ஜெயலலிதா கலைஞரை நடுஇரவில் கைது செய்த வரலாறு ... முத்திரைத்தாள் மோசடி முகமதலி உட்பட எவருமே பின்பு நிம்மதியாக...

savukku22.blogspot.com : /ஜுன் 30, 2001. இந்த நாளை தமிழகம் மறந்திருக்க முடியாது. திமுக தலைவர் கருணாநிதி நள்ளிரவில் கைது செய்யப்பட்ட நாள் அது. தி.மு.க.ஆட்சியில் மேம்பாலம் கட்டியதில் ஊழல் என்று சி.பி.சி.ஐ.டி. போலீசாரால் இரவோடு இரவாக எப்.ஐ.ஆர். பதிவு செய்யப்பட்டது. திமுக தலைவர் விசாரணைக்கு அப்பாற்பட்டவரோ, விசாரிக்கப்படக் கூடாதவரோ கிடையாது. ஆனால், 1996-ல் ஜெயலலிதாவை கைது செய்வதற்கு முன், திமுக அரசு,எப்படி முழுமையான பூர்வாங்க விசாரணையை முறையாக நடத்தி, அதன் பிறகு,
ஜெயலலிதாவை கைது செய்ததோ, அப்படியல்லவா அதைச்செய்திருக்க வேண்டும்? ஆனால், அதைவிட்டுவிட்டு இரவோடு இரவாகப் போய், வலுக்கட்டாயமாக கருணாநிதியைக் கைது செய்ய வேண்டிய அவசியம் என்ன?
பழிவாங்கும் உணர்ச்சிதான். அதைத்தவிர ஜெயலலிதாவிற்கு அதில் வேறு காரணம் இருக்கவே முடியாது. ஊழல் செய்ததால் கைது செய்யப்பட்ட ஜெயலலிதா, தனது கைதுக்கு காரணம் கருணாநிதிதான் என்று உறுதியாக நம்பினார். ஜெயலலிதா சிறையிலிருந்து வெளியில் வந்ததும், மதுரையில் நடந்த ஒரு பொதுக்கூட்டத்தில் பேசியபோது, என்னை 27 நாட்கள் சிறையில் வைத்த கருணாநிதியை பழிவாங்காமல் விடமாட்டேன் என்று வெளிப்படையாகவே பேசினார். ஜோதிடத்தில் அதிக நம்பிக்கை உள்ள ஜெயலலிதாவுக்கு,அவரின் எதிரியை பழிவாங்கிவிட்டு, குருவாயூர் கோவிலுக்கு யானையை தானமாக கொடுத்தால் நீண்ட ஆயுளோடு வாழலாம்... எதிரிகள் அழிவார்கள்... என்று சொன்னதன் அடிப்படையிலேயே இரவோடு இரவாக கருணாநிதியை கைது செய்ய உத்தரவிட்டார் என்பது அப்போது பரவலாக பேசப்பட்டது.

BBC :போலி முத்திரை தாள் மோசடி குற்றவாளி அப்துல் கரீம் தெல்கி மரணம்!

இந்தியாவின் மிகப்பெரிய போலி முத்திரைத் தாள் மோசடி வழக்கில் சிறை தண்டனை விதிக்கப்பட்ட அப்துல் கரீம் தெல்கி பெங்களூருவில் உள்ள ஒரு அரசு மருத்துவமனை ஒன்றில் பல்வேறு உடல் உறுப்புகள் செயலிழந்ததால், தனது 56-வைத்து வயதில், வியாழனன்று, மரணமடைந்தார்.
அவர் போலியாக தயாரித்த முத்திரைத் தாள்களால் இந்தியாவின் 13 மாநிலங்களின் அரசுகளுக்கு வருவாய் இழப்பு ஏற்பட்டது. ஆனால், சி.பி.ஐ மற்றும் அந்த மாநிலங்களின் காவல் துறை என யாராலும் அவர் ஏற்படுத்திய இழப்பை மதிப்பிட முடியவில்லை.
அவரது போலி முத்திரை தாள்கள் புழக்கத்தில் இருந்ததால் கர்நாடக அரசுக்கு புதிய முத்திரைத் தாள்கள் அச்சிட வேண்டிய தேவையே ஓராண்டுக்கு ஏற்படவில்லை என்று கர்நாடக அரசின் சிறப்பு புலனாய்வுக் குழுவுக்கு தலைமை வகித்த ஆர்.ஸ்ரீ குமார் பிபிசியிடம் தெரிவித்தார். இவரது கூட்டாளியான முன்னால் தமிழக டி ஐ ஜி முகமது அலி ... ஜெயலலிதாவின்  ஏவலாளியாக இருந்து  கலைஞரை நடுஇரவில்  சட்ட விரோதமாக கைது செய்து வரலாற்று புகழ் பெற்றவர்

டெல்லி தொழில் அதிபர் மனைவியை கணவரே கொன்றார் ,, ஒப்புதல் வாக்குமூலம்

மாலைமலர் : டெல்லியில் பெண் ஒருவர் கொலை செய்யப்பட்டது தொடர்பாக அவரது
கணவரை போலீசார் கைது செய்தனர்
புதுடெல்லி: டெல்லியின் ரோஹினி பகுதியை சேர்ந்தவர் பங்கஜ் மெக்ரா. தொழில் அதிபர். இவருடைய மனைவி பிரியா மெக்ரா. நேற்று முன்தினம் அதிகாலை பங்கஜ் மெக்ரா தனது மனைவி மற்றும் 2 வயது மகனுடன் காரில் வீட்டுக்கு வந்தபோது, அங்கு மறைந்திருந்த மர்ம நபர்கள் துப்பாக்கியால் சுட்டதில் பிரியா மெக்ரா உயிர் இழந்தார். இது தொடர்பான விசாரணையின் போது, தனக்கும் மற்றொரு நபருக்கும் இடையே பணம் கொடுக்கல் வாங்கலில் பிரச்சினை இருந்ததாகவும், அதில் தன்னை கொல்ல முயற்சித்த போது மனைவி தவறுதலாக இறந்துவிட்டதாகவும் பங்கஜ் மெக்ரா, போலீசாரிடம் கூறினார். ஆனால், பங்கஜ் மெக்ரா கூறுவது முரண்பாடாக இருப்பதாக கருதிய போலீசார் அவரிடம் கிடுக்குப்பிடி விசாரணை நடத்தினர். அப்போது, பங்கஜ் மெக்ரா தனது மனைவியை தானே கொலை செய்ததாக போலீசாரிடம் ஒப்புக்கொண்டார்.

ஸ்டார்ட்அப்புகள் ... தேவையான முதலீடு கிடைக்கும்பட்சத்தில் மிகப்பெரிய வெற்றியை அடைவோம்.

Karthikeyan Fastura : பினாக்கிள்(Finacle) என்ற வங்கிமென்பொருள் தான் இன்றும் பல வங்கி, பெருநிதி நிறுவனங்களில் பயன்படுத்தப்பட்டு வருகிறது. அதை அன்று உருவாக்கிய ஸ்டார்ட்அப் தான் இந்தியாவின் மிகப்பெரிய ஐடி நிறுவனங்களில் ஒன்றாக இன்று திகழ்கிறது. அது தான் இன்போசிஸ். இதை தயாரிக்கும்வரை உலகின் பார்வையில் இன்போசிஸ் ஒரு சிறுநிறுவனம் தான். இதுதான் அவர்களின் தலைஎழுத்தையே மாற்றிய மென்பொருள். முதலில் Core Banking மட்டிற்கும் கொண்டுவரப்பட்ட இந்த மென்பொருள் இன்று பல கிளைபரப்பி வங்கியின் அத்தனை துறையிலும் வியாபித்து இருக்கிறது. இதை தூக்கிவிட்டு இன்னொரு மென்பொருள் உள்ளே வரமுடியாது. ஆகவே வங்கிகள் இருக்கும் வரை பினாக்கிள் இருக்கும். அது இருக்கும்வரை இன்போசிஸ் இருக்கும். FinTech நிறுவனங்களின் தேவையை புரிந்துகொள்ளத்தான் இந்த கதையை கூறுகிறேன்.

BBC : உத்தர பிரதேசத்தில் சுவிஸ் ஜோடி மீது தாக்குதல்; செல்ஃபி எடுக்குமாறு மிரட்டல்

ஒரு மணி நேரத்துக்கு முன்னர் இந்தியாவின் பிரபல சுற்றுலா தளமான ஃபதேபூர் சிக்ரியில் சுவிட்ஸர்லாந்து நாட்டை சேர்ந்த ஒரு ஜோடி மீது தாக்குதல் நடத்தப்பட்டதாக போலீஸார் தெரிவித்துள்ளனர். ஆக்ராவில் அமைந்துள்ள தாஜ் மஹாலிலிருந்து சுமார் 44 கி.மீட்டர் தொலைவில் இந்த நினைவுச்சின்னம் அமைந்துள்ளது. கடந்த ஞாயிறன்று ஆக்ரா மாவட்டத்தில், சுவிட்ஸர்லாந்தை சேர்ந்த குவென்டின் ஜெரீமி கிளர்க் மற்றும் மார்க் டிரோஸ் ஆகியோரிடம் நான்கு பேர் வாக்குவாதத்தில் ஈடுபட்டதையடுத்து தம்பதியர் மீது தாக்குதல் நடத்தியதாக பிபிசியிடம் மூத்த போலீஸ் அதிகாரி ஒருவர் தெரிவித்துள்ளார்.

மதம் மாறுவேன்” -மாயாவதி எச்சரிக்கை..! கோடிக்கணக்கான மக்களோடு சேர்ந்து ....

சமூகம், சாதி, மதம் போன்ற விஷயங்களில் பாஜக தன் நிலைப்பாட்டை மாற்றிக் கொள்ளா விட்டால் கோடிக்கணக்கான மக்களுடம் இந்து மதத்தில் இருந்து விலகி பௌத்த மதத்தை தழுவுவேன் என எச்சரிக்கை விடுத்துள்ளார் உத்திரபிரதேச மாநிலத்தின் முன்னாள் முதல்வர் மாயாவதி.
பகுஜன் சமாஜ்வாதி கட்சியின் தலைவரும், முன்னாள் உத்திரபிரதேச மாநில முதல்வருமான மாயாவதி நேற்று அஸாம் கார்க் பகுதியில் நடந்த பொதுக்கூட்டத்தில் கலந்து கொண்டு பேசினார்.அப்போது அவர் பேசுகையில்:-
“கோவில்களை கட்டுவதால் ஏழைகளுக்கு எந்த விதமான பயனும் கிடைக்கப் போவதில்லை. தலித் மக்கள் பழங்குடிகள்

கந்து காட்டு மிராண்டிகளும் பொதுமக்களும் ... எதுவுமே கொடுக்காமலே வசூலிக்கும் கந்து வட்டி?

xavier.suji: நெல்லையில் அரசு ஊழியர் ஒருவர்
தன்னுடைய தேவைக்காக சக அலுவலக நண்பரிடம் ஒரு லட்சம் தேவையென சொல்கிறார்
அவரது நண்பர் இவருக்கு தெரியாமலேயே நெல்லையில் உள்ள பிரபலமான கந்துவட்டி காரரிடம் என் நண்பனுக்கு ஒரு லட்சம் வேண்டும் என்கிறார். அவரும் தர சம்மதிக்கிறார், ஆனால் நண்பர்கள் இருவரும் அந்தப் பேச்சையே அடுத்து மறந்துவிடுகின்றனர். கடன் கேட்டவரும் வேறு ஏற்பாடு செய்து கொள்கிறார், கந்துவட்டிகாரரிடம் பணம் கேட்ட அரசு ஊழியருக்கு ஆறுமாதம் கழித்து ஒரு போன் வருகிறது. நீங்கள் ஒரு லட்சம் கேட்டீர்கள். எடுத்து வைத்து அதற்கு வட்டியும் 60,000 சேர்ந்துவிட்டது வந்து வட்டியைக் கட்டுங்கள் என்கிறார்கள், அரசு ஊழிய நண்பர்கள் இருவரும் அலறி அடித்து கந்துவட்டிகாரரிடம் செல்கிறார்கள்
வட்டியை கொடுங்கள் இல்லாவிட்டால் மோசமான விளைவு வரும் என்று மிரட்டுகிறார் கந்துவட்டிகாரர் இருவரும் புலம்பிக்கொண்டு சிந்துபூந்துறையில் உள்ள கம்யூனிஸ்ட் கட்சி அலுவலகத்திற்கு வந்தார்கள். நான் அப்போது அங்கு இருந்தேன். நானும்,கம்யூனிஸ்ட் மாவட்டச்செயலாளர் சண்முகவேலும் அரசு ஊழியர்கள் இருவரும் கந்துவட்டிகாரரை சந்தித்தோம்
ஒரு ரவுண்ட் டேபிள் மீது ஒரு லட்சம் ரூபாய் அங்கு கிடந்தது. அவன் சிம்பிளா ஒரு பதில் சொன்னான்
இவர் போன் பண்ணி கேட்ட அன்று இந்த ஒரு லடசத்தை எடுத்து வைத்தேன்
கணக்கிலும் ஏறிவிட்டது. நான் இப்போதுதான் பார்க்கிறேன்
எனவே வட்டி 60,000 த்தை கட்டச் சொல்லுங்கள் என்றான்

நெல்லை அதிகாரிகளை கைது செய்ய போராட்டம் ... கலெக்டர் சந்தீப்குமார், எஸ்.பி.அருன்சக்திகுமார்,எஸ் ஐ முருகனை கைதுசெய்

வினவு :“கந்துவட்டி கும்பலுக்கு துணை நின்ற கிரிமினல் கலெக்டரை மக்கள்தான் தண்டிக்கவேண்டும் –
நெல்லையில் கலெக்டரை கைதுசெய்யும் போராட்டம்.என 26.10.2017 காலை 11.00 மணியளவில் மக்கள் அதிகாரம் அமைப்பின் சார்பாக நெல்லை கலைக்டரை கைது செய்யும் முற்றுகைப் போராட்டம் நடந்தது.
கந்துவட்டி கொடுமை காரணமாக இசக்கிமுத்து தன் குடும்பத்துடன் தீக்குளித்திருந்த நிலையில்  இது படுகொலை என்றும், கொலைக் குற்றவாளிகள் மாவட்ட ஆட்சியர், காவல்துறை உயர் அதிகாரிகள்தான் என்றும், இவர்களை மக்களே அதிகாரத்தை கையில் எடுத்துதான் தண்டிக்க வேண்டும் என்று, நகர் முழுவதும் சுவரொட்டிகள் ஒட்டப்பட்டன. வழக்கம்போல் பல இடங்களில் காக்கிகள் ஆட்களை ஏவி சுவரொட்டிகளை கிழித்தனர்.

2 G வழக்கு - ஆ.ராஜா.தனக்காக வாதாடிய ஒவ்வொரு முறையும், அவரது வாதங்களில் அனல் பறந்தது... தினமலர்

தீர்ப்பு இன்னும் முழுமையாக எழுதி முடிக்கப் படாததால், '2ஜி' ஸ்பெக்ட்ரம் வழக்கின் தீர்ப்பு தேதி குறித்த அறிவிப்பை, 3-வது முறையாக, சி.பி.ஐ., சிறப்பு நீதிமன்றம், ஒத்திவைத்துள்ளது. கடந்த, 10 ஆண்டுகளாக, நாடு முழுவதும் பெரும் பரபரப்பை ஏற்படுத்தி வரும், '2ஜி' ஸ்பெக்ட்ரம் வழக்கு, அரசியல் ரீதியிலான முக்கியத்துவத்தை சிறிதும் இழக்கவில்லை. இந்த வழக்கின் தீர்ப்பு, தி.மு.க.,வின் அரசியல் எதிர்காலத்தில் பெரும் தாக்கத்தை ஏற்படுத்த லாம் என்றும், அதன்மூலம் ஒட்டுமொத்த தமிழக அரசியல் களத்தின் முகம் மாறலாம் என்றும், யூகங்கள் நிலவி வருகின்றன.
தி.மு.க., மட்டுமல்லாது, தேசிய அரசியலில் காங்கிரசுக்கும் இந்த தீர்ப்பினால், அரசியல் ரீதியாக சாதக பாதகங்கள் ஏற்படுமென்றும், அதன் மூலம், 2019ம் ஆண்டு பொதுத்தேர்தலின் போக்கு தீர்மானிக்கப்படலாம் என்ற கருத்தும் உள்ளது. தவிர, குஜராத், ஹிமாச்சல பிரதேசம் ஆகிய மாநிலங்களின் சட்டசபைத் தேர்தல்கள் விரைவில் நடைபெறவுள்ளன. காங்கிரஸ், பா.ஜ.,வுக்கு இடையிலான இந்த யுத்தத்தில்,
ஸ்பெக்ட்ரம் தீர்ப்பு, உடனடியாக, பெரும் விளைவு களை ஏற்படுத்தலாம் என, கூறப்படுகிறது.
பாஜகவே முரளிமனோகர் ஜோஷியின் மூலம் CAG அதிகாரிகளை மிரட்டி  மாற்றி எழுதி வாங்கி வெளியிட்டு சு.சாமியை வைத்து 2ஜி  வழக்குக்கு   காரணமாக இருந்தார்கள்

தினகரன் மீது தேசத்துரோக வழக்கு ஏன்? சிலிப்பர் செல் பயம்?

மின்னம்பலம் : சட்டம்-ஒழுங்கு பிரச்சினை ஏற்படுவதைத் தவிர்க்கவே தினகரன், புகழேந்தி உள்ளிட்டோர் மீது தேசத்துரோக வழக்கு பதிவு செய்யப்பட்டிருப்பதாக தமிழக அரசு சென்னை உயர் நீதிமன்றத்தில் பதில் மனு தாக்கல் செய்துள்ளது.
அணிகள் இணைந்த பிறகு தினகரன் தனியாகச் செயல்பட்டுவரும் நிலையில், சேலம் மாவட்டத்தில் கடந்த மாதம் நீட் தேர்வுக்கு எதிராக தினகரன் ஆதரவாளர்கள் சார்பில் வழங்கப்பட்ட நோட்டீஸில் மத்திய, மாநில அரசுகளை விமர்சிக்கும் வாசகங்கள் இடம்பெற்றதாக கூறப்படுகிறது. இதையடுத்து தினகரன் அணியைச் சேர்ந்த முன்னாள் எம்.எல்.ஏ.க்கள் எஸ்.கே.செல்வம், வெங்கடாசலம் உள்பட 14 பேர் மீது சேலம் அன்னதானப்பட்டி காவல் துறையினர் வழக்குப் பதிவு செய்து நடவடிக்கை எடுத்தனர். நோட்டீஸில் தினகரன், புகழேந்தி உள்ளிட்டோர் புகைப்படங்கள் இடம்பெற்றிருந்ததால், அவர்கள் மீதும் தேசத்துரோக வழக்கு பதிவு செய்யப்பட்டது.

தேவர் பிறந்த நாள் விழா ...உட்கட்சி பூசலால் தாமதமாகும் தங்கக்கவசம்!

மின்னம்பலம் : பசும்பொன் தேவர் ஜெயந்தி விழாவுக்காக ஜெயலலிதா வழங்கிய தங்க கவசத்தை, உட்கட்சி பூசல் காரணமாக வங்கியிலிருந்து எடுத்துவர முடியாத நிலை ஏற்பட்டுள்ளது.
முத்துராமலிங்கத் தேவரின் பிறந்த நாளை முன்னிட்டு அவர் பிறந்த பசும்பொன் கிராமத்தில் ஆண்டுதோறும் அக்டோபர் 28 முதல் 30ம் தேதி வரை தேவர் ஜெயந்தி விழா நடைபெறும். கடந்த 2014ம் ஆண்டு அப்போதைய முதல்வர் ஜெயலலிதா 13.5 கிலோ எடையில் ரூ. 4.5 கோடி மதிப்பிலான தங்கக் கவசத்தை முத்துராமலிங்கத்தின் திருவுருவ சிலைக்கு வழங்கினார்.
அதன்பின்னர், ஒவ்வொரு ஆண்டும் ஜெயந்தியின் போது சிலைக்கு தங்கக் கவசம் அணிவிக்கப்படும். ஜெயந்தி முடிந்ததும் மதுரையில் உள்ள பேங்க், ஆப் இந்தியா வங்கியின் பெட்டகத்தில் வைக்கப்படும். நினைவிட அறங்காவலர் மற்றும் அதிமுகவின் பொருளாளர் ஆகியோர் வங்கி பெட்டகத்தை கையாளும் வகையில் ஆவணங்கள் தயாரிக்கப்பட்டுள்ளன. கடந்த ஆண்டு வரை அதிமுகவின் பொருளாளர் என்ற முறையில் ஓ.பன்னீர் செல்வம் கவசத்தை வங்கியில் இருந்து எடுத்து நினைவிட அறங்காவலர்களிடம் ஒப்படைத்து வந்தார்.

மாணவர் தற்கொலை ! கவின் கலை கல்லூரி ... துறைத்தலைவர் காரணம் என்று கடிதம்!

மின்னம்பலம் : சென்னை எழும்பூர் அரசு கவின் கலைக் கல்லூரி மாணவர் தூக்கிட்டுத் தற்கொலை செய்துகொண்டதற்கு நீதி கேட்டு சக மாணவர்களும் இன்று (அக்டோபர் 26) போராட்டத்தில் ஈடுபட்டதால் கல்லூரி வளாகத்தில் பதற்றமான சூழ்நிலை நிலவியது.
சென்னை எழும்பூரில் உள்ள அரசு கவின் கலைக் கல்லூரியில் சிலை வடிவமைப்பு, சுடுமண் சிற்பம் உள்ளிட்ட ஆறு துறைகளில் கல்வி வழங்கப்படுகிறது. இந்தக் கல்லூரியில் வேலூர் அடுக்கம்பாறை பகுதியில் அரசு மருத்துவமனையில் வேலை செய்து வரும் பார்த்திபன் என்பவரின் மகன் பிரகாஷ் (24) சுடுமண் சிற்பத் துறையில் நான்காம் ஆண்டு படித்துவந்துள்ளார்.
விடுப்புக்காகச் சொந்த ஊருக்குச் சென்றிருந்த பிரகாஷ் நேற்றிரவு தனது வீட்டில் தூக்கிட்டுத் தற்கொலை செய்துகொண்டுள்ளார். எனது மரணத்துக்குத் துறைத் தலைவர் மட்டுமே காரணம் என்று அவர் கடிதம் எழுதி வைத்திருக்கிறார்.

கந்து வட்டி வசூலிப்பவர்களின் பட்டியல்! மாமூல் அதிகாரிகள் பட்டியல் இருக்கிறதே ?

கந்து வட்டியால் ஒரு குடும்பமே மின்னம்பலம்: உயிரிழந்ததையடுத்து நெல்லையில் கந்து வட்டி வசூலிப்பவர்களின் பட்டியலை தயாரிக்க ஒவ்வொரு காவல் நிலையத்துக்கும் காவல் கண்காணிப்பாளர் அருண்சக்தி உத்தரவிட்டுள்ளார்.
கடந்த 23 ஆம் தேதி காசிதர்மத்தை சேர்ந்த இசக்கிமுத்து கந்து வட்டி கொடுமையால் குடும்பத்துடன் தீக்குளித்து உயிரிழந்தார். இதையடுத்து கந்து வட்டி வசூலிப்பவர்கள் மீது நடவடிக்கை எடுக்க வேண்டும் என்று பலரும் குரல் கொடுத்து வருகின்றனர்.

தமிழக சட்டசபை கலைக்கப்படும் வாய்ப்பு? மக்கள் எதிர்ப்பு காரணம்?

வெப்துனியா : தமிழகத்தில் சட்டசபை தேர்தலை விரைவில் நடத்த மத்திய அரசு திட்டமிட்டிருப்பதாக செய்திகள் வெளிவந்துள்ளது. முதல்வர் எடப்பாடி பழனிச்சாமியின் ஆட்சி மீது பொதுமக்கள் அதிருப்தியில் இருக்கின்றனர். அமைச்சர்கள் மீது ஊழல் புகார், தினகரன் அணியுடன் மோதல், டெங்கு காய்ச்சல் பாதிப்பு, நீட் தேர்வு என இந்த அரசு பொதுமக்களின் கோபத்திற்கு ஆளாகியுள்ளது. மேலும், தினகரனின் ஆதரவு எம்.எல்.ஏக்களை தகுதி நீக்கம் செய்த விவகாரத்தில் முன்னாள் ஆளுநர் வித்யாசாகரின் தலையும் உருண்டது. தற்போது புதிய ஆளுநர் வந்துள்ளார். முக்கியமாக, தினகரன் ஆதரவு எம்.எல்.ஏக்கள் கொடுத்த கடிதத்தின் அடிப்படையில் ஆளுநர் எந்த நடவடிக்கையும் எடுக்காதது மத்திய அரசுக்கு கெட்ட பெயரை இன்னும் அதிகரித்துள்ளது. எனவே, தங்களது நிலைப்பாட்டை மாற்றிக்கொள்ள வேண்டிய சூழ்நிலையில் மத்திய அரசு இருப்பதாக தெரிகிறது.

எம்ஜிஆர் நூற்றாண்டு விழா பேனர்கள்: நீதிபதிகள் அறிக்கை தாக்கல் செய்ய உத்தரவு

tamilthehindu : திருச்சியில் எம்ஜிஆர் நூற்றாண்டு விழாவில் பொதுமக்கள், போக்குவரத்துக்கு இடையூறாக பிளக்ஸ் பேனர் இடம் பெற்றது குறித்து அதிருப்தி வெளியிட்ட நீதிபதிகள் வைக்கப்பட்ட பேனர்களை நாளைக்குள் அகற்ற வேண்டும், வரும் திங்கட்கிழமை பதில் அறிக்கை தாக்கல் செய்ய தமிழக அரசுக்கு உத்தரவிட்டனர்.
அரசியல் கட்சிகள் நடத்தும் கூட்டங்கள், மாநாடுகளில் பொதுமக்களுக்கு இடையூறாக பேனர்கள் வைக்கக்கூடாது என உயர் நீதிமன்றம் உத்தரவிட்டுள்ளது. ஆனால் அதையும் மீறி எம்ஜிஆர் நூற்றாண்டு விழா பெயரில் சாலையை ஆக்கிரமித்து பொதுமக்களுக்கு இடையூறாக பேனர்கள் வைக்கப்படுகின்றன.

கந்துவட்டி_ஒழிப்புச்சட்டம்_எங்கே? மார்க்சிஸ்ட் கம்யூனிஸ்ட் கட்சி....

தாரைப்பிதா: நெல்லை மாவட்டம், காசிதர்மத்தைச் சார்ந்த இசக்கிமுத்து என்பவரின் குடும்பம் நெல்லை மாவட்ட ஆட்சியர் வளாகத்தில் தீக்குளித்து தற்கொலை செய்து கொள்ள முயற்சித்துள்ள சம்பவம் தமிழகத்தையே பதற வைத்துள்ளது.

இதில் இசக்கிமுத்துவின் மனைவி மற்றும் அவரது இரண்டு குழந்தைகள் மருத்துவமனையில் தீக்காயங்களுக்கு பலியாகியுள்ளனர். இசக்கிமுத்து கடுமையான காயங்களுடன் உயிருக்கு போராடிக் கொண்டுள்ளார்.
மார்க்சிஸ்ட் கம்யூனிஸ்ட் கட்சியின் மாநிலக்குழு இந்த கொடூர நிகழ்வு குறித்து ஆழ்ந்த கவலையையும், அதிர்ச்சியையும் தெரிவித்துக் கொள்கிறது.
ரூ. 1,45,000/- கடன் வாங்கியதற்கு எட்டு மாத காலத்தில் ரூ. 2,34,000 கொடுத்த பின்பும் கடன் கொடுத்தவர் தொடர்ச்சியாக மிரட்டியிருக்கிறார். அச்சன்புதூர் காவல்நிலையத்தில் பலமுறை புகார் அளித்த பிறகும் காவல்துறை உருப்படியான எந்தவித நடவடிக்கையும் எடுக்காததாலும், மாவட்ட நிர்வாகத்திடம் புகார் செய்தும் மிரட்டல் நிற்காததால் குடும்பமே தீக்குளித்து பச்சிளங்குழந்தைகள் உட்பட துடிதுடித்து இறந்திருக்கிறார்கள்.

காஞ்சிபுரம் போலீஸ் விரல்களை வெட்டி, எலும்புகளை நொறுக்கி கொடூர சித்ரவதை செய்தது!

தீக்கதிர :  சென்னை, அக்.25 : ஷேக் ஷாகுல் ஹமீது மீது கொலைவெறித் யது மகனான ஷேக் ஷாகுல்ஹமீது என்பவரை, காஞ்சிபுரம் காவல் நிலைய அதிகாரிகள் 26.08.2017 அன்று பண்டாரவடைக்கு வந்து கைது செய்து காஞ்சிபுரத்திற்கு அழைத்துச் சென்றார்கள். அதன் பிறகு அவரைப் பற்றி எந்த தகவலும் கிடைக்க வில்லை.
தாக்குதல் நடத்திய காஞ்சிபுரம் காவல் நிலைய அதிகாரி களுக்கு தமிழ்நாடு சிறுபான்மை மக்கள் நலக்குழு கண்டனம் தெரிவித்துள்ளது.இது தொடர்பாக தமிழ்நாடு சிறுபான்மைமக்கள் நலக்குழுவின் மாநிலத் தலைவர் எஸ்.நூர்முகம்மது பொதுச்செயலாளர் ப.மாரிமுத்து ஆகியோர் விடுத்துள்ள செய்தி வருமாறு:தஞ்சை மாவட்டம் பாபநாசம் வட்டம், பண்டாரவடை என்ற ஊரைச் சேர்ந்த நூர்பாட்சா என்பவரின் 21 வ

எனவே, அவருடைய தந்தை, மதுரை உயர்நீதிமன்றக் கிளையில் ஆட்கொணர்வு மனுவைத் தாக்கல் செய்தார்.

குஜராத் .. அத்தனை தொகுதிகளிலும் பாஜக வெற்றி பெற ஆய்வு .... ஒட்டு இயந்திரத்தில் .....?

tamilthehindu : குஜராத்தின் அனைத்து தொகுதிகளிலும் வெற்றி வாய்ப்பை பாரதிய ஜனதா அன்றாடம் மதிப்பீடு செய்து வருவதாக தெரியவந்துள்ளது. இதற்கு அக்கட்சிக்கு காங்கிரஸுடன் ஏற்பட்டுள்ள கடும் போட்டியே காரணமாகக் கூறப்படுகிறது.
குஜராத்தில் கடந்த 19 ஆண்டுகளாக பாஜக அசைக்க முடியாமல் ஆட்சி செய்து வருகிறது. இந்நிலையில் வரும் டிசம்பரில் நடைபெறவுள்ள சட்டப்பேரவை தேர்தலில் அக்கட்சிக்கு காங்கிரஸுடன் கடும் போட்டி ஏற்பட்டுள்ளது. இத்தேர்தல் முடிவுகள், 2019-ல் வரவிருக்கும் மக்களவை தேர்தலிலும் எதிரொலிக்க வாய்ப்புள்ளது. பிரதமர் நரேந்திர மோடி, பாஜக தேசிய தலைவர் அமித்ஷா ஆகியோரின் சொந்த மாநிலம் குஜராத் ஆகும். இதனால் பாஜகவின் கவுரவமாகக் கருதப்படும் குஜராத்தில் வெற்றி பெறுவது அக்கட்சிக்கு மிகவும் அவசியமாகி விட்டது.
இதனால் குஜராத்தின் 182 தொகுதிகளிலும் வெற்றி வாய்ப்பை அன்றாடம் மதிப்பீடு செய்து, அதில் கூறப்படும் பிரச்சினைகளை உடனுக்குடன் சரிசெய்யும் முயற்சியில் பாஜக இறங்கியுள்ளது.

நவம்பர் 8ஆம் தேதி கறுப்பு தினம் .. எதிர்க்கட்சிகள் முடிவு பணமதிப்பிழிப்பு ..

மின்னம்பலம் : பாஜக அரசின் பணமதிப்பழிப்பு நடவடிக்கையைக் கண்டித்து வரும் நவம்பர் 8ஆம் தேதியைக் கறுப்பு தினமாகக் கடைப்பிடிக்க எதிர்க்கட்சிகள் முடிவு செய்துள்ள நிலையில், அன்றைய தினத்தைக் கறுப்புப் பணத்துக்கு எதிரான தினமாகக் கொண்டாட பாஜக முடிவு செய்துள்ளது.
கடந்த ஆண்டு நவம்பர் 8ஆம் தேதி பிரதமர் மோடி இந்திய மக்களுக்கு ஓர் அறிவிப்பை வெளியிட்டிருந்தார். அதில் ரூ.500 மற்றும் ரூ.1,000 நோட்டுகள் இனி செல்லாது எனத் தெரிவித்திருந்த அவர், குறிப்பிட்ட கால அவகாசத்துக்குள் இந்த நோட்டுகளை வங்கிகளிலும் தபால் நிலையங்களில் கொடுத்து மாற்றிக் கொள்ளலாம் எனவும் அறிவித்திருந்தார். கறுப்புப் பணத்தை ஒழிக்கும் நடவடிக்கையின் ஒரு பகுதிதான் இந்த அறிவிப்பு என அவர் தெரிவித்தார்.

டெல்லி.. தொழில் அதிபரின் மனைவி சுட்டுக்கொலை - கணவர், குழந்தை கண் எதிரே பயங்கரம்

மாலைமலர் : : புதுடெல்லி: டெல்லியின் ரோஹினி பகுதியை சேர்ந்தவர் பங்கஜ் மெக்ரா. தொழில் அதிபர். இவருடைய மனைவி பிரியா மெக்ரா. இவர்களுக்கு 2 வயது மகன் உள்ளான். தனது காரில் குடும்பத்துடன் வெளியே சென்றிருந்த பங்கஜ் மெக்ரா நேற்று அதிகாலை வீடு திரும்பினார். இவர்கள் காரில் இருந்து இறங்கிய போது, வீட்டுக்கு அருகே மறைந்திருந்த மர்ம நபர்கள் சிலர் அவர்களை துப்பாக்கியால் சுட்டனர். இதில் பிரியாவின் உடலை குண்டுகள் துளைத்தன. ரத்த வெள்ளத்தில் சரிந்த அவரை, கணவர் பங்கஜ் மெக்ரா மீட்டு மருத்துவமனையில் சேர்த்தார். ஆனால் அங்கு சிகிச்சை பலனின்றி பிரியா பரிதாபமாக இறந்தார். இந்த சம்பவம் குறித்து போலீசார் வழக்குப்பதிவு செய்து விசாரணை மேற்கொண்டனர்.பங்கஜ் மெக்ரா ஒருவரிடம் கடன் வாங்கி இருந்ததும், அதனை திருப்பி கொடுக்காததால் ஏற்பட்ட பிரச்சினையில் பங்கஜ் மெக்ராவை கொலை செய்ய முயற்சித்த போது அவரது மனைவி தவறுதலாக கொல்லப்பட்டதும் முதற் கட்ட விசாரணையில் தெரிய வந்து உள்ளது.

ரங்கராஜ் பாண்டே பாஜகவிடம் பல கோடிகள் பெற்றார் ... பிரணாய் ராய் தகவல் !

saravanaperumal.perumal;: முக்கிய செய்தி ஆங்கில தொலைக்காட்சி நிறுவனமான என்டிடிவி யின் நிறுவனர்களில் ஒருவரும்,இந்தியாவின் மூத்த பத்திரிக்கையாளருமான திரு.பிரணாய் ராய் இன்று தன்னுடைய என்டிடிவி தொலைக்காட்சிக்கு அளித்துள்ள பேட்டி ஒன்றில் இந்திய அளவில் செய்தி ஊடகங்கள் மீது பாஜக அரசு காட்டி வரும் ஒடுக்குமுறைகள் குறித்தும் தமிழகத்தில் ஆட்சியை பிடிக்க பாஜக கையாண்டு வரும் குறுக்கு வழிகள் பற்றியும் தனது பேட்டியில் சொல்லியுள்ளார்.
அதில்,தமிழகத்தில் அதிமுக ஆட்சியை தன் கண்ணசைவில் இயக்கி வரும் மோடி மற்றும் அமித்ஷா குழுவினர்,பாராளுமன்றத் தேர்தல் நெருக்கத்தில் நடிகர் ரஜினியை அரசியலில் இறக்கி விட்டு ஆதாயம் தேடும் முயற்சியில் ஏறக்குறைய வெற்றியும் பெற்றுள்ளதாகவும், அதற்கு தமிழகத்தை சேர்ந்த ஆர்எஸ்எஸ் முக்கிய பிரமுகர் ஒருவர் பேருதவி செய்திருப்பதாகவும் தெரிவித்துள்ளார்.
அது மட்டுமின்றி தமிழகத்தைச் சேர்ந்த தொலைக்காட்சி நிறுவனம் ஒன்று பாஜக வை ப்ரமோஷன் செய்வதற்காக ஒப்பந்தம் செய்யப்பட்டுள்ளதாகவும்,தன் பேட்டியின் முடிவில் அந்த தமிழ்நாட்டு ஊடகம்,தமிழகத்தில் மிக பிரபலமாக இருக்கும் 'தந்தி டிவி' என்றும் அதன் முதன்மை செய்தி் ஆசிரியர் திரு.ரங்கராஜ் பாண்டே வை இதற்கென்றே கோடிகளில் ஒப்பந்தம் செய்திருப்பதாகவும் விவரிக்கிறார்.  தமிழகத்தின் முக்கிய தலைவர்களாக "ஹரிஹர ராஜா சர்மாவும்"   "ரகுநாத ஆசாரி  ரங்கராஜ் பாண்டே "யும்தான் தற்போது செயல் படுகிறார்களா?

இசக்கிமுத்து குடும்பம் கருகிப்போன கனவுகள் ....

vincentraj: எரியூட்டும் கூடத்தில் கரிக்கட்டை சடலமாக சுப்புலட்சுமியின் உடல் கிடத்தப்பட்டு இருந்தது.அவரது இடது பக்கத்தில் 4 வயது மகளும் வலது பக்கத்தில் 16 மாத மகளும் கரிந்த நிலையில் அவர்களது அம்மாவின் உடலோடு ஒட்டி சடலமாக கிடந்தனர்.பாதங்கள் ஒரே நிலையில் வைக்கப்பட்டு இருக்க சின்ன குழந்தை இடுப்புக்கு கீழ் பெரிய குழந்தை இடுப்புக்கு மேல் இருக்கும் அந்த காட்சியை பார்க்கும்போது ஒரு கணம் உயிரோடு மூவரும் நடந்து வருவது போன்று தோன்றியது.
இசக்கிமுத்து பிழைக்க மாட்டார் என்று மருத்துவர்கள் கூறிவிட்டனர்.இசக்கிமுத்து 10 வகுப்பு படித்து இருக்கிறார்.சுப்புலட்சுமி பி.காம்.படித்து இருக்கிறார்.வங்கி தேர்வு எழுதி இருக்கிறார்.இசக்கிமுத்துவுக்கும் சுப்புலெட்சுமிக்கும் நிறைய கனவு இருந்தது.அந்த கனவினை கந்துவட்டி கொன்று தீர்த்து விட்டது.

கண்டெயினர் பணம் முதல் ,,, நீட் அனிதா வரை ... மறந்த தமிழகம்?

Damodaran   :; ஜி எஸ் டி க்கு எதிரான மக்களின் ஒட்டுமொத்தகோபமும் வெறுப்பும்,...
நடிகர் விஜய் , அவங்கப்பன் உளறுவாயன் சந்திர சேகரன்களுக்கான ஆதரவு அல்ல.
ஜெயா குற்றவாளி என வந்த தீர்ப்புக்கெதிராக உண்ணாவிரதமிருந்த விஜயும் அவங்கப்பனும் ஊழலை பற்றி பேச தகுதி உண்டா ?
மோடியுடன் படம் பிடித்துக்கொண்டு ..மோடி வீசும் எலும்பு துண்டுக்காக வாலாட்டிய விஜய்க்கு ஜி எஸ் டி பற்றி பேச தகுதி உண்டா?
இருக்கின்ற கருப்பு பண குவியலை காப்பற்றிக் கொள்ளவும்,மக்கள் ஏமாளி தனத்தை பயன்படுத்தி அரசியலுக்கு வந்து கொள்ளை அடிக்கவும் திட்டமிடும் விஜய் நேர்மை பற்றி பேசக்கூடாது.

மோடியின் தயாரிப்புகளான ரஜினி கமல் விஜய் எல்லாமே மக்களை ஏமாற்றி பிழைக்கும் மக்கள் விரோதிகளே, மோசடிப்பேர்வழிகளே

கம்யூனிஸ்ட் எம்.பி-க்கள் எழுதிக் கொடுப்பதைப் பேசுவேன்!..அதிமுக எம்பி நவநீதகிருஷ்ணன்

அ.தி.மு.க மற்றும் தி.மு.க பிரமுகர்கள் ஒரே மேடையில் இணைவது அரிதாகவே நடக்கும் நிகழ்வு. சீதாராம் யெச்சூரியின் புத்தக வெளியீட்டு விழா, அப்படி அரசியல் எல்லைகளைக் கடந்த ஒரு பண்பாட்டு விழாவாக நடந்துள்ளது.
அ.தி.மு.க எம்.பி-யின் வெளிப்படியாயன் பேச்சு!
மார்க்சிஸ்ட் கம்யூனிஸ்ட் கட்சியின் பொதுச்செயலாளர் சீதாராம் யெச்சூரியின் ‘நாடாளுமன்ற உரைகள்’ நூல் வெளியீட்டு விழா சென்னை கேரள சமாஜம் அரங்கில், கடந்த 22-ம் தேதி நடந்தது. தி.மு.க., அ.தி.மு.க., காங்கிரஸ், கம்யூனிஸ்ட் ஆகிய கட்சிகளின் முன்னாள், இந்நாள் நாடாளுமன்ற உறுப்பினர்கள், எழுத்தாளர்கள், கலைஞர்கள், அரசியல் பிரமுகர்கள் என மேடை நிறைந்திருந்தது. ஒவ்வொருவரையும் சிறப்பு அடையாளங்களுடன் பேச அழைத்தார், மார்க்சிஸ்ட் எம்.பி-யான டி.கே.ரங்கராஜன். மேடையில் கனிமொழி எம்.பி-யுடன் சகஜமாகப் பேசிக்கொண்டிருந்தார்,

குஜராத் தேர்தல் டிசம்பர் 9 -.14-ந் தேதிகளில் ! முடிவு 18-ந் தேதி எண்ணப்பட்டு அறிவிக்கப்படும்

தினத்தந்தி : குஜராத் சட்டசபை தேர்தல் டிசம்பர் 9 மற்றும் 14-ந் தேதிகளில் நடைபெறுகிறது. 18-ந் தேதி எண்ணப்பட்டு முடிவுகள் அறிவிக்கப்படும் என தேர்தல் கமிஷனர் ஏ.கே.ஜோதி தெரிவித்தார். புதுடெல்லி, பிரதமர் நரேந்திர மோடியின் சொந்த மாநிலமான குஜராத்தில் பா.ஜனதா சார்பில் விஜய் ரூபானி முதல்-மந்திரியாக பதவி வகித்து வருகிறார். இந்த மாநில சட்டசபையின் பதவிக்காலம் அடுத்த ஆண்டு ஜனவரியில் நிறைவடைகிறது. எனவே புதிய அரசை தேர்வு செய்வதற்கான சட்டசபை தேர்தல் அறிவிப்பை தலைமை தேர்தல் கமிஷனர் ஏ.கே.ஜோதி நேற்று வெளியிட்டார்.< அதன்படி 182 இடங்களை கொண்ட குஜராத் சட்டசபைக்கு 2 கட்டங்களாக தேர்தல் நடக்கிறது. இதில் முதற்கட்டமாக 19 மாவட்டங்களுக்கு உட்பட்ட 89 தொகுதிகளுக்கு டிசம்பர் 9-ந் தேதி வாக்குப்பதிவு நடக்கிறது. மீதமுள்ள 93 தொகுதிகளுக்கு (14 மாவட்டங்கள்) 14-ந் தேதி தேர்தல் நடைபெறுகிறது. வாக்கு எண்ணிக்கை< முதற்கட்ட தேர்தலுக்கான அறிவிப்பு அடுத்த மாதம் (நவம்பர்) 14-ந் தேதி வெளியாகிறது. அன்றே வேட்புமனு தாக்கல் தொடங்குகிறது. 21-ந் தேதி வேட்புமனு தாக்கலுக்கான இறுதி நாள் ஆகும். வேட்புமனு பரிசீலனை 22-ந் தேதியும், வேட்புமனுக்களை திரும்ப பெறுவதற்கான இறுதி நாள் 24-ந் தேதியும் ஆகும்.