கர்நாடகா அரசுத் தரப்பில் ஆஜரான மற்றொரு மூத்த வழக்கறிஞர் துஷ்யந்த் தாவே வாதிட்டதாவது:ஆதாரங்களை முறையாக பரிசீலிக்காமல்,கர்நாடகா ஐகோர்ட் அளித்த தீர்ப்பு, தவறானது. 2015, மே, 11ல், கர்நாடகா ஐகோர்ட் பிறப்பித்த தீர்ப்பை ரத்து செய்ய வேண்டும் அல்லது, வழக்கை மீண்டும் விசாரிக்க ஐகோர்ட்டுக்கு திருப்பி அனுப்ப வேண்டும். விசாரணை நீதிமன்ற சாட்சியங்களை மறுஆய்வு செய்ய முடியாது. ஐகோர்ட் தீர்ப்பு சரியா, இல்லையா என்று மட்டுமே சுப்ரீம் கோர்ட் ஆய்வு செய்ய முடியும்
தப்பிவிடலாம்:; விசாரணை நீதிமன்றத்தின் தீர்ப்பை மாற்றுவதற்கு உரிய காரணங்களை ஐகோர்ட் நீதிபதி குறிப்பிடவில்லை. ஐகோர்ட் தீர்ப்பை ரத்து செய்யாவிட்டால், ஊழலை ஒழிக்க கொண்டு வரப்பட்ட லஞ்ச ஒழிப்பு சட்டத்தின் நோக்கமே பயனற்றதாகி விடும். அதேபோல, ஊழல் வழக்கில் இருந்து தப்பி விடலாம் என்றதவறான சமிக்கையை, அரசு ஊழியர்களுக்கும், அரசியல்வாதிகளுக்கும் அளித்துவிடும்.இவ்வாறு அவர் வாதிட்டார்.
அப்போது குறுக்கிட்ட நீதிபதிகள் கூறியதாவது:எங்களுக்கு மூன்று வாய்ப்புகள் உள்ளன. ஒன்று, ஜெயலலிதாவை விடுதலை செய்து ஐகோர்ட் பிறப்பித்த தீர்ப்பை உறுதி செய்யலாம்; இரண்டு, அந்த தீர்ப்பை ரத்து செய்து, தண்டனையை உறுதி செய்யலாம்; வழக்கை மீண்டும் ஐகோர்ட்டுக்கு திருப்பி அனுப்புவது அல்லது விசாரணை நீதிமன்ற தீர்ப்பு தவறு என தெரிய வந்தால், அந்த தீர்ப்பை ரத்து செய்து, மறு விசாரணைக்கு உத்தரவிடலாம்.
வாதங்கள் நிறைவு
வருமானத்துக்கு அதிகமாக சொத்துக்கள் சேர்ப்பது குற்றமல்ல; சொத்துக்கள் சட்டப்பூர்வமான வருமானத்தில் வாங்கப்படவில்லை என, அரசுத்தரப்பு நிரூபிக்க முடியும் என்றால் மட்டுமே, அது குற்றமாகிறது.இவ்வாறு நீதிபதிகள் கருத்து தெரிவித்தனர்.வழக்கில் குற்றம் சாட்டப்பட்டிருந்த நான்கு பேர் தரப்பு வாதங்கள் நேற்றுடன் முடிவடைந்தன. இதையடுத்து, வழக்கின் விசாரணையை, நீதிபதிகள், ஜூன் 7க்கு தள்ளிவைத்தனர்.
கருத்துகள் இல்லை:
கருத்துரையிடுக