நடிகை கங்கனா : தீண்டத்தகாதவள்போல் நடத்தப்பட்டேன்

தீண்டத்தகாதவள்போல் நடத்தப்பட்டேன் என வேதனையுடன் கூறினார் தேசிய விருது வென்ற கங்கனா ரனாவத்.‘குயின்' இந்தி படத்தில் நடித்த கங்கனா ரனாவத் சிறந்த நடிகைக்கான தேசிய விருது வென்றிருக்கிறார். அவர் கூறியது:கேங்ஸ்டர் இந்தி படத்தில் நடித்தபிறகு என்னிடம் நடிப்பு திறமை குவிந்திருப்பதாக கூறினார்கள். தேசிய விருது என்பது பிராந்திய படங்களின்  நடிப்புக்கான கணக்காகவும் எடுத்துக் கொள்ளப்படுவதால் அதை நான் மதிக்கிறேன். ஆனால் ஒரு கட்டத்தில் நான் மதிப்பு குறைவாக நடத்தப் பட்டிருக்கிறேன். தீண்டத்தகாத பெண்போல் பாவித்ததுடன் கடுமையான வார்த்தைகளால் திட்டி இருக்கின்றனர். அதற்கு எனது தரப்பிலிருந்து நான் எந்த எதிர்ப்பும் தெரிவித்ததில்லை. நான் பேசும் பாணி, உடை அணியும் தன்மை போன்றவற்றையும் கேலி செய்வார்கள். ஒரு கட்டத்தில் தீவின் நடுவே அகப்பட்டுக்கொண்ட நபர் போலவே என் நிலைமையும் ஆனது.

AirIndia விமானத்தை கடத்த முயன்ற 5 பாகிஸ்தான் சந்தேக நபர்களை கோட்டை விட்ட ஏர் இந்தியா?

Hijack attempt foiled on board Air India flight to London?

ஏர் இந்தியா நிறுவனத்துக்கு சொந்தமான விமானம் ஒன்று சமீபத்தில் டெல்லியில் இருந்து லண்டனுக்கு புறப்பட்டுச் சென்றது. நடுவானில் அந்த விமானம் பறந்து கொண்டிருந்தபோது, பயணி ஒருவர் திடீரென தனக்கு உடல்நலக்குறைவு ஏற்பட்டுள்ளதாக கூறினார். இதையடுத்து அந்த பயணிக்கு விமானப் பணிப்பெண்கள் அவசர உதவிகள் செய்தனர். அப்போது பயணிகளில் 5 பேர் எழுந்து வந்தனர். தங்களை டாக்டர்கள் என்று கூறிக்கொண்ட அவர்கள், உடல்நலக் குறைவு என்று கூறப்பட்ட பயணியை சோதித்தனர். பிறகு அவர்கள் 5 பேரும் விமான கேப்டனை வரச் சொல்லுங்கள் அல்லது கேப்டன் அறைக்குள் அனுமதியுங்கள் என்று வலியுறுத்தினார்கள். ஆனால் அவர்கள் நடவடிக்கைகளில் சந்தேகம் அடைந்த விமானப் பணிப்பெண்கள், 5 பேரையும் விமானி அறைக்குள் செல்ல அனுமதிக்க மறுத்து விட்டனர்.
இதற்கிடையே டாக்டர்கள் என்று கூறிக்கொண்ட 5 பேரும் உடல்நலம் பாதிக்கப்பட்டுள்ள பயணிக்கு கேப்டன் அறைக்குள் வைத்து சிகிச்சை அளிக்க வேண்டும் என்று பிடிவாதமாக கூறியபடி இருந்தனர். ஆனால் கேப்டன் அவர்களை உள்ளே அனுமதிக்கவில்லை.
விமானம் லண்டன் சென்று சேர்ந்ததும் 5 பேரும் அவசரம் அவசரமாக வெளியேறி சென்று விட்டனர். அவர்களது நடவடிக்கைகளால் சந்தேகம் அடைந்த விமானப் பணிப்பெண்கள் இதுபற்றி விமான நிறுவனத்திடம் தகவல் தெரிவித்தனர்.
இதையடுத்து டாக்டர்கள் என்று கூறிய 5 பேர்கள் பற்றி ஏர்–இந்தியா நிறுவனம் ஆய்வு செய்தது. அப்போது அவர்கள் 5 பேரும் பாகிஸ்தானை சேர்ந்தவர்கள் என்று தெரிந்தது. அவர்கள் குறிப்பிட்டிருந்த தொலைபேசி எண்களில் தொடர்பு கொண்டபோது அவை போலி என்று தெரிய வந்தது.
அதுபோல உடல் நலக்குறைவு என்று கூறிய பயணிக்கு உண்மையிலேயே உடல் நலக்குறைவு ஏற்படவில்லை என்றும், அவர் விமானப் பணிப் பெண்களை ஏமாற்ற நடித்து இருப்பதும் தெரிந்தது. அவரும் போலி தொடர்பு எண் கொடுத்திருந்தார். எனவே அவர்கள் 6 பேரும் பாகிஸ்தான் தீவிரவாதிகளாக இருக்கலாம் என்று சந்தேகிக்கப்படுகிறது.

காஷ்மீர் : இந்திய அணியின் தோல்வியை கொண்டாடினார்கள்!

ஸ்ரீநகர், உலக கோப்பை அரையிறுதி  ஆட்டத்தில் இந்திய அணியின் தோல்வியை காஷ்மீர் மக்கள் கொண்டாடியதால்  பரபரப்பு ஏற்பட்டுள்ளது உலக கோப்பை அரையிறுதி போட்டியில் கடந்த வியாழக்கிழமை நடைபெற்ற போட்டியில் இந்திய அணி ஆஸ்திரேலியை எதிர்கொண்டது. இந்த போட்டியில் 95 ரன்கள் வித்தியாசத்தில் இந்தியாவை வீழ்த்திய ஆஸ்திரேலிய அணி இறுதி போட்டிக்குள் நுழைந்தது. இந்திய அணியின் தோல்வியை தாங்க முடியாத பல ரசிகர்கள் மைதானத்திலேயே கண்ணீர் விட்டனர். அதேபோல், இந்தியாவிலும் ரசிகர்கள் சோகம் அடைந்தனர். சிலர் தங்கள் தொலைக்காட்சி பெட்டிகளை உடைத்தும் எதிர்ப்பையும் பதிவு செய்தனர். 

தூத்துக்குடி:10 வகுப்பு தேர்வு எழுதவிடாமல் தடுத்த தலைமையாசிரியர் 14 மாணவர்களுக்கு கல்வி மறுப்பு?

நீண்டகாலமா தமிழகத்தில் இருக்கும் பிரச்சினை தான்..ஒரு குறிப்பிட்ட மாவட்டம் மட்டும் அதிக தேர்ச்சி விகிதம் காட்டுவது எப்படி என்ற குட்டு சமீபத்தில் உடைந்தது..அது போன்று தான் இதுவும்..பல தனியார் பள்ளிகளும் சில அரசு பள்ளிகளும் கூட மாணவர்களை தேர்வு எழுத விடாமல் அதிக தேர்ச்சி விகிதம் காட்டி வருவது ஒன்றும் புதிதல்ல....பிஹார் சம்பவம் பிட்டை மட்டும் காட்டவில்லை பல பள்ளிகளின் குட்டையும் உடைத்தது
தூத்துக்குடி அருகேயுள்ள நாசரேத் பகுதி பள்ளியில் பள்ளி தலைமையாசிரியர் தடுத்ததால், தேர்வு எழுத முடியவில்லை என , மாணவர், அவரது பெற்றோர், உறவினர்களுடன் கலெக்டரிடம் புகார் தெரிவித்தனர்.இதே போல 14 மாணவர்கள் பாதிக்கப்பட்டதாகவும் தெரிவிக்கப்பட்டது.மாணவனின் தந்தை அழகு கலெக்டரிடம் அளித்த புகார்:

நாசரேத் பகுதியில் மர்காஷியஸ் பள்ளி உள்ளது. இப்பள்ளியில் என் மகன் முத்துராமன் பத்தாம் வகுப்பு படித்தான். தேர்வு கட்டணம் செலுத்திவிட்டான், அவனுக்கான ஹால்டிக்கெட் வந்துவிட்டது. ஆனால் பள்ளியின் தலைமையாசிரியர் ஜோசப் ஜெயராஜ் என் மகனிடம், '' நீ பத்தாம் வகுப்பு தேர்வில் தேர்ச்சியடையமாட்டாய், எனவே நீ பள்ளிக்கு வரவேண்டாம். தேர்வு எழுதவும் கூடாது'', என மிரட்டியுள்ளார்,' இதனால் மன உளைச்சல் அடைந்த எனது மகன் சென்னைக்கு ஓடி விட்டான்.

திமுக அதிமுக உட்பட அனைத்து கட்சிகளும் மேகதாது அணை பிரச்சனைக்காக டெல்லி......

காவிரியின் குறுக்கே கர்நாடகா அணை கட்டுவதை தடுக்கக் கோரும் சட்டசபை தீர்மானத்தை, பிரதமரிடம் வழங்க, தமிழகத்தைச் சேர்ந்த, எதிரெதிர் துருவங்களான தி.மு.க., - அ.தி.மு.க., ஒன்று சேர்கின்றன. அவற்றுடன், பா.ம.க., - பா.ஜ., - காங்., - கம்யூனிஸ்ட் என, எல்லா கட்சிகளின் எம்.பி.,க்களும் டில்லி செல்ல முன்வந்துள்ளனர். எலியும் பூனையுமாக இருக்கும் இக்கட்சிகள் அனைத்தும், இந்த விஷயத்தில், அ.தி.மு.க., அழைப்பை ஏற்று அணி சேர்ந்துள்ளது, அதிசய கூட்டணியாகவே கருதப்படுகிறது. 'காவிரியில் புதிய அணை கட்ட, கர்நாடகத்துக்கு மத்திய அரசு தடை விதிக்க வேண்டும்' என, சட்டசபையில் நேற்று தீர்மானம் நிறைவேற்றப்பட்டது. இந்த தீர்மானத்தை, டில்லியில், பிரதமர் மோடியிடம் அளிப்பதற்கு, தமிழகத்தைச் சேர்ந்த எல்லா கட்சிகளின், எம்.பி.,க்களும் வர வேண்டும் என, அ.தி.மு.க., தரப்பில், முதல்வர் பன்னீர்செல்வம் வேண்டுகோள் விடுத்தார்.அதை, பிரதான எதிர்க்கட்சியான, தி.மு.க., ஏற்றுக் கொண்டுள்ளதுடன், தன் கட்சி சார்பில், டில்லி செல்லும் குழுவில், திருச்சி சிவா இடம் பெறுவார் என்றும் அறிவித்துள்ளது.அதேபோல், பா.ம.க., தரப்பில், அக்கட்சியின் ஒரே எம்.பி.,யான அன்புமணியும், இதற்கு ஒப்புதல் அளித்துள்ளார்.  மாநில பிரச்சினைகளில் இணைந்து செயல்பட வேண்டும் என்பது திமுக உள்ளிட்ட எதிர்க்கட்சிகளின் நீண்ட கால கோரிக்கை. அதை அலட்சியப்படுத்தி வந்தது அதிமுக தான்.

66ஏ சட்டப் பிரிவுக்கு யார் பொறுப்பு?: ஆ.ராசா விளக்கம்

தகவல்தொழில்நுட்பச் சட்டத்தின் சர்ச்சைக்குரிய பிரிவான 66ஏ பிரிவுக்கு ஒட்டுமொத்த அமைச்சரவையுமே பொறுப்பு என்றும், தன்னை மட்டுமே பொறுப்பாக்கக்கூடாது என்றும் முன்னாள் மத்திய தொலைத்தொடர்புத் துறை அமைச்சர் ஆ.ராசா கூறியுள்ளார். இணையத்தில் தெரிவிக்கும் கருத்துகள் ஆட்சேபகரமாக இருந்தால், கருத்துத் தெரிவித்தவரை கைதுசெய்ய வழிவகுக்கும் தகவல் தொழில்நுட்பச் சட்டத்தின் 66ஏ பிரிவை ரத்துசெய்து சமீபத்தில் உச்ச நீதிமன்றம் உத்தரவிட்டது. இந்த நிலையில், இந்த சட்டம் குறித்து பேசிய முன்னாள் மத்திய சட்ட அமைச்சர் பரத்வாஜ், முன்னாள் மத்தியத் தொலைத்தொடர்புத் துறை அமைச்சர் ஆ.ராசா தான் இந்த பிரிவை உருவாக்கியவர் என்று கூறியதாக ஊடகங்களில் செய்திகள் வெளியாகின.

இதையடுத்து, இது தொடர்பாக விளக்கமளித்திருக்கும் ஆ.ராசா, இது போன்ற சட்டங்கள் உருவாகும்போது, அதனை ஒட்டுமொத்த அமைச்சரவையின் முடிவாகத்தான் கருத வேண்டுமே தவிர, தனிப்பட்ட ஒருவன் மீது பழி சொல்வது ஜனநாயக நெறிமுறைகளுக்கு ஏற்றதல்ல என்று கூறியுள்ளார்.

டீஸ்டா செடல்வாட்: வரலாற்று புத்தகங்களில் இருந்து அம்பேத்கர், பெரியார், நாராயண குரு, கான் அப்துல் கஃபார் கான், சந்தால்?

டீஸ்டா செடல்வாட். 2002 குஜராத் கலவர வழக்கைப் பற்றிப் பேசும்போது தவிர்க்க முடியாத பெயர்களில் முக்கியமானது. ஆளும் கட்சிக்கு எதிராகவும், இந்தியாவின் பெரிய மதவாத அமைப்புக்கு எதிராகவும் தொடர்ந்து போராடிவருவது அத்தனை எளிதல்ல. அந்தப் போராட்டத்தின் விளைவாக இவர் மீதும் இவரது செயல்பாடுகள் மீதும் கீழ்த்தரமான குற்றச்சாட்டுகள் முன்வைக்கப்பட்டன. கொலை மிரட்டல்கள் குவிந்தன. இவற்றுக்கெல்லாம் கொஞ்சமும் அசராமல், பாதிக்கப்பட்ட முஸ்லிம் மக்களுக்கு நீதி கேட்டுப் போராடுவதில் பின்வாங்காமல் இருப்பதொன்றே டீஸ்டாவின் மன உறுதிக்குச் சான்று. சென்னை வந்திருந்தவரிடம் பேசினோம்...

உங்கள் சமூகப் பார்வைக்கான அடித்தளம் எது?

ராமானுஜர் வரலாற்று தொடர் கலைஞர் டிவியில்! வசனம் கலைஞரேதான்!

ஆயிரம் ஆண்டுகளுக்கு முன்பாகவே சாதி, மதத்தை தன் வாழ்நாள் முழுவதும் எதிர்த்த ராமானுஜரைப் பற்றிய தொடரை எடுங்கள் என்று நடிகையும் இயக்குநருமான குட்டிபத்மினியிடம் உத்தரவிட்ட கலைஞர் கருணாநிதி, அந்த தொடருக்கு அவரே வசனம் எழுதப்போகிறார். 11வது நூற்றாண்டில் தமிழ்நாட்டின் ஸ்ரீபெரும்புதூரில் பிறந்த சமய சீர்திருத்தவாதியும், வைணவ சீர்திருத்தவாதியும், விசிஷ்டாத்வைத தத்துவத்தை கற்பித்தவருமான, ராமானுஜர் குறித்த தொலைக்காட்சித் தொடருக்கு திமுக தலைவர் கருணாநிதி வசனம் எழுதுவது சலசலப்பை ஏற்படுத்தியிருக்கிறது. ஆன்மீக துறவியான ராமானுஜரின் வரலாற்றை எழுத கருணாநிதியின் பேனா தலை வணங்குமா என்பதுதான் இப்போது பலரது கேள்வியாக உள்ளது. அதற்கான பதிலை தொடரைப் பார்த்து தெரிந்து கொள்ளுங்கள் என்கிறார் கருணாநிதி.

சவுக்கு : உடன்குடி ஒப்பந்தப்புள்ளிகள் ரத்து ஊழலோ ஊழல்! உடன்படாதகுடி.ஜெயலலிதா ஒரு மிகப்பெரிய அழிவுசக்தி !

2011ல் ஆட்சிக்கு வந்த உடன், திமுகவினரை கைது செய்தார்.    2011 இறுதியில் சசிகலாவை விரட்டினார்.   2012ல், சசிகலாவின் உறவினர்களை கைது செய்தார்.     2012 மத்தியில் சசிகலாவை மீண்டும் தோட்டத்துக்கு அழைத்தார்.   சிறை சென்ற மன்னார்குடி மாபியா உறுப்பினர்கள் அனைவரையும் விடுதலை செய்தார்.     2014 தொடக்கத்தில் சசிகலா வெளியேறியபோது, அவரை விமர்சனம் செய்த அமைச்சர்களையும், கட்சியினரையும் நீக்கினார்.    நான்காம் ஆண்டு முடிவில், அவரே சிறை சென்றார்.    தற்போது மேல் முறையீட்டில் உள்ள வழக்கோடு மல்லுக் கட்டிக் கொண்டு, தமிழகத்தில் எந்த திட்டமும் செயல்படுத்த விடாமல் தாமதப்படுத்துகிறார்.     தயாராக இருக்கும் மெட்ரோ ரயிலைக்கூட தொடங்க விடாமல் தாமதப்படுத்தி வரகிறார்
உடன்குடி அனல் மின் நிலையத்துக்கான ஒப்பந்தப்புள்ளிகள் ரத்து செய்யப்பட்டது குறித்து, கண்டிக்காத எதிர்க்கட்சிகளே இல்லை.     அந்த அளவுக்கு பரபரப்பாக விவாதிக்கப்பட்டுக் கொண்டிருக்கிறது.  ஆனால், தமிழக அரசோ எருமை மாட்டின் மீது மழை பெய்தது போல, கவலையே இல்லாமல் இருக்கிறது. தற்போது சென்னை உயர்நீதிமன்றத்தில் இது குறித்து வழக்கு தாக்கல் செய்யப்பட்டுள்ள நிலையில் இது குறித்த ஆவணங்களை அழிக்கும் பணியில், தலைமைச் செயலாளர் ஞானதேசிகன் ஈடுபட்டுள்ளதாக அதிர்ச்சியளிக்கும் தகவல் வந்துள்ளது.    அந்த முயற்சியை முறியடிப்பதற்காகவே இந்த கட்டுரை.

சௌகார் பேட்டை! வெட்டேத்தி சுந்தரம் என்ற காட்டேரி படம் எடுத்தவரின் புதியபடம்

மைனா, சாட்டை, மொசக்குட்டி படங்களை தொடர்ந்து ஷாலோம் ஸ்டுடியோஸ் ஜான்மேக்ஸ் அடுத்து தயாரிக்கும் படம் “ சவுகார்பேட்டை “
இந்தப் படத்தில் ஸ்ரீகாந்த் கதாநாயகனாக வித்தியாசமான வேடமேற்று நடிக்கிறார். நாயகியாக ராய் லட்சுமி நடிக்கிறார்.  மற்றும் சரவணன், விவேக், அப்புகுட்டி, கோட்டா சீனிவாசராவ், சம்பத், கோவை சரளா, சுமன், பவர்ஸ்டார் சீனிவாசன், நான் கடவுள் ராஜேந்திரன் ஆகியோர் நடிக்கிறார்கள்.
ஜான் பீட்டர் இசையமைக்க படத்துக்கு சீனிவாசரெட்டி ஒளிப்பதிவு செய்கிறார். கதை, திரைக்கதை எழுதி இயக்குகிறார் வி.சி..வடிவுடையான். இவர் 'தம்பிவெட்டோத்தி சுந்தரம்’ என்ற படத்தை இயக்கியதுடன், விரைவில் வெளியாக உள்ள “ கன்னியும் காளையும் செம்ம காதல் ‘படத்தையும் இயக்கி உள்ளார்.

மேகதாது அணை கட்ட தடை விதிக்க உச்ச நீதிமன்றில் தமிழகம் கோரிக்கை

காவிரியின் குறுக்கே மேகதாது என்ற இடத்தில் அணை கட்டும் கர்நாடக அரசின் நடவடிக்கைக்கு தடை விதிக்க கோரி, சுப்ரீம் கோர்ட்டில் தமிழக அரசு வழக்கு தொடர்ந்து உள்ளது. புதுடெல்லி, கர்நாடகத்தில் மேற்கு தொடர்ச்சி மலையில் உற்பத்தி ஆகும் காவிரி ஆறு தஞ்சை, நாகை, திருவாரூர் உள்ளிட்ட தமிழகத் தின் சில மாவட்டங் களுக்கு முக்கிய நீர் ஆதாரமாக விளங்குகிறது. காவிரி நீரை பகிர்ந்து கொள்வது தொடர்பாக தமிழ்நாட்டுக்கும், கர்நாடகத்துக்கும் இடையே நீண்ட காலமாக பிரச்சினை இருந்து வருகிறது. காவிரி நடுவர்மன்ற தீர்ப்பின்படி, தமிழகத்துக்கு வழங்க வேண்டிய தண்ணீரை கர்நாடகம் முறைப் படி வழங்குவது இல்லை. தங்கள் மாநிலத்தில் உள்ள அணைகள் நிரம்பினால் மட்டுமே, உபரி நீரை கர்நாடக அரசு தமிழ்நாட்டுக்கு திறந்து விடுகிறது. இந்த நிலையில், காவிரியின் குறுக்கே மேகதாது, ராசிமணல் ஆகிய இரு இடங்களில் புதிய அணைகளை கட்ட கர்நாடகம் திட்டமிட்டு அதற்கான பூர்வாங்க பணிகளை தொடங்கி இருக்கிறது.

நியூட்ரினோ திட்டத்துக்கு இடைக்காலத் தடை

தமிழக மாசுக் கட்டுப்பாட்டு வாரிய அனுமதியைப் பெறாமல் தேனி மாவட்டம், பொட்டிபுரத்தில் நியூட்ரினோ ஆராய்ச்சிப் பணிகளைத் தொடங்கக் கூடாது என மத்திய அரசுக்கு சென்னை உயர் நீதிமன்ற மதுரைக் கிளை வியாழக்கிழமை உத்தரவிட்டது.

மதிமுக பொதுச் செயலர் வைகோ தாக்கல் செய்த மனுவை விசாரித்த நீதிபதிகள் எஸ். தமிழ்வாணன், வி.எஸ். ரவி ஆகியோர் அடங்கிய அமர்வு இந்த இடைக்காலத் தடையுத்தரவைப் பிறப்பித்துள்ளது. பொட்டிபுரம் மலைப் பகுதியில் மத்திய அரசு ரூ. 1,000 கோடியில் நியூட்ரினோ ஆய்வகம் அமைக்க உள்ளது. இதில் பூமியின் தோற்றம் குறித்த துகள் ஆராய்ச்சி மேற்கொள்ளப்பட உள்ளதாகக் கூறப்படுகிறது. தற்போது அடிப்படை வசதிகளுக்கான பணிகள் நடைபெற்று வருகின்றன.

சந்திரிகா தலைமையில் இலங்கைத் தமிழர் மறுசீரமைப்புக் குழு

இலங்கைத் தமிழர் மறுசீரமைப்புக்காக அந்நாட்டின் முன்னாள் அதிபர் சந்திரிகா குமாரதுங்க தலைமையில் சிறப்பு நடவடிக்கைக் குழு அமைக்கப்பட்டுள்ளது. இலங்கைக்கு அண்மையில் அரசுமுறைப் பயணம் மேற்கொண்ட இந்தியப் பிரதமர் நரேந்திர மோடி, "தமிழர்கள் நலனைப் பாதுகாப்பதையும், அவர்களுக்கான மறுசீரமைப்பு நடவடிக்கைகளை மேற்கொள்வதையும் இலங்கை அரசு உறுதிப்படுத்த வேண்டும்' என்று வலியுறுத்தியிருந்தார். "தமிழர்கள் வசிக்கும் பகுதிகளுக்கு கூடுதல் அதிகாரம் வழங்கும் இலங்கை அரசின் 13-ஆவது சட்டத் திருத்தத்தை விரைவில் அமல்படுத்த வேண்டும்' என்றும் அவர் வலியுறுத்தியிருந்தார். இந்நிலையில், இலங்கைத் தமிழர்களை மீள்குடியேற்றம் செய்யவும், அவர்களுக்குத் தேவையான நலத் திட்டங்களை உடனடியாக மேற்கொள்வதற்காகவும், சிறப்பு நடவடிக்கைக் குழுவை அந்நாட்டின் புதிய அதிபராகப் பொறுப்பேற்றுள்ள மைத்ரிபால சிறீசேனா தலைமையிலான அரசு அமைத்துள்ளது. அந்நாட்டின் முதல் பெண் அதிபரான சந்திரிகா குமாரதுங்க அந்தக் குழுவுக்கு தலைவராக நியமிக்கப்பட்டுள்ளார்.

அதிகவிலையில் ஸ்பெக்ட்ரம் ஏலம் பொதுமக்கள் தலையில் வந்து விழும்! ராசா கூறியதுதான் சரி!

புதுடில்லி: ''தொலைத் தொடர்பு அலைக்கற்றைகளான, 'ஸ்பெக்ட்ரம்' ஏலத்தை, அதிக விலைக்கு தொலைத் தொடர்பு நிறுவனங்கள் வாங்கியுள்ளதால், அவற்றின் ஒட்டுமொத்த கடன், 3.5 லட்சம் கோடியாக உயரும். ''இதனால், தொலைத் தொடர்பு கட்டணங்கள் உயர்த்துவதைத் தவிர, இந்த நிறுவனங்களுக்கு வேறு வழியில்லை,'' என, 'அசோசேம்' எனப்படும், இந்திய வர்த்தக சபையின் (தொலைத் தொடர்பு) தலைவர், டி.வி.ராமச்சந்திரன் தெரிவித்துள்ளார்.நேற்று முன்தினம் நிறைவடைந்த ஸ்பெக்ட்ரம் ஏலம் மூலம், 1.09 லட்சம் கோடி ரூபாயை, மத்திய அரசு திரட்டியுள்ளது. அரசு நிர்ணயித்த விலையை விட, கூடுதலாக, 68 சதவீத பிரீமியத்தில், ஸ்பெக்ட்ரம் ஏலம் எடுக்கப்பட்டுள்ளதால், தொலைத் தொடர்பு நிறுவனங்களுக்கு கடன் பளு ஏற்பட்டுள்ளது. இதை சமாளிக்க, வேறு வழியின்றி, தொலைத் தொடர்பு சேவைகளுக்கான கட்டணங்கள் உயர்த்தப்படும் என்பது, ராமச்சந்திரனின் கருத்து தினமலர்.com  ஆ.ராசா இதைதான் அடித்து கூறினார் ஸ்பெக்ட்ரம் என்பது மக்களுக்கு சேரவேண்டிய சேவை அதில் அதிக லாபம் பார்க்க கூடாது என்றார் . இதனால்தான் மன்மோகன் சிங்கும் ஆதரித்தார். பிரம்மஸ்ரீ கிரிமினல் ஊடஹங்களும் ஒட்டு மொத்த சுயநலமிகளும் சேர்ந்து இதோடு ராசாவும் திமுகவும் ஒழியவேண்டும் என்று பிரசாரம் செய்தார்கள். இனி மக்கள் படிப்பார்கள்

ஜெயலலிதா விடுதலை ஆகிவிடுவோம் என்று எப்படி நம்புகிறார்? வழக்கின் வெயிட் என்ன?

கடந்த இரண்டு மாத காலத்துக்கும் மேலாக நடந்து வந்த ஜெயலலிதாவின் சொத்துக் குவிப்பு வழக்கின் மீதான மேல்முறையீடு புதன் கிழமையோடு முடிவுக்கு வந்துள்ளது. நீதிமன்றத்தில் வாதப் பிரதிவாதம் என்று நடந்த நாடகங்கள் குறித்து பின்னர் முழுமையாக பார்ப்போம்.
செப்டம்பர் 26 முதல், தமிழகம் இருந்து வரும் நிலைமை மிக மிக பரிதாபகரமானது. இந்தியாவில் வேறு எந்த மாநிலமும் சந்தித்திராத ஒரு அவல நிலையில் இருந்து வருகிறது.
தீவிர சிகிச்சைப்பிரிவில் கோமா நிலையில் இருக்கும் எதிர்க்கட்சிகள், செயலிழந்த நிர்வாகம், ஒரு தண்டிக்கப்பட்ட கைதியின் பெயரால் தடங்கலின்றி நடக்கும் கொள்ளை, மிரட்டப்படும் அதிகாரிகள், தங்கு தடையின்றி நடக்கும் வசூல், முடங்கிய தொழில் துறை, பூதாகரமாக அச்சுறுத்தும் மின்வெட்டு என்று தமிழகத்தை பீடிக்கும் பிரச்சினைகள் நாளுக்கு நாள் அதிகரித்துக் கொண்டே வருகின்றன.

துணை விமானி வேண்டுமென்றே மலையில் மோதியதாக குற்றச்சாட்டு

ஜெர்மன் விமானத்தை துணை விமானி ஆல்ப்ஸ் மலையில் வேண்டுமென்றே மோதி விபத்துக்குள்ளாகி இருக்கலாம் என்று விசாரணை அதிகாரி ஒருவர் பரபரப்பு தகவலை வெளியிட்டுள்ளார். ஸ்பெயின் நாட்டின் கடலோர நகரமான பார்சிலோனாவில் இருந்து ஜெர்மனின் டஸ்சல்டோர்ப் நகருக்கு நேற்று முன்தினம் புறப்பட்ட ஜெர்மன்விங்ஸ், 4யூ 9525 விமானம் பிரான்சின் ஆல்ப்ஸ் மலைப்பகுதியில் விழுந்து விபத்துக்குள்ளானது. இதில் பயணம் செய்த 16 பள்ளிக்குழந்தைகள் உட்பட 144 பயணிகளும், விமானிகள் உள்ளிட்ட 6 விமான ஊழியர்களும் மரணமடைந்தனர். இந்த விபத்து குறித்து அதிகாரிகள் விசாரித்து வருகின்றனர். விமானி ஒருவர் காக்பிட்டில் இருந்து வெளியேறினார். அதன்பின் கதவு மூடிக்கொண்டது. அவர் பலமுறை தட்டியும் துணை விமானி எந்த பதிலும் அளிக்க வில்லை. அதனால், அவர் மயக்கமான நிலையில் இருந்திருக்கலாம். ஆகையால் விமானம் மலை மீது மோதி விபத்து ஏற்பட்டு இருக்கலாம் என முதற்கட்ட விசாரணையில் தெரிய வந்துள்ளதாக அதிகாரிகள் கூறினார்கள்.

Cricket இந்திய அணிக்காக நாக்கை அறுத்துக் கொண்ட வேலூர் ரசிகர்! அதிமுக அடிமையாயிருப்பாரோ?

வேலூர்: உலகக் கோப்பை அரையிறுதிப் போட்டியில் இந்திய அணி வெற்றி பெற வேண்டி வேலூர் மாவட்டத்தைச் சேர்ந்த ரசிகர் ஒருவர் தனது நாக்கை அறுத்துக் கொண்டுள்ளார். உலகக் கோப்பை அரையிறுதிப் போட்டியில் இந்தியா-ஆஸ்திரேலியா அணிகள் மோதிய ஆட்டம் சிட்னி நகரில் இன்று நடைபெற்றது. இந்த போட்டியை காண இந்திய ரசிகர்கள் பலரும் அலுவலகங்கள், பள்ளி, கல்லூரிகளுக்கு விடுப்பு எடுத்தனர். இந்நிலையில் இந்திய அணி ஆஸ்திரேலியாவிடம் பரிதாபமாக தோல்வி அடைந்துள்ளது. டோணி நின்று விளையாடி அணியின் ரன்கள் கணிசமாக அதிகரிக்க பெரிதும் உதவினார். அவர் அவுட்டான பிறகு விக்கெட்டுகள் அடுத்தடுத்து விழுந்துவிட்டது. ஜெயலலிதாவுக்காக  மட்டுமா நாக்கை அறுப்போம்? கிரிகெட்டுக்காகவும் நாக்கை  அருப்போம்ல? தமிழனா கொக்கா?

குஷ்பூ: திமுகவை விட்டு வந்ததால் அதை விமர்சிக்கவேண்டும் என நினைக்கவில்லை

பெண்களுக்கு தட்டுப்பாடு ? பெண் சிசு கொலைகளால் ஆண்கள் நாயாக அலையவேண்டிய காலம் வந்து கொண்டு...

இயல்பான பாலின விகிதம் என்பது 1,000 ஆண்களுக்கு இணையான எண்ணிக்கையில் பெண்களும் இருப்பதுதான். ஆனால், 2011-ம் ஆண்டு மக்கள் தொகை கணக்கெடுப்பின்படி, இந்தியாவில் ஆண்- பெண் விகிதம் முறையே 1,000-க்கு 943 என்ற எண்ணிக்கையிலேயே உள்ளது. ஹரியாணா மாநிலத்தில் மேலும் குறைந்து 877 பெண்களே உள்ளனர்.

இதையடுத்து, பாலின விகிதத்தை சமமாக கொண்டு வரவும், கருவிலேயே பெண் சிசு அழிக்கப் படுவதைத் தடுக்கவும், புதிய சட்டம் கொண்டு வர ஹரியாணா அரசு முடிவு செய்துள்ளது. அதன்படி, பெண் கருவுற்ற 3 மாதங்களுக்குள், அந்த விவரத்தை அரசிடம் கட்டாயம் பதிவு செய்ய வேண்டும். இல்லையெனில், கருவுற்ற பெண்ணின் பெற்றோர் மீது குற்ற நடவடிக்கை எடுக்க அந்தச் சட்டத்தில் வழிவகை செய்யப்படும் என்று தெரிகிறது.

இரவும் பகலும் வரும் ! அங்காடிதெரு மகேஷுக்கு ப்ரேக் கொடுக்குமா?

பால ஸ்ரீராம் இயக்கத்தில் ’அங்காடித்தெரு’ மகேஷ், அனன்யா, இயக்குனர் வெங்கடேஷ், ஜெகன் நடித்து வெளியாகியிருக்கும் திரைப்படம் இரவும் பகலும் வரும். நாட்டில் அதிகமாகிவிட்ட கொள்ளை சம்பவங்களைப் பற்றி விவாதிக்கிறது இந்த திரைப்படம். எந்தவொரு மனிதனும் திருடனாக பிறப்பதில்லை, அவனைச் சுற்றியிருக்கும் சுழ்நிலையும், சந்தர்ப்பங்களுமே ஒருவனை திருடனாக்குகிறது என்பதைச் சொல்லியிருக்கிறார்கள். 

மிரட்டலுக்கு பயந்து வீடு மாறிய வேளாண் அதிகாரி குடும்பம்

திருநெல்வேலி: நெல்லையில், வேளாண் அதிகாரி முத்துக்குமாரசாமி தற்கொலை வழக்கில், அவிழாத மர்ம முடிச்சுகள் பல உள்ள நிலையில், வழக்கை, 'குளோஸ்' செய்து, அ.தி.மு.க.,வினரை காப்பாற்றும் நோக்கில், சி.பி.சி.ஐ.டி., போலீசார் செயல்பட்டு வருவதாக கூறப்படுகிறது. வேளாண் துறையில், டிரைவர்கள் நியமன விவகாரத்தில், நெருக்கடி காரணமாக, நெல்லையைச் சேர்ந்த வேளாண் அதிகாரி, முத்துக்குமாரசாமி, ரயில் முன் பாய்ந்து, தற்கொலை செய்து கொண்ட விவகாரம், தமிழகத்தில், பெரும் கொந்தளிப்பை ஏற்படுத்தியது. இந்த விவகாரம் தொடர்பாக, சி.பி.சி.ஐ.டி., போலீசார் விசாரணை நடத்தி வருகின்றனர். புதிதாக நியமனம் ஆன, ஏழு டிரைவர்களிடம் பணம் பெற்ற விவகாரம்தான் முன்னிலையில் உள்ளது. அ.தி.மு.க.,வினரிடம், அரசு வேலைக்காக, இரண்டு லட்சம்; மூன்று லட்சம் ரூபாய் கொடுத்து ஏமார்ந்தவர்கள், மொத்தம் 32 பேர்.

திருகோணமலை ஆயில் டாங்கிகள் இந்திய நிறுவனத்திற்கு குத்தகை

மஹிந்த ராஜபக்0ஷ அர­சாங்­கத்தின் காலத்தில், இந்­தி­யா­வுக்கு நெருக்­கடி கொடுக்­கப்­பட்ட, திரு­கோ­ண­மலை எண்ணெய்க் குதங்கள் விவ­கா­ரத்­துக்கு இப்­போது முற்­றுப்­புள்ளி வைக்­கப்­பட்­டுள்­ளது.

இந்­தியப் பிர­தமர் நரேந்­திர மோடியின் இலங்கைப் பய­ணத்தின் போது, திரு­கோ­ண­ம­லையில் உள்ள எண்ணெய்க் குதங்­களை, இந்­தி­யாவின் ஐ.ஓ.சி .(இந்­தியன் ஓயில் நிறு­வனம்) நிறு­வனம் ஊடாக புனரமைப்­ப­தற்கு இரு நாடு­களும் இணைந்து உடன்­பாடு ஒன்றில் கையெ­ழுத்­திட்­டுள்­ளன.

13 ஆண்­டு­க­ளுக்கு முன்னர், ரணில் விக்­கிர­ம­சிங்க பிர­த­ம­ராக இருந்த அர­சாங்­கத்­துடன் செய்து கொள்ளப்­பட்ட உடன்­பாட்­டுக்கு அமைய, திரு­கோ­ண­மலை எண்ணெய்க் குதங்­களின் மீதான கட்டுப்பாட்டை இந்­தியா தன்­வசம் எடுத்துக் கொண்­டி­ருந்­தாலும், மஹிந்த ராஜபக் ஷ அர­சாங்­கத்தில் அந்த உடன்­பாடு எந்த நேரத்­தி­லா­வது இடை­நி­றுத்­தப்­ப­டுமா என்ற கேள்வி நீடித்துக் கொண்டேயிருந்தது.

அப்­போது, திரு­கோ­ண­மலை எண்ணெய்க் குதங்­களை புன­ர­மைத்து பயன்­ப­டுத்­து­வ­தற்கு 35 ஆண்டுகால குத்­தகை உடன்­பாட்டில் ஐ.ஓ.சி. நிறு­வ­னத்­துடன் இலங்கை அர­சாங்கம் கையெழுத்திட்டிருந்­தது.

தேசிய மனித உரிமை கமிஷன் தலைவராகிறார் சதாசிவம்?

புதுடில்லி: கேரள மாநில கவர்னர் சதாசிவம்தேசிய மனித உரிமை கமிஷனின் தலைவர் பதவி வகிக்க விருப்பம் தெரிவித்துள்ளதாக கூறப்படுகிறது முன்னதாக (என்.எச்.ஆர்.சி) இப்பதவியில் இருந்து வரும் முன்னாள் சுப்ரீம் கோர்ட் நீதிபதி கே.ஜி.பாலகிருஷ்ணன் வரும் ஜூன் மாதம் ஒய்வு பெற உள்ளார். இதனையடுத்து அப்பதவிக்கு போட்டியிட சதாசிவம் விருப்பம் தெரிவி்த்துள்ளதாக தகவல்கள் தெரிவிக்கின்றன. கடந்த 1993-ம் ஆண்டு முதல் என்.எச்.ஆர்.சி பதவிக்கு ஒய்வு பெற்ற சுப்ரீம் கோர்ட் நீதிபதிகளே .தலைவர்களாக நியமிக்கப்பட்டு வந்துள்ளனர். ரங்கநாத்மிஸ்ரா (1993-96),எம்.வெங்கடசாலையா (1996-99),எஸ். வர்மா (1999-2003),ஏ.எஸ்., ஆனந்த் (2003-2006) ராஜேந்திரபாபு (2007-2009) ஆகியோர் குறிப்பிடத்தக்கவர்களாவர்.ஆஹா சதாசிவம் நிச்சயமாக மனித உரிமை கமிசனுக்கு மட்டுமல்ல ஜனாதிபதி பதவிக்கு கூட  ரொம்ப  லாயக்கானவர்தான். அவரது ட்ராக் ரிகார்ட் அப்படி. அமித்ஷா ஜெயலலிதா போன்றவர்கள்  சட்டத்தின் பிடியில்  இருந்து தப்பிக்க இந்தமாதிரி எல்லாம் தேவைதான் .

நாகார்ஜுனாவின் அன்னபூர்ணா ஸ்டூடியோ பறிமுதல்! கடன் சுமை ...

மறைந்த நாகேஸ்வரராவின்  மகன் நாகார்ஜுனா. இவரது குடும்பத்துக்கு சொந்தமான அன்னபூர்ணா சினிமா ஸ்டுடியோ ஐதராபாத்தில் ஜூப்ளி ஹில்ஸ் பகுதியில் உள்ளது. 7 ஏக்கர் பரப்பளவில் இது அமைந்திருக்கிறது. இந்த ஸ்டுடியோவுக்காக ஆந்திரா வங்கி, இந்தியன் வங்கி என 2 வங்கிகளில் சுமார் ரூ.62 கோடி கடன் பெறப்பட்டதாக கூறப்படுகிறது. அந்த தொகை திரும்ப செலுத்தாதையடுத்து ஸ்டுடியோவை வங்கி பறிமுதல் செய்திருக்கிறது என டோலிவுட் வட்டாரத்தில் தெரிவிக்கப்படுகிறது.இதுபற்றி வங்கி தரப்பிலான நோட்டீஸ், நாகார்ஜுனா, வெங்கட் அக்கினேனி, சுப்ரியா உள்ளிட்ட பலருக்கு அனுப்பப்பட்டது. அதில், ‘7 ஏக்கர் பரப்பிலான இந்த ஸ்டுடியோ மீது பெறப்பட்ட கடன் மற்றும் வட்டி திருப்பி செலுத்தப்படவில்லை. எனவே ஸ்டுடியோ பறிமுதல் செய்யப்பட்டிருக்கிறது. அத்துமீறுபவர்கள் மீது நடவடிக்கை எடுக்கப்படும்'  என தெரிவிக்கப்பட்டிருக்கிறது. இது டோலிவுட்டில் பரபரப்பை ஏற்படுத்தி உள்ளது. - See more at: .tamilmurasu.org

பெங்களூர் அதிகாரி மரணம்! சி சி டி வி கமெரா பதிவுகளை அழித்த போலீஸ்!

பெங்களூரில் ஐ.ஏ.எஸ். அதிகாரி டி.கே.ரவி தனது வீட்டில் மர்மமான முறையில் இறந்து கிடந்தது தொடர்பாக பல்வேறு சந்தேகங்கள் எழுந்துள்ள நிலையில், முக்கிய சிசிடிவி பதிவுகள் அழிக்கப்பட்டுவிட்டதாக அவரது குடும்பத்தினர் குற்றம் சாட்டியுள்ளனர். மணல் கடத்தலுக்கு எதிராக கடும் நடவடிக்கை எடுத்த நேர்மையான ஐ.ஏ.எஸ். அதிகாரியான டி.கே.ரவி, கடந்த வாரம் தனது வீட்டில் தூக்கில் பிணமாக தொங்கினார். இதுகுறித்து சிஐடி போலீசார் விசாரணை நடத்தி வந்த நிலையில், எதிர்க்கட்சிகள் மற்றும் சமூக அமைப்பினரின் தொடர் போராட்டத்தையடுத்து இவ்வழக்கு சி.பி.ஐ. வசம் ஒப்படைக்கப்பட்டது. இந்நிலையில், சம்பவம் நடந்த அடுக்குமாடி குடியிருப்பில் உள்ள சி.சி.டி.வி. கேமராவில் பதிவான முக்கிய காட்சிகளை விசாரணை அதிகாரிகள் அழித்துவிட்டதாக அதிகாரி ரவியின் குடும்பத்தினர் குற்றம் சாட்டியுள்ளனர்.

பன்னீர்செல்வம் பட்ஜெட் : கோயில்களை புதுப்பிக்க ரூ.90 கோடி… வேலையில்லா பட்டதாரிகளுக்கு ரூ.15 கோடி மட்டுமே!

சென்னை: 250 பழமையான கோயில்களை புதுப்பிக்க ரூ.90 கோடி நிதி ஒதுக்கீடு செய்துள்ள ஓ.பன்னீர்செல்வம் அரசு, வேலையில்லா பட்டதாரிகள் வேலைவாய்ப்பை உருவாக்க வெறும் 2015-16ஆம் நிதியாண்டில் வெறும் 15 கோடி ரூபாய் மட்டுமே ஒதுக்கீடு செய்துள்ளது. முதல்வரும் நிதியமைச்சருமான ஓ.பன்னீர்செல்வம், 2015-16-ஆம் ஆண்டுக்கான பட்ஜெட்டை இன்று தாக்கல் செய்தார். அதில் உள்ள சில முக்கிய அம்சங்கள் பள்ளி கல்வித் துறைக்கு ரூ.20,936 கோடி நிதி ஒதுக்கீடு செய்யப்பட்டுள்ளது. 107 தொடக்க பள்ளிகள் நடுத்தர பள்ளிகளாக தரம் உயர்த்தப்படும். ரூ.450 கோடி செலவில் பள்ளிகளில் கட்டமைப்பு. அரசு பள்ளிகள் அனைத்திலும் 100 சதவீதம் கழிப்பறை அமைக்கப்பட்டுள்ளது. சிறப்பு கல்வி உதவித்தொகைக்காக ரூ.361 கோடி நிதி ஒதுக்கப்பட்டுள்ளது. மாணவ, மாணவிகளுக்கு இலவச நோட்புக் வழங்க ரூ.1037.62 கோடி நிதி. உயர்கல்வித்துறைக்காக ரூ.3696 கோடி நிதி. விளையாட்டு மற்றும் இளைஞர் நலத்துறைக்கு ரூ.149.70 கோடி நிதி ஒதுக்கீடு.

ட்ராபிக் ராமசாமியை கொல்வதற்கு சதி நடந்திருக்கிறது! வீரபாண்டியாரை போலீஸ் வானில் அலைகழித்து....போல அதேபாணியில்?

நான்கரை மணிநேர அலைக்கழிப்பு காரணமாக சிறைக்குப் போன சில நிமிடங்களுக்குள்ளேயே மயக்கமடைந்துவிட்டார். மருத்துவமனைக்கு கொண்டு போனபோதும் அங்கும் அவரை நிம்மதியாக இருக்கவிடவில்லை. ஆனாலும் அசராத டிராபிக் ராமசாமி, என்னை கைது செஞ்சதுக்காக நான் கவலைப்படலை. வயசான காலத்துல கடவுளா பார்த்து எனக்கு கொடுத்த ரெஸ்ட்னு நினைச்சுக்குறேன். என்னை என்ன வேணும்னாலும் செய்யட்டும்... இந்த ராமசாமி ஓய மாட்டான் என்று அந்த நிலையிலும் கூறினார். அரசியல் எதிரிகளை கைது செய்வது, அவர்களை நாள் கணக்கில் போலீஸ் வேனில் சுற்ற விட்டு, உடல் நலக் குறைவை ஏற்படுத்தி, கதையை முடிப்பது என்பது அப்பட்டமான மனித உரிமை மீறல். இதை இந்த அரசு ஒரு ஆயுதமாகவே பயன்படுத்தி வருகிறது.

நம்ம தமிழ்நாட்டு போலீஸ் இதுவரை இத்தனை வேகமாக வேலை பார்த்து யாருமே பார்த்திருக்க மாட்டார்கள். அதிகாலையில கைது செஞ்சு, ஆறரை மணிக்கு நீதிபதி வீட்டுல் ஆஜர்படுத்தி, அடுத்த ஒரு மணிநேரத்தில் புழல் ஜெயில்ல அடைக்கிற அளவுக்கு அவர் செய்த தவறு என்ன என்பதுதான் அனைவரின் கேள்வியாக உள்ளது.

ஷ்ரேயா சிங்கால்! இணையதள சுதந்திரத்துக்காக போராடி வெற்றிவாகை சூடிய மாணவி

இணையதள கருத்து

சுதந்திரத் துக்காக உச்ச நீதிமன்றத்தில் வழக்கு தொடர்ந்த ஷ்ரேயா சிங் கால் சாதகமான தீர்ப்பைப் பெற்று வெற்றிவாகை சூடியுள்ளார்.

இதுகுறித்து அவர் கூறியதாவது:

கடந்த 2012-ம் ஆண்டில் சிவசேனா தலைவர் பால்தாக்கரே மறைவின்போது மும்பை முடங்கியது. இதுகுறித்து பேஸ் புக்கில் கருத்து தெரிவித்த பெண்ணும், அதை ஆமோதித்த அவரது தோழியும் கைது செய்யப்பட்டனர். இந்தச் சம்பவம் எனது மனதை பாதித்தது.

அப்போது நான் சட்டக் கல்லூரியில் படித்துக் கொண் டிருந்தேன். இணையதள கருத்துத் சுதந்திரத்தை மீட்க உறுதிபூண்டேன். 66 ஏ பிரிவு மத்திய, மாநில அரசுகளால் தவறாக பயன்படுத்தப்படுவதை சகித்துக் கொள்ள முடியவில்லை.

எனவே மக்களுக்காக நானே களம் இறங்க முடிவு செய்தேன். நேரடியாக உச்ச நீதிமன்றத்தில் வழக்கு தொடர்ந்தேன். இப்போது மிகப்பெரிய வெற்றி கிடைத் துள்ளது.

தற்கொலை செய்துகொண்ட அதிகாரியை மிரட்டியவர்கள் யார் யார்? குடும்பத்தினர் பேட்டி!

நெல்லை வேளாண் அதிகாரி முத்துக்குமாரசாமி, தற்கொலை செய்து கொள்ளும் முன், உள்ளூர் அ.தி.மு.க.,வினர், இரண்டு உயரதிகாரிகள் மிரட்டிய சம்பவம் அம்பலமாகி உள்ளது. முத்துக்குமாரசாமியின் மைத்துனர் வெளியிட்டுள்ள இந்த தகவலால், இந்த வழக்கின் விசாரணையில் திருப்பம் ஏற்படும் என, தெரிகிறது. வேளாண் பொறியியல் துறையில், நெல்லையில், உதவி செயற்பொறியாளராக பணியாற்றியவர், முத்துக்குமாரசாமி. தன் துறையில், காலியாக இருந்த ஏழு ஓட்டுனர் பணியிடங்களை நிரப்பிய விவகாரத்தில், தற்கொலை செய்து கொண்டதாக குற்றச்சாட்டு எழுந்தது. இந்த வழக்கை, சி.பி.சி.ஐ.டி., போலீஸ் விசாரணைக்கு விட்டது, தமிழக அரசு. முத்துக்குமாரசாமியின் மரணத்துக்கு பின்னணியில், ரியல் எஸ்டேட் நிறுவனத்தில், அவர் முதலீடு செய்திருந்த பணத்துக்கு, வருமானவரித் துறையினர், கணக்கு கேட்டு விசாரணைக்கு அழைத்தனர்.  இன்னா தெரியரதுன்னா  அதிகாரிகள் தங்கள் ஜால்ராவை ...பக்க வாத்தியத்துடன் ஆளும் கட்சிக்கு ...அபசுரம் இல்லாமல் வாசிக்க வேண்டும்

தமிழ் சினிமாவுக்கு 7 தேசிய விருதுகள்

இந்த ஆண்டு தமிழ் சினிமாவுக்கு 7 தேசிய விருதுகள் கிடைத்துள்ளன. சிறந்த துணை நடிகர், சிறந்த பாடலாசிரியர் உள்பட ஏழு பிரிவுகளில் இந்த விருதுகளைப் பெற்றுள்ளது தமிழ் சினிமா.

சிறந்த பிராந்திய மொழி திரைப்படத்துக்கான விருது பிரம்மன் இயக்கிய குற்றம் கடிதல் படத்துக்குக் கிடைத்துள்ளது.

சிறந்த குழந்தைகள் படம் என்ற பிரிவில் தனுஷ் - வெற்றிமாறன் இணைந்து தயாரித்த காக்கா முட்டை படத்துக்கு விருது கிடைத்துள்ளது

கார்த்திக் சுப்பாராஜ் இயக்கத்தில் உருவான ஜிகிர்தண்டா படத்தில் நடித்ததற்காக பாபி சிம்ஹாவுக்கு சிறந்த துணை நடிகருக்கான விருது கிடைத்துள்ளது.

சைவம் படத்தில் ஜிவி பிரகாஷ்ராஜ் இசையில் இடம்பெற்ற அழகே அழகு பாடலுக்காக சிறந்த பாடலாசிரியருக்கான விருது நா முத்துக்குமாருக்கு அறிவிக்கப்பட்டுள்ளது. இந்த விருதினை இரண்டாவது முறையாக அவர் பெறுகிறார்.

வேலூர் சிறுமி கடத்திக் கொலை~ கோயில் குருக்களுக்கு 10 ஆண்டு சிறை

வேலூர் அருகே பள்ளிச்சிறுமி கடத்திக் கொலை  கோயில் குருக்களுக்கு 10 ஆண்டு சிறை
குடியாத்தம், பாண்டியன் நகர், பிள்ளையார்கோயில் தெருவைச் சேர்ந்தவர் குமார் (50). இவர் அப்பகுதி ஆஞ்சநேயர் கோயிலில் குருக்களாக பணிபுரிந்து வந்தார். அவரது வீட்டுக்கு எதிரே அன்னை இந்திராகாந்தி நிதியுதவி நடுநிலைப் பள்ளி உள்ளது. இப்பள்ளியில் 1-ஆம் வகுப்பு படித்து வந்த குடியாத்தம், பிச்சனூர் பகுதியைச் சேர்ந்த ராஜா மகள் ராஜேஸ்வரி (5) படித்து வந்தார்.19.9.2011 அன்று பள்ளிக்கு சென்ற அச்சிறுமி வீடு திரும்பவில்லை. பல இடங்களில் தேடியும் சிறுமி கிடைக்கவில்லை. இதுகுறித்து குடியாத்தம் டவுன் போலீஸார் வழக்குப் பதிந்து தேடுதல் வேட்டை நடத்தினர். குமார் வசித்து வந்த வீட்டுக்கு அருகில் உள்ள கிணற்றில் சாக்கு மூட்டைகள் கட்டப்பட்ட நிலையில் சிறுமியின் சடலம் 3 தினங்களுக்கு பிறகு கிடைத்தது.

விமான விபத்து 148 பேர் பலி ! German Airbus A320 plane crashes in French Alps ஆல்ப்ஸ் மலையில் விழுந்து நொறுங்கியது

ஸ்பெயினிலிருந்து 142 பயணிகள் மற்றும் 6 விமான நிறுவன ஊழியர்களுடன் சென்று கொண்டிருந்த ஏ320 ஏர்பஸ் விமானம், பிரான்சின் ஆல்ப்ஸ் மலையில் விழுந்து நொறுங்கி விபத்துக்குள்ளானது. இதில் விமானத்தில் இருந்த 148 பேரும் உயிரிழந்தனர். ஸ்பெயினின் பார்சிலோனா நகரில் இருந்து ஜெர்மனியின் டுஸ்ஸல்டார்ப் நகருக்கு இந்த விமானம் கிளம்பியது. பிரான்ஸ் நாட்டில் அது ஆல்ப்ஸ் மலைத் தொடரின் தென் பகுதியின் மீது பறந்து கொண்டிருந்தபோது, Alpes de Hautes Provence என்ற இடத்தில் விமானம் விழுந்து நொறுங்கி விபத்துக்குள்ளானது. நைஸ் நகருக்கு 100 மைல் தொலைவில் விமானம் விழுந்துள்ளது. ஆல்ப்ஸ் மலையில் துயரம்... விழுந்து நொறுங்கிய ஜெர்மன் விமானம்... 148 பேர் பலி ஆல்ப்ஸ் மலையானது மொராக்கோ முதல் ஸ்லோவேனியா வரை பரந்து விரிந்துள்ள பெரிய மலைத் தொடராகும். இதில் பிரான்சிஸ் உள்ள ஆல்ப்ஸ் மலைத் தொடரில்தான் விமானம் விழுந்துள்ளது. விபத்தில் சிக்கிய விமானம் பிரபலமான லூப்தான்ஸா நிறுவனத்தின் துணை நிறுவனமான ஜெர்மன் விங்ஸ் நிறுவனத்திற்குச் சொந்தமான 4யு 9525 என்ற விமானமாகும். இந்த விமான நிறுவனம் நம்ம ஊர் ஸ்பைஸ்ஜெட் போல குறைந்த கட்டண விமானமாகும். பிரெஞ்சு அதிபர் பிரான்காய்ஸ் ஹோலன்ட் விமான விபத்தை அதிகாரப்பூர்வமாக அறிவித்துள்ளார். விபத்து குறித்து அவர் கூறுகையில், விபத்தில் சிக்கிய யாரும் உயிர் பிழைத்திருக்க வாய்ப்பில்லை. விபத்து நடந்த இடத்தை அடைவதும் கடினமானது என்றார். அந்த விமானத்தில் 174 பேர் வரை பயணிக்க முடியும். இருப்பினும் விபத்தில் சிக்கிய விமானத்தில் 142 பயணிகளும், 6 ஊழியர்களும் இருந்துள்ளனர்.

குஷ்பு காங். செய்தித் தொடர்பாளரானார்- சோனியா அறிவிப்பு!!

அகில இந்திய காங்கிரஸ் கட்சியின் செய்தித் தொடர்பாளர்களில் ஒருவராக நடிகை குஷ்புவை அக்கட்சித் தலைவர் சோனியா காந்தி நியமனம் செய்துள்ளார். தி.மு.க.வில் சில ஆண்டுகாலம் இருந்து வந்த நடிகை குஷ்பு, அக்கட்சியின் பொருளாளர் மு.க.ஸ்டாலினுடனான மோதலால் கட்சியை விட்டு விலகினார். பின்னர் பாரதிய ஜனதாவில் சேருவார் எனக் கூறப்பட்ட நிலையில் திடீரென சோனியா காந்தி முன்னிலையில் காங்கிரஸில் நடிகை குஷ்பு இணைந்தார். காங்கிரஸில் குஷ்பு இணைந்தது முதலே தமிழக காங்கிரஸ் கட்சியில் அவருக்கு முக்கியத்துவம் கொடுக்கப்பட்டு வந்தது.

என் மகளுக்கே பெருமை சேரும்! சட்டப் பிரிவு 66-ஏ ரத்து...

சட்டப் பிரிவு 66-ஏ

ரத்தானதற்கான பெருமை தன் மகளையே சேரும் என இச்சட்டத்துக்கு எதிராக வழக்கு தொடரப்பட காரணமாக இருந்த இளம் பெண் ஷாஹீன் தாதாவின் தந்தை முகமது ஃப்ரூக் தாதா தெரிவித்துள்ளார்.

தகவல் தொழில்நுட்ப சட்டப் பிரிவு 66-ஏ என்பது அரசியல் சாசனத்துக்கு எதிரானது. எனவே அதை ரத்து செய்வதாக உச்ச நீதிமன்றம் தீர்ப்பளித்துள்ளது.

இந்நிலையில், இச்சட்டப்பிரிவுக்கு எதிராக வழக்கு தொடரப்பட காரணமாக இருந்த இளம் பெண் ஷாஹீன் தாதாவின் தந்தை முகமது ஃப்ரூக் தாதா அளித்துள்ள பேட்டியில், "சட்டப்பிரிவு 66-ஏ ரத்தானதற்கான பெருமை தன் மகளையே சேரும். ஃபேஸ்புக் பகிர்வுக்காக அவர் கைது செய்யப்பட்டபோது அவரை நான் கடிந்துகொள்ளவில்லை. அவர் எந்த தவறும் செய்யவில்லை என எனக்குத் தெரியும் எனவே அவருக்கு நான் எப்போதும் ஆதரவாக இருந்தேன். இப்போது இந்த வழக்கில் தீர்ப்பு வழங்கப்பட்டுள்ளது. இந்த தீர்ப்பை நான் வெகுவாக வரவேற்கிறேன்" என கூறியுள்ளார்.

வலைதள கருத்துக்காக கைது செய்யும் மத்திய அரசின் 66-ஏ சட்ட பிரிவு செல்லாது: சுப்ரீம் கோர்ட்

சமூக வலைதளங்களில் சர்ச்சைக்குரிய கருத்துகளைத் தெரிவித்ததற்காக கைது செய்வதற்கு உச்சநீதிமன்றம் அதிரடியாக தடை விதித்துள்ளது. அத்துடன் இத்தகைய கைது நடவடிக்கைக்கு பயன்படுத்துகிற தகவல் தொழில்நுட்ப சட்டத்தின் 66-ஏ பிரிவு செல்லாது என்றும் உச்சநீதிமன்றம் அதிரடியாக தீர்ப்பளித்துள்ளது. மத்திய அரசு 2008 ஆம் ஆண்டு தகவல் தொழில்நுட்ப சட்டத்தில் திருத்தம் கொண்டு வந்தது. அதில் சேர்க்கப்பட்ட 66 ஏ பிரிவின் படி, சமூக வலைதளம், மின் அஞ்சல் போன்றவற்றின் மூலமாக அவதூறான கருத்துகளை பரப்புவோரை கைது செய்து 3 ஆண்டுகள் வரை சிறையிலடைக்க முடியும். இந்த 66 ஏ பிரிவின் படி நாடு முழுவதும் வலைதளங்களில் சர்ச்சை கருத்தை தெரிவித்த குற்றச்சாட்டின் கீழ் பலரும் கைது செய்யப்பட்டு சிறையிலும் அடைக்கப்பட்டனர். இதனை எதிர்த்து உச்சநீதிமன்றத்தில் வழக்கு தொடரப்பட்டது./tamil.oneindia.com/

தூக்கணாங்குருவியின் சமூக வாழ்க்கை

கூடுகட்டி வாழும் பறவையினங்களில், வித்தியாசமான கூட்டமைப்பை உடைய தூக்கணாங்குருவி பறவைகள், கிராமப்பகுதிகளில் காணப்படும் கிணறுகளிலும், உயர்ந்த மரங்களிலும் கிளைகளோடு பின்னிப் பினணந்து இக்கூட்டினை உருவாக்குகின்றன.

இப்பறவைகள் வாழிடத்தின் அருகில் உள்ள வயல் விளைகளில் விளைந்து வரும் தானியங்களையும் புழுப் பூச்சிகளையும் தின்று உயிர் வாழ்ந்து வருகின்றன. இப்பறவைகளின் வித்தியாசமான கூட்டமைப்பே இப் பறவைகளுக்கு பெரும் ஆபத்தாகி விடுகின்றன. ஆம்! இக் கூட்டின் அமைப்பை இரசிப்பதற்காகவே சிறுவர்களால் இக்கூடுகள் அறுத்து எடுக்கப்படுகின்றன. கூட்டினை எடுக்கும்போது அக்கூட்டில் உள்ள முட்டைகளும் உடைக்கப்படுகின்றன. இதனால் குருவியினம் படிப்படியாக அழிவினை நோக்கி செல்லுகின்றன. கண்ணதாசனின் பாடலுக்கும் இந்த கட்டுரைக்கும்சம்பந்தம்இல்லைதான். ஆனால் அந்தபாட்டு குருவிகூட்டின் அழகை எதற்கு ஒப்பிட்டு இருக்கிறது?

சொத்துக்களை ஆய்வு செய்யும் ஆடிட்டர்கள்... தயாராகும் தீர்ப்பு…ஜெ. அப்பீல் வழக்கு…

முன்னாள் முதல்வர் ஜெயலலிதா மீதான சொத்துக் குவிப்பு வழக்கில், சொத்துப்பட்டியலை ஆடிட்டர் குழு ஆய்வு செய்துவருவதாக தகவல்கள் வெளியாகியுள்ளன. இந்த குழுவின் அறிக்கை கிடைத்த உடன் தீர்ப்பின் தேதியை நீதிபதி குமராசாமி அறிவிப்பார் என்று எதிர்பார்க்கப்படுகிறது. இந்த வழக்கின் தீர்ப்புக்கான முகவுரையை தயாரிக்கும் பணியில் அவர் தீவிரமாக ஈடுபட்டுள்ளதாகவும் கூறப்படுகிறது. ஜெயலலிதா உள்ளிட்டோர் மீதான சொத்துக்குவிப்பு வழக்கின் மேல் முறையீட்டு மனு மீதான விசாரணை கர்நாடக உயர்நீதிமன்றத்தில் 41 நாட்கள் நடைபெற்று கடந்த 17ஆம் தேதி முடிவடைந்தது. தீர்ப்பு தேதி குறிப்பிடாமல் வழக்கு நீதிபதி குமாரசாமி ஒத்திவைத்தார். இந்நிலையில் வழக்கின் ஆவணங்களை சரியாக மதிப்பிட ஆடிட்டர்கள் குழுவின் உதவியை நீதிபதி நாடியுள்ளார். இதனையடுத்து ஜெயலலிதா உள்ளிட்டோரின் சொத்துகளை ஆடிட்டர் குழுவினர் ஆய்வு செய்து வருகின்றனர். இந்த குழுவின் அறிக்கைக்காக நீதிபதி காத்திருப்பதாகவும், இந்த வழக்கின் தீர்ப்புக்கான முகவுரையை தயாரிக்கும் பணியில் அவர் தீவிரமாக ஈடுபட்டுள்ளதாகவும் கூறப்படுகிறது.

அமராவதி ! 8,000 ஏக்கரில் ஆந்திராவின் தலைநகர் ! விரைவில் அறிவிப்பு

ஆந்திர மாநிலத்தின் புதிய தலை நகருக்கு ‘அமராவதி’ எனப் பெயர் சூட்ட முடிவு செய்யப்பட்டுள்ளது. இதுகுறித்து ஆந்திர அரசு ஓரிரு நாட்களில் அதிகாரப்பூர்வ அறிவிப்பை வெளியிடும் என எதிர்பார்க்கப்படுகிறது.

ஒருங்கிணைந்த ஆந்திர மாநிலத்தின் தலைநகராக ஹைத ராபாத் விளங்கியது. தெலங்கானா பிரிவினைக்குப் பிறகு, தெலங் கானாவின் நிரந்தர தலை நகராக ஹைதராபாத் இருக்கும் என்றும், அதே வேளையில் அடுத்த 10 ஆண்டுகளுக்கு ஆந்திரம், தெலங்கானா மாநிலங் களுக்கு பொது தலைநகராக ஹைதராபாத் செயல்படும் என்றும் அறிவிக்கப்பட்டது.

இந்நிலையில் ஆந்திர புதிய தலைநகர் நிர்மாணப் பணிகளுக் காக குழு அமைக்கப்பட்டது. விசாகப்பட்டினம், விஜயவாடா, குண்டூர், ஓங்கோல், திருப்பதி ஆகிய நகரங்களில் ஏதேனும் ஒன்று ஆந்திரத்தின் புதிய தலை நகராக அமையும் என எதிர்பார்க் கப்பட்டது.

ஆனால், மாநிலத்தின் மையப் பகுதியில்தான் புதிய தலைநகர் அமைய வேண்டும் என்பதில் முதல்வர் சந்திரபாபு நாயுடு உறுதியாக இருந்தார்.

டிஜிடல் வீரபாண்டிய கட்டபொம்மன் வர்ணங்கள் மேம்படுத்தப்பட்டு வெளிவருகிறது

கிஸ்தி திரை வரி வட்டி... என பிரிட்டிஷ் ஆட்சியை எதிர்த்து வெள்ளைகார துரையிடம் சிவாஜி கணேசன் கர்ஜனை குரலில் பேசிய வசனம் இடம்பெற்ற படம் ‘வீரபாண்டிய கட்டபொம்மன்' . பி.ஆர்.பந்துலு இயக்கம். 1959ம் ஆண்டு திரைக்கு வந்தது. பத்மினி, ஜெமினி கணேசன், ஓ.ஏ.கே.தேவர் உள்பட ஏராளமானவர்கள் நடித்துள்ளனர். இப்படம் டிஜிட்டல் முறையில் கலர் கரெக்ஷன் மற்றும் ஒலிப்பதிவு செய்யப்பட்டு அடுத்த மாதம் வெளியிட திட்டமிடப்பட்டுள்ளது. இதன் டிரெய்லர் வெளியிட்டு நிகழ்ச்சி சென்னையில் நேற்று நடந்தது. சிவகுமார், ராம் குமார், பிரபு, தயாரிப்பாளர் சங்க தலைவர் கலைப்புலி எஸ்.தாணு, நடிகர் விக்ரம் பிரபு, கவிஞர் வைரமுத்து, விநியோகஸ்தர் சங்க நிர்வாகி அருள்பதி உள்ளிட்ட ஏராளமான திரையுலக பிரமுகர்கள் கலந்துகொண்டனர். இதில் பேசிய பிரபு,‘இப்படத்தில் என் தந்தை சிவாஜி வீரமுழக்கத்துடன் பேசிய வசனங்கள் ரசிகர்களால் மட்டுமல்ல ரஜினி, கமல், சத்யராஜ் போன்ற பல்வேறு நட்சத்திரங்களாலும் ஈர்க்கப்பட்டது. அன்றைய காலகட்டத்தில் மட்டுமல்லாமல் இன்றைய இளைஞர்களும் கண்டிப்பாக இதை வரவேற்பார்கள்'  என்றார்
.tamilmurasu.org/

குஷ்பூ : இது நிலம் திருட்டு சட்டம்தான்! திருச்சியில் காங்கிரஸ் ஆர்ப்பாட்டம்!

மத்திய, மாநில அரசுகளின் மக்கள் விரோத போக்கை கண்டித்தும், மத்திய அரசின் நிலம் கையகப்படுத்தும் சட்டத்தை எதிர்த்தும், காங்கிரஸ் கட்சி சார்பில் திருச்சியில் ஆர்ப்பாட்டம் நடைபெற்றது. இதில் நடிகை குஷ்பு கலந்து கொண்டார ஆர்ப்பாட்டத்தில் பேசிய நடிகை குஷ்ப உங்களோட அனுமதி இல்லாமல் உங்கள் இடத்தை எந்த நேரமும், எப்ப வேண்டுமானாலும் எடுத்துக்கொள்வதற்கு பேர்தான் நில கையக்ப்படுத்தும் சட்டம். இதனை சட்டம் என்று சொல்லுகிறார்கள். இதற்கு நான் திருட்டு சட்டம் என்று சொல்கிறேன். காங்கிரஸ் கட்சி ஆட்சியில் இருந்தபோது, இந்த சட்டம் சில திருத்தங்களுடன் இருந்தது. விவசாயிகளின் நிலத்தை எடுக்க மாட்டோம் என்று சொல்லி இருந்தது. ஆனால் இந்த மோடி ஆட்சிக்கு வந்த உடனேயே அதை செய்கிறோம், இதை செய்கிறோம் என்று பேசினார். தனியார் நிறுவன முதலாளிகளுக்காக இந்த சட்டத்தை சவுகரியம் செய்து கொடுக்கிறார்.இந்தப் பகுதிகளை நாம் டெல்டா பகுதி என்று சொல்லுகிறோம். இது கொஞ்சள் நாள் கழித்து அதானி டெல்டா, மோடி டெல்டா, அம்பானி டெல்டாவாக மாறிவிடும். எல்லையில் போராடுகிற ராணுவ வீரனும், நிலத்தில் விவசாயம் செய்யும் விவசாயியும் ஒன்றுதான6 ஆயிரம் ஏக்கர் நிலத்தை ஒரு ஏக்கர் ஒரு ருபாய்க்கு இந்த மோடி, அதானிக்கு கொடுத்துள்ளார். எங்கேயாவது இந்த அநியாயம் நடக்குமா.

ஹாஷிம்புரா 42 பேர் படுகொலை வழக்கில் 16 போலீசும் விடுதலை

உத்திரப் பிரதேச மாநிலம், ஹாஷிம்புராவில் 1987-ம் ஆண்டு முசுலீம் மக்கள் 42 பேர் படுகொலை செய்யப்பட்ட வழக்கில் குற்றவாளிகள் 16 பேரை தில்லி நீதிமன்றம் விடுதலை செய்து சனிக்கிழமை 21-03-2015 அன்று உத்திரவிட்டது. உத்திரப்பிரதேச மாநில ஆயுதப் படை பிரிவைச் சேர்ந்த போலீஸ் கயவாளிகள்தான் மேற்கண்ட படுகொலையைச் செய்த குற்றவாளிகள்.

1987 மீரட் கலவரத்தின் போது உத்தர பிரதேச சிறப்பு ஆயுதப் படையினர். (படம் : நன்றி frontline)

இந்த படுகொலை வரலாற்றை சுருக்கமாக பார்க்கலாம்.
இந்தியாவின் படுகொலைகளில் முக்கியமான ஒன்றான ஹாஷிம்புரா படுகொலை 1987-ம் ஆண்டு மே மாதம் 22-ம் தேதி நடந்தது. உத்திர பிரதேச மாநிலத்தின் மீரட் நகரில் இந்துமதவெறியர்கள் நடத்திய கலவரத்தின் போது உ.பி மாநில சிறப்பு ஆயுதப்படையைச் சேர்ந்தவர்கள் ஹாஷிம்புரா பகுதியைச்சேர்ந்த முசுலீம் இளைஞர்கள் 65 பேரை லாரியில் ஏற்றிச் சென்றனர். அவர்களை காசியாபாத் மாவட்டத்தின் முராத் நகருக்கு அருகில் சுட்டுக் கொன்ற போலீஸ் கயவர்கள், உடல்களை அருகாமையில் உள்ள கால்வாய்களில் வீசிச் சென்றனர்.

இந்துமதவெறி எதிர்ப்பு போராளி தீஸ்தா : சென்னைக் கூட்டம்

"தீஸ்தா சேதல்வாத்" ;1990-கள் முதல் மத அடிப்படைவாதிகளுக்கு குறிப்பாக இந்துமதவெறிக்கு எதிராக தொடர்ந்து போராடிக் கொண்டிருக்கும் தீஸ்தா சேதல்வாத் கலந்து கொண்ட கூட்டம் 20-03-2015, வெள்ளிக்கிழமை மாலை சென்னையில் நடைபெற்றது.
கூட்டம் நடந்த பின்னணி

தீஸ்தா சேதல்வாதின் உரையை தமிழில் மொழிபெயர்க்கும் பத்திரிகையாளர் ஞாநி.

பல்வேறு நெருக்கடிகளுக்கு மத்தியில், 2002 குஜராத் முஸ்லீம் இனப்படுகொலை தொடர்பான வழக்குகளை நடத்தி, 120 குற்றவாளிகளுக்கு ஆயுள் தண்டனை வாங்கிக் கொடுப்பதற்கு முதன்மை பங்காற்றியவர் தீஸ்தா. குஜராத் இனப்படுகொலையாளி மோடி பிரதமராகவும், அவரது கூட்டாளி அமித் ஷா பா.ஜ.க தலைவராகவும் ஆகியிருக்கும் நிலையில் தீஸ்தா மீது பல பொய் வழக்குகள் போடப்பட்டு அவரை முடக்கி விடும் முயற்சிகள் நடந்து கொண்டிருக்கின்றன. அவர் மீதான வழக்கு ஒன்றில் முன் ஜாமீன் கோரும் மனு உச்சநீதி மன்றத்தில் விசாரிக்கப்பட்டுக் கொண்டிருக்கிறது.
உச்சநீதி மன்ற வழக்கு விசாரணைகளுக்கு மத்தியில், எந்த நேரமும் குஜராத் போலீசால் கைது செய்யப்படலாம் என்ற அச்சுறுத்தலுக்கு இடையே சென்னைக்கு வருகை தந்த தீஸ்தா சேதல்வாதும், அவரது கணவர் ஜாவித் ஆனந்தும் அக்கறையுள்ள குடிமக்கள் சங்கம் நடத்திய கூட்டத்தில் பங்கேற்றனர்.

Tradfic Ramasamy:14 வயதில் ஒரு தாசில்தாரையே சஸ்பெண்ட் ஆக வைத்திருக்கிறேன் ( ஒன் மேன் ஆர்மி டிராஃபிக் ராமசாமி - 1 )

1949 ஆம் ஆண்டு. எனக்கு அப்போது வயது 14. நான் 10 ஆம் வகுப்பு படித்துக்கொண்டு இருந்தேன். அம்மா என்னை அரிசி எடுத்து வருவதற்காக சென்னையில் இருந்து காஞ்சிபுரம் அனுப்பி இருந்தார். நான் காஞ்சிபுரத் தில் இருந்து 10 கிலோ அரிசியை எடுத்துக் கொண்டு பஸ்ஸில் வந்தேன். அதற்கான அனுமதியையும் பெற்று இருந்தேன். அப்போதையக் காலத்தில் குறிப்பிட்ட எடைக்கு மேல் அரிசி மற்றும் நெல்லை அனுமதி இல்லாமல் வேறு இடங்களுக்கு எடுத்துச் செல்ல அனுமதி மறுக்கப் பட்டிருந்தது. (அப்போது சென்னையில் இருந்து காஞ்சி புரத்துக்கு பஸ் கட்டணம் 1 ரூபாய் 25 காசுகள்) சென்னையை நோக்கி வந்துகொண்டு இருந்தது பஸ். ஆற்காடு செக்போஸ்ட்டில் வந்தபோது பஸ்ஸை நிறுத்தி அவரவர் கைகளில் இருந்தப் பொருட்களை அதிகாரிகள் பரிசோதனை செய்துகொண்டு இருந்தனர். என்னைப் பரிசோதித்த ஓர் அதிகாரி என் மடியில் இருந்த அரிசிப் பையைப் பார்த்துவிட்டு, ‘பத்து கிலோ அரிசியைக் கொண்டு செல்ல அனுமதி வாங்கி இருக்கிறாயா?’ என்றார். நான் அனுமதி வாங்கிய விவரத்தைச் சொன்னேன். ஆனாலும், அந்த தாசில்தார் நான் கொண்டுவந்த அரிசிப் பையைப் பிடுங்கிக் கொண்டார். நான் எவ்வளவோ எடுத்துச் சொல்லியும் அவர் அரிசிப் பையைக் கொடுக்கவில்லை. ‘எங்கள் வயலில் விளைந்த அரிசி இது. பத்து கிலோ எடுத்துச் செல்ல உரிய அனுமதி வாங்கி இருக்கிறேன். அப்படியும் நீங்கள் ஏன் தடுக்கிறீர்கள்?’ எனக் குரலை உயர்த்தி நியாயம் கேட்டேன். அதில், அந்த தாசில்தாருக்கு கடுமையான கோபம் வந்துவிட்டது.

கி.வீரமணி: லீக்வான்யூ மறைவு சிங்கப்பூருக்கு மட்டுமல்ல; உலகத்திற்கே பேரிழப்பு

சிங்கப்பூர் முன்னாள் பிரதமர் லீக்வான்யூ சிங்கப்பூர் நாட்டைப் பல வகைகளிலும் உயர்த்திய பெருமைக்குரியவர்; அவரின் மறைவு சிங்கப்பூருக்கு மட்டுமல்ல; உலகத்திற்கே பேரிழப்பு என்று திராவிடர் கழகத் தலைவர் கி. வீரமணி கூறியுள்ளார்.கி.வீரமணி வெளியிட்டுள்ள இரங்கல் செய்தியில்,உலகின் தலைசிறந்த நிர்வாக மேதையும், சிறந்த அரசியல் ஞானியும், நவீன சிங்கப்பூரின் ஆற்றல் மிகு தந்தையுமான பேரறிஞர் லீக்வான்யூ அவர்கள் தனது 91 ஆவது வயதில் இன்று (23.3.2015) காலை காலமானார் என்ற செய்தி சிங்கப்பூர் நாட்டு மக்களுக்கு மட்டுமல்ல; உலகின் அறிவு சார் மனித குலத்திற்கே ஒரு ஈடு செய்ய முடியாத பேரிழப்பாகும்.91 ஆண்டு வாழ்ந்தவர் அவரது 91 ஆண்டு வாழ்க்கையில் அவர் ஒரு தீவு போன்ற குட்டி நாடான சிங்கப்பூரின் அதிபராகி, மக்கள் செயல் கட்சி றிகிறி) என்ற அரசியல் கட்சியை வழி நடத்தி, சிங்கப்பூரின் நிர்வாகத் திறமை, லஞ்ச லாவண்யம் இல்லாது எதிலும் கட்டுப்பாடும் ஒழுக்கமும் நிலவும் மனப்பான்மையை அந்நாட்டுக் குடி மக்களுக்கு அளித்து, உலக வரைபடத்தில் அந்த நாட்டை உலகம் முழுவதும் பார்த்து வியக்கத்தக்க நாடாக ஆக்கியவர்! நாளும் அங்கே புத்தாக்கங்கள்!!

ராஜபக்சேவுக்கு பயந்து விடிய விடிய குடும்பத்தோடு தென்னந்தோப்பில் பதுங்கியிருந்த மைத்ரிபால சிறிசேன!

Suresh Perera With President Maithripala Sirisena’s revelation to Sandeshaya, BBC’s Sinhala Service in London, that there were plans to “destroy his whole family” if he lost the presidential poll, political sources recalled how the then common candidate was escorted under cover of darkness to an estate owned by a close friend in the Kurunegala ...கொழும்பு: இலங்கை அதிபர் தேர்தலில் தாம் தோற்றுவிட்டால் மகிந்த ராஜபக்சேவால் கொலை செய்துவிடப்படுவோம் என அஞ்சி நண்பரின் தென்னந்தோப்பில் விடிய விடிய மைத்ரிபால சிறிசேன பதுங்கியிருந்ததாக தகவல்கள் வெளியாகி உள்ளன. இது தொடர்பாக கொழும்பில் இருந்து வெளிவரும் ஆங்கில ஊடகம் ஒன்று வெளியிட்டுள்ள செய்தி விவரம்: அதிபர் தேர்தல் நாளான ஜனவரி 8-ந் தேதியன்று பொலன்னறுவவில் வாக்களித்த மைத்திரிபால சிறிசேன, தமது வீட்டை விட்டு வெளியேறி இரகசிய இடம் ஒன்றில் மறைந்திருக்க முடிவு செய்தார் தேர்தலுக்கு மறுநாள் முடிவுகள் வெளியான பின்னர் வீட்டில் இருந்தால் தமக்கும், தமது குடும்பத்தினருக்கும் ஆபத்து ஏற்படும் என்ற தகவல் அவருக்கு கிடைத்திருந்தது. அதனால் கும்மிருட்டு நேரத்தில் தம்புள்ளை என்ற இடத்தைக் கடந்து மைத்திரிபால சிறிசேனவின் நெருங்கிய நண்பரான கிரன் அத்தப்பத்தவுக்குச் சொந்தமான தொடங்கஸ்லந்தவில் உள்ள தென்னந்தோப்பை நோக்கிச் சென்றது. அந்த கிராமம் இருளில் மூழ்கியிருந்த போது கறுப்பு நிற பிஎம்.டபிள்யூ கார், மைத்திரிபால சிறிசேனவுடன் அந்த தோட்டத்தை சென்றடைந்தது. தாம் மறைந்திருக்கும் இடத்தைக் எவரும் கண்டுபிடித்துவிடக் கூடாது என்பதற்காக குறுகிய கும்மிருட்டு வீதி வழியாக அந்த வாகனம் தென்னந்தோப்பை சென்றடைந்தது. அதே நேரத்தில் சிறிசேனவை பின் தொடர்ந்த வாகனங்கள் மற்றொரு இடத்தில் நிறுத்தப்பட்டன. பின்னர் ஒரு சில வாகனங்கள் மட்டுமே தென்னந்தோப்புக்குள் சென்றன.

யு.ஜி.கிருஷ்ணமூர்த்தி ! சகல சமய கோட்பாடுகளையும் தகர்த்துவிடும் உண்மையான மனிதர்.

மார்ச் 22 - யு.ஜி.கிருஷ்ணமூர்த்தி நினைவு நாள்

யு.ஜி.கிருஷ்ணமூர்த்தி என்று அழைக்கப்படும் உப்பலுரி கோபால கிருஷ்ணமூர்த்தி, 1918-ல் ஆந்திர மாநிலத்தில் உள்ள மசூலிப்பட்டணத்தில் பிறந்தவர். ஞானமடைவது என்ற நிலையைக் கேள்வி கேட்டவர். எண்ணம் என்பதின் அடிப்படையையே மறுத்தவர் அவர். அறிவு மற்றும் சிந்தனை சார்ந்த அத்தனை கருத்தியல்களையும் புறக்கணித்தவர் அவர். இந்த உலகத்தில் புரிந்துகொள்ள ஒன்றும் இல்லை என்றார். அவரை நிறைய பேர் ஞானமடைந்தவர் என்று கருதினாலும், அவர் தனது நிலையை இயற்கையான விலங்கு இயல்பில் உள்ள நிலை என்று சொன்னவர். அவருடன் நெருங்கிப் பழகிய பாலிவுட் இயக்குநர் மகேஷ் பட்டின் குறிப்பு இங்கே வெளியிடப்படுகிறது…

“இந்த ஆசிரியர் தினத்தில் மனித குலத்திற்கு உங்களுடைய செய்தி என்ன யு.ஜி?” என்று வெளிநாட்டிலிருந்த யு.ஜியிடம் நான் தொலைபேசியில் உரத்த குரலில் கேட்டேன். என் வாழ்க்கையின் பெரும்பாலான முக்கியப் பாடங்களை நான் கற்றுக்கொண்ட அந்த மனிதரிடமிருந்து ஒரு எதிரிடையான பதிலைப் பெறுவதற்கு என்னை நான் தயார் செய்துகொண்டிருந்தேன்.

சிங்கப்பூரின் நிறுவனர் லீ குவான் யூ மரணம்...

சிங்கப்பூரின் தந்தை என்றழைக்கப்படும் லீ குவான் யூ (91) இன்று காலமானார், இன்று அதிகாலை சிங்கப்பூர் பொது மருத்துவமனையில் அவர் உயிரிழந்தார். நிமோனியாவால் பாதிக்கப்பட்டு சிகிச்சைக்காக மருத்துவமனையில் அனுமதிக்கப்பட்டிருந்தார். இந்நிலையில் சிகிச்சை பலனின்றி அவரது உயிர் இன்று பிரிந்தது. உயிரிழந்த லீ குவான் யூ சிங்கப்பூரின் தந்தை என்றழைக்கப்படுகிறார். இவர் 31 ஆண்டுகள் பிரதமராக இருந்து சிங்கப்பூரின் மாபெரும் பிரம்மிக்கத்தக்க வளர்ச்சிக்கு உறுதுணையாக இருந்தவர் என்பது குறிப்பிடத்தக்கது. இவரது மறைவையடுத்து சிங்ப்பூரில் ஒரு வாரம் துக்க தினமாக அனுசரிக்கப்பட உள்ளதாக அந்நாட்டு அரசு அறிவித்துள்ளது. லீ குவான் மறைவிற்கு ஐ.நா., பொதுச்செயலாளர் பான் கீ-மூன், தனது ஆழ்ந்த இரங்கலை தெரிவித்துள்ளார். அமெரிக்க அதிபர் ஒபாமா வெளியிட்டுள்ள இரங்கல் செய்தியில், லீ குவானை மாபெரும் வரலாற்று தலைவர் என கூறியுள்ளார்.dinakara.com

முகேஷ் அம்பானி சன் டிவி குழுமத்தை வாங்க முயற்சி? ETV . IBN CNN , SunTV ஊடக சர்வாதிகாரத்தை நோக்கி?

சென்னை/மும்பை: தென்னிந்தியாவின் முன்னணி தொலைக்காட்சி நிறுவனமான கலாநிதி மாறன் சன் குழுமத்தையே ஒட்டு மொத்தமாக முகேஷ் அம்பானியின் ரிலையன்ஸ் இண்டஸ்ட்ரீஸ் வாங்க உள்ளதாக தெஹல்கா செய்தி வெளியிட்டுள்ளது. ஏர்செல் -மேக்சிஸ் வழக்கில் சன் டி.வி. குழும அதிபர் கலாநிதி மாறன் அவரது சகோதரர் முன்னாள் மத்திய அமைச்சர் தயாநிதி மாறன் ஆகியோர் மீது குற்றப்பத்திரிகை தாக்கல் செய்யப்பட்டுள்ளது. இருவரும் தாக்கல் செய்த முன் ஜாமீன் மனு மீது ஆகஸ்ட் மாதம் விசாரணை நடைபெற உள்ளது. அம்பானியின் தொடரும் வேட்டை: ஈடிவி, சிஎன்என்-ஐபிஎன்-ஐ தொடர்ந்து சன் டிவியையும் வாங்க திட்டம்?! இதேபோல் தயாநிதி மாறன் மீது சட்டவிரோத தொலைபேசி இணைப்பு வழக்கும் நிலுவையில் உள்ளது. இதிலும் கலாநிதி மாறனும் சன் குழுமமும் சிக்கியுள்ளது. இந்நிலையில் அண்மையின் சன் குழுமத்துக்கு சொந்தமான ஸ்பைஸ்ஜெட் நிறுவனம் கை மாற்றப்பட்டது. இந் நிலையில் சன் நெட்வொர்க் குழுமத்தையே கைமாற்றிவிடவும் தீர்மானித்துள்ளதாக தகவல்கள் வெளியாகி உள்ளன.

லிங்கா பட நஷ்ட ஈட்டில் பங்கு கேட்கும் வேந்தர் மூவீஸ்

சென்னை,மார்ச் 21 (டி.என்.எஸ்) ரஜினிகாந்தின் ‘லிங்கா’ படத்தின் பிரச்சினை தற்போது முடிவுக்கு வந்து விட்டது. வினியோகஸ்தர்கள் மற்றும் திரையரங்க உரிமையாளர்களுக்கு நஷ்ட ஈடாக, லிங்கா பட தயாரிப்பாளர் ராக்லைன் வெங்கடேஷ், ரஜினிகாந்த் உள்ளிட்ட படக்குழுவினர் ரூ.10 கோடி வழங்கிவிட்டார்கள். இந்த பணத்தை பிரித்துக் கொள்வதில் எழுந்த பிரச்சினையும் முடிவுக்கு வந்து விட்டது.இந்த நிலையில், லிங்கா படத்தின் தமிழக உரிமையை வாங்கிய வேந்தர் மூவிஸ், நிறுவனம் ரஜினிகாந்த வழங்கிய 10 கோடியில் தங்களுக்கும் பங்கு கொடுக்க வேண்டும் என்று கேட்கிறதாம். இதற்கு கண்டனம் தெரிவித்துள்ள வினியோகஸ்தர்கள் தரப்பு, ஆட்டோவில் வந்து நஷ்ட ஈடு வாங்கும் பாதிக்கப்பட்ட வினியோகஸ்தர்கள் மத்தியில், ஆடி காரில் வரும் வேந்தர் மூவிஸ் நஷ்ட ஈடு கேட்பது என்ன நியாயம், பிச்சை எடுத்தான் பெருமாள் அதை பிடுங்க வந்தான் அனுமான், என்ற ரீதியில் நடந்துக்கொள்ளும் வேந்தர் மூவிஸின் இந்த செயல் கண்டிக்கத்தக்கது, என்று கூறியுள்ளார்கள்.

அண்ணா ஹாசாரேக்கு கலைஞர் பதில்:உங்களின் நியாயமான போராட்டத்திற்கு நாம் என்றும் ஆதரவளிப்போம்!

நிலம் கையகப்படுத்தும் சட்டத்துக்கு எதிராக அன்னா ஹசாரே நடத்தும் போராட்டத்துக்கு தி.மு.க. ஆதரவு அளிக்கும் என கருணாநிதி அறிவித்துள்ளார்.தி.மு.க. தலைவர் கலைஞர்,  சமூக ஆர்வலர் அன்னா ஹசாரேவுக்கு நிலம் கையகப்படுத்தும் சட்ட மசோதா குறித்து ஒரு கடிதம் அனுப்பியுள்ளார்.அதில்,  ’’பாராளுமன்றத்தில் நிறைவேற்றப்பட்ட நிலம் கையகப்படுத்துதல் சட்டமசோதா குறித்து தாங்கள் அனுப்பிய கடிதம் கிடைத்தது. அந்த சட்ட மசோதாவுக்கு எதிராக நாங்கள் போராட்டம் நடத்தும் படியும், மத்திய அரசு விவசாயிகளை பற்றி சிந்திக்கும் படியும் அறிவுறுத்தியுள்ளீர்கள்.அக்கடிதத்தில் அந்த மசோதாவில் உள்ள 6 முக்கிய அம்சங்களையும், அவற்றை நாட்டில் உள்ள அனைத்து அரசியல் கட்சிகளும் மிக தீவிரமாக கவனத்தில் எடுத்துக் கொள்ள வேண்டியது குறித்தும் தெரிவித்து இருக்கிறீர்கள். அவை வருமாறு:–

திலிப் சாங்வி இந்தியாவின் முதல் பெரும் பணக்காரர் ஆனது எப்படி?

இந்தியா உலகக்கோப்பை வென்றது முதல் பல முக்கியமான சரித்திர நிகழ்வுகள் 1983-ம் ஆண்டு நடந்தது. அதே ஆண்டில்தான் சன் பார்மா நிறுவனர் திலிப் சாங்வியும் தன்னுடைய தொழில் வாழ்க்கையைத் தொடங்கினார்.

முதல் தலைமுறை தொழில் முனைவரான இவர் இப்போது இந்தியாவின் பணக்காரர்கள் பட்டியலில் முதல் இடத்தை பிடித்திருக்கிறார்.

கடந்த சில வருடங்களாக இந்த பட்டியலில் முதல் இடத்தில் இருந்த முகேஷ் அம்பானியை பின்னுக்கு தள்ளி இருக்கிறார் திலிப் சாங்வி.

புளூம்பெர்க் தகவல் படி இவரது சொத்து மதிப்பு 2,160 கோடி டாலர்கள். முகேஷ் அம்பானியின் சொத்து மதிப்பு 2,150 கோடி டாலர்கள்.

கொல்கத்தாவில் பிறந்தவர் திலிப் சாங்வி. கொல்கத்தா பல்கலைக்கழகத்தில் பி.காம் முடித்தார். இவரது அப்பா பார்மா துறை நிறுவனம் ஒன்றில் டீலராக இருந்தார். எனவே பார்மா துறை பற்றி அனுபவம் இருந்ததால் அது சார்ந்த தொழில் தொடங்கலாம் என்று தன்னுடைய 27-வது வயதில் மும்பைக்கு வந்தார்.

பகவத் கீதையை தேசிய நூலாக அறிவிக்க இயலாது! உச்சநீதிமன்றம் தீர்ப்பு!

புதுடில்லி மார்ச் 21 பகவத் கீதைஎன்னும் நூலை தேசிய நூலாக அறிவிக்க இயலாது என்று கூறி வழக்கறிஞர் பாலகிருஷ்ணன் என்பவர் தொடுத்த பொது நல வழக்கை தள்ளுபடி செய்து உத்தரவிட்டுள்ளது.

2014-ஆம் ஆண்டு டிசம்பர் மாதம் இந்து மத அமைப்புசார்பில் நடந்த ஒரு கூட்டத்தில் வெளி விவகாரத்துறை அமைச் சர் சுஸ்மா சுவராஜ் பேசும்  போது; விரைவில் பகவத் கீதையை தேசிய நூலாக அரசு அறிவிக்கும் என்று கூறியிருந்தார். மத்திய அமைச்சரின் இந்த அறிவிப்பு தேசிய அளவில் கடுமையான அதிர்ச்சியை ஏற்படுத் தியது.  சில இந்துமத அமைப்புகள் கூட மத்திய அமைச்சரின் இந்த அறிவிப்பிற்கு கண்டனம் தெரிவித்திருந்தது. அதே நேரத்தில் இதற்கு வலு ஊட்டுவதுபோல் மோடி வெளிநாட்டிற்கு செல் லும் போதெல்லாம் அங் குள்ள தலைவர்களின் கையில் வலுக்கட்டாய மாக பகவத்கீதையை திணித்துவிட்டு வருகிறார்.

ரேணுகா சௌத்ரி எம்எல்ஏ சீட்டுக்கு ஒரு கோடி லஞ்சம் வாங்கினாரா?

புதுடெல்லி: எம்எல்ஏ சீட் ஒதுக்கித் தருவதாக கூறி, ரூ.1.10 கோடி பெற்றுக் கொண்டு மோசடி செய்ததாக, காங்கிரஸ் எம்பி ரேணுகா சவுத்ரி மீது புகார் எழுந்துள்ளது. நீதிமன்ற உத்தரவுப்படி அவர் மீது வழக்குப் பதிவு செய்யப்பட்டுள்ளது. காங்கிரஸ் கட்சியின் மாநிலங்களவை எம்பியாக இருப்பவர் ரேணுகா சவுத்ரி. இவர் காங்கிரஸ் ஆட்சியின்போது, மத்திய இணை அமைச்சராகவும் இருந்துள்ளார். ஒருங்கிணைந்த ஆந்திரா இருந்தபோது, மாநிலத்தின் செல்வாக்கு மிக்க காங்கிரஸ் தலைவராகவும் ரேணுகா இருந்தார். இந்நிலையில், தனது கணவருக்கு எம்எல்ஏ சீட் வாங்கி தருவதாகக் கூறி, ஒரு கோடி ரூபாயை பெற்றுக் கொண்டு மோசடி செய்து விட்டார். எனவே அவர் மீது நடவடிக்கை எடுக்க வேண்டும் என்று, ராம்ஜி நாயக் என்பவரது மனைவி கலாவதி, ஐதராபாத் உயர் நீதிமன்றத்தில் புகார் மனு தாக்கல் செய்தார்.

கல்லூரி தேர்வில் பிட் அடிப்பது பீகார் உபி குஜராத் மத்திய பிரதேஷ் போன்ற வடமாநிலங்களில் சகஜம்?

பீகாரைத் தொடர்ந்து, உ.பி.,யிலும், 'பிட்' கலாசாரம் களைகட்டியுள்ளது. கல்லூரி தேர்வில் காப்பி அடித்ததை கண்டித்த பேராசிரியரை, மாணவர்கள் சரமாரியாக அடித்து உதைத்த சம்பவம் அதிர்ச்சியை ஏற்படுத்தியுள்ளது. ஆளும் சமாஜ்வாதி கட்சியினர், இந்த தாக்குதல் சம்பவத்தின் பின்னணியில் இருந்த, திடுக்கிடும் தகவலும் வெளியாகியுள்ளது. பீகார் மாநிலத்தில், சமீபத்தில், 10ம் வகுப்பு பொதுத் தேர்வு நடந்தது. அப்போது, வைஷாலி, சஹார்சா, நவாடா ஆகிய மாவட்டங்களில் தேர்வு எழுதிய மாணவர்களுக்கு, அவர்களின் பெற்றோர், நண்பர்கள், காப்பி அடிப்பதற்காக, 'பிட்' கொடுத்தனர். போலீசார் மெத்தனம்: வைஷாலி மாவட்டத்தில் மிக உயரமான கட்டடத்தில் மாணவர்கள் தேர்வு எழுதியபோது, அதன் ஜன்னல்களில் துணிச்சலாக ஏறி, பலரும், 'பிட்' சப்ளை செய்தனர். இந்த முறைகேட்டை, பாதுகாப்பு பணியில் ஈடுபட்டு இருந்த போலீசார் மற்றும் தேர்வு கண்காணிப்பாளர்கள் கண்டு கொள்ளவில்லை. 
வடமாநிலங்களில் பிஹார், உ.பி (முன்பு ஒரிசாவும் கூட) எல்லாவற்றிலும் மிகவும் மோசம்..பொது மக்களின் நடவடிக்கைகள் மிகவும் மோசம்...ரயிலில் டிக்கெட் எடுப்பதில்லை.ஓடும்போது ஜெயினை இழுத்து நிறுத்தி இறங்கி ஹாயாக போவது...மின்சாரத்தை இஷ்டத்துக்கு கொக்கி போட்டு  இழுத்து உபயோகபடுத்துவது. ரவுடித்தனம். சுத்தம் சுகாதாரத்தில் படு கேவலம்..டெல்லி நிஜாமுதீன் ரயில் நிலையத்தில் இருந்து இறங்கி பேருந்து நிலையத்திற்கு சென்றவர்கள் சொல்வார்கள் சென்னை எவ்வளவோ நன்றாக இருக்கிறது என்று...மத்திய பிரதேசத்தை கூட இந்த பிஹார், உ.பி லிஸ்டில் சேர்த்து கொள்ளலாம்.. உண்மையில் தென் மாநிலங்கள் மிகவும் நன்றாக இருக்கின்றன... ஆனால் வட இந்தியர்கள் தென் மாநிலங்களை சேர்ந்தவர்களை இளக்காரமாக தான் பார்ப்பார்கள்...அதற்கு ஒரே காரணம் அவர்கள் கொஞ்சம் சிவப்பாக இருப்பது ஒன்று மட்டும் தான்.....

ஓடிப்போன ராகுல்காந்தி ! சோனியா மீண்டும் அதிரடி அரசியல்!

புதுடில்லி: ஒரு மாத காலமாக எங்கிருக்கிறார் என தெரியாமல், மாயமாக உள்ள, காங்கிரஸ் துணைத் தலைவர் ராகுலுக்கு, அவரின் தாயும், காங்கிரஸ் தலைவருமான சோனியா, மறைமுகமாக பாடம் கற்பித்துள்ளார். கட்சி மற்றும் அரசியல் நடவடிக்கைகளை தானே முன்னின்று நடத்தி, 'நீ இல்லாவிட்டால் என்ன, என்னால் முடியும்!' என, ராகுலுக்கு, சோனியா மறைமுகமாக சுட்டிக்காட்டும் வகையில், அதிரடி அரசியல் நடவடிக்கைகளை துவக்கி உள்ளார்.சில ஆண்டுகளுக்கு முன், ராஜஸ்தானின் ஜெய்ப்பூர் நகரில் நடைபெற்ற, காங்கிரஸ் மாநாட்டில், அக்கட்சி யின் துணைத் தலைவராக, 'மகுடம்' சூட்டப்பட்ட ராகுல், அதன்பின் நடைபெற்ற, பல மாநில சட்டசபைத் தேர்தல்கள் மற்றும் கடந்த ஆண்டு நடைபெற்ற லோக்சபா தேர்தலை முன்னின்று நடத்தினார். அனைத்து பொறுப்பு களையும் அவரே மேற்கொள்ள, தேர்தல் முடிவு கள், காங்கிரசுக்கு படுதோல்வியை கொடுத்தன. ஒரு தேர்தல் இல்லை என்றாலும், இன்னொரு தேர்தல் தன் தலைமையை, வெற்றி மூலம் நிரூபித்துக் காட்டும் என, எண்ணியிருந்த ராகுலுக்கு, ஏமாற்றமே மிஞ்சியது. இதனால், மிகவும் சோர்வடைந்திருந்த ராகுல், கட்சிக் கூட்டங்கள் எதிலும் பங்கேற்காமல், கட்சித் தலைமையகம் செல்லாமல் இருந்தார்.   வடிவேலு 23ம் புலிகேசி....இவரு 24ம் புலிகேசி...விளங்கிடும் போங்க...