மாணவி காரில் பாலியல் வன்கொடுமை 5 மாணவர்கள் கைது .. மங்களூர்

மாலைமலர் ; மங்களூரில் கல்லூரி மாணவியை காருக்குள் 5 மாணவர்கள் சேர்ந்து பாலியல் பலாத்காரம் செய்தது தொடர்பாக அவர்களை போலீசார் கைது செய்து விசாரணை நடத்தி வருகின்றனர்.
பெங்களூர்: கர்நாடக மாநிலம் மங்களூர் பகுதியில் கடந்த சில நாட்களுக்கு முன்பு வாட்ஸ் அப்பில் ஆபாச வீடியோ ஒன்று பரவியது.
காரில் அரைகுறை ஆடையுடன் இருக்கும் பெண்ணிடம் 5 வாலிபர்கள் தகாத முறையில் ஈடுபடுவதும், பாதிக்கப்பட்ட பெண் போதையில் இருப்பதும் வீடியோவில் பதிவு செய்யப்பட்டிருந்தது கடும் அதிர்ச்சியை ஏற்படுத்திய இந்த ஆபாச வீடியோ மாநிலம் முழுவதும் பெரும் பாலான பகுதிகளில் வாட்ஸ் அப்பில் பரவியது.
அதில் இருக்கும் பெண் யார்? அவரிடம் அத்துமீறி நடந்துகொள்ளும் 5 வாலிபர்கள் யார்? என்பது தெரியாமல் இருந்தது. இதனைத்தொடர்ந்து இந்த இளைஞர்கள் மீது கடும் நடவடிக்கை எடுக்க வேண்டும் என்கிற கோரிக்கை வலுப்பெற்றது.
இந்த சம்பவம் தொடர்பாக கர்நாடக மாநிலம் போலீஸ் அதிகாரிகள் தாமாகவே முன்வந்து வழக்குப்பதிவு செய்தனர். மங்களூர் அருகே உள்ள தச்சினகன்னடா போலீஸ் நிலையத்தில் இந்த சம்பவம் தொடர்பாக வழக்குப்பதிவு செய்யப்பட்டது.

உதயநிதி நியமனம் - குடும்பத்தில் நடந்த சென்டிமென்ட் போராட்டம்!

மின்னம்பலம் :

மொபைல் டேட்டா ஆன் செய்யப்பட்ட கொஞ்ச நேரத்தில் வாட்ஸ் அப் ஆன்லைனில் வந்தது. அறிவாலயத்துக்கும் அன்பகத்துக்கும் இடையே நடந்துவரும் கொண்டாட்ட புகைப்படங்களை முதலில் அனுப்பிவிட்டு, மெசேஜை டைப் செய்யத் தொடங்கியது.
“திமுகவின் இளைஞரணிச் செயலாளராக உதயநிதி ஸ்டாலின் இன்று அறிவிக்கப்பட்டிருக்கிறார். மக்களவைத் தேர்தலில் திமுக வெற்றிபெற்ற நாளில் இருந்தே உதயநிதிக்கு மாநில இளைஞர் அணிச் செயலாளர் பதவி கொடுக்கப்பட வேண்டும் என்ற குரல் அவரது குடும்பத்தில் இருந்து புறப்பட்டது. அன்பில் மகேஷ் உள்ளிட்ட திமுக சட்டமன்ற உறுப்பினர்கள், கட்சி நிர்வாகிகளால் கட்சியில் இதற்கான கருத்துருவாக்கம் செய்யப்பட்டது.
ஸ்டாலினும் கேட்டவுடனே, இதை தூக்கி எடுத்துக் கொடுத்துவிடாமல் கொஞ்ச நாள் போகட்டும் என்றுதான் சொல்லிப் பார்த்தார். ஆனால் கட்சியில் உதயநிதிக்கான லாபி அதிகரித்துக் கொண்டே போக ஒரு கட்டத்தில் குடும்பத்தின், கட்சியின் விருப்பத்தைப் பூர்த்தி செய்யும் பொருட்டு இதற்கான சம்மதத்தை தெரிவித்தார். காரணம் ஸ்டாலினைச் சுற்றியிருக்கும் சில சீனியர்கள் உதயநிதியின் திடீர் ப்ரமோஷன் பற்றி தங்கள் வட்டாரத்தில் அடித்து வரும் கமெண்ட்டுகளும் ஸ்டாலின் காதுகளுக்குப் போயிருக்கின்றன. அவர்களும் இதைக் குறையாகச் சொல்லவில்லை.

காதல் திருமண தம்பதி மர்ம கும்பலால் வீடு புகுந்து கொலை ..தூத்துகுடி விளாத்திகுளம்

தினத்தந்தி : தூத்துக்குடி மாவட்டம் விளாத்திகுளம்
அருகே குளத்தூர்
பகுதியில் ஒரே ஜாதியில் வெவ்வேறு பிரிவினரான சோலைராஜ் (வயது 24) மற்றும் ஜோதி (வயது 21) கடந்த சில ஆண்டுகளாக காதலித்து வந்தனர்.
இவர்களது காதலுக்கு பெற்றோர் தரப்பில் எதிர்ப்பு தெரிவிக்கப்பட்டது. எனினும், பெற்றோர் எதிர்ப்பினையும் மீறி அவர்கள் திருமணம் செய்து கொண்டு குளத்தூர் சமத்துவபுரத்தில் ஒன்றாக வசித்து வந்தனர்.
 இந்த நிலையில், இன்று காலை அந்த தம்பதியின் வீட்டிற்குள் புகுந்த மர்ம கும்பல் ஒன்று அவர்களை கொலை செய்து விட்டு அங்கிருந்து தப்பி சென்றுள்ளது. இதுபற்றி போலீசார் விசாரணை மேற்கொண்டு உள்ளனர்.

நான் பதவி விலகி விட்டேன்; ராஜினாமா கடிதத்தை வெளியிட்ட ராகுல் காந்தி

zeenews.india.com - shiva-murugesan-:

புது டெல்லி: 2019 மக்களவைத் தேர்தலில் காங்கிரஸ் கட்சியின் தோல்விக்குப் பொறுப்பேற்று பதவி விலகிவிட்டதாக அகில இந்திய காங்கிரஸ் கமிட்டியின் தலைவர் ராகுல் காந்தி தெரிவித்துள்ளார். அதற்கான கடிதத்தை தனது ட்விட்டர் பக்கத்தில் வெளியிட்டுள்ளார்.
நாடு முழுவதும் 542 தொகுதிகளுக்கு நடைபெற்ற 2019 மக்களவை தேர்தலில் தேசிய ஜனநாயக கூட்டணி 353 இடங்களில் வெற்றி பெற்றது. அதில் பாஜக மட்டும் 303 இடங்களில் வெற்றி பெற்று தனிப் பெரும்பான்மையுடன் மத்தியில் ஆட்சியை பிடித்தது. இரண்டாவது முறையாக மோடி பிரதமராக பதவியேற்றுக் கொண்டார்.< பாஜகவுக்கு எதிராக போட்டியிட்ட காங்கிரஸ் கட்சி வெறும் 52 இடங்களில் மட்டும் தனித்து வெற்றி பெற்றது. அதன் தலைமையிலான ஐக்கிய முற்போக்கு கூட்டணி 91 இடங்களிலும் வென்றன. மற்ற கட்சிகள் 98 இடங்களில் வெற்றி பெற்றன. எதிர்க்கட்சி அந்தஸ்தையும் காங்கிரஸ் இழந்துள்ளது.

உச்ச நீதிமன்ற தீர்ப்பு வெளிவரும் மொழிப்பட்டியலில் தமிழ்மொழி இடம்பெறாததுமிகுந்த ஏமாற்றம் தருகிறது: திமுக தலைவர் மு.க.ஸ்டாலின்

தினகரன்  : சென்னை: செம்மொழியாம் தமிழ்மொழி உச்ச நீதிமன்றத்தின் பட்டியலில் இல்லாதது மிகுந்த ஏமாற்றம் அளிக்கிறது என்று திமுக தலைவர் மு.க.ஸ்டாலின் கூறியுள்ளார். இதுகுறித்து அவர் வெளியிட்டுள்ள அறிக்கை: இந்திய உச்ச நீதிமன்றத்தின் தீர்ப்புகளை மாநில மொழிகளிலும் மொழியாக்கம் செய்து வெளியிடுவதற்கு, உச்ச நீதிமன்றத் தலைமை நீதிபதி விரும்புவதாக வெளிவந்துள்ள செய்தி மகிழ்ச்சியளிக்கிறது.
திமுக சார்பில், இந்த நல்ல முயற்சியை மனதார வரவேற்கிறேன். வழக்குகளை தொடுப்பவர்கள் மொழிப் பிரச்னையின்றி - எந்தவித குழப்பமும் சந்தேகமும் இல்லாமல் தீர்ப்புகளின் சாரம்சத்தைத் தெளிவாகப் புரிந்து கொள்ளவும், வழக்கை நடத்திய தங்களது வழக்கறிஞர்கள் எடுத்து வைத்த வாதங்களையும், எதிர்த் தரப்பின் பிரதிவாதங்களையும் நன்கு தெரிந்து புரிந்து கொள்ள வழிவகுக்கும் இந்த முயற்சி இந்திய நீதி பரிபாலனச் சரித்திரத்தில் மிக முக்கிய மைல்கல் என்றே கருதுகிறேன்.

தமிழக அரசின் நிலம் கையகப்படுத்தும் சட்டம் ரத்து!’ - சென்னை உயர் நீதிமன்றம் அதிரடி

vikatan.com - கலிலுல்லா.ச : நிலம் கையகப்படுத்தல் தொடர்பாக 2015-ம் ஆண்டு தமிழக அரசு கொண்டு வந்த சட்டத்தை சென்னை உயர் நீதிமன்றம் ரத்து செய்தது.

அரசு திட்டங்களுக்காகத் தனியார் நிலங்கள் கையகப்படுத்த, நியாயமான இழப்பீடு, வெளிப்படைத்தன்மை, மறுவாழ்வு மற்றும் மறு குடியமர்வு என்ற சட்டத்தை மத்திய அரசு 2013-ம் ஆண்டு கொண்டு வந்தது. மத்திய அரசின் இந்தப் புதிய சட்டத்திலிருந்து மாநில அரசின் நில கையகப்படுத்தும் சட்டங்களான மாநில நெடுஞ்சாலைகள் சட்டம், தொழில் பயன்பாட்டுக்கான நிலம் கையகப்படுத்தும் சட்டம் மற்றும்  ஹரிஜன் நல சட்டம் ஆகிய சட்டங்களை பாதுகாக்கும் வகையில் 2015-ம் ஆண்டு தமிழக அரசு 105 (a) என்ற சட்டப் பிரிவை சேர்த்து நியாயமான இழப்பீடு, வெளிப்படைத்தன்மை, மறுவாழ்வு மற்றும் மறு குடியமர்வு என்ற சட்டத்தைக் கொண்டு வந்தது. மத்திய அரசு சட்டம் கொண்டு வந்து ஒன்றரை ஆண்டுகளுக்குப் பிறகு, தமிழக அரசு கொண்டு வந்த இந்தப் புதிய சட்டம் செல்லாது என அறிவிக்கக் கோரி ராமநாதபுரத்தைச் சேர்ந்த கருணாநிதி உட்பட 100-க்கும் மேற்பட்ட விவசாயிகள் சென்னை உயர் நீதிமன்றத்தில் வழக்கு தொடர்ந்தனர்.

நாடாளுமன்றத்தில் ஆ.ராசாவின் துரோணர் - ஏகலைவன் முழு பேச்சு ....

DMK Parliament : பொருளாதார அடிப்படையிலான இடஒதுக்கீடு அரசியல் சட்டத்துக்கு விரோதமானது.
 சட்டத்தை போதிய காலாவகாசத்தை யாருக்கும் தராமல் இரண்டே நாட்களில் அவசர அவசரமாக நிறைவேற்றியுள்ளது அரசின் நோக்கத்தை சந்தேகிக்க வைக்கிறது.
 பொருளாதாரத்தில் நலிவுற்ற உயர்சாதி மக்கள் அனைவருக்கும் கல்விக்கான உதவித்தொகை அளிப்பதன் மூலமாகவோ, கல்விக்கடன்கள் வழங்குவதன் மூலமாகவோ உதவ விரும்பினால் தாராளமாக உதவலாம். ஏன் அவர்கள் கல்விக்கட்டணம் முழுவதையும் கூட ரத்து செய்யலாம். அதை நாங்கள் முழுமனதுடன் வரவேற்கிறோம்.
 ஆனால் அவர்களுக்கு 10% இடஒதுக்கீடு வழங்குவதன் மூலம் சமூகரீதியிலும் கல்வியிலும் நலிவுற்ற பிற்படுத்தப்பட்ட, தாழ்த்தப்பட்ட மக்களுக்கான இடங்களை அபகரித்து நீங்கள் அவர்களை அமரவைக்க முயல்கிறீர்கள் என்று நான் சந்தேகிக்கிறேன்.

10% இட ஒதுக்கீட்டை தமிழ்நாட்டில் திணிக்க போலி வாக்குறுதிகள் ஆசை வார்த்தைகள் ..

மத்திய அரசு தன்னுடைய உயர்ஜாதிகளுக்கான 10% இட ஒதுக்கீட்டை தமிழ்நாட்டின் மீது திணிப்பதற்காக செய்யும் மாய்மாலத்துக்கு மயங்கி இப்போது இவர்கள் அனுமதித்தால் எதிர்காலம் இன்றைய திராவிடர் இயக்க அமைப்புகள், கட்சிகள் மற்றும் அதன் தலைமைகளை ஒருநாளும் மன்னிக்காது.
இதில் திமுக தலைவர் மு க ஸ்டாலின் எடுத்திருக்கும் நிலைப்பாடே மிகச்சரியானது. அதை மற்ற அனைவரும் ஆதரிக்கவேண்டும். மத்திய அரசின் தேன் தடவிய விஷத்தை முற்று முழுதாக நிராகரிக்க வேண்டும்.
உயர்ஜாதிகளுக்கான இட ஒதுக்கீட்டை தமிழக அரசு ஏற்றுக்கொண்டால் தமிழ்நாட்டுக்கு 1000 மருத்துவ இடங்களை கூடுதலாக தருவதாக மத்திய அரசு சொல்வது சுத்த மாய்மாலம்.
தமிழ்நாட்டின் மருத்துவக்கல்வி மீது மத்திய அரசுக்கு உண்மையிலேயே அவ்வளவு கருணை இருந்தால் அக்கறை இருந்தால் NEETஇல் இருந்து தமிழ்நாட்டுக்கு விலக்களிக்க வேண்டும் என்று கோரி தமிழக சட்டமன்றம் ஒருமனதாக நிறைவேற்றிய சட்டத்திற்கு ஏன் மத்திய அரசோ இந்திய மருத்துவ கவுன்சிலோ மதிப்பளிக்கவில்லை? ஏற்கவில்லை?
ஆண்டுதோறும் அனிதாக்களை கொல்லும் NEET தேர்வை தமிழ்நாட்டின் மீது தொடர்ந்து திணித்துக்கொண்டே ஆயிரம் மருத்துவ மாணவர் இடங்களை கூடுதலாக தருவோம் என்று ஆசை காட்டுவது எவ்வளவு பெரிய அயோக்கியத்தனம்? கொலைகாரன் தன் இழப்பீட்டை அதிகரிப்பதாக சொல்வதற்கு ஒப்பானதல்லவா மத்திய அரசின் இந்த அணுகுமுறை?
உயர்ஜாதி மாணவர்களின் மருத்துவ கனவுக்காகவும் அதில் கூடுதலாக தங்களுக்கு வரக்கூடிய கோடிக்கணக்கான வரும்படிக்காகவும் மட்டுமே இந்த அதிமுக அரசும் அமைச்சரும் ஆளாய் பறக்கிறார்களே தவிர இதில் மாநில நலனோ மருத்துவ கல்வி மேம்பாடோ தமிழ்நாட்டு பள்ளி மாணவர் நலனோ துளியும் இல்லை.

10%: தலைவர்களுடன் அமைச்சர் ரகசிய சந்திப்பு

மின்னம்பலம் :
பொருளாதாரத்தில் நலிந்த பொதுப்பிரிவினருக்கான 10% இட ஒதுக்கீட்டை தமிழகம் அமல்படுத்தினால் தமிழகத்திலுள்ள மருத்துவக் கல்லூரிகளில் 25% இடங்கள் கூடுதலாகக் கிடைக்கும் என்று இந்திய மருத்துவக் கவுன்சில் தமிழக அரசுக்கு கடிதம் எழுதியிருக்கிறது.
இதை நேற்று (ஜூலை 2) சுட்டிக்காட்டி சட்டமன்றத்தில் கவன ஈர்ப்புத் தீர்மானம் கொண்டுவந்தார் திமுக தலைவர் மு.க.ஸ்டாலின். “மத்திய அரசு அளிக்கும் 25% சலுகை என்பது மெல்லக் கொல்லும் விஷம் போன்றது. எனவே இந்த மயக்கத்திலும், கவர்ச்சியிலும் தமிழகம் ஏமாந்துவிடக் கூடாது” என்று கேட்டுக் கொண்டார் அவர்.
காங்கிரஸ், முஸ்லிம் லீக் உறுப்பினர்களும் இந்த விவகாரம் குறித்து பேசியபின் பதிலளித்த சுகாதாரத் துறை அமைச்சர் விஜயபாஸ்கர், “10% இட ஒதுக்கீட்டை தமிழகம் அமல்படுத்தினால், ஆயிரம் எம்.பி.பி.எஸ் இடங்கள் கூடுதலாகக் கிடைக்கும். அதில் மத்திய ஒதுக்கீட்டுக்கு 150 இடங்கள் போல தமிழகத்துக்கு 850 இடங்கள் கிடைக்கும். அதில் பொதுப் பிரிவுக்கு 264 இடங்கள் போக, 69 % இட ஒதுக்கீட்டுக்கு 856 இடங்கள் கிடைக்கும். இதற்கான அடிப்படை வசதிகளை மேம்படுத்த 5 ஆண்டுகள் வரை சலுகை வழங்கப்படும் என்றும் இந்திய மருத்துவ கவுன்சில் கூறியிருப்பதை இந்தப் பேரவைக்குத் தெரிவிக்க விரும்புகிறேன். இதுகுறித்து அனைத்துக் கட்சிகளுடன் ஆலோசனை நடத்தி முடிவெடுக்கப்படும்” என்று குறிப்பிட்டார்.

தினகரன் : நிர்வாகிகள் விலகலை சசிகலா பெரிதாக எடுத்துக்கொள்ளவில்லை!

மின்னம்பலம் : சசிகலா சந்தித்த பிறகு பேட்டியளித்த தினகரன், நிர்வாகிகள் விலகல் தொடர்பான சசிகலாவின் கருத்து குறித்து பேட்டியளித்துள்ளார்.
மக்களவைத் தேர்தலில் அமமுக படுதோல்வியை சந்தித்த நிலையில், அடுத்தடுத்து பல்வேறு நிர்வாகிகள் அக்கட்சியிலிருந்து விலகி மாற்றுக்கட்சிகளில் இணைந்து வருகிறார்கள். தினகரனின் முக்கிய
தளபதிகளில் ஒருவராக இருந்த தங்க தமிழ்ச்செல்வன் அமமுகவிலிருந்து விலகி திமுகவில் இணைந்தார். அதேபோல முன்னாள் அமைச்சர் இசக்கி சுப்பையா அமமுகவிலிருந்து விலகி அதிமுகவில் இணையவுள்ளார். தினகரன் ஆதரவு சட்டமன்ற உறுப்பினர்களான ரத்தினசபாபதி, கலைச்செல்வன் ஆகியோர் முதல்வரை சந்தித்து அதிமுகவில் மீண்டும் செயலாற்ற உள்ளதாக தெரிவித்துள்ளனர்.
தொடர்ந்து நிர்வாகிகள் விலகி வரும் சூழலில், இன்று (ஜூலை 3) பெங்களூரு சென்ற அமமுக பொதுச் செயலாளர் டிடிவி தினகரன், பரப்பன அக்ரஹாரா சிறையில் சசிகலாவை சந்தித்துப் பேசினார். அப்போது கட்சியைப் பதிவு செய்வது குறித்து விவாதித்தவர், புதிய நிர்வாகிகள் பட்டியலை காட்டி ஒப்புதல் பெற்றிருக்கிறார். மேலும் நிர்வாகிகள் விலகிவருவது குறித்து இருவரும் நீண்ட நேரம் ஆலோசனை நடத்தியுள்ளனர்.

நிர்மலா சீதாராமன் : பணமதிப்பழிப்பால் பாதிப்பு இல்லை...!

ஏற்கனவே தமிழகம் கொடுக்கும் ஒவ்வொரு ரூபாய்க்கும் 43 சதம்தான் தருகிறார்கள்

மின்னம்பலம் : மத்திய அரசு மேற்கொண்ட
பணமதிப்பழிப்பு நடவடிக்கையால் இந்தியப் பொருளாதாரத்தில் பாதிப்பு எதுவும் ஏற்படவில்லை என்று நிர்மலா சீதாராமன் தெரிவித்துள்ளார்.
நாட்டில் கருப்புப் பணம் மற்றும் கள்ள நோட்டுப் புழக்கத்தை ஒழிக்கும் நோக்கத்தில் மத்திய மோடி அரசால் 2016ஆம் ஆண்டின் நவம்பர் மாதம் 8ஆம் தேதி பணமதிப்பழிப்பு நடவடிக்கை மேற்கொள்ளப்பட்டது. இதன்படி புழக்கத்தில் இருந்த உயர் மதிப்பு நோட்டுகளான ரூ.500 மற்றும் ரூ.1,000 ஆகியவை செல்லாதவையாக அறிவிக்கப்பட்டு, அவற்றுக்குப் பதிலாகப் புதிய வடிவிலான நோட்டுகள் அச்சிடப்பட்டு மக்களின் பயன்பாட்டுக்கு விடப்பட்டன. இந்த நடவடிக்கையால் பொதுமக்களின் இயல்பு வாழ்க்கை பாதிக்கப்பட்டதோடு, சிறு, குறு தொழில் நிறுவனங்கள் பல இயங்க முடியாமல் முடங்கின. பணமதிப்பழிப்பின் பாதிப்புகள் சீராகி இயல்பு நிலை திரும்பக் கிட்டத்தட்ட இரண்டு ஆண்டுகள் ஆகிவிட்டன.

உதயநிதி ஸ்டாலின் இளைஞர் அணி தலைவராக நாளை பதவியேற்கிறார்

வெப்துனியா :உதயநிதி ஸ்டாலின் நாளை திமுகவின் முக்கிய பதவிக்கு
தேர்ந்தெடுக்கப்பட போவதாக தகவல்கள் வெளியாகியுள்ளன.
தனது தாத்தா இருந்தவரை சினிமாவில் ஆர்வம் காட்டி வந்த உதயநிதி ஸ்டாலின். தாத்தா இறந்து, அப்பா ஸ்டாலின் தலைவராக பதவியேற்றது அரசியலில் ஆர்வம் காட்ட ஆரம்பித்தார்.
கடந்த மக்களவை தேர்தல் மற்றும் இடைதேர்தலில் தமிழகமெங்கும் சுற்றுப்பயணம் செய்து பிரச்சாரம் செய்தார். கட்சியிலும், நிர்வாகிகள் மத்தியிலும் நற்பெயரை பெற்றார். இந்நிலையில் சமீப காலமாக ஸ்டாலின் வகித்து வந்த “இளைஞர் அணி செயலாளர்” பதவியை தலைமை உதயநிதிக்கு அளிக்கப்போவதாக பேசப்பட்டு வந்தது.

அரசியல் அதிகாரத்துக்காக மட்டுல்ல எனது போராட்டம்!' - ராஜினாமா கடிதத்தில் ராகுல் உருக்கம்

விகடன் -கலிலுல்லா.ச : மக்களவைத் தேர்தல் தோல்விக்குப் பொறுப்பேற்று காங்கிரஸ் தலைவர் பொறுப்பிலிருந்து விலகுவதாக ராகுல்காந்தி தெரிவித்துள்ளார்.

நாடாளுமன்றத் தேர்தல் தோல்வியால் துவண்டுபோயுள்ளது காங்கிரஸ். ஆட்சியைப் பிடித்துவிடலாம் என்று நம்பியிருந்த ராகுல்காந்தி தலைமையிலான காங்கிரஸூக்கு இம்முறையும் எதிர்க்கட்சி அந்தஸ்து கிடைக்கவில்லை. இதனால் கட்சியின் தலைவர் பொறுப்பிலிருந்து விலகுகிறேன் என அவர் ராஜினாமா கொடுத்தும், அதைக் காங்கிரஸ் காரியகமிட்டி ஏற்றுக்கொள்ளவில்லை. காங்கிரஸ் முதல்வர்கள் அவரைச் சந்தித்து சமாதானம் செய்தும் பயனில்லை. அவர் தன் முடிவில் உறுதியாக இருக்கிறார். நாடாளுமன்ற வளாகத்தில் செய்தியாளர்களைச் சந்தித்த அவர், ``ராஜினாமா கடித்தத்தை ஏற்கெனவே வழங்கிவிட்டதால், நீண்ட நாள் தலைவர் பொறுப்பில் நீடிக்க முடியாது. காங்கிரஸ் காரிய கமிட்டி கூடி, புதிய தலைவரைத் தேர்வு செய்ய வேண்டும். புதிய தலைவரைத் தேர்ந்தெடுக்கும் நடைமுறைகளிலும் நான் பங்கேற்க மாட்டேன்” என்று உறுதிபட கூறியுள்ளார்.

ஆட்சிக் கவிழ்ப்பு - திமுக எம்.எல்.ஏ.க்கள் அப்செட்!

minnambalam : மொபைல் டேட்டா ஆன் லைனில் இருந்தது. வாட்ஸ் அப் தலைமைச் செயலக வளாகத்தில் இருப்பதாக லொக்கேஷன் அனுப்பியது. தொடர்ந்து செய்தியும் வந்தது.
“தமிழகத்தின் துணை முதல்வர் பன்னீர்செல்வம் உள்ளிட்ட 11 பேரை தகுதி நீக்கம் செய்யக்கோரும் வழக்கை உச்ச நீதிமன்றம் ஆறு மாதங்களுக்குப் பின் இன்று (ஜூலை 3) எடுத்துக் கொள்ளும் என்று அறிவித்த நிலையில்தான் இன்று சட்டமன்றம் காலையில் கூடியது. சட்டமன்றம் நடந்துகொண்டிருக்கும்போதே இந்த வழக்கின் தீர்ப்பு தேதியை உச்ச நீதிமன்றம் அறிவிக்கும் என்று திமுக தரப்பில் ஆர்வமாக இருந்தனர். ஆனால் இன்று பகல் 12.30 மணி வாக்கில் உச்ச நீதிமன்றம் இந்த வழக்கை எடுத்த வேகத்தில் மீண்டும் தள்ளி வைத்துவிட்டதாக தகவல் கிடைத்து அது சட்டமன்றத்துக்குள் இருக்கும் திமுக, அதிமுக என இரு தரப்பினருக்கும் தெரிவிக்கப்பட்டது.

ஓபிஎஸ் உள்பட 11 எம்எல்ஏக்கள் தகுதி நீக்க வழக்கு மீண்டும் ஒத்தி வைப்பு

tamil.samayam.com :எடப்பாடி பழனிசாமி தலைமையிலான அதிமுக அரசுக்கு எதிராக வாக்களித்த ஓ.பன்னீா்செல்வம் உள்பட 11 சட்டமன்ற உறுப்பினா்களை தகுதி நீக்கம் செய்யக் கோாிய வழக்கை தேதி குறிப்பிடாமல் உச்சநீதிமன்றம் ஒத்தி வைத்தது. சட்டமன்றத்தில் முதல்வா் பழனிசாமி நம்பிக்கை கோாிய வாக்கெடுப்பில் அரசுக்கு எதிராக வாக்களித்த ஓ.பன்னீா்செல்வம் உள்பட 11 சட்டமன்ற உறுப்பினா்களுக்கு எதிரான வழக்கு சட்டமன்றத் தலைவருக்கு எதிரான வழக்குகளை உச்சநீதிமன்றம் தேதி குறிப்பிடாமல் ஒத்தி வைத்துள்ளது. கடந்த 2016ம் ஆண்டு அப்போதைய முதல்வா் ஜெயலலிதா மறைவுக்கு பின்னா் தமிழக அரசியலில் பல்வேறு அதிரடி மாற்றங்கள் நடைபெற்றன.
அதில் ஒரு பகுதியாக ஓ.பன்னீா்செல்வம் தலைமையில் ஒரு அணியும், எடப்பாடி பழனிசாமி தலைமையில் மற்றொரு அணி என அதிமுக பிரிந்து செயல்படத் தொடங்கியது. அப்போது அதிமுக அரசு மீது தமிழக சட்டமன்றத்தில் நம்பிக்கை வாக்கெடுப்பு நடத்தப்பட்டது. நம்பிக்கை வாக்கெடுப்பின் போது ஓ.பன்னீா்செல்வம், பாண்டியராஜன், செம்மலை, சண்முகநாதன், நட்ராஜ், ஆறுகுட்டி, சின்னராஜ், மனோரஞ்சிதம், சரவணன், மாணிக்கம் மற்றும் மனோகரன் உள்ளிட்ட 11 சட்டமன்ற உறுப்பினா்கள் முதல்வா் பழனிசாமி தலைமையிலான அரசுக்கு எதிராக வாக்களித்தனா்.

பிக்பாஸ் வீட்டிற்குள் நுழைந்த இரு மாநில போலீசார்! நடிகை வனிதாவை கைது செய்ய முடியாதாம்

நடிகர் விஜயகுமாரின் மகள் வனிதா. இவர் மாணி்க்கம் படத்தில் ராஜ்கிரண் ஜோடியாகவும், சந்திரலேகா படத்தில் விஜய் ஜோடியாகவும் நடித்தார்.  கடந்த 2000ம் ஆண்டில் ஆகாஷ் என்ற டிவி நடிகரை காதலித்து திருமணம் செய்துகொண்டார்.   இவர்களுக்கு விஜய் ஸ்ரீகரி என்ற மகன் மற்றும் ஜோவிகா என்ற மகள்  உள்ளார்.  இதன் பின்னர் வனிதாவுக்கும் ஆகாஷுக்கும் விவாகரத்து ஆனது.  2007ம் ஆண்டில் ஆனந்தராஜ் என்பவரை திருமணம் செய்துகொண்டார் வனிதா.  இவர்களுக்கு ஜெயந்திகா என்ற மகள் பிறந்தார். 2010ம் ஆண்டுக்கு பின்னர் ஆனந்தராஜையும் விவாகரத்து செய்த வனிதா, நடன இயக்குநரை காதலித்து வருவதாக தகவல்.< தற்போது அவர் பிக்பாஸ்-3 நிகழ்ச்சியில் பங்கேற்றுள்ளார்.
 இந்த நிகழ்ச்சி கடந்த 9 நாட்களாக விஜய் டிவியில் ஒளிபரப்பாகி வருகிறது.  பிக்பாஸ் முதல் நாள் அறிமுக நிகழ்ச்சி்யில் வனிதாவுடன் இரு பெண் குழந்தைகளும் வந்திருந்தனர்.

தர்ம பிரபு.... எஸ் வி சேகர் : சென்சார் போர்டு வாயில் சூப்பி கொண்டிருக்கும் சுண்டு விரலை எப்ப எடுப்பிங்க.?

சென்சார் போர்டு ஆபிசர்ஸ் உங்க வாயில் வைத்து சூப்பி கொண்டிருக்கும் சுண்டு விரலை எப்ப எடுப்பிங்க..?
 துக்ளக் ஆசிரியர் சோ அவர்களை இரண்டாம் தரமாக கிண்டல் செய்து காட்சி வைத்துள்ள தர்ம பிரபு .. தர்மபிரபு என்ற தலைப்பில் ஒரு கேடுகெட்ட நாய் முத்துகுமரன் என்பவன் படம் ஒன்று இயக்கியுள்ளான்.,...அதன் கதை என்ன என்றால்..பல ஆண்டுகளுக்குப் பிறகு எமன் ஒய்வு பெற விரும்புகிறார்., அதனால் தனது மகனை (யோகி பாபு )புதிய எமனாக நியமிக்கிறார்.ஆனால் சித்திரகுப்தருக்கு எமன் பதவி - ஆசை வந்துவிடவே ,சோ.ரங்கசாமி ' என்ற நபரை 'நரகத்தில் இருந்து ' வரச்சொல்லி எமனை வீழ்த்தி பதவி பெற ஆலோசனை கேட்பார். அதற்கு அவர் பெறும் ஆலோசனை, சித்திரகுப்தாரின் சகோதரியை புதிய எமனின் படுக்கை அறைக்கு அனுப்பி இவரக்ளின் அவரை மயக்கி இவர்களின் பேச்சை கேட்க வைப்பது....!!!! புதிய எமன் அந்த பெண்ணை அடித்து விரட்டவே, அந்த 'சோ. ரங்கசாமி ' கேரக்டர் கேட்கும் கேள்வி, சரி இவர் இல்லை என்றால் உங்கள் குடும்பத்தில் வேறு பெண்கள் இருக்கிறார்களா என்று....!!!
மேலும் அந்த 'சோ ரங்கசாமி ' கேரக்டர் இதற்கு சித்திரகுப்தரிடம் கேட்கும் கைமாறு, தனக்கு சொர்க்கத்தில் ஒரு இடம் வேண்டும் என்பது.!! இன்னொரு விஷயம் சொல்லவேண்டும் என்றால் 'சோ வின் உடல்மொழியை அச்சுஅசலாக பிரதிபலித்து நடித்திருப்பது பாஸ்கி !'.படம் முழுக்க எங்கெங்கு முடியுமோ அங்கெல்லாம் இந்து மத வெறுப்பு., பிராமண வன்மம், ஈ வெ ரா வுக்கு ஜால்ரா என்று இருந்தாலும் 'சோ ' மீதான தனிப்பட்ட தாக்குதல் உச்சக்கட்டம்.

இம்ரான் கான் : கொள்ளையடித்த பணத்தை தந்துவிட்டு பாகிஸ்தானை விட்டு வெளியேறுங்கள்

மாலைமலர் : பாகிஸ்தான் முன்னாள் அதிபரும் முன்னாள் பிரதமரும் மக்களிடம் கொள்ளையடித்த பணத்தை திருப்பித் தந்துவிட்டு நாட்டை விட்டு வெளியேறுவதில் எனக்கு ஆட்சேபணை இல்லை என இம்ரான் குறிப்பிட்டுள்ளார். இஸ்லாமாபாத்: பாகிஸ்தான் முன்னாள் அதிபர் ஆசிப் அலி சர்தாரி மற்றும் முன்னாள் பிரதமர் நவாஸ் ஷெரிப் ஆகியோருக்கு எதிராக பல்வேறு ஊழல் வழக்குகள் தொடரப்பட்டுள்ளன. அவர்கள் சில வழக்குகளில் தண்டிக்கப்பட்டு சிறையில் அடைக்கப்பட்டனர். சிறையில் அடைப்பட்டிருக்கும் முன்னாள் அதிபர் ஆசிப் அலி சர்தாரி நேற்று மற்றொரு ஊழல் வழக்கில் கைது செய்யப்பட்டார். இந்நிலையில்,  மக்களிடம் கொள்ளையடித்த பணத்தை திருப்பித் தந்துவிட்டு இவர்கள் இருவரும் நாட்டை விட்டு வெளியேறுவதில் எனக்கு ஆட்சேபணை இல்லை என இம்ரான் குறிப்பிட்டுள்ளார்.

தமிழ்நாடு செய்தி ஊடக முதலாளிகளுக்கு விடப்பட்டுள்ள எச்சரிக்கை

Subaguna Rajan : பாஜக தொலைக்காட்சி விவாதங்களில் கலந்து கொள்ளாது என்ற மிரட்டல் பல கிண்டல்களால் எதிர்கொள்ளப்படுவதைக் காண
முடிகிறது. எனக்கும் மகிழ்ச்சியே. ஆனால் இதனை ஒரு சவாலான ஆபத்தாகவே கருதுகிறேன் .
ஏற்கனவே அவர்களது மக்கள் ஆதரவு சக்திக்கும் மீறிய விகிதத்தில் அவர்கள் பங்கு பெற்றனர். நெறியாளர்களையும், சக விவாத அரங்கின் பங்கேற்பாளர்களையும் மிரட்டுவதை நாராயணன் போன்றவர்கள் பலமுறை வழக்கமாக கொண்டுள்ளது ஊரறிந்த செய்தி. இது கருதியே ஊடக நெறியாளர்கள் விவாதம் முற்றிலும் பாஜக வை நோகடிப்பதாக இல்லாமல் இருப்பதை உறுதிப்படுத்துவார்கள் .அது கார்ப்பரேட் ஊடக தர்மம் . நெறியாளர்களைப் பிழை சொல்லிப் பயனில்லை.
இதுதான் நிலை எனும் போது ஏன் இந்தக் கோப ஆவேசம்?
சிலநாட்களுக்கு முன்னர் நாடாளுமன்ற மேலவையில் பேசிய திரிணமுள் காங்கிரஸ் உறுப்பினர் மொஹூவா மோய்த்ராவின் அனல் பறந்த உரையில் ஒன்றைக் குறிப்பிட்டார். இந்தியாவின் ஐந்து பெரிய ஹிங்லிஷ் செய்தி ஊடகங்களும், பெரும்பாலான இந்தி ஊடகங்களும் பாஜக/ மோடி 24/7 துதி பாடுகின்றனர் என்று. அது முற்றிலும் உண்மை என்பதை தினமும் அந்த வதையை ஏற்க வேண்டியவனாக இருக்கும் நானே சாட்சி.

பி பி சி : பிரபாகரன் சட்டவிரோத போதை பொருள்கள் மூலமாக பணம் சம்பாதித்தார் – மைத்திரிபால சிறிசேன

BBC : விடுதலைப் புலிகளின் தலைவர் வேலுப்பிள்ளை பிரபாகரன்,
சட்டவிரோத போதைப்பொருட்களின் ஊடாகவே தமக்கான வருமானத்தை பெற்றுக் கொண்டதாக ஜனாதிபதி மைத்திரிபால சிறிசேன தெரிவிக்கின்றார். கொழும்பில் இன்று இடம்பெற்ற போதைப்பொருள் ஒழிப்பு வாரத்தின் இறுதி நாள் நிகழ்வில் கலந்துக்கொண்டு உரையாற்றிய போதே அவர் இதனைக் குறிப்பிட்டார். சட்டவிரோத போதைப்பொருள் கடத்தலினால் பெற்றுக் கொள்ளப்பட்ட வருமானத்தின் ஊடாகவே, தமிழீழ விடுதலைப் புலிகள் ஆயுத கொள்வனவு உள்ளிட்ட தமக்கான தேவைகளை பூர்த்தி செய்துக்கொண்டதாகவும் அவர் சுட்டிக்காட்டினார். இதேபோன்றே, சர்வதேச பயங்கரவாத அமைப்புக்களுக்கும், போதைப்பொருள் கடத்தலை மேற்கொள்ளும் அமைப்புக்களுக்கும் இடையில் நெருங்கிய  தொடர்புகள் காணப்படுவதாக சுட்டிக்காட்டிய அவர், இலங்கையில் ஏப்ரல் 21ஆம் திகதி நடத்தப்பட்ட பயங்கரவாதத் தாக்குதலுக்கும், சட்டவிரோத போதைப்பொருள் வர்த்தகத்திற்கும் இடையில் நெருங்கிய தொடர்புகள் காணப்படுவதாக குறிப்பிட்டார்.

அத்தி வரதரில்லை அவர் அத்தி புத்தர்

தொண்டை மண்டலத்தின் தலைநகரமும், தெற்காசியாவின்
தலைநகரமான காஞ்சீவரம் என்னும் தம்ம அறத்தின் பெயர் மறுவி நடிகர் எம்,ஜி,ஆரின் ஆட்சி காலத்தில் காஞ்சிபுரம் என்று சங்கராச்சாரியர்களின் ஆலோசனைப்படி தமிழ்நாடு முழுவதும் பஞ்சீல புத்த பெயர்களை மாற்றினார் அதன்படி காஞ்சீவரம், காஞ்சிபுரமாக உருமாறியது
காஞ்சிபுரத்தில் சிவ காஞ்சி, விஷ்ணு காஞ்சி, நடுமையத்தில் புத்த காஞ்சி உள்ளது, இந்த புத்த காஞ்சியை மறைக்கவே இங்கு சிவனும், விஷ்ணுவும் ஆட்சியாளர்களால் கற்பனையாக பிறந்துள்ளார்கள்
காஞ்சி என்றாலே கோவில் நகரம் என்று சொல்லுவார்கள், ஆம் உன்மை தான் அதையும் தாண்டி போனால் உலகில் முதன்முதலில் தஸ்ஸசீல பல்கலைகழகம் இருந்த மண் காஞ்சி மண் அதாவது தற்போது உள்ள பாலிமேடு பகுதி தான் தஸ்ஸசீல பல்கலை கழகமாகும், இன்னும் அந்த பாலிமேடு என்ற பல்லவர் மேடு பகுதியில் வசிக்கும் மக்களுக்கு இதுவரை பட்டா கிடையாது அனைத்தும் கோவில் நிலங்கள் அந்த கோவில் பெயரும் கிடையாது,
தஸ்ஸசீல பல்கலை கழகத்தில் படித்து அங்கேயே பேராசிரியராகவும், பிக்குணியாகவும் வாழ்ந்து வளர்ந்து கருக்கினில் அமர்ந்தவள் கோவில் இறந்தவர் சோழ தஞ்சை மண்ணிலே கோவலனுக்கும் மாதவிக்கும் மகளாக பிறந்த பிக்குணி மணிமேகலை ஆவார்

வடநாட்டான் மலிவாக கொடுக்கிறான் ? எதை கொடுக்கிரான் ? பாருங்கள் சிந்தியுங்கள் மக்களே

Traditional Tamizhagam : சமீபத்தில் ஒரு வட இந்திய வியாபாரியின் கடையில் அவன் சொல்லும்போது கேட்டது.
" உங்க ஊர்காரங்க 10 ரூபாய்க்கு உண்மையான சந்தனம் விற்கும்போது பக்கத்துல நாங்க கடை போட்டு சானிய அரைச்சு 5 ரூபாய்க்கு வித்தா போதும்..
உங்க ஊர்கார்ன்க சேட்டான் கம்மியா கொடுக்கிறான் அப்டின்னு வாங்கி நெத்தில பூசிட்டு போவாங்க கிருக்கனுங்க..
இவனுங்களுக்கு சந்தனமா சானியா அப்படின்றது தேவை இல்லை..
சேட்டான் கம்மியா கொடுக்கிறான் அப்படினு சாணிய வாங்கிட்டு சந்தனம் விக்கிறவன திட்டிட்டு போவனுங்க..கிருக்கணுங்க..
இதுல வியாபாரி வந்தா 20% கமிஷன் கொடுத்தா போதும்..
சந்தனம் நல்லா மணகுதுண்ணு வேற சொல்லிட்டு போவான்.."
எவ்வளவு நல்லா நம்மள தெரிஞ்சு வச்சிருக்காங்க..
நல்லூரில் போலியான பெயரில் ₹18 க்கு 25 லிட்டர் தரமற்ற குடிநீர் வடமாநில ராஜஸ்தான் சேட்டன் கள் விற்பனை..
இன்னும் இரண்டு வருடத்தில் சொந்த Factory வைத்து 10 ரூபாய்க்கு அரைகுறையாக சுத்தம் செய்யப்பட்ட தண்ணி குடுப்பான்..இப்ப அவனுக்கு தண்ணி கொடுக்கும் Factory முதலாளிகள் என்ன பண்ணுவார்கள்??
ஊட்டி கோத்தகிரியில் 4 ஹிந்திக்காரர்கள் சேர்ந்து நிலத்தை வாங்கி ஆற்றின் குறுக்கே அணை கட்டி 15 கிராமங்களுக்கு செல்லும் நீரை தடுத்துள்ளனர்..
அந்த நீரை கேனில் அடைத்து விற்பனை செய்ய முயற்சி செய்துள்ளனர்..
ரயில்வே ஸ்டேஷனில் ஹிந்திக்கார ticket கொடுப்பவன் நம்மை நாய் போல் துரத்துகிரான்..

இசக்கி சுப்பையாவுக்கு எடப்பாடியின் `70 கோடி' அழுத்தம்.. அதிமுகவுக்கு ஓடியதன் மர்மம்

vikatan.com - -vijayanand.a" : கடந்த வாரம்கூட பொதுச் செயலாளர் தினகரனை நேரில் சந்தித்து நீண்டநேரம் பேசினார் இசக்கி. அப்போதுகூட இப்படியொரு முடிவில் அவர் இருப்பது குறித்து யாருக்கும் தெரியவில்லை. அசோக் நகரில் உள்ள கட்டடமானது, 35 மாதகால குத்தகை அடிப்படையில் இயங்கி வருகிறது. அதற்கு முறையாகப் பணம் செலுத்தியிருப்பதால் தொடர்ந்து அலுவலகம் செயல்படுவதில் தடங்கல் இல்லை.

தென்காசியில் அ.தி.மு.க உடனான இணைப்பு விழாவை மிகப் பிரமாண்டமாக நடத்தவிருக்கிறார் அ.ம.மு.க அமைப்புச் செயலாளர் இசக்கி சுப்பையா. `மக்களின் முதல்வர் எடப்பாடி' என அவர் சூட்டிய புகழாரத்தை அ.ம.மு.க நிர்வாகிகள் ரசிக்கவில்லை. `தமிழக அரசிடமிருந்து அவருக்கு 60 கோடி ரூபாய்க்கும் அதிகமான ஒப்பந்தப் பணம் வர வேண்டியிருக்கிறது. இதையே துருப்புச் சீட்டாகப் பயன்படுத்திக் கொண்டார் எடப்பாடி பழனிசாமி' என்கின்றனர் அ.ம.மு.க வட்டாரத்தில்.

தொலைக்காட்சி விவாதங்களில் தமிழக பாஜக சார்பில் பிரதிநிதிகள் யாரும் கலந்து கொள்ளமாட்டார்கள்: தமிழிசை சௌந்தரராஜன்

தினகரன் :சென்னை: தொலைக்காட்சி விவாதங்களில் தமிழக பாஜக சார்பில் பிரதிநிதிகள் யாரும் கலந்து கொள்ளமாட்டார்கள் என தமிழிசை சௌந்தரராஜன் அறிவிப்பு வெளியிட்டுள்ளார். சமீபகாலமாக தொலைக்காட்சி விவாதங்களில் சமநிலையும் சமவாய்ப்பும் இல்லாததால் பாஜக சார்பில் பிரதிநிதிகள் யாரும் கலந்து கொள்ளமாட்டார்கள் என முடிவு செய்யப்பட்டுள்ளது

பன்னீர்செல்வம் வழக்கு: திமுகவின் கோரிக்கையை ஏற்ற உச்ச நீதிமன்றம்!

மின்னம்பலம் : பன்னீர்செல்வம் உள்ளிட்டோரை தகுதி நீக்கம் செய்யக்கோரும் வழக்கை விரைவில் விசாரணைக்கு எடுத்துக்கொள்வதாக உச்ச நீதிமன்றம் தெரிவித்துள்ளது.
முதல்வருக்கு எதிராக ஆளுநரிடம் கடிதம் அளித்த 18 எம்.எல்.ஏ.க்களை தகுதி நீக்கம் செய்ததுபோலவே, நம்பிக்கை வாக்கெடுப்பில் முதல்வருக்கு எதிராக வாக்களித்த ஓ.பன்னீர்செல்வம், மாஃபா பாண்டியராஜன் உள்ளிட்ட 11 எம்.எல்.ஏ.க்களையும் தகுதி நீக்கம் செய்ய வேண்டுமென திமுக மற்றும் தினகரன் தரப்பிலிருந்து உச்ச நீதிமன்றத்தில் மேல்முறையீடு செய்யப்பட்டுள்ளது.
இவ்வழக்கு கடந்த ஜனவரி 31ஆம் தேதி இறுதி விசாரணைக்கு எடுத்துக்கொள்ளப்படலாம் என்று எதிர்பார்க்கப்பட்ட நிலையில், அன்றைய தினம் இதுதொடர்பாக மூத்த வழக்கறிஞர் கபில் சிபல் உச்ச நீதிமன்றத்தில் முறையிட்டார்.