1000, 500 ரூ. தாள்களைச் செல்லாது என்று அறிவித்ததன் மூலம் புழக்கத்திலிருந்த 15.44 லட்சம் கோடி ரூபாய் முடங்கியது. அதில் 3 அல்லது 4 லட்சம் கோடி ரூபாய் கள்ளப்பணமாக இருக்கும் என்று அரசு நினைப்பதாகச் செய்திகள் வந்தன. அடடா, அத்தனை லட்சம் கறுப்புப்பணம் பிடிபடுவது நாட்டிற்கு நல்லதுதானே என்று அப்பாவி மக்கள் ஆசையோடு காத்திருந்தனர். இப்போது ரிசர்வ் வாங்கி அறிக்கை வெளியிட்டுள்ளது. 15.44 லட்சம் கோடியில் 15.28 கோடி திரும்ப வந்துவிட்டதாம்.
அதாவது 99% பணம் வெள்ளைப்பணமாக வந்து சேர்ந்துவிட்டது. இன்னும் மாவட்டத் தலைநகரங்களில் உள்ள கூட்டுறவு வங்கியில் செலுத்தப்பட்ட பணம் இதில் சேர்க்கப்படவில்லையாம். அதையும் சேர்த்தால், 99.5% சதவீதம் பணம் வந்திருக்கக்கூடும். அப்படியானால் கறுப்புப்பணம் எங்கே? யாருக்கும் தெரியவில்லை. ஒன்று மட்டும் தெரிகிறது. இப்படியெல்லாம் கருப்புப்பணத்தை ஒழிக்க முடியாது என்பது. இதனால் துயரப்பட்டவர்கள், ஏழை, எளிய மக்களும், நடுத்தட்டு மக்களும்தான்!
கோடிக்கணக்கில் பணம் வைத்திருந்தவர்கள், வங்கிகளின் வாசல்களில் நிற்காமலே எல்லாவற்றையும் மாற்றிவிட்டார்கள். இதனால் ஏற்பட்டுள்ள சோகங்கள் இன்னும் உள்ளன. மீண்டும் தாள்களை அச்சடிப்பதற்கு இரண்டு மடங்கு செலவு ஆகியுள்ளதாக, டைம்ஸ் ஆப் இந்தியா ஏடு ஒரு தகவலை வெளியிட்டுள்ளது. பலர் வேலை வாய்ப்பை இழந்தனர். நில விற்பனை (ரியல் எஸ்டேட்) பெரும் சரிவுக்கு உள்ளானது. விலைவாசி ஏறி விட்டது. மக்கள் மேலும் மேலும் துன்பத்திற்கு ஆளானதுதான் மிச்சம்! /subavee-blog.blogspot.ca/2017/09/blog-post_5.html
கருத்துகள் இல்லை:
கருத்துரையிடுக