வியாழன், 9 ஏப்ரல், 2020

Trance நவீன மத வியாபார மோசடிகளை இதை விட தெளிவாக காட்டி விட முடியமா? full movie


பெரியார் நேசன் : கன்னியாகுமரியில் half time motivationall பேச்சாளராகவும் ..half time chefஆகவும்
வாழ்க்கை வண்டியை ஓட்டும் பஹத் பாசில், மனநலன் பாதிக்கப்பட்டட தன் தம்பியின் மரணத்திற்கு பிறகு அங்கே வாழப்பிடிக்காமல் மும்பை வருகிறார். மும்பையில் அறிமுகமாகும் கௌதம் மேனன் மற்றும் செம்பான் வினோத் இருவரும் பஹத் பாசிலை மேடை பிரசங்கம் செய்யும் ஒரு பாதிரியாராக மாற்றுகின்றனர். இவருக்கு பயிற்சி அளிக்கிறார் பயிற்சியாளர் திலீஷ் போத்தன்.. மதத்தின் பெயரை வைத்து கோடிகளில் சம்பாதிப்பது தான் கௌதம் மேனனின் திட்டம். மதம்தான் மனிதர்களின் மிகப்பெரிய போதை அந்த போதையை கொடுத்து நாம் பணம் சம்பாதிக்க போகின்றோம் என கெளதம் விளக்கும் இடம் நிதர்சனம்..
ஆறு மாத பயிற்சிக்கு பின்பு போலி மத போதகராக மேடை பிரசங்கங்கம் செய்கின்றார் பஹத் பாசில்..கடவுள் அருளால் அற்புதம் நிகழ்கிறது என மேடையிலேயே பலர் முன்னிலையில் சிலரின் நோய்களை குணமாக்கும் நாடகம் நிகழ்த்தப்படுகின்றது அதை நம்பும் மக்கள் கூட்டம் கூட்டமாக வந்து சேர்ந்து பணத்தை கொட்டுகின்றனர் அதே போல் மற்றொரு பக்கம் ஒரு கட்டத்தில் பஹத் பாசிலின் புகழ் அதிகமாக, கௌதம் மேனனின் கட்டுப்பாடுகளை மீறி, தன்னிச்சையாக செயல்பட நினைக்கும் பஹத் செயலால் கெளதம்மிற்கும் இருவருக்கும் நடக்கும் பிரச்சனையில் மீண்டாரா..

சுகாதார செயலரோ கொரோனா வைரசை பரப்பிய கொடுமை .. மத்திய பிரேதேசம் . பல்லவி ஜெயின்


இந்த அம்மா யார் தெரியுமா?
மத்தியப் பிரதேசத்தின் சுகாதாரத் துறைச் செயலாளர் பல்லவி ஜெயின்.
அதிகாரமும் செல்வாக்கும் இருந்தால் இந்த நாட்டில் என்ன வேண்டுமானாலும் செய்யலாம். இவருடைய மகன் வெளிநாட்டிலிருந்து வந்த செய்தியை இவர் மறைத்துவிட்டார்.
விளைவு? மகன் மூலமாக இவருக்கும் கொரோனா நோய் தொற்றிவிட்டது. என்றாலும் அந்த அறிகுறிகள் வந்த பிறகும் அலட்டிக்கொள்ளாமல் அரசு பணிகளைத் தொடர்ந்தார். மீட்டிங்குகள் நடத்தினார்.
இதனால் இன்று இவருடன் பணியாற்றிய சுகாதாரத் துறை மூத்த அதிகாரிகள் இரண்டு டஜன் பேருக்கு கொரோனா தொற்றிவிட்டது. இவரால் நோய்த் தொற்றுக்கு ஆளானோரின் எண்ணிக்கை 100 இருக்கும் என அஞ்சப்படுகின்றது.
ஆனால் இந்த அளவுக்கு அலட்சியத்துடன் நடந்து கொண்ட இந்த அம்மையார் மீது எந்த நடவடிக்கையும் எடுக்கப்படவில்லை. அதற்கு மாறாக அரசு மருத்துவமனையில் சிகிச்சை பெறுவதற்குப் பதிலாக கெஸ்ட் ஹவுசில் தங்கியிருந்து சிகிச்சை பெற இவருக்க வசதி செய்து தரப்பட்டது.
அரசு மருத்துவமனைகளில் மருத்துவர்களின் செவிலியர்களின் பற்றாக்குறை இருக்கின்றது. ஆனால் படத்தைப் பாருங்கள், இவருக்கு சிகிச்சை அளிப்பதற்காக நிறைய பேர் திரண்டிருக்கின்றார்கள்.
விடுங்க, மேடம் தப்லீக் ஜமாஅத்தைச் சேர்ந்தவரா, என்ன?
-Azeez Luthfullah

மைக்ரோசாஃப்ட் அனைத்து நிகழ்வுகளும் டிஜிட்டல் முறையில் ... ஜூலை 2021 வரை

வெப்துனி - Sugapriya Prakash| : இனி ஜூலை 2021 வரை அனைத்து நிகழ்வுகளும் டிஜிட்டல் முறையில் நடைபெறும் என மைக்ரோசாஃப்ட் தெரிவித்துள்ளது. கடந்த மாத இறுதியில் சீனாவில் உருவெடுத்த கொரோனா வைரஸ் தற்போது நாடு முழுவதும் அதிக பாதிப்புகளை ஏற்படுத்தி வருகிறது. இதனால் பல நாடுகள் ஊரடங்கு உத்தரவு பிறப்பித்துள்ள நிலையில், தொழில்துரை கடுமையாக பாதித்துள்ளது. இந்நிலையில், மைக்ரோசாஃப்ட் நிறுவனத்தின் அனைத்து நிகழ்வுகளும் 2021 ஜூலை வரை டிஜிட்டல் முறையில் மட்டுமே நடைபெறும் என அறிவித்து இருக்கிறது. மேலும் மைக்ரோசாஃப்ட் நிறுவனத்தில் ஊழியர்கள் கலந்து கொள்ளும் நிகழ்வுகளின் கால அட்டவணையையும் மாற்றியமைத்து வருகிறது என தகவல் வருகிறது.

ராமாயணத்தில் அனுமன், பைபிளில் இயேசு போல் இந்தியா உதவ வேண்டும் - பிரதமர் மோடிக்கு பிரேசில் அதிபர் கடிதம்

ராமாயணத்தில் அனுமன், பைபிளில் இயேசு போல் இந்தியா உதவ வேண்டும் - பிரதமர் மோடிக்கு பிரேசில் அதிபர் கடிதம்வெப்துனியா : ராமாயணத்தில் அனுமன் போலவும், பைபிளில் இயேசு போலவும் இந்தியா உதவ வேண்டும் என்று பிரதமர் மோடிக்கு எழுதிய கடிதத்தில் பிரேசில் அதிபர் குறிப்பிட்டுள்ளார். பிரேசிலியா, சீனாவில் கடந்த டிசம்பர் மாதம் தோன்றிய கொரோனா வைரஸ்  தற்போது, அமெரிக்காவில் பெரும் பாதிப்பை ஏற்படுத்தியுள்ளது. கொரோனா வைரஸ் பாதிப்பின் காரணமாக உலகம் முழுவதும், 14 லட்சத்திற்கும் மேற்பட்டவர்கள் பாதிக்கப்பட்டுள்ள நிலையில், 86 ஆயிரத்து 744 பேர் உயிரிழந்துள்ளனர். இதுவரை 3 லட்சத்து 16 ஆயிரத்து 855 பேர் குணமடைந்து வீடு திரும்பியுள்ளனர்.< கொரோனா  வைரஸ் நோய்க்கு தற்போது அங்கீகரிக்கப்பட்ட சிகிச்சைகள் அல்லது தடுப்பு தடுப்பூசிகள் எதுவும் இல்லை. மலேரியா மருந்து ஹைட்ராக்ஸி குளோரோகுயின், நோயால் பாதிக்கப்பட்ட நோயாளிகளுக்கு சாத்தியமான சிகிச்சையாக பரிசோதனைக்கு உட்படுத்தப்படும் மருந்துகளில் ஒன்றாக உள்ளது. 

மனோ கணேசன் : நிவாரணம் பெறுவோர் பட்டியலில் தோட்ட தொழிலாளர்களுக்கு இடமில்லை.

Mano Ganesan - மனோ : நிவாரணம் பெறுவோர் பட்டியலில் இம்முறையும்
தோட்ட தொழிலாளர்களுக்கு இடமில்லை. இனி இதற்கு யார் பதில் கூறுவது?;
கடந்த 2ம் திகதி அலரி மாளிகையில் பிரதமர் தலைமையில் நடைபெற்ற, கட்சி தலைவர்கள் கூட்டத்தில் ஒரு சம்பவம் நிகழ்ந்தது. அத்தியாவசிய சேவைகளுக்கான ஜனாதிபதி செயலணியின் தலைவர் பசில் ராஜபக்ச உரையாற்றியபோது, நிவாரணங்கள் பெறுவோர் பட்டியலை விளக்கமாக வாசித்தார்.
அதன் பிறகு (சிங்கள மொழியில்) பேசிய நான், என் உரையின் ஒரு கட்டத்தில், “இங்கு எனக்கு முன் உரையாற்றிய திரு. பசில் ராஜபக்ச அவர்கள் தனது நிவாரணங்கள் பெறுவோர் பட்டியலில், விவசாயிகளை பற்றி, மீனவர்களை பற்றி சொன்னார். ஆனால், தோட்ட தொழிலாளர்களை பற்றி குறிப்பிட மறந்து விட்டார்” என்று சொல்லி ஒரு கணம் நிறுத்தி, “ஒருவேளை அவர் சொன்னதை நான் சரியாக கவனிக்க மறந்து விட்டேன் என்றால், திரு. பசில் ராஜபக்ச, என் பிழையை திருத்தலாம்” என மிகவும் நாகரீகமாக சொன்னேன்.

ஆதி சங்கரரின் மூட பிடிவாதமும் சன்னியாசிகளை நெருப்பில் தள்ளிய குருரமும்

Dhinakaran Chelliah : இந்தியாவில் பௌத்தம் காணாமற் போனதற்கான முக்கிய காரணங்களில் ஆதி சங்கரரும் ஒருவர்.இந்த விடயத்தில் சுவாமி
விவேகானந்தர் ஆதிசங்கரர் பற்றி கூறும் வரிகளை நாம் அனைவரும் உற்று நோக்குவது அவசியம்.
விவேகானந்தர் ஆதி சங்கரர் பற்றி பின்வருமாறு எழுதுகிறார்:
சங்கரருடைய புத்தி நாவிதன் கத்தியைப்போல மிகவும் கூர்மையாய் இருந்தது; அவர் வாதம் புரிவதில் வல்லவர்; மஹா பண்டிதர்; அதில் அய்யமில்லை. என்றாலும், அவரிடத்தில் அகன்ற நோக்கமில்லை; அவருடைய இதயமும் அத்தகைய தாகவே காணப்பட்டது. மேலும், அவர் தமது பிராம்மணத்துவத்தில் பெருமை பாராட்டுபவர். வாதத்திலே தோல்வியடைந்த எத்தனையோ புத்த சந்நியாசிகளை நெருப்புக்கு இரையாக்கின அவருடைய இதயத்தை என்னவென்று சொல்வது! சங்கரர் இந்தச் செய்கையைச் செய்தது மூடப் பிடிவாதமன்றி வேறு என்ன? சிறு ஆட்டுக் குட்டியினுடைய உயிரைக் காப்பாற்றத் தமது உயிரைக் கொடுக்கச் சித்தமாயிருந்தார் புத்தர்; பஹுஜன ஹிதாய பஹுஜன ஸூகாய பலருடைய இதத்திற்காகவும் பலருடைய நலத்திற்காகவும் வாழ்ந்தார் புத்தர் எவ்வளவு அகன்ற சிந்தை! எவ்வளவு இரக்கம்!

புதன், 8 ஏப்ரல், 2020

கொரோனாவை சுற்றி சர்க்கரை.. சைலன்ட்டாக மனித உடலுக்குள் நுழையும் ரகசியம்.

Aravinthan -  /tamil.oneindia.com :  லண்டன் : புதிய ஆய்வு ஒன்றில் கொரோனா வைரஸ் எப்படி எந்த அறிகுறியும் இல்லாமல் மனித உடலுக்குள் நுழைகிறது என தெரிய வந்துள்ளது. 
கொரோனா வைரஸை கட்டுப்படுத்த இதுவரை எந்த மருந்தும் கண்டுபிடிக்கப்படவில்லை. அதற்கு காரணம், அந்த வைரஸ் குறித்த அதிக தகவல்கள் இல்லாததே. மேலும், மனிதனின் நோய் எதிர்ப்பு சக்தியை அந்த வைரஸ் ஏமாற்றுவதால் எந்த மருந்து கொடுத்தாலும் அது பெரிய அளவில் பயனளிப்பதில்லை. 
இந்த நிலையில், நோய் எதிர்ப்பு சக்தியை கொரோனா வைரஸ் எப்படி ஏமாற்றுகிறது? என்பது பற்றிய முக்கிய தகவல் ஆய்வில் வெளியாகி உள்ளது. மருந்து இல்லை மருந்து இல்லை உலகையே அச்சுறுத்தி வரும் கொரோனா வைரஸ் 14 லட்சம் பேரை தாண்டி பாதித்துள்ளது. 83,000க்கும் மேற்பட்டோர் இறந்துள்ளனர். இதுவரை எந்த மருந்தும் கண்டுபிடிக்கப்படவில்லை. ஒவ்வொரு நாடும் சில மருந்துகளை கூட்டாக கொடுத்து வருகிறது. சிலர் குணமடைகிறார்கள். சிலர் பலியாகிறார்கள். 
 ஏமாற்றி உள்ளே நுழையும் கொரோனா 
 கொரோனா வைரஸ் பாதித்த நோயாளிகள் எப்படி இறக்கிறார்கள், எப்படி குணமடைகிறார்கள் என்பதும் மர்மமாகவே உள்ளது. இந்த வைரஸ் மனிதனின் நோய் எதிர்ப்பு சக்தியை எளிதாக ஏமாற்றி உள்ளே நுழைவது தான் இதை பற்றி புரிந்து கொள்வதில் உள்ள பெரிய சிக்கல் ஆகும்.

வாழ்வாதாரம் பாதிக்கப் பட்டால் மக்கள் ஊரடங்கை மீறுவார்கள்... எச்சரிக்கை?


வளன்பிச்சைவளன் :; ஊரடங்கை நீட்டிக்க மாநிலங்கள் பரிந்துறை பதிமூன்று கோடியே அறுபது  லட்சம் பேர் வேலையிழப்பர் தங்கள் வாழ்வாதாரங்கள் பாதிக்கப்படும் போது மக்கள் ஊரடங்கை மீறும் நிலை வரும்  ரகுராம்ராஜன் நாங்கள் கொரோனாவினால் சாகமாட்டோம் ஆனால்  பசியால்  சாவோம்
மாநில அரசுகள் கொரோனாவை கட்டுக்குள் கொண்டு வர ஊரடங்கு நீட்டிப்பு அவசியம் என பரிந்துரை செய்துள்ளன. உலகில் கொரோனாவை கட்டுக்குள் வைத்திருக்கும் நாடுகளில் ஒன்று இந்தியா என பிரதமர் மோடி பெருமிதம்.
இன்று ஊரடங்கால் 42 %பேர் ஒரு நேர உணவு என பரிதவிக்கிறார்கள் என ஆய்வு அறிக்கைகள் கவலை தெரிவித்து உள்ளன.
பொருளாதார நெருக்கடி நிலை உருவாகி உள்ளது என்றும் இதனால்
13,60,00,000 பேர் வேலை இழக்கும் அபாயம் உள்ளது.
ஊரடங்கை நீண்ட காலத்திற்கு நீட்டிக்க முடியாது. பாதிப்பு இல்லாத பகுதிகளில் பணிகளை தொடர வேண்டும். தங்களின் வாழ்வாதாரம் பாதிக்கப் படும் போது மக்கள் ஊரடங்கை மீறுவார்கள் என முன்னாள் ரிசர்வ் வங்கி கவர்னர் ரகுராம் ராஜன் எச்சரித்து உள்ளனர்.

தூய்மைப் பணியாளர்களின் ஈடில்லா அறிப்பணிப்பு

hindutamil.in : தூய்மைப் பணியாளர்களின் ஈடில்லா உழைப்பை மக்கள் உணர்ந்துள்ளனர்!- பி.ஆர்.நடராஜன் எம்.பி. உருக்கம் கோவை எம்.பி.யான பி.ஆர்.நடராஜன் கோவை மாவட்டத்தில் சுகாதாரப் பணிகளை மேற்கொள்ளும் தூய்மைப் பணியாளர்களை நேரில் சந்தித்து பாராட்டுகளைத் தெரிவித்ததோடு அவர்களுக்கு ரூ. 25 ஆயிரம் மதிப்புள்ள முகக் கவசங்களையும் வழங்கினார்.
health-workers-s-servicesகரோனா வைரஸ் தடுப்பு நடவடிக்கைகளில் சுகாதாரப் பணியாளர்களின் உழைப்பு இன்றியமையாததாக உள்ளது. இத்தொழிலாளர்களுக்கான பாதுகாப்பு உபகரணங்கள் தேவைக்கேற்ப வழங்கப்படவில்லை என தொடர்ந்து அரசிடம் வலியுறுத்தி வருகிறார் பி.ஆர்.நடராஜன்.
இந்நிலையில், மார்க்சிஸ்ட் கட்சியின் ஏற்பாட்டில் ரூ.25 ஆயிரம் மதிப்புள்ள முகக் கவசங்களைத் தருவித்து மாநகராட்சி, பேரூராட்சி பகுதியில் உள்ள தூய்மைப் பணியாளர்களுக்கு புதனன்று நேரில் வழங்கினார்.

சோமாலியாவை செய்திகளில்தானே பார்த்தீர்கள்? விரைவில் நாம் செய்திகள் ஆவோம்?

தமிழ் மறவன் : உண்மையைச் சொல்கிறேன், மனதிடத்தோடு படியுங்கள்!
சோமாலியாவை செய்திகளில்தானே பார்த்தீர்கள்?
விரைவில் நாம் செய்திகள் ஆவோம்... எப்படி?
இதோ....,
ஏப்ரல் 14க்கும் பிறகு வாழ்க்கை
இயல்பு நிலைக்கு திரும்பாது.
ஏனெனில் இனி இயல்பு நிலை என்று நாம் வைத்திருந்த parameters மொத்தமாக மாறும்.
Post-corona economic crisis அழுத்தி நம்மை தரையோடு சாய்க்க காத்திருக்கிறது.
இதுவரை உங்களை support செய்துவருவதாக, salary சரியாக கொடுத்துவருவதாக நினைக்கும் நிறுவனங்கள் இனி layoff கந்தாயங்களைத் தொடங்குவார்கள்.
Downsizing விளையாட்டில் காவு வாங்கப்படவிருக்கும் உயிர்களின் எண்ணிக்கையை ஊகிக்கவே முடியவில்லை.
இதில் பெருத்த அடி வாங்கப்போவது IT, Fossil Fuel , Tourism and its allied services viz Hotels. Renewable energy நொண்டுகிறது. இப்படி சொல்லிக்கொண்டே போகலாம்.
End of the day..!
இந்த மொத்த களேபரத்தின் முதல் பலி 30-45 வயதுடைய அந்த மிடில் கிளாஸ் காமன் மேன். கையில் காசு, வாயில் தோசை, சேமிப்பு என்பது கானல் நீர், Job security என்பது Pipedream , என்னேரமும் சோலி முடிக்கப்படலாம் என திவாலாக காத்திருக்கும் நிறுவனங்கள். இப்படி middle class paupers உருவாகுவார்கள்.
இதர நாடுகளுக்கு கடந்த 10 ஆண்டுகளில் கொரோனா தான் மிகப்பெரிய பேரிடர்.2008-09 காலக்கட்டத்தை கடந்தப்பின்னர் அவர்களது பொருளாதாரம் சீரானது. இங்கே நாம் சரியான அடி வாங்கும் இடம் இதுதான்.
கொரோனாவுக்கு முன்பே நமது பொருளாதாரத்தை சூறையாடிய Man made crisis என்றால் அது demonization(பணமதிப்பிழப்பு) மட்டுமே.
Industryயின் small players, startups, cottage Industries, self reliant micro businessசை கொத்தாக கபளீகரம் செய்து முடித்தது.

பெப்சிக்கு கிடைத்த நிதியுதவி எவ்வளவு: ஆர்.கே.செல்வமணி

பெப்சிக்கு கிடைத்த நிதியுதவி எவ்வளவு: ஆர்.கே.செல்வமணி
மின்னம்பலம் : பெப்சி தொழிலாளர்களுக்கு எவ்வளவு நிதியுதவி கிடைத்துள்ளது என்ற விவரத்தை பெப்சி தலைவர் ஆர்.கே.செல்வமணி வெளியிட்டுள்ளார்.
கொரோனா வைரஸ் பாதிப்பால் 21 நாட்கள் ஊரடங்கு அமலில் உள்ள நிலையில், ஊரடங்கிற்கு முன்பாகவே முன்னெச்சரிக்கை நடவடிக்கையாக தியேட்டர்கள் மூடப்பட்டுள்ளன. இதனால் திரைப்படத்துறையினர், திரைப்பட வணிகம் சார்ந்த பல்வேறு தரப்பினர் பெரும் நஷ்டத்தை சந்தித்து வருகின்றனர். மார்ச் மாத இறுதியிலேயே படப்பிடிப்புகளை பெப்சி சங்கத்தினர் வைரஸ் தொற்றின் தீவிரத்தைக் கருதி நிறுத்தினர். இதனால் புதிய படங்களின் படப்பிடிப்பு, சீரியல்களின் படப்பிடிப்பு என அனைத்தும் நிறுத்தப்பட்டன. உலகெங்கிலும் நிகழ்ந்து வரும் கொரோனா வைரஸ் தாக்குதலால் அனைத்து துறைகளும் முடங்கியுள்ளன.
தமிழ்த் திரைப்படத் துறை முற்றிலும் முடக்கப்பட்டுள்ளது. வெளியீட்டுக்குத் தயாராக இருந்த நிறையத் திரைப்படங்கள் வெளியிட முடியாமலும், படப்பிடிப்பு நடந்து கொண்டிருந்த திரைப்படங்கள் நிறுத்தப்பட்டதால் பல தொழிலாளர்களின் நிலை மோசமாகவுள்ளது. குறிப்பாக தினசரி தொழிலாளர்கள் எப்போது இயல்புநிலை திரும்புமோ என இந்த அசாதாரண சூழ்நிலையை கடக்க முடியாமல் திணறி வருகின்றனர்.
> எனவே தினசரி தொழிலாளர்களுக்கு உதவ வேண்டும் என்று பெப்சி தலைவர் ஆர்.கே.செல்வமணி சமீபத்தில் வேண்டுகோள் விடுத்து அறிக்கை வெளியிட்டிருந்தார். அதேபோல் தனிப்பட்ட முறையில் அனைவருக்கும் கடிதமும் அனுப்பப்பட்டது. இதனைத் தொடர்ந்து, ரஜினி, அஜித், சூர்யா, சிவகார்த்திகேயன், நயன்தாரா உள்ளிட்ட பலரும் நிதியுதவி அளித்தனர். சிலர் அரிசி மூட்டை போன்ற அத்தியாவசியப் பொருட்களைத் தந்து உதவி செய்துள்ளனர்.

தமிழகத்தில் 48 பேருக்கு தொற்று; பாதிப்பு எண்ணிக்கை 738; உயிரிழப்பு 8 ஆக அதிகரிப்பு


a-total-of-48-people-have-become-infected-738-interview-with-beela-rajesh


hindutamil.in : தமிழகத்தில் மேலும் 48 பேருக்கு கரோனா தொற்று உறுதி செய்யப்பட்டதை அடுத்து தொற்று எண்ணிக்கை 738 ஆக அதிகரித்துள்ளது. இன்று ஒருவர் உயிரிழந்த நிலையில் உயிரிழப்பு எண்ணிக்கை 8 ஆனது.
கரோனா நோய்த்தடுப்பு நடவடிக்கையில் தமிழக அரசு தீவிரமாக ஈடுபட்டு வருகிறது. தினமும் நோய்த்தொற்று உள்ளவர்களுக்கு எடுக்கப்படும் பரிசோதனை முடிவுகள், வீட்டுக்கண்காணிப்பு, வீடுகளில் ஆய்வு உள்ளிட்ட சுகாதாரத்துறையின் நடவடிக்கைகள் குறித்து அதன் செயலர் பீலா ராஜேஷ் செய்தியாளர்களுக்கு அறிவிக்கிறார்.
சென்னையில் இன்று செய்தியாளர்களிடம் சுகாதாரத் துறைச் செயலாளர் பீலா ராஜேஷ் கூறியதாவது:
“ தமிழகத்தில் கரோனா நடவடிக்கையில் இதுவரை வீட்டுக்கண்காணிப்பில் உள்ளவர்கள் 60,739 பேர்.
* எங்களது கண்காணிப்பில் உள்ளவர்கள் 230 பேர்.
* மொத்தம் உள்ள ஆய்வகங்கள் எண்ணிக்கை 19.
* 28 நாள் கண்காணிப்பை முடித்தவர்கள் எண்ணிக்கை 32,075.
* மொத்தம் இதுவரை ஆய்வுக்கு அனுப்பப்பட்ட மாதிரிகள் எண்ணிக்கை 6,095.
* நேற்று வரை தொற்று உறுதி செய்யப்பட்டவர்கள் எண்ணிக்கை 690.
* இன்று தொற்று உறுதி செய்யப்பட்டவர்கள் எண்ணிக்கை 48.

தமிழகத்தில் கரோனா உயிரிழப்பு 8 ஆக உயர்வு!


நக்கீரன் : கரோனா வைரஸ் இந்தியாவில் வேகமாக பரவி வருகிறது. இதுவரை இந்தியாவில் 4000க்கும் மேற்பட்டோர் கரோனா தொற்றால் பாதிக்கப்பட்டுள்ளனர். மத்திய, மாநில அரசுகள் கரோனாவுக்கு எதிரான தடுப்பு நடவடிக்கைகளை தீவிரமாக எடுத்து வருகின்றன. இருந்த போதிலும் இந்தியாவில் கரோனாவால் பாதிக்கப்படுபவர்களின் எண்ணிக்கை தொடர்ந்து அதிகரித்துக்கொண்டே வருகிறது. கரோனா பாதிப்பு மாகாராஷ்டிரா மாநிலத்திற்கு அடுத்தபடியாக தமிழகத்தில் தீவிரமாக உள்ளது.

பிரான்ஸ் ஒரே நாளில் 1400 பேர் உயிரிழப்பு - 10 ஆயிரத்தை கடந்த எண்ணிக்கை... நிலை குலைந்த பிரான்ஸ்

கோப்பு படம்ஒரே நாளில் ஆயிரத்து 400 பேர் பலி - 10 ஆயிரத்தை கடந்த பலி எண்ணிக்கை... நிலை குலைந்த பிரான்ஸ்மாலைமலர் : பிரான்ஸ் நாட்டில் வைரஸ் தாக்குதலுக்கு நேற்று ஒரே நாளில் ஆயிரத்து 417 பேர் உயிரிழந்தனர். இதனால் அந்நாட்டில் கொரோனாவுக்கு பலியானோர் எண்ணிக்கை 10 ஆயிரத்தை கடந்துள்ளது. பாரிஸ் சீனாவின் ஹூபேய் மாகாணம் வுகான் நகரில் கடந்த ஆண்டு டிசம்பர் மாதம் கண்டுபிடிக்கப்பட்ட கொரோனா வைரஸ் தற்போது உலகின் 209 நாடுகளுக்கு பரவியுள்ளது. வைரஸ் வேகமாக பரவி வருவதால் பெரும் உயிரிழப்புகளும் ஏற்பட்டு வருகிறது. உலகம் முழுவதும் 14 லட்சத்து 20 ஆயிரத்து 641 பேருக்கு வைரஸ் பரவியுள்ளது. வைரஸ் பரவியவர்களில் 3 லட்சத்து ஆயிரத்து 516 பேர் கொரோனாவில் இருந்து குணமடைந்து டிஸ்சார்ஜ் செய்யப்பட்டுள்ளனர்.
வைரஸ் பாதிக்கப்பட்டவர்களில் 10 லட்சத்து 37 ஆயிரத்து 502 பேர் சிகிச்சை பெற்று வருகின்றனர். உலகம் முழுவதும் கொரோனா தாக்குதலுக்கு இதுவரை 81 ஆயிரத்து 623 பேர் உயிரிழந்துள்ளனர்.

அமெரிக்காவில் ஒரே நாளில் சுமார் 2 ஆயிரம் பேர் உயிரிழப்பு

கொரோனாவால் உயிரிழந்தவரின் உடலை கொண்டு செல்லும் காட்சிஎன்ன நடக்கிறது அமெரிக்காவில்? ஒரே நாளில் சுமார் 2 ஆயிரம் பேர் பலிதினத்தந்தி : அமெரிக்காவில் கொரோனா வைரஸ் தாக்குதலுக்கு நேற்று ஒரே நாளில் ஆயிரத்து 919 பேர் உயிரிழந்துள்ளனர். நியூயார்க்:< சீனாவின் ஹூபேய் மாகாணம் வுகான் நகரில் கண்டுபிடிக்கப்பட்ட கொரோனா வைரஸ் தற்போது உலகம் முழுவதும் 209 நாடுகளுக்கு பரவி உள்ளது. வைரஸ் தாக்குதலின் வேகம் நாளுக்கு நாள் அதிகரித்து வருவதால் பெரும் உயிரிழப்புகள் ஏற்பட்டு வருகிறது.
உலகம் முழுவதும் 14 லட்சத்து 25 ஆயிரத்து 716 பேருக்கு கொரோனா வைரஸ் பரவியுள்ளது. வைரஸ் பரவியவர்களில் 10 லட்சத்து 41 ஆயிரத்து 920 பேர் சிகிச்சை பெற்று வருகின்றனர். சிகிச்சை பெறுபவர்களில் 47 ஆயிரத்து 912 பேரின் நிலைமை மிகவும் கவலைக்கிடமாக உள்ளது.  வைரஸ் பரவியவர்களில் 3 லட்சத்து ஆயிரத்து 828 பேர் சிகிச்சைக்கு பின் குணமடைந்து டிஸ்சார்ஜ் செய்யப்பட்டுள்ளனர். ஆனாலும், கொரோனாவுக்கு உலகம் முழுவதும் இதுவரை 81 ஆயிரத்து 968 பேர் உயிரிழந்துள்ளனர்.

மக்களைக் காத்த மலேசிய இந்திய காங்கிரஸ்

மக்களைக் காத்த மலேசிய இந்திய காங்கிரஸ்!  மின்னம்பலம் :  உலகம் முழுவதையும் உலுக்கி வரும் கொரோனா வைரஸின் தாக்கம் நாளுக்கு நாள் அதிகரித்துக் கொண்டிருக்கும் நிலையில், இந்தியாவின் ஊரடங்கு உத்தரவால் வாழ்வாதாரம் பாதிக்கப்பட்ட மலேசிய இந்தியர்களைச் சத்தமின்றி மீட்டுச் சென்றிருக்கிறது அந்நாட்டு மலேசிய இந்திய காங்கிரஸ்.
21 நாட்கள் ஊரடங்கு உத்தரவு இந்தியாவில் அறிவிக்கப்பட்டபோது இந்தியாவின் பல்வேறு பகுதிகளில் தங்கியிருந்த வெளிநாட்டவர்களின் நிலைமை இந்தியர்களின் நிலைமையைக் காட்டிலும் கவலைக்கிடமானது. அதிலும் குறிப்பாக அந்த நேரத்தில் இந்தியாவிலிருந்த மலேசிய இந்தியர்கள் பலர் மீண்டும் தங்கள் நாடு திரும்ப முடியாமல் அவதிப்பட்டனர்.

உலக அளவில் கொரோனா உயிரிழப்பு 82 ஆயிரத்தை தாண்டியது


தினத்தந்தி : ஜெனீவா, சீனாவில் கண்டறியப்பட்ட கொரோனா வைரஸ், உலக நாடுகளை உலுக்கி வருகிறது. அமெரிக்கா, ஐரோப்பிய நாடுகளில் ருத்ர தாண்டவம் ஆடி வரும் கொரோனா வைரஸ், இந்தியாவிலும் படிப்படியாக தனது தாக்கத்தை அதிகரித்து வருகிறது. கொரோனாவுக்கு இன்னும் மருந்து கண்டுபிடிக்காததால், அது மக்களுக்கு பரவுவதை கட்டுப்படுத்தும் நடவடிக்கைகளில் ஒவ்வொரு நாடும் தீவிர கவனம் செலுத்தி வருகின்றன. பல நாடுகளில் ஊரடங்கு உத்தரவு பிறப்பிக்கப்பட்டு, கடும் கட்டுப்பாடுகள் விதிக்கப்பட்டு உள்ளன. இந்தியாவிலும் 21 நாள் ஊரடங்கு பிறப்பிக்கப்பட்டு உள்ளது. என்னதான் நடவடிக்கை எடுத்தாலும் நோய்க்கிருமி பரவுவதை முழுமையாக கட்டுப்படுத்த முடியாததால் செய்வது அறியாமல் உலக நாடுகள் திகைத்து நிற்கின்றன. கொரோனாவால் பாதிக்கப்பட்டவர்களின் எண்ணிக்கை உலக அளவில் 14.30 லட்சத்தை தாண்டியுள்ளது. இதேபோல் பலியானவர்களின் எண்ணிக்கை 82 ஆயிரத்தை கடந்துள்ளது. கொரோனா வைரஸ் பாதிப்பால் ஒரே நாளில் சுமார் 8 ஆயிரம் பேர் பலியாகியுள்ளனர்.

கொரோனா தடுப்புக்கு ஊமத்தை பூ மருந்து: 8 பேர் கவலைக்கிடம்

tamil.samayam.com/ :
கோப்புப்படம்
கொரோனா வைரஸ் தடுப்புக்கு ஊமத்தை பூவை பயன்படுத்தி மருந்து தயாரித்து உட்கொண்ட 8 பேர் கவலைக்கிடமாக மருத்துவமனையில் அனுமதிக்கப்பட்டுள்ளனர் >கொரோனா வைரஸ் தடுப்புக்கு ஊமத்தை பூவை பயன்படுத்தி மருந்து தயாரித்து குடித்த 8 பேர் கவலைக்கிடமாக உள்ளனர். அந்த வகையில், கொரோனா சமூக பரவலை கட்டுப்படுத்த வருகிற 14ஆம் தேதி வரை ஊரடங்கு உத்தரவு பிறப்பிக்கப்பட்டுள்ளது. மேலும், கொரோனா தொடர்பான விழிப்புணர்வு நடவடிக்கைகளையும் எடுத்து வருகிறது. வதந்திகளை பரப்புபவர்கள் கைது செய்யப்பட்டு வருகின்றனர். இந்த கொடிய நோய்க்கு மருந்து கண்டுபிடிக்க உலக மருத்துவ வல்லுநர்கள் தீவிரமாக முயற்சி செய்து வருகின்றனர்.

தேவையில்லை, இந்த பாசாங்கு ... பாஜக அமைச்சர்களின் எம்பிகளின் சம்பள குறைப்பு நாடகம் !

சாவித்திரி கண்ணன் : தேவையில்லை, இந்த பாசாங்கு!
பாசாங்குத்தனத்தை போல அறுவெறுக்கதக்கதும், ஆபத்தானதும் வேறில்லை!
நாடாளுமன்ற உறுப்பினர்கள் தங்கள் சம்பளத்தில் 30% த்தை கொரானா சிகிச்சைக்கான நிதியாக  தருவதற்கு ஒரு அவசரசட்டம் இயற்றப்பட்டுள்ளது!
இதன் மூலம் என்ன சொல்ல வருகிறார்கள்?
இதை தியாகம் என்று மக்கள் போற்ற வேண்டும் என்று எதிர்பார்க்கிறார்களா?
இவர்களெல்லாம் எத்தனை கோடிகள் செலவழித்து அந்த பதவிக்கு வந்தவர்கள் எனத் தெரியாதா- மக்களுக்கு!
ஒரு லட்சம் சம்பளத்தில் 30,000 ஆயிரம் போனாலும், ரூபாய் 70,000 த்துடன் மற்றொரு 70,000 ஆயிரம் படியாகவும் மற்ற பல சலுகைகளும் எம்பிக்களுக்கு கொட்டிக் கொடுக்கப்படுகிறதே!

தமிழகத்தில் ஏப்ரல் 30 வரை 144 தடை!

தமிழகத்தில் ஏப்ரல் 30 வரை 144 தடை!மின்னம்பலம் : இந்தியாவில் கொரோனா வைரசின் தாக்கம் நாளுக்கு நாள் அதிகரித்து வருகிறது. 571 பேர் தமிழகத்தில் கொரோனாவால் பாதிக்கப்பட்டுள்ள நிலையில், இந்தியளவில் தமிழகம் இரண்டாம் இடத்தில் இருக்கிறது.
கொரோனா பாதிக்கப்பட்ட பகுதிகளை போலீசார் மூடி சீல் வைத்து வருகின்றனர். மாவட்டங்களின் நிலை குறித்து ஆட்சியாளர்களுடன் முதல்வர் எடப்பாடி பழனிசாமி கேட்டறிந்து வருகிறார். பிரதமர் மோடி தமிழக முதல்வர் எடப்பாடி பழனிசாமி உட்பட அனைத்து மாநில முதல்வர்களிடம் அந்தந்த மாநிலங்களின் நிலை குறித்துக் கேட்டறிந்து வருகிறார்.அதுபோன்று அனைத்து மாநில சுகாதாரத் துறை அமைச்சகமும், தங்களது மாநிலங்களின் நிலையைத் தெரிவித்து வருகிறது.

செவ்வாய், 7 ஏப்ரல், 2020

The death of stalin திரைப்படம் ஒரு அறிமுகம்


Yuvaraj Thirumuruga : சரித்திர படங்கள் என்றாலே எனக்கு தனி ஈர்ப்பு உண்டு.
ஹிட்லருக்கு பிறகு மிக பெரிய கொடுங்கோலன் அக்காலத்தில் ஜோசப் ஸ்டாலின் என்றால் மிகை ஆகாது. இரண்டாம் உலக போர் தொடங்கும் முன்னர் ஸ்டாலின் செய்த அட்டூழியங்கள் கொஞ்சநஞ்சம் இல்லை. இத்தனைக்கும் இவர் ரஷ்யாவில் பிறந்தவர் அல்ல ஜார்ஜியாவில் பிறந்தவர்.
ஜாரின் (CZAR) ஆட்சியை எதிர்த்த சோசலிஸ்ட் கட்சியும் விளாடிமிர் லெனின் ரஷியன் கம்யூனிஸ்ட் கட்சியும் முதல் உலக போர் முடிந்த கையோடு CZAR குடும்பத்தை கொன்று ஆட்சியை பிடித்தனர்.
லெனின் புரட்சி செய்த காலத்தில் ஆட்கடத்தல், கொள்ளை, கொலை போன்ற செயல்களை கட்சியின் நலனுக்காக செவ்வனே செய்து வந்தார் ஸ்டாலின். அதிகம் படித்தது இல்லை . லெனின் நெருங்கிய நண்பரும், லெனினுக்கு பின் ஆட்சியை கைப்பற்றும் வாரிசாக இருந்தவர் ட்ரொட்ஸ்கி. லெனின் எந்த காரணத்தை கொண்டும் ஸ்டாலின் தனக்கு பின் வரக்கூடாது என்பதில் தெளிவாக இருந்தார். ஆனால் ஸ்டாலின் பின்னாளில் தனக்கு தெரிந்த வட்டாரங்களை முக்கிய பொறுப்பில் அமரவைத்து லெனின் மறைவுக்கு பின்னர் ட்ரொட்ஸ்கேயை பழிதீர்த்தார்.

பிந்திய செய்தி 13 வகையான தொழிற்சாலைகள் இயங்க அனுமதிக்க இயலாது ரசு

வெப்துனியா :ஊரடங்கு உத்தரவால் ஏழை எளிய மக்கள் மற்றும் கூலித் தொழிலாளர்கள் எனப் பலரும் பாதிக்கப்பட்டுள்ளனர்.
அரசுக்குப் பொருளாதார இழப்பு ஏற்பட்டுள்ளது. இன்று மதியம் கொரோனாவால் ஊரடங்கு உத்தரவு நீட்டிக்கப்படும் என மத்திய அரசு தரப்பில் தகவல்வெளியானது.
இந்நிலையில், தற்போது, 12 வகையான தொழிற்சாலைகள் இயங்க தமிழக அரசு அனுமதி அளித்துள்ளது.
அதில், இரும்பு, சிமெண்ட், சுத்திகரிப்பு. சர்க்கரை, காகிதம், ரசாயனம், ஜவுளித்துறை, உரம், உருக்கு, கண்ணாடி, ஃபவுண்டரி உட்பட 12 துறைகளை சேர்ந்த தொழிற்சாலைகள் இயங்க அனுமதி அளித்து உத்தரவிட்டுள்ளது குறிப்பிடத்தக்கது.

பங்குச்சந்தை வீழ்ச்சி ..அச்சத்தில் அல்ல அடிப்படையே தகர்ந்து போயுள்ளதால்

Karthikeyan Fastura : இந்திய பங்குச்சந்தை மட்டுமல்ல உலக பங்குச்சந்தைகள் அனைத்தும் 30
சதவீதத்திற்கும் மேலாக வீழ்ந்து இன்று அதிலிருந்து இன்னும் மோசமாக வீழாமல் இருக்க போராடி வருகின்றன.
ஆனால் இதை ரெம்ப நாள் பிடித்து வைக்க முடியாது. இதுவரை வீழ்ந்ததெல்லாம் அச்சத்தில் விழுந்தவை. இனிமேல் விழப்போவதெல்லாம் அச்சத்தில் அல்ல அடிப்படையே தகர்ந்து போயுள்ளதால் விழ இருப்பவை
துரதிஷ்டவசமாக இன்றைய ஆட்சியாளர்கள் பொருளாதார கட்டமைப்பை உணர்ந்தவர்களாக இல்லை. அகந்தையும் வீண்பிடிவாதமும் கொண்டவர்களாகவே உள்ளனர். இதில் சீனா, அமெரிக்கா, ரஷ்யா, இந்தியா, இங்கிலாந்து யாரும் விதிவிலக்கல்ல. கடந்த 12 ஆண்டுகளாக இயல்பான கரெக்சன் கூட நடக்காமல் மார்க்கெட் சரிவை காணாமல் போனதால் கிடைத்த தெம்பாக கூட இருக்கலாம். அல்லது தங்களது அணியில் உண்மையை உரைக்கும் பொருளாதார நிபுணர்களை வைத்துக்கொள்ளாமல் போனதால் இருக்கலாம்.
ஆனால் பொருளாதார நிபுணர்கள் கடந்த மூன்று வருடங்களாக கத்திக்கொண்டே இருந்தார்கள். சந்தை இப்படி இயல்புக்கு மாறாக நடக்கக்கூடாது. அவ்வாறு இருந்தால் மிகப் பெரிய சரிவை எட்டவேண்டும் என்று. இன்று கொரோனா எல்லாவற்றையும் தலைகீழாக மாற்றிக் கொண்டிருக்கிறது

அரசியல் சூழ்ச்சி செய்ய நேரமா இது? செந்தில் பாலாஜியின் நிதியை வாங்க மறுத்தது ஏன்? முக ஸ்டாலின் கேள்


 Hemavandhana -  /tamil.oneindia.com  : சென்னை: வெண்டிலேட்டர் வாங்கி கொள்வதற்காக திமுக எம்எல்ஏ செந்தில்பாலாஜி ஒரு கோடியே 3 லட்சம் கொரோனா நிதியாக கரூர் அரசு ஆஸ்பத்திரிக்கு வழங்கினார்.. ஆனால் இந்த நிதியை வாங்க ஆஸ்பத்திரி நிர்வாகம் மறுத்துவிட்டது.. இது திமுக தரப்பில் பெருத்த அதிர்ச்சியை ஏற்படுத்தி உள்ளது.. "முதலில் நிதியை ஏற்றுக்கொண்ட நிர்வாகம் பிறகு மறுத்திருப்பது சரியல்ல என்றும், அரசியல் சூழ்ச்சி செய்ய இது நேரம் இல்லை என்றும் திமுக தலைவர் கடுமையான கண்டனத்தை தெரிவித்துள்ளார்.
கொரோனா தாக்கம் தமிழகத்தில் வேகமாக பரவி வருகிறது.. தமிழக அரசு முழு வீச்சில் இதில் இறங்கி தடுப்பு நடவடிக்கை, முன்னெச்சரிக்கை நடவடிக்கையிலும் இறங்கி உள்ளது. கொரோனா பாதிப்புக்காக திமுக எம்பிக்கள், எம்எல்ஏக்கள் தங்களின் ஒரு மாத சம்பளத்தை முதல்வர் நிவாரண நிதிக்கு வழங்குவார்கள் என்று ஸ்டாலின் ஏற்கனவே அறிவித்திருந்தார். அதுபோல, தொழிலதிபர்களும் இந்த மனிதநேய முயற்சியில் பங்கெடுத்துக் கொள்ள வேண்டும் என்றும் கேட்டுக்
சிகிச்சை அதன்படி, திமுகவை சார்ந்த எம்எல்ஏக்கள் உட்பட பலரும் தொகுதி நிதியில் இருந்து உதவி வருகிறார்கள்... அந்தந்த சட்டமன்ற தொகுதிக்கு உட்டபட்ட பொதுமக்களுக்கு அரசு எடுக்கும் தடுப்பு மற்றும் சிகிச்சை நடவடிக்கைகளுக்கு உதவியாக, அரசு மருத்துவமனைக்கு கொரோனா வைரஸ் தடுப்பு நடவடிக்கைகளுக்கு தேவைப்படும் மருத்துவ கருவிகள் வாங்க நிதியுதவி தந்து வருகின்றனர்.

ஹைட்ராக்ஸி குளோரோகுயினை (குயினையின் ) கொரோனா சிகிச்சைக்கு மிரட்டி வாங்கும் டிரம்புக்கு எதிராக விமர்சனம்

ஹைட்ராக்ஸி குளோரோகுயினை கொரோனா சிகிச்சைக்கு மிரட்டி வாங்கும் டிரம்புக்கு எதிராக விமர்சனம் தினதந்தி :  மலேரியா மருந்து ஹைட்ராக்ஸி குளோரோகுயினை கொரோனா சிகிச்சைக்கு மிரட்டி வாங்கும் நோக்கம் என்ன? டொனால்டு டிரம்புக்கு எதிராக அமெரிக்காவில் விமர்சனங்கள் எழுந்துள்ளன. கொரோனா  வைரஸ் நோய்க்கு தற்போது அங்கீகரிக்கப்பட்ட சிகிச்சைகள் அல்லது தடுப்பு தடுப்பூசிகள் எதுவும் இல்லை மலேரியா மருந்து ஹைட்ராக்ஸி குளோரோகுயின், நோயால் பாதிக்கப்பட்ட நோயாளிகளுக்கு சாத்தியமான சிகிச்சையாக பரிசோதனைக்கு உட்படுத்தப்படும் மருந்துகளில் ஒன்றாக உள்ளது.
உலகின் மிகப்பெரிய மருந்து உற்பத்தியாளர்களில் இந்தியாவும் ஒன்றாகும். கொரோனா வைரஸ் நோயாளிகளுக்கு சேவை செய்யும் சுகாதாரப் பணியாளர்களுக்கு சிகிச்சையளிக்க ஹைட்ராக்ஸி குளோரோகுயின் பயன்படுத்த இந்திய மருத்துவ ஆராய்ச்சி கவுன்சில் கடந்த மாதம் பரிந்துரைத்திருந்தது. இந்தியா அமெரிக்காவுக்கு ஹைட்ராக்ஸி குளோரோகுயினை ஏற்றுமதி  செய்யவில்லை எனில் பதிலடி கொடுப்போம் என மிரட்டினார்.

எம்.எல்.ஏ.க்கள் நிதிக்கும் வேட்டு .. ரூ.1 கோடி பிடித்தம் செய்யப்படும் .. முதல்வர் அறிவிப்பு

எம்.எல்.ஏ.க்கள் நிதியிலிருந்து தலா ரூ.1 கோடி: அறிவித்த எடப்பாடிமின்னம்பலம் : எம்.எல்.ஏ.க்கள் நிதியிலிருந்து தலா ரூ.1 கோடி: அறிவித்த எடப்பாடி நாடாளுமன்ற உறுப்பினர்களின் தொகுதி மேம்பாட்டு நிதி இரண்டு வருடங்களுக்கு ரத்து செய்யப்படும் என்ற மத்திய அரசின் அறிவிப்புக்கு எதிர்ப்பு எழுந்துள்ள நிலையில், தமிழக சட்டமன்ற உறுப்பினர்களின் தொகுதி மேம்பாட்டு நிதியிலிருந்து தலா ஒரு கோடி ரூபாயை அரசு பயன்படுத்த முதல்வர் எடப்பாடி பழனிசாமி உத்தரவிட்டுள்ளார்.
கரூர் அரசு மருத்துவக் கல்லூரியில் கொரோனா பாதிக்கப்பட்டவர்களுக்கு சிகிச்சை அளிப்பதற்காக வெண்டிலேட்டர் வாங்குவதற்கு முன்னாள் அமைச்சரும், அரவக்குறிச்சி சட்டமன்ற உறுப்பினருமான செந்தில் பாலாஜி, தனது தொகுதி மேம்பாட்டு நிதியிலிருந்து 60 லட்சம் ஒதுக்கினார். ஆனால், அரவக்குறிச்சி தொகுதிக்குட்பட்ட பகுதிகளில் மட்டும்தான் தொகுதி மேம்பாட்டு நிதியை பயன்படுத்த முடியும் என்று அவருக்கு மாவட்ட ஆட்சியர் பதிலளித்திருந்தார்.

அமெரிக்காவில் பணமிருந்தால் மட்டுமே சிகிச்சை .. அமெரிக்க இந்திய பெண்ணின் அழுகுரல்


வளன்பிச்சைவளன் : · இதுதான் வல்லரசு அமெரிக்கா! பணமிருந்தால் மட்டுமே சிகிச்சை!
 பொதுறையின் அவசியத்தை மக்களுக்கு உணர்த்தும் கொரோனாவைரஸ் ! ஏன் தனியார் மயத்தை எதிர்கிறோம்? மிகப் பெரிய வல்லரசு நாடு அமெரிக்கா. அதன் அதிபர் டிரம்ப் இனி அமெரிக்காவை கடவுள் தான் காப்பாற்ற வேண்டும் என்கிறார். சுமார் 2,50 000 மக்கள் இறக்கக் கூடும் என்று அச்சம் தெரிவிக்கின்றார்
ஏன் இந்த நிலை? அங்கு மருத்துவம் தனியார் மயம். பணம் செலுத்தாவிடில் மருத்துவம் கிடையாது காப்பீடு தேவை சமான்யர்களிடம் காப்பீடு கிடையாது எனவே அவர்களால் மருத்துவ மனை சிகிச்சையை எண்ணிப் பார்க்க முடியாது. எனவே தொற்று பாதித்தவர்கள் வீட்டில் இருக்க வேண்டிய கட்டாயம் அவர்கள் தொற்றுடன் திரிந்து மரணிக்கிறார்கள் இதுவே சாமான்ய அமெரிக்கர்களின் பரிதாப நிலை.
மனித குலத்திற்கு எதிரான கொரோனா வைரஸை உலகே எதிர்த்து போராடி வரும் வேளையிலும். அமெரிக்க தனியார் மருத்துவ மனைகள் பணம் இருந்தால் மட்டுமே வாருங்கள் என அறிவிக்கின்றன. மனித உயிர்கள் மீது அக்கறை அற்ற பண வெறி லாப நோக்கை மட்டும் குறிக் கோளாக கொண்ட குரூர மனம் படைத்த கார்பரேட் முதலைகள். மனித குல எதிரிகள்.

கொரோனாவால் மரணம் நிகழாத முதல் நாள் சீனாவில் பதிவானது - சர்வதேச நிலவரம் என்ன?

BBC : கொரோனா வைரஸ் காரணமாக சீனாவில் நேற்று எந்த உயிரிழப்பும் நிகழவில்லை.
ஜனவரி மாதம் சீனாவின் தேசிய சுகாதார ஆணையம் கோவிட்-19 தொற்றால் உண்டான மரணங்கள் குறித்த விவரங்களை வெளியிடத் தொடங்கியது முதல், கொரோனா வைரஸ் காரணமாக மரணம் நிகழாத முதல் நாளாக நேற்று (திங்கள்கிழமை) உள்ளது என்று ஏ.எஃப்.பி செய்தி முகமை தெரிவிக்கிறது.

நேற்று சீனாவில் தொற்று இருப்பதாக கண்டறியப்பட்ட 32 பேரும் வெளிநாடுகளில் இருந்து அங்கு வந்தவர்கள்.
கொரோனா வைரஸால் 81,740 பேர் பாதிக்கப்பட்ட சீனாவில் 3,300க்கும் மேலானவர்கள் உயிரிழந்தனர்.
கொரோனா பாதிப்பு காரணமாக தமிழகம் முழுவதும் தொழிற்சாலைகளின் இயக்கமின்றி அமைதி நிலவுகிறது. ஆனால், எல்லா மாவட்டங்களிலும் பகலிலும், இரவிலும் தையல் இயந்திரங்களில் வேலைசெய்யும் சத்தம் மட்டும் கேட்டுக்கொண்டே இருக்கிறது.

பிரிட்டன் பிரதமருக்கு தீவிர சிகிச்சை கொரோனா வைரஸ் அறிகுறி தீவிரமடைந்ததால் பிரிட்டன் பிரதமர் போரிஸ் ஜான்சன் தீவிர சிகிச்சைப் பிரிவுக்கு மாற்றப்பட்டுள்ளார். பிரிட்டன் நேரப்படி ஞாயிற்றுக்கிழமை மாலை மருத்துவமனையில் அனுமதிக்கப்பட்ட அவர், வைரஸ் தாக்குதல் தீவிரமடைந்ததால் மருத்துவர்கள் ஆலோசனைக்குப் பிறகு அவசர சிகிச்சைப் பிரிவில் சேர்க்கப்பட்டுள்ளார்.

தென்னிந்தியாவை சூறையாடும் மத்திய அரசு .. கொரோனா நிவாரண நிதி வட நாட்டுக்கே வாரி வாரி

Suresh Kumar Sundaram :; இன்று ஒரு தொலைக்காட்சி விவாதத்தில் கீழ் வரும்
புள்ளி விபரம் பற்றி நெறியாளரின் கேள்விக்கு, சத்யா என்ற சங்கி பொருளாதார வல்லுனரின் பதில். "மத்திய அரசு, மாநிலங்களின் மருத்துவ, சுகாதார மற்றும் அடிப்படை கட்டமைப்பின் அடிப்படையிலேயே நிதி ஒதுக்கீடு செய்துள்ளது ஏனெனில் தமிழகம் இந்தியாவின் மருத்துவத் தலைநகரமான சென்னையை உள்ளடக்கிய மாநிலம், இங்கு அடிப்படை சுகாதாரம் மற்றும் மருத்துவ வளர்ச்சி மற்ற மாநிலங்களை விட சிறந்த நிலையில் உள்ளது" என்றார். அப்ப அந்த திராவிட கட்சிகள் தமிழ்நாட்டை பாழ்படுத்தி விட்டன! கழகங்கள் இல்லாத தமிழகம்! இதெல்லாம் அடிச்சு விட்டதா கோப்பால்?

மகாராஷ்டிராவில் ஒரே மருத்துவமனையில் பணியாற்றிய 40 செவிலியர்களுக்கு கொரோனா தொற்று!


tamil.news18.com : மகாராஷ்ட்ராவில் இயங்கி வரும் தனியார் மருத்துவமனையில் பணியாற்றிய 40 கேரள செவிலியருக்கு கொரோனா தொற்று ஏற்பட்டுள்ளது.
இந்தியாவில் கொரோனா வைரஸ் வேகமாகப் பரவி வருகிறது. இந்தியாவில் கொரோனா வைரஸால் பாதிக்கப்பட்டவர்களின் எண்ணிக்கை மகாராஷ்டிரா முதல் இடத்தில் உள்ளது. மகாராஷ்டிராவில் இதுவரையில், 881 பேர் கொரோனா வைரஸால் பாதிக்கப்பட்டுள்ளனர்.. இந்தநிலையில், மகாராஷ்டிராவில் இயங்கி வரும் தனியார் மருத்துவமனையில் பணியாற்றிய கேரளாவைச் சேர்ந்த 40 செவிலியர்களுக்கு கொரோனா தொற்று உறுதி செய்யப்பட்டுள்ளது.
அந்த மருத்துவமனையில் 51 பேருக்கு கொரோனா வைரஸ் தாக்கம் உறுதிசெய்யப்பட்டுள்ளது. இதில் 40 பேர் கேரளாவில் இருந்து மகாராஷ்ட்ராவுக்கு சென்று தங்கி பணியாற்றிய செவிலியர். மும்பையில் உள்ள அந்த மருத்துவமனையில் மட்டும் இதுவரை 3 பேர் உயிரிழந்துள்ளனர். கொரோனாவால் உயிரிழந்தோரிடம் இருந்து செவிலியர்களுக்கு தொற்று ஏற்பட்டு இருக்கலாம் என்று கூறப்படுகிறது. ஒரே நேரத்தில் 40 பேருக்கு தொற்று உறுதி செய்யப்பட்டதை அடுத்து 150-க்கும் மேற்பட்ட செவிலியர் தனிமைப்படுத்தப்பட்டு கண்காணிப்பில் உள்ளனர்

தொகுதி மேம்பாட்டுக்கு வழங்கப்படும் எம்.பி.க்கள் நிதி 2 ஆண்டுக்கு நிறுத்தம்:

தினகரன் : புதுடெல்லி: கொரோனா தடுப்பு பணிக்கு நிதி சேர்ப்பதற்காக,
எம்.பி.க்களின் தொகுதி மேம்பாட்டு நிதியை 2 ஆண்டுக்கு தற்காலிகமாக நிறுத்தவும், ஜனாதிபதி, துணை ஜனாதிபதி, பிரதமர், மத்திய அமைச்சர்கள், எம்.பி.க்கள் சம்பளம், சலுகைகள் ஓய்வூதியங்கள் ஆகியவற்றை ஓராண்டுக்கு 30 சதவீதம் பிடிக்கவும் மத்திய அமைச்சரவை நேற்று ஒப்புதல் அளித்தது. கொரோனா பரவலை தடுப்பதற்காக 21 நாள் முடக்கம் கடந்த மாதம் 24ம் தேதி அறிவிக்கப்பட்டது. அதன்பின் பல தரப்பினருடன் பிரதமர் மோடி, காணொளி காட்சி மூலம் ஆலோசனை நடத்தினார். ஆனால் அமைச்சரவை ஆலோசனை கூட்டம் நடத்தவில்லை. முடக்கத்துக்குப்பின் நேற்று முதல் முறையாக காணொளி காட்சி மூலம் மத்திய அமைச்சரவை கூட்டம் நடந்தது.
இவ்வாறு காணொளி காட்சி மூலம் அமைச்சரவை கூட்டம் நடப்பது இதுவே முதல் முறை. இதில் பிரதமர் மோடி பேசியதாவது: கொரோனாவால் ஏற்படும் பொருளாதார பாதிப்பை எதிர்த்து போராட போர்க்கால அடிப்படையில் நாம் தயாராக வேண்டும். தொழில்கள் தொடர்ந்து நடப்பதற்காக திட்டத்தை அனைத்து துறை அமைச்சகங்களும் தயாரிக்க வேண்டும். 21 நாள் முடக்கம் முடிந்ததும், ஒவ்வொரு அமைச்சகம் முன்னுரிமை அடிப்படையில் 10 பிரிவுகளில் கவனம் செலுத்தி, 10 முக்கிய முடிவுகளை எடுக்க வேண்டும்.

உழவில்லா விவசாயம்.. வீட்டுத் தோட்டம் - 2

Farm to Table : வீட்டுத் தோட்டம் - 2
உழவில்லா விவசாயம்
"வீட்டுத் தோட்டம் என்பது நிலத்தை கொத்தி உழுது, புற்களை செருக்கி, தினமும் விளக்குமாறு கொண்டு கூட்டி மணற்தரையாக்குவது அல்ல" என்று கடந்த பதிவில் குறிப்பிட்டு இருப்பதால் அதிலிருந்தே இந்த பதிவையும் ஆரம்பிக்கலாம்.
நாம் இயந்திரங்களின் துணையின்றி தோட்டங்கள் செய்த காலத்தில், முதல் வேலையாக பலர் சேர்ந்து மண்வெட்டிகளால் புற்களை செருக்கி அதை வாரிக் குவித்துவிடுவோம். பின்னர் நிலத்தை ஆழமாக கொத்தி அதன் பின்னர் அதை மீண்டும் இரெண்டாவது உழவு போன்று மென்மையாக கொத்திய பின்னரே நாற்று நடவு செய்வோம். நீர் பாய்ச்சுவதற்கு ஏதுவாக பாத்திகள் அமைத்துக் கொள்ளவே இவற்றை செய்யவேண்டிய தேவை இருந்தது. ஆனால் வீட்டுத் தோட்டத்தில் இந்த வேலைகள் எதுவும் தேவையற்றது. அதனால் செலவும் குறைகிறது, உடல் உழைப்பும் குறைகிறது. ஆகவே வீட்டுத் தோட்டம் செய்வது என்பது மிகவும் எளிதான ஒன்றாகி விட்டது.

ஊரடங்கு வரும் 14 ஆம் தேதியோடு முடிவுக்கு வர வாய்ப்பில்லை?

Karthikeyan Fastura : இந்த ஊரடங்கு வரும் 14ஆம் தேதியோடு முடிவுக்கு வரப்போவதில்லை என்று எண்ணுகிறேன். நோய் பரவும் வேகம் இப்போது 4.2 நாட்களுக்கு ஒரு முறை இருமடங்காக அதிகரித்து வருகிறது இந்தியாவில்.
வரும் ஜூன் மாதம் இறுதி அல்லது அதிகபட்சம் செப்டம்பர் மாதம் வரை இந்த ஊரடங்கு விலக்கப்பட வாய்ப்பு குறைவு என்று American consultancy firm BCG என்ற நிறுவனம் எடுத்த ஆய்வு கூறுகிறது.
என் கணிப்பு என்னவென்றால் கொரோனா பாதிக்கப்படாத மாநிலங்கள் மட்டும் முதலில் இந்த ஊரடங்கில் இருந்து விலக்கு அளிக்கப்படும். குறிப்பாக வடகிழக்கு மாநிலங்கள், யூனியன் பிரதேசங்கள். அவை கூட அடுத்தமாத இறுதி ஆகும் என்று எண்ணுகிறேன்.
மகாராஷ்டிராவும், தமிழகமும் தான் அதிகம் பாதிக்கப்பட்ட மாநிலங்களில் வருவதால் இவைகள் இறுதியாக அதாவது ஜூன் கடைசியில் அல்லது ஆகஸ்ட்டில் ஊரடங்கு விடுவிக்கப்படலாம் என்று எண்ணுகிறேன். அதுவரை பள்ளி, கல்லூரி, பல்கலைகழகங்களின் தேர்வுகளும் தள்ளிப்போகும் . நீட் தேர்வும் தள்ளிப்போக வாய்ப்பிருக்கிறது.
மிகப்பெரிய பொருளாதார நெருக்கடியை, தொழில் முடக்கத்தை, வேலைவாய்ப்பு இழப்பை தமிழகம் சந்திக்க இருக்கிறது. பெரும் தொழில் அதிபர்கள் முதல் தொழில்முனைவோர்கள், ஸ்டார்ட்அப் நிறுவனங்கள், சிறுதொழில், குறுந்தொழில் செய்வோர் அனைவரும் இப்போதே முன்னெச்சரிக்கை நடவடிக்கைகளை மேற்கொள்ளவேண்டியது அவசியம்.
ஏனென்றால் மத்திய அரசும் நம் மாநில அரசும் கூறுவாரு இல்லாத அரசுகள். பரந்துபட்ட பார்வையோ, செயல் நுணுக்கமோ, பொருளாதார சமூக சங்கிலி பற்றிய புரிதலோ இல்லாத அரசுகள். நம்மை அன்றி யாரும் நம்மை காப்பாற்றபோவதில்லை

இங்கிலாந்து பிரதமர் தீவிர சிகிச்சைப் பிரிவில் ISU அனுமதி

   மாலைமலர் : லண்டன்,   சீனாவில் கண்டறியப்பட்ட கொரொனா வைரஸ்,  உலகம் முழுவதும் சுமார் 203 நாடுகளில் பரவியுள்ளது. இத்தாலி, ஸ்பெயின் உள்ளிட்ட ஐரோப்பிய நாடுகளில் இந்த நோய் கடும் தாக்கத்தை ஏற்படுத்தி வருகிறது. இங்கிலாந்திலும் கொரோனா வைரஸ் வேகமாக பரவி வருகிறது. இந்த நோயினால் இங்கிலாந்து நாட்டில் சுமார் 48 ஆயிரம் பேர் பாதிக்கப்பட்டுள்ளனர். ஏறத்தாழ 6 ஆயிரம் பேர் பலியாகி உள்ளனர்.  > கொரோனா வைரஸ் தொற்று இங்கிலாந்தில் பெரும் தலைவர்களையும் தாக்கியது.  இங்கிலாந்து  இளவரசர் சார்லஸ் வைரஸ் தொற்றுக்கு ஆளானார். சிகிச்சைக்கு பிறகு தற்போது குணம் அடைந்ததாக தெரிவிக்கப்பட்டுள்ளது. அவரை தொடர்ந்து 55 வயதான இங்கிலாந்து பிரதமர் போரிஸ் ஜான்சனுக்கும் கொரோனா வைரஸ் தாக்கி இருப்பது கண்டறியப்பட்டது.  < உடனடியாக அவர் பிரதமர் அதிகாரப்பூர்வ இல்லத்தில் தன்னைத்தானே தனிமைப்படுத்தி கொண்டார். 10 நாட்களுக்கு பின்னர் மீண்டும் அவருக்கு நோயின் அறிகுறி தென்பட்டதால் இன்று காலை அவர் மருத்துவமனையில் அனுமதிக்கப்பட்டார். 

திங்கள், 6 ஏப்ரல், 2020

உத்தர "பிரேதம்" தந்தையின் உடலை தூக்க உதவி இல்லை .. மகள்களே மறைந்த தந்தையின் ..

Dmk Mullai : உத்தரபிரதேசத்தில் நடந்த கொடுமை .
 சிகிச்சை பெற முடியாமல் இறந்த தந்தை தூக்கி சுமக்க முடியாமல் மகள்கள் தூக்கி சுமந்த வேதனை.. உத்தரபிரதேசத்தில் அலிகாரில் தேநீர் விற்பனை செய்யும் சஞ்சய் என்ற சகோதரருக்கு திடிரென உடல் நிலை சரியில்லாமல் போகி உள்ளது அவர் தனியாக பல்வேறு மருத்துவ மனை சென்று உள்ளார் அங்கே டாக்டர் என்பதை இல்லை இறுதியாக தனது இரு மகள்களை அழைத்து கொண்டு அரசு மருத்துவமனைக்கு சென்று உள்ளார்..
ஊரடங்கு ஊத்தரவை காரணம் காட்டி சரியாக மாத்திரை கூட கொடுக்காமல் மருத்துவ மனை வளாகத்தில் அவர் உயிர் பிரிந்தது
மரணமடைந்த தந்தையை பார்த்து கதறி அழுத மகள்கள் உடலை வீட்டுக்கு கொண்டு செல்ல ஆள் இல்லாததால் ரிக்ஸா ஓட்டுநர் உடன் இரு மகள்களும் தோலில் தூக்கி கொண்டு கதறி அழும் காட்சி வேதனை அளிக்கிறது..
உபியில் தொடர்ந்து மனித உயிர்கள் அநியாயமாக போவது வாடிக்கையாகிவிட்டது..

கொரோனா வைரஸிலும் மத துவேஷத்தை பரப்பும் இந்துத்துவ சங்பரிவார்களை இரும்புக் கரம் கொண்டு ஒடுக்குவீர்!

தமிழக முதல்வருக்கு பாப்புலர் ஃப்ரண்ட் மாநிலத் தலைவர் எம்.முஹம்மது சேக் அன்சாரி வலியுறுத்தல் ! உலகையே அச்சுறுத்தி வரும் கொரோனா நோய்த்தொற்று தமிழகத்தில் வேகமாக பரவி வருவதையடுத்து அதனை தடுப்பதற்கான நடவடிக்கைகளில் சிறப்பாக செயல்பட்டு வரும் தமிழக அரசுக்கு நன்றி பாராட்டியும், இது விஷயத்தில் மேற்கொண்டு எடுக்கப்பட வேண்டிய சில நடவடிக்கைகள் குறித்து கோரிக்கை மற்றும் ஆலோசனைகள் அடங்கிய மனு ஒன்றை பாப்புலர் ஃப்ரண்ட் ஆஃப் இந்தியாவின் மாநிலத் தலைவர் எம்.முஹம்மது சேக் அன்சாரி , தமிழக முதல்வர் எடப்பாடி மு.பழனிசாமி க்கு அனுப்பி வைத்துள்ளார்.
அந்த மனுவில் வலியுறுத்தப்பட்ட கோரிக்கைகள் பின்வருமாறு :
1. வேகமாக பரவி வரும் கொரோனா நோய் தொற்றை அனைவரும் ஒருங்கிணைந்து எதிர்கொள்ள வேண்டிய இந்த சூழலில் கொரோனாவை விட வேகமாக முஸ்லிம் சமூகத்தை குறிவைத்து மத துவேஷ கருத்துக்களைப் பரப்பி வரும் இந்துத்துவ சங்பரிவார அமைப்பைச் சார்ந்தவர்களை இரும்புக்கரம் கொண்டு ஒடுக்க வேண்டும். அத்துடன் பயோ ஜிகாத், கொரோனா ஜிகாத் என்று வெறுப்பை ஏற்படுத்தும் வகையில் அவதூறு பரப்பி வரும் அச்சு, காட்சி ஊடகங்கங்களை கட்டுப்படுத்த வேண்டும்.

லாரிகளுக்கு நெருக்கடி: மளிகை பொருட்கள் தட்டுப்பாடு ஏற்படும் அபாயம்!

லாரிகளுக்கு நெருக்கடி: மளிகை பொருட்கள் தட்டுப்பாடு ஏற்படும் அபாயம்!minnambalm : ஊரடங்கு உத்தரவு காரணமாக அத்தியாவசிய பொருட்கள் ஏற்றிசெல்லும் வாகனங்களின் போக்குவரத்து தடைபட்டுள்ளது.
ஊரடங்கு அமலில் உள்ள நிலையில், அத்தியாவசிய பொருட்களை லாரிகளில் கொண்டு செல்லலாம் என மார்ச் 29ஆம் தேதி உள் துறை அமைச்சகம் அறிவுறுத்தியது. இருந்தபோதிலும், சில பகுதிகளைத் தவிர பெரும்பாலான மற்ற இடங்களில் பொருட்களை ஏற்றிக்கொண்டு லாரிகள் செல்வது சவாலான ஒன்றாகவே உள்ளது. சோதனைச் சாவடிகளில் சோதனைகளில் ஈடுபடும் போலீசார் மாநிலம் விட்டு மாநிலம் செல்லும் வாகனங்களையும், உள் மாநிலத்திற்கு சரக்கு ஏற்றிச் செல்லும் வாகனங்களையும் தடுக்கிறார்கள்
 ஒடிஷா, குஜராத், மேற்கு வங்கம், தமிழ்நாடு உள்ளிட்ட 8 மாநிலங்கள் பொருட்கள் ஏற்றிசெல்லும் வாகனங்களை தொந்தரவு செய்யக்கூடாது என்று அறிவிப்பு வெளியிட்டுள்ளன. ஆனாலும், சில மாநிலங்களில் உள்ள காவல் துறையினர் அத்தியாவசிய பொருட்களை ஏற்றிச் செல்லும் வாகனங்களைக் கூட நிறுத்திவிடுகிறார்கள்” என்று அகில இந்திய போக்குவரத்து நலச் சங்கத்தின் தலைவர் பிரதீப் சிங்கல் குற்றம்சாட்டுகிறார்.

ஊரடங்கை நீட்டிக்க கோரும் தெலுங்கானா முதல்வர்


tamil.oneindia.com : ஹைதராபாத்: கொரோனா வைரஸ் பரவுதலை கட்டுப்படுத்தும் நோக்கில் நாடு முழுவதும் அமல்படுத்தப்பட்டுள்ள ஊரடங்கு உத்தரவை இன்னும் 2 வாரங்களுக்கு நீட்டிக்க வேண்டும் என தெலுங்கானா முதல்வர் சந்திரசேகர் ராவ் கோரிக்கை விடுத்துள்ளார். கொரோனா வைரஸுக்கு உலக நாடுகள் முழுவதும் மருந்து கண்டுபிடிக்க முடியாமல் தவித்து வரும் நிலையில், அந்த கொடிய நோயின் தாக்கத்தில் இருந்து பொதுமக்களை பாதுகாக்கும் நோக்கில் இந்தியா உட்பட பல நாடுகளில் லாக்டவுன் கொண்டு வரப்பட்டுள்ளது. மார்ச் 24-ம் தேதி முதல் ஏப்ரல் 5-ம் தேதி வரை இந்தியா முழுவதும் ஊரடங்கு உத்தரவு அமல்படுத்தப்பட்டுள்ள நிலையில், கொரோனாவின் தாக்கம் நாளுக்கு நாள் அதிகரித்து வருவதால் ஊரடங்கை மேலும் நீடிக்க வேண்டும் என்ற கோரிக்கைகள் இப்போது எழுந்துள்ளன.;
இது தொடர்பாக பிரதமருக்கு வேண்டுகோள் விடுத்துள்ள தெலுங்கானா முதல்வர் சந்திரசேகர ராவ், பொருளாதாரத்தை எப்போது வேண்டுமானாலும் மீட்டுவிடலாம் ஆனால் பிரிந்த உயிரை மீட்க முடியாது என்றும், மனித உயிர் விலைமதிப்பற்றது எனவும் தெரிவித்துள்ளார்.

ஸ்டான்லி அலட்சியம்: கீழக்கரையை உலுக்கும் கொரோனா பீதி!

மின்னம்பலம் : சென்னை பர்மா பஜாரின் கிங் என்று வர்ணிக்கப்பட்ட வியாபாரி ஜமால் கடந்த ஏப்ரல் 2 ஆம் தேதி காலமானார். 70 வயதான ஜமாலின் சொந்த ஊர் கீழக்கரை என்பதால், அவரது உடலை கீழக்கரை கொண்டு சென்று அங்கே மத முறையின்படி, அடக்கம் செய்தனர். இறுதி ஊர்வலத்திலும், நிகழ்ச்சிகளிலும் நூற்றுக்கணக்கான பேர் கலந்துகொண்டனர். இந்நிலையில் அவருக்கு மேற்கொள்ளப்பட்ட கொரோனா பரிசோதனையில் முடிவு பாசிட்டிவ் என வந்திருப்பதால், அவரது குடும்பத்தினர். இறுதி ஊர்வலத்தில் கலந்துகொண்டோர் என்று பலரும் அதிர்ச்சியில் இருக்கிறார்கள்.
கீழக்கரை சின்னக் கடைத் தெருவை சேர்ந்த ஜமால், வணிகர்கள் வட்டாரத்திலும் சென்னை ஏர்போர்ட் வட்டாரத்திலும் பீலி ஜமால் என்று புகழ் பெற்றவர். சுறா போன்ற பெரிய வகை மீன்களின் இறக்கைகளை மட்டுமே ஏற்றுமதி செய்யும் தொழில் நடத்தி வந்தார் ஜமால். இந்த மீன் இறக்கைகளுக்கு பீலி என்று பெயர். அதனால் ஜமாலுக்கு பீலி ஜமால் என்றுதான் பெயர். காவல்துறை, கஸ்டம்ஸ்,. விமான நிலைய அதிகாரிகள், அரசியல்வாதிகள் என்று அனைத்துத் தரப்பினரிடத்திலும் செல்வாக்கு பெற்றவர். அதிமுக அனுதாபியான பீலி ஜமாலுக்கு அக்கட்சியின் அவைத் தலைவர் மதுசூதனன் நெருக்கமானவர்,. ராமநாதபுரம் அதிமுகவிலும் பலர் இவருக்கு நெருக்கமானவர்கள். பல உயரதிகாரிகளுக்கு தன் அன்புப் பரிசாக வெளிநாட்டு பாட்டில்களை தாராளமாகக் கொடுப்பார் ஜமால் என்கிறார்கள். ரம்ஜான் அன்று ஜமாலுக்கு வேண்டிய அதிகாரிகள் வீட்டுக்கு காலை 10 மணிக்கே சுடச் சுட பிரியாணி அனுப்பி வைக்கப்படும். அந்த அளவுக்கு தனது நட்பு வட்டத்தை பேணி காத்தவர் ஜமால்.

தமிழகத்தில் இன்று மேலும் 50 பேருக்கு கொரோனா: மொத்தம் 621 ஆக உயர்வு- உயிரிழப்பு 6

தமிழகத்தில் இன்று மேலும் 50 பேருக்கு கொரோனா: மொத்தம் 621 ஆக உயர்வு- பலி 6 ஆக அதிகரிப்புமாலைமலர் :   தமிழகத்தில் இன்று மேலும் 50 பேருக்கு கொரோனா வைரஸ் தொற்று உறுதி செய்யப்பட்டுள்ள நிலையில், பலி எண்ணிக்கை 6 ஆக அதிகரித்துள்ளது.
சென்னை: தமிழகத்தில் கடந்த மாதம் 30-ந்தேதி வரை கொரோனா வைரசால் பாதிக்கப்பட்டவர்களின் எண்ணிக்கை மிகவும் குறைவாகவே இருந்தது. ஆனால், டெல்லியின் நிஜாமுதீன் பகுதியில் உள்ள மசூதி ஒன்றில் (நிஜாமுதீன் மர்காஸ்) தப்லிகி ஜமாத் என்ற இஸ்லாமிய மத அமைப்பு சார்பில் இஸ்லாமிய மத குருக்கள் பங்கேற்ற கூட்டம் கடந்த மாதம் நடைபெற்றது. அதில் தமிழகம், தெலுங்கானா, காஷ்மீர் உள்பட நாட்டின் பல்வேறு பகுதிகளை சேர்ந்த ஆயிரக்கணக்கான இஸ்லாமியர்கள் பங்கேற்றனர்.

ஆர்வக்கோளாறில் வீட்டையே கொளுத்திய பொதுமக்கள்: 9 மணி அதிர்ச்சி தகவல்

ஆர்வக்கோளாறில் வீட்டையே கொளுத்திய பொதுமக்கள்வெப்துனியா :பிரதமர் நரேந்திர மோடி அவர்கள் நேற்று இரவு 9 மணிக்கு மின் விளக்குகளை அணைத்துவிட்டு அகல் விளக்குகளை 9 நிமிடங்களுக்கு ஏற்றுமாறு வேண்டுகோள் விடுத்தார். இந்தியாவில் உள்ள 130 கோடி மக்களில் பெரும்பாலானோர் பிரதமரின் கோரிக்கையை ஏற்று நேற்றிரவு இந்தியா முழுவதும் மின் விளக்குகள் அணைக்கப்பட்டு அகல் விளக்குகள் டார்ச் லைட்டுகள் மெழுகுவர்த்திகள் ஏற்றப்பட்டன என்பது தெரிந்ததே
இந்த நிலையில் ஒரு சிலர் ஆர்வக்கோளாறில் செய்த சில விஷயங்களால் ஒரு சில விபரீதங்களும் நடந்துள்ளது. ராஜஸ்தான் மாநிலத்தில் உள்ள ஜெய்ப்பூர் என்ற பகுதியில் மொட்டை மாடியில் இருந்து கொண்டு சிலர் பட்டாசு வெடித்தனர்.
இதனால் அந்த வீட்டில் திடீரென தீ விபத்து ஏற்பட்டது

70 ஆயிரத்தை நெருங்கும் கொரோனா வைரஸ் உயிரிழப்பு...

70 ஆயிரத்தை நெருங்கும் உயிரிழப்பு... என்று தணியும் இந்த கொரோனா தாக்கம்? மாலைமலர் : மருத்துவமனையில் சிகிச்சை பெறும் நோயாளிகள்</ ஜெனிவா: சீனாவின் ஹூபேய் மாகாணம் வுகான் நகரில் கடந்த ஆண்டு டிசம்பர் கண்டுபிடிக்கப்பட்ட கொரோனா வைரஸ் தற்போது உலகம் முழுவதும் 208 நாடுகளுக்கு பரவி மனித பேரழிவை ஏற்படுத்திவருகிறது. தடுப்பு மருந்து கண்டுபிடிக்க விஞ்ஞானிகள் தீவிர முயற்சி மேற்கொண்டு வரும் நிலையில் வைரஸ் தாக்குதலின் வீரியம் நாளுக்கு நாள் அதிகரித்துக்கொண்டே செல்கிறது. கொரோனா தாக்கம் எப்போது தணியும் என்று கணிக்க முடியாத நிலை உள்ளது. இன்று காலை நிலவரப்படி உலகம் முழுவதும் 12 லட்சத்து 73 ஆயிரத்து 709 பேருக்கு வைரஸ் தாக்கம் உறுதி செய்யப்பட்டுள்ளது. வைரஸ் தாக்குதலுக்கு இதுவரை 69 ஆயிரத்து 456 பேர் உயிரிழந்துள்ளனர். வைரஸ் பரவியவர்களில் 2 லட்சத்து 62 ஆயிரத்து 486 பேர் குணமடைந்து டிஸ்சார்ஜ் செய்யப்பட்டுள்ளனர்.  

தமிழ்நாட்டில் விளக்கு அணைக்க மக்கள் ஆர்வம் காட்டவில்லை


தினகரன : சென்னை: தமிழ்நாட்டில் பிரதமர் மோடியின் அழைப்பை ஏற்று விளக்கை அணைக்க ஆர்வமில்லை. பெரும்பாலான வீடுகளில் விளக்குகளை பொதுமக்கள் அணைக்கவில்லை. சென்னையில் ஒருசில இடங்களில் மட்டுமே விளக்குகள் அணைக்கப்பட்டன. 9 நிமிடம் விளக்குகளை அணைத்து டார்ச்சை ஒளிரவிட பிரதமர் மோடி வேண்டுகோள் விடுத்திருந்தார். கொரோனாவை ஒழிக்க ஒத்துழைப்பு வழங்குமாறு பிரதமர் மக்களிடம் நேற்று கேட்டுக்கொண்டார்

ஈழத்தமிழர்கள் தமிழக அரசியல் பற்றி அக்கறை கொண்டுள்ளார்களா? சமுகவலையில் ..

Yasser AK : இலங்கை தமிழர்கள் மீது எனக்கு எந்த வன்மமும் இல்லை. ஆனால் நெடுங்காலமாக என் மனதில் ஒரு சந்தேகம். இங்கே தமிழகத்தில் இருந்து கொண்டு ஈழத்தில் அவர்கள் நலம் பெற இந்திய அளவில் யார் ஆட்சிக்கு வர வேண்டும் என்று நாம் மெனக்கெடுவது போல ஒரு நாளேனும் இங்கே உள்ள தமிழர்கள் நலம்பெற யார் ஆட்சிக்கு வர வேண்டும் என்ற எண்ணத்தில் அவர்கள் செயல்பட்டதுண்டா?

 Ravishankar Ayyakkannu அவர்கள் புத்திசாலிகள். 1

ராதா மனோகர் : இலங்கை தமிழர்களின் அரசியல் அபிப்பிராயங்கள் என்று தமிழகத்தில் கருதி கொண்டு இருப்பது புலிகளின் அபிப்பிராயங்களையே . புலிகள் ஒரு தாலிபன் போன்ற அமைப்பு 
அந்த அமைப்புக்குள் இலங்கை தமிழர்களை சிக்க வைத்தது எம்ஜியாரும் நெடுமாறன் வைகோ மற்றும் கொளத்தூர் மணி போன்ற பல் திராவிட இயக்கத்தவர்களும் தான் .. 
புலிகளின் சகோதர படுகொலைகளை கண்டித்து அதன் பின் புலிகளை ஆதரிப்பதை தவிர்த்து கொண்ட ஒரே தலைவர் கலைஞர்தான் . 
அன்று 86 இல் மதுரை டெசோ மாநாட்டில் திரண்ட ஈழ ஆதரவு சக்திகளை கண்டு பயந்த எம்ஜியார் இந்த ஈழ ஆதரவு சக்திகள் கலைஞருக்கு பெரிய எழுச்சியை கொடுத்து விடும் என்ற ஒரே நோக்கத்தில் , அந்த மாநாடு நடந்த ஒரே வாரத்தில் புலிகள் மூலம் ஈழத்தில் சகோதர படுகொலைகளை அரங்கேற்றினார் புலிகளுக்கு பின்னால் இருந்து கொண்டு அந்த கொலை வெறிக்கு முழு ஆதரவும் கொடுத்தது எம்ஜியார் .
இதன் பின்பு நடந்தது எல்லாமே புலிகளின் பின்வாங்கல் தான் .
அதன் பின்பு ராஜீவ காந்தி தலைய்ட்டு புலிகளுக்கு மறுவாழ்வு கொடுத்தார் . அந்த எபிசொட் முடிந்த பின்பு கூட புலிகள் ஓயவில்லை அவர்கள் திமுகவை வைகோ மூலம் கைப்பற்றவும் திட்டம் போட்டனர் . ..

கொரோனா: விளக்கோடு சேர்ந்து வெடி கொழுத்தி .... பற்றி எரிந்த பகுதிகள் ...

மின்னம்பலம் : பிரதமரின் வேண்டுகோளை ஏற்று நாட்டின் பல பகுதிகளில் விளக்குகள் ஏற்றப்பட்டன.
கொரோனா வைரஸை கட்டுப்படுத்துவது தொடர்பாக நாட்டு மக்களிடையே கடந்த 2ஆம் தேதி உரையாற்றிய பிரதமர் நரேந்திர மோடி, ஏப்ரல் 5 இரவு 9 மணிக்கு, மக்கள் அனைவரும் வீடுகளில் மின் விளக்குகளை அணைத்துவிட்டு, அகல் விளக்கு வைக்க வேண்டும். அல்லது மொபைல் டார்ச், டார்ச் லைட்டை 9 நிமிடங்களுக்கு ஒளிரவிட வேண்டும் என்று தெரிவித்திருந்தார்.
அதன்படி நேற்று இரவு 9 மணிக்கு நாட்டின் பல நகரங்களில் மக்கள் தங்கள் வீடுகளிலுள்ள மின் விளக்குகளை அனைத்தனர். வீட்டு வாசல்களிலும், காம்பவுண்ட் சுவர்களிலும் அகல் விளக்குகள் மற்றும் மெழுகுவர்த்திகளை ஏற்றினர். வீட்டின் பால்கனிகளில் நின்று மொபைல் டார்ச் அடித்து கொரோனாவுக்கு எதிராக ஒருங்கிணைந்து நிற்கிறோம் என்பதைக் காட்டினர்.
ஜிப்பா, வேட்டி மற்றும் துண்டு அணிந்த பிரதமர் நரேந்திர மோடி தனது இல்லத்தில் குத்து விளக்கு ஏற்றினார். தமிழக முதல்வர் எடப்பாடி பழனிசாமி தனது குடும்பத்தினரோடு மெழுகுவர்த்தி ஓளியேற்றினார்.

அமெரிக்காவில் புலிக்கு கொரோனா வைரஸ் பாதிப்பு


அமெரிக்காவில் புலிக்கு கொரோனா வைரஸ் பாதிப்புதினத்தந்தி  ;அமெரிக்காவின் நியூயார்க்சிட்டியில் உள்ள வன உயிரியல் பூங்காவில் பராமரிக்கப்பட்டு வரும் புலிக்கு கொரோனா பாதிப்பு ஏற்பட்டுள்ளது. உலகம் முழுவதையும் கொரோனா வைரஸ் ஆட்டி படைத்து வருகிறது. வல்லரசு நாடான அமெரிக்காவில் தான் கொரோனா தற்போது அதிக பாதிப்பை ஏற்படுத்தியுள்ளது. அமெரிக்காவில் சுமார்  336,673 பேருக்கு கொரோனா தொற்று ஏற்பட்டுள்ளது. உலகம் முழுவதும் 1,272,860- பேருக்கு கொரோனா தொற்று உறுதியாகியுள்ளது. 69,424- பேர் கொரோன பாதிப்பால் உயிரிழந்துள்ளனர்.
மனித சமூகத்தை மிரட்டி வரும் கொரோனா வைரஸ், விலங்குகளைப் பாதிக்காது என்று பரவலாக பேசப்பட்டு வந்தன.  ஆனால், இந்தக்கூற்றைப் பொய்யாக்கும் வகையில், அமெரிக்காவின் நியூயார்க்சிட்டியில் அமைந்துள்ள புரேன்ஸ் உயிரியல் பூங்காவில் பரமாரிக்கப்பட்டு  வரும் பெண் புலி ஒன்றுக்கு கொரோனா தொற்று உறுதி செய்யப்பட்டுள்ளது.

பிரிட்டன் பிரதமர் போரிஸ் ஜான்சன் மருத்துவமனையில் அனுமதி

பிரிட்டன் பிரதமர் போரிஸ் ஜான்சன் மருத்துவமனையில் அனுமதிதினத்தந்தி : கொரோனா வைரஸ் தொற்றுக்கு ஆளான பிரிட்டன் பிரதமர் போரிஸ் ஜான்சன் மருத்துவமனையில் அனுமதிக்கப்பட்டார்.
 சீனாவில் கண்டறியப்பட்ட கொரொனா வைரஸ்,  உலகம் முழுவதும் சுமார் 203 நாடுகளில் வியாபித்துள்ளது. ஐரோப்பிய நாடுகளில் கடும் தாக்கத்தை கொரோனா வைரஸ் ஏற்படுத்தி வருகிறது. இங்கிலாந்திலும் கொரோனா வைரஸ் வேகமாக பரவி வருகிறது.  இந்த நோயினால் இங்கிலாந்து நாட்டில் சுமார் 48 ஆயிரம் பேர் பாதிக்கப்பட்டுள்ளனர். ஏறத்தாழ 6 ஆயிரம் பேர் பலியாகி உள்ளனர்.
கொரோனா வைரஸ் தொற்று இங்கிலாந்தில் பெரும் தலைவர்களையும் தாக்கியது. இங்கிலாந்து இளவரசர் சார்லஸ் வைரஸ் தொற்றுக்கு ஆளானார். சிகிச்சைக்கு பிறகு தற்போது குணம் அடைந்ததாக தெரிவிக்கப்பட்டுள்ளது. இங்கிலாந்து பிரதமர் போரிஸ் ஜான்சனுக்கும் கொரோனா வைரஸ் தாக்கி இருப்பது கண்டறியப்பட்டது. உடனடியாக அவர் பிரதமர் அதிகாரப்பூர்வ இல்லத்தில் தன்னைத்தானே தனிமைப்படுத்தி கொண்டார். 10 நாட்களுக்கு பின்னர் மீண்டும் அவருக்கு நோயின் அறிகுறி தென்பட்டதால் அவர் மருத்துவமனையில் அனுமதிக்கப்பட்டுள்ளார்

1972ஆம் ஆண்டிலேயே அனைத்து தமிழக கிராமங்களும் மின் இணைப்பு

Muralidharan Kasi Viswanathan : TNEB - Powering the Progress of Tamilnadu
எம். பக்தவத்சலம் தலைமையிலான காங்கிரஸ் ஆட்சி 1967ஆம் ஆண்டு மார்ச் மாதம் முடிவுக்குவந்து, முதல்வராக சி.என். அண்ணாதுரை முதல்வரானார். 1968ஆம் ஆண்டில் தமிழ்நாட்டில் 32100 கிராமங்களுக்கு மின் இணைப்பு கொடுக்கப்பட்டிருந்தது. ஆனால், 1971ன் இறுதியில் 48,717 கிராமங்களுக்கு மின் இணைப்புக் கொடுக்கப்பட்டிருந்தது. 5, 73, 951 பம்ப் செட்களுக்கு இணைப்புக் கொடுக்கப்பட்டுவிட்டது. அதாவது மூன்றே ஆண்டுகளில் 16,000 கிராமங்கள் மின் இணைப்பைப் பெற்றன.
மீதமிருந்த கிராமங்களுக்கும் மின் இணைப்பு வழங்க 71-72ல் 9000 கிராமங்களுக்கும் 72-73ல் 7600 கிராமங்களுக்கும் மின் இணைப்புக் கொடுக்க இலக்கு நிர்ணயிக்கப்பட்டது. ஆனால், 71 ஏப்ரல் முதல் டிசம்பருக்குள் 10, 272 கிராமங்களுக்கும் 44,019 பம்ப் செட்களுக்கும் இணைப்பு கொடுக்கப்பட்டது. 1972ஆம் ஆண்டில் தமிழ்நாட்டில் இருந்த அனைத்து கிராமங்களும் மின் இணைப்பைப் பெற்றுவிட்டன.
(இப்போது தமிழ்நாட்டில் மின் இணைப்பு இல்லாத கிராமங்கள் இல்லையா என்றால், 30க்கும் மேற்பட்ட கிராமங்கள் இருக்கின்றன என்பதுதான் பதில். ஆனால், அவை மின் இணைப்பு வழங்க முடியாதவை அல்லது தேவைப்படாதவை.)

கொரோனா :இந்தியாவில் 30 லட்சம் பாலியல் தொழிலாளர்களின் நிலை என்ன தெரியுமா?

Malini Hema :; கொரோனா வைரஸ்: இந்தியாவில் இருக்கும் 30 லட்சம் பாலியல் தொழிலாளர்களின் நிலை என்ன தெரியுமா?
"சமூக இடைவெளி போன்றவற்றைப் பின்பற்றலாம். ஆனால் எங்களால் எங்கள் தொழிலை செய்ய முடியாமல் போகிறது. இதனால் எங்களுக்கு வருமானம் இல்லாமல் போகிறது" என்கிறார் நாசிக்கை சேர்ந்த ரேகா.
கொரோனாத் தொற்று பரவல் காரணமாக சிவப்பு விளக்கு பகுதியில் இருக்கும் பாலியல் தொழிலாளர்களின் வேலை நின்றுவிட்டது. முடக்கம் அறிவிக்கும் முன்னரே பாலியல் தொழிலாளர்கள் தாமாகவே முன் வந்து தொழிலை நிறுத்தி விட்டனர். வாடிக்கையாளர்களை உள்ளே அனுமதிக்க மறுத்தனர்.
கொரோனா வைரஸ் பரவலைக் கட்டுப்படுத்த இந்தியா முழுவதும் ஊரடங்கு அமலில் உள்ள நிலையில் பாலியல் தொழிலாளர்கள், அவர்களது குழந்தைகள் மற்றும் குடும்பத்தினரின் நிலை மிகவும் மோசமாக உள்ளது.
இந்திய அரசின் மகளிர் மற்றும் குழந்தைகள் நல அமைச்சகத்தின் தரவுகளின்படி, இந்தியா முழுவதும் சுமார் 30 லட்சம் பெண்கள் இந்தப் பாலியல் தொழிலில் ஈடுபட்டுள்ளனர்.

மோடி கும்பலின் முன்யோசனை அற்ற அறிவிப்புக்கள் .. அவல ஆட்சி


பசி களைப்பு  தற்கொலை ,, குஜராத்
வளன்பிச்சைவளன்  :  · சக மனிதனின் பசியை உணராத பாசிச சமூகம் உருவாவது  அழிவின் அறிகுறி  பிரதமர் மோடியின் முன்யோசனை அற்ற அறிவிப்பு கள் சான்யர்களின் வாழ்வாதாரத்தை சிதைத்து இன்னும், 10, நாட்கள் எப்படி கடத்தப் போகிறோம் என அச்சத் தில் உறைந்திருக்கும் மக்களைப் பற்றி சிந்திக்காத ஒரு மக்கள் கூட்டம் உருவாகி வருவது வேதனை தருகிறது.
ஒரு கொடிய நோய் மனித குலத்தை அழித்து கொண்டு இருக்கையில் இதை எதிர்கொள்ள அறிவியல் பூர்வ மாக மக்களை வழிநடத்தி விழிப்புணர்வை ஏற்படுத்தி மக்களை காக்க வேண்டிய பிரதமர் கைதட்ட சொல்வதும் விளக்கு ஏற்ற சொல்வதும் கோமாளித்தனமானது என்று ஒதுக்கி விட இயலாது.
பொருளாதாரத்தில் வலுவான நிலையில் உள்ள நாடுகள் குறைவான மக்கள் தொகை கொண்ட நாடுகளில் மக்கள் கொத்துக் கொத்தாக மடிவதும் அவர்களை நல்லடக் கம் செய்யக் கூட முடியாத அளவிற்கு அவர்கள் திணறி வரும் செய்திகள் வந்த வண்ண மாய் இருக்கையில் பிரதமர் மோடி பொறுப்பற்ற அறிவிப்பு களை அறிவிப்பது வேதனை.
இந்தியாவில் கொரோனா லை எதிர் கொள்ள போதுமான பெரிய நிதி ஆதாரம் கிடையாது பல லட்சம் மக்கள் பாதிக்கப் பட்டால் சிகிச்சை செய்ய போது மான மருத்துவ மனைகள், படுக்கைகள், மருத்துவர்கள், செவிலியர்கள் கொண்ட உள் கட்டமைப்பில் பலகீனமாக இருக்கையில் இந்த அவலத்தை இந்தியா தடுக்க ஒரே ஒரு வழி #சமூக #இடைவெளி இதைத் தவிர வேறு மாற்று இல்லை

ஜெர்மனியின் 200,000 பாதுகாப்பு முகமூடிகளை அமெரிக்கா கடத்தல் . தாய்லாந்தில் இருந்து ...

Mavai S Srikantha இந்த நவீன திருட்டையும் ஒரு முறை பாருங்கள்
மூன்று மொழிகளிலும்.....
சில தினங்களுக்கு முன் பிரான்ஸ் அரசிற்கு நடந்தது
இன்று ஜேர்மனிக்கு...
பெர்லின் காவல்துறை உத்தரவிட்டு பணம் செலுத்திய தாய்லாந்தில், தயாரிக்கப்பட்ட 200,000 பாதுகாப்பு முகமூடிகளை வழங்குவதை அமெரிக்கா தடுத்தது. ஒரு அமெரிக்க உற்பத்தியாளரிடமிருந்து எஃப்.எஃப்.பி -2 பிரிவின் மருத்துவ முகமூடிகள் பாங்காக்கில் பறிமுதல் செய்யப்பட்டன,  எனவே அவை அவற்றின் இலக்கை அடையவில்லை என்று பெர்லின் உள்துறை செனட்டர் ஆண்ட்ரியாஸ் கீசல் (எஸ்.பி.டி) வெள்ளிக்கிழமை தெரிவித்தார். அமெரிக்க அதிகாரிகளின் நடவடிக்கைகள் "நவீன திருட்டு நடவடிக்கை" என்று செனட்டர் விமர்சித்தார்.
"அட்லாண்டிக் கூட்டாளர்களை நீங்கள் எவ்வாறு கையாள்வது என்பது இதுவல்ல" என்று கீசல் கூறினார். "உலகளாவிய நெருக்கடி காலங்களில் கூட, காட்டு மேற்கு முறைகள் எதுவும் இருக்கக்கூடாது. சர்வதேச விதிகளுக்கு இணங்க அமெரிக்காவை வலியுறுத்துமாறு மத்திய அரசை நான் அழைக்கிறேன்." கொரோனா தொற்றுநோய் காரணமாக, தற்போது பாதுகாப்பு முகமூடிகள் உலகளவில் பற்றாக்குறையாக உள்ளன.
முகமூடிகளை பறிமுதல் செய்வது "முகமூடி ஏற்றுமதிக்கு அமெரிக்க அரசாங்கத்தின் தடை தொடர்பானது" என்று கீசல் கூறினார். இருப்பினும், சரியான பின்னணி குறித்து எதுவும் கூற முடியாது என்று அந்த அறிக்கையில் கூறப்பட்டுள்ளது.