Vacancy இந்து பிராமண அய்யங்கார் மட்டும் விண்ணப்பிக்கவும்’

 திருவரங்கம் கோவிலில் Vacancy குறைந்தபட்ச கல்வித்தகுதி: இந்து பிராமணர் அய்யங்கார் வகுப்பைச் சேர்ந்தவர் மட்டும் விண்ணப்பிக்கலாம்
தமிழக அரசு சட்டமான ‘அனைத்து சாதியினரும் அர்ச்சகராக வேண்டும்’ என்பதற்கான வழக்கு உச்சநீதிமன்றத்தில் இறுதி விசாரணையில் உள்ள நிலையில், தமிழக அரசு இந்து அறநிலையத்துறை திருவரங்கம் கோவிலில் 4 விதமான பணி நியமனத்திற்கு இந்து பிராமணர் அய்யங்கார் மட்டும் விண்ணப்பிக்கவும் எனவும் 15-3-2013 அன்று விண்ணப்பிக்க இறுதி நாள் என பொறுப்பாகவும் விளம்பரம் கொடுத்திருந்தது.

படம் : பி.பி.சி.

அர்ச்சகர் உட்பட கோவில் பணியாளர் அனைவரையும் நியமிக்கும் அதிகாரம் அரசு அதிகாரத்திற்கு உட்பட்டது; முறைகேட்டில் ஈடுபடும் அர்ச்சகர்மீது ஒழுங்கு நடவடிக்கை எடுக்கலாம் என பிற அரசு ஊழியர்களுக்கு உள்ள விதிமுறைகள் இவர்களுக்கும் உள்ளது; அரசு வேலைவாய்ப்பில் பிறப்பை வைத்து சாதிபாகுபாடு பார்க்கக் கூடாது; தீண்டாமை எந்த வடிவத்தில் அமுல்படுத்தினாலும் தண்டனைக்கு உரிய குற்றம் எனவும் சட்டத்தின் முன் அனைவரும் சமம் எனவும் அரசியலமைப்பு சட்டம் கூறுகிறது; வாரிசுரிமைப்படி அர்ச்சகர் நியமனம் ஒழிக்கப்பட்டு விட்டது. இவை எல்லாம் ஏட்டளவில்தான் உள்ளன. சட்டப்படியே தீண்டாமை கடைப்பிடிக்கப் படுவதற்கு மீண்டும் ஒரு சாட்சிதான் திருவரங்கம் கோவில் விளம்பரம்.

T.M.Soundararajan க்கு வாழ்நாள் சாதனையாளர் சிறப்பு விருது

பாடகர் டி.எம்.சவுந்தரராஜன் இன்று தனது 91–வது பிறந்தநாளை கொண்டாடினார். இதையொட்டி அவருக்கு திருவனந்தபுரத்தில் உள்ள ஸ்வரலயா நிறுவனம் சார்பில் ‘வாழ்நாள் சாதனையாளர் சிறப்பு விருது’ வழங்கப்பட்டது.இன்று மாலை 6.30 மணிக்கு கழக்கூட்டம் அல்சாஜ் கன்வென்சன் சென்டர் அரங்கில் நடைபெற்ற விழாவில், டி.எம்.சவுந்தரராஜனுக்கு இசையமைப்பாளர் எம்.ஜெயசந்திரனும், கே.ஜே.ஜேசுதாசும் சேர்ந்து இந்த விருதை வழங்கி பாராட்டி பேசினார்கள். விருதுடன் ரூ.1 லட்சத்திற்கான காசோலையும் வழங்கப்பட்டது. தொடர்ந்து, தனது 91–வது பிறந்தநாளை, அந்த விழா மேடையிலேயே பாடகர் டி.எம்.சவுந்தரராஜன் கேக் வெட்டி கொண்டாடினார். அவருக்கு, பாடகர் கே.ஜே.ஏசுதாஸ், மார்க்சிஸ்ட் கம்யூனிஸ்டு கட்சியின் கேரள மாநில பொதுச்செயலாளர் ஆகியோர் கேக் ஊட்டி மகிழ்ந்தனர். தொடர்ந்து ‘ஓல்ட் இஸ் கோல்ட்’ மெல்லிசை நிகழ்ச்சி நடைபெற்றது nakkheeran.in

கோச்சடையன் சமணர்களை கழுவிலேற்றியவன்

 சைவர்கள் இந்த அப்பட்டமான அயோக்கியத்தனத்தை செய்திருக்கிறார்கள். திருஞான சம்பந்தரிடம் வாதம் புரிந்து தோற்றுப்போனதால் பெருங்குன்றத்தைச் சேர்ந்த எட்டாயிரம் சமணர்களை கழுவிலேற்றியிருக்கிறார்கள்  nisaptham.com

சைவர்களை சமணர்கள் அடிக்க, சமணர்களை சைவர்கள் கொல்ல- இவர்களோடு ஒரே புராணமாக இருந்திருக்கும் போலிருக்கிறது. பெரிய புராணம். பெரிய புராணத்திற்கு அடிப்படைக் காரணமான அறுபத்து மூன்று நாயன்மார்களும் இயேசுவுக்கு ஜூனியர்கள். இயேசு காலம் என்பது காலண்டர் பயன்படுத்தும் எல்லோருக்குமே தெரியும். 2000 வருடங்கள் ஆகிவிட்டது. நாயன்மார்கள் அதற்கப்புறம் முந்நூறு வருடங்களுக்கு பிறகுதான் ஸீனுக்கு வருகிறார்கள். கி.பி.300 லிருந்து கி.பி 865 வரை. அவர்களுக்கும் அப்புறம்தான் சுந்தரர் காலம் கி.பி. 840 வாக்கில். எதற்கு இந்த பெரிய புராண ஆராய்ச்சி?& சுந்தரர் எனக்கு சின்ன வயதிலேயே அறிமுகம். ஏதோ ஒரு படத்தில் விவேக்குக்கு போலீஸ் அதிகாரி அறிமுகமாகிய கதைதான்.

ஊழல்வாதிகள் சொத்து: பறிமுதல் செய்தது பீகார் அரசு

பாட்னா: லஞ்சம், ஊழல் போன்ற, முறைகேடான செயல்களால் சம்பாதித்த, 20 அதிகாரிகள் மற்றும் கிரிமினல்களின் சொத்துகளை பறிமுதல் செய்யும் நடவடிக்கையை, பீகார் மாநில அரசு துவக்கியுள்ளது.
வருமானத்திற்கு அதிகமாக லஞ்சம் மற்றும் ஊழல் போன்ற முறைகேடான செயல்கள் மூலம் சேர்த்த சொத்துகளை பறிமுதல் செய்யும் சட்டத்தை, பீகாரை ஆளும், முதல்வர் நிதிஷ்குமார் தலைமையிலான, ஐக்கிய ஜனதா தளம் - பாரதிய ஜனதா கூட்டணி அரசு இயற்றியுள்ளது. அதன்படி கடந்த ஆண்டில், ருத்ரானந்த் ஜா மற்றும் ராம்புகர் சவுத்ரி ஆகியோரின் சொத்துகள், அரசால் பறிமுதல் செய்யப்பட்டன. ஒன்பது ஆண்டுகளாக, "இந்திரா அவாஸ் யோஜனா' என்ற மத்திய அரசு திட்ட நிதியை, 30 கோடி ரூபாய் அளவுக்கு சுருட்டிய, இருவர் கைது செய்யப்பட்டதோடு, அவர்களின் சொத்துகளும் பறிமுதல் செய்யப்பட்டன. அந்த வரிசையில், இந்த ஆண்டு, 20 ஊழல்வாதிகளின் சொத்துகளை முடக்க, பீகார் அரசு முன் வந்துள்ளது.

மிரட்ட பார்த்தால் பாடம் புகட்டுவோம்: காங்.,க்கு தி.மு.க., "போஸ்டர் எச்சரிக்கை'

தி.மு.க.,வினர் மீது, சி.பி.ஐ.,யை வைத்து மிரட்டப் பார்த்தால், தகுந்த பாடம் புகட்டுவோம்' என, புதுக்கோட்டை மாவட்ட, தி.மு.க.,வினர், "போஸ்டர்' மூலம், காங்.,சுக்கு எச்சரிக்கை விடுத்துள்ளனர்.
இலங்கை பிரச்னையை மேற்கோள் காட்டி, காங்கிரஸ் தலைமையிலான ஐக்கிய முற்போக்கு கூட்டணி அரசிலிருந்து, தி.மு.க., விலகியதை வரவேற்று, தமிழகம் முழுவதும், தி.மு.க.,வினர் பட்டாசு வெடித்து கொண்டாடினர். புதுக்கோட்டையில், தி.மு.க.,வினருக்கு போட்டியாக, காங்., கட்சியினரும் பட்டாசு வெடித்து, இனிப்பு வழங்கினர். தி.மு.க., பொருளாளர், ஸ்டாலின் வீட்டில், சி.பி.ஐ., அதிகாரிகள் சோதனை நடத்தியதற்கு, புதுக்கோட்டை மாவட்ட, தி.மு.க.,வினர் கடும் கண்டனம் தெரிவித்தனர்.
இதற்கிடையே, "சி.பி.ஐ.,யை வைத்து, தி.மு.க.,வினரை மிரட்டப் பார்த்தால், தகுந்த பாடம் புகட்டுவோம்' என, காங்., கட்சியினருக்கு, மாவட்ட, தி.மு.க.,வினர், "போஸ்டர்' மூலம் பகிரங்க எச்சரிக்கை விடுத்துள்ளனர்.

தமிழகத்தை தாண்டாத ஈழ பிரச்னை அடுத்த மங்காத்தா வரை தொடரும்

வாசகர் 1:  ஈழ விடுதலைக்காக போராடிய மற்ற அற வழி தலைவர்களையெல்லாம் கொன்றொழித்து விட்டு, பின்பு இறுதி போரின் பொது அப்பாவி மக்களை கேடயமாக பயன்படுத்தி அதனால் அவர்களையும் கொலைக்கு கொடுத்து விட்டு, இறுதியின் தாங்களும் மாண்ட ஒரு தீவிரவாத இயக்கத்தை தலையில் தூக்கி வைத்து நடக்கின்ற போராட்டத்தை வரலாறு தெரிந்த ஒருவன் கூட ஆதரிக்க மாட்டான். போராடும் இந்த மாணவர்களிடம் சூர்யாவின் குழைந்தையின் பெயரை கேட்டால் உடனே சொல்லி விடுவார்கள். ஆனால் அமிர்தலிங்கம் யார் என்று கேட்டு பாருங்கள், ஒருவனுக்கும் தெரியாது. அது தான் உண்மை. இந்த போராட்டங்கள் மற்றவர்களின் பார்வையில் ஒரு தெளிவற்றதாகவே படுகிறது. 
வாசகர் 2   தமிழ் உணர்வாளர்களுக்கு ஒரு கேள்வி, தமிழக மாணவர்களை போராட்டம் வன்முறை என்று தூண்டி விடுகிர்களே அவர்களின் வாழ்கையை பற்றி கொஞ்சமாவுது சிந்தித்து பார்த்தீர்களா ? அந்த மாணவர்களின் பெற்றோர்கள் எவ்வுளவு கஷ்டப்பட்டு படிக்க வைக்கிறார்கள். ஒரு சில குடும்பங்களில் இந்த மாணவர்களை நம்பி தான் அவர்கள் வாழ்கையே உள்ளது, இந்த நிலையில் இந்த மாணவர்களை போராட்டம் வன்முறை என்று இழுத்து விட நீங்கள் யார் ? அவர்களின் வாழ்வை அழிக்கும் உரிமையை யார் உங்களுக்கு கொடுத்தாது ? இப்படி தான் இலங்கையில் உள்ள ஒரு தலைமுறை மாணவனை போராட்டம் என்று சொல்லி அந்த சிறுவர்களை வாழ வேண்டிய வயதில் வாழ விடாது அவர்களின் உரிமையை பறித்து போராளியாக்கி அவனை நாசம் செய்தீர்கள், எத்தனை எத்தனை இந்த முகம் தெரியாத சிறுவர்கள் யுத்தத்தில் பலியாக்கப்பட்டிருக்கிறார்கள், இந்த பலிகள் உங்களுக்கு போதாதா ? இலங்கையை விட்டுவிட்டு இப்போது இந்தியா வந்து ஏன் எங்களை பலி கேட்கிறிர்கள் ? இந்திய தமிழனையாவுது வாழவிடுங்கள் ப்ளீஸ்
வாசகர் 3 பிரபாகரனால் கொல்லப்பட்ட தமிழர்கள் அதை விட அதிகம். தீவிர வாதம் எங்கிருந்தாலும் அதை ஒடுக்க வேண்டியது, ஒழிக்கவேண்டியது அந்த நாட்டின் நாட்டு அரசின் கடமை. அந்த வகையில் பிரபாகரனை ஒழிக்க இலங்கை அரசு நடவடிக்கை எடுத்தது. அப்போது பிரபாகரனால் கேடயமாக பயன் படுத்தப்பட்ட அப்பாவி பொது மக்கள் உயிரிழந்தனர். சில அது மீறல்கள் இருந்திருக்கலாம். ( நாம் கூட இங்கே வந்த புத்த பிட்சுவை எதற்கு அடித்து விரட்டினோம்? உங்களை பார்க்க வந்த தங்க பாலுவை எதற்கு விரட்டினீர்கள்? ஹிந்தியை திணிக்க கூடாது என்று உங்களுக்கு எப்படி சொல்ல உரிமை இருந்ததோ அதே போல ஹிந்தியை எனக்கு சொல்லிக்கொடு என்று சொல்லவும் மக்களுக்கு உரிமை உண்டு. ஆனால் அடியோடு ஹிந்தி மொழியை மாநில கல்வி திட்டத்தில் இருந்து அகற்றும் உரிமையை யார் இவர்களுக்கு கொடுத்தார்கள்? இது மனித உரிமை மீறல் இல்லையா? ). அயல் நாட்டு கொள்கை அர்த்தமற்றது என்று சொல்லும் நீங்கள் நம் நாட்டில் நடக்கும் வரம்பு மீறல்கள் பற்றி - இங்கு முற்படுத்தப்பட்டோருக்கு இழைக்கப்பட்ட கொடுமைகள் மனித உரிமை மீறல்கள் இல்லையா? ஒரு பிராமணன் குடுமி வைத்துக்கொண்டால் அவனது குடுமியை அறுக்க சொன்ன உங்கள் முன்னோடிகளுக்கு ஒரு முஸ்லிம் பர்தா போட்டால் அதை உருவி ஏறி என்று சொல்ல ஏன் திராணி இல்லாமல் போனது? எவன் பயந்து ஒதுங்கிகின்றானோ அவனை விரட்டுவது இந்த மொழி வெறி நாடக நடிகர்களுக்கு சவுகர்யமான காரியம். இவற்றை எல்லாம் ஏன் இங்கு சொல்ல விரும்புகின்றேன் என்றால் தமிழர்கள் மீது மற்றவர்களுக்கு அவ நம்பிக்கை ஏற்பட, இங்கு நடக்கும் போராட்டங்களை கூத்துக்களாக ( உண்மையில் இவை கூத்துகள் தான் என்பது வேறு விஷயம் ) அவர்கள் பார்ப்பதற்கு காரணம் உங்களை போன்ற மாணவர்கள் தவறானவர்களால் தவறான பாதைக்கு உணர்ச்சி வசப்படுத்தும் பேச்சுக்களால் இழுத்து செல்லப்படுவதே. நாம் இந்தியனாக இருக்கும் வரை நமக்கு உலகளவில் மதிப்பு அதிகம். தமிழனாக உங்களை தனிமைப்படுத்திகொண்டு காட்ட விரும்பினால் வெளி உலகம் உங்களை எலி அளவு கூட மதிக்காது

மியான்மரில் மீண்டும் மதக் கலவரம் மக்கள் பீதியில்

மெய்க்டிலா: மியான்மரில் புத்த மதத்தினருக்கும் முஸ்லிம்களுக்கும் இடையில் மீண்டும் கலவரம் ஏற்பட்டது. இதில் இருதரப்பிலும் 20 பேர் அடித்து கொல்லப்பட்டனர். நூற்றுக்கணக்கான வீடுகளுக்கு தீ வைக்கப்பட்டது. இதனால் பதற்றம் ஏற்பட்டுள்ளது. மியான்மரின் மத்திய பகுதியில் புத்த மதத்தினருக்கும் முஸ்லிம்களுக்கும் இடையில் கடந்த 2 நாட்களுக்கு முன்பு மோதல் வெடித்தது. இரு தரப்பினரும் வீடுகளுக்கு தீ வைத்தனர். கடைகளை சூறையாடினர். இதனால் மக்கள் பீதியில் பாதுகாப்பான இடங்களுக்கு தப்பி சென்றனர். பலர் வீடுகளை விட்டு வெளியில் வரவில்லை. இந்த மோதலில் 2 நாளில் மட்டும் 20 பேர் அடித்துக் கொல்லப்பட்டனர். முஸ்லிம்களின் வீடுகளுக்கு தீ வைக்கப்பட்டது. அதை அணைக்க வந்த தீயணைப்பு துறையினரையும் அதிகாரிகளையும் புத்த மதத்தினர் தடுத்து விரட்டியதால் பெரும் பதற்றம் ஏற்பட்டது. கலவர பகுதிகளில் உடனடியாக உள்ளூர் போலீசாரும் ராணுவத்தினரும் குவிக்கப்பட்டனர். தற்போது நிலைமை கட்டுப்பாட்டுக்குள் உள்ளதாக அதிகாரிகள் தெரிவித்தனர். கடந்த ஆண்டு மியான்மரின் மேற்கு பகுதியில் உள்ள ரெகைன் என்ற பகுதியில் இதேபோல் மதக் கலவரம் வெடித்தது. அப்போது 200க்கும் அதிகமானோர் கொல்லப்பட்டனர் என்பது குறிப்பிடத்தக்கது.tamilmurasu.org

எல்லா வேடத்திலும் நடிப்பேன் : லட்சுமிராய்

ஹீரோயின் வேடத்துக்காக காத்திருக்க மாட்டேன் என்றார் லட்சுமிராய். ஹீரோயின் வேடம் வந்தால் நடிப்பேன் என்று சில நடிகைகள் பிடிவாதமாக இருப்பதுண்டு. இதற்காக காத்திருந்து பட வாய்ப்புகளை இழந்த நடிகைகள் பலர். ஆனால் லட்சுமிராய் இதிலிருந்து மாறுபட்டிருக்கிறார். அவர் கூறும்போது, ‘ஒரு நடிகையாக விதவிதமான வேடங்களை ஏற்று நடிக்க வேண்டும் என்று எண்ணுகிறேன். படம் வெற்றி அடைகிறதோ தோல்வி அடைகிறதோ அது இரண்டாவதுபட்சம்தான். ஒரு காலகட்டத்துக்கு பிறகு எனது நடிப்புலக வாழ்க்கையை திரும்பி பார்க்கும்போது வெவ்வேறுவிதமான கதாபாத்திரங்களை செய்த திருப்தி இருக்க வேண்டும். ஹீரோயின்களை பொருத்தவரை ஹீரோக்களைவிட குறுகிய காலம் மட்டுமே நடிக்க முடியும் என்ற நிலை உள்ளது. நான் நடிக்கும் படங்களில் ஒன்றிரண்டு ஹிட்டானால்கூட அடுத்த 2 அல்லது 3 ஆண்டுக்கு தொடர்ந்து நடிக்க முடியும். எனவேதான் என்னைத் தேடி வரும் எல்லா வாய்ப்புகளையும் நான் ஏற்கிறேன். நல்ல படத்தில் ஒரு அங்கமாக இருந்தால்கூட போதும் என்றார்.

முலாயம் சிங்: Akilesh அமைச்சர்கள் மாநிலத்திற்காக பணியாற்றுவதே இல்லை

இந்தியாவில் பெருகி வரும் ஊழலுக்கு காங்கிரஸ் கட்சிதான் காரணம் என்று சமாஜ்வாடி கட்சிதலைவர் முலாயம் சிங்யாதவ் குற்றம்சாட்டியுள்ளார்.அது மட்டுமின்றி தனதுசொந்தமகன் அகிலேஷ் யாதவுக்கும் அவர் எச்சரிக்கை விடுத்துள்ளார். ஒழுங்காக ஆட்சி நடத்தாவிட்டால் மீண்டும் ஆட்சிக்கு வரமுடியாது என்று தன் மகனுக்கே அவர் அறிவுரை கலந்த எச்சரிக்கை விடுத்துள்ளார்.   ஐக்கிய முற்போக்கு கூட்டணி அரசில் கிட்டத்தட்ட 9 ஆண்டுகள் அங்கம் வகித்த கட்சி திமுக. இந்த கட்சி சமீபத்தில் இலங்கை இனப்படுகொலை பிரச்சினை தொடர்பாக ஏற்பட்ட கருத்து வேறுபாட்டை அடுத்து காங்கிரஸ் கூட்டணி அரசில் இருந்து தன்னை விடுவித்துக்கொண்டது. கூட்டணியிலிருந்தும் விலகுவதாக இக்கட்சிதலைவர் கருணாநிதி அறிவித்து விட்டார். திமுக விலகிவிட்ட நிலையில் இனி மத்திய அரசு சமாஜ்வாடி கட்சியையும், மாயாவதி கட்சியையும் நம்பித்தான் ஆட்சி நடத்தி ஆகவேண்டும். இவர்கள் இருவரில் யாராவது ஒருவர் காலை வாரிவிட்டாலும் மன்மோகன் சிங் அரசு வீட்டிற்கு போவதை தவிர வேறு வழியில்லை.இவர்களை பகைத்துக்கொண்டால் பாராளுமன்ற தேர்தல் விரைவில் வர வாய்ப்புண்டு.    நிலைமை இப்படி இருக்க, திமுக விலகிவிட்ட சில நாட்களிலேயே முலாயம் சிங் யாதவ் காங்கிரசை தாக்கி பேச ஆரம்பித்துவிட்டார்.

கலைஞர் எச்சரிக்கை: பழைய கதை தான் ஏற்படும் ?

பிரிவினை, பெரிய வினையாக மாறும்; பழைய கதை தான் ஏற்படும்

 தி.மு.க.,வின் தொழிலாளர் முன்னேற்ற சங்கப் பேரவையின், 23வது பொதுக்குழுக் கூட்டம், அண்ணா அறிவாலயத்தில் நேற்று நடந்தது.

இதில் திமுக தலைவர் கலைஞர் பேசியபோது,  ‘’ தொழிலாளர்கள் ஒற்றுமையாக, அரவணைக்கும் போக் குடன், அன்போடு நடந்து கொள்ள வேண்டும். இது, தொழிலாளர்களுக்கு மட்டுமல்ல, தி.மு.க., வின ருக்கும் சேர்த்துத் தான் சொல்லுகிறேன்.

பிரிவினை, பெரிய வினையாக மாறும்; பழைய கதை தான் ஏற்படும்’’என்று கட்சியினருக்கு எச்சரிக்கை விடுத்தார்.  இனி இவர்கள் ஒற்றுமை படவேண்டுமென்றால் ஜெயலலிதா மீண்டும் ஏதாவது ஒரு அடாவடித்தனம் செய்தால் தான் உண்டு . முன்பும் கலைஞரை நடு இரவில் படுமோசமான முறையில் கைது செய்த பின்புதான் ஸ்டாலின் அழகிரி உறவு மீண்டும் துளிர்த்தது . இந்த முறையும்  இவர்களை ஒற்றுமை படுத்த அல்லது  காப்பாற்ற போயஸ் கார்டனில் இருந்து தான் கிரகம் வரவேண்டும் 

ஸ்டாலின் வீ டு ரெய்டு : காங்கிரஸ் மீது அன்னா ஹசாரே குற்றச்சாட்டு

சி.பி.ஐ. அமைப்பை காங்கிரஸ் எப்போதுமே தவறாகப் பயன்படுத்தி வந்துள்ளது என்று சமூக சேவகர் அண்ணா ஹசாரே குறை கூறியுள்ளார்.

ஐக்கிய முற்போக்குக் கூட்டணிக்கான ஆதரவை தி.மு.க. திரும்பப் பெற்றதும் மு.க.ஸ்டாலின் வீட்டில் சி.பி.ஐ. சோதனை நடத்தியது குறித்து ஹசாரேவிடம் செய்தியாளர்கள் கேள்வி எழுப்பினர். அதற்குப் பதிலளித்த ஹசாரே, ’’சி.பி.ஐ. தனது சொந்த முடிவுகளின்படி செயல்படுகிறது என்று கருதுவது தவறானது. அது அரசின் கட்டுப்பாட்டில் இருப்பது அனைவருக்கும் தெரியும். அந்த அமைப்பை லோக்பாலின் கீழ் கொண்டு வந்தால், அது ஊழலைத் தடுக்க உதவும். சி.பி.ஐ.யில் சில நல்ல அதிகாரிகள் இருந்தபோதிலும், அந்த அமைப்பை காங்கிரஸ் எப்போதுமே தவறாகப் பயன்படுத்தி வந்துள்ளது. சி.பி.ஐ.யில் உள்ள அனைவரும் கெட்டவர்கள் அல்ல. அவர்கள் தங்கள் வேலையைக் காப்பாற்றிக் கொள்வதற்காக, நெருக்கடிகளுக்குப் பணிந்து விடுகிறார்கள்.ஐக்கிய முற்போக்குக் கூட்டணியில் இருந்து கட்சிகள் வெளியேறுவதைப் பொறுத்தவரை, தனது ஊழல் காரணமாக காங்கிரஸ், மக்களின் ஆதரவை இழந்து வருகிறது.

யோகா குரு Bikram சவுத்ரி மீது மாணவி செக்ஸ் புகார்

Former student of Bikram Choudhury has filed a lawsuit against the ... 'Hot Yoga' Guru Faces Sexual .
வாஷிங்டன்:அமெரிக்கா வாழ் இந்தியரான, பிரபல யோகா குரு, விக்ரம் சவுத்ரி மீது, முன்னாள் மாணவி செக்ஸ் புகார் கூறியுள்ளார்.அமெரிக்காவின் கலிபோர்னியா மாகாணத்தில் உள்ள, "பிவேர்லி ஹில்ஸ்' பகுதியில், யோகா மையம் நடத்தி வருபவர், விக்ரம் சவுத்ரி, 67.இவரிடம் அமெரிக்க முன்னாள் அதிபர்களான, ரொனால்டு ரீகன், பில் கிளின்டன் மற்றும் பாப் பாடகி மடோனா, நடிகர் ஜார்ஜ் க்ளூனி உள்ளிட்டோர், யோகா கற்றுள்ளனர்.< விக்ரம் சவுத்ரி, தன்னை பாலியல் பலாத்காரம் செய்ய முயன்றதாக, அவரது முன்னாள் மாணவி, சாரா பான், 29, லாஸ் ஏஞ்சல்ஸ் ஐகோர்ட்டில், வழக்கு தொடர்ந்துள்ளார்.இது குறித்து, சாரா பான் கூறியதாவது:விக்ரம் நடத்தும், யோகா மையத்தில் சேர்ந்த சில நாட்களிலேயே, அவர் மற்ற மாணவிகளிடம் நடந்து கொண்ட விதம், வழக்கத்துக்கு மாறாக இருந்ததை கவனித்தேன். மனைவியால் மனரீதியாக பாதிக்கப்பட்டிப்பதாகவும், இதிலிருந்து நிவாரணம் பெற, தன்னுடன் உடலுறவு கொள்ளுமாறும், என்னை பலமுறை வற்புறுத்தினார்.< முற்பிறவியில், என்னுடன் நெருங்கிய உறவில் இருந்ததாகவும் குறிப்பிட்டார்.ஒரு முறை, என்னை கீழே தள்ளி, பாலியல் பலாத்காரம் செய்ய முயன்றார்.இதற்கு உடன்படாததால், எனக்கு பயிற்சி அளிப்பதை நிறுத்தி விட்டார். இதனால், என் எதிர்காலம் பாதிக்கப்பட்டுள்ளது.இவ்வாறு, சாரா கூறினார்.

அழகிரி ஆடறது ஆட்டமா? காங்கிரசில் தமக்கு நண்பர்களாமே

புதுடில்லி : சி.பி.ஐ., அதிகாரிகள் சோதனை நடத்தியதை பிரச்னையாக்க விரும்பவில்லை என்றும், காங்கிரசில் தமக்கு நண்பர்கள் அதிகம் களாமே இருப்பதாகவும், அவர்களுடன் உள்ள உறவை துண்டிக்க முடியாது என்றும் , இதனை யாராலும் தடுக்க முடியாது என்றும் தி.மு.க,. தென் மண்டல அமைப்பு செயலாளரும், மாஜி மத்தியஅமைச்சருமான மு.க., அழகிரி கூறியுள்ளார்.

இலங்கை மீதான அமெரிக்க தீர்மானம் தொடர்பான பிரச்னையில் காங்., கூட்டணியில் இருந் தி.மு.க., வெளியேறியது. இதிலிருந்து 2 நாட்களில் , தி.மு.க., பொருளாளர் ஸ்டாலின் மகன், உதயநிதி ஸ்டாலின், சொகுசு கார் வாங்கியது தொடர்பாக, அவரது வீட்டில் சி.பி.ஐ., சோதனை நடத்தியது. சென்னை, ஈஞ்சம்பாக்கத்தில் உள்ள, முன்னாள் மத்திய அமைச்சர் அழகிரியின் பண்ணை வீட்டிலும், கொகுசு கார் இருக்கிறதா என, சி.பி.ஐ., அதிகாரிகள், சோதனை நடத்தினர். அங்கு கார்கள் எதுவும் இல்லாததால், சி.பி.ஐ., அதிகாரிகள் திரும்பினர். அழகிரி திமுக ரெடியா ?

உன் உளவியல் இருப்பை அடிமை சாசனமாக கேட்கும் GURUJI

மனிதகுல வரலாற்றில் குரு பக்தி அல்லது குருவழிபாடு குரு மேன்மை போன்ற சமாச்சாரங்கள் எல்லா மதங்களிலும் காணப்படுகின்றது , அரசன் ஆண்டவன் குரு போன்ற சொற்கள் எல்லாமே அனேகமாக மனிதர்களின் பயத்தை அடிப்படையாக வைத்து அவர்களின் சுய தேடலை சிறுமை படுத்திய ஒரு சமாச்சாரமாகவே காணப்படுகிறது . அறிவை பகிர்வதிலோ அன்பை பகிர்வதிலோ அல்லது மகிழ்ச்சியை பரிமாறுவதிலோ எந்த விதமான தவறும் இல்லை அவை அவசியமானதும் கூட . ஆனால் உனக்கு நான் அறிவு தருகிறேன் பேர்வழி அதற்கு பிரதிகூலமாக நீ உனது உடல் பொருள் ஆவி எல்லாம்   என் முன்னே சமர்பிக்க வேண்டும் எதிர்பார்க்கும்  குரு அல்லது ஆண்டவன் அல்லது அரசன் எல்லாமே எமக்கு உண்மையில் சரியான வழியை காட்டவில்லை .

ஜோசியர் மற்றும் சாமியார் நிகழ்ச்சிகளை டிவியில் ஒளிபரப்ப தடை!

திரிபுரா மாநிலத்தில் சில ஜோசியர்கள் டிவியில் விளம்பர நிகழ்ச்சிகளை நடத்துகின்றனர். இதேபோல் சாமியார்கள் என்றும் மந்திரவாதிகள் என்றும் தங்களை அழைத்துக்கொள்ளும் சிலரும் டிவியில் நிகழ்ச்சி நடத்துகின்றனர்.இந்த நிகழ்ச்சிகளின் மூலம் இவர்கள் மக்களை ஏமாற்றுகின்றனர் என்று திரிபுரா அரசு குற்றம் சாட்டியுள்ளது. சில மாதங்களுக்கு முன்பு அகர்தலாவில் உள்ள ஒரு வீட்டில் ஒரு பூஜை நிகழ்ச்சி நடைபெற்றது. குடும்பத்தின் நலனுக்காக சில சித்து வேலைகளை செய்ய வேண்டும் என்று கூறி பாபா கமால்ஜேடி என்ற மந்திரவாதியை அழைத்து வந்தனர். ஆனால் இந்த நபர் அந்த வீட்டில் இருந்த ரூபாய் 15 லட்சம் மதிப்புள்ள தங்க நகைகளை எடுத்துக்கொண்டு தலைமறைவாகிவிட்டார்.சாமியார்களும், மந்திரவாதிகளும், ஜோசியர்களும் கேபிள் டிவி நடத்துபவர்களிடம் நிகழ்ச்சி நடத்த உரிமை பெறுகின்றனர். <>இவர்கள் நகரில் உள்ள ஓட்டல்களில் அறை எடுத்து தங்கிக்கொள்கின்றனர். டிவி நிகழ்ச்சிகளில் இவர்கள் தங்களுக்கு தெய்வீக சக்தி இருப்பதாக விளம்பரம் செய்கிறார்கள். சில மந்திர, தந்திர நிகழ்ச்சிகளை டிவியில் செய்து காட்டுகின்றனர். தொலைபேசியில் கேள்வி கேட்டு இறுதியில் தங்களை நேரில் சந்திக்கும்படி சாமியார்களும், ஜோசியர்களும், மந்திரவாதிகளும் அழைப்பு விடுகின்றனர்.இவர்களால் பொதுமக்கள் ஏமாற்றப்படுகிறார்கள் என்ற குற்றச்சாட்டு எழுந்துள்ளது. எனவே இத்தகைய டிவி நிகழ்ச்சிகளுக்கு தடை விதிக்க திரிபுரா அரசு முடிவு செய்துள்ளது. சட்டமன்ற தேர்தல் போன்ற சில முக்கிய பிரச்சனைகளால் நடவடிக்கை எடுக்க முடியவில்லை என்றம், தற்போது சட்டமன்ற தேர்தல் முடிந்துவிட்டதால் இத்தகைய டிவி நிகழ்ச்சிகளை தடுக்க தகுந்த நடவடிக்கை எடுக்கப்படும் என்றும் மேற்கு திரிபுரா மாவட்ட மாஜிஸ்திரேட் கிரண் கிட்டி கூறியுள்ளார்.

தமிழக அரசு அழகிரிக்கு போலீஸ் பாதுகாப்பு ! ஏன் ஏன் ஏன்?

மத்திய அமைச்சர் பதவியை ராஜினாமா செய்த அழகிரிக்கு மட்டும், தொடர்ந்து போலீஸ் பாதுகாப்பு வழங்க உத்தரவிடப்பட்டுள்ளது. தமிழக அரசு, அழகிரிக்கு போலீஸ் பாதுகாப்பு வழங்குமாறு மதுரை போலீஸ் கமிஷனருக்கு உத்தரவிட்டுள்ளது.
இலங்கை தமிழர் பிரச்னையில் மத்திய அரசின் போக்கு பிடிக்காமல், ஐக்கிய முற்போக்கு கூட்டணியில் இருந்து தி.மு.க., வெளியேறியது. அழகிரி உட்பட 5 மத்திய அமைச்சர்கள், தமது அமைச்சு பதவிகளை ராஜினாமா செய்தனர். அதையடுத்து, அவர்களுக்கு அளிக்கப்பட்டு வந்த போலீஸ் பாதுகாப்பும் விலக்கி கொள்ளப்பட்டது. ஏன் ஏன் ஏன்
விதிவிலக்காக, அழகிரிக்கு மட்டும் தொடர்ந்து போலீஸ் பாதுகாப்பு வழங்கப்படுகிறது.
அழகிரிக்கு போலீஸ் பாதுகாப்பு வழங்குமாறு, மதுரை போலீஸ் கமிஷனருக்கு தமிழக அரசு உத்தரவிட்டுள்ளது. இதனால், அழகிரி வீட்டில் வழக்கம் போல் 4 போலீசார், சுழற்சி முறையில் பாதுகாப்பு பணியில் ஈடுபடுவார்கள். அழகிரியுடன் துப்பாக்கி ஏந்திய போலீசார் மற்றும் பாதுகாப்பு போலீசார் உடன்செல்வர்.
இது தொடர்பாக போலீஸ் அதிகாரி ஒருவர், “எதற்காக அழகிரிக்கு பாதுகாப்பு தொடர்ந்து அளிக்கப்பட வேண்டும் என்ற விபரம் எங்களுக்கு தெரிவிக்கப்படவில்லை. தற்போது, தி.மு.க.வில் அழகிரி – ஸ்டாலின் ஆதரவாளர்கள் இடையே மறைமுகமான மோதல் இருப்பதால், அழகிரியின் பாதுகாப்பு கருதி, முன்னெச்சரிக்கையாக இந்த நடவடிக்கையை அரசு எடுத்திருக்கலாம்” என்றார்.
அட, அழகிரிமீது தமிழக அரசுக்கு இவ்வளவு அக்கறை இருப்பதாக யாரும் சொல்லவேயில்லையே!

viruvirupu.com/

Sun Tv செய்தி ஆசிரியர் ராஜா, உதவியாளர் வெற்றிவேந்தனும் கைது!

சன் டிவி பெண் செய்தி வாசிப்பாளர் ஒருவர் கொடுத்த பாலியல் புகாரின் அடிப்படையில் சன் செய்தி ஆசிரியர் ராஜாவின் உதவியாளர் வெற்றி வேந்தனும் சுற்றிவ,த்து கைது செய்யப்பட்டார்.ராஜா கைதானதையடுத்து இவர் தலைமறைவானார் என்பது குறிப்பிடத்தக்கது.சன் டிவி செய்திப் பிரிவில் வாசிப்பாளராக சுமார் ஓராண்டுக்கும் மேலாக பணியாற்றி வருபவர் 28 வயதாகும் அகிலா என்பவர்.அகிலாவுக்கு தொடர்ந்து ராஜா பாலியல் தொந்தரவு கொடுத்ததாகவும் இணங்க வைக்க அவருக்கு நிறைய ஆசை வார்த்தைகளையும் முடியாத பட்சத்தில் மிரட்டலையும் விடுத்துள்ளார் ராஜா என்று புகார் பதிவானது.மேலும் இரவு நேரங்களில் எஸ்.எம்.எஸ்., போன்கால்கள் என்று பெரும் தொந்தரவு கொடுத்ததாகவும் புகார் மனுவில் தெரிவிக்கப்பட்டுள்ளது.மேலும் ராஜாவின் கூட்டாளியான வெற்றிவேந்தன் என்ற மற்றொரு பத்திரிக்கையாளரை வைத்து இந்த செய்திவாசிப்பாளரை அணுகியுள்ளார் ராஜா, அதாவது இணங்கினால் நிறைய சம்பளம் மற்றும் பிற வசதிகள் செய்யப்படும் என்று ஆசை வார்த்தைகள் கூறியதாகவும் பத்திரிக்கை செய்தி தெரிவிக்கிறது.மேலும் சில பெண் செய்தியாளர்களிடம் வெற்றி வேந்தனும் பாலியல் தொடர்பு வைத்திருந்தது புகைப்படங்களுடன் லீக் ஆனதும் செய்தி ஆசிரியர் ராஜா அவரை வேறு ஊருக்கு பணி இடமாற்றமும் செய்துள்ளது தெரியவந்துள்ளது.இந்தப் புகாரை அனுப்பிய அந்தப் பெண் தன் புகார் மனுவுடன் வெற்றிவேந்தனின் குரல் பதிவுகள் மற்றும் அவரது பாலியல் உறவு தொடர்பான புகைப்படங்களையும் கமிஷனரிடம் சமர்ப்பித்ததாக தெரிகிறது.இந்தப் புகாரின் அடிப்படையில் ராஜா மற்றும் அவரது உதவியாளர் வெற்றி வேந்தனைக் கைது செய்ய போலீஸ் முடிவெடுத்து ராஜாவை கைது செய்து புழல் சிறையில் அடைத்தனர்.ஆனால் இவருக்கு பல வழிகளிலும் உறுதுணையாக இருந்து வன்ட்ததோடு இவருமே பல செய்தி வாசிப்பாளருடன் நெருக்கமாக இருந்த புகைப்படங்களும் புகார் மனுவுடன் சேர்த்து அளிக்கப்பட்டதால் ராஜா இவரை திருச்சிக்கு பணி இட மாற்றம் செய்துள்ளார்.இந்த நிலையில் அவரையும் கைது செய்துள்ளது போலீஸ்.ராஜா போன்றவர்களை பணி நீக்கம் செய்ய சன் நிர்வாகம் முன் வரவேண்டும் போலீசாரும் ராஜா, வெற்றிவேந்தன் மீது சட்டப்படியான நடவடிக்கைகளை மேற்கொள்ளவேண்டும் என்று இதழ் ஒன்றுக்கு பேட்டி அளித்துள்ள அந்தப் பெண் கூறியுள்ளார். 

  இவன்தான் எடிட்டருக்கு ஆள் புடிச்சு குடுக்கறவன். “
“ஆள் புடிச்சுன்னா…“
“உனக்கு ஒண்ணும் புரியாது… எடிட்டர் எந்தப் பொண்ணு மேல கண்ணு வக்கிறாரோ, அந்தப் பொண்ணை வழிக்கு கொண்டு வந்து எடிட்டர் மடி மேல விழ வக்கிற வரைக்கும் விட மாட்டான்.“
“நம்பவே முடியல.. இப்படில்லாமா பண்ணுவாங்க.. “ விபரமா படிக்கனும்னா சவுக்கு டாட் நெட்டுக்கு விசிட் பண்ணி பாருங்க நம்மளால முடியாதப்பா அவ்வளவு கதை இருக்கப்பா 

இலங்கையில் 46 சர்வதேச நிறுவனங்களில் 43 நிறுவனங்கள் இந்தியாவைச் சேர்ந்தவை”

சமீப நாட்களாக தமிழகத்தில் இலங்கை தொடர்பான வர்த்தக நிலையங்கள் மற்றும் வங்கிகள் தாக்கப்பட்டு வரும் நிலையில், இந்தியாவுக்கான இலங்கை தூதர் பிரசாத் கரியவாசம், “இலங்கையில் செயல்படும் 46 சர்வதேச நிறுவனங்களில் 43 நிறுவனங்கள் இந்தியாவைச் சேர்ந்தவை” என்று கூறியுள்ளார்.
மும்பையில் நடைபெற்ற நிகழ்ச்சி ஒன்றில் பேசிய அவர், “இந்தியாவும், இலங்கையும் நட்பு நாடுகள்தான். தற்போது ஏற்பட்டுள்ள சில அரசியல் பிரச்சினைகள் தற்காலிகமானதுதான். இதனால் இரு நாடுகளுக்கும் இடையேயான உறவில் எந்த பாதிப்பும் ஏற்படாது.
இலங்கையின் அமைவிட உத்தியை பயன்படுத்தி இந்தியா ஏராளமான ஆதாயங்களை அடைய முடியும். இலங்கையை சிறந்த வர்த்தக மையமாக பயன்படுத்திக்கொள்ள முடியும்.
இலங்கையில் செயல்படும் 46 சர்வதேச நிறுவனங்களில் 43 நிறுவனங்கள் இந்தியாவைச் சேர்ந்தவை. இரு நாடுகளுக்கும் இடையே தடையற்ற வர்த்தக ஒப்பந்தம் உள்ளது. ஆனால் இதை செயல்படுத்துவதில் போதிய முன்னேற்றம் காணப்படவில்லை. இந்த ஒப்பந்தத்தை பயனுள்ள வகையிலும், அர்த்தமுள்ள வகையிலும் திறம்பட செயல்படுத்த இரு நாடுகளும் ஆக்கபூர்வமான நடவடிக்கைகளை மேற்கொள்ள வேண்டியது அவசியம்.
இந்தியாவில் இருந்து இலங்கைக்கும், இலங்கையில் இருந்து இந்தியாவுக்கும் சுற்றுலா பயணிகள் வந்து செல்வது அதிகரித்து இருப்பதால், சுற்றுலா துறையை மேம்படுத்துவதற்கான நடவடிக்கைகளும் மேற்கொள்ளப்பட வேண்டும்” என்றார்.

Read more:  viruvirupu.com

நயன்தாரா ஆர்யா வீட்டு விருந்து

ஆர்யாவும் நயன்தாராவும் ‘பாஸ் என்கிற பாஸ்கரன்’ படத்தில் ஜோடியாக நடித்தார்கள். இப்போது வலை, ராஜா ராணி, படங்களிலும் இணைந்து நடிக்கிறார்கள். பிரபு தேவாவுடனான காதலை முறித்துவிட்டு நயன்தாரா மீண்டும் நடிக்க வந்ததை ஆர்யா விருந்து வைத்து கொண்டாடியதாக கூறப்பட்டது.அப்போது நயன்தாராவை ஆர்யா தனது வீட்டுக்கு அழைத்தார். அங்கு அவருக்கு ருசியான பிரியாணி விருந்து அளித்தார். இருவருக்கும் காதல் மலர்ந்துள்ளது என்று திரையுலகினர் பேசிக் கொள்கிறார்கள். ஆனால், இதை ஆர்யா மறுத்துள்ளார்.இது பற்றி அவரிடம் கேட்டபோது, எனது வீட்டில் அம்மா சுவையாக பிரியாணி சமைப்பார். நிறைய பேர் அதை சாப்பிட்டு விட்டு ருசியாக இருந்ததாக மற்றவர்களிடம் சொல்லி உள்ளனர்.

சசிகலா சகோதரர் திவாகரன் கைது செய்யப்பட்டார்.பின்னணி விபரம்!

திவாகரன் மீது கடந்த ஆண்டு ரிஷியூர் முன்னாள் திமுக ஊராட்சி மன்றத்தலைவர் தமிழார்வன் புகார் கொடுத்தார் என்பதற்காக ஏற்பட்ட முன் விரோதத்தால்,  திவாகரன் துண்டுதலின் பேரில் தமிழார்வனை அதே ரிஷியூரைச்சேர்ந்த ஊராட்சிமன்றத்தலைவர் கிருஷ்ணமேனன், ராஜேந்திரன் ஆகியோர் அரிவாளால் வெட்ட முயற்சி செய்ததாக நீடாமங்களம் காவல்நிலையத்தில் தமிழார்வன் கொடுத்த புகாரின் பேரில் திவாகரன் கைது செய்யப்பட்டுள்ளார்.ரிஷியூரில் தமிழார்வனின் டிராக்டர் ஓட்டுநர் வீட்டை இடித்த வழக்கில் திவாகரன் முதல்முறையாக கைது செய்யப்பட்டார். அந்த வழக்கில் கிருஷ்ணமேனன், ராஜேந்திரன் உள்ளிட்ட பலரும்க் கைது செய்யப்பட்டு ஜாமீனில் வெளிவந்தனர் என்பது குறிப்பிடத்தக்கது. அதன்பிறகு, திவாகரன் பல வழக்குகளில் கைது செய்யப்பட்டு ஜாமீனில் வெளிவந்துள்ளார் என்பது குறிப்பிடத்தக்கது.

இனி யாரும் ஏழை இல்லை தமிழகத்தின் தனிநபர் கடன் ரூ.13,862

தமிழக அரசுக்கு தற்போதுள்ள கடனில், ஒவ்வொரு குடிமகனும், 13 ஆயிரத்து 862 ரூபாய்க்கு பொறுப்பாளியாக உள்ளனர். தமிழக அரசின் கடன் தொகை, 2013-14ல், 1.41 லட்சம் கோடியாக உயரும். இதற்கு, 10 ஆயிரம் கோடி ரூபாய் வட்டி செலுத்த வேண்டும் என, பட்ஜெட்டில் குறிப்பிடப்பட்டுள்ளது.
மக்கள் தொகை: இக்கடன் தொகையை, தமிழகத்தின் மொத்த மக்கள் தொகைக்கு கணக்கிடும்போது, ஒவ்வொரு குடிமகனும், 13 ஆயிரத்து 862 ரூபாய், 19 காசுகளுக்கு பொறுப்பாளி ஆகிறார். இந்த கணக்கீடு, 2011ல் தமிழகத்தில் உள்ள, 7.21 கோடி மக்கள் தொகையை அடிப்படையாக கொண்டு கணக்கிடப்பட்டுள்ளது. கடந்த இரு ஆண்டுகளில், மக்கள் தொகை அதிகரித்திருக்கும் பட்சத்தில், இதில், கொஞ்சம் குறையலாம். தமிழகத்தின், 2013-14ம் நிதி ஆண்டின் வருவாய், 1 லட்சத்து 18 ஆயிரத்து 579 கோடி ரூபாய்; வருவாயில் செலவு, 1 லட்சத்து 17 ஆயிரத்து 916 கோடி ரூபாய்; வருவாய் உபரி, 664 கோடி ரூபாய். நடப்பு, 2012-13ம் நிதி ஆண்டில் வருவாய், 1 லட்சத்து ஆயிரத்து 777 கோடி ரூபாயாக இருந்தது. செலவினம், 1 லட்சத்து ஆயிரத்து 325 கோடி ரூபாய் என, மதிப்பிடப்பட்டது. இதனால், 451 கோடி ரூபாய் வருவாய் உபரி கிடைத்தது.

இந்தியா சிமெண்ட்ஸ் சீனிவாசனிடம் இருந்து 11 கார்கள் பறிமுதல்

கிரிகெட் வாரிய தலைவரும் இந்தியா சிமெண்ட்ஸ் நிறுவன தலைவரும் மேலும் சத்யா சாயி அறக்கட்டளையின் அங்கத்தவருமான N சீனிவாசனின் வீட்டில் இருந்து 11 அதி விலை உயரந்த சொகுசு கார்கள் சிபிஐ யினால் பறிமுதல் செய்யப்பட்டது 
 The CBI has seized 11 cars belonging to BCCI chief N Srinivasan for alleged evasion of duty in Chennai, news channel CNN-IBN reported.
கடந்த, 2007ம் ஆண்டிலிருந்து, 2011 வரை, வெளிநாடுகளில் இருந்து, பல நிறுவன தயாரிப்புகளான, 33 சொகுசு கார்களை, சிலர் வாங்கியுள்ளனர். இந்த கார்கள் வாங்கியதில், வரி ஏய்ப்பு செய்யப்பட்டு, மத்திய அரசுக்கு, பல கோடி ரூபாய் வரை இழப்பு ஏற்பட்டுள்ளது. இதுதொடர்பாக, மத்திய அரசின் வருவாய் புலனாய்வு துறையினர் விசாரணை நடத்தியும், அந்த விசாரணை முறையாக நடக்கவில்லை. அதனால், இந்த விசாரணை, சி.பி.ஐ.,யிடம் ஒப்படைக்கப்பட்டது. இதுதொடர்பாக, கடந்த மூன்று மாதங்களாக, சி.பி.ஐ., அதிகாரிகள் விசாரணை நடத்தினர். இதையடுத்து, சென்னை மற்றும் புறநகர்ப் பகுதிகளில், நேற்று முன் தினம், 18 இடங்களில் சோதனை நடத்தினர். இந்த சோதனையின் ஒரு பகுதியாக, தி.மு.க., பொருளாளர் ஸ்டாலின் வீட்டிற்கு சென்றதுதான், நாடு முழுவதும் பெரும் பரபரப்பை ஏற்படுத்தியது.

நோக்கியாவின் பலே திருட்டு!

நோக்கியா பல்லாயிரம் கோடி ரூபாய் வரிச்சலுகைகளையும் பெற்றுக் கொண்டு 18,000 கோடி ரூபாய் அளவிற்கு வரி ஏய்த்திருப்பது மட்டுமல்ல; ஆறே ஆண்டுகளில் 25,000 கோடி ரூபாய் அளவிற்கு அதிரடி இலாபம் அடைந்து அதை பின்லாந்திற்கு எடுத்துச் சென்றிருக்கிறது.

ஐரோப்பாவிலுள்ள பின்லாந்து நாட்டைச் சேர்ந்த கைபேசி தயாரிப்பு நிறுவனமான நோக்கியா குறித்துப் புதிதாக அறிமுகப்படுத்தத் தேவையில்லை. தமிழக அரசு, பலத்த போட்டிக்கிடையே, பல சலுகைகளை அளித்து, அந்நிறுவனத்தைத் தமிழகத்திற்கு அழைத்து வந்தது. நோக்கியாவின் வருகை சிறப்புப் பொருளாதார மண்டலக் கொள்கைக்குக் கிடைத்த வெற்றியாகவும், தமிழகத்தின் நவீன அடையாளமாகவும் காட்டப்பட்டது. இப்படி ஆளும் கும்பலால் ஒளிவட்டம் போட்டுக் காட்டப்பட்ட நோக்கியா, பல ஆயிரம் கோடி ரூபாய்க்கு வரி ஏய்ப்பு செய்துள்ள திருட்டுக் கூட்டம் என்ற உண்மை இப்பொழுது அம்பலமாகியிருக்கிறது.

சஞ்சய் தத்,, மன்னிப்பு வழங்க கவர்னருக்கு அதிகாரம் உண்டு

பாலிவுட் நடிகர் சஞ்சய் தத்துக்கு மன்னிப்பு வழங்க வேண்டும் என்ற கோரிக்கைகள் வரும் நிலையில், மன்னிப்பு கேட்டு சஞ்சய் தத் மகாராஷ்டிரா மாநில கவர்னருக்கு மனு செய்தால், மன்னிப்பு வழங்குவது குறித்து கவர்னர் தனது அதிகாரத்தை பயன்படுத்துவார். மன்னிப்பு வழங்க கவர்னருக்கு அதிகாரம் உண்டு. இது பற்றி கருத்து கூற முடியாது என மத்திய சட்டத்துறை அமைச்சர் அஸ்வினி குமார் கூறியுள்ளார்.tamil.yahoo.com

வாசன், அழகிரி, நெப்போலியன் ரகசியமாக சந்திப்பு

தி.மு.க. மத்திய அரசில் அங்கம் வகித்தபோது மு.க.அழகிரி, டில்லியில் அடக்கி வாசித்துக் கொண்டிருந்தார்! டில்லி அரசியல் வட்டாரங்களில் அவரை யாரும் கண்டுகொள்வதில்லை. அவர் பாட்டுக்கு (எப்போதாவது) அமைச்சுக்கு வருவார், போவார்.
ஆனால், தி.மு.க. ஆட்சியில் இருந்து விலகியபின், டில்லி அரசியல் வட்டாரங்களில் கவனிக்கப்படும் நபராகி விட்டார் அழகிரி. காங்கிரஸ் கூட்டணியில் இருந்து தி.மு.க. கடந்த செவ்வாய்க்கிழமை வெளியேறியது. சென்னையில் இருந்து வந்த உத்தரவுப்படி, தி.மு.க.வைச் சேர்ந்த மத்திய அமைச்சர்கள் பழநிமாணிக்கம், ஜெகத்ரட்சகன், காந்திசெல்வன் ஆகியோர் தங்களின் ராஜினாமா கடிதங்களை பிரதமர் மன்மோகன் சிங்கிடம் புதன்கிழமை அளித்தனர்.
ஆனால், மு.க.அழகிரி மிஸ்ஸிங்! (கூடவே இலவச இணைப்பாக நெப்போலியன்)
உடனே, டில்லி அரசியல் வட்டாரங்களின் பார்வை அவர் மீது பதிந்தது. “ஆகா.. இவர் வேறு ஒரு ட்ராக்கில் ஓடுகிறாரோ..”
பின்னர், மு.க. அழகிரியும், மத்திய இணை அமைச்சர் நெப்போலியனும் தனியே சென்று பிரதமரிடம் ராஜினாமா கடிதம் தந்தனர்.
அதன் பின்னரும், டில்லி மீடியா அழகிரி மீது ஒரு கண் வைத்திருந்தது. அவர்களுக்கு தீனி போடுவதுபோல மற்றொரு சம்பவம் நேற்று நடந்தது.
மு.க. அழகிரி, நெப்போலியன் ஆகியோர் நேற்று நண்பகலில் திடீரென மத்திய கப்பல் துறை அமைச்சர் ஜி.கே. வாசனை சந்தித்துப் பேசினர். அழகிரிக்கு ப.சிதம்பரத்துடனும் சுமுக உறவு உண்டு. அவரை விட்டுவிட்டு, வாசனை ஏன் போய் சந்தித்தார்?
டெல்லி ஜன்பத் சாலையில் உள்ள காங்கிரஸ் கட்சியின் மத்திய அமைச்சர் ஜி.கே. வாசனின் இல்லத்துக்கு மு.க. அழகிரியும் நெப்போலியனும் சென்றபோது அங்கு பரபரப்பு நிலவியது. சுமார் ஒரு மணி நேரம் இந்த சந்திப்பு ரகசியமாக நடைபெற்றதாக கூறப்படுகிறது.
இவர்கள் என்ன பேசிக்கொண்டார்கள்? ஆட்சியில் இருந்து விலகிய நிலையிலும், தி.மு.க. தலைமை, அழகிரி மூலம் புது ரூட் போடப்படுகிறதா? இப்போது டில்லி மீடியாவில் அடிபடும் கேள்விகள் இவைதான்!

viruvirupu.com