பஞ்சு அருணாசலம் 45 திரைப்படங்களுக்குக் கதை எழுதியுள்ளார். 90 திரைப்படங்களுக்கு திரைக்கதை வசனம் எழுதியுள்ளார். இவற்றில் 70 படங்கள் வெற்றி பெற்றுள்ளன. 50 படங்கள் 100 நாட்களுக்கு மேல் ஓடி சாதனை படைத்தவை. இது மட்டுமல்ல 150 திரைப்படங்களில் 300 பாடல்களுக்கு மேல் எழுதியவர். மேலும் 45 படங்களை தயாரித்தவர்.
1958-இல் `கவியரசு` கண்ணதாசனின் உதவியாளராகத் தனது திரைப்பணியை தொடங்கிய பஞ்சுஅருணாசலம், கடந்த 47 வருடங்களில் சாதனைகள் பல படைத்தவர். இளைய ராஜாவை சினிமாவுக்கு 1976-இல் தனது தயாரிப்பான ‘அன்னக்கிளி’ யில் அறிமுகம் செய்தது இவரது மகத்தான சாதனைகளில் ஒன்று.
இந்த ஆவணப் படத்தில், பஞ்சுஅருணாசலம் கடந்து வந்த பாதை, குடும்பம், அவரது திரைப்படப் பிரவேசம், சந்தித்த தோல்விகள், வெற்றிகள், சாதனைகள், என அனைத்து விஷயங்களும் உள்ளன. 95 நிமிடங்கள் ஓடும் இதில், சாதனையாளர்கள் பலர், பஞ்சுவுடன் தங்களுக்கு ஏற்பட்ட அனுபவங்களை உணர்வு பூர்வமாக விவரிக்கின்றனர். அவரது திரைப்படங்கள் பலவற்றிலிருந்து காட்சிகளும் இடம்பெற்றுள்ளன.
பஞ்சுஅருணாசலத்தின் திரைப்படங்களைப் போல, இந்த ஆவணப்படத்தில், 35 பெரிய சாதனையாளர்கள் அவரது படங்கள் பற்றியும், தங்களது வாழ்க்கையில் பஞ்சுவின் பங்களிப்பு பற்றியும் பேசுகிறார்கள். இதில் ரஜினிகாந்த், பாரதிராஜா, மகேந்திரன், வி.சி.குகநாதன், சிங்கிதம் சீனிவாசராவ், பி.லெனின், கங்கை அமரன், `முக்தா` வி.சீனிவாசன், ஆர்.சுந்தர்ராஜன், சுந்தர் சி., ஏ.வெங்கடேஷ், சத்யராஜ், பிரபு, குஷ்பு சுந்தர், ராதிகா உள்பட பலர் பங்கேற்றுள்ளனர். மாலைமலர்.காம்
கருத்துகள் இல்லை:
கருத்துரையிடுக