France இலங்கை போர்க்குற்றம் தொடர்பில் தலையிடாதிருக்க தீர்மானம்

ஐக்கிய நாடுகள் சபையின் இலங்கை தொடர்பிலான அறிக்கை குறித்த பிரான்ஸின் நிலைப்பாடு, விரைவில் பிரான்ஸ் அரசாங்கத்திடம் இருந்து வெளியாகும் என தெரிவிக்கப்பட்டுள்ளது.

இந்த அறிக்கை குறித்து கருத்து வெளியிடுமாறு இன்னர் சிற்றி பிரஸ் ஊடகம், நேற்றைய தினம் ஐக்கிய நாடுகள் சபைக்கான பிரான்ஸ் தூதுக்குழுவின் பேச்சாளரிடம் கோரி இருந்தது.
இது தொடர்பிலான உத்தியோகபூர்வ நிலைப்பாடு பாரிஸில் இருந்து விரைவில் வெளியாகும் என அவர் தெரிவித்துள்ளார்.
இதேவேளை, பிரான்ஸ் தூதுவர் ஜெராட் ஆரோடின் தகவல் படி, ஐக்கிய நாடுகள் சபை இலங்கையின் யுத்தம் தொடர்பில் தலையிடாதிருக்க தீர்மானித்துள்ளதாக இன்னர் சிற்றி பிரஸ் தெரிவித்துள்ளது.

இலங்கையின் யுத்தத்தில் 30,000க்கும் அதிகமானவர்கள் கொல்லப்பட்டமை தொடர்பில் பாதுகாப்பு சபையில் பிரான்ஸ் தரப்பில் எடுத்துக் கூறப்பட்ட போதும், இது தொடர்பில் தலையிடாதிருக்க தீர்மானிக்கப்பட்டதாக அவர் குறிப்பிட்டுள்ளார்.

கோவில்களும் ஒலிபெருக்கிகளும்

யாழ்பாணத்தில் உள்ள கோவில்களில் ஏனோ தெரியவில்லை ஒலிபெருகிகளை கண்மண் தெரியாமல் அலற விடுகிறார்கள் ?

பலரும் பலவிதமான காரணங்களை கூறுகிறார்கள். கோவில்கள் பெருதும் வியாபார ஸ்தலங்களாக மாறிவிட்ட சூழ்நிலையில் விளம்பரம் தேவையாக இருப்பதில் வியப்பில்லைதான். ஒலிபெருகிகள் ஒரு மலிவான விளம்பர சாதனமாகும். வியாபாரம் செய்யும் உரிமை யாருக்கும் உண்டுதானே. 

இவர்களின் ஒலிபெருக்கி அலறல்கள் பொதுமக்களுக்கு எவ்வளவு மோசமான தொந்தரவை கொடுக்கின்றன என்பதை பற்றி   இந்த கோவில்காரர்கள் சற்று எண்ணிப்பார்க்க வேண்டும். நொய்ஸ் பொலிஷன் என்று ஆங்கிலத்தில் கூறப்படும் சகிக்க முடியாத சப்த கொடுமையை இவர்கள் நிறுத்தினாலே ஏராளமான பக்தர்கள் கோவிலுக்கு வருவார்கள் காசும் தருவார்கள். 

மாறாக மக்களின் மனதை சற்றும் புரிது கொள்ளாமல் ஒலிபெருகிகளை உச்ச தொனியில் அலற விடுவோம் என்று தீர்மானித்தால் என்ன செய்வது?

இவர்களின் கோவில்களில் இருக்கும் தெய்வங்கள்தான் இவர்களுக்கு மனிதாபிமானத்தை கற்று தரவேண்டும். 

நல்லூரில் மட்டும் ஒலிபெருக்கிகள் பாவிக்கப்படுவதில்லை

திமுக-காங். கூட்டணி வெற்றி உறுதி: திருநாவுக்கரசர்

சென்னை: தமிழகத்தில் திமுக-காங்கிரஸ் கூட்டணி மீண்டும் வெற்றி பெற்று முதல்வர் கருணாநிதி 6வது முறையாக முதல்வராவார் என்று முன்னாள் மத்திய அமைச்சர் திருநாவுக்கரசர் கூறினார்.

முதல்வர் கருணாநிதியை அவரது வீட்டில் சந்தித்துப் பேசிய பின் நிருபர்களிடம் பேசிய திருநாவுக்கரசர், தமிழகத்தில் தேர்தல் நடைபெற்ற பிறகு முதல்வர் கருணாநிதியை நான் மரியாதை நிமித்தமாக இன்றைக்கு சந்தித்தேன்.

அவர் 6வது முறையாக மீண்டும் முதல்வராக வருவதற்கான வாய்ப்புகள் பிரகாசமாக உள்ளன. அதற்கான வாழ்த்தை அவருக்குத் தெரிவித்தேன். தமிழகத்தில் திமுக- காங்கிரஸ் தலைமையிலான கூட்டணிக் கட்சிகள் அதிக இடங்களில் வெற்றி பெற்று, கருணாநிதி தலைமையில் மீண்டும் ஆட்சி அமைக்கப்படும்.

தேர்தல் முடிந்த பிறகும், தேர்தல் கமிஷனுடைய கெடுபிடிகள் அதிகமாக உள்ளது குறித்து முதல்வர் விளக்கமாக எடுத்துக் கூறியிருக்கிறார். பொதுவாக 5 மாநிலத் தேர்தல்களைப் பார்க்கும்போது, தமிழகத்தில் கொஞ்சம் அதிகமாகவே கெடுபிடிகள் இருக்கின்றன. பொதுமக்களுடைய கருத்தும், என்னுடைய கருத்தும் இதுதான்.

இது குறித்து நாடாளுமன்றத்தில் விவாதிக்கப்பட வேண்டும் என்று மத்திய அமைச்சர் ப.சிதம்பரமும், முதல்வரும் கூறியிருப்பதைப்போல, இது குறித்து விளக்கமாக நாடாளுமன்றத்திலே விவாதித்து, தேர்தல் ஆணையத்திற்கான அதிகாரங்களை வரையறுக்க வேண்டும்.

ஏனெனில், அவர்களது நடவடிக்கைகள் மாநிலத்திற்கு மாநிலம் வேறுபடுகிறது. எனவே, ஒரே மாதிரியான கொள்கையை, ஒரே மாதிரியான சட்ட திட்டங்களை தேர்தல் ஆணையம் பின்பற்ற நடவடிக்கை எடுக்க வேண்டும் என்றார்.

Bin Laden தனது மனைவிகள் மறுமணம் செய்யக் கூடாது,தனது பிள்ளைகளை அல் கொய்தா இயக்கத்தில் சேர வேண்டாம்

: தனது பிள்ளைகளை அல் கொய்தா இயக்கத்தில் சேர வேண்டாம் என்றும், தனது மனைவிகள் மறுமணம் செய்யக் கூடாது என்றும் ஒசாமா பின்லேடன் தனது உயிலில் எழுதி வைத்துள்ளதாக தகவல்கள் வெளியாகியுள்ளன.


பின்லேடன் கடந்த 2001ம் ஆண்டு டிசம்பர் மாதம் 14ம் தேதி இந்த உயிலை எழுதி வைத்ததாக தெரிகிறது. மிகவும் ரகசியம் என எழுதப்பட்டு இந்த உயிலை அவர் பத்திரமாக பராமரித்து வந்தார்.

இந்த உயில் குறித்த விவரத்தை குவைத்தைச் சேர்ந்த செய்தித் தாளான அல் அன்பா வெளியிட்டுள்ளது. அதில், தனது குடும்பத்தினருடன் அதிகநேரத்தை செலவிட முடியாமல் போனதற்காக வருத்தம் தெரிவித்துள்ளார் பின்லேடன். மேலும் தான் மரணமடைந்தால், தனது மனைவிகள் மறுமணம் செய்யக் கூடாது என்றும் தனது பிள்ளைகளை அல் கொய்தா இயக்கத்தில் சேர வேண்டாம், எனது பாதையில் போக வேண்டாம் என்றும் பின்லேடன் கேட்டுக் கொண்டுள்ளார்.

நியூயார்க் இரட்டைக் கோபுரத் தாக்குதல் சம்பவத்திற்கு 3 மாதங்களுக்குப் பிறகு இந்த உயிலை எழுதியுள்ளார் பின்லேடன்.

நான்கு பக்கங்களைக் கொண்டதாக உள்ள அந்த உயில் கம்ப்யூட்டரில் டைப் செய்யப்பட்டு அதில் உங்களது சகோதரன் அபு அப்துல்லா ஒசாமா முகம்மது பின்லேடன் என்று கையெழுத்திட்டுள்ளார் பின்லேடன்.

தன்னைச் சுற்றியிருப்பவர்களால் கூட தான் கொல்லப்படலாம் என்று கருதியே இந்த உயிலை பின்லேடன் எழுதி வைத்ததாகவும் கூறப்படுகிறது.

இந்த உயில் எங்கிருந்து கிடைத்தது என்பதை அல் அன்பா தெரிவிக்கவில்லை. மேலும் இது நம்பகத்தன்மை வாய்ந்ததா என்பதையும் அது தெரிவிக்கவில்லை.

இதேபோன்ற ஒரு உயிலை கடந்த 2002ம் ஆண்டே, சவூதியைச் சேர்ந்த அல் மஜல்லா என்ற பத்திரிக்கையும் வெளியிட்டது. இருப்பினும் அது போலியானது என்று அப்போது அல் கொய்தா ஆதரவு இணையதளம் ஒன்று மறுத்து விட்டது.

பின்லேடனின் உயிலாக கருதப்படும் அதில் நியூயார்க் இரட்டைக் கோபுர தாக்குல் சம்பவம் குறித்தும், 1983ம் ஆண்டு லெபனானில் உள்ள அமெரிக்க போர்க்கப்பல்கள் மீது நடந்த தாக்குதல் குறித்தும், சோமாலியாவில் 19 அமெரிக்க கடற்படை வீரர்களைக் கொன்றது குறித்தும், நைரோபியில் உள்ள அமெரிக்க தூதரகத்தில் நடந்த வெடிகுண்டுத் தாக்குதல் குறித்தும் பின்லேடன் விவரித்துள்ளார்.

இந்த உயிலில் குறிப்பிடப்பட்டுள்ள முக்கிய விஷயங்கள் - தனது மனைவியல் மறுமணம் செய்யக் கூடாது. தனது குழந்தைகள் அல்கொய்தாவில் இணையக் கூடாது, ஜிஹாத் போராட்டங்களில் கலந்து கொள்ளக் கூடாது என்பதுதான்.

9வது நூற்றாண்டில் இருந்த முஸ்லீம் கலிபாவான ஒமர் பின் கத்தாப் தனது மகன் அப்துல்லாவுக்குக் கூறியதைப் போலவே தனது பிள்ளைகளுக்கும் கூறியுள்ளார் பின்லேடன்.

மேலும் பிள்ளைகளுடன் அதிக நேரத்தை செலவிட முடியாமல் போனதற்காக தன்னை மன்னித்து விடுமாறும் அவர் தனது குழந்தைகளுக்குக் கோரிக்கை வைத்துள்ளார்.

"அபாயங்களும், கடினமான பயணங்களையும் கொண்ட பாதையை நான் தேர்ந்தெடுத்து விட்டேன். இதில் ஏமாற்றங்களும், துரோகங்களும் அதிகம். என் அருமை மகன்களே, உங்களுடன் அதிக நேரத்தை செலவிட முடியாமல் போய் விட்டது. ஜிஹாத்தில் நான் குதித்ததால் இந்த நிலை. இதற்காக என்னை மன்னித்து விடுங்கள்" என்று கூறியுள்ளார் பின்லேடன்.

English summary

Osama Bin Laden's last wish, according to a document purported to be his will, was that his wives not remarry after his death and his children not join al-Qaida. Al-Anbaa, a Kuwaiti newspaper, reported on Tuesday that the will, marked "private and confidential" was dated 14 December 2001, three months after the 9/11 attacks, when US forces were hunting him in Afghanistan. The four-page document, written on a computer and signed by "your brother Abu Abdullah Osama Muhammad Bin Laden," predicts that he would die by the "treachery" of those around him. Al-Anbaa does not reveal how or when it obtained the will or whether it was able to authenticate it.

Kumaran silks ரீடெய்ல் கடை இந்தியாவிலேயே முதன்முதலாக 100 கோடி அளவுக்கு

சென்னை தி.நகரில் 55 ஆண்டுகளுக்கு முன்பு 500 சதுர அடிக்கும் குறைவான இடத்தில் ஒரு சிறிய கடையாக ஆரம்பமானதுதான் குமரன் சில்க்ஸ். இன்றோ அறுபதாயிரம் சதுர அடியில் பரந்து விரிந்து நிற்கிறது. காரணம், திரும்ப திரும்பத் தேடிவரும் கஸ்டமர்கள்தான். இந்த அபார வளர்ச்சிக்கு காரணமாக இருக்கும் வெற்றி ரகசியங்களைப் பற்றி மனம் திறக்கிறார் இந்நிறுவனத்தின் உரிமையாளர்களில் ஒருவரான பி.ஆர்.குமார்.

பிரதமரின் ஆச்சரியம்!
''காஞ்சிபுரத்தைச் சேர்ந்த பட்டு நெசவாளர் குடும்பம்தான் எங்களுடையது. எங்கள் அப்பா, பி.சி.ராமமூர்த்தி தி.நகரில் அப்போதிருந்த ஒரு ஜவுளிக்கடையில் சேல்ஸ்மேனாக வேலை பார்த்தார். 1955-ல் இந்த நிறுவனத்தை சிறிய அளவில் ஆரம்பித்தார். ஆனால், அடுத்த இருபதாண்டுகளில் பட்டுப் புடவையை வாங்க நினைக்கிற பலரும் எங்களைத் தேடி வந்து வாங்குகிற அளவுக்கு இந்நிறுவனத்தை வளர்த்தெடுத்தார். 1999-ல் எங்கள் நிறுவனத்தின் டேர்ன் ஓவர் 100 கோடி ரூபாயைத் தொட்டது. ஒரு ரீடெய்ல் கடை இந்தியாவிலேயே முதன்முதலாக 100 கோடி அளவுக்கு டேர்ன் ஓவர் செய்தது என்றால் அது எங்களுடையதுதான். இதற்காக எங்களைப் பாராட்டி ஒரு விருது கொடுக்க ஏற்பாடு செய்தார்கள். இந்த விருதை கொடுத்தார் அப்போது நிதியமைச்சராக இருந்த மன்மோகன் சிங். விருதை கொடுத்துவிட்டு, ''ஒரு ரீடெய்ல் கடை 100 கோடி ரூபாய்க்கு டேர்ன் ஓவர் செய்ய முடியுமா என்கிற சந்தேகத்தோடு வருமானவரித் துறையிடம் கேட்டேன். அவர்களும் 100 கோடி டேர்ன் ஓவர் என்பது சரியான தகவலே என்றார்கள். அதற்கு பிறகுதான் இந்த நிகழ்ச்சியில் கலந்து கொள்ளச் சம்மதித்தேன்'' என எனது தந்தையிடம் ஆச்சரியப்பட்டார். இதை நினைக்கும்போது இன்றைக்கும் எங்களுக்கு பெருமையாக இருக்கிறது.''
டிசைன்தான் ஸ்பெஷல்!
''எங்களின் இந்த வளர்ச்சிக்கு நிறைந்த தரம், குறைந்த விலை, தனித்துவம் மிக்க டிசைன் கள்தான். இந்த மூன்று விஷயத்திலும் எங்களோடு யாரும் போட்டிபோட முடியாது. எங்கள் ஸ்பெஷாலிட்டியே டிசைன்கள்தான். பட்டுப் புடவைகளில் பல வகையான டிசைன்களை நாங்கள் செய்திருக்கிறோம். பத்து, பதினைந்து ஆண்டுகளுக்கு முன்பு மில் ரக சேலைகள் பெருமளவில் வந்து பட்டுத் தொழிலையே ஆட்டிப் பார்த்தபோது, டிசைன் என்கிற ஒரே ஒரு விஷயம்தான் எங்களைக் காப்பாற்றியது.

தஞ்சாவூர் முதல் மொகல் வரை!
1996-ல் நாங்கள் உருவாக்கிய ஒரு டிசைனில் இரு பக்கங்களிலும் இருவேறு கலர்கள் இருக்கும். அந்த நேரத்தில் பெண்கள் ஆச்சரியப்பட்டு வாங்கிய சேலை அது. 1997-ல் பட்டுப் புடவைகளிலேயே ஓவியம் வரைந்தோம். தஞ்சாவூர் ஓவியங்களில் ஆரம்பித்து மொகலா யர்களின் கலைப்படைப்புகள் வரை பலவற்றையும் பட்டுப் புடவைகளில் கொண்டு வந்திருக்கிறோம். 2000-ம் ஆண்டில் இரண்டு பக்கங்களிலும் இருவேறு டிசைன்கள் இருக்கிற மாதிரி ஒரு புதிய டிசைனை வெளியிட்டோம். இதில் ஒருபக்கம் ஸ்டாண்டர்டாக ஒரு டிசைன் இருக்கும். இன்னொரு பக்கம் கஸ்டமருக்குப் பிடித்த வேறு டிசைனை நாங்கள் போட்டுத் தருவோம்.
இந்த டிசைன்கள் எல்லாமே பெண்களை மட்டுமே மையமாக வைத்து, தயார் செய்யப்படுகிறவை. ஆண்களை நாம் கண்டுகொள்ளவே இல்லையே என்று நினைத்தபோது தான் 'ரபஸோடி’ என்கிற டிசைனை 2002-ல் தயாரித்தோம். மனைவியின் பட்டுப் புடவைக்கு மேட்சிங்காக கணவனுக்கு சட்டை, பேண்ட் இருப்பதே இந்த டிசைனில் இருக்கும் விசேஷம். இது மாதிரியான ஏழு டிசைன்கள் இதுநாள் வரை யாராலும் காப்பி அடிக்க முடியாதவை. இன்றைய இளம்தலைமுறையினருக்கு எந்த மாதிரியான டிசைனில் பட்டுப்புடவை கொடுத்தால் கட்டிக் கொள்வார்கள் என்பதைத் தெரிந்து கொள்ளவே கல்லூரிப் பெண்களிடம் நாங்கள் தொடர்ந்து பேசுகிறோம்.''

கஸ்டமர்களில் வித்தியாசம் கூடாது!
''எங்கள் நிறுவனத்துக்கு வரும் கஸ்டமர்களை நாங்கள் எப்போதுமே வித்தியாசப்படுத்திப் பார்ப்பதில்லை. எங்கள் கடையில் 100 ரூபாய்க்கு வாங்க வருகிறவர்களுக்கும் லட்ச ரூபாய்க்கு வாங்க வருகிறவர்களுக்கும் நாங்கள் கொடுக்கும் சர்வீஸ் ஒரே மாதிரியாகத்தான் இருக்கும். கஸ்டமர்களில் ஏழை, பணக்காரர், வேண்டியவர், வேண்டாதவர் என நாங்கள் பிரித்துப் பார்க்க மாட்டோம்.
இதேபோல பிஸினஸை நேர்மையாகச் செய்ய வேண்டும் என்றும் நினைக்கிறோம். 'பல நிறுவனங்கள் சென்னையைத் தாண்டி, மதுரை, கோவை என புதுப்புது கடைகளைத் திறக்கும்போது நீங்கள் ஏன் திறக்கக் கூடாது’ என்று பலரும் கேட்கிறார்கள். எங்களிடம் பட்டுச் சேலைகளை வாங்கிக் கொண்டு போய் விற்கிறவர்கள் தமிழ்நாட்டின் அனைத்து நகரங்களிலும் இருக்கிறார்கள். அவர்கள் இல்லாமல் நாங்கள் இல்லை, நாங்கள் இல்லாமல் அவர்கள் இல்லை என்கிற அளவுக்கு அவர்களும் நாங்களும் இணைந்து பிஸினஸ் செய்து வந்திருக்கிறோம். இன்றைக்கு நாங்கள் வளர்ந்து விட்டோம் என்கிற ஒரே காரணத்துக்காக அவர்களின் ஊருக்குச் சென்று, அவர்களின் கடை முன்பே புதிதாக வேறு ஒரு கடையைத் திறந்தால், அது சரியாக இருக்குமா? பிஸினஸை எத்திக்ஸோடு செய்ய வேண்டும் என்பதற்காகவே சென்னை தவிர வேறு எந்த நகரத்திலும் நாங்கள் புதிய கடையைத் திறக்காமல் இருக்கிறோம்.''

ஆன்லைனில் அசத்தப் போகிறோம்!
''எங்களுக்கு உலகம் முழுக்க கஸ்டமர்கள் இருக்கிறார்கள். முன்பெல்லாம் மலேசியா, சிங்கப்பூர், இலங்கை போன்ற பக்கத்து நாடுகளிலிருந்து வந்து பட்டுச் சேலையை வாங்கிக் கொண்டு போவார்கள். இன்றோ லண்டன், பாரிஸ், கனடா, அமெரிக்கா, துபாய் என பல நாடுகளிலிருந்தும் சர்வசாதாரணமாக விமானம் ஏறி இங்கு வந்து ஒன்றிரண்டு நாட்கள் தங்கி, அவர்களுக்குத் தேவையான சேலைகளை வாங்கிக் கொண்டு செல்கிறார்கள். அங்கு வாங்குவதைவிட விமானம் ஏறி, இங்கு வந்து வாங்கினாலும் செலவு கம்மிதான் என்கிறார்கள். வெளிநாடுகளிலிருந்து பலராலும் எங்கள் கடைக்கு நேரடியாக வரமுடியாது. எங்களாலும் எல்லா நாட்டுக்கும் சென்று கடை திறக்க முடியாது. எனவே, இனி ஆன்லைன் மூலம் பட்டுச்சேலை விற்பதை விரைவுபடுத்தப் போகிறோம். அதற்கான அனைத்து ஏற்பாடுகளையும் வேகமாக செய்து வருகிறோம்.''

வந்தாச்சு மூன்றவது தலைமுறை!
''எங்கள் நிறுவனத்துக்கு நாங்கள் இரண்டாவது தலைமுறை. இப்போது மூன்றாவது தலைமுறையும் தயாராகி இந்தத் தொழிலுக்கு வந்துவிட்டது. ரெடிமேட் ஆடைகள் விற்பனை என்பது அவர்களுக்குப் பிடித்தமான விஷயமாக இருக்கிறது. எனவே, முழுக்க முழுக்க ரெடிமேட் ஆடைகளுக்கென ஒரு தனி ஃப்ளோரை கட்டி வருகிறோம். இதில் குழந்தைகள் முதல் பெரியவர்கள் வரை அனைவருக்கும் தேவையான ஆடைகள் கிடைக்கும். பட்டுப் புடவையில் மட்டுமல்ல, காலத்துக்கேற்ப எங்கள் பிஸினஸிலும் மாற்றங்களை செய்து கொண்டே வருகிறோம். அந்த மாற்றங்கள் மூலம் தொடர்ந்து வளர்ந்தும் வருகிறோம்!''
THANKS VIKATAN.COM

ரகசிய சர்வே முடிவால் தி.மு.க., உற்சாகம்

தமிழகம், புதுவை, கேரளா, மேற்கு வங்கம், அசாம் என, ஐந்து மாநிலங்களுக்கு ஒரே நேரத்தில் தேர்தல் நடத்தப்பட்டதால், கடைசி கட்ட தேர்தல் நடந்து முடியும் வரை, ஓட்டுப்பதிவுக்கு பின்பு எடுக்கப்படும் கருத்துக் கணிப்பு முடிவுகளை வெளியிடக் கூடாது என, தேர்தல் கமிஷன் உத்தரவிட்டுள்ளது.

இதன் காரணமாக, தமிழகம், புதுவை, கேரளா உள்ளிட்ட மாநிலங்களுக்கு தேர்தல் முடிந்தும், தேர்தலுக்கு பிந்தைய கருத்துக் கணிப்புகள் வெளியாகவில்லை. தமிழகத்தை பொறுத்தவரை, ஓட்டுப்பதிவு சதவீதம் அதிகரித்துள்ளது யாருக்கு சாதகம் என்ற பெரிய கேள்வியோடு அரசியல் கட்சியினர், அரசியல் ஆர்வலர்கள், வாக்காளர்கள் என, அனைத்து தரப்பினரும் ஆர்வத்தோடு காத்திருக்கின்றனர்.தேர்தல் கமிஷன் கட்டுப்பாடு காரணமாக, வெற்றியை முழுமையாக உறுதி செய்ய முடியவில்லை என்ற கருத்து, ஓட்டுப்பதிவு முடிந்த ஒரு வாரம், தி.மு.க., பிரமுகர்கள் மத்தியில் நீடித்தது. மத்திய, மாநில அரசுகளின் உளவுத்துறை சார்பாக, ஓட்டுப்பதிவு முடிந்ததும், உடனடியாக எடுக்கப்பட்ட சர்வேக்கள், தி.மு.க.,விற்கு சாதகமாகவே கருத்து தெரிவித்தன.ஆனால், அடுத்தடுத்து வந்த ரிப்போர்ட்டுகள், தி.மு.க.,வின் தூக்கத்தை கெடுக்கும் வகையில் அமைந்திருந்தது. அதே நேரத்தில், கட்சியின் மாவட்ட செயலர்கள், அமைச்சர்கள், தி.மு.க., கூட்டணி, 140 முதல், 160 தொகுதிகளை பிடிக்கும் என்று தலைமையிடம் தெரிவித்துள்ளனர். அடுத்தடுத்து வந்த குழப்பமான கருத்துக்களால், தி.மு.க., தலைமை மேலும் குழம்பியது.ஸ்பெக்ட்ரம் விவகாரம் ஒருபுறம் நெருக்கடியை ஏற்படுத்தி வரும் நிலையில், தேர்தல் முடிவை முன்கூட்டியே தெரிந்து கொள்வது அடுத்த கட்ட நடவடிக்கைக்கு பாதுகாப்பாக இருக்கும் என்று, தி.மு.க., தலைமை நினைத்தது.

இதற்காக, யாரையும் நம்பாமல், தனக்கு நம்பிக்கையான முக்கியமான, மூத்த நிர்வாகிகள், 10 பேரை ஆய்வுக்காக களமிறக்கியது. தி.மு.க.,விற்கு சாதகமில்லாத மாவட்டங்கள் என கருதப்பட்ட மாவட்டங்களை விட்டுவிட்டு, தி.மு.க., கூட்டணிக்கு சாதகமாக உள்ள, 10க்கும் மேற்பட்ட மாவட்டங்களில் இந்த நிர்வாகிகள் ரகசிய ஆய்வு மேற்கொண்டனர்.வேலூர், புதுக்கோட்டை, தஞ்சாவூர், திருச்சி, ஈரோடு, சேலம், கன்னியாகுமரி, மதுரை மற்றும் அதன் அண்மை மாவட்டங்கள், சில என, தேர்வு செய்யப்பட்ட இடங்களில் இந்த நிர்வாகிகள் களமிறங்கினர். கட்சியின் மாவட்ட செயலர் உள்ளிட்ட நிர்வாகிகளுக்கு கூட தகவல் தெரிவிக்காமல், அந்தந்த மாவட்டங்களுக்கு சென்ற இவர்கள், தி.மு.க., வேட்பாளர்கள், கூட்டணிக் கட்சி வேட்பாளர்கள், கட்சியின் முக்கிய நிர்வாகிகள் என, ஒவ்வொருவரையும் தனித்தனியாக விசாரித்துள்ளனர்.இவர்கள் ஒவ்வொருவரும் தெரிவித்த கருத்துக்களின் அடிப்படையில் சாதக, பாதகமான தொகுதிகள் பட்டியலிடப்பட்டன. இந்த பட்டியலில் உறுதியாக வெற்றி பெறும் தொகுதிகள், இழுபறியில் உள்ள தொகுதிகள், தோல்வி உறுதியான தொகுதிகள் என, மூன்று பிரிவுகளாக பிரிக்கப்பட்டு, அதற்கான காரணங்களை தெரிவித்து, கட்சித் தலைமையிடம் அறிக்கையாக கொடுக்கப்பட்டுள்ளது.

இந்த அறிக்கைகளை பார்த்தபின் தான், தலைமைக்கு தெம்பு கிடைத்துள்ளதாக தி.மு.க., முன்னணி நிர்வாகிகள் கூறுகின்றனர். இந்த அறிக்கையின் அடிப்படையில், 135 முதல், 140 தொகுதிகள், தி.மு.க., கூட்டணிக்கு உறுதியாக கிடைக்கும் என, இந்த அறிக்கையில் தெரிவித்துள்ளனர்.இதை உறுதிப்படுத்துவது போல், உளவுத்துறை கடைசியாக எடுத்து கொடுத்த ரிப்போர்ட்டில், 130 தொகுதிகள், தி.மு.க., கூட்டணிக்கு கிடைக்கும் என தெரிவிக்கப்பட்டுள்ளது. தனியார் தொலைக்காட்சி வெளியிட்ட கருத்துக் கணிப்பிலும், தி.மு.க.,விற்கு ஆதரவாக கணிப்பு வெளியாக, தி.மு.க., தலைமை உற்சாகம் அடைந்துள்ளது.தி.மு.க., தலைமை, முக்கிய நிர்வாகிகள் மூலம் மேற்கொண்ட இந்த ரகசிய ஆய்வில், அமைச்சர்கள், மாவட்ட செயலர்கள் பலரின் உள்ளடி வேலைகளும், கூட்டணிக் கட்சிகளை தோற்கடிக்க நடந்த குளறுபடிகளும் பட்டியலிடப்பட்டுள்ளன. இதை தெரிந்து கொண்ட அமைச்சர்கள் பலர், தங்கள் மாவட்டத்தை சேர்ந்த, தி.மு.க., மற்றும் கூட்டணிக் கட்சி வேட்பாளர்களை அழைத்து வந்து, தி.மு.க., தலைவர் முன்னிலையில் நற்சான்றிதழ் கொடுக்கச் செய்துள்ளனர்."கட்சி தலைமையை திருப்திபடுத்த வேண்டும் என்ற நோக்கோடு, இந்த ஆய்வை மேற்கொண்டவர்கள் ஆய்வறிக்கை கொடுக்கவில்லை. அனுபவம் வாய்ந்த அந்த நிர்வாகிகள் கொடுத்துள்ள அறிக்கை பொய்த்து போகுமானால், அது, அவர்களுக்கும் பாதகத்தை ஏற்படுத்தும் என்பதால், வெளிப்படையாக உண்மை நிலவரத்தை தெரிவித்துள்ளனர். சோர்ந்து போயிருந்த தலைவரும், முன்னணி நிர்வாகிகளும் இதனால், தெம்பாகியுள்ளனர்' என்கிறது அறிவாலய வட்டாரம்.

செஞ்சி அருகே புதிய சமண படுக்கைகள்:ஆய்வாளர் தகவ

:செஞ்சி அருகே, புதிய சமண படுக்கைகள் இருப்பது தெரிய வந்துள்ளது.தமிழகத்தில் சமணம் குறித்து ஆய்வு செய்து வரும் அனந்தபுரம் கிருஷ்ணமூர்த்தி, விழுப்புரம் மாவட்டம், செஞ்சி தாலுகா வரிக்கல் கிராமம் அருகே உள்ள, சிவகிரி குன்றில் நேற்று ஆய்வு செய்தார். இந்த ஆய்வில், பழமையான சமண படுக்கைகள் கண்டுபிடிக்கப்பட்டுள்ளன.
இது குறித்து அவர் கூறியதாவது:விழுப்புரம் மாவட்டம், செஞ்சியிலிருந்து அனந்தபுரம் செல்லும் வழியில், வரிக்கல் கிராமம் உள்ளது. இக்கிராமத்திற்கு தென் கிழக்கில் 2 கி.மீ., தூரத்தில், சிவகிரி எனும் குன்று ஒன்று உள்ளது.இந்த குன்றின் தெற்கு பகுதியில் 50 அடி நீளமும், 30 அடி உயரமும் கொண்ட இயற்கையான குகை காணப்படுகிறது. இதன் உள்பகுதியில் நடுவில் சுவர் எழுப்பி இரண்டாக பிரித்து, கிழக்கு பகுதியில் சிவலிங்கம் வைத்து வழிபட்டு வருகின்றனர். இந்த ஏற்பாட்டை பிற்காலத்தில் செய்துள்ளனர்.மேற்கே உள்ள குகை பகுதியில், மூன்று இடங்களில் சமண படுக்கைகள் காணப்படுகின்றன.

குகையின் தெற்கில், கிழக்கு நோக்கி ஐந்து படுக்கைகளும், மேற்கில் வடக்கு நோக்கி ஐந்து படுக்கைகளும், கிழக்கில் வடக்கு நோக்கி ஒரு படுக்கையும் காணப்படுகிறது.குகையின் உள்பகுதியில் ஒரு இருக்கையும், வடக்கு நோக்கி உள்ள படுக்கையின் முடிவில், ஒரு குழியும் காணப்படுகிறது. குன்றின் முகப்பில், மூன்று நீர் வடி விளிம்பை செதுக்கியுள்ளனர். அனைத்து படுக்கைகளிலும் தலைத்திண்டு அமைத்துள்ளனர்.

குகையின் தென் மேற்கில் 47 செ.மீ., உயரத்தில் செவ்வக வடிவ மேடையை அமைத்துள்ளனர். இந்த மேடை, பிற்காலத்தில் அமைத்துள்ளனர். மேடைக்கு கீழ் பகுதியில் மேலும் படுக்கைகள் இருப்பதற்கான வாய்ப்புள்ளது. இந்த குன்று பகுதியில், கல்வெட்டுகள் எதுவும் காணப்படவில்லை. எனவே, இந்த சமண படுக்கைகள், 2,000 ஆண்டுகளுக்கு முந்தையனவாக இருக்க வேண்டும்.இந்த குன்றிற்கு, திருப்பாதிரிப்புலியூரில் வாழ்ந்த ஞானியார் அடிகள், பல முறை வருகை புரிந்து தவம் மேற்கொண்டுள்ளார்.

குன்றின் நான்கு பக்கமும் பெருங்கற்கால சின்னங்களில் ஒன்றான கல்திட்டைகளும், கருப்பு சிவப்பு பானை ஓடுகளும் காணப்படுகின்றன. குன்றின் கீழ் பகுதியில், மேற்கே சிறிய பாதங்களை கல்லில் செதுக்கி வைத்துள்ளனர். இதை இப்பகுதி மக்கள் வழிபட்டு வருகின்றனர். குகையின் கிழக்கில் நீர் சுனையும், மேல் பகுதியில் பழமையான கோவில் ஒன்றும் சிதைந்த நிலையில் உள்ளன.இந்த இடத்தில் சமண படுக்கைகள் இருப்பது இந்த ஆய்வில் முதன் முறையாக தெரியவந்துள்ளது.இவ்வாறு ஆய்வாளர் அனந்தபுரம் கிருஷ்ணமூர்த்தி தெரிவித்தார்.

பிரபாகரன் பின்லாடன்

இரண்டு பேருடைய பெயர்களும் பி யில் தொடங்கி என் னில் முடிகிறது. பிரபாகரன் – பின்லாடன்
பயங்கரவாதிகளாக அறிவிக்கப்பட்டவர்கள். பங்கருக்குள் வாழ்க்கையை தொலைத்தவர்கள். பிரபாகரனை விட பின்லாடனுக்கு அறிவுஜாஸ்தி. பிரபாகரன் எட்டாம் வகுப்பு தாண்டாதவர். பின்லாடன் சிவில் என்ஜினியர். இரண்டுபேருமே தற்கொலைத்தாக்குதல்களை அதிகமாக நடாத்தியவர்கள். பல ஆயிரக்கணக்கான அப்பாவி மக்கள் இவர்களின் தாக்குதல்களில் பலியானார்கள்.
ஒருத்தருக்கு தலையில் ,,,,,,,,,,,,,,,,,,,,. மற்றவருக்கு தலையில் நெத்திப்பொட்டில் வெடி. மரணத்தின் பின் பிரபாகரனின் உடல் அஸ்திக்கடலில் விசப்பட்டது. பின்லாடனின் உடல் கடலுக்கடியில் புதைக்கப்பட்டது.
இறக்கும்வரை மனiவி பிள்ளைகளை தம்முடன் வைத்திருந்தார்கள். இறந்தபின் இருவருடைய மரணத்திலும் சர்ச்சைகள். இன்னும் பிரபாகரன் வருவார் என புலி விசுக்கோத்துக்கள் இன்னும் நம்பியபடி காலத்தை ஓட்டுதுகள். பின்லாடனின் உடலைப்பார்த்தால்தான் அவர் இறந்ததை ஒப்புக்கொள்வோம் என பலர் சர்ச்சைகளை உருவாக்கியுள்ளனர்.
எப்பவும் சந்தேகக் கண்கொண்டு முழித்துக்கொண்டு இருக்கும் பிரபாகரனுடன் ஒப்பிடும்போது பின்லாடனின் கண்களில் ஒருவித அமைதி தெரிவதை அவதானிக்கலாம். இரண்டு பேருடைய மரணத்திற்குப்பின் அடுத்த தலைவர் யார் என்பது தெரியவில்லை. பிரபாகரன் நிகழ்த்திய சகோதரப்படுகொலைகள் அதிகம். பின்லாடன் அப்படி எதையும் செய்யவில்லை. பின்லாடனின் மரணம் சர்வதேச சமூகத்தில் பெற்ற முக்கியத்துவத்தை பிரபாகரனின் மரணம் பெறவில்லை. பத்தோடு பதின்னொன்றாக ஒரு மூலையில் செய்தியாக வந்திருந்தது.
http://teavadai.wordpress.com/

Macht fixing சதியில் ஈடுபட்டவர்களின் பெயர்களை விரைவில் அறிவிப்பேன்: ஹஷான் திலகரத்ன

ஆட்டநிர்ணய சதியில் ஈடுபட்டவர்களின் பெயர்களை விரைவில் ஊடகங்களுக்கு அறிவிப்பேன் : முன்னாள் தலைவர் ஹஷான் திலகரத்ன!

சட்டத்தரணிகளின் ஆலோசனைக்கு அமைவாக ஆட்டநிர்ணய சதியில் ஈடுபட்டவர்களின் பெயர் விபரங்களை தற்போது வெளியிட முடியாதுள்ளதாகவும் விரைவில் முழு விபரங்களை ஊடகங்களுக்கு அறிவிப்பதாகவும் இலங்கை கிரிக்கெட் அணியின் முன்னாள் தலைவர் ஹஷான் திலகரத்ன சற்றுமுன் தெரிவித்தார். பத்தரமுல்லையில் இன்றுகாலை நடைபெற்ற ஊடகவியலாளர் சந்திப்பின்போது அவர் இவ்வாறு குறிப்பிட்டதாக எமது செய்தியாளர் தெரிவிக்கிறார்.

யாழ்தேவி ஓமந்தை வரை சேவையில் ஈடுபடுத்தப்படவுள்ளது

கொழும்புக் கோட்டையில் இருந்து புறப்படும் யாழ்தேவி ஓமந்தை வரை சேவையில் ஈடுபடுத்தப்படவுள்ளது. வடபகுதியில் புகையிரத நிலையங்களை அபிவிருத்தி செய்யும் திட்டத்தின் கீழ் முதலாவது புகையிரத நிலையம் ஓமந்தையில் இம்மாதம் திறந்து வைக்கப்படவுள்ளதாக புகையிரதத் திணைக்களம் அறிவித்துள்ளது.

இந்நிலையில் கொழும்பு கோட்டையிலிருந்து தாண்டிக்குளம் வரை மேற்கொண்ட யாழ்தேவியின் சேவை இம்மாதம் 28ஆம் திகதி முதல் ஓமந்தை வரை விஸ்தரிக்கப்படவுள்ளது.

இந்த படத்தில் ஒரு அதிசயம் இருக்கிறது நன்றாக கவனியுங்கள்

ஒசாமா பதுங்கிடம் முஷாரப்புக்கு தெரியும்?

லண்டன் : பாகிஸ்தான் மாஜி அதிபர் பர்வேஷ் முஷாரபுக்கு ஒசாமா பின் லாடன் பாகிஸ்தானின் அபோதாபாத் நகரில் பதுங்கியிருந்தது தெரியும் என புதிய சர்ச்சை ஒன்று தற்போது கிளம்பியுள்ளது. கடந்த 2004ம் ஆண்டு பர்வேஷ் முஷாரப் எழுதிய சுயசரிதையில் ( இன் தி லைன் ஆஃப் ஃபயர் ) அபோதாபாத் மாளிகையில் அல்குவைதாவின் முக்கிய பிரமுகர் ஒருவர் வசித்து வருவதாக குறிப்பிட்டுள்ளார். ஒசாமா பின் லாடன் இவ்வளவு நாளாக இங்கேயா பதுங்கியிருந்தான் என பாகிஸ்தான் ஆச்சர்யம் தெரிவித்துள்ள நிலையில், ஆறு ஆண்டுகளுக்கு முன் எழுதப்பட்ட பர்வேஷ் சுயசரிதையில் அபோதாபாத் பற்றி எழுதப்பட்டுள்ளது சலசலப்பை ஏற்படுத்தியுள்ளது. இது குறித்து தனியார் தொலைக்காட்சி ஒன்றுக்கு பேட்டியளித்த பர்வேஷ் முஷாரப் : நான் பாகிஸ்தான் அதிபராக இருந்த போது எப்போது என்னிடம் ஒசாமா எங்கிருக்கிறான் என்ற கேள்வி கேட்கப்பட்டாலும் , அவன் இருப்பிடம் குறித்து எனக்கு தெரியாது என்று தான் கூறியிருக்கி‌றேன் என சூசகமாக பதில் அளித்தார். பாகிஸ்தானில் அமெரிக்க படைகள் நுழைந்து தாக்குதல் நடத்தியிருப்பது பாகிஸ்தான் இறையான்மைக்கு எதிரானது என்றும் கூறினார்.

புதிய தகவல்: ஒசாமா கண்டுபிடிக்கப்பட்டது எப்படி?

: ஒசாமா பதுங்கியிருந்த அபோதாபாத் இல்லத்தில் இருந்து அமெரிக்க படைகள் முக்கிய ஆவணங்கள், சி.டி.,க்கள், பென் டிரைவ் ஆகியனவற்றை பறிமுதல் செய்துள்ளன. அவற்றில் பல முக்கிய தகவல்கள் இருப்பதாகவும். அதன் அடிப்படையில் அல்குவைதா நெட்வொர்க்கை மேலும் நெருங்க முடியும் என்றும் அமெரிக்கா தெரிவித்துள்ளது. அல்குவைதாவுடன் தொடர்பில் இருந்த தாலிபன். லஷ்கர் இயக்கங்கள் குறித்தும் தகவல்கள் இருப்பதாக அமெரிக்கா தெரிவித்துள்ளது.

அமெரிக்க இரட்டை கோபுர தாக்குதலுக்குப் பின், பத்து ஆண்டுகளாக அமெரிக்கா ராணுவம் ஒசாமா பின்லாடனை தேடி வந்தது. பிடிக்க முடியவில்லை. கடந்த ஜூலை மாதம் பெஷாவர் அருகே சி.ஐ.ஏ.,வுக்காக வேலை பார்த்த பாகிஸ்தானி ஒருவரின் வெள்ளை நிற காரைப் பின்தொடர்ந்து சென்று ரிஜிஸ்தர் நம்பரை தெரிந்து கொண்டனர். அந்த காரை சி.ஐ.ஏ., அதிகாரிகள் பல மாதங்களாக தொடர்ந்து கண்காணித்தனர். பாகிஸ்தான் தலைநகர் இஸ்லாமாபாத்தில் இருந்து 52 கி.மீ., தூரத்தில் உள்ள இடத்தில், குப்பைகள் நிறைந்த நீளமான ரோடு இருந்தது. அதையொட்டி பெரிய பாதுகாப்பு காம்பவுண்டுடன் கூடிய கட்டடம், ஒரு குட்டி கிராமம் போல இருந்தது.

அரங்கேறிய தாக்குதல்: அந்த வீட்டையும் தொடர்ந்து கண்காணித்தனர். அங்கு ஒசாமா தங்கி இருப்பது உறுதி செய்யப்பட்டது. எட்டு மாதங்களுக்கு பிறகு நிலவில்லாத இரவில், நான்கு ஹெலிகாப்டர்களில் 79 அமெரிக்க கமோண்டே படையினர் காம்பவுண்டை சுற்றி வளைத்தனர். துப்பாக்கி சூடு நடத்தப்பட்டது. ஒசாமா உள்ளிட்ட ஐந்து பேர் சுட்டுக்கொல்லப்பட்டனர். இந்த தாக்குதல் விஷயம் பற்றி பாகிஸ்தான் அதிகாரிகளுக்கு தகவல் தெரிவிக்கப்படவில்லை. இறந்த ஐந்து பேரில் ஒருவர், உயரமாகவும், பெரிய தாடியுடன் தலையில் குண்டு காயம்பட்டு, ரத்தம் படிந்த உடலுடன் கிடந்தார். அமெரிக்க கப்பல்படையை சேர்ந்த ஒரு வீரர் அவரை படம் பிடித்து, உறுதி செய்வதற்காக அதிகாரிகளுக்கு அனுப்பினார்.

உலகிலேயே அதிக பொருட்செலவில் நடந்த ஒசாமா தேடல் வேட்டை முடிவுக்கு வந்தது. அமெரிக்காவின் முதல் எதிரியான ஒசாமாவின் உடல் ஹெலிகாப்டரில் எடுத்துச் செல்லப்பட்டு கடலில் வீசப்பட்டது. 10 ஆண்டுகள் அமெரிக்க உளவுத்துறையின் திட்டங்கள் தோல்வியில் முடிந்தாலும் இறுதியாக வெற்றி கிடைத்தது.

இந்த தாக்குதலை நடத்துவதற்கு முன், கடந்த ஓராண்டாக கிழக்கு ஐரோப்பாவில் உள்ள தனிசிறையில் அடைக்கப்பட்டிருந்த அல்-குவைதா பயங்கரவாதிகளிடம் உளவுத்துறையினர் பல்வேறு விதங்களில் விசாரணை செய்தனர். அபோதாபாத்தில் உள்ள ஒசாமா வீட்டின் செயற்கைகோள் படங்களை வைத்து ஆராய்ந்தனர்.

தீவிர ஆலோசனை : இந்த ஆப்பரேஷன் வெற்றியில் முடியுமா அல்லது ஆபத்தை உண்டாக்குமா என சி.ஐ.ஏ., அதிகாரிகள் பல கோணங்களில் ஆராய்ந்தனர். தாக்குதலை நடத்துவது குறித்து வெள்ளை மாளிகை அதிகாரிகள் இடையே வெவ்வெறு விதமான கருத்துகள் நிலவின. இன்னும் சிறிது காலம் காத்திருந்து உண்மையிலே ஒசாமா அங்குதான் இருக்கிறாரா என்பதை உறுதி செய்துகொள்ளலாம் அல்லது குண்டு போட்டு தாக்குதல் நடத்தலாம் என இருவேறு கருத்துகள் நிலவின. குண்டு போடும் திட்டத்தை ஒபாமா ஏற்கவில்லை. இதனால் விளைவுகள் கடுமையாக இருக்கும் என ஒபாமா கருதினார். இறுதியாக நேரடி தாக்குதல் நடத்த முடிவு செய்யப்பட்டது. இரண்டு ஹெலிகாப்டர் முன்னாடி செல்ல, பாதுகாப்புக்கு பின்தொடர்ந்து இரண்டு ஹெலிகாப்டர்கள் செல்ல வேண்டும் என முடிவு செய்யப்பட்டது.

அதிபரின் "ரியாக்ஷன்' : அமெரிக்க நேரப்படி ஞாயிற்றுக்கிழமை பிற்பகலில் வெள்ளை மாளிகையில் உள்ள அறையில் அதிபர் ஒபாமா, அவரது ஆலோசகர், ஹிலாரி கிளின்டன், பாதுகாப்பு தலைமை அதிகாரிகள் ஆகியோர் தாக்குதல் நிலவரத்தை உன்னிப்பாக கவனித்து கொண்டிருந்தனர். ஒபாமா இறுகிய முகத்துடன் உட்கார்ந்திருந்தார். பெரும்பாலான நேரம் அறை அமைதியாகவே இருந்தது. ஒவ்வொரு நிமிடமும், நாட்கள் போல நகர்ந்தன என வெள்ளை மாளிகை தலைவர் ஜான் பிரன்னன் தெரிவித்தார். சி.ஐ.ஏ., தலைமையகத்தில் இருந்து அதன் இயக்குநர் பெனாட்டா, பாகிஸ்தானில் என்ன நடந்து கொண்டிருக்கிறது என்பதை வீடியோ ஸ்கீரின் மூலம் அதிபருக்கு தெரிவித்துக்கொண்டிருந்தார்.

அவரது உரையாடல்: "இலக்கை நோக்கி முன்னேறுகிறார்கள்' நிமிடங்கள் செல்கின்றன"பின்லாடனை பார்க்கிறோம்' சில நிமிடங்களுக்கு பிறகு, "பின்லாடன் சுட்டுக்கொல்லப்பட்டார்' "தாக்குதலில் எதிரி கொல்லப்பட்டார்' அதன் பிறகும் அதிபர் அறையில் அமைதி நிலவுகிறது இறுதியாக, "அவனை கொன்று விட்டோம்' என அதிபர் ஒபாமா கூறியதும் அறையில் இருந்தவர்கள், ஆரவாரம் செய்தனர். உலகில் அதிகம் எதிர்பார்க்கப்பட்ட "ஆபரேஷன்' முடிவுக்கு வந்தது.

காரமான 'தாரம்'!

தாரம் என்ற பெயரில் குண்டக்க மண்டக்க கதையுடன் தமிழுக்கு ஒரு திரைப்படம் வருகிறது - மலையாளத்திலிருந்து.

வித்தியாசமான கதை என்ற பெயரில் சர்ச்சையான கதைகளுடன் படம் எடுப்பது தற்போது பேஷனாகி விட்டது.

அந்த வரிசையில் இந்த தாரமும் இணைகிறது. இப்படம் மலையாளத்தில் வெளியான காயம் என்ற படத்தின் டப்பிங் ஆகும். ஸ்வேதா மேனன் நாயகியாக நடித்த படம் இது.

படம் முழுக்க கவர்ச்சிகரமாக வளைய வந்திருப்பார் ஸ்வேதா மேனன். படத்தின் கதை சற்றே காரமானது.

ஊர்ப் பண்ணையாரிடம் செக்ஸ் அடிமையாக சிக்கித் தவிக்கிறார் படத்தின் நாயகி. அவரை மீட்கிறான் நாயகன். தனது வீட்டில் அடைக்கலம் தருகிறான். திருமணமும் செய்து கொள்கிறார்கள். இந்த சமயத்தில் அவன் கொல்லப்படுகிறான்.

இதனால் மறுபடியும் நிர்க்கதியாகும் நாயகனுக்கு ஆறுதலாக இருக்கிறான் கணவரின் தம்பி. இதனால் அவன் மீது காதல் கொள்கிறாள் நாயகி. இது ஊரில் சலசலப்பை ஏற்படுத்துகிறது. மகன் ஸ்தானத்தில் உள்ளவன் மீது மோகம் கொள்வதா என்று பொங்குகிறது ஊர்.

அதற்கு நாயகி, மனைவி இறந்து விட்டால் அவளது தங்கச்சியை ஆண்கள் மணக்கலாம், ஆனால் நான் எனது கணவரின் தம்பியை மணக்கக் கூடாதா என்று கேட்கிறாள்.

அதன் பிறகு இருவரும் என்ன ஆகிறார்கள். கை பிடிக்கிறார்களா என்பது படத்தின் மீதிக் கதை.

படு காரமான கதையுடன் கூடிய இப்படம் மலையாளத்தில் வெற்றிகரமாக ஓடி, சலசலப்பையும், பரபரப்பையும் உருவாக்கியது. இதுதான் தற்போது தாரம் என்ற பெயரில் டப் ஆகி தமிழுக்கு வருகிறது.

படத்தில் அபர்ணாவும் நடித்துள்ளார். மனோஜ் கே ஜெயன் உள்ளிட்டோரும் படத்தில் உள்ளனர். நம்ம ஊர் பாலா, நாயகனின் தம்பி வேடத்தில் வருகிறார்.

ஏற்கனவே கணவரின் தம்பி மீது கள்ளத்தனமாக மோகம் கொள்ளும் பாத்திரத்தில் சங்கீதா நடித்த படம் சர்ச்சையைக் கிளப்பியது. பின்னர் மருமகள், மாமனார் இடையிலான முறை தவறிய காதலை வெளிப்படுத்திய படமும் சில மாதங்களுக்கு முன்பு பரபரப்பை ஏற்படுத்தியது. இந்த நிலையில் தாரம் படம் தமிழகத்தில் என்ன மாதிரியான சலசலப்பை ஏற்படுத்தப் போகிறது என்பது தெரியவில்லை.

English summary

Kaayam of Malayalam coming to Tamil as Thaaram. This dubbing movie has Swetha Menon as heroine. Manoj K Jayan, Aparna and Bala has acted in the movie.

துக்ளக்' சோவின் நயவஞ்சகப் போக்கு-கருணாநிதி தாக்கு

சென்னை: மாநிலத்திற்கொரு கெடுபிடி விதிக்கும் தேர்தல் ஆணையத்தின் விதிமுறைகள் குறித்து நாடாளுமன்றத்தில் விவாதிக்க வேண்டும் என்று முதல்வர் கருணாநிதி கூறியுள்ளார்.


அவர் வெளியிட்டுள்ள கேள்வி-பதில் விவரம்:

கேள்வி: `துக்ளக்' சோ ராமசாமி, இந்தப் பொதுத்தேர்தலில் ஜெயலலிதா தலைமையிலான அதிமுகதான் வெற்றிபெற வேண்டுமென்று ஆசைப்படுகிறாரே?

பதில்: ``திமுக கூட்டணி வெற்றி பெற்றால், அந்தத் தீர்ப்பை நீங்கள் முழுமனதுடன் ஏற்றுக் கொள்வீர்களா?'' என்ற கேள்விக்கு; ``ஏற்றுக் கொள்வேன். வேறுவழி? ஆனால் அந்த ஏற்பில், முழுமனது என்ன, கால் மனது கூட இருக்காது. மக்கள், மாற்றத்தை விரும்புகிறார்கள் என்பது தெளிவாகத் தெரிகிறபோது, முடிவு வேறுவிதமாக அமைந்தால், அதை எப்படி முழுமனதாக ஏற்க முடியும்?'' என்று சோ மிகவும் ஆதங்கத்துடன் அங்கலாய்த்துப் பதிலளித்துள்ளார்.

சில தினங்களுக்கு முன்பு, ஆங்கிலத் தொலைக்காட்சி ஒன்றில், தேர்தலுக்குப் பிறகு நடத்திய ஆய்வு, திமுக கூட்டணி முன்னணியில் இருப்பதைக் காட்டுவதாக விளக்கிய போது, சோ ராமசாமி, திமுக முன்னணியில் உள்ளது என்பதை ஏற்க மறுத்ததோடு; ஜெயலலிதா வெற்றிபெற வேண்டும் என்று ஜெயலலிதாவைப் பாராட்டிப் பதிலுரைத்தார்.

14.1.2002 அன்று சென்னையில் `துக்ளக்' ஆண்டு விழா நிகழ்ச்சியில், சோ ராமசாமி, ``இப்போது டான்சி உட்பட ஐந்து வழக்குகளில் ஜெயலலிதா விடுதலை செய்யப்பட்டிருக்கிறார். விடுதலை என்று தீர்ப்பு வந்து விட்டதாலேயே ஜெயலலிதா நிரபராதி என்று சொல்ல மாட்டேன். 1991-1996 ஆண்டுகளில் பதவி வகித்த அதிமுக ஆட்சியின்போது ஊழல் நடந்தது உண்மையே. திமுக ஆட்சிக்கு வந்ததும் போட்ட வழக்குகளை பொய் வழக்கு என்றும் கூறமாட்டேன். அதிமுக ஆட்சியில் அதிக அளவுக்கு ஊழல் நடந்தது என்பது மறுக்க முடியாது. அப்படி நான் குற்றம்சாட்டியதில் எந்த தவறும் இல்லை. குற்றச்சாட்டு நிரூபிக்கப்படாததால் விடுதலை செய்யப்பட்டிருக்கிறார். அவ்வளவுதான்'' என்று பேசியதை, இப்போது அவருக்கும், அவரது வாசகர்களுக்கும் நினைவுபடுத்துவது பொருத்தமாக இருக்கும் என்று கருதுகிறேன்.

ஜெயலலிதா ஊழல் குற்றம் புரிந்தவர் என்றும், அதிமுக ஆட்சி ஊழல் ஆட்சி என்றும் சாடிய அதே சோ ராமசாமிதான், இன்றைக்கு ஜெயலலிதாவுக்கு வக்காலத்து வாங்கி, அதிமுக ஆட்சி வரவேண்டுமென்று எண்ணுகிறார். ``எண்ணங்கள் குதிரைகளானால், எண்ணிய நேரத்தில் காத தூரம் பறக்கலாம்'' என்பது பழமொழியல்லவா?

முழு மனதென்ன, கால் மனதென்ன - மனதையே காலால் மிதித்து நசுக்கி விட்டவர்களுக்கு; நாளொரு சிந்தனை - பொழுதொரு பேச்சு என்ற நயவஞ்சகப் போக்கு இருப்பதில் என்ன ஆச்சரியம்?

கேள்வி: 2ஜி அலைக்கற்றை ஒதுக்கீடு பிரச்சனை சம்மந்தமான பொதுக் கணக்குக் குழு அறிக்கையினை, நாடாளுமன்றத்தின் சபாநாயகருக்கு, முரளி மனோகர் ஜோஷி அனுப்பி வைத்துள்ளதாகச் செய்தி வந்துள்ளதே?

பதில்: இந்தப் பிரச்சனை சம்மந்தமாக பா.ஜ.கவின் முரளிமனோகர் ஜோஷி தலைமையிலான நாடாளுமன்ற பொதுக் கணக்குக்குழு விசாரணை செய்தது. இந்தக் குழுவின் அறிக்கை நாடாளுமன்றத்தில் சமர்ப்பிக்கப்படுவதற்கு முன்பே, பத்திரிகைகளுக்கு வெளியானது குறித்து ஏற்பட்ட சர்ச்சை இன்னும் முடிவுக்கு வரவில்லை. 21 உறுப்பினர்களைக் கொண்ட இந்தக் குழுவின் 11 உறுப்பினர்கள் அறிக்கையை நிராகரித்து விட்டனர். எனினும், பொதுக் கணக்குக்குழுவின் தலைவர் முரளி மனோகர் ஜோஷி, அறிக்கையை நாடாளுமன்றத் தலைவர் மீராகுமாருக்கு அனுப்பி விட்டார்.

முரளி மனோகர் ஜோஷி வகித்து வந்த பொதுக் கணக்குக்குழு தலைவர் பதவிக்காலம் 30.4.2011 உடன் முடிவடைந்துவிட்டது. அவருடைய பதவிக் காலம் முடிவடைந்தாலும், அவருக்குப் பிறகு, அவருடைய கட்சிக்காரர்தான் அந்தப் பொறுப்புக்கு வருவார் என்ற நாடாளுமன்ற நடைமுறையின்படி, முரளிமனோகர் ஜோஷியையே மீண்டும் பொதுக் கணக்குக்குழுவின் தலைவராக நியமனம் செய்து சபாநாயகர் மீரா குமார் அறிவித்துள்ளார்.

முரளி மனோகர் ஜோஷி அனுப்பி வைத்துள்ள அறிக்கை குறித்து பல்வேறு வகையான சர்ச்சைகளும், சந்தேகங்களும் எழுந்துள்ளன. குழுவின் வரைவு அறிக்கையின் நகல் உறுப்பினர்களுக்கு வழங்கப்பட்டு, அதன் மீது பத்திவாரியாக உறுப்பினர்களின் கருத்து கேட்கப்பட்டிருக்க வேண்டும். அந்த அறிக்கையில் ஏதாவது ஒரு பகுதியோ அல்லது முழுவதுமோ தங்களுக்கு ஏற்புடையது இல்லை என்று உறுப்பினர்கள் கருதினால், அதைப் பற்றி தனித்தனியாக அதே அறிக்கையில் பிற்சேர்க்கையாக பதிவு செய்து கொள்ளலாம். குற்றம்சாட்டப்பட்டவர்களை அழைத்து பொதுக் கணக்குக் குழு விசாரித்திருக்க வேண்டும். குழுவின் அறிக்கை நாடாளுமன்றத்தில் வைக்கப்பட வேண்டும் என்பதுதான் நடைமுறை. மாறாக, நாடாளுமன்றத் தலைவருக்கு அனுப்பப்பட்டுள்ளது. அறிக்கை மீது நாடாளுமன்றத்தில் விவாதம் நடந்து, அதனை ஏற்றுக் கொள்வதும், நிராகரித்து விடுவதும், பெரும்பான்மை உறுப்பினர்களைப் பொறுத்ததாகும்.

முரளி மனோகர் ஜோஷி பத்திரிகையாளர்கள் சந்திப்பின் போது, ``பல உறுப்பினர்கள் வாக்கெடுப்பு வேண்டுமென்றார்கள். சிலர் அதை எதிர்த்தார்கள். எண்ணிக்கை முக்கியமானதல்ல; பின்பற்றக்கூடிய செயல் முறைதான் முக்கியமானதாகும். பெரும்பான்மை என்பதன் அடிப்படையில் என்னுடைய நடவடிக்கைகளை அமைத்துக் கொள்ள வேண்டியதில்லை. அறிக்கையினை பெரும்பான்மையினர் என்போர் நிராகரித்து விட முடியாது'' என்று சொன்னதாக, நாடாளுமன்ற விவகாரத்துறை அமைச்சர் பவன்குமார்பன்சால் தெரிவித்திருக்கிறார். முரளி மனோகர் ஜோஷி அப்படிச் சொல்லியிருந்தால், ஜனநாயகத்தின் மீது அவருக்கு எந்த அளவுக்கு நம்பிக்கை இருக்கிறது என்பதைக் காட்டும். ஜனநாயகம் என்பது எண்ணத்தை மட்டுமல்ல; எண்ணிக்கையையும் அடிப்படையாகக் கொண்டதாகும்.

அலைக்கற்றை ஒதுக்கீடு விவகாரத்தில், நாடாளுமன்றக் கூட்டுக்குழு விசாரணை வேண்டும் என்ற கோரிக்கையை எழுப்பி, நாடாளுமன்ற நடவடிக்கைகளையே முடக்கியவர்கள் பா.ஜ.கவினர். அப்படிப்பட்டவர்கள் ஜனநாயக நெறிமுறைகளுக்கும், நாடாளுமன்ற மரபுகளுக்கும் மாறாக, பொதுக்கணக்குக்குழு விவகாரத்தில் நடந்து கொண்டது எப்படி என்பதைத்தான் நாட்டு மக்கள் தெரிந்து கொள்ள விரும்புகிறார்கள்.

இப்போது நடந்துள்ள நிகழ்ச்சிகளையெல்லாம் பார்க்கும்போது, நாடாளுமன்ற நடைமுறைகளைப் பின்பற்றுவதைவிட; அறிக்கையை வேகமாகத் தயாரித்து, அதிலுள்ள அம்சங்களை வெளியிடும் அவசரம் மட்டுமே தெரிகிறது. ``இந்த விவகாரத்தில், சபாநாயகர் முடிவெடுப்பார்; அவரது முடிவை அரசு ஏற்கும்'' என்று மத்திய மனித வள மேம்பாட்டுத் துறை அமைச்சர் கபில் சிபல் கருத்து தெரிவித்திருப்பதையும்; முரளி மனோகர் ஜோஷியே மீண்டும் பொதுக் கணக்குக்குழுத் தலைவராக நியமனம் செய்யப்பட்டிருப்பதையும் கவனத்தில் கொள்ளலாம். என்ன நடக்கிறது என்பதைப் பொறுத்திருந்து பார்ப்போம்!

கேள்வி: கேரளாவில், 90 வயதான மூதாட்டி ஒருவர் நான்காம் வகுப்பு தேர்வு எழுதியதாக வெளி வந்த செய்தியைப் பார்த்தீர்களா?

பதில்: கேரள மாநிலம், ஆலப்புழாவைச் சேர்ந்த 90 வயது மூதாட்டி பாத்திமா பீவி என்பவர், சிறுவயதில் கல்வி கற்க முடியாத நிலை இருந்ததால், தற்போது வயது முதிர்ந்து, 90ஐ எட்டிய நிலையிலும் நான்காம் வகுப்புத் தேர்வு எழுதியுள்ளார். குறைந்த பட்சம் நான்காம் வகுப்பு தேறியிருந்தால் மட்டுமே, அரசின் பல்வேறு சலுகைகளைப் பெற முடியும் என்ற நிபந்தனை உள்ளதால், அதுவும் தேர்வு எழுத அந்த மூதாட்டிக்கு உந்து சக்தியாக இருந்திருக்கிறது. இந்த வயதில் தேர்வு எழுத வேண்டுமென்ற ஆர்வம் காட்டிய பாத்திமா பீவியை நாம் பாராட்டி ஆகவேண்டும்.

அதனால்தான் திருவள்ளுவர், ``கற்றோர்க்கு எல்லா நாடுகளிலும் எல்லா ஊர்களிலும் சிறப்பு என்கிற போது, ஒருவன் சாகும் வரையில் கற்காமல் காலம் கழிப்பது ஏனோ?'' என்று கல்வியின் அரிய சிறப்பினை அழகாகச் சொல்லியிருக்கிறார்.

கேள்வி: 12வது ஐந்தாண்டுத் திட்டத்திற்கான வரைவினை தயாரிப்பதற்குரிய முயற்சிகள் தொடங்கி விட்டதாக செய்திகள் வருகின்றனவே?

பதில்: 2012-2017ம் ஆண்டுகளுக்கான 12வது ஐந்தாண்டுத் திட்டத்திற்குரிய பணிகள் தொடங்கி விட்டன. இந்தத் திட்டம் 2012ம் ஆண்டு ஏப்ரல் 1 முதல் நடைமுறைக்கு வர உள்ளது. அதற்கான அணுகுமுறை அறிக்கையைத் தயாரித்திடும் முயற்சியில் மத்திய திட்டக்குழு ஈடுபட்டிருக்கிறது. ஐந்தாண்டுத் திட்டங்களுக்கான வரைவுகளைத் தயாரிப்பதில், இதுவரை மேற்கொள்ளப்பட்ட அணுகுமுறைகளிலிருந்து சற்று விலகி, அனைவரும் பாராட்டத்தக்க ஒரு மாற்றத்தை மத்திய திட்டக்குழு உருவாக்கியிருக்கிறது. அதன்படி, தொடக்கம் முதலே மத்திய மாநில அரசுகளை மட்டுமல்லாமல், திட்டம் தயாரிப்பதில் ஈடுபாடும், அனுபவமும் உள்ள பொதுமக்கள், பேராசிரியர்கள், பொருளாதார நிபுணர்கள், அரசியல் பார்வையாளர்கள் என அனைவருடனும் கலந்தாலோசனை செய்யத் திட்டக்குழு முடிவு செய்திருப்பது வரவேற்கத்தக்க ஒரு மாறுதலாகும். இப்படிச் செய்வதால் திட்டம் தயாரிப்பதில் அனைவரையும் இணைத்துக் கொள்ளவும், பல்வேறு வகையான கருத்துக்களை அறிந்து கவனத்தில் கொள்ளவும் வாய்ப்பு ஏற்படுகிறது.

கேள்வி: தேர்தல் ஆணையத்தின் கெடுபிடிகளைப் பற்றி மத்திய உள்துறை அமைச்சர் ப.சிதம்பரம் பேசியிருக்கிறாரே?

பதில்: ``தேர்தல் நடந்த 5 மாநிலங்களிலும் சுற்றுப்பயணம் மேற்கொண்டேன். மற்ற மாநிலங்களில் கட்சித் தொண்டர்கள், கட்சியின் சின்னம் பொறித்த தொப்பி அணிந்திருந்தனர். மேலும், பிளக்ஸ் பேனர், பொதுக்கூட்டம் என அனைத்தும் நடந்தன. ஆனால், தமிழகத்தில் மட்டும் தேர்தல் கமிஷன் அதிக கெடுபிடி விதித்துள்ளது. ஒவ்வொரு மாநிலத்திலும் ஒவ்வொரு விதிமுறைகளை தேர்தல் கமிஷன் கடைப்பிடித்துள்ளது. இது குறித்து நாடாளுமன்றத்தில் விவாதிக்கப்படும்'' என்று ப.சிதம்பரம் சிவகங்கையில் பேசியிருப்பது குறிப்பிடத்தக்கதாகும். தமிழகத்தில் எத்தகைய கெடுபிடிகள் - காவல்துறை நடவடிக்கைகள், தேடுதல் வேட்டைகள், ஜனநாயக நடைமுறைகளை முறையாகப் பின்பற்றுவதில் விதிக்கப்பட்ட வரையறைகள் - தேர்தல் ஆணையத்தால் கடைப்பிடிக்கப்பட்டன என்பதை அனைவரும் அறிவர். தேர்தல் ஆணையம் இந்திய அரசமைப்புச் சட்டத்தால் உருவாக்கப்பட்ட ஒரு அமைப்பு. தேர்தல் ஆணையம் என்பது விருப்பு வெறுப்புகளை அகற்றி, அனைவருக்கும் பொதுவாகவும், நடுநிலையோடும் செயல்பட வேண்டிய ஒரு அமைப்பாகும். ஒவ்வொரு மாநிலத்திலும் வெவ்வேறு அளவு கோள்களை தேர்தல் ஆணையம் கடைபிடித்திடக் கூடாது என்பதே சிதம்பரத்தின் கருத்தாகும்.

தேர்தல் ஆணையத்திற்கான அதிகாரங்கள் வரையறுக்கப்பட்டு, முறைப்படுத்த வேண்டுமென்பதில், அரசியல் கட்சிகளுக்கிடையே கருத்து வேறுபாடு இருக்க முடியாது. ஒரே அமைப்பு, ஒவ்வொரு மாநிலத்திலும் ஒவ்வொரு நடைமுறையைப் பின்பற்றுவது என்பது ஜனநாயகத்தை வளப்படுத்துவதற்கு உதவாது. இந்திய அரசியல் சட்டத்தின்படி உருவாக்கப்பட்டுள்ள எந்தவொரு அமைப்பும், கடிவாளமின்றி ஓடுவதை அரசியல் சட்டம் அனுமதிக்கவில்லை.

ப.சிதம்பரம் சுட்டிக்காட்டி இருப்பதைப் போல நாடாளுமன்றத்தில் விரிவாக விவாதிப்பதுடன், இது குறித்து அரசியல் சட்ட நிபுணர்களையும் கலந்தாலோசித்து முடிவுகள் மேற்கொள்ளப்பட வேண்டும் என்று ஜனநாயகத்தின் மீதும், நமது அரசியல் சட்டத்தின் மீதும் அசைக்க முடியாத நம்பிக்கை உள்ள அனைவரும் ஆவலுடன் எதிர்பார்க்கிறார்கள். மத்திய உள்துறை அமைச்சரின் கருத்து; உதாசீனப்படுத்தக் கூடியதல்ல!.

இவ்வாறு கருணாநிதி கூறியுள்ளார்.

கனடாவில் முதல் இலங்கையர் பாராளுமன்றம் செல்கிறார்

கனடாவில் நேற்று இடம்பெற்ற தேர்தலில் புதிய ஜனநாயகக் கட்சி சார்பில் போட்டியிட்ட ராதிகா சிற்சபைஈசன் வெற்றி பெற்று நாடாளுமன்றம் செல்லும் முதல்  இலங்கையராக  இடம்பிடித்துள்ளார். மீண்டும் கன்சவேட்டிவ் கட்சி பெரும்பாண்மை அரசை அமைத்துள்ளது.

புதிய ஜனநாயகக் கட்சி 70 ஆசனங்களை மேலதிகமாக நாடாளுமன்றத்தில் பெற்று இரண்டாவது பெரும் கட்சியாக வந்துள்ளது தேர்தல் முடிவுகளின் படி கன்சவேட்டிவ் கட்சி 165 ஆசனங்களையும், புதிய ஜனநாயகக் கட்சி 104 ஆசனங்களையும், லிபரல் கட்சி 34 ஆசனங்களையும், புளக் கியூபெக்குவா 2 ஆசனங்களையும் பெற்றது. 

தேர்தல் கமிஷனின் அதிகாரங்களை முறைப்படுத்த வேண்டும்: கருணாநிதி

சென்னை:"தேர்தல் கமிஷன் கடிவாளமின்றி ஓடுவதை, அரசியல் சட்டம் அனுமதிக்கவில்லை. எனவே, அதன் அதிகாரங்ளை வரையறுத்து முறைப்படுத்த வேண்டும்' என, முதல்வர் கருணாநிதி கேட்டுக் கொண்டுள்ளார்.

அவர் நேற்று வெளியிட்ட அறிக்கை: ஸ்பெக்ட்ரம் அலைக்கற்றை ஒதுக்கீடு பிரச்னை சம்பந்தமாக, பா.ஜ.,வின் மூத்த தலைவர் முரளி மனோகர் ஜோஷி தலைமையிலான பொதுக் கணக்குக் குழு விசாரித்தது. இக்குழுவின் அறிக்கை, பார்லிமென்டில் சமர்ப்பிக்கப்படுவதற்கு முன்பே, பத்திரிகைகளுக்கு வெளியானது குறித்து ஏற்பட்ட சர்ச்சை, இன்னும் முடிவுக்கு வரவில்லை. 21 உறுப்பினர்கள் கொண்ட இக்குழுவின், 11 உறுப்பினர்கள் அறிக்கையை நிராகரித்துவிட்டனர்.எனினும், முரளி மனோகர் ஜோஷி, அறிக்கையை லோக்சபா சபாநாயகர் மீராகுமாருக்கு அனுப்பி வைத்துவிட்டார். ஜோஷி வகித்த பொதுக் கணக்குக் குழு தலைவர் பதவி, கடந்த 30ம் தேதியுடன் முடிந்துவிட்டது. அவருக்கு பிறகு, அவரது கட்சிக்காரர் தான் அப்பொறுப்புக்கு வருவார் என்ற நடைமுறைப்படி, முரளி மனோகர் ஜோஷியையே மீண்டும் தலைவராக நியமித்து சபாநாயகர் மீராகுமார் அறிவித்துள்ளார்.

ஜோஷி அனுப்பிய அறிக்கை குறித்து, பல்வேறு சர்ச்சைகளும், சந்தேகங்களும் எழுந்துள்ளன. குழுவின் வரைவு அறிக்கையின் நகல், உறுப்பினர்களுக்கு வழங்கப்பட்டு, அதன் மீது பத்திவாரியாக உறுப்பினர்கள் கருத்து கேட்கப்பட்டிருக்க வேண்டும்.குற்றம் சாட்டப்பட்டவர்களை அழைத்து விசாரித்திருக்க வேண்டும். அறிக்கை மீது பார்லிமென்டில் விவாதம் நடந்து, அதை ஏற்றுக் கொள்வதும், நிராகரித்து விடுவதும், பெரும்பான்மை உறுப்பினர்களை பொறுத்ததாகும்.இப்போது நடந்துள்ள நிகழ்ச்சிகளை பார்க்கும் போது, பார்லிமென்ட் நடைமுறைகளைப் பின்பற்றுவதை விட, அறிக்கையை வேகமாக தயாரித்து, அதிலுள்ள அம்சங்களை வெளியிடும் அவசரம் மட்டுமே தெரிகிறது. என்ன நடக்கிறது என்பதை பொறுத்திருந்து பார்ப்போம்.சட்டசபை தேர்தல் நடந்த, ஐந்து மாநிலங்களில் சுற்றுப் பயணம் செய்த, மத்திய உள்துறை அமைச்சர் சிதம்பரம், "ஒவ்வொரு மாநிலத்திலும், ஒவ்வொரு விதிகளை தேர்தல் கமிஷன் கடைபிடித்துள்ளது. இது குறித்து பார்லிமென்டில் விவாதிக்கப்படும்' என்று கூறியுள்ளார். இவரின் கருத்தை உதாசீனப்படுத்த முடியாது. தமிழகத்தில் தேர்தல் கமிஷன் கடைபிடித்த விதிமுறைகளை அனைவரும் அறிவர்.

தேர்தல் கமிஷன் அரசமைப்பு சட்டத்தால் உருவாக்கப்பட்டது. விருப்பு வெறுப்புகளை அகற்றி அனைவருக்கும் பொதுவாகவும், நடுநிலையோடும் செயல்பட வேண்டிய ஒரு அமைப்பு.இந்நிலையில், மத்திய அமைச்சர் சிதம்பரம் கூறியது போல, தேர்தல் கமிஷன் மாநிலத்திற்கு ஒரு அளவுகோலை கடைபிடிக்கக் கூடாது. தேர்தல் கமிஷனின் அதிகாரங்கள் வரையறுக்கப்பட்டு முறைப்படுத்த வேண்டும் என்பதில் அரசியல் கட்சிகள் இடையே வேறுபாடு இருக்க முடியாது. எனவே, தேர்தல் கமிஷனின் செயல்பாடுகளை பார்லிமென்டில் விவாதிப்பதுடன், அதன் அதிகாரங்களை வரையறுத்து முறைப்படுத்த வேண்டும்.கேரளாவில், 90 வயது மூதாட்டி பாத்திமா பீவி, நான்காம் வகுப்பு தேர்வு எழுதியுள்ளதை பாராட்டுகிறேன். அரசின் சலுகைகளை பெற குறைந்தபட்சம் நான்காம் வகுப்பு தேர்ச்சி அவசியம் என்பது, அவருக்கு உந்து சக்தியாக இருந்திருக்கிறது.இவ்வாறு அறிக்கையில் தெரிவித்துள்ளார்.

35 ஆயிரம் இலங்கையரின் இரட்டைப் பிரஜாவுரிமை மீளாய்வு "இரத்துச் செய்யும் அதிகாரம் பாதுகாப்பு அமைச்சுக்கு'

வெளிநாடுகளில் வசிக்கும் சுமார் 35 ஆயிரம் இலங்கையர்களுக்கு இரட்டைப் பிரஜாவுரிமை வழங்கப்பட்டிருக்கும் நிலையில், இந்த விடயம் மீளாய்வுக்குட்படுத்தப்பட்டுள்ளது.

அதேசமயம், இரட்டைப் பிரஜாவுரிமை கோரி விண்ணப்பிப்போரின் விண்ணப்பங்களை கடுமையான முறையில் பரிசீலிப்பதற்கான திட்டங்களை அரச அதிகாரிகள் கொண்டுள்ளதாக சிரேஷ்ட அதிகாரியொருவர் கூறியுள்ளார்.

தாங்கள் பிறந்த நாட்டுக்கு விசுவாசமுள்ளவர்களும் தமது வரிகளைச் செலுத்துவதன் மூலம் நாட்டின் சட்டங்களுக்கு மதிப்பளிப்பவர்களுக்கு மட்டுமே இந்த வசதி வழங்கப்படுமென குடிவரவு குடியகல்வு கட்டுப்பாட்டாளர் டபிள்யூ ஏ.சூலானந்த பெரேரா கூறியுள்ளார் 1987 இல் இரட்டைப் பிரஜாவுரிமை சட்டத்தில் திருத்தம் கொண்டுவரப்பட்டது. இத்திருத்தத்தின் மூலம் இரட்டைப் பிரஜாவுரிமையை இரத்து செய்வதற்கான அதிகாரத்தை பாதுகாப்பு அமைச்சு கொண்டுள்ளது. தனிப்பட்ட ஒருவர் இந்த வசதியை அனுபவிப்பதற்கு விசேடப்படுத்தப்பட்டுள்ள தேவைகளைக் கொண்டிராவிடின், எந்தத் தருணத்திலும் அவரின் இரட்டைப் பிராஜாவுரிமையை இரத்து செய்யும் அதிகாரம் பாதுகாப்பு அமைச்சுக்கு உள்ளதாக சூலானந்த பெரேரா கூறியுள்ளார்.

உதாரணமாக தமது பிள்ளைகளின் கல்வி அல்லது பாரிய வர்த்தகம் மற்றும் ஏனைய நலன்களுக்காக வெளிநாட்டில் வசிப்பதற்கான நிலைமையேற்பட்டிருக்கும் குடும்பங்களுக்கு இந்த வசதிகள் வழங்கப்படும். ஆனால், அதேசமயம் அவர்கள் இலங்கைக்குச் செலுத்த வேண்டிய தமது வரிகள் தொடர்பான கடப்பாடுகளை மேற்கொண்டிருக்க வேண்டும். ஆனால், பல்வேறு காரணங்களுக்காக நாட்டுக்குப் பாதிப்பையேற்படுத்தும் ஏனையோரும் இரட்டைப் பிரஜாவுரிமையை நாடுகின்றனர்.இந்த விடயம் தொடர்பாக தற்போது மீளாய்வு மேற்கொள்ளப்படும் என்று அவர் மேலும் கூறியுள்ளார்.

மறைமுக நிகழ்ச்சித் திட்டம் இல்லாமல் இலங்கைக்கு உதவுகின்ற ஆட்களை கவனமான முறையில் தெரிவு செய்வதே பிரதான நோக்கமென அவர் குறிப்பிட்டுள்ளார். அதேவேளை, இந்தப் பரிசீலனைகள் இன,மத ரீதியாக அமையாதெனவும் முற்றுமுழுதாக விசுவாசம்,ஈடுபாடு என்பவற்றின் அடிப்படையிலேயே அமையுமெனவும் அவர் உறுதியளித்துள்ளார்.

இரட்டைப் பிரஜாவுரிமைக்கான விசேட முன்னுரிமை சிரேஷ்ட பிரஜைகளுக்கும் தொழில்சார் நிபுணர்களுக்கும் வழங்கப்படுமெனவும் குறிப்பிட்ட அவர் இந்த வருட முற்பகுதியில் புதிய இரட்டைப் பிரஜாவுரிமைகளை வழங்குவதை அரசாங்கம் நிறுத்தி வைத்திருந்ததாகத் தெரிவித்துள்ளார். தற்போது இரட்டைப் பிரஜாவுரிமை கோரும் 3300 விண்ணப்பங்கள் இருப்பதாகவும் சுமார் 620 விண்ணப்பங்கள் தொடர்பாக ஜனாதிபதியிடமிருந்து இறுதி அங்கீகாரம் பெற அனுப்பப்பட்டிருப்பதாகவும் அவர் மேலும் தெரிவித்தார்.

முன்னர் இரட்டைப் பிரஜாவுரிமை பெறுவதற்கு இரண்டு இலட்சம் ரூபா செலுத்தப்பட வேண்டும். அல்லது 25 இலட்ச ரூபா பெறுமதியான சொத்து அல்லது 25 இலட்சம் ரூபா பெறுமதியான வங்கிக் கையிருப்பைக் கொண்டிருக்க வேண்டுமென்ற விதிமுறை இருந்து வந்தது.

சுபாஷ்,ஞானம் ஹோட்டல் ஆகியன திறந்து வைக்கப்பட்டன

யாழ் நகரின் பிரபல உல்லாச ஹோட்டல்களான ஞானம் ஹோட்டல் சுபாஷ் ஹோட்டல் ஆகியன புனரமைப்பு செய்யப்பட்டு நேற்று முதல் பாவனைக்கு திறந்து வைக்கப்பட்டன

ஒசாமா புண்ணியத்தால் அமெரிக்கர்களிடையே ஒபாமா செல்வாக்கு உயர்வு

பத்து வருடங்களாக கடுக்காய் கொடுத்து வந்த அல் கொய்தா நிறுவனர், ஒசாமா பின்லேடனை அமெரிக்கப் படையினர் முக்கால் மணி நேரத்தில் வீழ்த்தியதன் மூலம் அமெரிக்க அதிபர் பராக் ஒபாமாவுக்கு அமெரிக்கர்களிடையே பெரும் செல்வாக்கு ஏற்பட்டுள்ளது. மீண்டும் ஒபாமா அதிபராக வேண்டும் என்று வெள்ளை மாளிகை முன்பு கூடிய அமெரிக்கர்கள் கோஷமிட்டனர்.
அதிபரான போது ஒபாமாவுக்கு பெரும் செல்வாக்கு இருந்தது. அவரது பதவி ஏற்பு விழாவின்போது திரண்ட மக்கள் கூட்டமே அதற்கு சாட்சி. அமெரிக்காவின் முதல் கருப்பர் இன அதிபர் என்ற பெருமையைப் பெற்ற ஒபாமாவுக்கு நாளடைவில் செல்வாக்கு மங்கத் தொடங்கியது. அதிலும் சமீப காலமாக அவருக்கு பெரும் சரிவு ஏற்பட்டது.

ஆனால் பின்லேடன் வேட்டை அப்படியே ஒபாமாவை தூக்கி உச்சாணியில் நிறுத்தி வைத்து விட்டது. அமெரிக்கர்களிடையே ஒபாமாவுக்கு பெரும் செல்வாக்கு ஏற்பட்டுள்ளது. மிகப் பெரிய சாதனையை ஒபாமாவின் நிர்வாகம் செய்து விட்டதாக அமெரிக்கர்கள் பூரிப்படைந்துள்ளனர்.

நேற்று வெள்ளை மாளிகையில் அதிபர் ஒபாமா, பின்லேடன் கொல்லப்பட்ட தகவலை வெளியிட்டுக் கொண்டிருந்த சமயத்தில், வெள்ளை மாளிகைக்கு வெளியே பெரும் திரளான அமெரிக்கர்கள் கூடி உற்சாகமாக கோஷமிட்டனர். அப்போது அவர்கள் மீண்டும் ஒபாமாவே அதிபர் என்றும் குரல் எழுப்பினர்.

அமெரிக்காவுக்கு பெரும் சவாலை ஏற்படுத்திய மிகப் பயங்கரமான தீவிரவாத தலைவர் வீழ்த்தப்பட்ட விதம் அமெரிக்கர்களிடையே பெரும் உற்சாகத்தையும், மகிழ்ச்சியையும் கொடுத்துள்ளது.

ஒபாமாவின் நிர்வாகத் திறமையே இந்த சாதனைக்குக் காரணம் என அமெரிக்கர்கள் கருதுகிறார்கள்.

ஜார்ஜ் புஷ்ஷால் சாதிக்க முடியாததை ஒபாமா சாதித்தது அமெரிக்கர்களிடையே, ஒபாமா மீதான நம்பிக்கையை பல மடங்கு அதிகரித்துள்ளது.

தீவிரவாதத்திற்கு எதிரான போரில் ஒபாமா பெரும் வெற்றி அடைந்திருப்பதாக அமெரிக்கர்கள் கருதுகிறார்கள்.

ஒபாமா நிர்வாகத்திற்கு பின்லேடன் மரணம் பெரும் பூஸ்டராக வந்து அமைந்துள்ளது. ஒபாமா அரசு மீது இருந்த அதிருப்திகளை அப்படியே இது துடைத்துப் போட்டு விட்டதாக அவர்கள் கருதுகிறார்கள்.

பொருளாதார சரிவு உள்ளிட்ட பல்வேறு சிக்கல்களில் மாட்டி்யிருந்த அமெரிக்கர்கள், ஒபாமாவின் நிர்வாகம் மீது கடும் அதிருப்தி இருந்து வந்தது. தற்போது அத்தனையையும் அமெரிக்கர்கள் மறக்கடிக்கும் வகையில் பின்லேடனின் மரணச் செய்தி வந்து சேர்ந்துள்ளது.

அடுத்த ஆண்டு நடைபெறவுள்ள அதிபர் தேர்தலில் மீண்டும் ஒபாமா போட்டியிடுவதற்கான வாய்ப்புகள் மிகவும் பிரகாசமாகி விட்டன. மேலும் அவர் அடுத்த அதிபர் தேர்தலில் பெரும் வெற்றி பெறக் கூடிய வாய்ப்புகளும் அதிகரித்துள்ளன. அதேசமயம், ஒபாமாவுக்கு பெரும் சவாலாக விளங்குவார் எனக் கருதப்படும் ஹில்லாரி கிளிண்டன், பின்லேடன் தூசியில் மறைந்து போய் விட்டார்.

கடந்த மாதம் நியூயார்க் டைம்ஸும், சிபிஎஸ்ஸும் இணைந்து எடுத்த சர்வேயில் ஒபாமாவுக்கு 46 சதவீத ஆதரவே கிடைத்தது. தற்போது இது கிடுகிடுவென உயரும் என்று எதிர்பார்க்கப்படுகிறது.

எப்படியோ, அமெரிக்க வரலாற்றில் ஒபாமா மீண்டும் ஒரு பக்கத்தை தனது பெயரால் நிரப்பி விட்டார் என்று நிச்சயமாக கூறலாம்.

கண்டுபிடித்தது எப்படி?ஒசாமாவை அமெரிக்க உளவுப் பிரிவினர்

வாஷிங்டன்: ஒசாமா பின் லேடன் பதுங்கியிருந்த கட்டடத்தை அமெரிக்காவின் சிஐஏ உளவுப் பிரிவு எப்படி கண்டுபிடித்தது என்பது குறித்து புதிய தகவல்கள் வெளியாகியுள்ளன.


ஒசாமாவை தாராபோரா மலைத் தொடரின் குகைகளில் அமெரிக்காவின் ஆளில்லா உளவு விமானங்கள் (un manned ariel vehicles) இரவு பகலாக தேடி வந்தன. இதற்கான 50க்கும் மேற்பட்ட உளவு விமானங்கள் இந்த மலைத் தொடரை சல்லடை போட்டு தேடின. ஆனாலும் ஒசாமா சிக்கவில்லை.

அதே போல சாட்டிலைட் தொலைபேசியில் ஒபாமா பேசுகிறாரா என்று அமெரிக்க ராணுவ செயற்கைக் கோள்கள் voice recognition software உதவியோடு உலகம் முழுவதும் இந்த ரக தொலைபேசிகளின் உரையாடல்களை கண்காணித்து வந்தன. ஆனால், ஒரு சத்தத்தையும் காணோம்.

இந் நிலையில் ஏராளமான உடல் உபாதைகளுடன் தவித்து வந்த ஒசாமா நிச்சயம் பாகிஸ்தானுக்குள் தான் பதுங்கியிருக்க வேண்டும் என்ற முடிவுக்கு வந்தது அமெரிக்கா. இதனால் பாகிஸ்தானுக்குள் ஒசாமாவைத் தேடும் பணியை தீவிரமாக்கியது.

பாகிஸ்தானின் ஐஎஸ்ஐ உளவுப் பிரிவு தான் ஒசாமாவை பத்திரமாக பதுக்கி வைத்திருக்கிறது என்று தெரிய வந்தாலும், அதை பாகிஸ்தானின் ஆட்சியாளர்கள் மறுத்தே வந்ததால், கெஞ்சிப் பார்த்து ஓய்ந்து போன அமெரிக்கா, பாகிஸ்தான் ஆட்சியாளர்களை மிரட்டவும் ஆரம்பித்தது.

லிபியாவுக்குள் குண்டுவீசி அந் நாட்டு அதிபர் கடாபிக்கே குறி வைக்க ஆரம்பித்துள்ள அமெரிக்கா, இதே நிலைமை உங்களுக்கும் விரைவில் ஏற்படும் என்றும் மிரட்டியதையடுத்து ஒசாமா குறித்த சில தகவல்களை அமெரிக்காவுக்கு பாகிஸ்தான் ஆட்சியாளர்கள் தந்ததாகத் தெரிகிறது.

இந்த தகவல்களை முன் வைத்து சிஐஏ நடத்திய மாபெரும் உளவு-தேடுதல் வேட்டையில் தான் ஒசாமா கொல்லப்பட்டுள்ளார்.

பாகிஸ்தானில் கிடைத்த தகவல்களை வைத்து ஒசாமாவின் வளையத்துக்குள் உள்ள சிலரை அமெரிக்கா கண்காணிக்க ஆரம்பித்தது. இந்த வளையத்தில் சில சிஐஏ பிரிவினரையும் ஊடுருவ வைத்தது.

அவர்கள் மூலம் ஒசாமாவுக்கு கடிதங்கள் எடுத்துச் செல்லும் நபரை அடையாளம் கண்டது சிஐஏ. ஒசாமாவுக்கான அந்தக் கடிதங்கள் புனைப் பெயர்களில் செல்வதை அமெரிக்கா கண்டுபிடித்தது.

இந்த நபர் இஸ்லாமாபாத்திலிருந்து 150 கிலோமீட்டர் தொலைவில் உள்ள அப்போடாபாத் நகரில் உள்ள ஒரு வீட்டில் வசிப்பதை கடந்த ஜனவரியிலேயே சிஐஏ கண்டுபிடித்தது.

அந்த நபரிடம் விசாரணை நடத்தினால் கூட ஒசாமா அலர்ட் ஆகிவிடுவார் என்பதால், அவரிடம் எந்தவித பேச்சுவார்த்தையையும் வைத்துக் கொள்ளவில்லை அமெரிக்கா.

அந்த நபர் வசித்த வீடு 18 அடி உயரம் கொண்ட மிக உயர்ந்த சுற்றுச் சுவர்கள் கொண்ட 3 மாடிகள் கொண்ட வீடாகும். அந்த வீட்டைப் பார்த்தவுடனேயே அமெரிக்காவின் சந்தேகம் மேலும் வலுத்தது. அப் பகுதியில் உள்ள மற்ற வீடுகளை விட 8 மடங்கு மிக அதிகமான பரப்பளவில் அந்த வீடு கட்டப்பட்டுள்ளது. மேலும் 2005ம் ஆண்டில் அந்த வீடு கட்டப்பட்டுள்ளது.

பல கோடி மதி்ப்புடைய அந்த வீட்டின் தொலைபேசி எண்ணை அறிய அமெரிக்க உளவுப் பிரிவினர் முயன்றபோது அதிர்ச்சி காத்திருந்தது. அவ்வளவு பெரிய வீட்டில் தொலைபேசியே இல்லை. மிகப் பெரிய பங்களாவில் ஒரு தொலைபேசி இணைப்பு கூட இல்லாதது ஏன் என்ற சந்தேகம் வரவே, அந்த வீட்டில் இண்டர்நெட் இணைப்பாவது இருக்கிறதா என்று விசாரித்தபோது அதுவும் இல்லை என்று தெரியவந்தது.

மேலும் அந்த வீட்டினர் குப்பைகளைக் கூட வெளியில் கொட்டாமல், தங்களது காம்பவுண்டுக்குள்ளேயே எரித்து வந்ததையும் அமெரிக்க உளவுப் பிரிவினர் பல மாதங்களாக கண்காணித்தனர்.

அந்த வீட்டில் கடிதங்கள் கொண்டு சென்ற நபரும் அவரது சகோதரரின் குடும்பங்கள் தவிர இன்னொரு குடும்பமும் இருப்பதும் தெரியவந்தது. அந்தக் குடும்பம் பின் லேடனின் குடும்பம் என்ற முடிவுக்கு வந்த சிஐஏ, இந்த வீட்டை சோதனையிடுவது குறித்து முடிவு செய்தது. இது தொடர்பாக அமெரிக்க அதிபர் பராக் ஒபாமா தலைமையில் 5 உயர் மட்டக் கூட்டங்களும் நடந்தன.

அதில், பாகிஸ்தானின் ஐஎஸ்ஐக்குத் தெரிந்துவிடாமல் இந்த ஆபரேசனை நடத்த முடிவு செய்யப்பட்டது. அவர்களுக்கு தகவல் கிடைத்தால் ஒசாமாவை காப்பாற்றிவிடுவார்கள் என்பதால் இந்த முடிவெடுக்கப்பட்டது.

இதனால் கொஞ்சம் காலதாமதம் ஆனாலும் கூட, இந்த ஆபரேசனை நாமே நடத்தி முடிப்பது என்ற முடிவுக்கு அமெரிக்கா வந்தது. இந்த வீட்டில் ஒசாமா தனது இளைய மனைவியோடு இருப்பதை அப்போடாபாத் நகரிலேயே முகாமிட்டிருந்த சிஐஏவின் உளவாளிகள் மீண்டும் திட்டவட்டமாக கடந்த வாரம் உறுதிப்படுத்தவே, அந்த வீட்டின் மீது தாக்குதல் நடத்தி ஒசாமைவைக் கொல்ல கடந்த வெள்ளிக்கிழமை ஒபாமா கையெழுத்து போட்டு அனுமதி தந்தார்.

இதையடுத்து நேற்று நள்ளிரவு 1.20 மணியளவில் ஆப்கானிஸ்தானில் உள்ள அமெரிக்க விமானப் படைத் தளத்திலிருந்து சில ஹெலிகாப்டர்களில் கிளம்பிய அமெரிக்கப் படையினரும், இஸ்லாமாபாத்தில் உள்ள அமெரிக்கத் தூதரகத்திலிருந்து கிளம்பிய ஒரு படையும் இந்த வீட்டை முற்றுகையிட்டன.

மிகச் சிறிய அளவிலான இந்தப் படை தனது பயங்கர தாக்குதலைத் தொடங்க, ஒசாமா பின் லேடனின் பாதுகாவலர்கள் பதில் தாக்குதல் நடத்தினர். இந் நிலையி்ல் ஒசாமா பின் லேடனே நேரடியாக அமெரிக்கப் படைகளுடன் மோதியுள்ளார்.

இதில் உடல் துளைக்கப்பட்டு ஒசாமா பின் லேடன் அந்த இடத்திலேயே பலியானார். இதில் ஒரு குண்டு ஒசாமாவின் கண்ணை துளைத்துக் கொண்டு மூளையை சிதறடித்தது. அவருடன் அவரது மகன், ஒரு பெண் உள்பட 5 பேரும் பலியாயினர்.

40 நிமிடத்தில் இந்த ஆபரேசனை முடித்துவிட்டு ஒசாமாவின் உடலை தூக்கிக் கொண்டு அமெரிக்க ஹெலிகாப்டர்கள் கிளம்பின.

இதில் ஒரு ஹெலிகாப்டரில் தொழில்நுட்பக் கோளாறு ஏற்பட்டுவிட, அந்த ஹெலிகாப்டரை அங்கேயே விட்டுவிட்டு மற்ற ஹெலிகாப்டர்கள் பறந்தன. தரையில் நிறுத்தப்பட்டிருந்த அந்த ஹெலிகாப்டரை பாதுகாப்பு, உளவு காரணங்களுக்காக மற்ற ஹெலிகாப்டர்கள் குண்டுவீசித் தகர்த்துவிட்டு, ஒசாமாவின் உடலோடு ஆப்கானிஸ்தான் நோக்கிப் பறந்தன.

இந்தத் தாக்குதலை நடத்தியது எந்தப் படை என்பதை அமெரிக்கா தெரிவிக்கவில்லை. ஆனாலும் U.S. Navy SEALs அதிரடிப் படை தான் இந்த ஆபரேசனை நடத்தியதாகத் தெரியவந்துள்ளது.

இறந்தது ஒசாமா தானா என்பதை facial recognition மற்றும் டிஎன்ஏ சோதனைகள் மூலம் அமெரிக்கா உறுதி செய்துள்ளது.

இந்த முழு ஆபரேசனையும் அமெரிக்காவிலிருந்து ஒருங்கிணைத்த சிஐஏ குழுவுடன் அந் நாட்டு வெளியுறவு அமைச்சர் ஹிலாரி கிளின்டனும் முழு அளவில் இணைந்து பணியாற்றியுள்ளார்.

English summary

After years of dead ends and promising leads gone cold, the big break came last August. A trusted courier of Osama bin Laden’s whom American spies had been hunting for years was finally located in a compound 35 miles north of the Pakistani capital, close to one of the hubs of American counterterrorism operations. The property was so secure, so large, that American officials guessed it was built to hide someone far more important than a mere courier.

காதல் கல்லூரி'யில் நமீதா!

அதீத கவர்ச்சிப் பாவையாக மட்டுமே பார்க்கப்பட்டு வந்த நமீதாவை வித்தியாசமான கோணத்திலும், வித்தியாசமான கேரக்டரிலும் ரசிகர்கள் காணும் நாள் நெருங்கி விட்டது.


தெலுங்கில் நமீதா நடித்து வரும் படம் லவ் காலேஜ். இப்படத்தில் யோகா ஆசிரியையாக நடிக்கிறார் நமீதா. கவர்ச்சிகரமான பாத்திரத்தில் மட்டுமல்லாமல், அதிரடி ஆக்ஷனிலும் பின்னி எடுத்திருக்கிறாராம் நமீதா.

இதற்காக மெனக்கெட்டு தனது உடல் பொலிவையும் கூட்டி, தேவையற்ற கொழுப்பைக் கைவிட்டு டிரிம்மாகி அசத்தலாக காணப்படுகிறார்.

இதுவரை தனக்குள் மறைந்திருந்த நடிப்புத் திறமையை மொத்தமாக இதில் வெளிக்காட்டி ரசிகர்களுக்கு இன்ப அதிர்ச்சி அளிக்கவுள்ளாராம் நமீதா.

இது கன்னடத்தில் வெளியான நமீதா ஐ லவ் யூ படத்தின் டப்பிங்தான் என்ற போதிலும், அது தெரியாத அளவுக்கு படத்தில் சில மாறுதல்களையும் செய்து சேர்த்து பொலிவேற்றியுள்ளனராம்.

விரைவில் இப்படம் தமிழிலும் வெளியாகும் என்று கூறப்படுகிறது.

English summary

Actress Namitha, who was seen in many glamorous roles, is keen to change her image. Now, she has decided to discard her oomph factor and is heading for a serious role thorugh Love College, a Telugu movie. Her body language and looks show that the actress wants to showcase her hidden talent. She plays the role of a yoga teacher in the film. The movie is a dubbed version of upcoming Kannada film Namitha I Love U.

புலிகளால் மறைக்கப்பட்ட வரலாறும் முஸ்லிகளால் மறக்கப்படவேண்டிய வரலாறும்

                       எஸ்.எம்.எம்.பஷீர்.

“நெஞ்சில் உரமுமின்றி நேர்மைத் திறமு மின்றி, வஞ்சனை செய்வாரடி! – கிளியே! வாய்ச் சொல்லில் வீரரடி.” (சுப்ரமணிய பாரதியார்)

அண்மையில் நான் பிரான்சில் இருந்து இயங்கும் பிரபல வானொலி ஒன்றில் அரசியல் கலந்துரையாடலில் பங்குகொண்டபோது, என்னிடம் விடுக்கப்பட்ட கேள்வி ஐரோப்பாவில் புலிகளினால் முடுக்கிவிடப்பட்டிருக்கும் முஸ்லிம் விரோத விசமப்பிரசாரம் பற்றியது. கிழக்கிலே இருந்து ஐரோப்பாவிலே குடியேறி புலிகளுக்காக பரப்புரை செய்யும் ஒரு புலியின் ஒலி(ளி)பரப்பாளர் ஒருவர் தமது தொலைக்காட்சி நிகழ்ச்சியில் கிழக்கிலே மீண்டும் பொருளாதார சமூக செயற்பாடு ஜனநாயக அரசியல் நடவடிக்கைகள் காரணமாகவும் திடமாகவும் தீர்க்கமாகவும் கட்டி எழுப்பப்படும் இன சௌஜன்யத்தை, சீர் குலைக்க, தமிழ் மக்களை முஸ்லிம் மக்களின் மீது பகைமை கொள்ளச்செய்ய பகீரத் பிரயத்தனம் செய்வதாகவும், அவர் ஒரு நிகழ்வொன்றில் முஸ்லிம்களின் மீது புலிகள் நடத்திய இனப்படுகொலைக்கும் இனச்சுத்திகரிப்ப்பிற்கும் காரணம் கண்டுபிடித்து நியாயம் கற்பிக்க முனைவதாக நான் அந்நபர் பற்றி முன்னரே அறிந்திருந்தேன்,

எனவே அத்தகைய விசமப்பிரச்சாரங்களை குறித்து கேள்வி எழுப்பிய நண்பரிடம் புலிகளின் முஸ்லிம் உறுப்பினர்கள் குறித்து, புலிகளின் வரலாறு எழுதிய புலி உறுப்பினரின் பதிவு ஒன்றினை விரைவில் வெளியிடுவேன் என்று குறிப்பிடிருந்தேன்; அவ்வண்ணம் இங்கு புலிகளின் வரலாற்று ஏட்டில் ஒரு பக்கத்தினை சான்றாக வைக்க விரும்புகிறேன். இதன் மூலம் புலிகளின் வலையில் விழுந்து மாண்டு போன ஒரு முஸ்லிம் புலியின் சரிதை மட்டுமல்ல இது; முஸ்லிம்கள் அன்று புலிகளுக்கு வழங்கிய உதவியையும் ஒத்தாசையையும் புலிகள் எவ்வாறு பயன்படுத்திக் கொண்டனர் என்பதுடன் பின்னர் முஸ்லிம் விரோதகொள்கையை கைக்கொண்டு மிலேச்சதனமாக முஸ்லிம்களை எவ்வாறு நடத்தினர் என்ற கேளவிக்கு இன்றைய பின்னணியில் பரிசீலிப்பதறகும் , பதில் சொல்வதற்கும் உதவும்; இது குறித்து கிழக்கு வாழ் தமிழ் முஸ்லிம் சமூகங்கள் விழிப்பாக இருக்க வேண்டும் என்பதே இதனை பிரசுரிப்பதன் நோக்கமுமாகும்.
அண்மையில் இலங்கையில் முன்னாள் எம் பியும், பிரபல முஸ்லிம் சட்டத்தரணி தனது ஆங்கில கட்டுரையொன்றில் அக்கரைப்பற்றை சேர்ந்த அட்வொகேட் ஹாசிம் (Advocate Cassim ) என்பவரது மகனை புலிகள் அக்கரைப்பற்று பகுதி தலைவராக (Area leader) நியமித்ததை அவரால் ஜீரணித்துக்கொள்ள முடியவில்லை என்றும் அதனால் அவர் தன்னை வெறுதததாகவும் அவரால் அதை (தனது மகன் புலிகளில் சேருவதை) தடுப்பதற்கு எதுவும் செய்யமுடியவில்லை என்று குறிப்பிட்டிருந்தார். அவ்வாறு புலியில் சேர்ந்து தம்மை அழித்துக்கொண்ட சில முஸ்லிம் இளைஞ்ர்கள் எதிர்கால முஸ்லிம் சமூகத்திற்கும் எச்சரிக்கையாக இருக்கட்டும்.இனி புலிகளின் பதிவேட்டைப் பார்ப்போம்

 அக்கரையூர் தந்த அல்லி கப்டன் பாறூக்
அகமது லெவ்வை முஹம்மது ஹனிபா, அக்கரைப்பற்று -06 அம்பாறை
                               வீரஉயிர்ப்பு 06.12.1959. வீரச்சாவு 07.01.1987


தென்னை இளநீரும் தேங்கியோடும் வாய்க்காலின் அருகில் வளர்ந்திருக்கும் நாணல் பற்றைகளில் கூடுகட்டிவாழும் வயலான், தேனோடு பாலும், தெவிட்டாத அழகும; கலையோடு பின்னிப்பிணைந்து மாறாத வீரமும் கானான், கொக்குக் குருவிகள் ஒலிக்கும் ஒலியோடு சேர்ந்து இனியகானமாக தினம் ஒலித்து மெய்சிலிர்க்க வைக்கும் கவிகளும் வயல்களில் இருந்து பாட்டமாய் பறந்துவரும் வயல் குருவிகளை களிமண் உருண்டை கொண்டு கவிக்கு இசை சேர்க்குமாப்போல் கலைக்கும் ஆடவர்களும் அந்த அக்கறைப்பற்று வயலுக்கும், நகருக்கும் தனியழகைத் தரும்
சுற்றி வளைக்க விரும்பாமல் சுருக்கமாகச் சொல்லப்போனால் விடுதலை வேண்டிப் புறப்பட்டு இருந்த இடம் தெரியாமல் தமிழீழத்திலிருந்து சிதறிப்போன விடுதலை இயக்கங்கள் முப்பத்தெட்டு என்றாலும் அக்கரைப்பற்று மண்ணில் மிக ஆழமாக முளைத்ததில் வியப்பில்லையல்லவா.
நீண்டுயர்ந்து நிற்கும் பெரியதொரு ஆலமரம். அதில் பல விழுதுகள் அங்கே ஒரு விழுதுதான் இந்த முகமது கனிபாவை 06.12.1959 தனில் ஈன்றெடுத்த அகம்மது லெவ்வை எனும் பெரு விருட்சம்.வாணிபத்தால் மட்டுமல்லஇ கமத்தொழிலிலும் சிறந்து விளங்கிய தனிப்பெரும் குடும்பம் இது. 1985ம் ஆண்டு இறுதிமாதப் பகுதியில் விடுதலைப் புலிகள் பற்றிய கருத்துகளை மக்கள் மனங்களில் விதைப்பதற்காக அம்பாறை மாவட்ட அரசியல் வேலைக்கென்று தேசியத் தலைவர் அவர்களால் யாழ் மண்ணிலிருந்து தென் தமிழீழ மண்ணுக்கு அனுப்பட்டவர்தான் மேஜர் டயஸ்.
“தங்கத் தமிழீழத் தானைத் தலைவனின்” கருத்துகளை மிக உன்னிப்பாக கேட்ட மேஜர் டயஸ் அப்படியே அம்பாறை வாழ் தமிழ் பேசும் இளைஞர்களின் மனங்களில் தமிழீழ விடுதலைப் புலிகளின் போராட்ட வரலாறு பற்றிய கருத்துக்ககளை மிக ஆழமாக விதைத்தான்.
முத்தமிழை மிக முதன்மையாகப் பேசியும் அதற்கு விழாவெடுத்தும், கவி, கதைகள் அடங்கிய நூல்கள் பலதை வெளியிடுவதிலும் மிக முக்கிய இடத்தைப் பிடித்திருந்த அந்த அக்கரைப்பற்று மண்ணிலிருந்து விடுதலை வேண்டிப் புறப்பட்ட முஸ்லிம் புலிவீரர்கள் பலர். அதில் முதன்மையானவன்தான் இந்த முகம்மது கனிபா. ஏனென்றால் இவரது சகோதரன் விடுதலைப் புலிகளில் இணைந்து வீரச்சாவைத் தழுவிக் கொண்டதன் பின் தானும் இயக்கத்தில் இனைந்து தனது சகோதரனின் பெயரையே தனக்கு வைக்க வேண்டும் என்று கூறி அதன்படியே செயற்பட்டு வந்தவன் இந்த கனிபா என்னும் பாறுக்
மாண்பில் முஸ்லிம் என்றாலும் மேஜர் டயசின் கனல் கக்கும் கருத்துகளைக் கேட்டு இந்த கதாநாயகன் மேஜர் டயஸ், மேஜர் அன்ரனி, கப்டன் டேவிட் ஐயா, நியூட்டன்,கப்டன் நகுலன் இன்னும் பல விடுதலை வீரர்கள் தனது உம்மா வாப்பா உறவினர்களுக்கு அறிமுகம் செய்துவைத்து இன்னமுதூட்டிப் பொருளுதவிகளும் தன் வாப்பாவால் உதவச் செய்த இஸ்லாமியத் தமிழனிவன்.
அகத்தின் அழகு முகத்தில் தெரியும் என்பதற்கொப்ப இந்த கப்டன் பாறுக்கின் குணாதிசையங்களை நன்கு புரி;ந்துகொண்ட விடுதலைப் புலிவீரர்கள் இவன் தம்பியின் பெயரான பாறுக் எனப் பெயரிட்டனர்.
அதுஇ அம்பாறை கஞ்சிகுடிச்சாறு விடுதலைப் புலிவீரர்களின் பயிற்சிமுகாம், இருந்தாலும் சில புலிவீரர்கள் யாழ் மண்ணை நோக்க வேண்டியிருந்தது. பாறுக் படிப்பிலும் மிக கவனம் செலுத்தியவன். அக்கரைப்பற்று முஸ்லிம் மகாவித்தியாலயம் க.பொ.த.சாதாரணதரம் வரை படித்தவன; பரிச்சைக்காலவேளை இருந்தும் இவனது யணம் யாழ்ப்பாணத்தை நோக்கிச் செல்ல வேண்டியிருந்தது.
யாழ் மண்ணில் முதலாவது பயிற்சிப் பாசறையில் இந்த பாறுக் புகுந்தான். சுருண்டிருக்கும் கொறுக்காய் போன்ற தலைமுடி, பூரண சந்திரனையும் மிஞ்சிவிடுமாப்போன்ற அழகிலும் அழகான வட்டமுகம் கரியவிழிகள், அரும்பு மீசை குறும்புப் பார்வை கம்பீரமான தோற்றம் எத்தனை அழகு எப்படிச் சொல்வது.பயிற்சி என்ன பாராட்டுகள்தான் அதிகம் சோர்வையே காட்டிக் கொள்ளாத சிவந்த மேனி அந்த ஏ.கே 47 துப்பாக்கியை தூக்கிக் கொண்டு சிங்கநடைபோட்டுவரும் அழகைக் கண்டு லெப். கேணல் ராதா அவர்களே பாராட்டிய பைந்தமிழ் வேங்கையன்றோ.
இவனது வீரச் செய்தி கேட்டு மட்டக்களப்பு அம்பாறை மக்கள் தும்பக் கடலில் மூழ்கியது, ஆனாலும் வீரச்சாவுச் செய்தி மட்டக்களப்பு அம்பாறை மண்ணில் குறிப்பாக அக்கரைப்பற்றை எட்டியதும் கப்டன் டேவிட் ஐயாவால் வெளியிட்ட சுவரொட்டிகள் அக்கரைப்பற்று மதிற் சுவர்களை அலங்கரித்ததும் மாவிலைத் தோரணங்களும் வாழை மரங்களும் வீரப்புலிகளின் அரைக்கம்ப கொடிகளும் அக்கரைப்பற்றுவாழ் முஸ்லிம் மக்களின் கண்களைக் குளமாக்கத் தவறவில்லை.
உண்மைதான்! யாழ் மண்ணில் முதலாவது பயிற்சிப் பாசறையை தன் விடாமுயற்சியினால் சிறப்பாகச் செய்து ஒன்பது மாத காலத்துக்குள் முடித்தவன். அன்று நடந்த சிறுசிறு தாக்குதல்களில் கலந்துகொண்டவன். பாறுக் ஒரு முஸ்லிம் இளைஞன் என்று சொல்லாது தன் குடும்ப உறவினன் என்றே அனைவரும் அழைத்தனர். அதைவிட மேலான அன்பையும், பாசத்தையும் அண்ணன் (தலைவர்) மீது பொழிந்தவன் அதனால் தேசியத் தலைவர் அம்பாறை மண்ணைப்பற்றியும் அங்கு போராட்ட நிகழ்வு பற்றியும் வழிமுறைகளைச் சொல்லக் கேட்டுத் தெரிந்து கொண்;டவன்.
யாழ் மண்ணில் தனது போராட்ட வாழ்க்கையை ஆரம்பித்தாலும; மட்டு – அம்பாறையில் இருந்து போராடிய புலிவீரர்கள் இந்த வீரனின் இல்லம் செல்லத் தவறுவதில்லை. அப்படி தவறும் பட்சத்தில் தந்தை அகமது லெவ்வை புலிவீரர்கள் யாரையாவது அக்கரைப்பற்று நகரினுள் கண்டால் உடனே தன் இல்லம் அழைத்துச் சென்று அன்னமிட்டு பல உதவிகளையும் வழங்கி வழியனுப்பத் தவறுவதில்லை. அந்த பாசமழையில் நனைந்த புலிவீரர்கள் யாராக இருந்தாலும் வாப்பா உம்மா தங்கச்சி தம்பி போறன் வாறன் என்று சொல்லிப் புறப்படுவார்கள்
வந்து போய்ப் பழகிச் சென்ற வீரர்களின் வீரச்சாவுச் செய்தி கேட்டாலும் இந்த பைந்தமிழ் உரைக்கும் வாப்பா உம்மாக்களின் கண்களும் குளமாகும். பல களங்களைப் பல முனைகளில் இவன் யாழ் மண்ணில் கண்டாலும் தன் தாய் மண்ணில் காலூன்றி களங்காணப் பல முஸ்லிம் இளைஞர்கள் திரட்ட தங்கத் தலைவனிடம் கேட்டுப் பதில்வரும் நாளையும் பார்த்துக் கிடந்தான். 07.01.1987ம் ஆண்டு காலை பத்து முப்பது மணிபோல் யாழ் கோட்டையில் குடிகொண்டிருந்த சிங்களக் கூலிப் பட்டாளங்கள் யாழ் மண்ணை அழிக்க படைகொண்டு வந்தனர். விடுதலைப் புலிவீரர்கள் எதிர்கொண்டனர். துப்பாக்கி ரவைகளும் எறிகணைகளும்தான் அன்று பொழிந்தது. புலிவீரர்கள் எதிர்த்தனர். எதிரிகளை அழித்தனர். அவன் போட்டுவந்த திட்டத்தினை முறியடித்தனர். பகைவன் கோட்டையை நோக்கி ஓடினான்.
வீறுகொண்ட வேங்கை கப்டன் பாறுக்கின் விரிந்த நெஞ்சிலிருந்து சுதந்திரம் தேடிய குருதி பெருக்கெடுத்தது. “புலிகளின் தாகம் தமிழீழத் தாயகம” என்று அவனது நாவிலிருந்து வார்த்தைகள் வெளிவந்தன. ஆனால் அந்தக் கப்டன் பாறுக் என்றும் எங்கள் தானைத் தலைவனின் மனங்களில் வாழ்கிறான்.


( இவ்வாக்கத்தின் அம்சங்கள் குறித்து நான் “பொழிப்புரை” எழுத தேவையில்லை. இக்கட்டுரையினை வேறு இணையத்தளத்தில் அல்லது பத்திரிகையில் மீள் பிரசுரம் செய்பவர்கள் அல்லது மொழி பெயர்பவர்கள் தயவுசெய்து கட்டுரையின் மூலத்தை குறிப்பிடவும்-எஸ்.எம்.எம்.பஷீர். . )
– thenee -

புதையலில் கிடைத்த ஐந்தரை கிலோ தங்கத்தினாலான கிரீடம், தங்க மாம்பழம் பறிமுதல் செய்யப்பட்டுள்ளது

புதையலொன்றில் இருந்து கிடைத்த ஐந்தரைக் கிலோ எடைகொண்ட தங்கத்திலான கிரீடம் மற்றும் தங்க மாம்பழம் என்பன பறிமுதல் செய்யப்பட்டுள்ளன.
அம்பாறையின் இங்கினியாகலை பிரதேசத்தில் வைத்து வைரங்கள் பதிக்கப்பட்ட தங்கக் கிரீடம் மற்றும் தனியிலையைக் கொண்ட காம்புடனான தங்க மாம்பழம் என்பன உள்ளடங்கிய பிரஸ்தாப தங்கப் புதையல் கைப்பற்றப்பட்டுள்ளது.

ஆயினும் அவை சொக்கத்தங்கத்தில் செய்யப்பட்டதா அல்லது தங்க முலாம் பூசப்பட்டதா என்பது குறித்து உறுதிப்படுத்த முடியவில்லை என்பதாக பொலிசார் தெரிவிக்கின்றனர்.

தங்கக் கிரீடமானது ஒரு கிலோகிராமும் நானூற்றி எண்பது கிராம்களும் எடைகொண்டுள்ளது. தங்க மாம்பழம் மூன்றரைக் கிலோகிராம் அளவிலான எடைகொண்டது. தற்போது அவையிரண்டும் பொலிசாரினால் பறிமுதல் செய்யப்பட்டிருப்பதுடன், சந்தேகத்தின் பேரில் இரண்டு பேரும் கைது செய்யப்பட்டுள்ளனர்

புலிகளை தோற்கடித்த என்மீது போர்க் குற்றமா'? மேதின ஊர்வலத்தில் மஹிந்த கேள்வி

விடுதலைப் புலிகளைத் தோற்கடித்தமை எவ்வாறு போர்க்குற்றமாகும் என்று இலங்கை ஜனாதிபதி மகிந்த ராஜபக்ஷ கேள்வியெழுப்பியுள்ளார். தன்னை மின்சார நாற்காலிக்கு அனுப்ப சிலர் முயற்சிப்பதாகவும் அவர் கூறியுள்ளார்.

தலைநகர் கொழும்பில் மாநகரசபை மைதானத்தில் நடைபெற்ற ஆளும் ஐக்கிய மக்கள் சுதந்திரக்கூட்டமைப்பு அரசாங்கத்தின் மேதின நிகழ்வில் உரையாற்றிய போதே ஜனாதிபதி இவ்வாறு கூறினார். 

தற்கொலை செய்துகொள்ள தயாராக இருந்த ஒரு சந்ததிக்கு வாழ வழி ஏற்படுத்திக்கொடுத்தமை மனித உரிமை மீறலாகுமா என்றும் மகிந்த ராஜபக்ஷ மேதின உரையில் கேள்வியெழுப்பினார். இலங்கையில் மனித உரிமை மீறல்கள் இடம்பெற்றுள்ளதாக அறிக்கை தயாரிப்பவர்கள் பொறுப்புடன் நடந்துகொள்ள வேண்டுமென்றும் ஜனாதிபதி கூறினார்.

நாட்டில் மனித உரிமை மீறல் இடம்பெற்றுள்ளதாக பொய்க்குற்றச்சாட்டு கொண்டுவருவதன் மூலம் நாட்டு மக்கள் மத்தியில் மீண்டும் குழப்பம் ஏற்படுத்த முனைய வேண்டாம் என்றும் மகிந்த ராஜபக்ஷ தெரிவித்தார்.  வடக்கு கிழக்கில் மட்டுமன்றி நாடு முழுவதும் முன்னெடுக்கப்படும் அபிவிருத்திப் பணிகளை இதன் மூலம் சீர்குலைக்க வேண்டாம் எனவும் அவர் தனது உரையில் தெரிவித்துள்ளார். 

இதேவேளை, தனியார் துறையினர் மற்றும் வெளிநாடுகளில் தொழில் புரிவோருக்காக விசேட ஓய்வூதிய திட்டமொன்றைக் கொண்டுவரும் அரசாங்கத்தின் முயற்சியை எந்தத் தடைகள் வந்தாலும் நிறைவேற்றியேத் தீருவேன் என்றும் ஐனாதிபதி மகிந்த ராஜபக்ஷ தனது மே தினச் செய்தியில் சூளுரைத்தார்.