13ம் திருத்தச்சட்டம் விரைவில் மாற்றியமைக்கப்படும்.

இந்திய இலங்கை ஒப்பந்தத்தினூடாக 1987ம் ஆண்டு மாற்றியமைக்கப்பட்ட அரசியல் அமைப்பின் 13ம் திருத்தச்சட்டமூலத்தில் மேலும் மாற்றங்கள் கொண்டுவரப்படவுள்ளதாக சிரேஸ்ட அமைச்சர் ஒருவர் தெரிவித்துள்ளார். 18ம் திருத்தச் சட்டம் வெற்றிகரமாக மாற்றியமைக்கப்பட்டுள்ளமை யாவரும் அறிந்ததே.

அத்துடன் பாராளுமன்ற தேர்தல் முறைமையில் மாற்றத்தை ஏற்படுத்தல் உள்ளிட்ட சில திருத்தங்கள் விரைவில் நிறைவேற்றப்படும் எனக் குறிப்பிடப்படுகிறது. விருப்பத் தெரிவு மற்றும் தொகுதிவாரி முறைமைகள் அறிமுகப்படுத்தப்பட உள்ளதாகத் தெரிவிக்கப்படுகிறது.

இதேவேளை, உள்ளுராட்சி மன்றத் தேர்தல் முறைமை தொடர்பான திருத்தங்களுக்கு அமைச்சரவை ஏற்கனவே அனுமதி வழங்கியுள்ளதாகவும் விரைவில் திருத்தங்கள் பாராளுமன்றில் சமர்ப்பிக்கப்படும் எனவும் அவர் குறிப்பிட்டுள்ளார்.