பெட்டிசன் மணியாக நடித்திருக்கும் என்.டி.ராஜ்குமார் குடிகாரராகவே வாழ்ந்திருக்கிறார். சாமி வேஷம் போட்டு காசு சம்பாதிப்பவர்கள் மது அருந்தும் போது ”சாமியே சரக்கு அடிக்குது பாரு” என்ற வசனத்திற்கு ரசிகர்களின் சிரிப்பலை வாழ்த்து.
அரவாணிகளின் வலிகளையும், சமுதாயத்தில் அவர்கள் அனுபவிக்கும் துன்பங்களையும் மனதில் பதியும் வகையில் ஒரு காட்சி இருக்கிறது. துப்புறவுத் தொழிலாளர்கள் தண்ணி கேட்கும் போது கொடுக்க மறுப்பவரிடம் “ நீங்க இருந்தத நீங்களே திரும்பி பாக்க மாட்டீங்க. அதையும் நாங்க தான்டா அள்றோம். நாங்க போதைக்கு குடிக்கல, வேலை செய்யுறதுக்கு குடிக்கிறோம். எது எதுக்கோ மெஷின் கண்டுபுடிக்கிறானுங்க, இவனுங்க பீ, மூத்தரத்த இன்னொரு மனுஷன் தான் அள்ளனுமா?” என்று அந்த துப்புறவாளர்களின் துயரத்தை சாட்டையடியாய் மக்கள் மனதில் பதிக்கிறார் இயக்குனர்.
இந்த படத்தில் குடிகாரராகவே வாழ்ந்திருக்கும் பெட்டிசன் மணி “ நாங்க தள்ளாட்ற வரைக்கும் தான் அரசாங்கம் ஸ்டெடியா இருக்கும். நாங்க ஸ்டெடியானா அரசாங்கமே தள்ளாடும்” என்று சொல்லும் வசனத்திற்கு விசில் சத்தங்கள் பறந்தன. மதுபானக்கடைகளில் போலி சரக்குகள் கலக்கப்பட்டு அது எப்படி மக்களை சென்றடைகிறது என்பது தெளிவாக காட்டப்பட்டுள்ளது.
முதலாளியிடம் சைட்-டிஷுக்கான உணவுப்பொருள்கள் அழுகிவிட்டது எனச் சொல்லும் போது ”அந்த குடிகார நாய்களுக்கு அது போதும்” என முதலாளி சொல்வது குடிப்பவர்களுக்கான சாட்டையடி.
இயக்குனர் நினைத்திருந்தால் கமெர்ஷியலான கவர்ச்சிப் நடனம், குத்துப்பாட்டு, கொலை, ரத்தம் என திரைக்கதையில் எதை எதையோ கோர்த்திருக்க முடியும். ஆனால் ஒரு நாகரீகமான படத்தை எடுத்து தான் சொல்ல வந்த கருத்தையும் சொல்லி முடித்திருக்கிறார் என்றே சொல்லலாம்.
கருத்துகள் இல்லை:
கருத்துரையிடுக