கடந்த 10 ஆண்டுகளில் மக்களின் அத்தியாவசிய தேவைகளை கூட காங்கிரஸ் கூட்டணி அரசால் நிறைவேற்ற முடியவில்லை. நாட்டின் பாதுகாப்பு காரியங்களில் கூட மத்திய அரசு மிகவும் அலட்சியமாக உள்ளது. நமது எல்லையை கடந்து பாகிஸ்தான் ராணுவம் இந்திய வீரர்களை தாக்கியபோது பாதுகாப்பு அமைச்சர் ஏ.கே.அந்தோணி நாடாளுமன்றத்தில் பாகிஸ்தான் ராணுவத்துக்கு ஆதரவாக பேசினார். அந்தோணியின் இந்த நடவடிக்கைக்கு நமது ராணுவ அதிகாரிகளே கடும் எதிர்ப்பு தெரிவித்தனர். இந்திய ராணுவத்திடம் உள்ள 95 சதவீத ஆயுதங்கள் மிகவும் பழையவை. நாட்டின் பாதுகாப்பு பொறுப்பை வசிக்கும் அமைச்சர் ஏ.கே.அந்தோ
ணிக்கு இது குறித்து ஏதாவது தெரியுமா என தெரியவில்லை. நாட்டின் கடற்படை தளபதி ராஜினாமா செய்துவிட்டார். புதிய தளபதி இன்னும் நியமிக்கப்படவில்லை. பரந்து விரிந்து கிடக்கும் நமது நாட்டின் கடல் எல்லையை எப்படி பாதுகாக்க போகிறார்கள் என தெரியவில்லை. போர் விமானங்கள் நொறுங்கி விழுகின்றன. இதற்கு என்ன காரணம் என்பது குறித்து நாட்டு மக்களுக்கு அந்தோணி தெளிவுபடுத்த வேண்டும். மத்தியில் ஆட்சி செய்யும் காங்கிரஸ் கூட்டணி அரசுக்கு நாட்டின் பாதுகாப்பு குறித்து எந்த அக்கறையும் இல்லை. நமது நாட்டுக்கு இப்படி ஒரு ஊனமான அரசு தேவையில்லை. இந்தியாவை
வல்லரசாக்குவதற்கு ஒரு வலிமையான அரசுதான் தேவையாகும். கேரள மாநிலம் சமீப காலமாக தீவிரவாதிகளை உருவாக்கி வளர்க்கும் நர்சரி பள்ளிக்கூடமாக மாறிவிட்டது. சுற்றுலா பயணிகளை அதிகமாக கவரும் மாநிலங்களில் ஒன்றான கேரளா, இப்போது தீவிரவாதிகளை பராமரிக்கும் மாநிலமாக மாறிவிட்டது. சுற்றுலா உட்பட பல்வேறு துறைகளில் கேரள மாநிலத்தால் பல சாதனைகளை படைக்க முடியும். ஆனால், துரதிருஷ்டவசமாக இம்மாநிலம் சமீப காலமாக அனை த்து துறைகளிலும் பின்தங்கி வருகிறது. இவ்வாறு நரேந்திர மோடி பேசினார். dinakaran .com
கருத்துகள் இல்லை:
கருத்துரையிடுக