வீரமணி: தி.மு.க. தலைமைக்கு மிக முக்கிய வேண்டுகோள் மிக அவசரம் - அவசியம்

தி.மு.க. தலைவருக்கும், தோழர்களுக்கும், தாய்க் கழகமான திராவிடர் கழகத்தின் தலைவர் கி.வீரமணி அவர்கள் விடுத்துள்ள அறிக்கை வருமாறு:

திராவிடர் இயக்க நூறாவது ஆண்டு நடக்கும் இந்த முக்கியமான கால கட்டத்தில், தி.மு.க.வின் பொறுப் பாளர்களாக உள்ள பலரின் நடவடிக்கைகளைப்பற்றி ஏடுகளில், ஊடகங்களில் வரும் பல்வேறு செய்திகள் நம்மைப் போன்ற தாய்க் கழகத்திற்கும், உண்மையான திராவிடர் இயக்கப் பற்றாளர்களுக்கும், ஆதரவாளர் களுக்கும் அளவற்ற, வார்த்தைகளில் வடிக்க முடியாத துன்பத்தையும், மனவேதனையையும் தருகிறது!

ஏற்கெனவே தி.மு.க.வை அழிப்பதே தமது பிறவிப் பயன் என்ற ஆரிய ஊடகங்களுக்கு அவல் பாயசம் சாப்பிட்டதுபோல சில நிகழ்வுகள் கிடைப்பதோடு விரிசல் என்று ஏகமாக விளம்பரப்படுத்தி, கட்டடத்தையே, கட்டுமானத்தையே காணாமற் போகச் செய்ய இத் தருணத்தை விட்டால் வேறு நல்ல தருணம் வாய்க்காது என்று கருதி, பரபரப்புப் பசியைத் தீர்த்துக் கொள் ளுகின்றன.

அழகிரி: தலைமைக்கு நான் பதில் சொல்லிக்கிறேன்'

நோட்டீஸ் அனுப்பிய விவகாரம் குறித்து தலைமை என்னிடம் நேரில் கேட்கட்டும்; அதற்கு நான் பதில் சொல்லிக்கிறேன். நீங்கள் (நோட்டீஸ் பெற்றவர்கள்) கவலைப்பட வேண்டாம்,'' என, மத்திய அமைச்சர் அழகிரி தெரிவித்தார்.
தி.மு.க., பொருளாளர் ஸ்டாலின் மதுரையில் பங்கேற்ற நிகழ்ச்சிகளை புறக்கணித்ததற்காக, தலைமையிலிருந்து நோட்டீஸ் பெற்ற நிர்வாகிகள் 17 பேருடன் நேற்று அவரது இல்லத்தில் அமைச்சர் ரகசிய ஆலோசனை நடத்தினார். இதில், அவை தலைவர் இசக்கிமுத்து, முன்னாள் துணைமேயர் மன்னன், துணை செயலாளர் உதயகுமார் உட்பட 17 பேரும் பங்கேற்றனர்.

மாவோயிஸ்ட்களின் நல்வாழ்விற்கு முயற்சித்தவர்: கடத்தப்பட்ட கலெக்டர் குறித்த புதிய தகவல்கள்

திருநெல்வேலி: சத்தீஸ்கர் மாநிலத்தில் நக்சலைட்டுகளால் துப்பாக்கி முனையில் கடத்தப்பட்ட கலெக்டர் அலெக்ஸ் பால் மேனன், நெல்லை மாவட்டம் திருக்குறுங்குடியை சேர்ந்தவர். இவரின் தந்தை வரதாஸ், வள்ளியூர் கன்கார்டியா துவக்கப் பள்ளியில் தலைமையாசிரியாக பணியாற்றி ஓய்வுபெற்றவர். தாய், இவரது சிறுவயதில் காலமாகிவிட்டார். தந்தை வரதாஸ், பாளையங்கோட்டை, தியாகராஜ நகர், ராம் நகரில் வசித்து வருகிறார். அலெக்ஸ் பால் மேனன், பாளையங்கோட்டை ரோஸ்மேரி பள்ளியில், 1996ல் பிளஸ் 2 முடித்தார்.

திண்டுக்கல் ஆர்.வி.எஸ்., இன்ஜினியரிங் கல்லூரியில், எலக்ட்ரானிக் கம்யூனிகேசன் முடித்துள்ளார். 2005ல் ஐ.ஆர்.எஸ்., தேர்வில் வெற்றி பெற்றார். இருப்பினும் முயற்சித்து, 2006ல் ஐ.ஏ.எஸ்., தேர்வானார். சத்தீஸ்கர் மாநிலத்தில் சுக்மா மாவட்டத்தில் கலெக்டராக பணியாற்றி வந்தார். இவரின் மனைவி ஆஷா என்ற புஷ்பபாக்கியம், எம்.பி.ஏ., முடித்துள்ளார். திருமணமாகி ஆறு மாதங்கள் ஆகிறது. இவரும் கணவருடன் தான் வசித்து வருகிறார்.

'மே-1' பில்லா -2 முன்னோட்டம் ஒரு வாரத்திலேயே ஐந்து லட்சம் பார்வையாளர்

அஜித் நடிப்பில் சக்ரி டொலட்டி இயக்கிகொண்டிருக்கும் படம் பில்லா-2. இந்த படத்தின் முன்னோட்டம் சில நாட்களுக்கு முன் ரிலீஸானது. ரிலீஸான ஒரு வாரத்திலேயே ஐந்து லட்சம் பார்வையாளர்களை தாண்டியதி. சில டெக்னிக்கல் கோளாறு காரணமாக அந்த முன்னோட்டத்தை எடுத்துவிட்டார்கள்.

1000 திரையரங்குகளில் ரஜினியின் பாட்ஷா! Hindi version Basha

ரஜினி, நக்மா ஜோடியாக நடித்து 1995-ல் ரிலீசாகி வசூல் சாதனை படைத்த படம் ‘பாட்ஷா’. தமிழில் மட்டுமல்ல, தெலுங்கிலும் இந்தப் படம் பெரும் வசூல் சாதனை புரிந்தது.
‘பாட்ஷா’ படத்தை தற்போது புதிய தொழில்நுட்பத்தில் இந்தியில் டப்பிங் செய்து வெளியிடுகின்றனர். இதற்காக டிஜிட்டல் கலர் டெவலப்பிங் செய்து புதிய நெகட்டிவ் தயார் செய்துள்ளனர்.
அத்துடன் இசையமைப்பாளர் தேவா புதிய தொழில்நுட்பத்தில் மீண்டும் இசையமைத்துள்ளார். ஸ்டீரியோபோனிக் 5.1 தொழில்நுட்பத்தில் இசை வடிவமைக்கப்பட்டு உள்ளது.

சிறுவன் தில்ஷனை சுட்டுக் கொன்ற மாஜி ராணுவ அதிகாரிக்கு ஆயுள் தண்டனை!

 

சென்னை: சென்னையில் பாதாம் கொட்டையைப் பறிக்க முயன்ற சிறுவன் தில்ஷன் மீது கொடூரமாக துப்பாக்கிச் சூடு நடத்திக் கொலை செய்த வழக்கில் கைதான முன்னாள் ராணுவ அதிகாரி ராமராஜுக்கு சென்னை உயர்நீதிமன்றம் இன்று ஆயுள் தண்டனை விதித்துத் தீர்ப்பளித்தது.
சென்னை தீவுத் திடல் பகுதியில் உள்ள ராணுவக் குடியிருப்புக்கு அருகே உள்ள பகுதியில் வசித்து வந்த சிறுவன் தில்ஷன். கடந்த ஆண்டு ஜூலை மாதம் 13 வயதான தில்ஷனும், இன்னும் சில சிறுவர்களும் ராணுவக் குடியிருப்புக்குள்ள உள்ள வாதாம் மரத்திலிருந்து பழங்களை பறிக்க முயன்றனர். அப்போது அங்கு வந்த ஓய்வு பெற்ற லெப்டினென்ட் கர்னல் கந்தசாமி ராமராஜ் என்பவர் துப்பாக்கியால் சுட்டுள்ளார். இதில் தில்ஷன் பரிதாபமாக உயிரிழந்தான்

மம்தாபானர்ஜி:ஜனாதிபதி தேர்தலில் முலாயம் சிங் வேட்பாளருக்கு ஆதரவு

 குடியரசுத் தலைவர் தேர்தலுக்கான அறிவிப்பு அடுத்த மாதம் வெளியாகிறது. முலாயம் சிங் நிறுத்தும் வேட்பாள ரை ஆதரிப்பதாக மம்தா பானர்ஜி உறுதி அளித்துள்ளார்.

குடியரசுத் தலைவர் பிரதீபா பட்டீலின் பதவிக்காலம் வருகிற ஜூலை மாதம் முடிவடைகிறது. இதை யடுத்து புதிய குடியரசுத் தலை வரை தேர்ந்தெடுப்பதற்கான தேர்தல் ஜூன் மாதம் நடத்தப்படுகிறது.

உத்தரபிரதேசத்தில் சமீபத்தில் நடந்த சட்டசபை தேர்தலில் தனிப்பெரும்பான்மை பலத்துடன் ஆட்சியைப் பிடித்துள்ள முலாயம் சிங்கின் சமாஜ்வாடிக் கட்சி, குடியரசுத் தலைவர் தேர்தலில் இப் போதே வரிந்து கட்டத் தொடங்கி உள்ளது. இந்தக் கட்சிக்கு உத்தர பிரதேச சட்டசபையில் 224 எம்.எல். ஏ.க்களும், நாடாளுமன்ற மக்கள வையில் 33 எம்.பி.க்களும் உள்ளனர்.

Google SEX தேடியவர்களில் பாக். நம்பர் 1-இந்தியாவுக்கு 2வது இடம்!

2011 ஆம் ஆண்டு மேற்கொள்ளப்பட்ட தேடுதல்கள் தொடர்பான ஆய்வுகளின்படி,கூகுள் இணையத்தளத்தின் மூலம் செக்ஸ் எனும் வார்த்தையை அதிகம் தேடியவர்களைக் கொண்ட நாடாக பாகிஸ்தான் உள்ளது.

இணையத்தளத்தில் ‘செக்ஸ்’ குறித்து அதிகம் தேடுதலை மேற்கொண்ட நாடுகளின் பட்டியலில் பாகிஸ்தான் முதலிடத்தையும் இந்தியா இரண்டாவது இடத்தையும் பெற்றுள்ளன. வியட்நாம் மூன்றாமிடத்திலும் எகிப்து நான்காமிடத்திலும் இந்தோனேஷியா ஐந்தாமிடத்திலும் உள்ளதாக ‘கூகுள் ட்ரென்ட்ஸ்’ ஆய்வு மூலம் தெரியவந்துள்ளது. தொடர்ந்து அந்த பட்டியலில் அல்ஜீரியா, மொராக்கோ, மலேசியா, போலந்து, துருக்கி ஆகிய நாடுகள் இடம்பெற்றுள்ளன.
தொடர்ந்து முதலிடம்

பாலிடெக்னிக் மாணவன் தூக்கு போட்டு தற்கொலை

ஆம்பூர் ஏ கஸ்பா சின்னகம்மார தெருவை சேர்ந்தவர் வடிவேல். இவரது மகன் சந்துரு (வயது17), வாணியம்பாடியில் உள்ள ஒரு தனியார் பாலிடெக்னிக்கில் முதலாமாண்டு படித்து வந்தார். நேற்று பிற்பகல் கல்லூரியில் இருந்து வீடு திரும்பினார். மாலை 4.30 மணி வரை கதவு திறக்கப்படவில்லை. இதனால் அதிர்ச்சி யடைந்த அவரது தாயார் ஜன்னல் வழியாக எட்டி பார்த்தார்.

அங்கு மாணவன் தூக்கில் பிணமாக தொங்கினார். இதனை பார்த்து து அதிர்ச்சியடைந்த அவர் இது குறித்து ஆம்பூர் டவுன் போலீசில் புகார் செய்தார்.
போலீசார் விரைந்து வந்து மாணவனின் பிணத்தை கைப்பற்றி பிரேத பரிசோதனைக்கு அனுப்பி வைத் தனர்.   மாணவன் எழுதி வைத்த கடிதத்தை கைப்பற் றினர் அதில் கூறியிருப்பதாவது:-

எனக்குள் இருப்பவன் தான் இதை செய்ய சொல்கிறான். இது ஒரு கொலை. நான் மீண்டும் வருவேன். இவ்வாறு அவர் கூறியுள்ளார். அவர் நெற்றியில் மஞ்சள், குங்குமம் வைத்துள்ளார்.

இது குறித்து போலீசார் மேலும் விசாரணை நடத்தி வருகின்றனர்

காணாமல் போன 5 மாணவிகள் ஆசிரியர், பெற்றோர் திட்டுவார்கள் என்பதால்

விருது நகர் : பள்ளி மாணவிகள் மீட்பு

விருதுநகரில் காணாமல் போன பள்ளி மாணவிகளை, இருக்கன்குடி அருகே போலீசார் மீட்டனர்.விருதுநகர் நகராட்சி மேல்நிலைப்பள்ளி மாணவர்களுக்கான தேர்வு பிற்பகலில் நடந்து வருகிறது.
 நேற்று முன்தினம் பள்ளி சென்ற 6 ம் வகுப்பு மாணவிகள் ஐந்து பேர் மாயமானர். பல்வேறு இடங்களில் தேடியும் கிடைக்காததால், பெற்றோர்கள் விருதுநகர் பாண்டியன் நகர் போலீசில் புகார் செய்தனர். இதனிடையே, இருக்கன்குடி முத்துச்சாமிபுரத்தில் இருந்த மாணவிகளை, நேற்று காலை போலீசார் மீட்டு, விருதுநகர் மகளிர் போலீசில் ஒப்படைத்தனர்.
இதன்பின், மாணவிகள் ஐந்து பேரும் கோர்ட்டில் ஆஜர்படுத்தப்பட்டு, பெற்றோர்களிடம் ஒப்படைக்க ப்பட்டனர்.
போலீஸ் அதிகாரி ஒருவர் கூறுகையில்,""மாணவிகள் தேர்வுக்கு சரியாக படிக்கவில்லை. ஆசிரியர், பெற்றோர் திட்டுவார்கள் என நினைத்து, இருக்கன்குடி முத்துச்சாமிபுரத்தில் உள்ள ஒரு மாணவியின் பாட்டி வீட்டுக்கு சென்றுள்ளனர்,'' என்றார்.

ஸ்டாலினுக்கு அழகிரி பதிலடி: மதுரை நிர்வாகிகள் உற்சாகம்

மதுரையில் தி.மு.க., பொருளாளர் ஸ்டாலின் பங்கேற்ற நிகழ்ச்சியில் வரவேற்பு அளிக்கவில்லை என சர்ச்சை எழுந்த நிலையில், ""தி.மு.க.,வில் யாரையும் வரவேற்க வேண்டும் என எந்த சட்டமும் இல்லை,'' என, மத்தியமைச்சர் அழகிரி பதிலடி கொடுத்தது, அவரது ஆதரவாளர்களை உற்சாகமூட்டியுள்ளது.
தி.மு.க.,வில் இருவருக்கும் இடையே மறைமுகமாக நடந்த "சகோதர யுத்தம்' தற்போது வெளிப்படையாக வெடித்து உள்ளது.

பெண் கைதிகளை கொடுரமாக தாக்கிய பெண் அதிகாரிகள் ஜெயபாரதி, சாந்தி, ருக்குமணி

கோவில்பட்டியில் உள்ள ஒரு வீட்டில் புகுந்து திருடியதாக கடந்த 1ஆம் தேதி ஞானசவுந்தரி, லதா ஆகிய இருவர் திருச்சி காந்தி மார்க்கெட்டில் உள்ள மகளிர் சிறையில் அடைக்கப்பட்டனர்.

சிறைத்துறை டிஐஜி துரைசாமி 4ஆம் தேதி, காந்தி மார்க்கெட்டில் உள்ள மகளிர் சிறையை சுற்றிப்பார்த்தார். அப்போது ஞானசவுந்தரி, லதா ஆகிய இருவரும், சிறையில் கழிப்பறை வசதி போதுமானதாக இல்லை என்றும், சாôப்பாடு தரமில்லை என்றும் புகார் தெரிவித்துள்ளனர்.
சிறைத்துறை டிஐஜி துரைசாமியிடம் புகார் கொடுத்ததற்காக, ஞானசவுந்தரி, லதா ஆகிய இருவரையும் சூப்பிரெண்ட் ஜெயபாரதி, ஜெயிலர் சாந்தி, வார்டன் ருக்குமணி மற்றும் பலர் அடித்து உதைத்ததாகவும், இதில் இவருக்கும் காயம் ஏற்பட்டுள்ளதாகவும் 7ஆம் தேதி இவர்கள் இருவரையும் நேரில் பார்த்தபோது மேற்கண்ட தகவலை தெரிவித்ததாகவும் ஞானசவுந்தரி, லதா ஆகியோரின் வழக்கறிஞர் பொன் முருகேசன், காந்தி மார்க்கெட் காவல்நிலையத்தில் புகார் கொடுத்துள்ளார். இருவரையும் அடித்ததில் 7 பிரம்புகள் உடைந்ததாகவும் புகாரில் வழக்கறிஞர் பொன்.முருகேசன் தெரிவித்துள்ளார்.

ஆசிரியை குமுது: மாணவன்தான் போய் விட்டானே, ஜாமீ்ன் கொடுங்க

சென்னை என்னுடன் வீட்டை விட்டு ஓடி வந்த மாணவன் அவனது பெற்றோருடன் போய் விட்டான். போலீஸ் விசாரணையில் நான் அவனைக் கடத்தவி்ல்லை என்றும் அவன் கூறியுள்ளான். எனவே எனக்கு ஜாமீன் அளிக்க வேண்டும் என்று ஆசிரியை குமுது கோரிக்கை விடுத்துள்ளார்.
சென்னை செளகார்பேட்டையைச் சேர்ந்த 17 வயது மாணவனைக் கூட்டிக் கொண்டு தலைமறைவாகி பெரும் பரபரப்பை ஏற்படுத்தியவர் குமுது. அறிவியல் ஆசிரியையான குமுது, மாணவனுடன் ஓடிய செயல் பெரும் பரபரப்பை ஏற்படுத்தியது.

100 பெட்டிஷன்' போட்டு வழக்கை இழுத்தடிக்கும் ஜெ-நீதிமன்ற அவமதிப்பு நடவடிக்கை கோரும் ஆச்சாரியா

பெங்களூர்: சொத்துக் குவிப்பு வழக்கை இழுத்தடிக்கும் பல்வேறு நீதிமன்றங்களில் 100க்கும் அதிகமான மனுக்களை தாக்கல் செய்து நீதி நிலைநாட்டப்படுவதை சீர்குலைக்க முயலும் முதல்வர் ஜெயலலிதா மீது நீதிமன்ற அவமதிப்பு நடவடிக்கை எடுக்குமாறும், இந்த வழக்கில் சசிகலாவின் ஜாமீனை ரத்து செய்யுமாறும் பெங்களூர் சிறப்பு நீதிமன்றத்தில் அரசுத் தரப்பு வழக்கறிஞர் பி.வி.ஆச்சாரியா கோரிக்கை விடுத்துள்ளார்.
வருமானத்துக்கு அதிகமாக சொத்து குவித்த முதல்வர் ஜெயலலிதா மீது தொடரப்பட்டுள்ள வழக்கு பெங்களூர் சிறப்பு நீதிமன்றத்தில் நேற்று நீதிபதி மல்லிககார்ஜுனய்யா முன் விசாரணைக்கு வந்தது. அப்போது ஜெயலலிதாவின் தோழி சசிகலா, சுதாகரன் ஆஜராகியிருந்தனர். இளவரசி ஆஜராகவில்லை. அவருக்கு நீரிழிவு நோய் இருப்பதால் அவர் மயக்கமடைந்துள்ளார். எனவே அவர் நீதிமன்றத்தில் ஆஜராகவில்லை என்று அவரது தரப்பு வழக்கறிஞர் தெரிவித்தார்.

மரத்துப் போனதா உங்கள் மனசாட்சி?

இருபது பொய் வழக்குகளின் கீழ் கைது செய்யப்பட்டு, 14 ஆண்டுகள் தணிமைச் சிறையில் அடைக்கப்பட்டிருந்த ஒரு முஸ்லிமின் துயரக்கதை.

முஸ்லீம்கள் என்றாலே பயங்கரவாதிகள், சந்தேகத்துடன் பார்க்கப்பட வேண்டியவர்கள், பாகிஸ்தானின் ஐ.எஸ்.ஐ. உளவாளிகள்  இதுதான் இன்று நாட்டு மக்களின் பொதுப்புத்தியில் முஸ்லீம்கள் மீதான அபிப்பிராயமாகப் பதிவு செய்யப்பட்டுள்ளது. எங்கே எப்போது குண்டு வெடித்தாலும் முதலில் கைது செய்யப்படுவது அப்பகுதியில் வாழும் இஸ்லாமியர்கள்தான். எல்லா குண்டுவெடிப்புகளுக்கும் காரணம் முஸ்லிம் தீவிரவாதிகள்தான் என ஆளும் வர்க்கமும்  ஊடகங்களும் உடனே தீர்ப்பெழுதிவிடுகின்றன.
ஆனால் உண்மையில் குண்டு வெடிப்புகளில் கைது செய்யப்படுபவர்களில் பலர் அப்பாவி இஸ்லாமியர்கள்.

அழகிரி: ஸ்டாலினை வரவேற்க வேண்டும் என்பது திமுகவில் சட்டமா என்ன?

மதுரையில் மு.க.ஸ்டாலின் நடத்திய திமுக இளைஞரணி நிர்வாகிகள் தேர்வு குறித்தும், அவர் கலந்து கொண்ட பொதுக்கூட்டம் குறித்தும் எனக்கு தகவல் எதுவும் தெரிவிக்கப்படவில்லை என்று மத்திய அமைச்சர் மு.க.அழகிரி கூறினார்.
முன்னதாக மதுரையில் திமுக இளைஞரணி நிர்வாகிகளைத் தேர்வு செய்ய அக்கட்சியின் பொருளாளர் மு.க.ஸ்டாலின் நடத்திய நேர்காணலையும், ஸ்டாலின் கலந்து கொண்ட பொதுக் கூட்டத்தையும் மதுரை மாவட்டத்தின் அனைத்து திமுக நிர்வாகிகளும் புறக்கணித்தனர்.
பொதுக் கூட்டத்துக்கு திமுக சார்பில் போலீசாரிடம் அனுமதி வாங்கிய திமுக பிரமுகரே கூட்டத்துக்கு வரவில்லை.

கல்வி : கொலை, கொள்ளை மற்றும் அபத்தங்கள்

வில்லவன்

ஒரு சென்னை மாணவர் தமது ஆசிரியரை கொலை செய்தபோது எழுத ஆரம்பித்த கட்டுரை இது. வேலை அழுத்தத்தில் நின்றுபோன அதனை அதன் பிறகு நடந்த மற்றொரு ஆசிரியர் கொலை தொடர வைத்திருக்கிறது.
தஞ்சாவூரில் உள்ள டி.கே.சுப்பையா நாயிடு ஆரம்பப்பள்ளியில் நான் படித்தபோது நடந்த சம்பவம் இது. சீனிவாசபுரம் அகழிக்கு அருகே இருக்கும் மனநலம் குன்றிய இளைஞர் ஒருவரை ஒரு சிறுவன் கல்லால் அடித்துவிட்டான். சற்றே புடைத்த நெற்றியுடன் அவர் அருகே இருக்கும் எங்கள் பள்ளிக்கு வந்து அது குறித்து குற்றம்சாட்டினார். அன்றைய காலைநேர அணிவகுப்புக்கு அவரை கூட்டிவந்து கல்லால் அடித்த மாணவனை அடையாளம் காட்டச்சொன்னார்கள். டிராயர் போட்டிருந்த பையன் என்பதைத் தவிர அவரால் வேறு அடையாளம் சொல்ல முடியவில்லை, அந்த கூட்டத்தில் தேடவும் அவர் முன்வரவில்லை. அதன்பிறகு எங்கள் பள்ளியின் ஐந்தாம்வகுப்பு ஆசிரியர் ஒருவர். அவரைப் போல (மன வளர்ச்சி குன்றியோரிடம்) இருப்பவர்களிடம் சண்டைக்கு போக்க்கூடாது என அறிவுரை சொன்னார். வேறொரு ஆசிரியர் அவரை பள்ளி வாயிற்கதவு வரை கொண்டுவிட்டு வந்தார்.

மீனா இப்போது விஜய்க்கு அக்கா வாகிறார்!

நடிகை மீனாவின் தீவிர ரசிகர் விஜய். இதை பலமுறை அவரே கூறியுள்ளார். முன்பு ஷாஜகான் படத்தில் சரக்கு வெச்சிருக்கேன் என விஜய்யுடன் குத்தாட்டம் போட்டுள்ளார் மீனா.

இப்போது விஜய் படத்தில் அக்காவாக நடிக்கப் போகிறார். இருங்க இருங்க... விஜய்க்கு அக்கா அல்ல... விஜய் தயாரிக்கும் படத்தில் ஹீரோவுக்கு அக்கா!
நடிகை மீனாவுக்கு கடந்த 2009-ல் திருமணம் நடந்தது. திருமணத்துக்கு பின் அவர் சினிமாவில் நடிக்கவில்லை. 2011-ல் பெண் குழந்தை பிறந்தது. திருமணமான பிறகு ஒரு சில படங்களில் தலைகாட்டினார்.
தமிழில் தம்பிக்கோட்டை படத்தில் நரேனுக்கு அக்காவாக நடித்தார். தெலுங்கிலும் ஒரு படம் பண்ணார். ஆனால் தொடர்ந்து பல இயக்குனர்கள் அக்கா, அண்ணி வேடங்களில் நடிக்க மீனாவை அணுகியபோது மறுத்துவிட்டார்.

ஸ்டானுக்கு எதிராக வீரபாண்டி ஆறுமுகம் பகிரங்கப் புகார்

Last Updated :

சென்னை, ஏப்.19: அதிமுக உறுப்பினராக இருப்பவர்கள் திமுக இளைஞர் அணி நிர்வாகிகளாகத் தேர்வு செய்யப்பட்டுள்ளதாக தி.மு.க. தலைவர் கருணாநிதியிடம் முன்னாள் அமைச்சர் வீரபாண்டி ஆறுமுகம் ஆதாரத்துடன் புகார் தெரிவித்துள்ளார்.  இளைஞர் அணி நிர்வாகிகளை மாற்றியமைப்பது திமுகவுக்கு புது ரத்தம் பாய்ச்சும் என்று திமுக பொருளாளர் மு.க.ஸ்டாலின் கூறி வருகிறார். இதன்படி ஒவ்வொரு மாவட்டத்திலும் அவரே நேரடியாக நேர்காணல் நடத்தி இளைஞர் அணி நிர்வாகிகளைத் தேர்வு செய்கிறார்.

ராமர் பாலத்தை தேசிய சின்னமாக அறிவிக்க திட்டமில்லை

உச்சநீதிமன்றத்தில் மத்திய அரசு
புதுடில்லி, ஏப். 19- ராமன் பாலத்தை தேசிய சின்னமாக மத்திய அரசு அறிவிக்கவேண்டும் என்று கோரிக்கை வைத்து சுப்பிரமணியசாமி உச்சநீதிமன்றத்தில் வழக்கு தொடுத்திருந்தார்.
ழக்கை விசாரித்த நீதிபதிகள், சுப்பிரமணிய சாமியின் கோரிக்கைக்கு மத்திய அரசு பதிலளிக்கவேண்டும் என்று உத்தரவிட்டிருந்தனர்.
இந்த வழக்கு இன்று விசாரணைக்கு வந்தது.
ராமன் பாலத்தை தேசிய சின்னமாக அறிவிக்கும் திட்டம் இல்லை என்று மத்திய அரசு உச்சநீதிமன்றத்தில் பதில் தாக்கல் செய்தது.
மத்திய அரசின் பதிலையடுத்து ராமன் பால வழக்கு ஆகஸ்டு மாதத்திற்கு ஒத்தி வைக்கப்பட்டது.

வீடியோ கேம்ஸ்' கண்ணிற்கு கடும் பாதிப்பு 30 வயதில் மாரடைப்பு:

மதுரை: ""கோடை விடுமுறை விட்டாச்சு... ஏரியா பசங்க சேர்ந்து ஜாலியா கிரிக்கெட், கால்பந்து எல்லாம் விளையாடலாம் தான். ஆனால் ஒருத்தன்கூட வெளியே வரமாட்டேன்றாங்க. கேட்டால், கம்ப்யூட்டரிலேயே குத்துச்சண்டை, கிரிக்கெட் எல்லாம் விளையாடுறதா சொல்றாங்க,'' - இது கம்ப்யூட்டர் இல்லாத ஒரு அப்பாவி சிறுவனின் ஆதங்க குரல்.

முன்பெல்லாம், பள்ளி விடுமுறை விட்டால் போதும். விளையாட்டு மைதானங்கள் "ஹவுஸ்புல்' ஆகும். (இப்போ நகரில் எங்கே விளையாட்டு மைதானம் இருக்கிறது? என நீங்கள் கேட்பது புரிகிறது) பல்வகை விளையாட்டுகளால் உடலும் வலுவாகும். ஆனால் இன்று கம்ப்யூட்டர்தான் மாணவர்களுக்கு கதி. நண்பர்கள், உறவினர்களை மறந்துவிட்டு, கம்ப்யூட்டர் முன் "தவம்' இருக்கின்றனர். அது அறிவுசார்ந்த தேடுதலுக்காக அல்ல.

நோட்டீஸ் அனுப்பிய விவகாரம்: ஸ்டாலின் - அழகிரி மோதலாக ரூபம் எடுக்கிறது

மதுரை மாவட்ட தி.மு.க.,வினர் 17 பேருக்கு, நோட்டீஸ் அனுப்பிய விவகாரம், அழகிரி - ஸ்டாலின் மோதலாக மாறி, கட்சியில் பெரும் புயலைக் கிளப்பும் என்று எதிர்பார்க்கப்படுகிறது.
தி.மு.க., இளைஞரணி நிர்வாகிகள் நியமனம், கடந்த சில மாதங்களாக நடந்து வருகிறது. கடந்த 15ம் தேதி, மதுரை சென்றிருந்த கட்சியின் பொருளாளர் ஸ்டாலின், அந்த மாவட்டத்தில், இளைஞரணி நிர்வாகிகளை தேர்வு செய்து நியமித்தார். மதுரை உள்ளிட்ட தென் மாவட்டங்களை, தன் கட்டுப்பாட்டில் வைத்துள்ள அழகிரி, சீனா சென்றிருந்தபோது, ஸ்டாலின் இந்த கூட்டத்தை நடத்தியது, கட்சிக்குள் கோஷ்டிப் பூசலை உருவாக்கியது. ஸ்டாலினுக்கு வரவேற்பு அளிப்பது, பேனர் வைப்பது, கூட்டத்தில் கலந்து கொள்வது உள்ளிட்ட நிகழ்ச்சிகளில், அங்குள்ள தி.மு.க., முக்கிய நிர்வாகிகள், தங்கள் கோஷ்டி அரசியலைக் காட்டினர்.

இந்தியா எங்கள் எதிரி அல்ல: சீனா அறிவிப்பு

சீன வெளியுறவு அமைச்சக செய்தித் தொடர்பாளர் லியு வீமின் கூறுகையில், ""அக்னி-5 ஏவுகணைச் சோதனையை, இந்தியா நடத்தியுள்ளதன் மூலம், ஆசிய பிராந்தியத்தில், மற்றொரு மோதல் ஏற்படுவதற்கான சூழல் உருவாகியுள்ளதாகக் கூறப்படுவது தவறான தகவல். இந்தியா எங்களின் எதிரி நாடு அல்ல. இரு நாடுகளுக்கு இடையே, நல்ல உறவு உள்ளது. டில்லியில், சமீபத்தில் நடந்த "பிரிக்ஸ்' மாநாட்டின் மூலம், இந்த உறவு மேலும் வலுவடைந்துள்ளது. அமைதியான சூழல் தொடர்ந்து நீடிப்பதற்கு, ஆசிய நாடுகள் அனைத்தும், முக்கிய பங்காற்றும் என்ற நம்பிக்கை எங்களுக்கு உள்ளது'' என்றார்.ஆனாலும், சீன அரசுக்குச் சொந்தமான, "குளோபல் டைம்ஸ்' என்ற பத்திரிகையில், "இந்தியாவின் அணு சக்தி திறனை விட, சீனாவின் அணு சக்தி திறன் வலிமையானது. இந்த விஷயத்தில், சீனாவை இந்தியாவால் எப்போதுமே மிஞ்ச முடியாது' என எழுதப்பட்டுள்ளது.

 (பசி , பட்டினி, வேலையின்மை, லஞ்சம், ஊழல்ன்னு பயங்கர ஏவுகணைகள் இந்தியாவிடம் இருக்கு. இதை முறியடிக்க உலகில் எந்த நாடும் கிடையாது).

கண்டம் விட்டு கண்டம் பாயக்கூடிய, நீண்ட தூர ஏவுகணையை, அமெரிக்கா, ரஷ்யா, பிரான்ஸ், பிரிட்டன், சீனா ஆகிய நாடுகள் வைத்துள்ளன.அக்னி-5 ஏவுகணைச் சோதனை வெற்றியடைந்ததன் மூலம், இந்தியாவும் இந்த நாடுகளுடன் இணைந்துள்ளது.

மாவோயிஸ்ட்களின் Kangaaro கோர்ட்டில்' MLA ஜினா ஹிகாகா: முடிவு தெரியாமல் ஒடிசா அரசு தவிப்பு

புவனேஸ்வர்: ஒடிசாவில் கடத்தப்பட்ட எம்.எல்.ஏ., ஜினா ஹிகாகா நேற்று "மக்கள் கோர்ட்டில்' ஆஜர்ப்படுத்தப்பட்டார். அவரின் கதி என்னவானது என்று தெரியவில்லை.

ஒடிசாவில் ஆளும் பிஜூ ஜனதா தளம் கட்சி எம்.எல்.ஏ., ஜினா ஹிகாகாவை கடத்திய மாவோயிஸ்ட்கள், தங்கள் அமைப்பைச் சேர்ந்த பலரை விடுவிக்க வேண்டும் எனக்கூறி, மாநில அரசுக்கு கெடு விதித்தனர். அந்தக் கெடு முடிவடைந்த நிலையில், சிறையில் உள்ள, 25 பேரை விடுவிப்பதாக, ஒடிசா மாநில அரசு வெளியிட்ட அறிவிப்பை நிராகரித்தனர். அத்துடன் எம்.எல்.ஏ., ஜினா ஹிகாகாவின் முடிவை தங்களின், "மக்கள் கோர்ட்' தீர்மானிக்கும் என்றும் கூறினர்.

அர்ச்சகர் தேவநாதன் வழக்கு விசாரணை வருகிறது

ஸ்ரீபெரும்புதூர், ஏப். 19- காஞ்சீபுரம்  அர்ச்சகர் தேவநாதன் வழக்கு மே மாதம் 16-ஆம் தேதி கோர்ட்டில் விசாரணைக்கு வருகிறது.

காஞ்சீபுரம் அடுத்த பழைய சீவரம் கிராமத்தைச் சேர்ந்தவர் தேவநாதன் (35). இவர் காஞ்சீபுரம் பேருந்து நிலையம் அருகே உள்ள மச்சேஸ்வரர் கோவில் அர்ச்சகராக இருந்தார்.
கடந்த இரண்டு ஆண்டுகளுக்கு முன்பு கோவில் கருவறையில் பல பெண்களிடம் பாலியல் செயலில் ஈடுபட்டார். இதை தன் செல்போன் மூலம் படம் பிடித்து ரகசியமாக பார்த்து ரசித்து வந்தார்.