உலகத் தமிழ் செம்மொழி மாநாட்டில் நிறைவேற்றப்பட்ட தீர்மானங்களுக்கு உயிர் கொடுப்பதுதொடர்பான நடவடிக்கைகள் குறித்து முதல்வர் கருணாநிதி தலைமையில் நேற்று ஆலோசனை நடந்தது. அக்கூட்டம்தொடர்பாக தமிழக அரசு வெளியிட்டுள்ள செய்திக்குறிப்பு:
கோவையில் அண்மையில் நடைபெற்ற உலகத்தமிழ் செம்மொழி மாநாட்டில் நிறைவேற்றப்பட்ட தீர்மானங்களின் மீது மேற்கொள்ளப்பட வேண்டிய தொடர் நடவடிக்கைகள் குறித்து, சென்னை கோட்டையில் அமைந்துள்ள செம்மொழி தமிழாய்வு நூலக அரங்கில் (பழைய அமைச்சரவைக் கூட்ட அரங்கு), முதல்வர் கருணாநிதி தலைமையில் காலை 11.00 மணி அளவில் கலந்தாய்வு கூட்டம் நடைபெற்றது.
இக்கூட்டத்தில், நிதியமைச்சர் க.அன்பழகன், மத்திய அமைச்சர்கள் மு.க.அழகிரி, ஆ.ராசா, கவிஞர் கனிமொழி எம்.பி, அமைச்சர்கள் வீரபாண்டி ஆறுமுகம், துரைமுருகன், க.பொன்முடி, சுரேஷ்ராஜன், தங்கம் தென்னரசு, வெள்ளக்கோவில் சாமிநாதன், பூங்கோதை ஆகியோரும், தலைமைச் செயலாளர் உள்ளிட்ட பல்வேறு துறைச் செயலாளர்கள், தொல்லியல் துறை ஆணையர், தஞ்சை பல்கலைக்கழக துணைவேந்தர் மற்றும் தமிழ் வளர்ச்சித்துறை இயக்குநர் ஆகியோர் கலந்து கொண்டனர்.
கருத்துகள் இல்லை:
கருத்துரையிடுக