தமிழில் இப்போது ஏழாம் அறிவு படத்தில் நாயகியாக நடித்து வரும் கமல் ஹாஸன் மகள் ஸ்ருதி, அடுத்து உதயநிதிக்கு ஜோடியாக நடிப்பதாக தகவல் வெளியாகியுள்ளது.ஏழாம் அறிவு படத்தின் தயாரிப்பாளர் உதயநிதி ஸ்டாலின்தான் என்பது குறிப்பிடத்தக்கது.
உதயநிதி ஸ்டாலின் முதல் முறையாக ஹீரோவாக நடிக்கிறார், நண்பேன்டா படத்தில். பாஸ் என்கிற பாஸ்கரன் படத்தை இயக்கிய ராஜேஷ் எம் இயக்கும் இந்தப் படம் முழுக்க முழுக்க காமெடி படமாகும்.
சந்தானம் முக்கிய வேடத்தில் நடிக்கிறார். இந்தப் படத்துக்காக உடற்பயிற்சி, நடனப் பயிற்சி, சண்டைப் பயிற்சி என பல பயிற்சிகளில் மும்முரமாக உள்ளார் உதயநிதி.
நண்பேன்டா படப்பிடிப்பு விரைவில் ஆரம்பிக்கப்பட உள்ள நிலையில், படத்தின் ஹீரோயின் ஸ்ருதி ஹாஸன் என தெரிய வந்துள்ளது.
இந்தப் படத்தில் நடிக்குமாறு ஸ்ருதியிடம் கேட்டதும் மகிழ்ச்சியுடன் ஒப்புக் கொண்டாராம். பெரும் தொகை அவருக்கு சம்பளமாகத் தரப்படவிருக்கிறதாம்
கருத்துகள் இல்லை:
கருத்துரையிடுக