கே பி, பத்திரிகையில் வெளியாகாத நேர்காணல்கள் கீழே தரப்படுகின்றன

கே பி எனப்படும் குமரன் பத்மநாதனிடம் உள்ளுர் பத்திரிகை ஒன்று நடத்திய நேர்க்காணல் அண்மையில் பிரசுரமாகியிருந்தது. எனினும் அந்த பத்திரிகையில் வெளியாகாத நேர்காணல்கள் கீழே தரப்படுகின்றனபத்திரிகையாளர் - அரசாங்கத்துடன் உங்களுக்கு உள்ள பரிமாற்றங்கள் எவை?

கே பி – பரிமாற்றமா அதன் அர்த்தம் என்ன? என்ன சொல்கிறீர்கள்?

பத்திரிகையாளர் - அரசாங்கம் உங்களை வைத்து என்ன செய்யபோகிறது. ராஜபக்சவின் குடும்ப ஆட்சியில் நீங்கள் சிக்கியுள்ளீர்கள். நீங்கள் உங்களிடம் இருந்த பெருந்தொகை பணத்தை ராஜபக்சவின் உறவினர்களுக்கு பரிமாற்றியுள்ளீர்கள். இதன் காரணமாகவே உங்களை சிறையில் அடைக்காமல் சுதந்திரமாக வைத்திருக்கிறார்கள்.

கே பி –சிரிப்பு –அவ்வாறான பரிமாற்றம் எதுவும் கிடையாது.2003 ஆம் ஆண்டுக்காலப்பகுதியிலேயே தமிழீழ விடுதலைப்புலிகளுடன் இருந்த பொறுப்புகளில் இருந்து நான் விலகிக்கொண்டேன். அதன் பின்னர் நான் பெருந்தொகை பணத்தை என்வசம் கொண்டிருக்கவில்லை. அவையாவும் வீணான பிரசாரங்களாகும். எனக்கு இந்த விடயம் தொடர்பாக எதுவும் தெரியாது.

பத்திரிகையாளர் - கப்பல்கள் பற்றி என்ன கூறுகிறீர்கள்?கப்பல்களுக்கு என்ன நடந்தது? எந்த சகோதரருக்காக அதனை கொடுத்தீர்கள்?

கே.பி – பல கப்பல்கள் இறுதியுத்தத்தின் போது அழிக்கப்பட்டன. அங்கு கொடுப்பதற்கு ஒன்றும் இருக்கவில்லை.

பத்திரிகையாளர்- கப்பல்கள் அனைத்தும் அழிக்கப்படவில்லை. உங்களுக்கு அது பற்றி தெரிந்திருக்கும்தானே?

இரண்டு மூன்று கப்பல்கள் எஞ்சியிருந்தன. சுpல வேளைகளில் அரசாங்கம் அவற்றை கைப்பற்றியிருக்கலாம்.

பத்திரிகையாளர் - உங்களை எங்கே பிடித்தார்கள்?

கே பி – மலேசியாவில்

பத்திரிகையாளர் - தாய்லாந்தில் என்ன நடந்தது?

தாய்லாந்து தொடர்பாக கூறப்பட்டவை ஊகங்களாக இருக்கலாம். ஆனால் நான் மலேசியாவிலேயே பிடிக்கப்பட்டேன்.
உங்களை யார் பிடித்தது?

கே பி – மலேசிய புலனாய்வாளர்கள். என்னை விமான நிலையம் வரை அழைத்துச்சென்று அங்கு இலங்கையின் புலனாய்வாளர்களிடம் ஒப்படைத்தனர்

இதன் பின்னர் விமானத்தின் வர்த்தக வகுப்பில் அமரசெய்யப்பட்டு நான் இலங்கைக்கு கொண்டு வரப்பட்டேன்.

பத்திரிகையாளர் - என்ன நிபந்தனைகளுக்கு கீழ் நீங்கள் தடுத்து வைக்கப்பட்டுள்ளீர்கள்? தற்போது என்ன நினைக்கிறீர்கள்?

கே பி – வீடு ஒன்றில் தடுத்து வைக்கப்பட்டுள்ளேன். நான் ஏனைய கைதிகள் எண்ணுவதை போலவே உணர்வுகளை கொண்டுள்ளேன்.எனினும் நான் தடுத்து வைக்கப்பட்டிருக்கும் வீடு எங்குள்ளது என்பது எனக்கு தெரியாது.

பத்திரிகையாளர் - உங்களை சமாதானத்துக்கு உதவுமாறு அரசாங்கம் அழைத்ததா?

கே பி – நாங்கள் அதனை பற்றி பேசினோம். நான் எனது மக்களுக்கு உதவவேண்டும். கஸ்டப்படுகின்ற மக்களுக்கு உதவவேண்டும் என நினைக்கிறேன்.

பத்திரிகையாளர் - யுத்தத்தின் இறுதிக்காலத்தில் உங்களது பணி என்னவாக இருந்தது?

கே பி –நாங்கள் யுத்தத்தை நிறுத்துவதற்கு ஐக்கிய நாடுகள் உட்பட பல தரப்புகளுடனும் பேசினோம். எனினும் அது முடியவில்லை

பத்திரிகையாளர் -உங்களின் பொறுப்புகள் எவை? ஆயுதக்கடத்தலா? அல்லது வங்கி வைப்புகளின் பொறுப்பாளரா?

கே பி – நான் சர்வதேச உறவுகளுக்கு பொறுப்பாக இருந்தேன்.நான் சமாதான முயற்சியாளராக செயற்பட்டேன்.

பத்திரிகையாளர் - உங்கள் வசம் அதிகளவு பணம் இருந்தது உண்மையா?

கே பி – 2003 ஆம் ஆண்டில் 2009 ஆண்டு வரையிலான காலப்பகுதியில் உள்ள நிலைமை எனக்கு தெரியாது. நான் 2003 ஆம் ஆண்டு எனது பொறுப்பை முடித்துக்கொண்டபோது அதிகளவு கடன்களே இருந்தன.
பத்திரிகையாளர்- இலங்கைக்கு எப்போது கடைசியாக விஜயம் செய்தீர்கள்?

கே பி – ஜனாதிபதி ரணசிங்க பிரேமதாஸ சமாதான முன்னெடுப்புகளை மேற்கொண்டபோது கடைசியாக இலங்கைக்கு வந்தேன்

பத்திரிகையாளர்- மலேசியாவில் இருந்து இலங்கை வந்தபின்னர்மட்டக்களப்புக்கு போயிருக்கிறீர்களா?

கே பி - இல்லை. வன்னிக்கு சென்றிருந்தேன். புலம்பெயர்ந்த தமிழர்கள் சிலர் இலங்கைக்கு வந்து அரசாங்கத்துடன் இணைந்து வேலைத்திட்டங்களை மேற்கொள்ள பயணித்த போது நானும் அவர்களுடன் வன்னிக்கு சென்றேன்.

பத்திரிகையாளர் - உங்களுடைய பழைய யுத்த களத்திற்கு சென்ற போது எவ்வாறு கவலைப்பட்டீர்கள்?

கே பி – முகாம்களுக்கு விஜயம் செய்தபோது போரின் காரணமாக பொதுமக்கள் அவலப்படுவதை கண்டு வருந்தினேன். எனக்கு அழுகை வந்தது. இந்தநிலையில் சமாதான பேச்சுவார்த்தையை ஆரம்பிக்கவேண்டும் என நான் எண்ணுகிறேன்.

பத்திரிகையாளர்- நீங்கள் அரசாங்கத்துக்கு பணம் எதனையும் கொடுக்கவில்லையா?

கே பி – நான் சொல்வது உண்மையாகும். பணம் வழங்கியதாக கூறப்படுவது முற்றிலும் பொய்யான செய்தியாகும்

பத்திரிகையாளர்- உங்களுக்கு எத்தனை வயது?குடும்பம் பிள்ளைகள்?

கே பி – எனது மனைவியும் தாய்லாந்தில் இருக்கிறாள். 18 வயது மகளும் தாய்லாந்தில் இருக்கிறாள்.

பத்திரிகையாளர் - அவர்கள் உங்களுடன் நாளாந்தம் தொலைபேசியில் அல்லது ஸ்கைப்பில் பேசுகிறார்களா? அவர்கள் உங்களை பார்ப்பதற்கு வருகிறார்களா?

கே பி – வாரத்திற்கு மூன்று நாட்கள் அவர்களுடன் கதைப்பேன். சிலவேளைகளில் அவர்கள் என்னை பார்க்க வருவார்கள்.

பத்திரிகையாளர் - புலம்பெயர்ந்தவர்களின் குழுவுடன் நீங்கள் வன்னி சென்றீர்களா?

கே பி – வன்னிக்கு சென்றோம். அபிவிருத்தி தொடர்பாக அரச சார்பற்ற நிறுவனங்களுடன் இணைந்து சேவையாற்றுவது குறித்து ஆராய்தோம்

பத்திரிகையாளர் - யுத்தம் முடிவடைந்து விட்டது. இந்த யுத்தத்தில் அழித்துப்போன சொத்துக்கள் குறித்து உணர்கிறீர்களா?

கே பி – நாங்கள் கசப்பான அனுபவத்தை பெற்றிருக்கிறோம்

பத்திரிகையாளர்- சர்வதேசத்தில் தமிழீழ விடுதலைப்புலிகளின் பலம் என்ன?

கே பி – சிலர் உண்மையை பேசுகிறார்கள். பலர் பிரபா இன்னும் உயிருடன் இருப்பதாக கூறுகின்றனர். நான் முகாம்களுக்கு சென்றபோது அங்கு உள்ள இளைஞர்களும் யுவதிகளும் தாம் இயல்பான வாழ்க்கைக்கு திரும்பவேண்டும் என கூறுகின்றனர். ஒரு சதவீதத்தினரே மீண்டும் யுத்தம் செய்யவேண்டும் என கூறுகின்றனர்

பத்திரிகையாளர் - தமிழீழ விடுதலைப்புலிகள் மீண்டும் இலங்கையில் தோற்றம் பெறுவார்கள் என நீங்கள் நினைக்கிறீர்களா?

கே பி – உலகம் மாறிக்கொண்டிருக்கிறது. எங்களது வாழ்நாளில் அவ்வாறு நடக்கும் என நாம் நம்பவில்லை. 35 வருட யுத்தத்தில் சிக்குண்டுண்டிருந்த நாம் இனி சமாதானத்தை ஏற்படுத்த முயற்சிக்கவேண்டும்
பத்திரிகையாளர் -உங்களது கைது பற்றி ஏதாவது அறிந்திருந்தீர்களா?

கே பி - இல்லை. ஆச்சரியமாக நடந்தது. ஹோட்டலுக்கு மலேசிய புலனாய்வாளர்கள் வரும் வரை எனக்கு எதுவும் தெரியாது

பத்திரிகையாளர் - அரசியலுக்கு வரும் நோக்கம் இருக்கிறதா?

கே பி - இல்லை. எனது மக்களின் பிரச்சினைகள் தீரும் வரை அவ்வாறான எண்ணம் இல்லை. நான் விடுதலையை விரும்புகிறேன். எனினும் பொறுத்திருந்து பார்ப்போம்.