தியேட்டர் உரிமையாளர்களின் நிலை கவலைக்கிடமாக உள்ளது

Posted by: Sudha

சென்னை: தமிழகத்தில் உள்ள தியேட்டர் உரிமையாளர்களின் நிலையெல்லாம் கவலைக்கிடமாக இருப்பதாக கவலையுடன் கூறியுள்ளார் திரையரங்க உரிமையாளர் சங்க பொதுச் செயலாளர் பன்னீர்செல்வம்.
திருத்தணி என்று ஒரு படம். பரத்-சுனைனா நடிப்பில் ரொம்ப காலமாக தயாரிப்பில் உள்ள படம். பேரரசுதான் இயக்கியுள்ளார். இதன் பாடல் வெளியீட்டு விழா கமலா தியேட்டரில் நடந்தது. இயக்குநர் கே.பாக்யராஜ் ஆடியவை வெளியிட, திரைப்படத் தயாரிப்பாளர்கள் சங்கத் தலைவர் எஸ்.ஏ.சந்திரசேகரன் பெற்றுக் கொண்டார்.
நிகழ்ச்சியில் பன்னீர்செல்வம் பேசுகையில்,
சினிமா தியேட்டர்களில் கூட்டம் குறைந்து கொண்டே வருகிறது. அதற்கு பல காரணங்கள் உள்ளன. இது பற்றி திரை உலகின் அனைத்து பிரிவினரும் ஒன்று கூடி விவாதித்து ஒரு நல்ல தீர்வு காணவேண்டும்.

மதுரை ஆதீனத்திலிருந்து 2 நித்தியானந்தா ஆதரவாளர்கள் விரட்டியடிப்பு!

Posted by: Sudha

மதுரை: மதுரை ஆதீன மடத்தில் திடீரென புதிய பிரளயம் கிளம்பியுள்ளது. இதுரை சாதுவாக இருந்து வந்த மதுரை ஆதீனகர்த்தர் அருணகிரிநாதர் டென்ஷனாகி விட்டதாக கூறப்படுகிறது. அவரது உத்தரவுப்படி ஆதீன மடத்தில் தங்கியிருந்த நித்தியானந்தாவின் 2 தீவிர ஆதரவாளர்கள் மடத்தை விட்டு வெளியே விரட்டியடிக்கப்பட்டுள்ளனர்.
மதுரை ஆதீன மடத்தின் அடுத்த வாரிசாக நித்தியானந்தாவை மதுரை ஆதீனகர்த்தர் அருணகிரிநாதர் அறிவித்தது முதலே பெரும் பஞ்சாயத்தாக இருந்து வருகிறது. அடுத்தடுத்து நித்தியானந்தா சர்ச்சையிலும், வழக்குகளிலும் சிக்க அருணகிரிநாதர் கையைப் பிசைந்தபடிதான் உள்ளார். இருப்பினும் எந்த முடிவையும் எடுக்க முடியாத நிலையில்தான் அவரும் உள்ளார்.

கிரானைட் முறைகேடு பணத்தில் CPI கட்சித் தலைமைக்கு கொடுத்த வீடு!

எம்.எல்.ஏ. கிரானைட் முறைகேடு பணத்தில், கட்சித் தலைமைக்கு கொடுத்த வீடு!

Viru News,

பெரியார் திராவிடர் கழக பிரமுகர் கொலை வழக்கில் கைதாகி, தற்போது சிறையில் உள்ள தளி தொகுதி எம்.எல்.ஏ ராமச்சந்திரன் மீது கிரனைட் குவாரி முறைகேடு குறித்து ஆராயத் துவங்கிய போலீஸ், முதல் கட்ட விசாரணைகளில் கிடைத்த தகவல்களால் அதிர்ச்சி அடைந்துள்ளனர் என்று தெரியவருகிறது.
காரணம் தோண்ட, தோண்ட வெளிவரும் முறைகேடுகள்தான்!
தளி தொகுதி இந்திய கம்யூனிஸ்ட் கட்சி எம்.எல்.ஏ. ராமச்சந்திரன், தமது கட்சித் தலைமையிலும், ஆட்சியில் உள்ள சிலருக்கும் கொடுத்த பணமும், கட்டிக் கொடுத்த வீடுகளும், தற்போது சிக்கலுக்கு உள்ளாக போகின்றன.

பாக். போலீஸ் காவலில் 11 வயது சிறுமி! விசாரணைக்கு ஜனாதிபதி உத்தரவு!!

Viru News

பாகிஸ்தானில் 11 வயது சிறுமி குரான் பக்கங்களை எரித்ததாக குற்றம் சாட்டப்பட்டு, போலீஸ் ஸ்டேஷனில் தடுத்து வைக்கப்பட்டுள்ள சம்பவம், பலத்த சர்ச்சையை ஏற்படுத்தியுள்ளது. பாகிஸ்தான் ஜனாதிபதி ஆசிஃப் அலி சர்தாரியே இதில் நேரடியாக தலையிட்டு, உடனடி விசாரணை செய்து அறிக்கை தருமாறு உள்துறை அமைச்சருக்கு உத்தரவிட்டுள்ளார்.
காரணம், இந்த விவகாரம் பாகிஸ்தானுக்குள் ஏற்படுத்திய பரபரப்பை விட, பாகிஸ்தானுக்கு வெளியே அதிக பப்ளிவிட்டி கொடுக்கப்பட்டு, பரபரப்பை ஏற்படுத்தியுள்ளது.
கைது செய்யப்பட்டுள்ள சிறுமி, கிருத்துவ மதத்தை சேர்ந்தவர் என்று கூறப்படுகிறது. இஸ்லாமபாத்தில் உள்ள இந்த சிறுமியின் வீட்டுக்கு முன்னால் நூற்றுக்கணக்கில் கூடிய பொதுமக்கள், கொதிப்புடன் சிறுமியை தாக்க முயன்றதாகவும், தாம் சென்று காப்பாற்றி போலீஸ் ஸ்டேஷனுக்கு அழைத்து வந்ததாகவும் கூறுகிறது போலீஸ். அயலவர்கள், எரியும் காகிதங்களை பார்த்தபோது…இந்த சிறுமி, தனது வீட்டுக்கு முன் பழைய பொருட்கள், மற்றும் காகிதங்களை போட்டு எரித்துள்ளார்.

மியன்மாரில் இன்றுமுதல் செய்தி தணிக்கை நீக்கம்

நீண்ட கால செய்தித் தணிக்கை, இன்று காலை எதிர்பாராத விதமாக நீக்கம்!

Viru News நீண்ட காலமாக அமலில் இருந்த செய்தித் தணிக்கை இன்று முதல் நீக்கப்படுவதாக அறிவித்துள்ளது மியன்மார் அரசு. இதுவரை காலமும் நாட்டுக்குள் நடக்கும் விஷயங்கள் வெளியுலகத்தை எட்டாத வண்ணம், கடுமையான தணிக்கை முறை அங்கு கடைப்பிடிக்கப்பட்டு வந்தது.

இதில் பெரிய தமாஷ் என்னவென்றால், இன்று முதல் செய்தித் தணிக்கை கிடையாது என்ற அறிவிப்பு, மியன்மார் அரசால் அதிகாரபூர்வமாக வெளியிடப்பட்டிருக்கவில்லை. செய்தியாளர்கள் இன்று காலை தமது செய்திகளை தணிக்கை செய்வதற்காக கொடுக்கச் சென்ற இடத்திலேயே, இனி தணிக்கை கிடையாது என்ற செய்தியை தெரிந்து கொண்டனர்.
மியன்மாரில் வெளியாகும் மாலைச் செய்திகளை, காலையிலேயே செய்தியாளர்கள் அரசு அலுவலகம் ஒன்றுக்கு எடுத்துச் செல்ல வேண்டும்.

ராஜீவ் காந்தியின் 68வது பிறந்த நாள்... நினைவு கூர்ந்த காங்கிரஸ்

டெல்லி: மறைந்த பிரதமர் ராஜீவ் காந்தியின் 68வது பிறந்த நாளையொட்டி இன்று அவருக்கு நாடு முழுவதும் காங்கிரஸார் மலரஞ்சலி செலுத்தினர். 

 இன்று 68வது பிறந்த நாளாகும். இதையொட்டி டெல்லியில் உள்ள அவரது சமாதியில் குடியரசுத் தலைவர் பிரணாப் முகர்ஜி, பிரதமர் மன்மோகன் சிங், ராஜீவின் மனைவி சோனியா காந்தி, மகள் பிரியங்கா வத்ரா, அவரது கணவர் ராபர்ட் வத்ரா ஆகியோர் மலர் தூவி அஞ்சலி செலுத்தினர். ஏராளமான காங்கிரஸாரும் இந்த நிகழ்ச்சியில் கலந்து கொண்டனர். அதேபோல பல்வேறு தலைவர்களும் ராஜீவ் சமாதியில் அஞ்சலி செலுத்தினர். சென்னை அருகே ஸ்ரீபெரும்புதூரில் உள்ள அவரது நினைவிடத்திலும் ஏராளமானோர் திரண்டு வந்து அஞ்சலி செலுத்தினர்

மெகந்தி அலர்ஜி 100-க்கும் மேற்பட்ட பெண்கள் பாதிப்பு

திருவல்லிக்கேணியில் ஐஸ்அவுஸ் பகுதியில் மெகந்தியால் அரிப்பு ஏற்பட்டஉசேனா கூறியதாவது:-

நாங்கள் ஐஸ்அவுஸ் யானைக்குளம் பகுதியில் வசித்து வருகிறோம். ரம்ஜான் பண்டிகைக்காக நிறைய பேர் மெகந்தி போட்டனர். 10 ரூபாய் கொடுத்து நாங்களும் மெகந்தி வைத்தோம். இதில் எனது மகள் நவ்ஷீன் (வயது6) உடல் முழுவதும் அலர்ஜியால் சிவந்து தடிப்பு தடிப்பாக காணப்பட்டது. உடனே பக்கத்தில் உள்ள 24 மணி நேர ஆஸ்பத்திரிக்கு சென்று காட்டினோம். பிறகு ராயப்பேட்டை ஆஸ்பத்திரிக்கு அனுப்பி வைத்தார்கள். அங்கு ஊசி போட்டு மருந்து கொடுத்தனர். இப்போது எனது மகள் குணமாகி விட்டாள்.

இந்தியாவில் வதந்தியை பரப்பிய 250 இணையதளங்களுக்கு தடை

இந்தியாவில் வடகிழக்கு மாநில மக்களிடையே பீதியை ஏற்படுத்தும் வகையில் இணையதளங்கள் மூலம் வதந்திகளைப் பரப்பி வருவதை தடுக்க அரசு பல்வேறு நடவடிக்கைகளை மேற்கொண்டு வருகிறது. தற்போது வதந்திகளை பரப்பிய 250 இணையதளங்களை தடைசெய்யப்பட்டுள்ளதாக இந்திய உள்துறை அமைச்சர் சுஷில் குமார் ஷிண்டே தெரிவித்துள்ளார்.இதுவரை 130 இணையங்கள் தடைசெய்யப்பட்டுள்ளது, மீதி விரைவில் தடைசெய்யப்படவுள்ளது முஸ்லிம்களின் கோபத்தை தூணிவிடுமாறு படங்களையும் வீடியோக்களையும் வெளியிட்டதுதான் நாட்டில் வடகிழக்கு மக்கள் மீதான தாக்குதல்களுக்குக் காரணம் என்று கருதப்படுகிறது.

சங்கீதா தேமுதிகவிலிருந்து விலகி திமுகவில் இணைந்தார்

சென்னை: அதிமுக தரப்புக்குப் போக ஆள் சேர்ப்பதாக கூறி தேமுதிகவிலிருந்து நீக்கப்பட்ட, தேமுதிக தலைவர் விஜயகாந்த்தின் மனைவி பிரேமலதாவின் சொந்தக்காரப் பெண்மணியான சங்கீதா, இன்று திமுகவில் போய்ச் சேர்ந்து விட்டார்.

திருவள்ளூர் மாவட்ட தேமுதிக மகளிர் அணிச் செயலாளராக இருந்தவர் சங்கீதா சீனிவாசன். இவர் அதிமுக முக்கியப் புள்ளியை போய்ச் சந்தித்ததாகவும், அவரிடம் அதிமுகவில் சேர விரும்பியதாகவும், அதற்கு அந்த முக்கியப் புள்ளி, எம்.எல்.ஏக்கள் சிலருடன் தேமுதிகவுக்கு வருமாறு அறிவுறுத்தி அனுப்பியதாகவும் செய்திகள் வெளியாகின.
இதனால் கோபமடைந்த விஜயகாந்த், சங்கீதாவை கட்சிப் பொறுப்பிலிருந்து நீக்கி உத்தரவிட்டார். இதற்குக் கருத்து தெரிவித்த சங்கீதா, தேமுதிக ஒரு கட்சி என்று நினைத்தேன். ஆனால் விளக்கம் கூட கேட்காமல் என்னை நீக்கி அது ஒரு பிரைவேட் கம்பெனி என்பதை நிரூபித்து விட்டனர் என்று காட்டமாக கூறியிருந்தார்.

அதிமுகாவுக்கும் கல் குவாரிகளுக்கும் இடையில் என்னதான் பிரச்னை?

கிரானைட் விவகாரத்தில் வசமாக சிக்கிக்கொண்ட பி.ஆர்.பி. எக்ஸ்போர்ட்ஸ் உரிமையாளர் பழனிச் சாமி, முன்ஜாமீன் பெற தீவிரமாகப் போராடி வருகிறார்.
மதுரை உயர்நீதி மன்றம் அவருக்கு முன் ஜாமீன் வழங்கினாலும் அவர் மீது வெவ்வேறு வழக்கு களைப் பதிவு செய்து கைது செய்தே ஆகவேண்டும் என மேலிடத்திலிருந்து உத்தரவு வந்திருப்பதாகச் சொல் கிறார்கள். பி.ஆர்.பி.யைக் கைது செய்து, அவரிடம் மத்திய அமைச்சர் அழகிரி, அவர் மகன் தயாநிதி போன்ற வர்களுக்கு எதிராக வாக்குமூலம் பெற்று அவர்களையும் கைது நெருக்கடிக்குள் கொண்டுவரவேண்டும் என்பது தான் மேலிட உத்தரவின் சாராம்சமாம்.
 மேடத்தின் இந்த உத்தரவை ஏற்றுக்கொண்டு மாவட்ட ஆட்சியர் அலுவலகமும் மாவட்ட எஸ்.பி.அலுவலகமும் இரவு பகல் பாராமல் தீவிர நடவடிக்கைகளை மேற்கொண்டு வருகின்றன.
பி.ஆர்.பி.யைக் குறிவைத்து அரசு எந்திரமே ஜரூராக இயங்கிவருகிறது என்றால் பி.ஆர்.பி.யார்? அவரது பின்னணி என்ன? அவரது செல்வாக்கு கிடுகிடுவென வளர்ந்தது எப்படி? என்றெல்லாம் விசாரிக்க ஆரம்பித்தோம். கிடைத்த தகவல்கள் அத்தனையும் "அடேங்கப்பா!' ரகம்.

SunTv Saxena புதிய சேனல் ஆரம்பிக்கிறார்

பொங்கலன்று ஒளிபரப்பு தொடக்கம்!

Posted by: Shankar சென்னை: புதிதாக டிவி சேனல் தொடங்குகிறார் ஹன்ஸ்ராஜ் சக்சேனா. வரும் ஜனவரி 15 பொங்கலன்று இந்த சேனல் ஒளிபரப்பைத் தொடங்கவிருக்கிறது.

சன் டிவியை பெரும் மீடியா சக்தியாக உருவாக்கியதில் முக்கிய பங்கு வகித்தவர் சக்சேனா.
ஆனால் ஆட்சி மாற்றத்துக்குப் பிறகு, சன் பிக்சர்ஸ் தொடர்பாக எழுந்த பல்வேறு குற்றச்சாட்டுகளில் கைது செய்யப்பட்டார் சக்சேனா. அவரது ஆதரவாளர்களும் சிறைக்குப் போனார்கள்.
பல மாத சிறைவாசத்துக்குப் பிறகு வெளியில் வந்த சக்ஸேனா மற்றும் அவரது ஆதரவாளர்களை, சன் டிவி வெளியில் அனுப்பிவிட்டது.

8ம் வகுப்பு மாணவனை பிளேடால் கீறி, குச்சியால் அடித்து சித்திரவதை செய்த மாணவர்கள்!

கொல்கத்தா: மேற்கு வங்கத்தில் பெரும் அதிர்ச்சியூட்டும் சம்பவம் நடந்துள்ளது. 8ம் வகுப்பு மாணவனிடம் ராகிங் செய்த சக மாணவர்கள் அந்த மாணவனை பிளேடு மற்றும் குச்சியால் சரமாரியாக அடித்தும், உடலில் கிழித்தும் சித்திரவதை செய்துள்ளனர்.
மேற்கு மிதினாப்பூரில்தான் இந்தக் கொடுமை நடந்துள்ளது. சல்போனி உயர் நிலைப் பள்ளியில் படிக்கும் அந்த மாணவனை, சக மாணவர்கள் ஐந்து பேர் பள்ளி ஹாஸ்டலுக்கு இழுத்துக் கொண்டு போயுள்ளனர். பின்னர் அவனை குச்சியால் அடித்தும், பிளேடுகளால் உடம்பில் கிழித்தும் சித்திரவதை செய்துள்ளனர்.
மேலும், இதை வெளியில் சொன்னால் கொன்று விடுவோம் என்றும் மிரட்டியுள்ளனர். உடலில் காயத்துடன் வந்த மகனைப் பார்த்துப் பதறிய பெற்றோர் இதுகுறித்து போலீஸில் புகார் கொடுத்தனர். இதையடுத்து ஐந்து மாணவர்களையும் பள்ளி நிர்வாகம் டிஸ்மிஸ் செய்துள்ளது.
8ம் வகுப்பு மாணவனிடம் இவ்வளவு குரூரமாக ராகிங் நடந்திருப்பது மேற்கு வங்கத்தை அதிர வைத்துள்ளது

கீத்திகாவுடன் இயற்கைக்குப் புறம்பான உறவில் ஈடுபட்டார் மாஜி ஹரியானா அமைச்சர்!

Posted by: Sudha

சண்டிகர்: ஹரியானா முன்னாள் அமைச்சர் கோபால் கந்தா, தனது காதலி கீத்திகா சர்மாவுடன் முறையற்ற, இயற்கைக்குப் புறம்பான உறவில் ஈடுபட்டிருந்தார் என்று பிரேதப் பரிசோதனையில் தெரிவிக்கப்பட்டுள்ளது.

கீத்திகா சர்மா சமீபத்தில் தற்கொலை செய்து கொண்டார். இந்த வழக்கில் முக்கியக் குற்றவாளி கோபால் கந்தா. 11 நாட்களாக தலைமறைவாக இருந்து வந்த கந்தா சமீபத்தில்தான் சரணடைந்தார்.
தற்போது கீத்திகாவின் பிரேதப் பரிசோதனை மற்றும் உடல்கூறியல் ஆய்வறிக்கை வெளியாகியுள்ளது. அதில் தூக்கில் தொங்கி கீத்திகா உயிரிழந்துள்ளதாக தெரிவிக்கப்பட்டுள்ளது. மேலும் கீத்திகா, முறையற்ற, இயற்கைக்குகப் புறம்பான உறவில் ஈடுபடுத்தப்பட்டுள்ளார் என்றும் தெரிவிக்கப்பட்டுள்ளது. இப்படி தவறான உறவில் தான் ஈடுபட்டதால் விரக்தி அடைந்து கீத்திகா தற்கொலைக்கு முயற்சித்திருக்கலாம் என்று சந்தேகிக்கப்படுகிறது.

தமன்னா பதிலடி பங்கு கோரும் தயாரிப்பாளருக்கு

வருமானத்தில் பங்குதர கோரும் தயாரிப்பாளருக்கு பதிலடி கொடுத்திருக்கிறார் தமன்னா. ஸ்ரீதேவி, ஜிதேந்திரா நடித்து 1983ம் ஆண்டு வெளியான இந்தி படம் ‘ஹ¤ம்மத்வாலா. இப்படம் ரீமேக் ஆகிறது.

 சாஜித் கான் இயக்குகிறார். இப்படம் மூலம் தமன்னா இந்தி படத்தில் அறிமுகமாகிறார் என்று விளம்பரப்படுத்தப்பட்டது. இதைப் பார்த்து அதிர்ச்சி அடைந்த தயாரிப்பாளர் சலீம் அக்தர் கூறும்போது, ‘Ôதமன்னாவை 8 வருடங்களுக்கு முன்பு ‘சாந்த் சா ரோஷன் செஹ்ரா என்ற படத்தில் அறிமுகப்படுத்தினேன். அப்போது போட்ட ஒப்பந்தத்தில் 5 வருடத்துக்கு தமன்னா தனது வருமானத்தில் எனக்கு 25 சதவீதம் பங்கு தர வேண்டும் என்று குறிப்பிடப்பட்டிருக்கிறது. ஆனால் அதன்படி அவர் நடக்கவில்லை.

அணுசக்தியால் இயங்கும் பாட்டரி No அடிக்கடி சார்ஜ்

அணுசக்தி பாட்டரி

 http://www.ariviyal.in/

அடிக்கடி சார்ஜ் செய்ய வேண்டிய பிரச்சினை இன்றி பல ஆண்டுக்காலம் உழைக்கக்கூடிய சாதாரண  பாட்டரியை உருவாக்குவது தொடர்பாக உலகில் ஆராய்ச்சி நடந்து வருகிறது.

சந்திரனில் இறங்கி ஆராய்ச்சி நடத்துவதற்காக அடுத்த ஆண்டில் ஆளில்லாத ஆய்வுக் கலம் ஒன்றை அனுப்ப இருப்பதாகவும் அதில் அணுசக்தியால் இயங்கும் பாட்டரி இடம் பெற்றிருக்கும் என்றும் சீனா இப்போது அறிவித்துள்ளது. இச்செய்தியில் அடங்கிய முக்கிய அம்சம் அணுசக்தி பாட்டரி பற்றியதாகும்.
உலகில் இதுவரை அமெரிக்கா, ரஷியா ஆகிய இரு நாடுகள் மட்டுமே விண்கலங்களில் அணுசக்தி பாட்டரிகளைப்   பயன்படுத்தி  வந்துள்ளன. இப்போது சீனாவும் இந்த நாடுகளின் பட்டியலில் இடம் பெற்றுள்ளதாகத் தெரிய வந்துள்ளது.
இந்தியாவும் அணுசக்தி பாட்டரிகளை உருவாக்கும் பணியில் ஈடுபட்டுள்ளதாக சில தகவல்கள் கூறுகின்றன.

Email Password டை திறக்க சைபர் கிரைம் போலீசார் தீவிரம், வினாத்தாள் அவுட் விவகாரம்

தர்மபுரி :டிஎன்பிஎஸ்சி சார்பில் குரூப் 2 தேர்வு கடந்த 12ம் தேதி நடந்தது. இந்த தேர்வுக்கான வினாத்தாள் கடந்த 11ம் தேதி நள்ளிரவு தர்மபுரி, ஈரோடு உள்ளிட்ட மாவட்டங்களில் அவுட்டானது. இதுதொடர்பாக ஈரோடு மாவட்டம் பவானியைச் சேர்ந்த தனக்கொடி, அவரது கணவர் செந்தில், கவுந்தபாடி வரதராஜன், திருச்செங்கோடு செல்வராஜ், தர்மபுரி சுரேஷ்குமார், விழுப்புரம் ரங்கராஜன், திருவண்ணாமலை விவேகானந்தன் ஆகிய 7 பேர் போலீசாரால் கைது செய்யப்பட்டனர். மேலும் இந்த சம்பவத்தில் தொடர்புடையவராக கருதப்படும் சென்னையை சேர்ந்த பாலன், நாமக்கல் தாஜ் பிரவுசிங் சென்டர் சசிக்குமார், திண்டுக்கல் தர்மராஜ், தர்மபுரி அருண், பூவேஷ், திருவண்ணாமலை கார்த்திக் (எ) குமார் உள்ளிட்டோரை தனிப்படை போலீசார் தேடி வருகின்றனர்.

மோசடி குவாரி அதிபரிடம் விடிய விடிய விசாரணை

மதுரை :மதுரையில் நேற்று சரணடைந்த கிரானைட் குவாரி அதிபர் பி.ஆர்.பழனிச்சாமியிடம் போலீசார் விடிய விடிய விசாரணை நடத்தினர். போலீசாரின் கிடுக்கிப்பிடி கேள்விகளுக்கு பதிலளிக்க முடியாமல் அவர் திணறினார். இன்று மதியம் அவரை மாஜிஸ்திரேட் வீட்டில் ஆஜர்படுத்த போலீசார் திட்டமிட்டுள்ளனர். மதுரை மாவட்டம் மேலூர் பகுதியில் 16 ஆயிரம் கோடிக்கு கிரானைட் குவாரிகள் மூலம் மோசடி நடந்துள்ளதாக அப்போதைய கலெக்டர் சகாயம், அரசுக்கு அறிக்கை அளித்தார். இதையடுத்து, தற்போதைய கலெக்டர் அன்சுல் மிஸ்ரா உத்தரவின் பேரில் 300,க்கும் அதிகமான அதிகாரிகளை கொண்ட குழுவினர், மேலூர் பகுதியில் உள்ள பிஆர்பி உள்பட ஏராளமான குவாரிகளில் கடந்த 18 நாட்களாக அதிரடி சோதனை மற்றும் விசாரணை நடத்தி வருகின்றனர். பல நூறு கோடி ரூபாய் மதிப்புள்ள கிரானைட் கற்கள் பதுக்கி வைக்கப்பட்டிருந்தது சோதனையில் கண்டுபிடிக்கப்பட்டது.

சொத்துக் குவிப்பு வழக்கில் ஆச்சார்யா தொடர்வாரா ?

பி.பி.யாக ஆச்சார்யா தொடர்வாரா என்ற எதிர்பார்ப்பு எழுந்துள்ளது.

இந்திய அளவில் கவனிக்கப்படுகின்ற மிக முக்கியமான வழக்கு. ஆவணங்களே ஆதாரங்களாக அடுக்கப்பட்டுள்ளன. எனினும் 16 ஆண்டுகளாக வழக்கு விசாரணை இழுத்தடிக்கப்படுகிறது. அத்தகைய வழக்கில் தற்போது மற்றுமொரு எதிர்பாராத அதிர்ச்சித் திருப்பம்.
பெங்களூருவில் நடக்கும் ஜெ.வுக்கு எதிரான சொத்துக் குவிப்பு வழக்கில் ஆஜராகும் சிறப்பு அரசு வழக்கறிஞர் பி.பி.ஆச்சார்யா. அவர், பெயர் மற்றும் பதவிக்கு ஏற்ப ஆச்சரியமும் சிறப்பும் ஒருசேர கொண்ட நபர். இவர் கடந்த 13-ம் தேதி திடீரென்று, "நான் இனிமேல் ஜெ.வுக்கு எதிராக நடக்கும் வழக்கில் அரசுத் தரப்பு வழக்கறிஞராக ஆஜராகமாட்டேன். எனது பதவியை ராஜினாமா செய்கிறேன்' என கர்நாடக சட்டத்துறை அமைச்சருக்குக் கடிதம் எழுதினார். 14-ந் தேதி மதியம் அரசல் புரசலாக தெரியவந்த இந்த கடிதம் சிலருக்கு மகிழ்ச்சியையும் சிலருக்கு அதிர்ச்சியையும், பலருக்கு ஆச்சரியத்தையும் தந்தது.


கடந்த பிப்ரவரி மாதம் கர்நாடகாவை ஆளும் பா.ஜ.க.வின் அப்போதைய முதல்வர் சதானந்த கவுடா, ஆச்சார்யாவிடம் ""நீங்கள் மாநில அரசின் தலைமை வழக்கறிஞர் மற்றும் ஜெயலலிதாவுக்கெதிரான சொத்துக் குவிப்பு வழக்கின் சிறப்பு அரசு வழக்கறிஞர் என இரு பதவிகளில் இருக்கிறீர்கள். எனவே சொத்துக் குவிப்பு வழக்கின் சிறப்பு அரசு வழக்கறிஞர் பதவியை ராஜினாமா செய்தாக வேண்டும்'' என வலியுறுத்தினார்.

எனக்கு ஏற்ற தொழில் எது?

கீதா பிரேம்குமார்

ஜெயிக்கலாம் தோழி / அத்தியாயம் 5
உலக நாடுகளைப் பொறுத்தவரை இந்தியா என்பது மிகப் பெரிய, வளமான சந்தை. நாம்தான் இதனை ஒரு வாய்ப்பாக உணர மறுக்கிறோம். மேம்போக்கான காரணங்கள் கூறி சுயதொழிலை நிராகரிக்கிறோம்.
சரி, எனக்கு ஏற்ற தொழில் எது என்பதை எப்படித் தீர்மானிப்பது? ஒரு சிறிய உதாரணம்.
கண்மணி அதிகம் படித்தவரல்லர். பொருளாதார நெருக்கடிகளைச் சமாளிக்கவேண்டுமானால் வேலைக்குப் போயே தீரவேண்டும். ஆனால் அதற்கும் பல தடைகள். இவருக்கு விதவிதமாக உணவுப் பண்டங்கள் சமைப்பதில் அலாதி பிரியம். எப்போதும் ஏதாவது ஒன்று செய்து கொண்டேயிருப்பார். ஒரு ஞாயிற்றுக்கிழமை, புது வகையான இனிப்பு பண்டத்தை செய்ய முயற்சி செய்தார். வீட்டிலுள்ளோர் அனைவரும் பாராட்டினர்.

பஸ் டிரைவர்களுக்கு குவாட்டர் சப்ளை. உணவுக்காக நிறுத்தப்படும், சாலையோர

நெடுந்தூரம் செல்லும் அரசு மற்றும் தனியார் பஸ்கள், உணவுக்காக நிறுத்தப்படும், சாலையோர, “மோட்டல்களில், டிரைவர், நடத்துனர்களுக்கு, குவாட்டர் வழங்குவதாக, பகீர் தகவல் வெளியாகி உள்ளது. போக்குவரத்துக் கழக அதிகாரிகள், பயணிகளின் பாதுகாப்புக்கு உத்தரவாதம் வழங்க வேண்டும்.
தமிழ்நாடு அரசு போக்குவரத்துக் கழகத்தில் இயக்கப்படும், 21 ஆயிரத்துக்கும் மேற்பட்ட பஸ்களில், 10 ஆயிரத்துக்கும் மேற்பட்ட பஸ்கள், தொலைதூர பயணத்திற்காக இயக்கப்படுகின்றன. மீதமுள்ளவை, நகர, கிராமப் பகுதிகளில் இயக்கப்பட்டு வருகிறது. நெல்லை - சென்னை, சேலம் - பெங்களூரு, மதுரை - கோவை, கோவை - திருப்பதி என, பல வழித்தடங்களில், அரசு மற்றும் தனியார் பஸ்கள் இயக்கப்படுகின்றன.ஒவ்வொரு தேசிய நெடுஞ்சாலையிலும், பயணிகளின் உணவு மற்றும் கழிவறை வசதிக்காக, மோட்டல்கள் செயல்படுகின்றன. இங்கு, பஸ் டிரைவர், நடத்துனருக்கு இலவசமாக உணவு வழங்குவதுடன், அவர்களுக்கு தேவையான சிகரெட், ஹான்ஸ், வாட்டர் பாட்டில் போன்ற பொருட்களும் வழங்கப்படுகின்றன.

வேண்டியவர்களுக்கு கட்சியில் பொறுப்பா?

தி.மு.க.,வில், மு.க.ஸ்டாலின் நேர் காணல் நடத்துவதற்கு முன்பே, திருவள்ளூர் மாவட்ட இளைஞரணி அமைப்பாளர், துணை அமைப்பாளர்களை, மாவட்ட பொறுப்பாளரும், முன்னாள் எம்.பி.,யும் தேர்வு செய்து விட்டனர். இது தொடர்பாக, கட்சித் தொண்டர்கள், தலைமைக் கழகத்தில் புகார் கொடுக்கத் தயாராகி வருகின்றனர்.
தமிழகம் முழுவதும், தி.மு.க.,வில், மாவட்ட இளைஞரணி அமைப்பாளர்கள், துணை அமைப்பாளர்கள் தேர்வு செய்யப்பட உள்ளனர். இதற்காக, அண்ணா அறிவாலயத்தில் விண்ணப்பங்கள் வினியோகம் செய்யப்பட்டன. விண்ணப்பங்களை பூர்த்தி செய்து கொடுக்க, கடந்த, 15ம் தேதி கடைசி நாள். திருவள்ளூர் மாவட்டத்தில் மட்டும், 40 பேர் பதவி வேண்டி விண்ணப்பித்துள்ளனர்.

சட்டம் ஒரு இருட்டறை’.Remake லேசர் முறையில் ஷூட்டிங்

விஜயகாந்த நடிப்பில் இயக்குனர் எஸ்.ஏ.சந்திரசேகர் இயக்கிய ‘சட்டம் ஒரு இருட்டறை’. அந்த படத்தை இப்போது எஸ்.ஏ.சந்திரசேகர் தயாரிப்பில் சினேகா பிரிட்டோ இயக்கத்தில் ரீமேக் செய்கிறார்கள். 

 தரமணியில் இந்த ரீமேக் படத்தின் படப்பிடிப்பு  நடந்துகொண்டிருந்த போது திடீரென விஜய் படப்பிடிப்புத் தளத்திற்கு வருகை தந்தார்.விஜய்யை சற்றும் எதிர்பாராத படக்குழுவினர் நடப்பதரியாது அப்படியே நின்றுவிட்டனர். அவர்களின் ஆச்சர்யத்தை மறைத்து “நான் வந்ததும் ஏன் நிறுத்திவிட்டீர்கள். உங்கள் வேலையை செய்யுங்கள் நான் வேடிக்கை பார்க்கிறேன்” எனக்கூறி அங்கிருந்த நாற்காலியில் அமர்தினர் படக்குழுவினர்.

மாணவரை பிரம்பால் அடித்த தாளாளருக்கு போலீஸ் வலை

கொடுமுடி :ஈரோடு மாவட்டம் கொடுமுடி அடுத்த தாமரை பாளையத்தில் தனியார் மெட்ரிக் பள்ளி செயல்பட்டு வருகிறது. பள்ளியில் எலவநத்தம் பகுதியை சேர்ந்த தங்கவேல்  மகன் நவீன்குமார்(17) பிளஸ் 2 படித்து வருகிறார். 4 நாட்களுக்கு முன் நவீன்குமார் வகுப்பு நேரத்தில் பள்ளி தாளாளர் ராஜாவிடம் சென்று சக மாணவரின் டூவீலர் பஞ்சராகி விட்டது. பஞ்சர் ஓட்ட வெளியே சென்று வர அனுமதி கேட்டுள்ளார். தாளாளர் அனுமதி மறுத்து விட்டதாக கூறப்படுகிறது.
கடந்த 2 நாட்களுக்கு முன்பு நவீன்குமாரை தனி அறைக்கு அழைத்து சென்ற பள்ளி தாளாளர் ராஜா, அவரது மகன் ஆனந்த்(22) ஆகிய இருவரும் ‘ ஹோம் ஓர்க் எழுத வக்கில்லை. பிரண்ட்டுக்கு வக்காலத்து வாங்க வருகிறாயோ எனக் கூறி பிரம்பால் விளாசியதாக தெரிகிறது.

அம்பேத்கர் முதலிடம் - 2 கோடி பேர் வாக்களிப்பு! இரண்டாவது கலாம்

இந்தியாவின் மாபெரும் தலைவர் அண்ணல் அம்பேத்கர் - 2 கோடி பேர் வாக்களிப்பு!

Posted by: Shankar

இந்த தேர்வில் முதல் பத்து இடங்களைப் பிடித்த தலைவர்கள் மற்றும் பிற துறையினர்...

1. பாபாசாகேப் டாக்டர் பிஆர் அம்பேத்கர்
2. டாக்டர் அப்துல்கலாம்
3.வல்லபபாய் படேல்
4.ஜவஹர்லால் நேரு
5.அன்னை தெரசா
6.ஜேஆர்டி டாடா
7.இந்திரா காந்தி
8.சச்சின் டெண்டுல்கர்
9. அடல் பிகாரி வாஜ்பாய்
10. லதா மங்கேஷ்கர்
டெல்லி: மகாத்மா காந்திக்குப் பின் சுதந்திர இந்தியாவின் மாபெரும் தலைவர் யார் என்பது குறித்து மக்களிடம் நடத்திய வாக்கெடுப்பில், அண்ணல் டாக்டர் அம்பேத்கர் முதலிடம் பெற்றுள்ளார்.
அவருக்கு 2 கோடி பேர் வாக்களித்து, நாட்டின் ஒப்பற்ற தலைவர் என்று உறுதிப்படுத்தியுள்ளனர்.

இந்தியாவில் மத கலவரம் ஏற்படுத்த பாக். உளவுத்துறை பரப்பும் பீதி

புதுடெல்லி, ஆக. 18-மும்பை தாக்குதல் போல மீண்டும் ஒரு பெரிய தாக்குதலை நடத்த பாகிஸ்தான் தீவிரவாதிகள் முயன்று வருகிறார்கள். அவர்களுக்கு பாகிஸ்தானின் உளவு அமைப்பான அய்.எஸ்.அய். எல்லா உதவிகளையும் செய்து கொடுத்துள்ளது.
பாகிஸ்தான் தீவிரவாதிகள் இந்தியாவுக்குள் ஊடுருவ மேற்கொண்ட எல்லா முயற்சிகளும் கடந்த சில மாதங்களாக வெற்றிகரமாக முறியடிக்கப்பட்டன. இதனால் விரக்தி அடைந்துள்ள பாகிஸ்தான் தீவிரவாதிகள் முஜாகிதீன்கள் மூலம் நாடெங்கும் மத கலவரத்தை தூண்டி விடும் முயற்சிகளில் இறங்கியுள்ளனர்.