புதன், 17 நவம்பர், 2010

விஜய் -இலியானா-ஹாரிஸ் கூட்டணியில் ஷங்கரின் '3 இடியட்ஸ்'!

Ileanaஒரு வழியாக 3 இடியட்ஸ் ரீமேக்கை உறுதி செய்தார் ஷங்கர். இந்தப் படத்துக்காக முதல் பாடல் கம்போஸிங் முடிந்துவிட்டது.

ரஜினி நடித்த எந்திரன் படத்துக்குப் பிறகு, ஷங்கர் இயக்கத்தில் அடுத்த படம் குறித்து பெரும் எதிர்ப்பார்ப்பு நிலவியது.

இந்த நிலையில், இந்தியில் வெளியாகி பெரும் வெற்றி பெற்ற 3 இடியட்ஸ் படத்தை விஜய்யை வைத்து ஷங்கர் ரீமேக் செய்வார் என்று கூறப்பட்டது. ஆனாலும் ஷங்கர் இதுபற்றி எதுவும் கூறாமல் இருந்தார்.

இப்போது இந்தப் படத்தைத் தயாரிக்கும் ஜெமினி பிலிம் சர்க்யூட், படத்துக்கு இசையமைக்கும் ஹாரிஸ் ஜெயராஜ் உள்பட பலரும் இந்தப் படத்தில் தங்கள் பங்களிப்பு குறித்து பேச ஆரம்பித்துள்ளனர். இந்நிலையில் ஷங்கரும் இந்தப் படத்தை இயக்குவதை உறுதிப்படுத்தியுள்ளார்.

விஜய், ஜீவா, ஸ்ரீகாந்த் நடிக்கும் இந்தப் படம் டிசம்பர் 6-ம் தேதி துவங்குகிறது.

ஹாரிஸ் ஜெயராஜ் இசையமைக்கிறார். விஜய் படத்துக்கு ஹாரிஸ் இசையமைப்பது இதுவே முதல்முறை.

நாயகியாக இலியானா நடிக்கிறார். அவரது தந்தையாக சத்யராஜ் நடிக்கிறார்.

கருத்துகள் இல்லை: