நள்ளிரவில் வந்திறங்கிய அவரைப் பிடிப்பதற்கு வருமானவரித் துறை தயாராக இருந்தது. ஆனால் அந்த காரில் தங்க நாணயங்கள் இல்லை என்றும் அந்த பெண் எஸ்.பி., இளங்கோவனின் நண்பர், எடப்பாடி பழனிச்சாமியை சந்திக்கவந்தார் என்றும் தெரியவர வருமானவரித் துறை பின்வாங்கியது. அடுத்ததாக ரவீந்திரநாத் குறிவைத்தது, தினகரனுக்கு நெருக்கமான முன்னாள் அமைச்சர் தளவாய் சுந்தரத்தைத்தான். தளவாயின் பின்னே சுற்றிய வருமான வரித்துறை அவரிடம் பெரிதாக ஒன்றுமில்லை எனக் கண்டுபிடித்தது.
ஆனால் தினகரன் இரண்டு கட்டமாக பணவிநியோகம் செய்யப் போகிறார். அத்துடன் ஏகப்பட்ட கூப்பன்களை பொதுமக்களிடம் கொடுத்து, பெரிய பாத்திரக் கடை களில் பணம் + பொருள் வாங்க டோக்கன் கொடுக்கிறார் என வருமானவரித்துறை, தளவாய் சுந்தரத்தை பின் தொடர்ந்தபோது கண்டுபிடித்தது.
4-ம் தேதி நள்ளிரவு ஓட்டுக்கு 4,000 ரூபாய், பரிசுப்பொருட்கள் என தினகரன் அணி பண விநியோகம் செய்தது. அதை தேர்தல் கண்காணிப்பு அதிகாரிகள் வீடியோ எடுத்தனர். மொத்தம் 15 லட்ச ரூபாய் தினகரன் ஆட்களிடம் பறிமுதல் செய்யப்பட்டது. 5-ம் தேதி தி.மு.க.வை சேர்ந்தவர்கள் பண விநியோகத்தில் ஈடுபட்டார்கள். அதையும் தேர்தலை கண்காணிக்கும் அதிகாரிகள் வீடியோ எடுத்தனர். அத்துடன் ஓ.பி.எஸ். அணியினரும் பண விநியோகம் செய்தனர்.
இப்படி தேர்தல் கண்காணிப்புக் குழுவினர் முப்பது பண விநியோக வீடியோக்களை எடுத்து டெல்லியில் உள்ள தேர்தல் கமிஷனுக்கு அனுப்பி வைத்தார்கள். இதில் பெரும்பாலானவை தினகரன் தரப்புக்குரியவை. வருமானவரித்துறையினரும் தேர்தல் கண்காணிப்புக் குழுவினரும் பண விநியோகத்தின் அபாயகரமான போக்கை தங்கள் தலைமைக்கும் தெரிவித்தனர். நக்கீரன்
கருத்துகள் இல்லை:
கருத்துரையிடுக