இதுதொடர்பாக நம்மிடம் பேசிய கூட்டணிக் கட்சியின் நிர்வாகி ஒருவர், " ஜி.கே.வாசனுக்கு 26 இடங்கள் ஒதுக்கப்பட வேண்டும் என்ற கோரிக்கை வந்தபோது, விஜயகாந்த், திருமா உள்ளிட்டவர்கள் தங்களிடம் இருந்த சீட்டுகளை பிரித்து த,மா.காவுக்கு ஒதுக்கினர். தலைவர்களின் பெருந்தன்மையால் வாசன் ரொம்பவே மகிழ்ந்து போனார். தொகுதிப் பங்கீட்டில் சிக்கல் வந்தாலும், சிந்தாமல் சிதறாமல் கூட்டணியைக் கொண்டு செல்ல வேண்டும் என்பதில் விஜயகாந்த், வாசன், திருமா உள்ளிட்டவர்கள் உறுதியாக நிற்கின்றனர். இதே நிலைப்பாடுதான் சி.பி.எம் கட்சியின் ஜி.ராமகிருஷ்ணனுக்கும், சி.பி.ஐ கட்சியின் முத்தரசனுக்கும். ஆனால், வைகோ என்ன மனநிலையில் இருக்கிறார் என்பதையே புரிந்து கொள்ள முடியவில்லை. தே.மு.தி.க, சி.பி.எம் வெற்றி பெற்ற சிட்டிங் தொகுதிகளிலேயே வைகோ குறியாக இருந்தார். இத்தனைக்கும் கூட்டணியின் செல்வாக்கான கட்சியாக தே.மு.தி.க இருக்கிறது. அடுத்தபடியாக, சி.பி.எம்மும், சி.பி.ஐயும் இருக்கின்றன. இந்த மூன்று கட்சிகளுக்கும் சட்டமன்றத்தில் போதுமான எண்ணிக்கையில் பிரதிநிதிகள் இருக்கிறார்கள். மற்றவர்களுக்கு அப்படி எந்த பிரதிநிதித்துவமும் இல்லை. இதை உணர்ந்து வாசன், திருமா உள்ளிட்டவர்கள் தங்களுக்கு பலம் வாய்ந்த தொகுதிகளை மட்டும் கேட்டு பெறுகின்றனர். அடுத்த கட்சியின் சிட்டிங் தொகுதிக்குள் கால் வைக்க நினைக்கவில்லை.
ஒவ்வொரு
தேர்தலிலும் தனித் தொகுதிகள் மட்டுமே ஒதுக்கப்படுவதை திருமாவளவன்
விரும்பவில்லை. 'பொதுத் தொகுதிகளில் போட்டியிடும்போதுதான் அனைத்து தரப்பு
மக்களையும் ஈர்க்க முடியும்' என நினைக்கிறார். இதற்காக, திருமாவுக்கு
ஒதுக்கப்பட்டுள்ள 25 தொகுதிகளில் முப்பது சதவீதம் பொதுத் தொகுதி வேண்டும்
என விரும்புகிறார். இதில் நிறைய தொகுதிகளில் சி.பி.எம்மோடும்,
தே.மு.தி.கவோடும் முரண்பட்டார் திருமா. கடலூர் மாவட்டத்தில் சிதம்பரம்
தொகுதியைக் கேட்டார் திருமா. அது சி.பி.எம்மின் சிட்டிங் தொகுதி. அங்கு
அவர்கள் கட்சியின் கே.பாலகிருஷ்ணன் எம்.எல்.ஏவாக இருக்கிறார். பண்ருட்டி,
திட்டக்குடி தொகுதியையும் விரும்பினார். இரண்டுமே தே.மு.தி.கவின் சிட்டிங்
தொகுதி. அதையும் விட்டுக் கொடுக்க தே.மு.தி.க விரும்பவில்லை.
புதுச்சேரியில் தொகுதிகளைப் பங்கிட்டுக் கொள்வதிலும் சிக்கல் நீடித்தது.
இருந்தாலும், தலைவர்களின் மனநிலைக்கு ஏற்ப அனுசரித்துப் போனார் திருமா.
கருத்துகள் இல்லை:
கருத்துரையிடுக