* 20 வருடத்திற்கு முன் நியாய தராசு, கோபுரவாசலிலே போன்ற படங்களை தயாரித்தவர் மு.க.தமிழரசு. சினிமாவே வேண்டாம் என திரையுலகை விட்டு விலகி இருந்தவர் தனது மகனுக்காக ரூ.5 கோடி முதலீட்டில், வம்சம் படத்தை தயாரிக்கிறார்.
* டைரக்டர் பாண்டியராஜ் எழுதியிருக்கும் சுவடு சுவடு என்ற பாடலை டைரக்டர்கள் சசிக்குமார், சமுத்திரகனி மற்றும் பாண்டியராஜ் மூவரும் சேர்ந்து பாடியுள்ளனர்.
* மு.க. தமிழரசு அவர்களின் இரண்டாவது மகன் அருள்நிதி, ஹீரோவாக அறிமுகம் ஆகிறார்.
* நடிகர் கிஷோர் கவுரவ தோற்றத்தில் நடித்துள்ளார். அருள்நிதியின் அப்பாவாக ரவுடி ரத்தினம் கேரக்டரில் மிரட்டியுள்ளார்.
* புதுக்கோட்டை முழுவதும் மற்றும் அதை சுற்றியுள்ள கிராமங்களான வீராச்சிலை, திருமயம், பனையபட்டி, நர்சாந்துபட்டி போன்ற பகுதிகளில் கிட்டதட்ட 85 நாட்கள் படப்பிடிப்பு நடத்தியுள்ளார் இயக்குனர் பாண்டியராஜ்.
* படத்தில் முக்கியமாக 15 திருவிழாக்களை பெரிய அளவில் படம் பிடித்துள்ளனர். குதிரை பந்தயம், மஞ்சுவிரட்டு, மாட்டுபந்தயம் ஆகிய காட்சிகள் நேரடியாகவே பயன்படுத்தி உள்ளனர்.
* பசங்க படத்தில் வாத்தியராக நடித்த ஜெயபிரகாஷ், வம்சம் படத்தில் சீனிகண்ணு என்ற வில்லன் கேரக்டரில் நடித்துள்ளார்.
* சுனேனா இதுவரை நடிக்காத பாவடை தாவணியில், முழு கிராமத்து பெண்ணாக மலர்கொடி என்ற கேரக்டரில் வாழ்ந்துள்ளார்.
* பசங்க படத்தில் புஞ்சிமா, பக்கடா, குட்டி மணி, மனோன்மணி ஆகிய நான்குபேரும் இந்த படத்தில் நடித்துள்ளனர். அருள்நிதியின் அம்மாவாக நடிகை அனுதமா மூன்று விதமான கேரக்டர் ரோலில் நடித்துள்ளார்.
* என்னங்க என்ற புதுக்கோட்டை வட்டார வழக்கு வார்த்தையை ஒரு பாடலாகவே பயன்படுத்தி உள்ளார் இயக்குனர்.
* இந்த படத்தின் ஒளிப்பதிவாளர் மகேஷ் முத்துசாமி இரண்டு விதமான கேமிராவை பயன்படுத்தி உள்ளார். நேரடி காட்சிகளுக்கு சூப்பர் 35வையும், பிளாஸ்பேக் காட்சிகளுக்கு சூப்பர் 16 கேமிராவையும் பயன்படுத்தி இருக்கிறார். படம் பார்க்கும் போது இந்த வித்தியாசம் தெரியவருமாம்.
* இந்த படத்தின் மூலம் இசையமைப்பாளராக அறிமுகமாகியுள்ளார் தாஜ் நூர். இவர் ஏ.ஆர்.ரஹ்மானின் உதவியாளர் ஆவார்.
கருத்துகள் இல்லை:
கருத்துரையிடுக