திங்கள், 11 ஜனவரி, 2021

க்ரிப்டோ கரன்சி ?.. டிஜிட்டல் எண்களை கோடிகள் பெறும் என்று நம்பி ஏமாந்து.. பல பில்லியன் டாலர்களை இழந்த....

Narain Rajagopalan : · என்னுடைய டெலிகிராம், சிக்னல் செயலிகளில் நிறைய தெரிந்த முகங்களை கடந்த சில நாட்களாக பார்க்க முடிகிறது. நானெல்லாம் வாட்ஸாப்பினை விட்டு வெளியேறி பல வருடமாகிறது. நானே பலருக்கும் பல காலமாக சொன்னது டெலிகிராம் தான். ஏனென்றால், டெலிகிராம் உருவான கதையே ஹுசைன் சைதி எழுதுகின்ற க்ரைம் திரில்லர்களுக்கு இணையான கதை. டெலிகிராமின் கதையை இணையத்தில் தேடி படித்து கொள்ளுங்கள். என்றைக்கு வாட்ஸாப்பினை பேஸ்புக் வாங்கியதோ, அன்றைக்கே இது நடக்கும் என்று தெரியும். அதனால் தான் இன்றைக்கு வரைக்கும் இன்ஸ்டாகிராமில் எனக்கு கணக்கு கூட கிடையாது. ஒரு போதும் செல்பேசியில் ட்விட்டர், பேஸ்புக்கினை நிறுவுவதும் இல்லை. இப்போது ட்விட்டரை பயன்படுத்துவதே இல்லை. ட்விட்டர் கணக்கு என்பது எனக்கு நான் கவனித்து கொண்டு இருக்கும் ஆட்களை அவதானிப்பதற்கு மட்டுமே.
ஏற்கனவே என் மீது எல்லா நிற கட்சி, கழகம், இயக்கங்கள் காண்டில் இருப்பதால் தேடுதல் கூட கூகிள்ளில் பெரும்பாலும் கிடையாது, duckduckgo தான். உலாவியும் க்ரோமிலிருந்து பயர்பாக்ஸ் போய், இப்போது Braveனினை பரீட்சார்த்த முயற்சியில் பார்த்து கொண்டு இருக்கிறேன்.
பிட்காயின் எல்லாம் $40,000 தொட்டாலும், எனக்கு க்ரிப்டோ கரன்சிகளில் நம்பிக்கை இல்லை, ஆனால் அதன் கட்டமைப்பான ப்ளாக்செயின் மீதும், அதனால் உருவாக்கப்படும் ஸ்மார்ட் காண்ட்ராக்ட் கட்டமைப்புகளின் மீதும் ஆர்வமாய் இருக்கிறேன். பல காலம் முன்பே க்ரிப்டோ கரன்சிகளை பற்றி எச்சரித்தேன். குறிப்பாக ICO (Initial Coin Offering) என்கிற பெயரில் சில வருடங்களுக்கு முன்பு நடந்ததில் 99% ப்ராடுத்தனம் மட்டுமே. ரியல் பணத்தினை கொட்டி, டிஜிட்டல் எண்களை வாங்கி கொண்டு அவை பல கோடி பெறும் என்று ஏமாந்து உலகம் பல பில்லியன் டாலர்களை இழந்திருக்கிறது என்பது தான் கசப்பான உண்மை.
அடுத்த 5 வருடங்களில் மிக பெரிய மாறுதல்கள் வர இருக்கிறது குறிப்பாக ஹெல்த்கேர், நிதி, computational biology மற்றும் மின் வணிகத்தில்.
அடுத்த தலைமுறை சமூக வலைத்தளங்கள் பற்றிய கட்டமைப்புகள் டார்க் வெப்பில் பேச ஆரம்பித்து விட்டார்கள். சில ஆண்டுகளில் வரும். இப்போதைய பில்லியன் டாலர் நிறுவனங்கள் சேவையை இலவசமாக கொடுத்து, உங்களுடைய நேரத்தினை பணமாக்கி கொழித்து கொண்டு இருக்கிறார்கள். இந்த மாடல் கூடிய விரைவில் மாறும். நான் பல காலமாக சொல்லி கொண்டு இருக்கும் “என் டேட்டா, என் சொத்து, என் உரிமை” என்பது கூடிய விரைவில் நனவாகும் என்கிற நம்பிக்கை இருக்கிறது. பார்ப்போம்.
Either am too fast or the world is too slow to catch up. Good riddance though!

கருத்துகள் இல்லை: