அந்த மனுவில், ஒருங்கிணைந்த ஆந்திராவில் கடந்த ஆண்டு சட்டப்பேரவை தேர்தல் நடந்தது. அதில், கம்மம் மாவட்டத்தில் உள்ள வைரா தொகுதியில் காங்கிரஸ் சார்பில் போட்டியிட சீட் வாங்கித் தருகிறேன். அதற்காக ரூ.1.10 கோடியை எனக்கு தரவேண்டும் என்று, என் கணவர் ராம்ஜி நாயக்கிடம் ரேணுகா சவுத்ரி உறுதி அளித்தார். அந்த தொகை, 2013, மே 30ம் தேதி ரேணுகாவிடம் அளிக்கப்பட்டது. ஆனால் சொன்னபடி, என் கணவருக்கு அவர் எம்எல்ஏ சீட் வாங்கி தரவில்லை. பணத்தை மோசடி செய்து விட்டார். அத்துடன் கடன் சுமை தாங்க முடியாமல் என் கணவர் மனமுடைந்து இறந்து போனார். எனவே, சம்பந்தப்பட்ட ரேணுகா சவுத்ரி மீது உரிய நடவடிக்கை எடுக்க வேண்டும் என் கணவர் கொடுத்த பணத்தை திருப்பி வாங்கித் தர வேண்டும் என்று கூறப்பட்டுள்ளது.
இந்த புகார் மனுவை விசாரணைக்கு ஏற்றுக் கொண்ட உயர்நீதிமன்றம், உரிய நடவடிக்கை எடுக்குமாறு போலீசுக்கு உத்தரவிட்டது. அதன்பேரில், எம்பி ரேணுகா சவுத்ரி மீது மோசடி (420), எஸ்சி/எஸ்டி வன்கொடுமை தடுப்பு சட்டம் உள்ளிட்ட பிரிவுகளின்கீழ், தெலங்கானா போலீசார் வழக்குப் பதிவு செய்துள்ளனர். சட்டப்படி வழக்கை சந்திப்பேன் இது குறித்து ரேணுகா சவுத்ரி அளித்த பேட்டியில், எனக்கு எதிரான குற்றச்சாட்டுகள் உண்மையானது அல்ல. அரசியல் பழிவாங்கும் நடவடிக்கையாக உள்ளது. இந்த விவகாரத்தில் உயர்நீதிமன்றம் நடவடிக்கை எடுத்து வருகிறது. என் மீதான புகார்களை நான் சட்டப்படி எதிர்கொள்வேன்Ó என்று கூறினார். எம்எல்ஏ சீட் வாங்கித் தருவதாக, ரேணுகா சவுத்ரி உறுதி அளித்ததாகக் கூறப்படும் வைரா சட்டசபை தொகுதியில், முதல்வர் சந்திரசேகர ராவின் டிஆர்எஸ் கட்சி வெற்றி பெற்றது குறிப்பிடத்தக்கது. dinakaran.com
கருத்துகள் இல்லை:
கருத்துரையிடுக