திமுக நாளை (20.01.2017) மாநிலம் முழுவதும் ரயில் மறியல் போராட்டம்

ஜல்லிக்கட்டு நடத்த சட்டம் இயற்ற மாநில அரசை வலியுறுத்தவும், தமிழக "காவிரி மேலாண்மை வாரியம் அமைக்கும் அதிகாரம் உங்களுக்கு இல்லை" என்று உச்சநீதிமன்றத்திடம் முறையிட்டு தமிழகத்திற்கு கிடைக்க வேண்டிய காவிரி இறுதித் தீர்ப்பு உரிமையை பறித்த மத்திய அரசு, "ஜல்லிக்கட்டு" விஷயத்தில் உச்சநீதிமன்றத்திடம் முறையிடவே மறுப்பது "தங்கள் கட்சி வெற்றி பெறும் மாநிலத்தின் கண்ணில் வெண்ணெய். வெற்றி பெற முடியாத மாநிலத்தின் கண்ணில் சுண்ணாம்பு" என்ற அநீதிக் கொள்கையை கடைப்பிடித்து இன்றைக்கு மத்திய-மாநில உறவுகளை கேலிக்கூத்தாக்கியிருக்கிறது.
உரிமைகளை நசுக்கும் மத்திய அரசின் போக்கை கண்டித்தும், இளைஞர்கள் மற்றும் மாணவர்கள் தன்னெழுச்சியாக போராடியும், திராவிட முன்னேற்றக் கழகம் உள்ளிட்ட அனைத்துக் கட்சிகளும் போராட்டம் நடத்தியும், தமிழக முதலமைச்சர் ஓ. பன்னீர் செல்வம் அவர்கள் நேரடியாகச் சென்று பிரதமர் நரேந்திர மோடி அவர்களை சந்தித்து கோரிக்கை விடுத்த பிறகும் ஜல்லிக்கட்டு நடத்துவதற்கு அவசரச் சட்டம் கொண்டு வர முடியாது என்று தீர்மானமாக மறுத்து விட்ட மத்திய அரசின் மாற்றாந்தாய் போக்கு தமிழக மக்கள் விரோத போக்காக அமைந்து விட்டது.

"மோடிமகிமை" ..திரையரங்குகளில் 50 சதவீத வருவாய் இழப்பு...பணமதிப்பிழப்பால் திரையுலகம்...

பணமதிப்பு நீக்க நடவடிக்கையால் திரைப்படத்துறை கடந்த 2 மாதங் களாக கடும் பாதிப்புகளை எதிர் கொண்டு வருகிறது. திரை யரங்குகளில் 50 சதவீத வருவாய் இழப்பு ஏற்பட்டுள்ளதாக கூறப் படுகிறது.

மத்திய அரசு அறிவித்த பண மதிப்பு நீக்க நடவடிக்கையால் பணப் புழக்கம் குறைந்து பல தொழில்கள் முடங்கிப் போயுள்ளன. கறுப்புப் பணம் புழங்கும் திரைப்படத் துறையும் கடும் பாதிப்புக்கு உள்ளாகி இருக்கிறது.

இதுகுறித்து தமிழ் திரையுலகைச் சார்ந்தவர்கள் ‘தி இந்து’விடம் கூறியதாவது:

பண மதிப்பு நீக்கமும் வங்கிகளில் இருந்து பணம் பெறுவதற்கான கட்டுப்பாடுகளும் ஒரே சமயத்தில் அறிவிக்கப்பட்டதால் திரைப்படத் துறை கடும் நெருக்கடிக்கு உள் ளாகி இருக்கிறது. கையிலிருந்த பணத்தையும் செலவழிக்க முடிய வில்லை. வங்கிகளில் இருப்பு உள்ள பணத்தையும் குறிப்பிட்ட அளவுக்கு மேல் எடுக்க முடியவில்லை.

லாரிகள் இயங்காது.. ஜல்லிக்கட்டுக்கு ஆதரவாக .. லாரி சம்மேளனம அறிவ்ப்பு

தமிழரின் பாரம்பரிய விளையாட்டு போட்டிக்கு ஆதரவாக தமிழக லாரி உரிமையாளர் சங்கம் ஆதரவை தெரிவித்து வரும் வெள்ளிக்கிழமை 20ம் தேதி ஒரு நாள் லாரிகள் இயங்காது என்று தெரிவித்துள்ளார். இது பற்றி லாரி உரிமையாளர் சம்மேளனம் தலைவர் குமாரசாமி கூறியதாவது: தமிழகத்தில் ஜல்லிக்கட்டு போட்டியை நடத்த வலியுறுத்தி மாணவர்கள் போராட்டம் நடத்தி வருகின்றனர். எனவே ஜல்லிக்கட்டு தடையை மத்திய, மாநில அரசுகள் நீக்கி மீண்டும் ஜல்லிக்கட்டை நடத்த வலியுறுத்தும் வகையில் வெள்ளிக்கிழமை தமிழகம் முழுவதும் லாரிகள் இயங்காது. இவ்வாறு அவர் தெரிவித்தார்  லைவ்டே

போராட்டத்தின் பின்னணியில் ஜல்லிக்கட்டு மட்டுமல்ல .. எத்தனையோ நியாயங்கள் உள்ளன

தமிழகம் எங்கும் தன்னெழுச்சியாக எழுந்த போராட்டம் பல வகைகளில் 'வால்ஸ்ட்ரீட்' போராட்டத்தை நினைவூட்டுகிறது. உள்ளே புகுந்து ஆதாயம் தேட முனையும் அரசியலாளர்களின் கை மீறிப்போராட்டம் நடந்து கொண்டிருக்கிறது. பின்னணியில் உளவுத்துறை, மத்திய அரசு என்றெல்லாம் கூறி இளைஞர்களின் இந்தத் தன்னெழுச்சிப் போராட்டத்தைக் கொச்சைப் படுத்த வேண்டியதில்லை. அதே நேரத்தில் இது ஏதோ ஜல்லிக்கட்டு பிரச்சினைக்கான போராட்டம் மட்டும் என்றும் வெகுவாகச் சுருக்கிப் பார்க்க வேண்டியதுமில்லை. பல்வேறு காரணங்களால் அரசுகள் மீதுள்ள வெறுப்பு இப்படி வெடித்திருக்கிறது. இதை அதிகாரத்தில் உள்ளவர்கள் புரிந்து கொள்ள வேண்டும்.

தடை அதை உடை ! களத்தில் இருக்கும் காவலர்களும் மாணவர்கள் வெல்ல வேண்டும் என்றே விரும்புகிறார்கள் ..

நேற்று இரண்டு மணி நேரம் மெரினா களத்தில் ஆதரவு தெரிவிக்க சென்று இருந்தோம் அங்கு ஜாதி இல்லை ஆனால் அவைகளை முகநூலில் மட்டுமே சில இடத்திலே இருப்பதை காணுகிறேன் வருத்தமாக உள்ளது . ஒன்று கூடி #PETA வில் கூடியுள்ள ஆதிக்க சக்திகளை ஒடுக்க வேண்டிய நேரம் இது ..
இந்தியா மட்டும் இல்லை உலகமே உற்று நோக்கி கொண்டு இருக்கிறது .. ஸ்ரீலங்காவில் தமிழர்கள் ஆதரவு தருகிறார்கள் ., சிங்கப்பூரில் ., லண்டன் தெருவிலே கூடுகிறார்கள் கனடா பிரதமர் ஜல்லிக்கட்டு என்றால் என்ன என்று விசாரிக்கிறார் ..
இப்படி அரசியல் சாரா போரட்டம் இது வரை உலகத்திலே சாத்தியம் உண்டென்றால் இல்லை .. நிச்சயம் இல்லை .. நமது மாணவ கண்மணிகள் வெல்ல வேண்டும் .. அவர்கள் இதே அறவழியில் செல்ல வேண்டும் .. நேற்று போலவே இன்றும் தண்ணீர் மற்றும் உணவுகள் எடுத்த செல்ல உள்ளோம் ..

#ஜல்லிக்கட்டு நடத்துவோரை கைது செய்யவேண்டும் ராஜ்நாத்சிங்பாஜக அமைச்சர் என்று செய்திகள் வருகிறது .. காங்கிரஸ் எம்எல்ஏ விஜ்யதாரிணி ., புதிய தமிழகம் தலைவர் கிருஷ்ணசாமி போன்றோர் எதிர்ப்பு குரல் எழுகிறது ..
ஆனால் மாணவர்கள் மாநில அரசே சட்டம் இயற்றலாம் என்ற கருத்தில் தெளிவாக உள்ளதை உணர முடிகிறது .. இவர்களை ஏமாற்ற முடியாது .. மோடி அரசு பணிந்து ஆக வேண்டும் வேறு வழி இல்லை .

ஜல்லிகட்டு போராளிகளுக்கு தண்ணீர் கொடுக்கும் தமிழ் பாசம்!..., ஆந்திரா போலீஸ் வருகை?

மதுரை, சென்னை, மற்றும் தமிழகமெங்கும் மாணவர்கள் தீவிரமாக போராடி வருகின்றனர். தமிழரின் வீரக் கலையான ஜல்லிக்கட்டு நடக்க வேண்டும். கொலைகார பீட்டா அமைப்பை தடை செய்ய வேண்டும் என்பதற்கான போராட்டம் வலுத்து வருகிறது. இந்த நிலையில் கலவரத்தை ஒடுக்க அவ்வப்போது தடியடி நடத்த காவல் துறை தலைமை ஆணை இடுகிறது. ஆரம்பத்தில் அடித்து விரட்டிய  தமிழக காவல்துறை, மாணவர்களின் உணர்வுகளைப் பார்த்து மெய் சிலிர்த்தது. அவர்களை அடிப்பது இல்லை என்கிற முடிவிற்கு வந்துள்ளார்கள். இவர்கள் எனது சந்ததிக்காக போராடுகிறார்கள் என்கிற உணர்வு போலீஸ்காரர்களிடம் வந்து விட்டது. சொந்த செலவில் தண்ணீர் பாட்டில் வாங்கி தாகத்தில் வாடும் மாணவர்களுக்கு வாயில் தண்ணீர் ஊற்றும் உணர்ச்சி மிகு சம்பவங்களும் நடந்து வருகிறது. இது..இது தான் தமிழர் பண்பாடு. இதுதான் தமிழ் உணர்வு. அசத்துங்க போலீஸ் சல்யூட்.  லைவ்டே

ஜல்லிக்கட்டை தடை செய்ய போராடும் பீட்டாவின் ரத்த கறை படிந்த முகம்

தமிழர்களின் பாரம்பரிய வீர விளையாட்டான ஜல்லிக்கட்டுக்கு உச்ச நீதிமன்றத்தில் வழக்குத் தொடர்ந்து, தடை வாங்கியிருக்கியது, விலங்குகள் நல அமைப்பான ‘பீட்டா’ (PETA – People for the Ethical  treatment of animals ) .

தற்போது இந்த அமைப்பை தடை செய்ய கோரியும், ஜல்லிக்கட்டுக்கு எதிரான தடையை நீக்க கோரியும் தமிழகம் முழுவதும் போராட்டங்கள் நடத்தப்பட்டு வருகின்றன.

”ஜல்லிக்கட்டு” என்பது பிற்போக்குத்தனம் என்றும், விலங்குகளைத் துன்புறுத்தி, மனிதர்களைக் காயப்படுத்தும் காட்டு மிராண்டித்தனம் என்றும் பீட்டா நீதிமன்றத்தில் வாதாடி வெற்றி பெற்றுள்ளது. இந்த பீட்டா நிறுவனத்தின் மறுமுகத்தை அம்பலப்படுத்தியுள்ளது ‘ஹஃபிங்டன் போஸ்ட்’ என்ற பத்திரிகை.

3 வது நாளாக ஜல்லிக்கட்டு போராட்டம் தீவிரமடைகிறது .. போலீசார் தடியடி ..

சென்னை: தமிழகத்தில் உள்ள அனைத்து கல்லூரி மாணவர்களும் ஜல்லிக்கட்டிற்கு ஆதரவாக போராட்டத்தில் பங்கேற்று வருகின்றனர். வகுப்பு புறக்கணிப்பு : தமிழகம் முழுவதும் இன்று 3வது நாளாக ஜல்லிக்கட்டிற்கான போராட்டம் தொடர்ந்து நடந்து வருகிறது. மதுரை அலங்காநல்லூரில் துவங்கி, தற்போது தமிழகம் முழுவதும் நடந்து வரும் இந்த போராட்டத்தில் இளைஞர்கள் மட்டுமல்லாது பள்ளி, கல்லூரி மாணவ மாணவிகளும் பங்கேற்று வருகின்றனர்.
விடுமுறை முடிந்து பள்ளி, கல்லூரிகள் நேற்று திறக்கப்பட்ட போதும் மாணவர்கள் வகுப்புகளை புறக்கணித்து போராட்டத்தில் ஈடுபட்டனர். கல்லூரிகளுக்கு விடுமுறை :

தமிழகத்தில் 300க்கும் மேற்பட்ட இடங்களில் போராட்டம்..கல்லூரிகளுக்கு விடுமுறை:

சென்னை: ஜல்லிக்கட்டு மீதான தடையை நீக்கக்கோரி தமிழகம் முழுவதும் இளைஞர்கள் நடத்தி வரும் போராட்டம் மூன்றாவது நாளாக இன்றும் (19ம் தேதி) தொடர்கிறது.
ஜல்லிக்கட்டுக்கு தடை விதித்து சுப்ரீம் கோர்ட் உத்தரவிட்ட காரணத்தால், ஜல்லிக்கட்டை இந்த ஆண்டும் நடத்த முடியாமல் போனது. ஜல்லிக்கட்டை மீண்டும் நடத்தக்கோரியும், தடைக்கு காரணமான பீட்டா அமைப்பை தடை செய்ய கோரியும் இளைஞர்கள், மாணவர்கள், பெண்கள் மற்றும்
தன்னார்வலர்கள் என, பல தரப்பினரும் போராடி வருகின்றனர். அவர்களது இப்போராட்டம் 3வது நாளாக இன்றும் தொடர்கிறது. தமிழகத்தில் சென்னை, மதுரை, திருச்சி, கோவை உள்ளிட்ட 12 மாநகராட்சிகள், 125 நகராட்சி உள்ளிட்ட 300 இடங்களுக்கும் மேல் தீவிரமாக போராட்டம் நடைபெற்று வருகிறது. கடுங்குளிரையும் பொருட்படுத்தாமல் இரவு முழுவதும் செல்போன் வெளிச்சத்திலும், மெழுகுவர்த்தி வெளிச்சத்திலும் இளைஞர்கள் விடிய விடிய போராட்டம் நடத்தினர்.

ஜல்லிகட்டு ... சென்னை உயர் நீதிமன்றம் தலையிட மறுப்பு

ஜல்லிக்கட்டு போராட்டம் தமிழகம் முழுவதும் தீவிரமடைந்து வரும் நிலையில் இப்பிரச்சினையில் தலையிட சென்னை உயர் நீதிமன்றம் மறுத்துள்ளது. உச்ச நீதிமன்றத்தில் வழக்கு நிலுவையில் இருப்பதை சுட்டிக்காட்டி தலையிட மறுப்பு தெரிவித்துள்ளது. ஜல்லிக்கட்டுக்கு அனுமதி கோரியும், பீட்டா அமைப்புக்கு தடை கோரியும் தமிழகம் முழுவதும் போராட்டங்கள் நடைபெற்று வருகின்றன. சென்னை மெரினாவில் 2-வது நாளாக புதன்கிழமை மாணவர்கள், இளைஞர்கள், ஐடி ஊழியர்கள் என பல்வேறு தரப்பினரும் போராட்டத்தில் ஈடுபட்டு வருகின்றனர். இந்நிலையில், "சென்னை மெரினா கடற்கரையில் ஜல்லிக்கட்டு கோரி நடைபெற்றுவரும் போராட்டம் அறவழியில் அமைதியான முறையில் நடைபெற்று வருகிறது. அப்படியிருந்தும் போராட்டக்காரர்களுக்கு இடையூறு செய்யும் வகையில் கடற்கரை பகுதியில் செவ்வாய் இரவு மின் இணைப்பு துண்டிக்கப்பட்டது.

ஸ்மிருதி இரானி கெஞ்சல் : கல்வித் தகுதியை சொல்லாதீங்க பிளீஸ் ..

புதுடில்லி: தகவல் அறியும் உரிமைச் சட்டத் தின் கீழ், தன் கல்வித் தகுதி பற்றிய தகவலை, தெரிவிக்க வேண்டாமென, மத்திய ஜவுளித் துறை அமைச்சர், ஸ்மிருதி இரானி கேட்டதாக, டில்லி பல்கலையின் அங்கமான, 'ஸ்கூல் ஆப் ஓபன் லேர்னிங்' கல்வி மையம் கூறியுள்ளது. பா.ஜ.,வை சேர்ந்த, மத்திய ஜவுளித் துறை < அமைச்சர், ஸ்மிருதி இரானி, 2004, 2011 மற்றும் 2014ம் ஆண்டுகளில் நடந்த லோக்சபா தேர்தல் களின்போது, வேட்பு மனுவுடன் தாக்கல்செய்த பிரமாணப் பத்திரத்தில், முரண்பட்ட கல்வித் தகுதிகளை குறிப்பிட்டு உள்ளதாக சர்ச்சை எழுந்தது.< இது தொடர்பாக, தகவல் அறியும் உரிமை சட்டத் தின் கீழ், தகவல் உரிமை ஆர்வலர் ஒருவர் விண்ணப்பித்தார். அதற்கு, டில்லி பல்கலையின், 'ஸ்கூல் ஆப் ஓபன்லேர்னிங்' கல்வி மையம் அளித்த பதிலில், 'தன் கல்வித் தகுதி பற்றிய தகவலை, தெரிவிக்க வேண்டாமென, ஸ்மிருதி இரானி கேட்டுள்ளார். >எனவே, மனுதாரர் கேட்டுள்ள, ஸ்மிருதி இரானி குறித்த தகவலை அளிக்க இயலாது' என, கூறியுள்ளது. இதையடுத்து, தகவல் அளிக்க முடியாததற்கு விளக்கம் அளிக்கும்படி, டில்லி பல்கலையின் பொது தகவல் அதிகாரிக்கு, மத்திய தகவல் கமிஷன், 'நோட்டீஸ்' அனுப்பியுள்ளது.தினமலர்

திருமணமான பெண்களுக்கு கணவனின் பெயர் அவசியம் இல்லை!

பிரான்ஸ் போன்ற தேசங்களில் திருமணமான பெண்களும் தந்தையின் பெயர் எழுத்துக்களையே தொடர்ந்து தங்கள் இனிசியலக பாவிக்க முடியும். அதுமட்டும் அல்ல தங்கள் தாயின் பெயர் எழுத்துக்களை கூட பாவிக்க முடியும். பெற்றோர்களின் அடையாளம் திருமணத்தால் அழிந்து போய்விட கூடாது என்பதற்காக இந்த நடைமுறை பல நாடுகளில் உள்ளது  
பெண்கள் பெரும்பாலும், மருத்துவமனை உள்ளிட்ட இடங்களில் பெயர் பதிவுசெய்யும்போது, கணவர் பெயர் சேர்த்தோ, அவரது பெயரின் முதல் எழுத்தை இனிஷியலாகவோ கொடுக்கப் பழகியிருக்கிறார்கள். பெண்கள் பெரும்பாலும், மருத்துவமனை உள்ளிட்ட இடங்களில் பெயர் பதிவுசெய்யும்போது, கணவர் பெயர் சேர்த்தோ, அவரது பெயரின் முதல் எழுத்தை இனிஷியலாகவோ கொடுக்கப் பழகியிருக்கிறார்கள். அதே நினைவில், தேர்வு அல்லது வேலைக்கு விண்ணப்பம் எழுதும்போதும், தங்களின் இனிஷியலாக கணவர் பெயரின் முதல் எழுத்தை எழுதிவிடுகிறார்கள். அவர்களின் கல்வி, பிறப்புச் சான்றிதழ்களிலோ அப்பா பெயரின் முதல் எழுத்தே இன்ஷியலாக இருக்கும்போது, அலுவல் ரீதியான குழப்பங்கள் ஏற்படுகின்றன. ஆண்களுக்குத் திருமணத்துக்கு முன்போ பின்போ ஒருபோதும் இனிஷியல் பிரச்சனைகள் வருவதில்லை. பெண்களுக்கு மட்டும் ஏன் இந்த மாற்றம்?

ஐ டி ஊழியர்களும் போராட்ட களத்தில் குதித்தனர் ..

சென்னை ஜல்லிக்கட்டுக்கு ஆதரவு தெரிவித்து போராட்டத்தில் ஈடுபட்டு வரும் மாணவர்களுக்கு பலம் சேர்க்கும் வகையில், சென்னை ஐடி ஊழியர்களும் போராட்டத்தில் ஈடுபட்டுள்ளனர்.
சோழிங்கநல்லூரில் உள்ள எல்காட் வளாகத்தில் அமைந்துள்ள  ஏராளமான மென்பொருள் நிறுவனத்தைச் சேர்ந்த இரண்டாயிரத்துக்கும் மேற்பட்ட ஊழியர்களும், ஜல்லிக்கட்டுக்கு ஆதரவான போராட்டத்தில் ஈடுபட்டுள்ளனர். தரமணியில் உள்ள தனியார் மென்பொருள் நிறுவன ஊழியர்கள் ஏராளமானோர் பணிகளை புறக்கணித்துவிட்டு, அலுவலக வளாகத்தில் போராட்டத்தில் ஈடுபட்டுள்ளனர்.

யாழ்ப்பாணம் வரை பாய்ந்த ஜல்லிகட்டு ... இனி அங்கும் நடக்கும் ஜல்லி கட்டு?

யாழ்ப்பாணம்: ஜல்லிக்கட்டுக்கு அனுமதி கோரி தமிழகத்து மாணவர்கள், இளைஞர்களின் நடத்தி வரும் போராட்டத்துக்கு ஆதரவு தெரிவித்து இலங்கையிலும் போராட்டம் வெடிக்கிறது. யாழ்ப்பாணம் நல்லூரில் நேற்று மாலை தமிழகத்துக்கு ஆதரவாக போராட்டம் நடைபெற்றது. தமிழீழத் தமிழர்கள் மீதான இன ஒடுக்குமுறைக்கு எதிராக தமிழகம் தொடர்ந்து குரல் கொடுத்து வருகிறது. தமிழகத்தின் பிரச்சனைகளுக்கு ஈழத் தமிழர்கள் ஆதரவு தருகின்றனர். தற்போது ஜல்லிக்கட்டு உரிமை மீட்புக்கான போராட்டத்தில் தமிழகத்து இளைஞர்கள் வீதிக்கு வந்துள்ளனர்.  தமிழகத்தின் இந்த போராட்டத்துக்கு ஆதரவாக இலங்கை யாழ்ப்பாணம் நல்லூர் முருகன் கோவில் முன்பாக நேற்று மாலை போராட்டம் நடைபெற்றது. போராட்டத்தில் பங்கேற்ற இளைஞர்கள், ஜல்லிக்கட்டு தமிழனின் பாரம்பரியம், பீட்டாவை தடை செய் போன்ற கோஷங்களை எழுப்பினர். Eelam tamils support TN Protest on Jallikattu மேலும் ஜல்லிக்கட்டுக்கு ஆதரவாக "அலங்கா 'நல்லூர்' ஆடும் வரை ஈழ 'நல்லூர்' அடங்காது", "தமிழனின் தனித்துவத்தை தடுக்காதே", "தலைகள் குனியும் நிலையில் இனியும் தமிழன் இல்லையடா", "பீட்டா என்ற இனத்தின் எதிரி - நின்று பார் எம் நெருப்பின் முன்னால்","பண்பாட்டை சிதைக்காதே - எம் பண்பாட்டை மறவோம்", ஆகிய வாசகங்கள் அடங்கிய பதாகைகளை தாங்கி இருந்தனர். //tamil.oneindia.com

நயன்தாரா : இந்த உணர்ச்சிகரமான போராட்டத்தில் நான் உறுதுணையாக நிற்பேன்

சென்னை: தமிழ்நாட்டின் கலாச்சார அடையாளமான 'ஜல்லிக்கட்டை', எந்தவித காலதாமதமும் இன்றி மீண்டும் நடத்த வேண்டும். நாடெங்கும் 'ஜல்லிக்கட்டு' முழக்கத்தை ஒலிக்கச் செய்வோம், என்று முன்னணி நடிகை நயன்தாரா அதிரடியாகத் தெரிவித்துள்ளார். மேலும் 'நம் கலாச்சாரத்துக்கு எதிரான அந்த அந்நிய நாட்டு நிறுவனத்துக்கு (பீட்டா) நம் பலத்தைக் காட்டும் என நம்புகிறேன்," என்றும் அவர் குறிப்பிட்டுள்ளார். ஜல்லிக்கட்டுப் போராட்டத்துக்கான தனது ஆதரவைத் தெரிவித்து நயன்தாரா இன்று வெளியிட்டுள்ள அதிரடி அறிக்கை:

தயாநிதி அழகிரி :தமிழன் என்ற உணர்வோடு வந்திருக்கிறோம் தயவு செய்து அரசியல் சாயம் பூசாதீர்கள்!

தயவு செய்து இந்த ஜல்லிகட்டு போராட்டத்துக்கு அரசியல் கட்சி சாயம் பூசாதீர்கள். எமது உணர்வுகளை கொச்சை படுத்தி விடவேண்டாம் .இது வெறும் ஜல்லிகட்டு போராட்டம் என்று நினைக்காதீர்கள். வெறும் மாட்டைபத்தின பிரச்சனை என்று நினைக்காதீங்க இது நம்ம நாட்டை பற்றிய பிரச்சனை. ஆந்திராவில் ஜல்லிகட்டு நடக்கிறதுதானே? அப்படி இங்க நடத்த முடியாதா? அரசே மீறி அனுமதி கொடுத்தால்தானே நீதிமன்ற அவமதிப்பு குற்றச்சாட்டு வரும்? ஜல்லிக்கட்டு நடக்கட்டும் .. வேண்டும் என்றால் நூறு பேரை  கைது செய்யுங்கள் . வழக்குகளை நாங்கள் பார்த்துகொள்கிறோம். இப்போ இங்கே இருப்பது இருபது முப்பது வீதம்தான் .இப்படியே இழுத்து கொண்டு போனால் மொத்த தமிழகமும் குதித்துவிடும்.
இன்னும் ஏராளமானோர் போராட்டத்துக்கு வர தயாராகி கொண்டு இருக்கிறார்கள். மக்கள் மட்டுமல்ல போலீஸ்காரர்களும் மூன்று நாளாக சாப்பாடு தண்ணீர் இல்லாம இருக்காங்க.மக்களையும் போலீசையும் அரசுதான் காப்பாற்ற வேண்டும்.  அரசே ஆணை பிறப்பித்தால் தான் கண்டம் ஆப் கோர்ட்டு . பேசாம நாங்களே நடத்திக்கிறோம் எங்களை கைது பண்ணு . கேசை நாங்களே பாத்துகிறோம்  நக்கீரன்

பன்னீர்செல்வம் :மாணவர்கள் போராட்டத்தை கைவிட வேண்டும்

ஜல்லிக்கட்டிற்கு ஆதரவாக தமிழகம் முழுவதும் போராடி வரும் இளைஞர்கள் தங்களது போராட்டத்தை கைவிட வேண்டும் என்று தமிழக முதல்வர் பன்னீர் செல்வம் வேண்டுகோள் விடுத்துள்ளார். மதுரை மாவட்டம் அலங்காநல்லூரில் ஜல்லிக்கட்டு நடத்த அனுமதி மறுக்கப்பட்டதை தொடர்ந்து கடந்த இரு தினங்களாக ஒட்டுமொத்த தமிழகமே ஸ்தம்பிக்கும் வகையில் இளைஞர்கள் தமிழகம் முழுவதும் இளைஞர்கள் தொடர் போராட்டம் நடத்தி வருகின்றனர். சென்னை மெரினாவில் போராட்டம் நடத்தி வரும் இளைஞர்கள் முதல்வர் பன்னீர் செல்வம் நேரில் வர வேண்டும் என்றும் உடனடியாக அவசர சட்டத்தை பிறபிக்க வேண்டும் என்றும் கோரிக்கைகள் வைத்து வருகின்றனர்.

பீட்டாவின் சதி ! ரூ 3.5 லட்சம் கோடி.. தமிழக பால்வளத்தை கைப்பற்ற திட்டம் .. புதிய காலனித்துவ படைதான் பீட்டாவும்

PETA- People for the ethical treatment of animals s என்று தன்னை அழைத்துக் கொள்ளும் இந்த அமைப்பானது 1980 ம் ஆண்டு முதல் அமெரிக்காவில் இயங்கி வருகிறது. அமெரிக்காவில் ஆதரவற்ற விலங்குகளைப் பாதுகாக்கும் ஒரு காப்பகம் என  தன்னைப் பதிவு செய்து கொண்டது.
(எளிமையாகச் சொல்ல வேண்டுமானால் நம்மூரில் முதியோர் காப்பகங்கள் இயங்கி வருவதைப் போல) சரி… அதன் பின்னர் நடந்தது என்ன? வீதியில் ஆதரவின்றி அலையும் நாய்கள் மற்றும் பூனைகளைக் காப்பாற்ற களத்தில் குதிக்கப் போவதாக அறிவித்தது பீட்டா.
ஒவ்வொரு நாளும் ஆயிரக்கணக்கான போன்கால்கள் பீட்டாவிற்கு தெருநாய்களைப்பற்றி வரத் துவங்கின. இலட்சக்கணக்கான விலங்குகள் காப்பகத்தில் குவிந்துவிடவே அமெரிக்க அரசை நிர்பந்தப்படுத்தி ஒரு சட்டம் இயற்ற வைத்தது பீட்டா.

ஜல்லிக்கட்டுக்கு பெருகும் ஆதரவு! அரசியல் கட்சிகளுக்கு எச்சரிக்கை மணி!! விகடன்

தமிழர்களின் பாரம்பரிய விளையாட்டான ஜல்லிக்கட்டு போட்டிகளுக்கு யாரும் எதிர்பாராத வகையில், ஆதரவு பெருகி வரும் நிலையில், சென்னை மெரினாவில் போராட்டத்தில் ஈடுபட்டு வரும் இளைஞர்களிடம் தமிழக அமைச்சர்கள் பேச்சு நடத்தினர் இந்தப் பேச்சில், ஜல்லிக்கட்டு நடத்த அவசரச் சட்டம் கொண்டு வர வேண்டும் என்று மத்திய அரசுக்கும், குடியரசுத்தலைவருக்கும் அழுத்தம் கொடுக்கப்படும் என்று முடிவு செய்யப்பட்டது. இந்தப் பேச்சில் பங்கேற்ற அமைச்சர்கள் ஜெயக்குமார், பாண்டியராஜன் ஆகியோர் தெரிவித்தனர். ஜல்லிக்கட்டு விஷயத்தில், முதல்வர் ஒ.பன்னீர் செல்வம் அறிகை அளிப்பார் என்றும் தெரிவிக்கப்பட்டுள்ளது.
என்றாலும், தங்களது போராட்டம் தொடரும் என்றும், தமிழக அரசின் அறிக்கையைப் பொறுத்து, அரசு என்ன செய்யப்போகிறது என்பதைப் பொறுத்தே தங்களது போராட்டம் திரும்பப் பெறும் என்றும் மெரினாவில் போராட்டத்தில் ஈடுபட்டுள்ளவர்கள் தெரிவித்தனர்.

டிவி பார்த்துட்டு இருக்க முடில. அதான் கெளம்பி வந்துட்டோம்!’ – போராட்டத்தில் பெண்கள்

ஜல்லிக்கட்டு நடைபெறாததால் தமிழ்நாடு முழுவதும் பலத்த போராட்டங்கள் நடைபெற்றுவருகிறது. இந்நிலையில் நேற்று அலங்காநல்லூரில் இரவு பகலாக மாணவர்கள் போராட்டம் நடத்தினர். மாணவர்கள் தொடர்ச்சியாக போராட்டம் நடத்தவும் நிலைமை மிகவும் பூதாகரமாக வெடித்தது. நிலைமையை கட்டுக்குள் கொண்டுவர மாணவர்கள் கைது செய்யப்பட்டு, தனியார் மஹாலில் அடைக்கப்பட்டனர். பிறகு சில மாணவர்கள் மட்டும் விடுவிக்கப்பட்டனர். அதனை தொடர்ந்து அலங்காநல்லூர் மற்றும் அதனை சுற்றியுள்ள கிராம பெண்கள் சாலை மறியலில் இறங்க, இளைஞர் பட்டாளர் அதிக உத்வேகம் அடைந்தனர். அப்படி போராட்டத்தில் ஈடுபட்ட சில பெண்களிடம் பேசினோம். அவர்கள் கூறுகையில்,

மெரீனாவில் ஏராளமான போலீசார் குவிக்கப்படுகின்றனர் .. ஏராளமான மாணவர்களும் வந்து கொண்டிருக்கின்றார்

சென்னை: ஜல்லிக்கட்டுக்கு ஆதரவாக மெரினா கடற்கரையில் போராட்டம் நடத்திவரும் இளைஞர்கள் மீது போலீசார் திடீர் தடியடி நடத்தினர். இதனால் சிறிது நேரம் அங்கு பதற்றம் நிலவியது.
ஜல்லிக்கட்டுக்கு ஆதரவாக தமிழகம் முழுவதும் வெகுண்டெழுந்துள்ள மாணவர்கள், இளைஞர்கள் ஆங்காங்கே போராட்டங்களில் ஈடுபட்டு வருகின்றனர். சென்னை மெரினாவில் நடைபெற்று வரும் போராட்டம் தீவிரமடைந்து வருகிறது. கடந்த 2 நாட்களாக இரவு பகல் பாராது இளைஞர்கள், மாணவர்கள், பொதுமக்கள், பெண்கள், குழந்தைகள் என பல தரப்பினரும் தொடர் போராட்டம் நடத்தி வருகின்றனர். அமைதியாக அறவழியில் சென்று கொண்டிருந்த போராட்டத்தில் இன்று இரவு 8 மணிக்கு திடீரென போலீசார் அதிகளவு குவிக்கப்பட்டனர். சாலையில் கூடியிருந்தவர்கள் மீது லத்தியால் போலீசார் லேசான தடியடி நடத்தினர். இதில் காவலர் மற்றும் போராட்டக்காரர்கள் சிலர் காயம் அடைந்துள்ளனர்.
போலீசார் மீது தண்ணீர் பாட்டில்கள் வீசியதால் தடியடி நடத்தப்பட்டதாகவும், வேடிக்கை பார்க்க வந்தவர்களை அப்புறப்படுத்தும் போது லேசான தடியடி நடத்தியதாகவும் போலீசார் கூறுகின்றனர். அமைதியாக போராட்டம் நடத்தினால் காவல்துறை உரிய பாதுகாப்பை அளிக்கும் என தெரிவித்துள்ளது.

தமிழகமெங்கும் திரண்டது பார் மாணவர் சேனை!

ஜல்லிக்கட்டுக்கு ஆதரவாக அலங்காநல்லூரில் தொடர் போராட்டம் நடத்திய மாணவர்கள், இளைஞர்கள் கைது செய்யப்பட்டதை கண்டித்து, கல்லுரி மற்றும் பள்ளி மாணவர்கள் வகுப்புகளை புறக்கணித்து தமிழகம் முழுவதும் போராட்டம் நடத்தி வருகின்றனர்.
திண்டுக்கல்லில் போராட்டத்துக்கு ஆதரவு தெரிவித்து கல்லூரி மாணவர்கள் பேரணி மற்றும் ஆர்ப்பாட்டங்கள் நடத்தி வருகின்றனர். திண்டுக்கல்-பழனி சாலையில் உள்ள அண்ணா பல்கலைக்கழகம் மற்றும் பி.எஸ்.என்.ஏ. கல்லூரி மாணவர்கள் கல்லூரி முன்பாக வகுப்புகளை புறக்கணித்து போராட்டம் நடத்தி வருகின்றனர். அதேபோல், திண்டுக்கல் கல்லறை தோட்டம் பகுதியில் நேற்று மாலை தொடங்கிய போராட்டத்தில் கல்லூரி மாணவர்களும், பொதுமக்களும் பங்கேற்று வருகின்றனர். இவர்களுக்கு ஆதரவாக எஸ்.எஸ்.எம். மற்றும் ஏ.பி.சி. பாலிடெக்னிக் கல்லூரி மாணவர்கள் ஊர்வலமாக வந்து போராட்டத்தில் கலந்து கொண்டனர்.

6 மணிவரை கெடு விதித்த அலங்காநல்லூர் மக்கள்!

மின்னம்பலம்.காம் :இன்று மாலை 6 மணிக்குள் ஜல்லிக்கட்டு தொடர்பாக அவசரச் சட்டம் கொண்டு வர வேண்டும் என்று மத்திய, மாநில அரசுகளுக்கு அலங்காநல்லூர் கிராம சபை கூட்டத்தில் கெடு விதித்து தீர்மானம் நிறைவேற்றப்பட்டுள்ளது.
ஜல்லிக்கட்டுப் போட்டி நடத்த அனுமதி வழங்க வலியுறுத்தியும், பீட்டா அமைப்பை தடை செய்ய கோரியும் மதுரை மாவட்டம் அலங்காநல்லூரில் கடந்த 16-ஆம் தேதி போராட்டம் துவங்கியது. இன்று 3-வது நாளாக கல்லூரி மாணவர்கள், இளைஞர்கள், பொதுமக்கள், பெண்கள் போராட்டம் நடத்தி வருகின்றனர். போராட்டத்தின் முதல் நாள் இரவில் கலந்து கொண்டவர்களை வலுக்கட்டாயமாக காவல்துறையினர் கைது செய்ததால் போராட்டம் தீவிரமடைந்தது. மேலும் அலங்காநல்லூரில் தொடங்கிய போராட்டம் தமிழகம் முழவதும் பரவியது. தமிழக தலைநகரான சென்னை உள்ளிட்ட தமிழகத்தின் பல்வேறு இடங்களில் போராட்டம் வலுத்து வருகிறது.

நடிகர் விஷால் அவர்களே! இந்த போராட்டத்தை வைத்து பப்ளிசிட்டி பிழைப்பு நடத்த வேண்டாம்:சுரேஷ் காமாட்சி காட்டம்…

thetimestamil.com: விஷால் அவர்களுக்கு,
இந்தச் சமூகம் பல இழிவு நிலைகளை கடந்து வந்திருக்கிறது.
எங்கள் இனத்தை கொத்துக் கொத்தாய் காவுகொடுத்திருக்கிறோம்.
எங்கள் மீனவர்கள் இரத்தத்தை கடல் அரக்கர்களின் துப்பாக்கிக் குண்டுகள் தினமும் ருசி பார்த்துக்கொண்டே இருக்கிறது.
எங்களின் உரிமைகள் பலதும் பறிக்கப்பட்டுவிட்டது. எங்கள் மொழி சிதைக்கப்படுகிறது. உணர்வுகள் மழுங்கடிப்பட்டுவிட்டது.
எத்தனையோ போராளிகள் தட்டி எழுப்பி தட்டி எழுப்பி இன்று உணர்வுபெற்றிருக்கும் எம் மக்கள் கொழுந்துவிட்டு தீப்பந்தமாய் தற்போது மாறி நிற்கிறார்கள்.
மக்கள் மட்டுமல்ல.. மாணவ இளஞ்சிங்கங்கள் இன்று தங்கள் முழுபலத்தையும் காட்டியிருக்கிறார்கள்.
அய்யா இது எங்கள் போராட்டம். நாங்கள் பார்த்துக்கொள்கிறோம். நடுவில் நான் போய் மோடியைப் பார்க்கிறேன் என்று கிளம்புகிறீர்கள். நாளை இது மக்கள் போராட்டத்திற்கு கிடைத்த வெற்றியாக இது இருக்க வேண்டும்.
நான் டில்லியில் கடிதம் கொடுத்தேன். சல்லிக்கட்டுக்கு அனுமதி கிடைத்தது என்று தம்பட்டம் அடித்துக்கொள்ளும் அவமானம் எங்களுக்குத் தேவையில்லை.

சாக்கடைதான் பொறுக்கிகளுக்கு ஏற்ற இடம்;தொடர்ந்து தமிழர்களை கேவலப்படுத்தும் சு.சாமி…

thetimestamil.com:

ஜல்லிக்கட்டு விவகாரமோ, ஈழ தமிழர் விவகாரமா, அல்லது காவிரி தண்ணீரோ, முல்லை பெரியாறு அணை பிரச்சனையோ என்று தமிழர் நலன் சார்ந்த எந்த பிரச்சனையாக இருந்தாலும், அதை எள்ளி நகையாடி ட்வீட் இடுவதை, தன்னுடைய முதற்கட்ட பணியாக பாரதீய ஜனதாவின் ராஜ்யசபா உறுப்பினர் சுபிரமணிய சாமி மேற்கொண்டு வருகிறார்.
இந்நிலையில் சமீபத்தைய ஜல்லிக்கட்டு விவகாரத்தின் போதும், இளைஞர்களின் தொடர் போராட்டத்தின்போதும், தமிழர்களை பொருக்கி என்று விளித்து வந்த சு.சாமி,  போராட்டங்கள் தீவிரமடைந்தபோது மிக கேவலமாக விமர்சிக்க தொடங்கினார்.
அதில் சிலவற்றை இங்கே உங்களுக்காகத் தொகுத்து அளித்திருக்கிறோம்.