உழைப்பது,
உண்பது, உறங்குவது, உற்சாகப் பொழுதுபோக்குகளில் ஈடுபடுவது இவையெல்லாம்
எப்படி வாழ்வின் பகுதிகளோ அதுபோல படிப்பதும் நம் வாழ்க்கையில் அன்றாடம்
மேற்கொள்ள வேண்டிய செயல் என்ற அடிப்படையில்தான் தி.மு.க. தன் தொடக்க
காலத்தில் இருந்தே புத்தகங்களுக்கு முக்கியத்துவம் அளித்து வருகிறது.
தொடர்ந்து மேற்கொள்ளும் பணிகளில் இடையிடையே தொய்வுகள் ஏற்படும்போது அதன்
மீது கவனம் செலுத்தி, மீண்டும் அதை வேகப்படுத்துவது இயல்பு.
புது உலகம் படைப்போம்
தமிழகத்தின்
பல மாவட்டங் களிலும் தி.மு.க. அலுவலகமான ‘கலைஞர் அறிவாலயம்’ சிறந்த
முறையில் உருவாக்கப்பட்டுள்ளது. அறிவாலயம் என்ற பெயருக்கேற்ப மாவட்டக்
கட்சி அலுவலகங்களில் நல்ல முறையில் நூலகங்களை உருவாக்கி, கட்சியினரும்
பொதுமக்களும் பயன்பெறும் வகையில் அதனை சிறப்பாக நடத்தும் பணியை உலகப்
புத்தக தினமான இன்றே(நேற்றே) தொடங்கிட வேண்டும் என்று அன்புடன்
கேட்டுக்கொள்கிறேன்.
மாவட்ட அளவில் முதற்கட்டமாக
இதனை நல்லமுறையில் செயல்படுத்தத் தொடங்கியபின், நகர, ஒன்றிய அளவில் உள்ள
கட்சி அலுவலகங்களிலும் நூலகங்களைத் தொடங்க முனைப்பு காட்டிட வேண்டும்.
அடுத்த ஆண்டு உலகப் புத்தக தினம் கடைப்பிடிக்கப்படும்போது, தி.மு.க.
அலுவலகங்கள் அனைத்திலும் நூலகங்கள் சிறப்பாக செயல்பட்டு வருகின்றன என்ற
இனிப்பான செய்தியை உங்களுடன் நானும் பகிர்ந்துகொள்ள வேண்டும். புத்தகங்கள்
படிப்போம்! புது உலகம் படைப்போம்.
இவ்வாறு அதில் கூறப்பட்டுள்ளது. தினத்தந்தி
கருத்துகள் இல்லை:
கருத்துரையிடுக