: உள்ளாட்சித் தேர்தல் பணிகளின் கட்சிகள் பரபரப்பாக ஈடுபட்டு வருகின்றன. அதிமுக, தேமுதிக, பாமக ஆகிய கட்சிகள், உள்ளாட்சித் தேர்தலில் போட்டியிட விரும்பும் நபர்களிடம் இருந்து விருப்ப மனுக்களைப் பெறத் தொடங்கிவிட்டன. இந்தத் தேர்தலில் திமுக, அதிமுக அணிகள் சட்டசபைத் தேர்தலில் எதிர்கொண்டதுபோல் கூட்டணி அமைத்து போட்டியிருகின்றன. பேரவைத் தேர்தலில் திமுக கூட்டணியில் களம் கண்ட பாமக, தாங்கள் சந்தித்த படுதோல்விக்குப் பிறகு, திராவிடக் கட்சிகளுடன் இனி கூட்டணியே இல்லை என்ற முடிவுக்கு வந்துவிட்டதால், இந்த முறை தனியாகக் களம் காண்கிறது. இருப்பினும், தமிழ்ப் பாதுகாப்பு இயக்கம் என்ற வகையில் திருமாவளவனுடன் நட்புறவு கொண்டிருப்பதால், பாமக., விடுதலைச் சிறுத்தைகளுடன் இணைந்து போட்டியிடக்கூடும் என்ற எதிர்பார்ப்பு கட்சி வட்டாரத்தில் ஏற்பட்டிருக்கிறது. திமுக கூட்டணியில் உள்ள விடுதலைச் சிறுத்தைகள் தற்போதுள்ள சூழ்நிலையில் வெளியேறி வருமா என்ற கேள்வியும் பாமகவில் எழுந்துள்ளது.
கருத்துகள் இல்லை:
கருத்துரையிடுக