தூத்துக்குடி அமெரிக்க இளைஞர்: உடனடியாக நாடு திரும்ப உத்தரவு

தூத்துக்குடி ஸ்டெர்லைட் துப்பாக்கி சூட்டில் உயிரிழந்தவர்களும் போராட்ட காட்சியும் ; tamilthehindu :தூத்துக்குடியில் ஸ்டெர்லைட் எதிர்ப்பாளர்களை சந்தித்த அமெரிக்க இளைஞரின் விசா ரத்து செய்யப்பட்டது. அவர், இந்தியாவில் இருந்து நாடு திரும்ப உத்தரவிடப்பட்டது.
அமெரிக்காவின் கலிபோர்னியா மாகாணத்தைச் சேர்ந்த மார்க் சியல்லா(35) என்பவர், கடந்த மாதம் 27-ம் தேதி தூத்துக்குடி வந்தார். ஸ்டெர்லைட் எதிர்ப்பு போராட்டங்கள் நடைபெற்ற கிராமங்களுக்குச் சென்று, எதிர்ப்பாளர்களுடன் பேசியுள்ளார்.
இதுதொடர்பாக, அவரிடம் போலீஸார் தீவிர விசாரணை நடத்தினர். அமெரிக்காவில் பிரீலேன்ஸ் செய்தியாளராக பணியாற்றி வருவதாகவும், ஸ்டெர்லைட் ஆலை விவகாரம் தொடர்பாக செய்தி கட்டுரைக்காக வந்திருப்பதாகவும் மார்க் சியல்லா தெரிவித்துள்ளார். அவர் சுற்றுலா விசாவில் இந்தியாவுக்கு வந்ததும், விசா காலம் ஜன.21- வரை இருப்பதும் தெரியவந்தது. சுற்றுலா விசாவில் வந்த அவர், செய்தியாளராக வேலை செய்துள்ளார்.

சபரிமலை சன்னிதானத்தில் 2 பெண்கள் வழிபாடு

தினமலர் :சபரிமலை: சபரிமலை சன்னிதானத்தில் இன்று அதிகாலை 3.45 மணியளவில் 40 வயது உடைய, பிந்து மற்றும் கனகதுர்கா என்ற 2 பெண்கள் சாமி தரிசனம் செய்தனர்.
சுப்ரீம் கோர்ட் உத்தரவை தொடர்ந்து, சபரிமலைக்கு செல்ல,அனைத்து வயது பெண்களும் முயன்றனர். ஆனால், பக்தர்களின் கடும் எதிர்ப்பு காரணமாக அவர்கள் திருப்பி அனுப்பப்பட்டனர்.
இதனால், அங்கு பதற்றம் நிலவுவதால், அங்கு 144 தடை உத்தரவு பிறப்பிக்கப்பட்டுள்ளது. இந்நிலையில், கடந்த டிசம்பர் மாதம் சபரிமலை செல்ல முயன்று திருபப்பி அனுப்பப்பட்ட இரண்டு பெண்கள், இன்று(ஜன.,2) அதிகாலை 3.45 மணியளவில் 18 ம் படியேறி சாமி தரிசனம் செய்தனர். அவர்களின் விவரம் பந்து மற்றும் கனதுர்கா எனவும், இரண்டு பேருக்கும் வயது 40 ஆவதும் தெரியவந்துள்ளது.

சென்னை ஐஐடியில் ஆராய்ச்சி மாணவி தற்கொலை!

CHENNAI: A 25-year-old woman research scholar, pursuing Ph.D ..committed suicide by hanging

inside her hostel room. Police identified the deceased as Ranjana Kumari of Jharkhan ..
 மின்னம்பலம் : சென்னை ஐஐடி விடுதியில் தங்கியிருந்த ஆராய்ச்சி மாணவி ஒருவர் தற்கொலை செய்துகொண்டார்.
ஜார்க்கண்ட் மாநிலத்தைச் சேர்ந்த மாணவி ரஞ்சனா குமாரி, சென்னை ஐஐடி உலோகவியல் துறையில் ஆராய்ச்சிப் படிப்பை மேற்கொண்டு வந்தார். இவரது வயது 25. இவர், அங்குள்ள சபர்மதி விடுதியில் தங்கியிருந்தார். இரண்டு நாட்களுக்கு முன்னர், தனது அறையைப் பூட்டிக்கொண்டு உள்ளே இருந்ததாகக் கூறப்படுகிறது. இந்த நிலையில், நேற்று (ஜனவரி 1) மாலையில் அந்த அறையில் இருந்து நாற்றம் வருவதாகப் புகார் கூறினர் அங்கிருந்த மாணவிகள். இதையடுத்து கோட்டூர்புரம் போலீசாருக்கு தகவல் தெரிவிக்கப்பட்டது.

வனிதா மதில் ஆணாதிக்கத்திற்கு எதிராக லட்சக் கணக்கான பெண்கள் பங்கேற்ப்பு

zeenews.india.com/tamil : கேரளாவின் எதிர்ப்பின் சுவர்: லட்சக் கணக்கான பெண்கள், ஆணாதிக்கத்திற்கு எதிராக கலந்து கொண்டுள்ளனர்....
சமீபத்தில் சபரிமலை விவகாரத்தால் கேரள மாநிலம் முழுவதும் பெரும் போராட்டங்கள் வெடித்து, கேரள அரசியலில் பரபரப்பை ஏற்படுத்திய நிலையில், அம்மாநில பெண்கள் லட்சக்கணக்கானோர் நேற்று 620 கிமீ நீள மனித சங்கிலியில் நின்று, பெண்கள் சம உரிமைக்காகவும், மறுமலர்ச்சி கொள்கைகளுக்காகவும் போராட்டம் நடத்தினர்.
சபரிமலையில் வயது வரம்பின்றி அனைத்து பெண்களையும் அனுமதிக்கலாம் என உச்ச நீதிமன்றம் தீர்ப்பளித்ததை தொடர்ந்து, கேரள மாநிலத்தில் இந்து அமைப்புகளும் பல்வேறு வலதுசாரி அமைப்புகளும் தொடர் போராட்டங்கள் நடத்தினார்கள். கேரள முதல்வர் பினராய் விஜயன், உச்சநீதிமன்ற தீர்ப்பை நடைமுறைப்படுத்துவதில் திட்டவட்டமாக இருந்ததால், அரசுக்கு எதிரான போராட்டமாக இவை மாறின. முதல்வரின் நடவடிக்கைக்கு பல்வேறு இந்து அமைப்புகள் கடும் கண்டனம் தெரிவித்தன. சபரிமலைக்குள் நுழைய முயன்ற பெண்கள் தடுத்து திருப்பி அனுப்பப்பட்டனர்.

முத்தலாக் ஆண்- பெண் சமத்துவம் தொடர்பானது; சபரிமலை பாரம்பரியம் சார்ந்தது: பிரதமர் மோடி விளக்கம்

THE HINDU TAMIL : முத்தலாக் விவகாரம் ஆண், பெண் சமத்துவம் தொடர்பானது என்றும் அதேசமயம் சபரிமலை விவகாரம் அந்த கோயிலின் பாரம்பரியம் சார்ந்தது என பிரதமர் மோடி கூறியுள்ளார்.
ஏஎன்ஐ செய்தி நிறுவனத்துக்கு அவர் அளித்துள்ள பேட்டியில் முத்தலாக் சட்டம் தொடர்பாக கூறிகையில் ‘‘முத்தலாக் விவகாரத்தை பொறுத்தவரை கடந்த தேர்தலின் எங்கள் தேர்தல் அறிக்கையிலேயே தெளிவாக குறிபிட்டுள்ளோம். அது ஆண் - பெண் சமத்துவம் தொடர்பானது. முஸ்லிம் நாடுகளில் இது தடை செய்யப்பட்டுள்ளது. எனவே தான் இதில் மத விவகாரம் இல்லை என கூறுகிறோம். இந்த விவகாரத்தில் சட்டரீதியான தீர்வை ஏற்படுத்துவதே எங்கள் நோக்கம்’’ என்றார்.

கேரளாவை கிடுகிடுக்க வைத்த வனிதா மதில் போராட்டம் .. எழுச்சி பாடல்கள் .. அணிவகுப்பு

ns7.tv/ta/tami :சபரிமலையில் அனைத்து வயது பெண்களையும் அனுமதிக்க வலியுறுத்தி, கேரளாவில் நடைபெற்ற மனித சுவர் அமைக்கும் போராட்டத்தில் லட்சக்கணக்கான பெண்கள் பங்கேற்றனர்.
620 கிலோமீட்டர் தொலைவுக்கு நடைபெற்ற போராட்டத்தை அம்மாநில முதல்வர் பினராயி விஜயன் தொடங்கி வைத்தார். ஐயப்பன் கோயிலுக்கு அனைத்து வயது பெண்களும் செல்லலாம் என்ற உச்சநீதிமன்ற தீர்ப்புக்கு, ஐயப்ப பக்தர்கள் எதிர்ப்பு தெரிவித்து போராட்டங்களில் ஈடுபட்டு வருகின்றனர். இந்த போராட்டங்களுக்கு எதிர்ப்பு தெரிவித்தும், பெண்களை அனுமதிக்கும் அரசின் நடவடிக்கைக்கு ஆதரவு தெரிவித்தும் மகளிர் அமைப்புகள் மனித சுவர் அமைக்கும் போராட்டத்தில் ஈடுபட்டனர்.

திருவாரூருக்கு மட்டும் இடைத் தேர்தல் ஏன்? 20 இடங்கள் காலியாக இருக்கிறதே ?

திராவிடர் கழக தலைவர் கி.வீரமணி அறிக்கை*
தமிழ்நாடு சட்டப் பேரவையில் 20 இடங்கள் காலியாக இருக்கும்போது திருவாரூருக்கு மட்டும் அவசரமாக இடைத் தேர்தல் நடத்துவது ஏன்?
20 தொகுதி இடைத் தேர்தல் ஆட்சிக்கு எடைத் தேர்தலாக மாறும் என்பதாலா?

‘கிடப்பது கிடக்கட்டும் கிழவியைத் தூக்கி மணையில் வை’ என்று கிராமத்தில் ஒரு பழமொழி சொல்வார்கள். அதுபோல, 20 சட்டமன்ற உறுப்பினர்கள் பதவிகள் காலியாக உள்ளன என்று தமிழ்நாடு சட்டமன்ற சபாநாயகர் தேர்தல் ஆணையத்துக்கு எழுதிசில மாதங்கள் - பல வாரங்கள் ஆகிவிட்டன.
திருவாரூர் தொகுதிக்கு மட்டும் அவசர இடைத் தேர்தல் ஏன்?
பாதிக்கப்பட்டவர்களில் எவரும் அந்த உயர்நீதிமன்ற நீதிபதி (ஜஸ்டீஸ் சத்திய நாராயணா) தீர்ப்பை எதிர்த்து உச்சநீதிமன்றத்தில் மேல் முறையீடு (அப்பீல்) ஏதும் செய்யவும் இல்லை.
இந்நிலையில் அவைகளுக்குத் தேர்தல் நடத்தாமல் திருவாரூருக்கு மட்டும் 2018 ஆகஸ்ட் கலைஞர் மறைவால் ஏற்பட்ட காலியிடத்தை நிரப்புவதில் மட்டும் தனித்த அக்கறை காட்டுவதன் நோக்கம் தான் என்ன?
பின்னது கிடக்கட்டும்; முன்னது ‘க்யூ’வை உடைத்து சில ‘குண்டர்கள்’ முன்னே வந்து நிற்கும் காட்சிபோல, திருவாரூர் இடைத் தேர்தல் 2019 ஜனவரி 28ஆம் தேதி நடைபெறும் என்று டிசம்பர் 31 மாலை அறிவித்திடும் சட்டப்படி, நியாயப்படி, ஜனநாயகப்படி 30ஆம் நாள் அவகாசம்பற்றியெல்லாம் கவலைப்படாது திடீர் அறிவிப்பின் “ரகசியம்” தான் என்னவோ!

சுதேசி வேடத்தில் பழங்குடிகளின் மூலிகை அறிவை திருடி விற்கும் பாபா ராம்தேவ்

vinavu.com - kalaimathi ::வெளிநாட்டு நிறுவனங்கள் மட்டுமல்ல, உள்நாட்டு நிறுவனங்களும் இயற்கை வளங்களை சுரண்டுவதன் மூலம் கிடைக்கும் லாபத்தில் பங்கு தரவேண்டும் என தீர்ப்பில் தெரிவித்தார் நீதிபதி.. யோகா சாமியார் ராம்தேவ் தனது தயாரிப்புகள் உள்நாட்டிலேயே தயாரிக்கப்பட்ட சுதேசி பொருட்கள் என கூவிக்கூவி விற்பனை செய்து வருகிறார்.  இப்படி உள்ளூர் மக்களின் மூலிகை அறிவை பயன்படுத்தி கொழுத்ததும் அவர்களுக்கு லாபத்தில் பங்கு தர மறுத்து நீதிமன்றமும் சென்றிருக்கிறார் இந்த ‘சுதேசி’.

கௌசல்யா :வேறொரு பெண்ணின் 6 மாத கருக்கலைப்புக்கு நான் காரணமல்ல

tamil.thehindu.com : வேறொரு பெண்ணின் 6 மாத கருக்கலைப்பு என்பதும் அதற்கு நான்தான் காரணம் என்பதும் ஏற்றுக் கொள்ள முடியாத விடயம். அதில் உண்மையும் இல்லை என்று கவுசல்யா தன் முகநூல் பக்கத்தில் தெரிவித்துள்ளார்.
திருப்பூர் மாவட்டம் உடுமலைப்பேட்டை சங்கர் - பழநி கவுசல்யா ஆகிய இருவரும் காதலித்து 2015-ல்சாதி மறுப்பு திருமணம் செய்துகொண்டனர். இதைத் தொடர்ந்து, உடுமலைப்பேட்டையில் சங்கர் கடந்த 2016 மார்ச் 31-ம் தேதி படுகொலை செய்யப்பட்டார். அதன் பிறகு, தீண்டாமை, ஆணவப் படுகொலைக்கு எதிராக கவுசல்யா போராடி வந்தார்.

பள்ளத்தில் விழுந்து பலியான மெக்கானிக்!

மின்னம்பலம் : திண்டுக்கல் சாலையொன்றில் புதிதாகக் கட்டப்படும் பாலத்திற்காகத் தோண்டப்பட்ட பள்ளத்தில் விழுந்து ஒருவர் பலியானார். அந்த இடத்தில் அறிவிப்புப் பலகை வைக்காததே இதற்குக் காரணம் என்று கூறப்படுகிறது.
திண்டுக்கல் மாவட்டம் தாடிக்கொம்பு பகுதியிலுள்ள சாலையில் பாலம் கட்டும் பணிகள் நடந்து வருகின்றன. இதற்காகச் சாலையின் நடுவே 10 அடி ஆழத்துக்குப் பள்ளம் தோண்டப்பட்டுள்ளது. இந்த இடத்தில் பணிகள் நடைபெறுவது குறித்து எந்த அறிவிப்புப் பலகையும் வைக்கப்படவில்லை.

1918 இல் தமிழ் சினிமா 12,000 கோடியின் வெள்ளைக் கதை!

-இராமானுஜம். மின்னம்பலம் : தமிழ் சினிமா வழக்கமான நாளாகவே டிசம்பர்
31 2018ஐ கடந்திருக்கிறது. கடந்து போன 365 நாட்களில் வருடத்தின் தொடக்க நாளான 2018ஜனவரி முதல் நாள் வெளியான அனைத்து தினசரி பத்திரிகைகளிலும் நடிகர் ரஜினிகாந்த் கட்சி தொடங்குவதாக அறிவித்த செய்தி தலைப்புச் செய்தியாக இடம் பெற்றது. அதன் விளைவு கடந்த வருடம் தமிழகத்தில் இருந்து வெளிவரும் தமிழ் ஆங்கில தினசரி, காட்சி ஊடகங்கள், இணையதளங்களின் செய்தி பசிக்கு, பிரேக்கிங் நியுஸுக்கு கச்சாப் பொருளாக ரஜினிகாந்த் பயன்பட்டார் அல்லது பயன்படுத்தப்பட்டார். அதேபோல தமிழ் சினிமாவில் நடைபெற்ற சிறு சம்பவங்கள் கூட தொலைக்காட்சி ஊடகங்களால் ஊதிப் பெரிதாக்கப்பட்டு தங்களுக்கான கச்சாப் பொருளாக மாற்றிக் கொள்ளும் மலிவான ஜர்னலிசம் இந்த வருடம் ஆதிக்கம் செலுத்தியது.
பொதுமக்களின் அன்றாட வாழ்க்கையை பாதிக்காத, அவர்களுக்குத் தேவையில்லாத சினிமா உள்விஷயங்களை விவாத மேடையாக்கும் விபரீத நிகழ்வுகள் தமிழ் தொலைக்காட்சிகளில் அடிக்கடி அரங்கேற்றப்பட்டன. நூற்றுக்கும் மேற்பட்ட திரைப்படங்கள் தயாரிப்பிலும், 184 நேரடி தமிழ் படங்கள் 2018இல் ரிலீஸ் செய்யப்பட்டிருகிறது . இவற்றில் தயாரிப்பாளர்களால் செய்யப்பட்ட முதலீடு சுமார் 1500 கோடி ரூபாய். 184 தமிழ் சினிமா படங்களை நம்பி தமிழகத்தில் இயங்கி வரும் திரைகள் மொத்தம் 1100. இவற்றில் செய்யப்பட்டிருக்கும் திரும்பப் பெற முடியாத முதலீடு சுமார் 500 கோடி. திரையரங்கில் செய்யப்பட்டிருக்கும் உள், வெளி அலங்காரம் மற்றும் 1100 திரைகள் அமைந்திருக்கும் சொத்து மதிப்பு சுமார் 3000 கோடி.

BBC : சபரிமலை : சமத்துவம் கோரி 620 கி.மீ நீள பிரம்மாண்ட மனித சங்கிலி பேரணி .. லட்சக்கணக்கான கேரள பெண்கள்

கேரள மாநிலம் சபரிமலை ஆலயத்திற்கு அனைத்து வயது பெண்களும்
செல்ல அனுமதித்த உச்ச நீதிமன்ற தீர்ப்புக்கு ஆதரவாக லட்சக்கணக்கான பெண்கள் இணைந்து மனித சங்கிலி பேரணி நடத்தினார்கள். அரசு ஊழியர்கள், மாணவர்கள், சமூக செயற்பாட்டாளர்கள் என பல்வேறு தரப்பினரும் இணைந்து 620 கிலோமீட்டர் நீளத்திற்கு இந்த மனித சங்கிலி பேரணி நடத்தியுள்ளனர் மாநிலத்தில் ஆளும் கட்சியான கம்யூனிஸ்ட் கட்சியின் ஆதரவுடன் இந்த பேரணி நடைபெற்றது.
கேரளாவின் பல்வேறு பகுதிகளிலிருந்து சுமார் 50 லட்சம் பெண்கள் இந்த பேரணியில் கலந்துக் கொண்டனர் என்று கேரள மாநில அதிகாரிகள் பிபிசி செய்தியாளர் இம்ரான் குரேஷிவிடம் தெரிவித்தனர்.e>சமத்துவமின்மையை எதிர்த்தும், சபரிமலை ஆலயத்திற்கு பெண்கள் செல்வதை தடுக்க நினைக்கும் வலதுசாரி குழுக்களின் முயற்சிகளுக்கு எதிர்ப்பு தெரிவிக்கும் வகையில் இந்த மனித சங்கிலி பேரணி நட்த்தப்பட்டதாக அதிகாரிகள் கூறுகின்றனர்.

சபரிமலை 620 கிலோ மீட்டர் பெண்கள் மதில் .. . கோயில் அனுமதி போராட்டம் 'women's wall' to pledge for gender ...

தினமலர் : காசர்கோடு: சுப்ரீம் கோர்ட் உத்தரவை தொடர்ந்து, சபரிமலை சென்று வழிபாடு நடத்த பெண்கள் முயன்றனர். இதற்கு பக்தர்கள் கடும் எதிர்ப்பு தெரிவித்து போராட்டம் நடத்தி வருகின்றனர். இந்த விவகாரத்தில், மாநிலத்தில் முக்கிய எதிர்க்கட்சியான காங்கிரஸ், பா.ஜ., ஆகியவை, முதல்வர் பினராயி விஜயனுக்கு கண்டனம் தெரிவித்துள்ளதுடன் போராட்டம் நடத்தி வருகின்றன. இதனால், கேரள அரசுக்கு நெருக்கடி ஏற்பட்டுள்ளது. இந்நிலையில் அரசின் நிலைப்பாட்டை உறுதிப்படுத்தவும், வழிபாட்டு தலங்களில் பாலின சமத்துவத்தை உறுதிபடுத்த வேண்டும், கோர்ட் தீர்ப்பை ஏற்க வேண்டும் எனக்கூறி , ஆளுங்கட்சி சார்பில், காசர்கோட்டிலிருந்து பாறசாலை வரை 640 கி.மீ., தூரத்திற்கு பெண்கள் வரிசையாக நின்று மனித சுவர் அமைத்தனர். அமைச்சர் கே.கே. சைலஜா தலைமையில் உறுதிமொழி ஏற்று கொண்டனர். ஆனால், இந்த உறுதிமொழியில், சபரிமலை குறித்த வார்த்தை இடம்பெறவில்லை. மாலை 4 மணி முதல் 4.15 வரை இந்த போராட்டம் நடந்தது. இதில் லட்சக்கணக்கான பெண்கள் பங்கேற்றனர்.

50 வருட திராவிடக் கட்சிகளின் ஆட்சியில் தமிழ்நாடு

prakash jp : ஒரு பொய்யை தொடர்ந்து சொல்லிக் கொண்டே இருந்தால், அது
ஒரு நாள் உண்மை என நம்பப்படும் என்பார்கள்.... அப்படித்தான் தமிழ்நாட்டில் ஒரு பொய் பல வருடங்களாக சொல்லப்பட்டு வருகிறது,,,
அது "50 வருட திராவிடக் கட்சிகளின் ஆட்சியில் தமிழ்நாடு சீரழிந்துவிட்டது" என்பது..
நாமும் எதைப்பற்றியும் சிந்திக்காமல், அதை ஆமோதித்துக் கொண்டு, நம்மை நாமே குறைவாக மதிப்பிட்டுக் கொண்டுள்ளோம் !!
கீழே உள்ள புள்ளி விவரங்களை கொஞ்சம் பாருங்கள் !!
#உயர்க்_கல்வி
பள்ளி கல்வியை முடித்து, உயர் கல்வி (கல்லூரி) சேர்பவர்கள், இந்தியாவிலேயே தமிழ் நாட்டில் தான் அதிகம். அகில இந்திய சராசரியைவிட இருமடங்கு அதிகம்.
தமிழ் நாடு - 38.2%. பிஜேபி ஆளும் வட மாநிலங்கள் குஜராத் - 17.6%; மபி - 17.4%; உபி - 16.8%; ராஜஸ்தான் - 18.0%; இந்திய சராசரி : 20.4ரூ.
#கல்வி_நிலையங்களின்_தரம்
2017 ஆண்டுக்கான இந்தியாவின் சிறந்த நூறு கல்வி நிறுவனங்களின் ரேங்க் பட்டியலை மத்திய அரசின் மனித வள மேம்பாட்டுத் துறை (HRD) வெளியிட்டுள்ளது. அந்த பட்டியலின் படி,
முதல் 100 சிறந்த கல்லூரிகளில் 37 கல்லூரிகள் இருப்பது தமிழ் நாட்டில்,,,
பிஜேபி பல ஆண்டுகளாக ஆளும் மோடியின் மாடல் மாநிலம் குஜராத்தில் இருபத்தோ வெறும் மூன்றுதான். இதேபோல ஹிந்தி பெல்ட் மாநிலங்களான மபி, உபி, பிகார், ராஜஸ்தான் போன்றவற்றிலிருந்து ஒன்றுகூட இந்த பட்டியலில் இடம் பிடிக்கவில்லை.
முதல் 100 சிறந்த பொறியியல் கல்லூரிகளில், தமிழ் நாடு - 22 ; குஜராத் - 5 ; மபி - 3 ; உபி - 6 ; பீகார் - 1 ; ராஜஸ்தான் - 3.
முதல் 100 சிறந்த பல்கலைகழகங்களில்
தமிழ் நாடு - 24 ; குஜராத் - 2 ; மபி - 0 ; உபி - 7 ;
பிகார் - 0 ; ராஜஸ்தான் - 4
#பொருளாதார_மொத்த_உற்பத்தி (GDP)

நக்கீரன் கோபால் குறித்து மோசமான வதந்திகள்? சங்கிகள் மிக மிக கேவலமான நடவடிக்கைகளில்?

Shankar A : அண்ணன் நக்கீரன் கோபால் குடும்பம் குறித்து மோசமான
வதந்திகள் பரவி வருகின்றன. இந்த வதந்திகளை முன்னின்று பரப்புபவர்கள், டவுசர் சங்கிகள் என்பதை நான் சொல்ல வேண்டியதில்லை.
தேர்தல் நெருங்க நெருங்க சங்கிகள் பதற்றத்தில், என்ன செய்வதென்று தெரியாமல், மிக மிக கேவலமான நடவடிக்கைகளில் இறங்குகிறார்கள்.
அதே நேரத்தில் இதைப் போன்ற வதந்திகளையெல்லாம் நக்கீரன் பல முறை செய்தியாக்கியுள்ளது என்பதையிம் நாம் மறுக்க முடியாது. ஒரு மோசமான வதந்தியின் வலி என்ன என்பதை அன்பு அண்ணன் கோபால் உணர்ந்திருப்பார் என நம்புகிறேன். இதன் அடிப்படையில், அவரின் இதழியல் செழுமியங்களை மேம்படுத்துவார் என்றும் நம்புகிறேன்.

நக்கீரன் கோபால் மற்றும் அவர் குடும்பம் குறித்த அனைத்து செய்திகளும் முழு பொய் என்பதை மீண்டும் வலியுறுத்துகிறேன்.

பாகவதர் படங்கள்: கிடைக்காத பொக்கிஷங்கள்.. oldmadraspress.com என்ற இணையதளத்தில்

மின்னம்பலம் -D.V.பாலகிருஷ்ணன் :
ஏழிசை மன்னர் எம்.கே.தியாகராஜ பாகவதர் (1910 – 1959) இறந்து 60 ஆண்டுகள் நிறைவடையப் போகின்றன. சுமார் முப்பது வருடங்களுக்கு முன்பு அவரை அன்றைய இளைய தலைமுறையினர் பெரிதும் மறந்துவிட்டார்கள் என்பதுபோல ஒரு தோற்றம் நிலவியது. பாகவதர் படங்கள் இன்னொரு முறை காணக் கிடைக்காதா என்று ஏங்கும் நிலைமை இருந்தது. அப்போது தூர்தர்ஷன் வழங்கிய ஒரே ஒரு தொலைக்காட்சி அலைவரிசைதான் இருந்தது. 1980களில் ஒரு கார்த்திகை தீபத்தன்று பல வெட்டுகளுடன் சிவகவி படம் தூர்தர்ஷனில் ஒளிபரப்பப்பட்டபோது என் போன்ற பாகவதர் ரசிகர்கள் அதை ஆவலுடன் எதிர்பார்த்து மனம் மகிழ பார்த்து அனுபவித்ததெல்லாம் இன்று பலருக்கு தெரிந்திருக்க வாய்ப்பில்லை. ஆனால், இன்று அவருடைய படங்களில் பல காணொளியாக நாமே சொந்தமாக வைத்துப் பார்க்கும் வகையில் எளிதில் கிடைக்கின்றன. ‘யூடியூப்’பில் அவருடைய படங்களுக்கும் பாடல்களுக்கும் கிடைக்கும் பாராட்டுக் கருத்துகளைப் படிக்கும்போது அவரை இன்றும் பலர் ஞாபகம் வைத்துப் பாராட்டுகிறார்கள் என்பது தெரிகிறது.

துண்டு துண்டாக்கப்பட்ட கஷோகி: அதிர்ச்சி வீடியோ!

மின்னம்பலம் : ஜமால் கஷோகி வெட்டித் துண்டு துண்டாக்கப்பட்டு பைகளில் கொண்டுசெல்லப்படும் அதிர்ச்சி வீடியோ வெளியாகியுள்ளது.
சவுதியைச் சேர்ந்த பத்திரிகையாளர் ஜமால் கஷோகி கொல்லப்பட்டது தொடர்பான விவகாரத்தில் சர்வதேச அளவில் சவுதி அரேபியா விமர்சனங்களில் சிக்கியுள்ளது. கஷோகி கொலை விவகாரத்தால் தூதரக உறவுகள் ரீதியாக சவுதிக்குப் பெரும் பின்னடைவு ஏற்பட்டுள்ளது. இதன் எதிரொலியாகச் சில நாட்களுக்கு முன்பு சவுதி அமைச்சரவையும் மாற்றப்பட்டது. இதில் வெளியுறவுத் துறை உட்பட முக்கிய பாதுகாப்பு மற்றும் அரசியல் பதவிகளில் இருப்பவர்கள் மாற்றப்பட்டுள்ளனர். வெளியுறவுத் துறை அமைச்சர் மற்றும் தேசிய பாதுகாப்புத் தலைவர் ஆகியோரும் மாற்றப்பட்டனர்.

நாடாளுமன்ற தேர்தலில் பிரகாஷ் ராஜ் போட்டி .. சுயேட்சையாக களம் இறங்குகிறார்

தினத்தந்தி :பிரதமர் மோடிக்கு எதிராக சர்ச்சைக்குரிய கருத்துகளை தெரிவித்து வந்தவர் நடிகர் பிரகாஷ்ராஜ்.  கடந்த 2017ம் வருடம் செப்டம்பர் 5ஆம் தேதி பெங்களூரில் உள்ள ராஜராஜேஷ்வரி நகரில் உள்ள வீட்டில் வைத்து பத்திரிகையாளர் கவுரி லங்கேஷ் மர்ம நபர்களால் சுட்டுக்கொல்லப்பட்டார். இதுகுறித்து பெங்களூருவில் நடிகர் பிரகாஷ் ராஜ் பேசும்பொழுது, கவுரி லங்கேஷ் கொலையை பிரதமரின் ஆதரவாளர்கள் கொண்டாடுவதாகவும், இதுபோன்ற விஷயத்தில் மவுனமாக இருக்கும் பிரதமர் மோடி என்னை விட சிறந்த நடிகர் என்று கூறினார். இதற்காக தனக்கு வழங்கப்பட்ட 5 தேசிய விருதுகளை திருப்பித்தரவும் தயங்க மாட்டேன் என்றும் நடிகர் பிரகாஷ்ராஜ் கூறினார். தொடர்ந்து பிரதமர் மோடிக்கு எதிராக அவர் சர்ச்சைக்குரிய வகையில் விமர்சனங்களை வைத்து வந்துள்ளார்.  இதனால் அவருக்கு எதிராக நீதிமன்றத்தில் அவதூறு வழக்கு கூட தொடரப்பட்டது.

தாக்கரே திரைப்படம் ஜனவரி 25ஆம் தேதியன்று ? தாக்கரே தென்னிந்தியர்களை ஏன் வெறுத்தார் ?

bbc :‘தாக்கரே’ திரைப்பட டிரெய்லரை பார்த்த தென்னிந்தியாவின் பிரபல நடிகர் சித்தார்த், ‘வெறுப்புணர்வு பரப்புவதை நிறுத்துங்கள்’ என்று வேண்டுகோள் விடுக்கிறார். திரைப்படத்தின் டிரெய்லரில் தென்னிந்தியர்களுக்கு எதிரான வசனங்கள் இடம் பெற்றிருப்பதை அடுத்து சர்ச்சைகள் எழுந்துள்ள நிலையில், சித்தார்த் தனது டிவிட்டர் செய்தியில் இந்த வேண்டுகோளை விடுத்துள்ளார். ‘தாக்கரே’ திரைப்படத்தில், பால் தாக்கரேவின் வேடத்தில் நவாஜுதீன் சித்திகி நடித்துள்ளார். டிரெய்லரில், ‘லுங்கியை தூக்கி, அடித்து விரட்டுவோம்!’ என்பது போன்ற தென்னிந்தியர்களை தாக்கும் வசவுச் சொற்கள் இடம்பெற்றுள்ளன. திரைப்படத்தின் மாராத்தி டிரெய்லரில் இருக்கும் இந்த வசனம், இந்தி மொழி டிரெய்லரில் இடம் பெறவில்லை.
பால் தாக்கரேவுக்கு தென்னிந்தியர்களை பிடிக்காது என்பது உண்மையான விஷயம் என்பதால், அந்த காட்சி உண்மையானது, திரித்து கூறப்படவில்லை என்று சொன்னாலும், டிரெய்லரில் இடம்பெற்றுள்ள விஷயங்கள் அனைத்துமே உண்மையா? என்ற கேள்வி எழுகிறது.

ஹரியானா: 4500 வருட பழமையான உடல்.. டிஎன்ஏவில் இருந்த திராவிட அடையாளம். ஆரியர்கள் இருந்ததற்கான ஆதாரம் துளி கூட இல்லை

As the dust of the petrous bones of a 4,500-year-old skeleton from Rakhigarhi, Haryana, settles, we may have the answer to a few questions that have vexed some of the best minds in history and science -- y ZEDO
Q: Were the people of the Harappan civilisation the original source of the Sanskritic language and culture of Vedic Hinduism? Answer : No. 
Q: Do their genes survive as a significant component in India's current population? A: Most definitely.
 Q: Were they closer to popular perceptions of 'Aryans' or of 'Dravidians'? A: Dravidians.
Q: Were they more akin to the South Indians or North Indians of today? A: South Indians.
All loaded questions, of course. A paper suggesting these conclusions is likely to be online in September and later published in the journal Science. These revelations are part of the long-awaited and much-postponed results of an excavation conducted in 2015 by a team led by Dr Vasant Shinde, an archaeologist and vice chancellor of Pune's Deccan College.  .. .indiatoday.in/magazine/cover-story/story/20180910-rakhigarhi-dna-study-findings-indus-valley-civilisation-1327247-2018-08-31

Shyamsundar - tamil.oneindia.com : டெல்லி: 4500 வருடங்களுக்கு முன் ஹரியானாவில் வாழ்ந்த மனிதர் ஒருவரின் உடலில் இருந்து டிஎன்ஏ எடுக்கப்பட்டுள்ளது. இந்த டிஎன்ஏ முழுக்க முழுக்க தென்னிந்திய மக்களுக்கு நெருக்கமானதாக உள்ளதாக கூறப்படுகிறது.
உலகின் மிகவும் பழமையான நாகரீகங்களில் ஒன்று ஹரப்பா நாகரீகமும் என்று கூறப்படுகிறது. இங்கு இருந்தவர்கள் ஆரியர்களா, திராவிடர்களா என்று விவாதம் பல நாட்களாக வைக்கப்பட்டு வருகிறது.
இந்த நிலையில் இவர்கள் திராவிடர்கள்தான், தமிழர்கள் போன்ற தென்னிந்திய மக்கள்தான் இங்கு வசித்தவர்கள் என்று கூறப்பட்டுள்ளது. ஆரியர்கள் அதற்கு பின்பே இங்கு குடியேறி இருக்க வாய்ப்புள்ளது என்றும் ஆய்வு மூலம் கூறப்பட்டுள்ளது. எங்கு நடத்தப்பட்ட ஆராய்ச்சி இந்த ஆராய்ச்சி கடந்த 2015ல் ஹரியானா அருகே இருக்கும் ராகிகார்கி என்ற பகுதியில் நடத்தப்பட்டது.

 டாக்டர். வசந்த் ஷிண்டே என்ற தொல்பொருள் ஆராய்ச்சியாளரின் தலைமையில் மூன்றுக்கும் அதிகமான வருடங்கள் ஹரியானா பகுதியில் இந்த சோதனை நடந்து இருக்கிறது. அங்கு உள்ள மனித எலும்புகள் சேகரிக்கப்பட்டுள்ளது. எப்படி செய்தனர் இங்கு கண்டுபிடிக்கப்பட்ட எலும்பு கூடுகள் 4500 வருடம் பழமை வாய்ந்தது.

இயக்குனர் பா.ரஞ்சித் :காதல் திருமணங்களால் ஜாதியை ஒழிக்க முடியாது

Parimala Rajan : இயக்குனர் ரஞ்சித் பார்வைக்கு,
"காதல் திருமணங்களால் ஜாதியை ஒழிக்க முடியாது" - தோழர் இயக்குனர் பா.ரஞ்சித்.
(நீலம் பண்பாட்டு மையம் - “வானம் கலைத்திருவிழா” - சென்னை -30.12.2018.
புதிய தலைமுறை செய்தி.)

தோழர் ரஞ்சித் அவர்களுக்கு ஜாதியின் இருத்தல் குறித்தும் அதன் தகர்ப்பு குறித்தும் குறைந்த பட்ச புரிதல் கூட இல்லை என்பதன் வெளிப்பாடே இந்த கருத்து .
புரட்சியாளர் அண்ணல் பாபாசாகிப் அம்பேத்கர் அவர்கள் ரஞ்சித்திற்கு ஒரே வரியில் பதில் சொல்கிறார்.
""ஜாதியை தகர்த்தெறிவதற்கான வழி கலப்புத் திருமணமே. வேறு எந்த சக்தியாலும் ஜாதியை அழிக்க முடியாது." -
("ஜாதியை அழித்தொழிக்கும் வழி" நூலில் புரட்சியாளர் அம்பேத்கர்)
புரட்சியாளர் அம்பேத்கர் அவர்கள் படத்தை மட்டும் முகமூடியாய் வைத்துக் கொண்டு பெரியாரை வசை பாடும் "ஒரு சிலர்" புரட்சியாளரின் முக்கியமான புத்தகங்களை கூட படித்ததில்லை என்பது தான் உண்மை.
மேலும் புரட்சியாளர் கூறுகிறார்,

கௌசல்யா சக்தி திருமணம் ... சில விசாரணைகள்.. விளக்கங்கள் .... சக்தியின் முன்னாள் காதலிக்கு அநீதி?

அந்தப் பெண்’ணிடமும் கருத்தறிந்தோம். இந்த விசாரணையில் அடைந்த முடிவுகளையும் தீர்ப்பையும் பொது வெளியில் பணிந்தளிக்கிறோம். முடிவுகள்:
 1) அந்தப் பெண்ணுக்கு மோசமான அநீதி இழைக்கப்பட்டுள்ளது. அநீதிக்குப் பொறுப்புக்கூற வேண்டியவர் சக்தி, அந்தப் பெண்ணும் சரி, சக்தி-கௌசல்யாவும் சரி, எங்களிடம் தந்த விளக்கங்களில் அடிப்படையான முரண்பாடு ஏதுமில்லை. பொது அவையிலும் அந்தப் பெண் தொடர்பாகத் தன் மீதான குற்றச்சாற்றினை சக்தி
தியாகு -- கொளத்தூர் மணி அறிக்கை
சக்தி- கவுசல்யா தொடர்பாக…
1) சக்தி-கௌசல்யா திருமணத்துக்குப் பின் சக்தி மீது எழுந்த
குற்றச்சாற்றுகளும் அவை குறித்து சமூக ஊடகங்களில் இடம் பெற்ற கருத்துகள்,
எதிர்க் கருத்துகளும் கவலைக்குரிய முறையில் வளர்ந்து சென்று கொண்டிருந்த நிலையில், அனைத்துத் தரப்பினரையும் அழைத்துப் பேசித் தீர்வு காண்பதற்குத் தமிழ்த் தேசிய விடுதலை இயக்கப் பொதுச்செயலாளர் தோழர் பாரதி மற்ற நண்பர்களையும் இணைத்துக் கொண்டு முன்முயற்சி செய்தார். அவர்கள் இந்தச் சிக்கலில் முதன்மைத் தொடர்புள்ள இருதரப்பினரிடமும் ஒப்புதல் பெற்று,
ததேவிஇ தலைமைக்குழு உறுப்பினர் தியாகு, திராவிடர் -விடுதலைக் கழகத் தலைவர், கொளத்துர் தா.செ. மணி ஆகிய எங்கள் இருவரிடமும் அந்தப் பொறுப்பை ஒப்படைத்தனர். நாங்கள் இருவரும் 27/12/2018 காலை 10 முதல் இரவு 9 மணி வரை திவிக அலுவலகத்தில் அமர்ந்து, சக்தி-கௌசல்யாவையும், சக்தி மீது குற்றச்சாட்டு கூறியவர்கள், சான்றளிக்க முன்வந்தவர்கள், சக்தி-கௌசல்யா திருமணத்தில் தொடர்புள்ளவர்கள் என்று பலதரப்பட்டவர்களையும் விசாரித்தோம்.

மகனைக்கொன்ற கள்ளக்காதலனை படுகொலை செய்த மஞ்சுளா – சபதத்தை முடித்த தாய்

ராஜ்ப்ரியன் .nakkheeran.in : திருவண்ணாமலை நகரம், அய்யங்குளத்தெருவில் இந்தியன் வங்கி எதிரே கிப்ட் ஷாப் மற்றும் மொபைல் ரீசார்ச் கடை உள்ளது. இந்த கடையில்  டிசம்பர் 29ந்தேதி மாலை 5.30 மணியளவில் கடைக்குள் இருந்தவரை இரண்டு பேர் கடைக்குள் புகுந்து அடித்துள்ளனர். அந்த இளைஞர் வெளியே ஓடிவர, வெளியே நின்றிருந்த இரண்டு பேர் மடக்கி சரமாரியாக கழுத்திலேயே வெட்டி கொன்றுவிட்டு இரண்டு இருசக்கர வாகனத்தில் 5 பேர் எஸ்கேப்பாகினர்.
; கொலை செய்யப்பட்ட நாகராஜ், சென்னையில் பணியாற்றும்போது, சென்னை எம்.ஜீ.ஆர் நகரில் குடியிருந்துள்ளார். அங்கு வசித்தபோது கார்த்திகேயன் மனைவி மஞ்சுளாவை ஆசை வார்த்தை கூறி கள்ளக்காதலியாக வைத்திருந்தார். இதனை கேட்டு அதிர்ச்சியான கார்த்திகேயன் மனைவியை எச்சரித்துள்ளார். அதோடு காவல்நிலையத்தில் புகார் தந்தனர். முதல் முறை எச்சரித்து அனுப்பப்பட்ட நாகராஜ், சில மாதங்கள் அமைதியாக இருந்தவர் மீண்டும் மஞ்சுளாவிடம் தொடர்பை ஏற்படுத்திக்கொண்டார். இதை அறிந்த கார்த்திகேயன், மீண்டும் காவல்நிலையத்தில் புகார் தந்ததன் அடிப்படையில் 4 பிரிவுகளின் கீழ் வழக்கு பதிவு செய்யப்பட்டு சிறையில் அடைக்கப்பட்டார்.

பிளாஸ்டிக் தடை நாளை முதல் .. ஓலைப் பெட்டி, துணிப் பைகளுக்கு மாறிய நெல்லை வியாபாரிகள்

THE HINDU TAMIL : ஒருமுறை பயன்படுத்தி தூக்கி எறியப்படும் 14 வகையான பிளாஸ்டிக் பொருட்கள் மீதான தடை தமிழகத்தில் ஜனவரி 1 முதல் அமலுக்கு வருகிறது. இதனை அமல்படுத்த அரசுத் துறைகள் தீவிரமாக செயல்பட்டு வருகின்றன.
உணவுப் பொட்டலங்கள் கட்ட பயன்படுத்தும் பிளாஸ்டிக் ஒட்டும் தாள், உணவு அருந்தும் மேஜையின் மீது விரிக்கப்படும் பிளாஸ்டிக் தாள், பிளாஸ்டிக்கால் ஆன தெர்மாகோல் தட்டுகள், பிளாஸ்டிக் முலாம் பூசப்பட்ட காகிதத் தட்டுகள், பிளாஸ்டிக் பூசப்பட்ட காகித குவளைகள், பிளாஸ்டிக் தேநீர் குவளைகள், பிளாஸ்டிக் குவளைகள், தெர்மாகோல் குவளைகள், பிளாஸ்டிக் பைகள் உட்பட 14 வகையான பொருட்கள் தடை செய்யப்பட்டுள்ளன.
இவற்றுக்கு மாற்றாக வாழை இலை, பாக்குமர இலை, அலுமினியத்தாள், காகித சுருள், தாமரை இலை, கண்ணாடி மற்றும் உலோகத்தால் ஆன குவளைகள், மூங்கில் மற்றும் மரப்பொருட்கள், துணி, காகிதம், மற்றும் சணலால் தயாரிக்கப்பட்ட பைகள், பீங்கான் பாத்திரங்கள், மண் கரண்டிகள், மண் குவளைகள் உள்ளிட்ட பொருட்களைப் பயன்படுத்த அறிவுறுத்தப்பட்டுள்ளது.

தேர்தல் களத்தில் மோடி vs ராகுல்: யாருக்குச் சாதகம்?

Savukku :இந்திய அரசியல் ஊடகமானது ஜெயிப்பவர்

, தோற்பவர் பற்றி மட்டுமே கவலைப்படும் விளையாட்டு ஊடகப் பிரிவாக ஆகிவிட்டது.
2017ஆம் ஆண்டு குஜராத் சட்டமன்றத் தேர்தல் பிரசாரத்தின்போது நாம் பார்த்ததுபோல், பிரதமர் நரேந்திர மோடி இப்போதெல்லாம் தானாக முன்வந்து அரசியல் கதையாடல்களை உருவாக்குவதில்லை. அப்பிரசாரத்தின்போது அவர் நெகிழ்ச்சியாகவும் எதிர்வினை புரியும்படியும் இருந்தார்: காங்கிரஸ் தன் மீதான அந்தரங்கத் தாக்குதல் தொடுத்தது பற்றி புகார் கூறிக்கொண்டே தனக்கு முன் பிரதமராக இருந்தவர் பாகிஸ்தானியர்களுடன் சேர்ந்து அரசுக்கு எதிராக ‘சதிவலை’ (பின்னர் அதுபற்றி பேசவே இல்லை) பின்னுவதாகவும் கூறினார்.