருக்கு அவருடன் பயணிக்கும் மாலதிக்கு இடையில் நடந்த சம்பவம் என்ன என்பதை , சவுக்கு சங்கருக்கு சுமார் ஒரு வருடமாக டிரைவராக இருந்த கோபிநாத் என்பவர் போட்டுடைத்து உள்ளார், அவர் பேசிய விவரங்களை கேட்டவர்கள், சவுக்கு சங்கர் மாலதி இருவரும் இவ்வளவு கேவலமானவர்களா.? என்று காறி உமிழும் வகையில் உள்ளது என இந்த டிரைவர் பேசும் வீடியோவை பார்த்த பலரும் கருத்துக்களை பகிர்ந்து வருகிறார்கள்.
குறிப்பாக சவுக்கு சங்கரை பேட்டி எடுக்கும் மாலதி, அவரை சார் அது அப்படி இல்லை சார், இது இப்படி இல்லை சார் என மூச்சுக்கு முந்நூறு தடவை சார் சார் என்று அழைப்பார், அதே போன்று மாலதியை சொல்லுங்க மாலதி, என அவங்க , இவங்க என்று தான் மாலதியை சவுக்கு சங்கர் அழைப்பார்,

அன்பில் மகேஷ் - பெண் தொழிலதிபர் சண்முகப்பிரியா! மத்திய குற்றப்பிரிவு போலீசார் அதிரடி ரெய்டு – திடுக்கிட வைக்கும் பின்னணி என்ன?

 Barani Pillai  : அன்பில் மகேஷ் (48)லஞ்ச வழக்கு: பிரபலபெண் தொழிலதிபர் சண்முகப்பிரியா (36)வீட்டில் மத்திய குற்றப்பிரிவு போலீசார் அதிரடி ரெய்டு – திடுக்கிட வைக்கும் பின்னணி என்ன?
தனியார் பள்ளிகளுக்கு அங்கீகாரம் பெற்றுத் தருவதாகக் கூறி ரூ. 100 கோடி முதல் ரூ. 400 கோடி வரை லஞ்சம் பெற்றதாக எழுந்த புகாரில் [திமுக முன்னாள் அமைச்சர் அன்பில் மகேஷ் பொய்யாமொழி அண்மையில் கைது செய்யப்பட்டார். இந்த வழக்கின் அதிரடித் திருப்பமாக, சென்னை பெருங்குடியில் உள்ள 'ராம்ஸ் ராகஸ்ரீ வில்லாஸ்' அடுக்குமாடி குடியிருப்பில் வசித்து வரும் பெண் தொழிலதிபர் சண்முகப்பிரியா என்பவரது வீட்டில் சென்னை மத்திய குற்றப்பிரிவு (CCB) போலீசார் இன்று காலை முதல் தீவிர சோதனை நடத்தி வருகின்றனர். 

BanTheScan:கலையரசன் கைது எழுப்பும் இரு பிரச்சினை

 மின்னம்பலம் -  ரவிக்குமார்  : பொருளாதார அறிஞர் கலையரசன் கைது செய்யப்பட்டது அவரது புகைப்படத்தைத் தவறாகப் பயன்படுத்தி அவதூறாகப் பதிவிட்ட ஒரு இன்ஸ்டாகிராம் கணக்கினால் நேர்ந்தது எனத் தெரிகிறது. காவல்துறையினர் அந்தக் கணக்கில் இருந்த அவரது புகைப்படத்தை ‘முக அங்கீகாரத் தொழில்நுட்பத்தைப்’ ( Facial Recognition Technology – FRT ) பயன்படுத்தி அவரது முகவரி கண்டுபிடிக்கப்பட்டிருக்கலாம் என யூகிக்க முடிகிறது.
இதில் பின்வரும் இரண்டு பிரச்சினைகளை நாம் பார்க்கிறோம்.
ஒன்று: முக அங்கீகாரத் தொழில் நுட்பத்தைக் காவல்துறை பயன்படுத்துவது நமது அந்தரங்க உரிமையைப் பறிக்கிறதா?

BC OBC மக்கள் இந்த தனித்தொகுதிகளுக்கு எதிராக புரட்சி செய்திருக்க வேண்டும்.

 Ancy Bency :  தற்போதைய உடனடி தேவை BC. OBC மக்களின் ஒற்றுமை.
நாடாளுமன்ற தேர்தலில் போட்டி போட குறைந்தபட்ச வயது வரம்பு 25 ஆகும். 
1962 இல் ஒருவருக்கு 25 வயது ஆகி இருந்தால் இன்று அவரின் வயது 89 ஆகி இருக்கும், 
ஒரு சராசரி இந்தியனின் ஆயுட்காலம் என்பது 60 வயதாகும், 
தனது வாழ்நாள் முழுக்க தான் பிறந்த மண்ணின் தேர்தல் ஜனநாயகத்தில் ஒரு மனிதனால் பங்கெடுக்க முடியாவிட்டால் அம்மனிதன் அந்நாட்டின் இரண்டாம் தர குடிமகன் ஆவான்.
நினைத்துப்பாருங்கள் இந்த நாட்டுக்கு நம்முடைய முன்னோர்கள் ரத்தம் சிந்தி சுதந்திரம் வாங்கிக்கொடுத்தார்கள், 
அன்று அவர்கள் நினைத்திருப்பார்களா நாம் சுதந்திரத்திற்காக வெள்ளையனை எதிர்த்து உயிர் விடப் போகிறோம், 

இஸ்ரேல் தேர்தல் யாருக்கும் பெரும்பான்மை இல்லை! ஆட்சி அமைப்பதில் இழுபறி

 பி பி சி தமிழ் :இஸ்ரேல் தேர்தல்: எந்தக் கட்சிக்கும் தெளிவான பெரும்பான்மை இல்லாதபோது அரசாங்கம் எப்படி அமைக்கப்படுகிறது?
கடந்த 1948ஆம் ஆண்டு இஸ்ரேல் நிறுவப்பட்டதில் இருந்து அந்நாட்டில் கூட்டணி அரசுகளே அமைந்து வந்துள்ளன. ஆனால், அடுத்த அரசாங்கத்தில் தற்போதைய பிரதமர் பெஞ்சமின் நெதன்யாகு இடம் பெறுவாரா?
ஹமாஸ் தலைமையிலான தாக்குதல், 2023 அக்டோபர் 7ஆம் தேதி நடந்த பிறகு நடைபெறும் முதல் பொதுத் தேர்தலுக்காக, அக்டோபர் 27ஆம் தேதி இஸ்ரேல் வாக்களித்தது.

தவெக ஆட்சியில் 50 கைதிகள் தப்பி சென்றுள்ளனர்; மக்களுக்கும் பாதுகாப்பு இல்ல, போலீசுக்கும் பாதுகாப்பு இல்லை

 dinakaran.com  -MuthuKumar : சென்னை: திமுக சட்டத்துறை இணைச் செயலாளர் இ.பரந்தாமன் சென்னை அண்ணா அறிவாலயத்தில் நேற்று அளித்த பேட்டி:
தேனி மாவட்டத்தில் சிறைச்சாலையில் இருந்து 17 பேர் வந்து தப்பி ஓடி இருக்காங்க. இந்த ஆட்சியில் மக்களுக்கும் பாதுகாப்பு இல்ல, போலீசுக்கும் பாதுகாப்பு இல்லை. இதுவரைக்கும் தவெக ஆட்சியில 50 பேர் சிறைக்காவலில் இருந்து தப்பித்திருக்கிறாங்கன்னா என்ன நிர்வாகம் செய்கிறார் தமிழ்நாட்டுடைய முதல்வர்? இதுபோன்ற ஒரு சம்பவம் தமிழ்நாட்டில இதுவரைக்கும் நடந்ததே கிடையாது.