தி.நகர் உள்பட பல்வேறு இடங்களில் உள்ள 28 வியாபார நிறுவனங்களின் கட்டிடங்கள் விதிகளை மீறி கட்டப்பட்டு இருப்பதாக சென்னை சிஎம்டிஏவும் அறிவித்தது. விதிமுறை மீறி கட்டப்பட்டுள்ள 26 வணிக வளாகங்களுக்கு கடந்த அக்டோபர் 30ஆம் தேதி சிஎம்டிஏவும், மாநகராட்சியும் சீல் வைத்தது.
தியாகராயநகரில், இதனால் 500க்கும் மேற்பட்ட கடைகளில் வியாபாரம் நிறுத்தப்பட்டது. இதனால் அதில் வேலை செய்த தொழிலாளர்கள் பெரிதும் பாதிப்படைந்தனர்.
இந்த நிலையில் பொங்கல் பண்டிகையை ஒட்டி சென்னை தியாகராயநகரில் 'சீல்' வைக்கப்பட்டு இருக்கும் கடைகளை திறக்க அனுமதிக்க வேண்டும் என்று தி.நகர் வியாபாரிகள் உயர்நீதிமன்றத்தில் மனுதாக்கல் செய்திருந்தனர். கடைகளை திறக்க உத்தரவிட வேண்டும் என்று கோரி, சுப்ரீம் கோர்ட்டில் வியாபாரிகள் வழக்கும் தொடர்ந்தனர். நீதிபதிகள் பண்டாரி, தீபக் மிஸ்ரா, ஆகியோர் அடங்கிய குழு முன்பு இந்த வழக்கு விசாரணைக்கு வந்தது. மனுவை விசாரித்த நீதிபதிகள், சீல்வைக்கப்பட்ட கடைகளை தற்காலிகமாக 6 வாரங்களுக்கு வியாபாரத்திற்காக திறக்கலாம் என்று நீதிபதிகள் இடைக்கால உத்தரவு பிறப்பித்தனர்.
கருத்துகள் இல்லை:
கருத்துரையிடுக