இந்தியாவில் உள்ள தரமான கல்லூரிகளில் 21% தமிழ்நாட்டில் .. 182 கல்லூரிகள் தரவரிசையில் இடம் பிடித்துள்ளன

Ravishankar Ayyakkannu : இந்தியக் கல்லூரிகளுக்கான தேசிய அளவிலான தர வரிசையில் தமிழகத்தில் இருந்து மட்டும் 182 கல்லூரிகள் இடம்பிடித்துள்ளன.
அதாவது, இந்தியாவில் உள்ள தரமான கல்லூரிகளில் 21% தமிழ்நாடு என்னும் ஒரே மாநிலத்தில் அமைந்துள்ளது.
* பீகார், குஜராத், மத்தியப் பிரதேசம், ஒடிசா, ராஜஸ்தான், உத்தரப் பிரதேசம் என்னும் ஆறு பெரிய மாநிலங்களையும் சேர்த்தே 127 கல்லூரிகள் மட்டும் தான். இது தமிழகத்தின் கல்லூரிகளில் மூன்றில் இரண்டு பங்கு மட்டும் தான்.

* இந்தியாவில் Top 200 கல்லூரிகளில் 74 கல்லூரிகளுடன் தமிழகம் முதலிடம் வகிக்கிறது. அதற்குப் பிறகு கேரளம் (42), தில்லி (37) உள்ளன. பல பெரிய மாநிலங்களில் இருந்து ஒரு கல்லூரி கூட இந்தப் பட்டியலில் இல்லை.
* இந்த Top 74 கல்லூரிகளில் 17 மட்டும் தான் சென்னையில் உள்ளன. மீதி 57ம் தமிழ்நாட்டின் வெவ்வேறு நகரங்களில் பரந்து விரிந்துள்ளன.
வெறும் கையெழுத்து போட்டுப் படிப்பறிவுக் கணக்கு காட்டுவது அல்ல.
அனைத்து சாதியினருக்கும் நகரங்களுக்கும் பரவலான உயர் கல்வி.
மாவட்டம் தோறும் அரசு கல்லூரிகள். அதே வேளை, தனியார் என்றாலும் தரமான கல்வி.
இது தான் தமிழ்நாடு.
இது தான் திராவிடம்.