இதற்கிடையில், சசிகலா தரப்பில் அவரிடம் சமரச பேச்சு நடத்தப்பட்டது. அதில், முன்னாள் அமைச்சர் தளவாய்சுந்தரம்,முன்னாள் எம்.எல்.ஏ., கோபால்சாமி ஆகியோர் ஈடுபட்டனர்; ஆனால், சமரச பேச்சு தோல்வி அடைந்துள்ளதாக தெரிகிறது வரும், 2019 லோக்சபா தேர்தலில், திருநெல்வேலி தொகுதியில் பி.எச்.பாண்டியனுக்கு, 'சீட்' வழங்கப் படும் என்ற வாக்குறுதி தரப்பட்டும், அதை அவர் ஏற்கவில்லை என, தீபா ஆதரவாளர்கள் தெரிவித்தனர்.
இந்நிலையில், பி.எச்.பாண்டியன், நெல்லை மாவட்டம், அம்பாசமுத்திரத்தில் உள்ள, தன் தோட்டத்தில், ஆதரவாளர்களை இன்று சந்தித்து பேசுகிறார். அதில், தீபா துவங்கும் புதிய கட்சி தொடர்பாக, முக்கிய ஆலோசனை நடத்தவுள்ளார் என, அவரது ஆதரவாளர்கள் தெரிவித்தனர்.
தீபாவுக்கு ஆதரவு: காங்., நிர்வாகி யோசனை
திருச்சி:'சசிகலாவுக்கு எதிர்ப்பாக, அ.தி.மு.க., தொண்டர்களின் ஆதரவை பெற்று வரும் தீபாவுக்கு காங்கிரஸ் ஆதரவுக்கரம் நீட்ட வேண்டும்' என்ற கோரிக்கை எழுந்துள்ளது.தமிழக காங்கிரஸ், விவசாய அணி பொது செயலர் முரளிதரன் கூறியதாவது:
அ.தி.மு.க.,வுக்கு சோதனையான காலங்களில் < எல்லாம், அ.தி.மு.க.,வும், காங்கிரஸ் கட்சியும் கூட்டணி அமைத்து, தேர்தலை சந்தித்துள்ளன. தற்போதுள்ள சூழலில், அ.தி.மு.க., தொண்டர் கள் விரும்பும் தீபாவுக்கு, காங்கிரஸ்கட்சி ஆதரவுக்கரம் நீட்ட வேண்டும்.அதற்கு ஏற்றார் போல், தற்போது, தமிழக காங்கிரஸ் தலைவ ராக, எம்.ஜி.ஆர்., ஜெயலலிதாவால் அரசிய லில் வளர்த்தெடுக்கப்பட்ட திருநாவுக்கரசர் தான் உள்ளார்.
அவர், தமிழக அரசியல் சூழலை, காங்கிரஸ் தலைவர் ராகுலிடம் எடுத்து கூறி, தீபாவுக்கு ஆதரவுக்கரம் நீட்ட வேண்டும். மேலும், காங்கிரஸ் தலைமையில், புதிய ஊழல் குற்றச்சாட்டு இல்லாத அணியை ஏற்படுத்த, சரியான தருணம் இதுவே. இவ்வாறு அவர் கூறினார்.
- நமது நிருபர் - தினமலர்
கருத்துகள் இல்லை:
கருத்துரையிடுக