நான் திருடன் கிடையாது சார்.. ஆனா ஆளை வெட்டுவேன்.. ரவுடி இளைஞர் ..

Hemavandhana - tamil.oneindia.com :  சென்னை: "சார்.. நான் கொள்ளை எல்லாம் அடிக்கிறவன் இல்லை.. ஆட்களை வெட்டுவேன்.. அவ்வளவுதான்" என்று போலீசாரிடம் தைரியமாக சொல்கிறார் இந்த இளம் ரவுடி! 

சென்னை எருக்கஞ்சேரி ஐயப்பா தியேட்டருக்கு அருகில் டிராபிக் எப்போதுமே நெரிசலாக இருக்கும். அதனால் போலீசாரும் வழக்கம்போல் வாகனசோதனையில் நேற்று பிசியாக இருந்தனர். அப்போது அந்த வழியாக 2 பேர் பைக்கில் வேகமாக வந்தனர். ஹெல்மெட் போடாமல் இருந்தனர். அவர்களின் வண்டியை நிறுத்துமாறு சைகை காட்டினர். போலீசாரை பார்த்தும், பைக்கை நிறுத்தாமல் வேகமாக பறந்தனர். 

இதை பார்த்து சந்தேகம் அடைந்த போலீசாரும், பைக்கை விரட்டி சென்று மடக்கி அவர்களை பிடித்தனர். இதில் ஒருவர் தப்பி ஓடிவிட்டார். இன்னொருவர் சிக்கினார். பெயர் நாகராஜ், வயசு 18தான் என்பது தெரியவந்தது. 

திருப்பதியில் தற்கொலைக்கு முயன்ற மாணவியை கரடி தாக்கியது .. மருத்துவ மனையில் .

வெப்துனியா :  திருப்பதியில் உள்ள அடர்ந்த வனப்பகுதியில் தற்கொலைக்கு முயன்ற இளம்பெண் ஒருவரை, ஒரு கரடி தாக்கிய சம்பவம் பெரும் பரபரப்பை ஏற்படுத்தியுள்ளது.
தெலுங்கானா மாநிலத்தைச் சேர்ந்தவர் இளம்பெண் விஜயலட்சுமி. இவர் 12 ஆம் வகுப்பு வரை படித்துள்ளார். இவரது தந்தை இறந்துவிட்டார். இவருக்கு 3 சகோதரிகள் உள்ளனர். இந்நிலையில் இவர்கள் நான்குபேரையும் தாயார் சரிவர கவனிக்கவில்லை என்று தெரிகிறது.இந்நிலையில் 
விஜயலட்சுமி, ஐதராபாத்தில் உள்ள ஒரு கல்லூரியில் சேர்ந்து படிப்பதற்க்காக தாயிடம் பணம் கேட்டுள்ளார். அதற்கு அவர் மறுத்துள்ளதாகத் தெரிகிறது. பின்னர் வீட்டிலிருந்து வெளியேறினார்.
இதனையடுத்து திருமலைக்கு  வந்த அவர் பல இடங்களில் சுற்றித் அலைந்தார். விஜயலட்சுமியிடம் இருந்த பணம் தீர்ந்துவிட்டதால் அவர் திருமலையில் உள்ள கோகர்பம் நீர்த்தேக்கம் அருகில் மடங்களுக்கு பின்புறம் உள்ள வனப்பகுதிக்கு சென்று தற்கொலை செய்துகொள்ள தீர்மானித்தார்.

முன்னாள் பிரதமர் சந்திரசேகரின் மகன் பாஜகவில் சேர்ந்தார் .. ஒவ்வொரு ஆர் எஸ் எஸ் சிலிப்பர் செல்களும்?

வெப்துனியா: முன்னாள் பிரதமர் சந்திரசேகர் மகன் நீரஜ்குமார் தற்போது பாஜகவில் இணைய உள்ளதாக செய்திகள் வெளிவந்துள்ளது
முன்னாள் பிரதமர் சந்திரசேகரின் மகன் நீரஜ்குமார் உத்தர பிரதேசத்தைச் சேர்ந்த பல்லியா தொகுதியில் நடைபெற்ற இடைத்தேர்தலில் கடந்த 2007 ஆம் ஆண்டு போட்டியிட்டு எம்பி ஆனார். அதன் பின்னர் 2009ஆம் ஆண்டு நாடாளுமன்றத் தேர்தலிலும் அதே தொகுதியில் போட்டியிட்டு வெற்றி பெற்றார்.
தற்போது அவர் சமாஜ்வாதி கட்சியின் சார்பில் மாநிலங்களவை உறுப்பினராக இருந்து வருகிறார் இந்த நிலையில் தனது மாநிலங்களவை எம்பி பதவியை நீரஜ்குமார் திடீரென ராஜினாமா செய்துள்ளார்.

சூர்யாவை தொலைபேசியில் மிரட்டிய அமைச்சர் கடம்பூர் ராஜூ

மின்னம்பலம் : மொபைல் டேட்டா ஆன் செய்ததும், வாட்ஸ் அப் ஆன் லைனில் இருந்தது. ‘டைப்பிங்’ மோடு சில நிமிடங்கள் நீடித்த நிலையில் செய்தி வந்து விழுந்தது.
“புதிய கல்விக் கொள்கை பற்றி நடிகரும் அகரம் கல்வி அறக்கட்டளை பொறுப்பாளருமான சூர்யா பேசிய பேச்சு அவருக்கு கடுமையான எதிர்ப்புகளை கிளப்பிவிட்டிருக்கிறது. சூர்யா வன்முறையைத் தூண்டுகிறார் என்று பாஜகவின் ஹெச்.ராஜா சொன்னார். தமிழிசையோ, ‘இந்த புதிய கல்விக் கொள்கையை அதைப் பற்றி தெரியாதவர்களெல்லாம் பேசுகிறார்கள். உதய சூரியனை சின்னமாக கொண்டவர்தான் பேசுகிறார்கள் என்றால், நடிகர் சூர்யாவும் பேசுகிறார்’ என்று சாடினார். கல்வித் துறை அமைச்சர்கள் யாரும் சூர்யாவுக்கு பதில் சொல்லாத நிலையில், சினிமா துறையை உள்ளடக்கிய செய்தித்துறை அமைச்சரான கடம்பூர் ராஜூ, ‘சூர்யா அரைவேக்காட்டுத் தனமாக பேசுகிறார்’ என்று கடுமையாக பேசினார்.

மாற்று வேட்பாளரை மாற்றுங்கள்”- துரைமுருகனிடம் ஸ்டாலின்

மின்னம்பலம் : வேலூர் மக்களவைத் தொகுதி தேர்தல் ஏற்கனவே நடந்த பண கைப்பற்றல்களால் ரத்து செய்யப்பட்டு, மீண்டும் ஆகஸ்டு 5 ஆம் தேதி நடைபெறுவதாக அறிவிக்கப்பட்டுள்ளது. இதையடுத்து அதிமுக சார்பில் ஏற்கனவே போட்டியிட்ட ஏ.சி. சண்முகமும், திமுக சார்பில் கதிர் ஆனந்தும் மீண்டும் வேட்பாளர்களாக அறிவிக்கப்பட்டிருக்கிறார்கள்.
நாம் தமிழர் கட்சி சார்பாக ஏற்கனவே போட்டியிட்ட தீபலட்சுமி மீண்டும் போட்டியிடுகிறார். இவர் கடந்த ஜூலை 8 ஆம் தேதி இந்திய தேர்தல் ஆணையம், மாநிலத் தேர்தல் ஆணையம், மாவட்ட தேர்தல் அலுவலர் ஆகியோருக்கு ஒரு கடிதம் அனுப்பியிருக்கிறார். அதில், ”வேலூர் தொகுதியில் தேர்தல் ரத்தானதற்கு காரணமான கதிர் ஆனந்த், ஏ.சி.சண்முகம் ஆகியோர் மீண்டும் தேர்தலில் போட்டியிட தடை விதிக்க வேண்டும்” என்று கோரிக்கை விடுத்திருக்கிறார்.

சென்ட்ரலில் கடத்தப்பட்ட குழந்தை மீட்பு.. போரூரில் .. ஓடிஸா மாநில இளைஞர் கைது

பிந்திய செய்தி: ஓடிஸா மாநில இளைஞர் கைது ! மின்னம்பலம் : சென்னை சென்ட்ரல் ரயில் நிலையத்தில் நேற்று இரவு மாயமான குழந்தை திருப்போரூர் பகுதியிலிருந்தது கண்டுபிடிக்கப்பட்டது.
ஒடிசா மாநிலம் நபராங்பூர் மாவட்டத்தைச் சேர்ந்த தம்பதி ராம் சிங், நீலாவதி. புரசைவாக்கத்தில் கட்டப்படும் போலீஸ் குடியிருப்பு கட்டுமான பணியில் ஈடுபட்டு வந்தனர். இவர்கள் நேற்று (ஜூலை 16) இரவு சொந்த ஊருக்குச் செல்வதற்காக சென்ட்ரல் ரயில் நிலையத்துக்குச் சென்றுள்ளனர். ரயிலுக்குக் காத்திருக்கும் போது, தங்களது மூன்று வயதுக் குழந்தை சோம்நாத்துடன் இருவரும் தூங்கியிருக்கின்றனர். சிறிது நேரம் கழித்து எழுந்து பார்த்ததில் குழந்தை மாயமானது தெரியவந்துள்ளது. இதையடுத்து அவர்கள் ரயில்வே பாதுகாப்பு போலீசாரிடம் புகார் அளித்துள்ளனர்.

ஆதனூர் சோழன் எழுதும் பாஜகவின் ஊழல்கள் ஏ டூ இஸட்!!! பகுதி -4

nakkheeran.in/authorathanurchozhan : பருப்பு வாங்கியதில் ஊழல் (குஜராத்-மகாராஸ்டிரா)! DAL SCAM (GUJARAT AND MAHARASTHRA) 2015 முதல் 2016 ஆண்டுக்கு இடைப்பட்ட காலத்தில் குஜராத்திலும் மகாராஸ்டிராவிலும் பாஜக அமைச்சர்களின் உதவியோடு பருப்பு வகைகளுக்கு பற்றாக்குறை ஏற்பட்டது. அரசாங்க உதவியோடு செயற்கையாக ஏற்படுத்தப்பட்ட இந்த பற்றாக்குறை என அம்பலப்படுத்தப்பட்டது. மத்தியில் மோடி அரசும், இரண்டு மாநில பாஜக அரசுகளும் செய்த சதி காரணமாக இந்த மாநிலங்களில் மக்கள் பருப்புக்காக வழக்கத்தை விட 150 முதல் 200 சதவீதம் வரை அதிகமாக பணம் கொடுக்க வேண்டியதாயிற்று.
பருப்பு விலை கிலோவுக்கு 130 முதல் 200 ரூபாய் ஆகியது. இந்த பற்றாக்குறையால் பாஜக அமைச்சர்கள் 2 லட்சத்து 50 ஆயிரம் கோடி ரூபாய் அளவுக்கு லாபம் பெற்றனர்.
 ராணுவக் கண்காட்சி ஊழல் (கோவா)- DEFENCE EXPO SCAM (GOA). கோவாவில் ராணுவ கண்காட்சி நடத்துவதற்காக பெதுல் என்ற இடத்தில் 150 ஏக்கர் நிலத்தை மத்திய அரசுக்கு கோவா அரசு வழங்கியது. இதுதொடர்பாக ராணுவ அமைச்சராக இருந்த மனோகர் பாரிக்கர் கோவா அரசுக்கு தனிப்பட்ட முறையில் கடிதம் எழுதி ராணுவ கண்காட்சிக்கு இடம் ஒதுக்கும் படி கேட்டிருந்தார். கடற்கரையை ஒட்டி 150 ஏக்கர் நிலத்தை ஒதுக்கும் படியும், அப்போது தான் 10 ஆயிரம் அடி நீள விமான ஓடுதளம் அமைக்க முடியும் என்றும், கோவாவில் இது போன்ற கண்காட்சிகளை நடத்த வசதியாக இருக்கும் என்றும் கூறியிருந்தார். இதில் ஊழல் என்னவென்றால், மத்திய அரசுக்கு கோவாவில் நிலம் ஒதுக்க மாட்டோம் என்று அரசு தீர்மானம் போட்டதே பாரிக்கர் முதல்வராக இருந்த போது தான்.

இந்தி, ஆங்கிலத்தில் மட்டும் நடந்த தபால் துறை தேர்வுகள் ரத்து.. தமிழக எம்பிக்களின் சாதனை

Samayam com : திமுக எம்.பி.க்கள் தொடர் அமளி எதிரொலியாக, “கடந்த ஞாயிற்றுக்கிழமை (ஜூலை 14) நடந்த அஞ்சல் துறை தேர்வுகள் ரத்து செய்யப்படுகின்றன.” என மத்திய அமைச்சர் ரவிசங்கர் பிரசாத் கூறியுள்ளார். இந்தி, ஆங்கிலத்தில் மட்டும் நடந்த தபால் துறை தேர்வுகள் ரத்து< ஹைலைட்ஸ்

• அஞ்சல் துறை தேர்வுகள் பிராந்திய மொழிகளிலும் நடத்தப்படும் என அறிவிப்பு.
• ஜூலை 14ல் நடைபெற்ற தேர்வுகள் இந்தி மற்றும் ஆங்கிலத்தில் மட்டும் நடைபெற்றன.

கடந்த 14ஆம் தேதி நடைபெற்ற இந்தி, ஆங்கிலத்தில் மட்டும் நடத்தப்பட்ட தபால் துறை தேர்வுகள் ரத்து செய்யப்படும் என மத்திய அமைச்சர் ரவிசங்கர் பிரசாத் மாநிலங்களவையில் தெரிவித்துள்ளார்.
தபால் துறை தேர்வுகளில் தமிழ் மொழி புறக்கணிக்கப்பட்டு, இந்தி மற்றும் ஆங்கிலத்தில் மட்டும் நடத்தப்பட்டது தொடர்பாக மாநிலங்களவையில் அதிமுக எம்.பி.க்கள் தொடர் அமளி செய்தனர். இதனால், அவை நிகழ்வுகள் முடங்கின. இதனால், மத்திய அமைச்சர் ரவிசங்கர் பிரசாத் அவர்களுக்கு பதில் அளித்துப் பேசினார்.

கோவில் பூசாரி உள்பட 3 பேர் நரபலி? - கோவில் முழுவதும் ர‌த்த‌த்தை தெளித்து சென்ற கொடூரம்

thanthi tv : ஆந்திராவில், 3 பேர் தலை வெட்டி நரபலி கொடுக்கப்பட்டதாக, பொது மக்களிடையே அச்சம் பரவியுள்ளது.
 ஆந்திராவின் அனந்தபுரம் மாவட்டம் கொத்தி கோட்டா கிராமத்தில் பழமை வாய்ந்த சிவன் கோவில் உள்ளது. இந்த கோவிலில், ஓய்வு பெற்ற ஆசிரியரான சிவராம் ரெட்டி அவரது சகோதரி கமலம்மா ஆகியோர் பூஜை செய்து வந்தனர். இந்நிலையில் கோவில் முன்பு சிவராம் ரெட்டி, அவரது சகோதரி கமலம்மா மற்றும் கொத்திகோட்டா கிராமத்தை சேர்ந்த லட்சுமியம்மாள் ஆகியோர் தலை வெட்டப்பட்ட நிலையில், ரத்த வெள்ளத்தில் பிணமாக கிடந்தனர்.

அசாம் வெள்ளத்தில் மிதக்கும் வடகிழக்கு மாநிலங்கள் 43 லட்சம் மக்கள் பாதிப்பு

தினத்தந்தி : கனமழையால் அசாம் உள்ளிட்ட வடகிழக்கு மாநிலங்கள் வெள்ளத்தில் தத்தளிக்கின்றன.
கவுகாத்தி, இந்த ஆண்டு சற்று தாமதமாக தொடங்கிய தென்மேற்கு பருவமழை, வடக்கு மற்றும் வடகிழக்கு மாநிலங்களில் தற்போது தீவிரம் அடைந்து உள்ளது. உத்தரபிரதேசம், பீகார், மேற்கு வங்காளம் மாநிலங்களிலும் மற்றும் அசாம், நாகாலாந்து, திரிபுரா உள்ளிட்ட வடகிழக்கு மாநிலங்களிலும் கடந்த சில நாட்களாக பலத்த மழை பெய்து வருகிறது. இதனால் மக்களின் இயல்பு வாழ்க்கை பாதிக்கப்பட்டு உள்ளது. உத்தரபிரதேசம், பீகார் மாநிலங்களில் பெய்து வரும் மழையால் ஆறுகளில் வெள்ளப்பெருக்கு ஏற்பட்டு உள்ளது.
பல இடங்களில் குடியிருப்புகளை மழைநீர் சூழ்ந்துள்ளது. அசாம் மாநிலத்திலும் பிரம்மபுத்ரா உள்ளிட்ட ஆறுகளில் வெள்ளம் கரைபுரண்டு ஓடுகிறது. பல கிராமங்கள் வெள்ளத்தில் மிதப்பதால் மக்களின் இயல்பு வாழ்க்கை முடங்கி உள்ளது. 28 மாவட்டங்களில் 43 லட்சம் மக்கள் வெள்ளத்தால் பாதிக்கப்பட்டு உள்ளனர். அசாமில் மழை வெள்ளத்துக்கு பலியானோர் எண்ணிக்கை 15 ஆக உயர்ந்துள்ளது.

நீட் தேர்வில் தமிழகத்துக்கு விலக்கு இல்லை- தற்கொலைகள் பற்றியும் தெரியாது: ...மத்திய அரசு திமிர் பதில்

tamil.oneindia.com/authors/VelmuruganP : நீட் தேர்வு தோல்வி.. அடுத்தடுத்து தற்கொலை செய்து கொள்ளும் மாணவிகள்- வீடியோ டெல்லி: நீட் தேர்வு தோல்வியால் இறந்த மாணவர்கள் தொடர்பாக எந்த தகவலும் மத்திய அரசிடம் இல்லை சுகாதாரத்துறை அமைச்சகம் தெரிவித்துள்ளது.
நீட் தேர்வு விவகாரம் தமிழகத்தில் பெரும் பிரச்சையாக இருந்து வருகிறது. கிராமப்புற ஏழை மாணவர்கள், பணக்காரர்களை போல் பல ஆயிரம் பணம் கட்டி நீட் தேர்வு கோச்சிங் சேர முடியாது என்றும், பள்ளி கல்வி மதிப்பெண் அடிப்படையிலேயே எம்பிபிஎஸ் மாணவர் சேர்க்கை நடைபெற வேண்டும் என்றும் தமிழகத்தில் உள்ள அனைத்து கட்சிகளின் ஒருமித்த கோரிக்கையாக உள்ளது.

நாட்டில் உள்ள மாநிலங்களில் நீட் தேர்வில் விலக்கு வேண்டும் என தமிழகம் மற்றும் புதுவை மட்டுமே கேட்பதால் மத்திய அரசு இதுவரை தமிழகத்தின் கோரிக்கைளுக்கு செவிசாய்க்கவில்லை. மாணவி அனிதா தற்கொலை<
கடந்த 2017ம் ஆண்டு நீட் தேர்வில் விலக்கு அளிக்கப்படும் என்ற நம்பிக்கையில் இருந்த மாணவி அனிதா, கடைசியில் நீட் தேர்வில் விலக்கு அளிக்கப்படாததால் தற்கொலை செய்து கொண்டார். இதேபோல் சிலர் தமிழகத்தில் தற்கொலை செய்து கொண்டனர்.

கொத்தடிமையாக இருந்த இலங்கை அகதிகளின் அரசு நிலத்தை பறித்த அதிகாரிகள்

Chinniah Kasi : கொத்தடிமையிலிருந்து மீட்கப்பட்ட இலங்கை அகதிகளின்
வாழ்வாதாரத்திற்காக கொடுத்த நிலத்தை பறித்த அதிகாரிகள்
தீக்கதிர், ஜூலை 16, 2019
திண்டுக்கல், ஜுலை 15- திண்டுக்கல் மாவட்டம் கொடைக்கா னலில் 30 ஆண்டுகளுக்கு முன் கொத்த டிமை முறையிலிருந்து மீட்கப்பட்டு திண்டுக்கல்லில் குடியமர்த்தப்பட்ட இலங்கை அகதிகளின் வாழ்வாதா ரத்திற்காக கொடுக்கப்பட்ட நிலத்தை அரசு அதிகாரிகள் சிட்டிசன் திரைப்ப டப்பாணியில் ஏமாற்றி பிடுங்கிய அதிர்ச்சியூட்டும் சம்பவம் நடை பெற்றுள்ளது. அது பற்றிய விவரம் வருமாறு. இலங்கையில் உள்ள உவா மாகாணத்தின் தலைநகர் பதுளை ஆகும். உலகின் பிரபலமான கருப்புத் தேயிலை உற்பத்தியாகும் பதுளை தேயிலைத் தோட்டத்தில் பணியாற்றிய தமிழர்கள் உள்நாட்டு யுத்தம் கார ணமாக 1976ல் வெளியேறி தமிழகத்தில் மண்டபம் முகாமுக்கு வந்தார்கள். அங்கு இருந்து சில புரோக்கர்களால் கொடைக்கானல் மலையில் வேலை வாங்கித்தருவதாக ஏமாற்றி அழைத்து வரப்பட்ட இலங்கை அகதிகள் கொடைக்கானல் பேரிஜம் ஏரிப்பகுதி யில் உள்ள ஒரு தோட்டத்தில் 1980ல் வேலைக்கு அமர்த்தப்பட்டார்கள்.
கொத்தடிமையிலிருந்து மீட்ட ஆட்சியர்

சீனாவில் பெண்களின் ஆயுள் அதிகரித்து வருவது ஏன்?

   மாலைமலர்:  சீனாவில்   வாழும் பெண்களின் சராசரி அதிகபட்ச வாழ்நாளின் ஆயுள் எதிர்பார்ப்பு அளவு தற்போது 84.63 ஆக அதிகரித்துள்ளதாக ஆய்வுகள் தெரிவிக்கின்றன. சீன மூதாட்டி! பீஜிங்: உலகளாவிய வகையில் மக்கள்தொகையில் மிகப்பெரிய நாடான சீனாவில் வாழும் மக்களின் ஆயுள் காலம் இதர மேற்கத்திய நாடுகளில் வாழ்பவர்களின் ஆயுள் காலத்தைவிட சற்று அதிகமாக இருந்து வருகிறது. குறிப்பாக, சீனாவில் ஆண்களை விட பெண்கள் அதிக ஆண்டுகள் வாழ்வதாக முன்னர் புள்ளிவிபரங்கள் வெளியாகின. கடந்த 2017-ம் ஆண்டில்  82.15 வயதாக இருந்த பெண்களின் அதிகபட்ச ஆயுள் எதிர்பார்ப்பு 2018-ம் ஆண்டு நிலவரப்படி 84.63 ஆக அதிகரித்துள்ளது.< அரசு காப்பீடு திட்டத்தின்கீழ் தாராளமான மருத்துவ வசதி மற்றும் ஆரோக்கியமான உணவு பழக்கங்களினால் அங்கு பெண்களின் ஆயுள் அதிகரித்து வருவதாக அறிந்து கொள்ள முடியும்.

நாங்குநேரியில் குமரி அனந்தன் போட்டியா? அழகிரி பேச்சால் அதிர்ச்சி?

தினமலர் : நாங்குநேரி சட்டசபை தொகுதி இடைத்தேர்தலில், தி.மு.க., போட்டியிட முடிவு செய்துள்ள நிலையில், ''அத்தொகுதியில், குமரி அனந்தனை நிறுத்தினால் என்ன,'' என, தமிழக காங்கிரஸ் தலைவர், கே.எஸ்.அழகிரி பேசியுள்ளது, கூட்டணியில் குழப்பத்தை ஏற்படுத்தி உள்ளது. கடந்த, 2016ல் நடந்த சட்டசபை தேர்தலில், நாங்குநேரி தொகுதியில், வசந்தகுமார் வெற்றி பெற்றார். சமீபத்திய லோக்சபா தேர்தலில், கன்னியாகுமரி தொகுதியில் போட்டியிட்டு வெற்றி பெற்றதால், எம்.எல்.ஏ., பதவியை, வசந்தகுமார் ராஜினாமா செய்தார். அதனால், காலியாக உள்ள, நாங்குநேரி தொகுதியில், மீண்டும் காங்கிரஸ் போட்டியிட வேண்டும் என, அக்கட்சி தலைவர்கள் விரும்புகின்றனர். ஆனால், தி.மு.க., இளைஞரணி செயலர் உதயநிதி, 'நாங்குநேரி தொகுதியை, தி.மு.க.,வுக்கு விட்டுத் தர வேண்டும்' என, வலியுறுத்தியுள்ளார்.

வைகோ : ஈழத்தை அமைப்பதற்கான செயற்திட்டம் ஒன்று இந்திரா காந்தியிடம் இருந்தது

வீரகேசரி - Priyatharshan: தமிழீழத்தை அமைப்பதற்கான செயற்திட்டம் ஒன்று இந்திரா காந்தியிடம் இருந்தது - வைகோ தகவல் " data-title="தமிழீழத்தை அமைப்பதற்கான செயற்திட்டம் ஒன்று இந்திரா காந்தியிடம் இருந்தது - வைகோ தகவல்! முன்னாள் இந்திய பிரதமர் திருமதி இந்திரா காந்தியிடம் இலங்கையில் தமிழ் ஈழத்தை உருவாக்குவதற்கான செயற்திட்டம் ஒன்று இருந்தது என்று கூறியிருக்கும் மறுமலர்ச்சி திராவிட முன்னேற்றக் கழகத்தின் பொதுச்செயலாளர் வைகோ, இராணுவ ரீதியாக தலையிட்டால் மலையகத்தில் வாழ்கின்ற தமிழ் தோட்டத்தொழிலாளர்கள் ஆபத்தில் சிக்க நேரிடும் என்று அவர் தன்னிடம் கூறியதாக தெரிவித்திருக்கிறார்.
23 வருடங்களுக்கு பிறகு பாராளுமன்றத்திற்கு (ராஜ்ய சபாவுக்கு ) தெரிவாகியிருக்கும் வைகோ ‘ த இந்து ‘ ஆங்கிலத்தினசரிக்கு நேற்று திங்கட்கிழமை அளித்திருக்கும் நேர்காணல் ஒன்றில் ” இந்திரா அம்மையார் தமிழ் ஈழத்தை உருவாக்கிக்கொடுத்திருந்தால், அவரை இலங்கை தமிழர்கள் ஆயிரம் வருடங்களுக்கு பராசக்தி என்று வழிபட்டிருப்பார்கள் ” என்று குறிப்பிட்டிருக்கிறார்.

அதானிக்கு அள்ளிக்கொடுக்கப்பட்ட விமான நிலையங்கள்! ADANI AIRPORT SCAM (KERALA)

Chozha Rajan : பாஜகவின் ஊழல்கள் ஏ டூ இஸட்! முதல் பகுதி A விளம்பரத்திலும் வெளிநாட்டு பயணத்திலும் அரசாங்கத்தை நடத்திவிடலாம் என்று வெற்று ஆடம்பரம் செய்த மோடியின் பாஜக, மத்தியப்பிரதேசத்தில் விளம்பரம் செய்ததில்கூட 14 கோடி ரூபாய் ஊழல் செய்தது. அதாவது போலியான, அல்லது பதிவே செய்யப்படாத 234 இணையதளங்களின் பெயரால் மக்கள் பணம் 14 கோடி ரூபாயை கொள்ளையடித்திருக்கிறது...

நக்கீரன் : ஆதனூர் சோழன் : அந்தப்பக்கம் பாகிஸ்தான் மீது விமானத் தாக்குதல் என்று வேடிக்கை காட்டி பெருமிதக் கூச்சல் போட்டுக்கொண்டே, இந்தப்பக்கம் ஆறு முக்கிய விமான நிலையங்களில் 5ஐ அதானி குழுமத்தின் கவுதம் அதானிக்கு தாரைவார்த்தார் மோடி. இதையும் கேரளா முதல்வர் பினராயி விஜயன்தான் முதலில் வெளிக்கொண்டுவந்தார்.

குவைத்தில் பட்டினி.. மாரிமுத்து சுலோசனாவின் பரிதாப கதை

வீரகேசரி : இரண்டு நாட்களுக்கு ஒரு பனிஸ் மாத்திரமே உண்பதற்கு கொடுக்கப்பட்டதுடன் தினமும் சித்திரவதைக்கு உள்ளாக்கப்பட்ட நிலையில் குவைத்தில் பணிப் பெண்ணாகப் பணி புரிந்த ஒருவர் ஒருவர் நாடு திரும்பியுள்ளார்.  அணிந்திருந்த ஆடையுடன் 14 ஆம் திகதி ஞாயிற்றுக்கிழமை இலங்கையை வந்தடைந்துள்ள இவரை வெளிநாட்டு வேலை வாய்ப்பு பணியகம் வைத்தியசாலையில் அனுமதித்துள்ளது. குறித்த பெண் எஹெலியகொட பிரசேத்தைச் சேர்ந்த 4 பிள்ளைகளின் தயான 49 வயதுடைய மாரிமுத்து சுலோச்சனா என்பவராவார். இவர் தன்னுடைய பிள்ளைகளின் எதிர்காலத்துக்காகவும் அவர்களின் திருமணச் செலவுக்கு பணத்தைத் தேடிக் கொள்வதற்குமாகவும் கொள்வதற்காக இரண்டு வருடங்களுக்கு முன்னர் குவைத்துக்கு வீட்டு பணிப்பெண்ணாகச் சென்றுள்ளார்.

ரோஜா ஆந்திரா முதலீட்டு கழக தலைவரானார் .. தொழில் அதிபர்களுக்கு அழைப்பு

tamil.oneindia.com -VelmuruganP : திருப்பதி : நடிகையும் நகரி எம்எல்ஏவுமான ரோஜா ஆந்திர மாநில தொழிற்சாலைகள் துறை முதலீட்டு கழக அலுவலகத்தில் ஆந்திர மாநில தொழில்சாலைகள் துறை முதலீட்டு கழக தலைவராக இன்று (திங்கள்கிழமை) பொறுப்பேற்று கொண்டார்.
நடிகை ரோஜா ஒய்.எஸ்.ஆர் காங்கிரஸ் வேட்பாளராக நகரி சட்டமன்ற தொகுதியில் கடந்த 2014 ம் ஆண்டு நடை பெற்ற ஆந்திர சட்டமன்ற தேர்தலிலும் சமீபத்தில் நடை பெற்ற சட்டமன்ற தேர்தலிலும் போட்டியிட்டு வெற்றி பெற்றார். ஆந்திராவில் ஒய்.எஸ்.ஜெகன் மோகன் ரெட்டியின் ஒய்.எஸ்.ஆர் காங்கிரஸ் கட்சி ஆட்சி ஏற்பட்ட பின் ரோஜாவுக்கு ஜெகன் மோகன் ரெட்டி நிச்சயமாக அமைச்சர் பதவி வழங்குவார் என்ற எதிர்பார்ப்பு எழுந்தது.

SRM எஸ்ஆர்எம்மில் தொடரும் உயிரிழப்புகள்.. இன்று இன்னொரு மாணவன் தற்கொலை!

tamiloneindia :எஸ்ஆர்எம்மில்.. இன்று இன்னொரு மாணவன் தற்கொலை!- வீடியோ சென்னை: காட்டாங்கொளத்தூர் எஸ்ஆர்எம் பல்கலைக்கழக மாடியில் இருந்து குதித்து மாணவன் ஒருவன் தற்கொலை செய்து கொண்டுள்ள விவகாரம் அதிர்ச்சி நிறைந்த குழப்பத்தை பொதுமக்களுக்கு ஏற்படுத்தி உள்ளது.
சென்னையை அடுத்துள்ள காட்டாங்குளத்தூரில் பல நூறு ஏக்கர் பரப்பளவில் அமைந்துள்ளது எஸ்ஆர்எம் பல்கலைக்கழகம். இந்திய ஜனநாயக கட்சி தலைவர், எம்பி பச்சமுத்துதான் இதன் சொந்தக்காரர்.
இங்கு மருத்துவம், பொறியியல் உட்பட ஏராளமான படிப்புகள் கற்பிக்கப்படுகின்றன. இதை தவிர மிகப்பெரிய ஆஸ்பத்திரியும் இந்த வளாகத்துக்கு உள்ளேயே செயல்பட்டு வருகிறது.
இங்கு படிப்பவர்களில் பெரும்பாலானோர் வெளிமாநிலங்கள், வெளி மாவட்டங்களை சேர்ந்தவர்கள்தான். இதில் நிறைய பேர் வசதியான வீட்டு பிள்ளைகள்தான். இதனால் இவர்கள் தங்குவதற்காக ஹாஸ்டலும் எஸ்ஆர்எம்முக்கு உள்ளது.

300 கோடி மதிப்பில் 13 இடங்களில் மேம்பாலங்கள்... -முதல்வர்!

zeenews.india.com/tamil : ரூபாய் 300 கோடி மதிப்பில் சாலை பாதுகாப்பு பணிகளுக்கான திட்டங்களை இன்று தமிழக முதல்வர் எடப்பாடி பழனிச்சாமி சட்டசபையில் அறிவித்துள்ளார்! ரூபாய் 300 கோடி மதிப்பில் சாலை பாதுகாப்பு பணிகளுக்கான திட்டங்களை இன்று தமிழக முதல்வர் எடப்பாடி பழனிச்சாமி சட்டசபையில் அறிவித்துள்ளார்!
தமிழக சட்டசபையில் மானிய கோரிக்கை மீதான விவாதம் நடைபெற்று வருகிறது. இந்நிலையில் இன்று நெடுஞ்சாலை துறை மானிய கோரிக்கை மீதான விவாதங்கள் நடைபெற்றன.
அப்போது முதல்வர் எடப்பாடி பழனிச்சாமி பேசுகையில் சென்னையில் போக்குவரத்து நெரிசலை குறைக்கும் வகையில் பெருங்களத்தூர் முதல் சிங்கப்பெருமாள் கோவில் வரை உள்ள 4 வழிச்சாலை 8 வழிச்சாலையாக மாற்றும் பணிகள் தொடங்கப்பட்டுள்ளன.

தேசிய புலனாய்வு முகமைக்கு அதிக அதிகாரம் .. பாசிசத்துக்கு வரவேற்பு ...

மின்னம்பலம் :தேசிய புலனாய்வு முகமைக்கு கூடுதல் அதிகாரம் அளிக்கும் சட்டத் திருத்த மசோதா இன்று மக்களவையில் நிறைவேறியது.
தேசிய புலனாய்வு முகமைக்கு கூடுதல் அதிகாரம் வழங்குவது தொடர்பான சட்டத் திருத்த மசோதா இன்று (ஜூலை 15) மக்களவையில் கொண்டுவரப்பட்டது. ஆனால் இந்த மசோதாவிற்கு காங்கிரஸ், கம்யூனிஸ்ட், திமுக உள்ளிட்ட கட்சிகள் கடும் எதிர்ப்பு தெரிவித்தன.
விவாதத்தில் மீது திமுக சார்பில் பேசிய ஆ.ராசா, “நமது நாடு ஒரு மதச்சார்பற்ற நாடு. சமூக ஜனநாயக குடியரசு என்றுதான் அரசியல் சாசனத்தின் முகவுரையில் குறிப்பிடப்பட்டுள்ளது. இந்தியாவின் குற்றவியல் சட்டங்கள் மதச்சார்பற்றவையாக உள்ளன. இந்த சட்டங்கள் மதச்சார்பற்றவையாக தொடர்வதை அனைவரும் உறுதி செய்ய வேண்டும். தீவிரவாதத்திற்கு எதிராக என்.ஐ.ஏ மேற்கொள்ளும் நடவடிக்கைகள் ஒரு குறிப்பிட்ட சமூகத்தினரிடையே அச்ச உணர்வை ஏற்படுத்தாமல் பார்த்துக்கொள்ள வேண்டும்.

நீதிபதிகளை மை லார்ட் என்று இனி அழைக்கதேவை இல்லை.. ராஜஸ்தான் நீதிபதி ..

மாலைமலர் :ராஜஸ்தான் மாநிலத்தில் நீதிபதிகளை இனி வக்கீல்கள் ‘மை லார்ட்’ என்று அழைக்க வேண்டாம் என வழக்கறிஞர்களை அம்மாநில உயர் நீதிமன்றம் அறிவுறுத்தியுள்ளது.
நீதிபதிகளை இனி ‘மை லார்ட்’ என்று அழைக்க வேண்டாம்
ஜெய்ப்பூர்: வெள்ளையர்கள் நம் நாட்டை ஆண்டபோது பிரிட்டன் நாட்டை சேர்ந்த சிலர் சென்னை, கொல்கத்தா, அகமதாபாத் உள்ளிட்ட உயர் நீதிமன்றங்களில் நீதிபதிகளாக பதவி வகித்தனர். அங்கு நடைபெறும் வழக்கு விசாரணைகளில் முன்னர் ஆஜரான நீதிபதிகளை வக்கீல்கள் ‘மேன்மை தங்கிய எஜமானரே’ என்னும் பொருள்பட மை லார்ட்’ என்று அழைத்துப் பேசுவது மரியாதைசார்ந்த மரபாக இருந்து வந்தது.
நாடு சுதந்திரம் பெற்ற பின்னர் காலப்போக்கில் பல உயர் நீதிமன்றங்களில் இந்த பழக்கம் வழக்கொழிந்து போனது. ஆனால், சில நீதிமன்றங்களில் இது இன்னும் நடைமுறையில் உள்ளது. வெள்ளையர்கள் ஆட்சிக் காலத்தில் நீதிபதிகள் இந்நிலையில், இந்திய அரசியலமைப்பு சட்டத்தின் முன்னர் அனைவரும் சமம் என குறிப்பிட்டுள்ள அம்சத்துக்கு மதிப்பளிக்கும் வகையில் நீதிமன்றத்தில் ஆஜராகி வாதாடும் வக்கீல்கள் நீதிபதிகளை இனி ‘மை லார்ட்’ என்று அழைக்க வேண்டாம் என ராஜஸ்தான் மாநில ஐகோர்ட் இன்று அறிவுறுத்தியுள்ளது.

சிறையில் சரவண பவன் ராஜகோபால் கவலைக்கிடம்.. மருத்துவர்கள் தகவல்

Neelakandan S/tamil.oneindia.com : சென்னை: ஜீவஜோதி என்பவரது கணவர் சாந்தகுமரை கொலை செய்த வழக்கில், ஆயுள் தண்டனை பெற்ற சரவணபவன் ஓட்டல் உரிமையாளர் ராஜகோபால் கவலைக்கிடமாக உள்ளதாக தகவல் வெளியாகியுள்ளது. 

ஆயுள் தண்டனையை அனுபவிப்பதற்காக நீதிமன்றத்தில் சரணடைந்த ராஜகோபால், கடந்த சில நாட்களாக சிகிச்சைக்காக சென்னை ஸ்டான்லி அரசு மருத்துவமனையில்  அனுமதிக்கப்பட்டுள்ளார். 

 கொலை வழக்கில் தண்டனை பெற ராஜகோபாலுடன் சரணடைந்த ஜனார்த்தனன் என்பவருக்கும், ஸ்டான்லி மருத்துவமனையில் சிகிச்சை அளிக்கப்பட்டு வருகிறது. 

ஜாதகம், ஜோதிடத்தில் அதீத நம்பிக்கை கொண்டிருந்த சரவணபவன் ஓட்டல் உரிமையாளர் ராஜகோபால் கடந்த 20 ஆண்டுகளுக்கு முன்னர் தொழிலில் சில சறுக்கல்கள் ஏற்பட்டதை அடுத்து ஜோதிடரை அணுகி ஆலோசனை கேட்டார். அப்போது சிறிய வயது பெண்ணை 3-ஆவதாக திருமணம் செய்தால் உங்கள் வாழ்வில் ஏற்றம் வரும் என ஜோதிடர் கூறியுள்ளார்.

மருத்துவ மேற்படிப்புக்கு ‘நீட்’ தேர்வு இல்லாமல் மாணவர் சேர்க்கை மத்திய அரசு திட்டம்

 தினதந்தி :   புதுடெல்லி, எம்.பி.பி.எஸ்., பி.டி.எஸ். போன்ற இளநிலை மருத்துவ படிப்புகளுக்கும், எம்.டி., எம்.எஸ். போன்ற முதுநிலை மருத்துவ படிப்புகளுக்கும் நீட் தேர்வு மூலம் மாணவர்கள் தேர்ந்தெடுக்கப்படுகிறார்கள். இந்நிலையில், முதுநிலை மருத்துவ படிப்புகளுக்கு நீட் தேர்வை ரத்து செய்ய மத்திய அரசு முடிவு செய்துள்ளது.
இந்திய மருத்துவ கவுன் சிலுக்கு மாற்றாக, தேசிய மருத்துவ ஆணையத்தை உருவாக்கும் வரைவு மசோதாவை மத்திய சுகாதார அமைச்சகம் உருவாக்கி உள்ளது.
அதில், முதுநிலை மருத்துவ படிப்புகளுக்கு நீட் தேர்வை ரத்து செய்வதற்கான திருத்தம் சேர்க்கப்பட்டுள்ளது.
இந்த திருத்தத்துடன் கூடிய வரைவு மசோதா, விரைவில் மத்திய மந்திரிசபையின் ஒப்புதலுக்கு அனுப்பப்படும் என்று மத்திய அரசு உயரதிகாரிகள் தெரிவித்தனர். மத்திய மந்திரிசபையின் ஒப்புதலுக்கு பிறகு, நாடாளுமன்றத்தில் மசோதா தாக்கல் செய்யப்பட்டு நிறைவேற்றப்பட உள்ளது.
இதுகுறித்து அதிகாரிகள் மேலும் கூறியதாவது:- புதிய திருத்தத்தின்படி, எம்.பி.பி.எஸ். இறுதி ஆண்டு தேர்வு, நாடு முழுவதும் ‘நேஷனல் எக்ஸிட் டெஸ்ட்’ (நெக்ஸ்ட்) என்ற பெயரில் பொதுவான தேர்வாக நடத்தப்படும்.
அந்த தேர்வில் எடுத்த மதிப்பெண்கள் அடிப்படையில், முதுநிலை மருத்துவ படிப்புகளுக்கு மாணவர்கள் சேர்க்கப்படுவார்கள்.
 எம்.பி.பி.எஸ். இறுதி ஆண்டு தேர்வை முடித்த பிறகு, முதுநிலை மருத்துவ படிப்புகளில் சேருவதற்காக அவர்கள் நீட் போன்ற எந்த நுழைவுத்தேர்வும் எழுத வேண்டியது இல்லை.

சந்திராயன் 2 விண்கலம் தற்காலிக நிறுத்தம் .. ISRO தொழில் நுட்ப கோளாறு ..

தினத்தந்தி :அதிகாலை 2.51 மணிக்கு ஏவப்படவிருந்த சந்திரயான் - 2 கவுண்ட்டவுன் திடீரென தற்காலிகமாக நிறுத்தப்பட்டது.
ஸ்ரீஹரிகோட்டா, ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் ஏவுதளத்தில் இருந்து சந்திரயான்-2 விண்கலம், அதிகாலை 2.51 மணிக்கு விண்ணில் செலுத்தப்பட இருந்தது. இதற்கான 20 மணி நேர கவுண்ட்டவுன் நேற்று காலை தொடங்கியது. இந்நிலையில் அதிகாலை 2.51 மணிக்கு ஏவப்படவிருந்த சந்திரயான் - 2 கவுண்ட்டவுன் திடீரென நிறுத்தப்பட்டது. தொழில் நுட்ப கோளாறு காரணமாக கவுண்ட்டவுன் நிறுத்தப்பட்டிருப்பதாக தகவல் வெளியாகி உள்ளது.
 பாகுபலி ஏவுகணை என்றழைக்கப்படும் மார்க் -3 ஏவுகணை மூலம் சந்திரயான் - 2 ஏவப்படவிருந்தது. நிலவின் தென் பகுதியை ஆராயும் பணியை மேற்கொள்வதற்காக சந்திரயான் - 2 ஏவப்படவிருந்தது.