மோடியை புகைப்படம் பிடிப்பதிலிருந்து, ஆட்களை அழைத்து வருவது, உள்ளூர்
சில்லறை மற்றும் மொத்த விற்பனை பிரமுகர்களை காட்டுவது, வசனங்களை
தயாரிப்பது, ஊடகங்களில் மானே தேனே போட்டு எழுதிக் கொடுப்பவது வரை
பெரும்படையே அங்கும் இங்கும் வேலை செய்கிறது. ஆனாலும் ஒரு குற்றவாளியை
இப்படி வாஷிங்டன் சென்ட் போட்டு மறைக்க முடியுமா?ஆர்.எஸ்.எஸ், மோடி, பா.ஜ.க வகையறாக்களை ஆதரிக்கும் என்.ஆர்.ஐக்களைப் போலவே எதிர்க்கும் மக்களும் அங்கிருக்கிறார்கள்.
இது மோடியின் ஒவ்வொரு வெளிநாட்டுப் பயணத்திலும் நடந்து வருகிறது என்றாலும் ஊடக துப்பறியும் புலிகள் எதுவும் இதை கண்டுகொள்வதில்லை.
அமெரிக்காவிலும் மோடியின் கயமைத்தனத்தை எதிர்க்கும் இந்தியர்களும் பிற
நாட்டவரும் குறிப்பிடத்தக்க அளவில் இருக்கின்றனர். “சிலிக்கான் வேலியில்
இந்திய மக்கள் அமோக வரவேற்பு” என்று ஊடகங்களில் இன்று காட்டப்பட்டிருக்கும்
தலைப்புச் செய்தியை கவனியுங்கள். இது முற்றிலும் மோடியின் விளம்பரப்
பிரிவு தயாரித்து நடத்தும் மேடை நாடகம் அன்றி வேறல்ல.
பாசிச மோடியை வரவேற்கவில்லை!
இந்த ஆர்ப்பாட்டத்தில் நரவேட்டை மோடியின் வரலாறு, புள்ளிவிபரங்கள், வெறுப்புணர்வு, சகிப்பின்மை, சிறுபான்மையினர்க்கு எதிரான துவேசம் அனைத்தும் தோலுரிக்கப்பட்டன. இது மோடி அண்ட் கோ எதிர்பாராத திருப்பமாக அமைந்து விட்டது.
மோடி: இந்தியாவின் பிரதம கொலையாளி!
“நாங்கள் எதிர்பார்த்ததை விட மக்கள் அதிகம் கலந்து கொண்டது ஆச்சரியமளிக்கிறது” என்கிறார் கூட்டமைப்பின் பஜன் சிங். இதற்கென பல்வேறு நகரங்களில் இருந்தும் புறப்பட்டு வந்திருக்கின்றனர். இவை அனைத்தும் மோடியின் கிரிமினல் வரலாற்றின் மேல் மக்கள் கொண்டிருக்கும் கோபத்தைக் காட்டுகிறது.
முஸ்லீம்கள்,
கிறித்தவர்கள், தலித்துக்கள், பெண்கள் மீது ஆர்.எஸ்.எஸ் கும்பலும்
மோடியின் நிர்வாகமும் தொடுத்திருக்கும் தாக்குதலை கண்டித்து மக்கள்
ஆர்ப்பாட்டத்தில் பேசினர். அமெரிக்காவின் உள்ளூர் அரசியல் பிரமுகர்கள் இந்த
ஆர்ப்பாட்டத்தை அதிகம் கண்டுகொள்ளவில்லை. ஓரிருவர் பெயரளவுக்கு அறிக்கைகள்
விட்டதோடு சரி. என்ன இருந்தாலும் அமெரிக்க முதலீடு இந்தியா வந்து அள்ளிக்
கொண்டு போவதற்கு மோடியை விட்டுக் கொடுக்க முடியாது அல்லவா?ஆர்ப்பாட்டத்தில் பேசியவர்கள் மோடியின் லீலைகளை பிட்டுப்பிட்டு வைத்தனர். டிஜிட்டல் இந்தியாவுக்காக உருகும் மோடி அதே டிஜிட்டல் உலகில் அவரை எதிர்த்து எழுதியவர்களை கைது செய்த அயோக்கியத்தனத்தை ஒருவர் பேசினார். என்.ஜி.வோக்கள் மற்றும் அம்னஸ்டி அமைப்பு, கிரீன் பீஸ்ஸுக்கு எதிரான மிரட்டலை மற்றொருவர் விளக்கினார். குஜராத் இனப்படுகொலை தொட்டு பல்வேறு வகைகளில் இந்திய மக்கள் கொல்லப்படுவதையும் அதில் மோடி மற்றும் சங்க பரிவாரத்தின் பங்கையும் சிலர் பேசினர்.
“எங்களது பெயரில் வன்முறை கூடாது” – மோடியை எதிர்க்கும் குஜராத்தின் இந்துக்கள்!
மோடியின் விளம்பர ஜோடனைகள் ஆரம்பமாகிய உடனேயே இந்த எதிர்ப்பு இயக்கம்
#ModiFail campaign ஆரம்பித்து விட்டது. இதை தன்னார்வத் தொண்டு
நிறுவனங்கள், மனித உரிமை, ஜனநாயக, மதச்சார்பற்ற இயக்கங்கள் அனைத்தும்
நடத்தியிருக்கின்றன. இந்த ஆர்ப்பாட்டத்தை இந்திய , அமெரிக்க அரசுகள்
விரும்பாமல் இருந்தாலும், இரு நாட்டு ஊடகங்கள் கண்டு கொள்ளாமல் இருந்தாலும்
இந்த எதிர்ப்பை மறைக்க முடியாது.வரலாற்றின் குப்பைத் தொட்டியில் குந்தியிருக்க வேண்டிய இந்த குற்றவாளியை இங்கு மட்டுமல்ல எங்கும் எவரும் ஏற்க மாட்டார்கள் என்பதையே சிலிக்கான் வேலி ஆர்ப்பாட்டம் உணர்த்துகின்றது.
மேலும் படிக்க vinavu.com
கருத்துகள் இல்லை:
கருத்துரையிடுக