பாலு மகேந்த்ராவின் இயக்கத்தில் இளையராஜாவின் இசையில் தலைமுறைகள் !

தனுஷ், ப்ரியாமணி நடிப்பில் 2005-ல் பாலு மகேந்திரா இயக்கத்தில் வெளிவந்த அது ஒரு கனாக்காலம் திரைப்படம் கொடுத்த ஏமாற்றத்திற்குப் பிறகு பாலு மகேந்திரா எந்த திரைப்படத்தையும் இயக்கவில்லை.கிட்டத்தட்ட 8 வருடங்களாக தனது இயக்குனர் பயிற்சிப் பள்ளியில் ஏராளமான மாணவர்களுக்கு டைரக்‌ஷன் சொல்லிக் கொடுத்துக்கொண்டிருந்த  பாலுமகேந்திராவின் அடுத்த படைப்பு தான் தலைமுறைகள். சசிகுமார் தயாரிக்கும் இத்திரைப்படத்தை பாலு மகேந்திரா இயக்க, இளையராஜா இசையமைக்கிறார்.சில வாரங்களுக்கு முன்பு தணிக்கைத்துறையால் ’U' சான்றிதழ் பெற்ற இத்திரைப்படத்திற்கு, இளையராஜா சமீபத்தில் தான் ரீரெக்கார்டிங்கை முடித்து கொடுத்திருக்கிறார். ரீரெக்கார்டிஙை கேட்டுப்பார்த்த இயக்குனர் பாலு மகேந்திராவும், தயாரிப்பாளர் சசிகுமாரும் இளையராஜாவின் இசையைக் கேட்டு பிரம்மித்துவிட்டனராம். எனவே பாலுமகேந்திராவும், சசிகுமாரும் நேரில் சென்று இளையராஜாவை பாராட்டினர்.